|
كتب الكاتب الفاتح جبرا المتوفرة بمعرض الدوحة
|
|
 Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالحفيظ ابوسن)
|
Quote: شايف الحضور ضعيف عشان كده ما حا احكى ليكن
الحكايتين الـ وعدتكن بيهم ـ نخليهم نامن تجى الاميرة
والمسنوح وكان كترتو نضميكن بشرُط عليكن حضور
الملكة وضاحة |
الفاضلابي
يا زول بس ارجى بت حلتكم بت عبدالرحيم وقول قولك
الناس ديك عودي فيهم بقى عود مراة
كان لي ودالبوش بقى زي مطر شندي جوووووو تكب يوم واحد وتاني الخريف كلو ماتشوفا
وكان لي لي وضاحة بقت سجمانة ورمدانة وست ليها دريبات غادي غادي وبنقل ليها العمر لي حدو
والسير لي مردّو البدورنا بندورو اليابانا ....... تمها انا لساني يتعفف
وكان لي بت عمسيب هسي انا قتا شئ هسي تجيني ناطا
وكان لي الأميرة رايحة بين الساعات والشوكولاتا والمجوهرات عيونها طششت وإتجهرت
ود القوز بقى انصار سنة ما بخش المنبر
بس يا زول تجي بت حلتكم وكب العندك
| |
 
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالحفيظ ابوسن)
|
Quote: شايف الحضور ضعيف عشان كده ما حا احكى ليكن
الحكايتين الـ وعدتكن بيهم ـ نخليهم نامن تجى الاميرة
والمسنوح وكان كترتو نضميكن بشرُط عليكن حضور
الملكة وضاحة |
الفاضلابي
يا زول بس ارجى بت حلتكم بت عبدالرحيم وقول قولك
الناس ديك عودي فيهم بقى عود مراة
كان لي ودالبوش بقى زي مطر شندي جوووووو تكب يوم واحد وتاني الخريف كلو ماتشوفا
وكان لي لي وضاحة بقت سجمانة ورمدانة وست ليها دريبات غادي غادي وبنقل ليها العمر لي حدو
والسير لي مردّو البدورنا بندورو اليابانا ....... تمها انا لساني يتعفف
وكان لي بت عمسيب هسي انا قتا شئ هسي تجيني ناطا
وكان لي الأميرة رايحة بين الساعات والشوكولاتا والمجوهرات عيونها طششت وإتجهرت
ود القوز بقى انصار سنة ما بخش المنبر
بس يا زول تجي بت حلتكم وكب العندك
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
انتو نحن قلنا لكم ماتكتِّروا النضمى تجو
المداخلة الواحدة تكبوها مرتين وتلاتة؟
إنتو ضارباكن ملاريا ولا الكُبٌر حصل؟
غايتو استجابة لود القرشى عشان دخلاتو
قليلة نحكى عشان نعتبرو من المؤلفة قلوبهم
يمكن يدخل فى انجمامة الاميرة دى ونطلع
منو بالدرر شكلو عندو كتير .. عبدالحفيض
شغال معانا بنظام الدِّرِب التالِت ,,
ودالبوش زى القادوس المارق بره اللَّلسْ مرة يكُب
جوه السِّبلوقة ومرات يشتتها ترجع الجابيه
وضاحة زى ضُل الدومة ضُلَّها يرمى بعيد من جذورها
ود شيقوق شايفلو شوفة
الاميرة عصفورة مافى ايدها جواز سفر
بت عبدالرحيم باقية على العشرة علا القراية شايلاها منكم
المك ياهو استحق الاسم باقى تُقَّالة البيت ومافى مك بفوت ناسو
علا القدر يحكم .
ود ضرار دعواتنا ليهو ربنا يعوض عليهم عوض الصالحين وما الدنيا
الا ابتلاء نسأل الله ان يجعلهم من الذين احرزوا اعلى الدرجات فى الامتحان والذين رضى الله عنهم ورضوا عنه.
ودالقوز اظن التيمِس حقو وحلان فى جيهة ام على على قيزان الرملة
عبيد جنا الطيب ـ البوست بلاهو زى الكورس بلا فنان
ود سيد احمد ظنيتو بي حَمِّض فى الصُّور وجاييكن
بدر ود مصطفى ياقول المك اخير ودالبوش زى مطر شندى بس بدر الدين زى مطر دنقلا يوَرِّخوبا.
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالعزيز الفاضلابى)
|
Quote: ودالبوش زى القادوس المارق بره اللَّلسْ مرة يكُب
جوه السِّبلوقة ومرات يشتتها ترجع الجابيه |
يابت عبد الرحيم عشان ماتجى تقولى اشرحوا لى:
القادوس المارق بره اللَّلسْ ده زى جنا الفلاتية الشحمانة
وشايلة جناها ورا ضهرها ولما ترفع رجلها اليمين الشافع
راسو يقع شمال ونامن ترفع الشمال الشافع راسو يقع يمين
زى الزول الـ داير يَخَرِّم من الـ قِدَّامو وما قادر.
