|
|
 صور المهرجان بعد فوات الأوان !
|
هذه صور ليلة Sudaneseonline التي أقيمت في الخرطوم ؛
أعرف أن المناسبة فات عليها وقت ، لكن ربما لا زالت حرارتها
تسري في دم بعض من حضروها ..
كانت أمسية طيبة ، ولقاءاً لطيفاً .
أحببت أن أقاسمكم هذه المشاهد .
فشكراً لكم .
تحت شعار " دوام الحال من المحال " ، إستقبلنا من كانوا يوماً
من الأيام آلهة !!
وذلك بمقر إقامتهم الحالي :
المروحة
أكل عليها الدهر ( والعياذ بالله ) 
و..
Zoom In و Zoom Out
عصام يدقق في العدسة .
وعروس النيل ..
سيرين : أضفت على اليوم بهاءاً خاصاً وعلى اليل ألق .
سحرها باتع وطاعم .
قصي همرور :
شاب مستنير وقد أنعم عليه المولى بنعمة السمع ..
حسين ملاسي :
من الذين بذلوا جهداً مقدراً في إخراج الليلة ..
وكمان !
طلع عندو أطفال 
بكري أبو بكر
وإبراهيم بقال
طارق الأمين ( الخليه النشطة )
مقدم الليلة ومديرها ..
الأستاذ عبد الحكيم الطاهر
الفنان الدؤوب
ستيفن أوفيلا
وجداريات :
كانت لجنة الإحتفال بـ Sudaneseonline قد قررت أن تنال شرف
تكريم مجموعة من أبناء وبنات هذا الوطن الكبير :
منهم :
شيخ المصممين السودانيين وأحد أبناء الحركة الوطنية
الاستاذ جرجس نصيف
المناضلة الجسورة
سعاد إبراهيم أحمد
والمحامي والكاتب النشط
نبيل أديب عبدالله ( أحد الصامدين في وجه معاتيه
الدولة لسنين طوال ) .
حارس مرمى الوطن
حامد بريمه .
و....
نواصل ( بكل الحب ) ...
وآسفين على التأخير ..
...
طلال
|
|
 
|
|
|
|
|
|
|
|
Re: صور المهرجان بعد فوات الأوان ! (Re: معتصم الطاهر)
|
شكرا يا معتصم ..
طبعاً أحلى حاجة ، واحد يفتتح الـ Post ؛
أنا بأعتبر ده تشجيع ، ومساهمة ..
وعشان أكون واضح معاك :
أنا قاعد في حتة في الخرطوم ، إسمها نمرة 3 ،
إحتمال كبير تكن من العارفين بها ، وبإمكانياتها..
مداخلتك ؟
أسعدتني ، وما في ذلك شك ..
لكن ، كنت عايز أقول ليك إنو الحياة ( حسب مشاعري الآن ) ،
حلوة !!
ولا مصير أجمل من الحياة إلا أن نغادرها ..
حتى الآن لا أعرف أين تقيم .
إحتمال في أوروبا ، أو عرض الخليج ، أو طوله ، إحتمال
تكون في أمريكا ، وبرضو ممكن تكون معانا في السودان :
بلد المليون شهيد مربع :
شرق
وغرب
شمال
وجنوب !!
معتصم ، هل تعلم ؟
بعد أيام تحل ذكرى " حسين شريف " .
وتحل علي طبقة من المحبة والحزن والإستشراق .
وجودك يناسبني ؛
يفتح شهيتي للأيام ، وللدنيا ..
لمهرجان كبير :
مهرجان العودة
والإستقبال ( ربما )
سلام يا زول ، على كل حال ..
...
طلال
| |
|
|
|
|
|
|
|
|
|
Re: صور المهرجان بعد فوات الأوان ! (Re: عصمت العالم)
|
لايفوت الاوان
على مثل هكذا مهرجان..
وهذه الجملة الاخيرة ..كتبتها تيمنا بالآخرين .فهى لم تكن لغتى يوما حتى ..تاريخه.
ولكن هذا المهرجان ما زال يسوده الغموض..
واحب منك يا طلال ان تكشف لنا بعضا من هذا الغموض..
فما زالت الصور هى وحدها هى التى تحكى ..
وقد شغلتنى بعض التساؤلات عن اصدقائى القدامى مثل عبد الحكيم الطاهر ونجاشى ..وكيف كان اسلوب التقديم عند سلمى وطارق..وما هى الفقرات التى قدمت وكيف كانت استجابة الحضور لتلك الفقرات وهل كان هنالك جديد ..ومن هم الاعضاء الذين زاروا الخرطوم خصيصا من اجله ..غير بيان وسيد الحوش..ماهى ثمرات هذا المهرجان وهل سيكون سنويا او حتى نصف قرنيا ..هل هنالك خطط ..من وراء قيام المهرجان او ..افكار جديدة انبثقت عنه ...اشياء كثيرة تشغل البال ولا تجد الاجابه واتشوق لكى اسمع منك..اكثر
أما انا فاستخدم هذه السانحة واشكو لطوب الارض من اعمال كمبيوترى البائس هذا التى ظل يعملها فى
فأنا رسميا لا استطيع دخول معظم البوستات
مثل بوست تهنئة لصديق عبد الهادى وكوثر بمقدم مولودتهما الجديدة وانتهز هذه السانحة لابارك لهما زهرتهما الحلوة ..
وبوست هشام كمال ..ادونا رايكم
بوست الاشادة بنزاهة القرضابى وهو صديق عزيز ..جمعتنى به ظروف زيارتى الاخيرة الى الشارقة ..
بوستات كثيرة اتوق لمعاودتها ولا اقدر ..هذا غير بوست رسائل بينى وبينك يا طلال هلل له الاصدقاء ..وكنت انوى ان اكتب فيه عصارات الشجن ..لكنه صار من الممنوعات..
لا ادرى كيف دخل هذا الفيروس اللعين الى دارى ..ولكنه استوطن .."وقفل نفسى "من المواصلة والكتابة فى المنبر
سأتمسك بهذا البوست ..واشيد بتصويرك البديع
وقد اعجبتنى حقا صور الاستاذة سعاد ابراهيم احمد ..وعقبال تطفى الشمعة المية يا صديقتى الجميلة
وصورة قصى ..الولد المستنير ..مصدر فخرى واعتزازى ..
وصورة الحبيبة سيرين ..وهى سعيدة بوجودها بين "اصحاب ماما"..وقد صاروا لها اهلا..بعد ذوى القربى ..
سأواصل ..مشاهدتك ومتابعتك ياطلال حتى تنضب كاميرتك عن الاتيان بالمثير الجديد..
ولك محبتى واحترامى الفائقين..
ولمنظمى الاحتفال ومنفذيه التحية ..
ودامت الافراح.
| |
|
|
|
|
|
|
|
|
|
Re: صور المهرجان بعد فوات الأوان ! (Re: Tumadir)
|
"على مثل هكذا مهرجان..
وهذه الجملة الاخيرة ..كتبتها تيمنا بالآخرين .فهى لم تكن لغتى يوما حتى ..تاريخه."
سـلام يا بت الشيــخ،
خربتيهـا وصلحتيهـا براكى..
ما كنت يومـا أعتقـد أنك أنت بالذات تستعملى هـذا التعبيـر الشــامى، الذى يجافى اللغـة العربيــة.. فقـد عرفت اللهجـة الســودانيـة أنهـا أقرب اللهجات الى الفصحى.. ولكن بعض أخواننـا يحبون تقليد لهجـة الشـوام، لا أدرى لمـاذا.. هلى عاشـوا هناك سنين طويلـة فتحول لسـانهـم، أم أن أخواننا الشـوام ملأوا الســودان وأثروا فى اللهجـة.
"على مثل هكـذا مهـرجـان"!!!
والأصـح لغويـا، ولهجـة ســودانيـة هـو: "على مثل هـذا المهـرجان" أو "على مثل مهرجـان كهـذا"
| |
|
|
|
|
|
|
|
|
|
Re: صور المهرجان بعد فوات الأوان ! (Re: Abureesh)
|
شكراً طلال
استاذة تماضر ..
تصريح اى برنامج ليلى فى الخرطوم بنتهى الساعة الحادية عشر (مع انو بقولو حالة الطوارى انتهت لكن الحالة دى اسمها شنو ماعارف؟).. لذلك سبب الحضور الكثيف استهلاك للزمن فى التعارف
سلمى الشيخ كانت مدهشة فى التقديم ومعاها (معاك معلم) طارق الامين..
بعد نهايةالبرنامج الرسمى الناس بقوا اتنين اتنين وتلاتة تلاتة .. ولو ما حرس المتحف بقى يتحاوم منبه الناس للزمن كان جماعتك قعدو للصباح
والناس فى القعدة دى (اتنين اتنين وتلاتة تلاتة) ظهرت فكرة إنشاء دار للبورداب
فى النهاية يا استاذة تماضر الزمن كان السبب فى انه الناس ما تتناقش فى اى حاجة غير انهاتنجح البرنامج (الكثيف) الكان موضوع من قبل اللجنة المنظمة
| |
|
|
|
|
|
|
|
|
|
Re: صور المهرجان بعد فوات الأوان ! (Re: طلال عفيفي)
|
الاخ طلال عفيفي
سلام
فوات اوان ايه يا زول يا رائع
تعرف كدا الواحد فعلا شعر انو كان فى مهرجان
ولاول مرة الواحد يتمنى انو كان يكون حاضر
ابدا من وين ؟؟
تصويرك الجميل ولا من الحلوين عصافير
حسين ملاسي ولا سحر سيرين بت تماضر شيخ الدين ؟؟؟
حضور جميل بصراحة لمن الواحد شاهدو بعدستك يا طلال
واصل الجمال دا ياخ و ربنا يسعدك دائما
تحياتي
السنجك
| |
|
|
|
|
|
|
|
|
|
Re: صور المهرجان بعد فوات الأوان ! (Re: على محمد على بشير)
|
يا تماضر
البت دي قلنا لك (بخريها) وحصنيها ولو من على البعد.