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالعزيز الفاضلابى)
|
Quote: دى اللّمانة الامَّنَتْكُن ليها اللميرة؟
يعنى نَعْرِشْ على كده ولَّ شنو فهمكن؟ |
والله يا الفاضلابي إتلومو لوم اليابا فضيل
تب ماناس سترة
الاميرة تشيل وتقش وترش في الحوش ولما سافرت امنت بنية عبدالرحيم
الامانة وهي ماقصرت والله كل يوم بتفتح الحوش ونتظر الناس لكن زولنا ود البوش جاب لي لوية رأسى تغادي
مسوي لي دية مع عيال البندر
بعدين في خبر زي الدواك
بت عبدالرحيم قالت حا تغيب مدة قد تطول او تقصر في بوست بن لادن لظروف محبطة وشفقتنا عليها
ركب الباظ أمشي شوفها في الداخلية اللتها عليك الله
أبو سن قريبو صاحبي قال لي الأيام شغال يركب الركشة وأمشي يجيب لي كيلو باسطةمن السوق ويرجع يفالد في بنياتو
وجادع الموبايل هناك
| |
|
|
|
|
|
|
|
|
 Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالله ود البوش)
|
ود المنسي والفاضلابي ذكرتوني ابوي وعمي احمد الله ارحمن بتونسوا في الديوان وائ واحد مقبل على الحيطة
قت ليك يا امحمد اخوي المفتش عوض الله السنة الفاتت طلبني لكن حرم السنة دي كان ظرط طووووووط ما القى في فرقة
وتاااااااااخ النخامة في الحيطة
على الليمان والرحمن لمن اجي العيد عشان نضرب الديوان جير علا نحك النخامة بالحكاكة ههههههه
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالله ود البوش)
|
Quote: دحين يااخوي احكي قصصك ساي
نحن في انتظارك |
ياوياودالقرشى قصة عمنا عبدالقادر جنا ود احمد ذكرتنى قصة
ولاد قرشى ـ... ولاد قرشى ديل ماشاء الله جماااعة والله يقدِّر
عليك تنشبك مع واحد منهن ,, يِتنادوا كوولهم ويعملو هجوم
مشترك ,, اخوهن العوض ده اصعب واحد فيهن اول ما اخوانو
ينادوهو لى شكلة ,, اول شئ يعملو يشرط عراقيهو من الرقبة
لى عند الكفة يخليهو عباية بس ويجدعو هناك ويصل محل الشكلة
بي سـ روالو وعكـ ازو ,, اها ما أطَوِّل عليكن ـ يوم ولاد قرشى عندهن
دَيَّة مع ناس من البلد ـ اتلملمو وغشو اخوهن العوض عشان يسوقوهو
معاهن ,, وكت وصلو بيتو قعدو ينادوا فيهو بى فوق الحيطة هو كان
نايم الضُهرية مرتو جاتُن مارقة ـ ,, مالكن فى شنو ـ من منظَرُن عرفت الفيها ـ
قالت لهن ,, طلبتَكن بي الله يارجال الراجل ده فضَلُّو فَرِد عَرَّاقى
عليكن الله تمشو تخلُّوهو.
(عدل بواسطة عبدالعزيز الفاضلابى on 10-13-2014, 11:56 PM)
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالعزيز الفاضلابى)
|
Quote: قالت لهن ,, طلبتَكن بي الله يارجال الراجل ده فضَلُّو فَرِد عَرَّاقى
عليكن الله تمشو تخلُّوهو. |
هههههههههههههههههههههههههههههههههههههههههههههههههه
شرطن جت عليهن ههههههههههههههه
والله اولاد قرشي ديل زي كـــلاب عمي علي ود بله
الناس اشتكوا من كلابــو قاليهم دي حسادة منكم ساهي
انا عندي كلاب
غير جابنو واولادا السبعة وال###### الضكر ؟ انا عندي كــــــلاب
.
.
والله يا الفاضلابي عندنا واحد اسمو عبدالماجد لمن ازعل وساعة الشكلة بعضي اصبعو السبابة
بعضي فيهو من هو شافع ولمن بقى راجل اصابعيهو جت كبرن علا الاصبع المعضوض زي اصبع الشافع
موقف منو الدم كلو كلو ههههههههه
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالعزيز الفاضلابى)
|
Quote: ود المنسي والفاضلابي ذكرتوني ابوي وعمي احمد الله ارحمن بتونسوا في الديوان وائ واحد مقبل على الحيطة
قت ليك يا امحمد اخوي المفتش عوض الله السنة الفاتت طلبني لكن حرم السنة دي كان ظرط طووووووط ما القى في فرقة
وتاااااااااخ النخامة في الحيطة
على الليمان والرحمن لمن اجي العيد عشان نضرب الديوان جير علا نحك النخامة بالحكاكة ههههههه |
الله يقرفك ياودالبوش يمين قريت مداخلتك دى وانا باكل فى غداى,,
حكاية اعمامك دى ذكرتنى عمنا محمود ودعيسى ـ رجل ساخر وسُكّرة
محمود ده ماشاء الله بيتو محمول وضيق عليهم اها وكت القيلولة ده
بمشى ينوم فى برندة جدنا احمد ودالمك الله يرحمهم جميعاً
برندة بااااااردة والهواء ضاربها من جهتى الجنوب والشمال.
جدنا احمد ده ساكن فى الساقية وبجى الحلة مرة مرة ,, وتراهو بتنخَّم
زى اعمامك ديل ـ سبب بلا سبب ـ كان داير يرد عليك اول شئ بتنخَّم
بعد داك برد.. أها يوم عمنا محمود مشى يقيِّل فى البرندة ماتما ليهو نص
ساعة جاء راجع بيته ,, ولادو قالوا ليه مالك رجعت ,, قال لهم:
عين غَفَّلت كدى فتحتها لقيت البرندة ملانة جَدَاد وجدكن احمد راقد فى العنقريب التانى
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالعزيز الفاضلابى)
|
واحد من ولا قرشى ديل (الخِدِر ) عينو حارة الناس كلها بتخاف من عينو.
يوم ابوى الله يرحمه كان بي بَوِّغ فى ارضه ـ (هسه يجن البنوت يقولن
لك اشرح لينا دى) اها ابوى شغال وفجعَتن لِقا الخِدِر واقف جنبه ... وبي يسعل ابوى :
إنتا يا احمد الواطا دى داير تزرعا شنو؟
ابوى عشان يشتِّت تفكيرو قال ليهو داير ازرعا فازلين.
الخِدِر قال لي ابوى : ياهو اوانو بي قوم.
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالعزيز الفاضلابى)
|
Quote: ابت عبد الرحيم عشان ماتجى تقولى اشرحوا لى:
القادوس المارق بره اللَّلسْ ده زى جنا الفلاتية الشحمانة
وشايلة جناها ورا ضهرها ولما ترفع رجلها اليمين الشافع
راسو يقع شمال ونامن ترفع الشمال الشافع راسو يقع يمين
زى الزول الـ داير يَخَرِّم من الـ قِدَّامو وما قادر. |
ههههههههههههههه مباااااااااااااااااااالغة
صدق من قال انتو ناس سمحين
الله يديكم العافية ويسكنكم الصافية
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالله ود البوش)
|
بمناسبة القادوس دة
عما كبير كدة .. وكنت طالب لسة وبشتغل مع ابوي في الاجازة
بتجي يوماتي مرة ماكنة تشتري الخدار واللحمة .. وعمنا دة ساكن ربك .. يجي من الصباح . يقعد في الكرسي راجيها
ترفع كراع ونصها يرفع التوب لامن يحصل راسها .. وتكشف عن كراع كأنها طفايات قاعة الصداقة اوان مجدها . تنزل دي وترفع التانية والتوب يخلي نصها كاشف
وعمنا يتوحوح ويتنهد
الله لينا من جنس دة
يرجاها ماشة وراجعة
ويوم واحد ما نضم معاها
يتوحوح ويموت كمد
طلق لو ختو ليها شافع بي وراء يقعد ويخلف كراعو
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالحفيظ ابوسن)
|
Quote: مالا الملكة بت الملوك ؟
كان في زول زعلا كلموني وزحوا بعيد
حرم هلكان البقرب ليها
اتو بتعلبوا ول شنو؟
قول يا ود المنسي في شنو خلاس دمي فار حسيت بشي غلت
اخوك آ السارة |
الكُلفاح القارح حبوب حلالي
مافي زولاً بقدر يقول ليها شئ
أنا ذاتي كنت فاكر في واحد مساها أو جرحها بي كلمة لكن عرفت انها حزنت من تعليق في بوست أخر
المهم هي كويسة وبخير وبتسلم عليكم
وياكم أخوانها وسندها وسند أخواتنا لي حدهن في هذا المنبر
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالعزيز الفاضلابى)
|
| Quote: أنا ذاتي كنت فاكر في واحد مساها أو جرحها بي كلمة لكن عرفت انها حزنت من تعليق في بوست أخر |
ود عمى التجانى ـ زول زهجان خلاس
مرة قريت ليهو بيت الشعر بتاع المُقَنَّع الكندى (واحد صاحبنا بي قول المُقْنِع) بيته الـ بقول فيه:
وإن زَجَرُوا لى طيراً بِنَحسٍ تمُرُّ بى .. زَجَرتُ لهم طيراً تمر بهم سَعْدا
ود عمى قال لى والله لأزجُرَنَّ لهم أبالِسَة
اها نحن الـ بِتلَوَّم فى بناتنا ديل ـ نزجر ليهو ابالسة وفوق ليهن شوية شواطين ,,, ومردة
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالعزيز الفاضلابى)
|
Quote: الصافية دى زمااااان ماشى فيها مع ود عمى التجانى
الـ ذكرتو ليكن فى مداخلتى الفوق دى ,, ماشين فى حى
كلو عمارات شاهقة ـ ودعمى صنقع للعمارة وقال لى
دى سيدا بكون مغترب فى امريكا .. اها جينا واغتربنا
فى امريكا وماقدرنا نسوى زيها ـ ياربى سيدا ده يكون مغترب وين؟ |
والله يا الفاضلابي من اول الصباح
والواحد فكاها ضحكة مجلجلة في المكتب
اسعد الله ايامك
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالعزيز الفاضلابى)
|
اها يابسمات واللميرة ,, وكت بقيتن طيبات والبركة فى المك
الطمَّنا عليكن ,, استحق المكوكية ,, بعد ده نوريكن اصل قصة
كلام الطير فى الباقير ـ
الباقير ده زى ماتقولن كدى الزراعة او الحواشة
اها قالوا زمان كان فى حِلَّة فيها ملك وفيها تلاتة نسوان
جِنَّهِن اشاعات ـ عاملات زى الواتساب ـ يفِكَنها ويقعدن يتفرجن
الملك زهج وقال لى حراسو لازم تجيبوا لى مصدر الاشاعات دى
إنْ نو تايم يعنى زى ماتقولى كدى ASAP , اها الحراس انطلقوا
فى الحلة ومن عصراً بدرى جابوا خبر النسوان التلاتة وجابوهن
للملك فى بكانو ,, الملك حكم عليهن بالنفى فى جزيرة على النيل
قبالة قصره ,, وكلفوا واحد يودي ليهن الاكل بالمركب كل يوم
الجزيرة ما فوقها زول غير النسوان ديل ,,
يوم من ذات اللَّيام اطل الملك ناحية الجزيرة شاف ليك النسوان
متحزِّمات ويدقن فى دِنقل من القرع وساوات ليهن مناحة ,, الملك
قال لى واحد من الحرس اركب المركب وامش شوف النسوان ديل مالِنْ
الحرس وصل الجزيرة وسعل النسوان : يانسوان فى شنو؟ المات منو؟
وقالن كدى فكَّنها زغاريد كرَه ـ يانسوان مالكن المات منو ؟ واحدة فيهن