ولا تكون دي عدسة طلال عفيفي؟؟؟؟؟؟
ماشاء الله غايتو,تبدو رقيقه مثل النسمه,وانا اسمع عن قوة شخصيتها وصلابتها.
شكرا يا طلال.
ويا ملاسي (عروساتك )في عمر (عرساني)
شد حيلك كان حضرنا معاكم حفلة بورداب
وحياتك الا ما تجيبهم لكن الجماعه (حيخلطوهم) قدامك غايتو(اقصد سند وحازم) شد حيلك.
تخيل بس يا ملاسي بعد كل (الزماله دي) بالذات المنبريه كان اتناسبنا؟؟؟
دي حيكون اكثر من فيلم هندي.
تحياتي لعدسة طلال وابداعه.
تراجي.
| |
|
|
|
|
|
|
|
|
|
Re: صور المهرجان بعد فوات الأوان ! (Re: طلال عفيفي)
|
أعزائي ..
سبق هذه الليلة جهد كبير ومكثف من قبل مجموعة
نشطت لإقامة هذا المهرجان ، لن أدخل طبعاً في مجازفة
حصر الأسماء ، لكن بان لي الفارق العظيم بين المنظرين
(الذين تشرفت بأن أكون أحدهم ) وبين الذين يأخذون
المهام على عاتقهم ويتعاملون مع الأمور بجد ..
عشره .. عشرين .. تلتين ..
ناجي الملك يحصي أموال الدنيا (الزايله)
حسين ملاسي
وهو يدير الإجتماع
محاولة للشرح
بكري أبوبكر
| |
|
|
|
|
|
|
|
|
|
Re: صور المهرجان بعد فوات الأوان ! (Re: الملك)
|
Quote:
طلال أزيك
وعوافى عليكـ
ما عندك لى اى صورة غير دى
...
...
شكلها جادى جدا
|
يعني يا ناجي أمرك عجيب !
أعمل ليك شنو لو شكلك كده ، أنا جايب حاجه
من عندي ؟؟
غايتو السودانيين ديل !
خلاص هاك دي وإنت في حالة إنشكاح :
ولو سمحت ما تعمل لي غلبه أنا راسي بصرف ده عليهو !
| |
|
|
|
|
|
|
|
|
|
Re: صور المهرجان بعد فوات الأوان ! (Re: طلال عفيفي)
|
طق خااااص ..
الوريف ناجي ..
اخيرا خشيت معاي الحمله لانزال صورة (الغريب) والله متوقعك من اول يوم ..
مش انت اول زول قابلتو ؟؟؟؟
تعرف الا نعمل حمله توقيعات عشان ننزل صورة الغريب !!
ولا رايك شنو نزيد (المية ضورار )!!!
| |
|
|
|
|
|
|
|
|
|
Re: صور المهرجان بعد فوات الأوان ! (Re: حسام يوسف)
|
قال رجل...
من أهل.....
انا
.... قبل ان يرتد طرفك...
جئت ببقليس، وسحر الماضي، وعبق الحاضر، ولمة الناس السمحة...
هكذا عهدناك، دوما، محلق، في أفق (خاص)...
التحايا، لقطف ايماءات، ومشاهد.. (عمرها جزء من ثانية)...
شكرا، أيها الطلال..
| |
|
|
|
|
|
|
|
|
|
Re: صور المهرجان بعد فوات الأوان ! (Re: طلال عفيفي)
|
طق خاااااص
الساده رابطة معجبي التصوير!!! ( بكره ) برضو دورو فينا حلاوه فلاشات !! ونزلو لينا قدر قدرتكم والباقي بيمشي ( متحف الصور )!!
السيد الغريب !!! عارفك جاي بكره
.................................
ناذر تصورني بغلط معاك عديل
| |
|
|
|
|
|
|
|
|
|
Re: صور المهرجان بعد فوات الأوان ! (Re: طلال عفيفي)
|
سلام للجميع ...
جد جد بكرة في شنو ؟؟ والا متين هو زاتو احتمال يكون بكرة دي مقصود بيها الليلة!!
ياخ نحن ما معاكم والا شنو ؟؟!!
فهمونا الحاصل ده والا قسماً عظماً ما نخلي الغريب يجيكم !
ياجمعة جد جد الحاصل شنو ؟؟!! وفي شنو بكرة القلتوها دي؟!!.
| |
|
|
|
|
|
|
| |
طلال عفيفي
معتصم الطاهر
عصمت العالم
Tumadir
Abureesh
abd elmniem musa
alsngaq
Hussein Mallasi
Ishraga Haimoura
Ibrahim Algrefwi
عصام عبد الحفيظ
على محمد على بشير
Tragie Mustafa
hanadi yousif
الملك
سفيان بشير نابرى
خالد ماسا
محمد حسين آدم
ناذر محمد الخليفة
حسام يوسف
عبدالغني كرم الله بشير
Samer Osman
فيس بوك
تويتر
انستقرام
يوتيوب
بنتيريست