اتكتَّحت بالتراب وختت ايدينا فوق راسا ووووووب على الليلة ياملكنا
وياحارسنا ويافارسنا ـ يامرة القال لِكْ الملك مات منو؟
قالت لى فلانة دى واشَّرت على الـ جنبها ,,
وانت القال لِكْ الملك مات منو؟ قالت لى فلانة دى واشرت على التالتة
وانتى يالنجيضة القال لك الملك مات منو؟ قالت لى الطِّويرات الفوق الباقير دِيلاك,,,
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالعزيز الفاضلابى)
|
Quote: ده انقليزى يامنسى ـ
انا موافق عبدالحفيض
حرسم ده قصد انو النساء مُقِلات فى التفاعل
ونظر للمسعلة من ناحية نسبة النساء الى نسبة
الرجال وفى رايو ان نسبتهن وتفاعلن مفروض يكون
اكتر ـ |
كلام الطير في الباقير
الجنى باقي بندراوي
تعرف الكلمة كيفتني كيف شديد لانها بتكون من عمق البطانة
والجنى زي ما قلتليك متستر بستار البندر
مرة يا الفضلابي أيام أزمة البنزين مساهرين في طلمبة بري المقابلة المعرض
الصباح لما البزين جاء جا أخو البنات راكب مارسيدس ابيض والعمة بس عمة ترباس والجلابية توتتل ترقش مع الشمش
فات الصف كلو ووقف في اول الصف عشان يكبوا لي ... مشيت علي وقلت لي يا أخوي أنت تنوم تكمل النوم وتجي الصباح تكب
قدامنا
المهم كلمو منو وكلمة مني في نهاية الأمر قلت لي والله ما تكب قدامنا إلا على جُستي
ناس الطلمبة خافوا أفتكروا أني بتاع أمن
قالوا أرجع أقيف في الصف
زولك زعل مني زعل شديد
قال لي : عامل لينا فيها ضلبط أمن والله هسي لو فتشوك يلقوك أظرط الزارطين
صحكت ضحكة مجلجلة وقلت لي والله كان أخير لو سكت ( وانت راكب بينزوقاشر كدي )
كنت مفتكرك عضو برلمان هههههه لكن أتضح لي أنك ( جهلول )
قال لي جهلول يا وهم أنا أكبر منك عمراً
ههههههه
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
Quote: اها مو انسي مرسلاني ليكم بت عبد الرحيم .. قاللتلكم هي مو فاضية مشغووووووووولة
وكلفتني بحراسة الصالون .. وقالتلكم هي مو البهددوا الداير يجي يجي والماداير مركب علي الله
فاااااااااااضية اليمشي يركب وانا بت عمسيب بكمل الرسالة الدايرة اغرق باجازو هههههههههه
ودي قطاعتي الخلتني انسدا ههههههههههههههههههههههههه. |
والله لو قالت كدي صُح تبقى إتلومت لوم اليابا فضيل
ما القصد كان تهديد إنما جملة تعبر عن معزة لها في القلوب ( يعني لو هي في هو المراد ) ولو هي مافي البراك خربانة
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: سليمان القرشي)
|
Quote: ها ناس سلام عليكم
ودالمنسي وودالفاضلابي وبت عمسيب
مشكورة وعصيرك يرد الروح ان شاء
الله نشربو في السمح وعديل
ومسعولين من الخير اخواتنا ديل
مشن وين كان ست البوست ولا
اختها ان شاء الله المانع خير |
ياود القرشى ـ بت السيد فتحت الديوان ده
وسافرت ـ اها نحن بقينا كل مايجونا ضيفان
نحتاس ـ البركة فى بت عمسيب وبت عبدالرحيم
مرة مرة بي ناولننا صينية وشى شربات وماهن مقصرات
ربنا يديهن العافية ـ
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالعزيز الفاضلابى)
|
Quote: ياود القرشى ـ بت السيد فتحت الديوان ده
وسافرت ـ اها نحن بقينا كل مايجونا ضيفان
نحتاس ـ البركة فى بت عمسيب وبت عبدالرحيم
مرة مرة بي ناولننا صينية وشى شربات وماهن مقصرات
ربنا يديهن العافية ـ |
ها زول ها ما سمعت الخبر
بت عبدالرحيم اليومين الفاتن ديل مشت نقضت شعرا عشان تمشطو ( شوباح ) أها قالوا المشاطة مشت الحج
هسي رابطا وقاعدة حارسا ( بت نفلو ترجع من الحج ) ممحنّه
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
Quote: بت عبدالرحيم اليومين الفاتن ديل مشت نقضت شعرا عشان تمشطو ( شوباح ) أها قالوا المشاطة مشت الحج
هسي رابطا وقاعدة حارسا ( بت نفلو ترجع من الحج ) ممحنّه |
قالوا واحد من وزراء المالية السابقين ـ احتار يحل مشكلة الاقتصاد السودانى كيفِنْ ,,
واحد صاحبو دَلَّاهو على بيت خِبرة بريطانى راح قابل الخواجة ـ الخواجة قال ليهو الخطة حاتتنفَّذ على مراحل
اول شئ امشى عَوِّم الجِّنِيه السودانى وتعال راجع نوريك الخطوة اللى بعدها عشان انت جيتنا مستعجل والزمن ضيق,,
زولك راح عَوَّم الجنيه نامن صفوف البنزين والرغيف بقت ماعندها آخر
رجع للخواجة ـ الخواجة قال ليهو روح قفِّل الأكشاك واعمل كَشَّات لى سِتات الشاى والباعة المتجولين ـ
راح سواها المظاهرات كِترت رجع للخواجة قال ليهو روح اعمل الرياضة جماهيرية ـ
راح عمل القالو ليهو الخواجة ـ وكت رجع المرة الاخيرة لقا الخواجة تعيشوا انتو ,,
اها بقينا لى يوم الليلة ممحنين فى الـ نسَوِّيها.
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالحفيظ ابوسن)
|
شكرا خالد وابو سن لرفع البوست.. ومن الصباح بفتش في البوست وما لاقياه
والعتب على النظر وعيونا طششن من المذاكرة وكتابة المذكرات..
ولسع ما قرينا تعليقات الاسبوع الماضي .. وبعد القراءة نعود للتعليق
وبت مصطفى لمن ترجع الاسبوع القادم عاوزة ليها شهر عشان تلحقنا
في القراية...ومعرفة ما دار من احداث جديدة في البوست..
ودمتم بالف خير وصحة وعافية
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالعزيز الفاضلابى)
|
Quote: سمح اب رويس
ودالبوش والفاضلابي ..... والعقد الفريد !! اسمي بسويلك لوز كان جبتو
اخير تنعدل لويد الكلام بعرفو سمح |
هههههههههههههه
هههههههههههههه
والله يا ابو سن ضحكتي ضحك لكن قصدي ديل طشو وأنت كتر خيرك كنت موجود
اي ابوضراع واسمك بفك من ورطا ومّحنة مو زي ناس البـ ر د انـ ـة
تحياتي ومودتي
سمك فاير الليلة لكن ما بهببو ليك موت بي شوقك ههههههههه
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: اميرة السيد)
|
Quote: ردك لأبو سن يا خالد رد دبلوماسي لكن انت اتلومت معاه لوم اليابا فضيل زي ما بتقول بت مصطفى
ودمتم بألف خير وصحة وعافية .. وكان تقول ليه امشي اشرب ليك جغمة من منقة منى عمسيب عشان يروق دمه الفاير( هههههههه |
ههههههه لكن شفتي كيف يا بسمات
ود ابوسن جاني زي الشلاليات وقالوا الواحدة لما تدور ليها سبَّا مع راجلا بتقد يعنا عشان
يسألا عينك مالا وتقوم تفور في ههههههه
بت عمسي جابتا كباية واحدة زي المديدة الحارة للشكلة عشان نتشاكل فيها
لكن نحن بقينا واعين ومافي واحد شرب منها لي الليلة منظرين الأميرة تملا جك كبير معاها وتجيبو
وتسلمي وارقدي عافية يا بسمات
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالعزيز الفاضلابى)
|
| Quote: دى ايثار طالعة فوق الراكوبة فى بيت جدها الارباب فى الفاضلاب |
ربنا يحفظهم يا الفاضلابي
زمان يا الفاضلابي عمنا درس في بريطانيا علي كبرو وكانت معه زوجته وبنته الصغرى ( الكبار خلاهم في السودان )
الشافعة لما رجعت السودان خشمها ما بقلب كلمة سوادنية بس شغالة تنقليزي
مرة ماشى مع امها شافت ليها شئ حبت تلفت امها لتراه
وبقت تصرخ
فوزية فوزية لوك لوك
امها ردت ليها يا بت ماتنبحي يلوكك الدعت
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: سليمان القرشي)
|
بالله يا ود الفاضلاب شفت خيرات. الفاضلاب كيفن
هسع اذا انت لفيت ال 51 ولاية في امريكا بتلقى مثل
الرطب السمح ده...ونحن بنشتري 6 بلحات مسوسات
بعشرة دولار...وطبعا الخيرات دي كلها عشان انتو
مجاورين للاتبراوي ومطلين على حينا
وربنا يحفظ البنية ونسمع بيها ان شاء الله عالمة فضاء
في وكالة ناسا
ودمت بخير وصحة وعافية
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: اميرة السيد)
|
كدى يابسمات قبل لانرجع ليك والجنون
النشوف الملكة وضاحة دى مالا بقت تغيانة ؟
مشاركتا معانا بقت تلغرافات التقول شغالة
فى مصلحة البريد والتلغراف
قلتى لى يابسمات دايرا تعرفى قصة الطريفى
كدى فى الاول نعمل ليك تسميع ومراجعة
للفات زى طير الباقير والقادوس البره اللَّلس
لى عند كلام عبدالحفيض {تَهَمِّدْ} وبعد داك
ننقلك لى فصل ود القرشى فصل المتفوقين
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: اميرة السيد)
|
Quote: كدى يا خالد اولا تبادي احكي لينا قصة الطريفي وكيف فارق
جملو ... اه هسع في ذمتك انا عاوزة دروس خصوصية في
الدارجي القروي ...انا ساكنة مع قروية سنتين في غرفة واحدة
ودمت بخير وصحة وعافية |
تحيات سمحات سماحة طبعكيابسمات
نترك شرح المثل للأخ الفاضلابي عشان ما أشرحو أجي ناطي لي زي سهم وليم تيل هههههههههه
والله كمان متكلا علي بت مصطفى الرماد كال حماد
ههههههه
بت مصطفى ( دنيا أشري إدي مي كلما أقيسا كيرو )
ودمتي بعافية وصحة
| |
|
|
|
|
|
|
|
|
فراق الطريفى لى جملوا
الحقيقة يامك انا سامع بالمثل ده لكن مانى عارف قصتو
بس عشان خاتر بت عبدالرحيم بت السودنه ـ بعد فطرت
ضُحايَاً بدرى وأم إيثار ظبتت لى كباية شاى تَحل من سم
العقرب, شديت حُـ مــارى بعد دَرَنْ مُخلاية العلوق ومرقتها
لى عند جدى قوقل ود الانترنت وفى راكوبةً بى قولولا
منتديات اصالة حكى لى القصة دى.
Quote: ويضرب عندما يفارق شخص شئ يحبه مع ضعف الأمل فى إسترجاعه
يقال أن الطريفى شخص من عرب البادية جاء لأحد الأسواق وبينما كان متجولاً بصحبة ( جمله ) وجد ( قهوة فخارية ) ( جبنة طين ) ويقال ( إبريق )
فأعجبه جداً فطلب من صاحبه أن يبيعه له وسأل عن السعر لكنه لم يكن معه ذلك المبلغ وعندها عرض الطريفى مقايضة جمله بتلك ( القهوة الفخارية )
فقبل ذلك الرجل وعندها أخذ الطريفى القهوة الفخارية غير مصدق وأطلق ساقيه للريح وهنا ركب ذلك الرجل على الجمل وأسرع به فى الإتجاه المعاكس غير مصدق أيضاً فضرب المثل فراق الطريفى لى جمله
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: اميرة السيد)
|
Quote: Quote: ويضرب عندما يفارق شخص شئ يحبه مع ضعف الأمل فى إسترجاعه
يقال أن الطريفى شخص من عرب البادية جاء لأحد الأسواق وبينما كان متجولاً بصحبة ( جمله ) وجد ( قهوة فخارية ) ( جبنة طين ) ويقال ( إبريق )
فأعجبه جداً فطلب من صاحبه أن يبيعه له وسأل عن السعر لكنه لم يكن معه ذلك المبلغ وعندها عرض الطريفى مقايضة جمله بتلك ( القهوة الفخارية )
فقبل ذلك الرجل وعندها أخذ الطريفى القهوة الفخارية غير مصدق وأطلق ساقيه للريح وهنا ركب ذلك الرجل على الجمل وأسرع به فى الإتجاه المعاكس
غير مصدق أيضاً فضرب المثل فراق الطريفى لى جمله |
نعم هي القصة
لكن نكهتها أن الطريفي لم يراه الخلق طوال حياته إلا قايدأو راكب أو يعلف أو يسقي في جمله
تلازمت حياتهما معاً وفي ذاك اليوم فارق جمله من أجل جبنة فُخار أعجبته
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: اميرة السيد)
|
| Quote: في واحدة زميلتنا معجبة |
اولن بالتبادي شكرا يا معجبة
وشكرا خالص خالص .... الحاقدين ديل طبعا بنبطنو ولا خساني بيهم
.
| Quote: والله عبد الله جاب ليه اندر واقيم واروع فيديو |
شفتو كيف يا ما مسقفين يا رواعية يا بلديين خالص خالص
طلعت مسقف اكتر منكم لانو اهلي قروني قراية شديدة خلاص اكتر منكم بكتير
لكن النصيحة الاخت المعجبة كلاما فيهو ايحاء بانها مستغربة وكانت متخيلاني زول سعية ساكت
لكن بركة الخيبت ظنها وطلعت زول مسقف سقافة شديدة خلاص
| Quote: بس بصراحة ما قدرت اعرف منو فيهم عضو مجلس ثورة مايو |
شفتي الزول الطلع من الجمهور وجا ماش قدام الكاميرا والنشيد شغال ؟
بس دا اياهو الرائد زين العابدين محمد احمد عبدالقادر
وجا وقف بعدو الاستاذ حمدي بدرالدين مقدم برنامج فرسان في الميدان الله اديهو الصحة والعافية الايام دي عيان
.
.
البوست يا دابو حلا للدعس
شكرا يا معجبة
وشكرا بت عبدالرحيم
والتحية لبت مصطفى
ثم وانه السلام واجب على كل الاخوة الاعزاء ود المنسي والفاضلابي وود ابسن وود شيقوق وود القرشي
وود ضرار والطيب عبيد وود سيد احمد وكل زوار وقراء هذا البوست
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالله ود البوش)
|
Quote: يا ود الفاضلاب ردك الاخير غير مقروء. وفيه لخبطة وكانه في مداخلتين
اندمجن في مداخلة واحدة ..حاول تصلحها عشان نقدر نقراها
ودمت بعافية وصحة |
والله يابسمات على شلاقتى فتحت الـ Firefox وكنت عادة بستعمل الـ Explorer
اها تراها خلت مداخلتى زى السمسم اللندفق فى اللرض.ماعارف اصلحها كيفن؟
انا يادوبك عرفت انزل صور وجربتها بى صورة بنيتى ايثار.
غايتو شايف المك رد عليها معناتا قراها ,, ياربى يكون عندو صفّاية؟
| |
|
|
|
|
|
|
|
|
 Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالله ود البوش)
|
يا عبد الله ود البوش
انت ما باقي ليك ظلمت المعجبة دي ظلم الحسن والحسين وطبعا
هي ما من رواد سودانيز اون لاين وما عندها هم في الدنيا دي غير تعزف
على الة ضخمة جدا وبتعزف اية اغنية في الدنيا ومتخصصة في عزف العجكو
سمعت بيها دي قبل كده...وهي عشان قاعدة جنبي في البص ونحن في سفرية طويلة
جدا بتتفرج معاي في سودنيز اون لاين ولمن شافت الفنانين قلعت الهيد فون من راسي
وعلقت الكلام السمح الانت قريته... وهسع وانا بكتب في الرد سالتني سؤال ما قدرت
اجاوبها..ان شاء الله نلقى عندك الاجابة ولا عند الاحباء خالد وود حلتنا ود الفاضلاب وعبد الحفيظ
ابو سن ود كوستي وشيقوق ولا زوار البوست الرائعين كروعتكم.. وسؤالها:
انا عارفة ظلم. سيدنا الحسين حفيد رسول الله (ص) وقتله ابن سيدنا معاوية بعد ان غدر
به اصحابه. ولكن كيف ظلم اخوه سيدنا الحسن؟؟
والصديقة المعجبة دي. في سنة اولى جامعة وبتدرس موسيقى وفي نفس الوقت بتدرس
تاريخ....وقلت ليها وانتي بتعرفي اعضاء مجلس ثورة مايو من وين...قالت هي متخصصة تاريخ
وكانها بتدرس تاريخ السودان وعلى الرغم من ان الكتاب الفي يدها اسمه global history
ودمت بخير وصحة وعافية
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: اميرة السيد)
|
Quote: في واحدة من بلديات ( فيسل هليل ) فتحت جواز زوجها وجدت المهنة ( رجل أعمال )
مسحتاوكتبت رجل عوضية
مسطول سأل بتاع الصيدلية عندك شريط بندول
قال لي : ايوا
قا لي : عليك الله شغلو لي
مسطول زوجته ماتت قالوا لي نزوج ليك اختها قال ليهم : انتو نسابة ولا شركة تأمين
مسطول نمت لي حبة في حجابه فوق العين ... عاين ليها في المرايا وقال بالله دي هسي عين ولا غين غ غ غ هههه
مسطول سواق حافلة ويومها داك مزبط سجارة قوية من صباح الرحمن في مشوار الكمساري قال يا معلم للستك نزل قال لي : بالله ما تشيل منو قروش
مسطول سألوا :
ماهو الحب ؟
أجاب أكولة في القلب مابتقدر تحكها
أبن عاق ابو طردو من البيت كتب في حيطة البيت ( مقر تنظيم القاعدة )
واحد جعلي ياالفاضلابي ركب في الطيارة مسافر حلف علي بناتو يساعدن المضيفات |
مبااااااالغة يامك ـ ضِحِكت نامن قَضَفْتَ
بس بتاعت الخاس قوية ـ بعدين بسمات قاصدا ليك مداخلتى بتاعة فراق
الطريفى لى جملو.
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: اميرة السيد)
|
Quote: يا عبد الله ود البوش
انت ما باقي ليك ظلمت المعجبة دي ظلم الحسن والحسين |
العفو يا بسمات ويبدو ان هنالك لبس قد حدث فحاشا لله ان اظلم المعجبة
بل بالعكس كنت شاكرا لها ومقدرا وماعدا ذلك فكان مزحا وطرفة
وهو المزاح الكتير دا ذاتو اياهو المغتس حجري ههههههههه
.
.
Quote: انا عارفة ظلم. سيدنا الحسين حفيد رسول الله (ص) وقتله ابن سيدنا معاوية بعد ان غدر
به اصحابه. ولكن كيف ظلم اخوه سيدنا الحسن؟؟ |
سيدنا الحسن ظلمه اهل العراق وآذوهو واخذوا كل متاعه حتى جلس متقلدا سيفه وليس عليه رداء
وقال قولته الشهيرة : يا أهل العراق انه سخا بنفسي عنكم ثلاث ( قتلكم ابي وطعنكم اياي وانتهابكم متاعي )
تحياتي الغالية بسمات
واكرر عذري ان فهمت المعجبة بعضا من حديثي بانه ظلم لها
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
Quote: العفو يا بسمات ويبدو ان هنالك لبس قد حدث فحاشا لله ان اظلم المعجبة
بل بالعكس كنت شاكرا لها ومقدرا وماعدا ذلك فكان مزحا وطرفة
وهو المزاح الكتير دا ذاتو اياهو المغتس حجري ههههههههه |
يا أخوي ود البوش المزحة هي الشعرة الجميلة التي جمعتنا في صفوة خالية من أي دنس
لا وألف لا يا صديقة بسمات أنت في حدقات عيون رواد هذا البوس كلهم وليتك تكوني قريبة
ويجذبك ما جذب أخواتنا الأميرة وبسمات
تأكدي أن ود البوش لم يقصد إلا ما هو جميل ونشهد له بذلك أخو البنات إن مزح
صفوة القلوب تجعل رواد هذا البوست الحديث مزحة بينهم وما في قلبهم غير الود والتقدير الاحترام
يا ملكة العجكو الدنيا نعمرها بكلمة طيبة أصلها ضارب في الأرض عمقا وفرعها يداعب عنان السماء
فقط نرجوك
| |
|
|
|
|
|
|
|
|
 Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
بالمناسبة حكاية انو ود البوش ظلم امتثال ظلم الموسيقار الرائعة امتثال
ظلم الحسن والحسين دي مني انا وهي لم تخطر ببالها ابدا انها ظلمت
ولم تعلق اي تعليق سلبي وهي ذكية جدا جدا وتفهم كل شئ ولمن لقتني
انا برد ليك كانت بتضحك وبتقول والله انت شقية ..وبقت تسالني عن
ظلم سيدنا الحسن وتقول :اها نحن عارفين ظلم سيدنا الحسين..انت كان فالحة
وريني سيدنا الحسن ظلمه كيفن والظلمه منو؟..وطبعا انا ذاتي اشرت لموضوع ظلم
عبد الله ود البوش للموسيقار الرائعة امتثال برضه من باب الدعابة وقلت اسايركم
زي بت مصطفى التي نجحت في الاستمرار في هذا البوست البديع ببراعة لانها اكتشفت
فيكم طيبة القلب واخذ الدنيا ببساطة وعدم تشنج وعدم تعقيدات في هذا الزمن
الملئ بالمشاحنات والقلاقل والاخلاق الضيقة التي تسبب الامراض ..ووجدت بت مصطفى
فيكم ما يروح قلبها من معاناة الغربة وقساوتها كما هي كانت تردد دائما... وكانت تقول
اول مرة اشوف ناس سمحين وقلوبهم صافية بدون
ضغائن ويتقبلوا النقد بالمرح ...وتقول البركة في عبد الحفيظ ابو سن الذي بدا البوست
الروعة ..وعشان اعرف صدق كلامها قريت ذلك البوست بالكامل ووجدت ان بت مصطفى
لم تخرج عن الحقيقة .....بل قصرت في حقكم..ونتمنى رجوعها
سالما يوم الاربعاء 5 نوفمبر لتمسك الامانة والدفة وكمان نستمتع بتعليقاتها اللماحة الذكية
ودمتم بالف خير وصحة وعافية
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: اميرة السيد)
|
Quote: وكانت تقول
اول مرة اشوف ناس سمحين وقلوبهم صافية بدون |
يابسمات انتى وودالبوش كمان ماتبقو حساسين ها القَدُر
الحساسية دى جايباها سماحة الناس ديل وانا افتكر اميرة
نامن كتبت البوست ده لمست فيهن الصفة دى وانا عادة
ماحصل قعدت فى بوست مدة قدر دى والسبب الناس الطيبين
اللى فى البوست ,,, والفضل بعد الله للصديق ود ابسن واميرة
فى اللمة الحلوة دى ونرجو ان تستمر وربنا يديم الخوة ,, ياما
كتبنا وتداخلنا فى الخلا الإسفيرى ده لكن لم نجد الراحة الا مع
هؤلاء فشكراً بت السيد الـ مكمِّلة السماحة من يوم عرفناها ـ عرفنا
فيها بت البلد الجدعة والتى تحترم نفسها وثقافتها ودينها ولم نقرأ
لها مايُنَفِّر منها ـ وإنت صديقتها وقديما قيل:
إن القرين بالمقارن يقتدى ـ فهنيئاً لكما بخوتكما وربنا يديم المحبة عليكما
ويرزقكن ازواجاً صالحين.
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالعزيز الفاضلابى)
|
الحبيبة الرائعة منى عمسيب
انتي النسمة ذاتها يا منى وانتي السماحة ذاتها يا منى وانتي فاكهة
هذا البوست بكرمك الفياض ..ويا ها دي المجربة فيكي وكلما تطلي
علينا تطلي بالوجه الصبوح وبالبسمة ذات النسمة وان شاء الله نشرب
معاك المنقة وفنجان القهوة في بيتكم ..
وبمناسبة الكرم اقري معاي قصة الكرم العربي:_
كان قيس بن سعد مشهورا بالكرم الشديد وقيل له يوما:هل رايت يوما
اسخى واكرم منك؟ فقال : نعم..نزلنا بالبادية يوما على امراة فجاء زوجها
فقالت له: نزل بيننا ضيفان ..فجاء الزوج بناقة فنحرها وقال: شانكم( اي عليكم
بها لتاكلوها..فلما كان الغد جاء بناقة اخرى فنحرها ..فقلنا له:ما اكلنا من الناقة
التي نحرتها بالامس الا القليل!!فقال:اني لا اطعم ضيوفي البائت..فبقينا عنده
ايام واسماء تمطر وهو ينحر كل يوم ناقة ..فلما اردنا الرحيل وضعنا 100 دينار
في بيته وقلنا لزوجته : اعتذري لنا اليه ..ومضينا.. فلما ارتفع النهار اذا برجل
يصيح خلفنا ..قفوا..قفوا..فلما دنا منا. قال: خذوا دنانيركم فاني لا اخذ على
اكرامي ثمنا..وان لم تاخذوها طعنتكم برمحي هذا!!فاخذنا دنانيرنا وانصرفنا..
فهل هناك اكرم من هذا الرجل؟؟
ودمتي يا منى بالف خير وصحة وعافية
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: اميرة السيد)
|
الحبيبة \ الاميرة بت الامراء ,,
سلام معطر بنكهة احلي الورود واصدق الحب يغشاك .
ومشكووووووورة علي هذا الدعم المعنوي وكل هذا الكرم والقصة الكريمة
فضلت خيركم يا وشوش الخير .. والله انتوا الاكرم وانتوا الاروع والاسمح .
وربنا يجمعنا في ساعة خير وتامين ولامين وتجوني هنا عشان يتم فرحنا وتتحقق
اماني مهما تكون بعيدة .. تسلموا كلكم بدون فرز .. ويدكم الفي مرادكم .
Quote:
ذاتها يا منى وانتي السماحة ذاتها يا منى وانتي فاكهة
هذا البوست بكرمك الفياض ..ويا ها دي المجربة فيكي وكلما تطلي
علينا تطلي بالوجه الصبوح وبالبسمة ذات النسمة وان شاء الله نشرب
معاك المنقة وفنجان القهوة في بيتكم .. |
| |
|
|
|
|
|
|
| |
سليمان القرشي
عبدالعزيز الفاضلابى
عبدالحفيظ ابوسن
خالد علي محجوب المنسي
عبدالله ود البوش
طارق ابراهيم ابوالفضل
مني عمسيب
وضاحة
فيس بوك
تويتر
انستقرام
يوتيوب
بنتيريست