|
|
|
 Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالحفيظ ابوسن)
|
..
والله العظيم ... دي اول مرة أدخل معاكم في البوست دة ... لكن من المداومين على القراية والمتابعة بشكل يومي ومنتظم ... لهذا الألق ..
لا تربطني أي صلة بمن هم بدار هذا البوست .. الا ود المنسي ... عمه محمد الحسن محجوب الله يرحمه وابناؤه ... تساكنا جيران في الإمتداد ... وهو يمكن بيعرف أخــوي الأكبر .. ( شنان ) ...
لكن .. والله العظيم من المداومين على قراءة كل البوستات .... للمعنون ليهم البوست دة بي اسمهم ... وبشكل راتب ... الله يديكم العافية ...
حقيقة ... السعادة تغمرني ... كلما مررت بكم ..
أكيد التقدير والإحترام للجميع ...
..
| |
 
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالحليم حامد النعيم)
|
Quote: والله العظيم ... دي اول مرة أدخل معاكم في البوست دة ... لكن من المداومين على القراية والمتابعة بشكل يومي ومنتظم ... لهذا الألق ..
لا تربطني أي صلة بمن هم بدار هذا البوست .. الا ود المنسي ... عمه محمد الحسن محجوب الله يرحمه وابناؤه ... تساكنا جيران في الإمتداد ...
وهو يمكن بيعرف أخــوي الأكبر .. ( شنان ) ...
لكن .. والله العظيم من المداومين على قراءة كل البوستات .... للمعنون ليهم البوست دة بي اسمهم ... وبشكل راتب ... الله يديكم العافية ...
حقيقة ... السعادة تغمرني ... كلما مررت بكم ..
أكيد التقدير والإحترام للجميع ... |
هههههههههههههههههه
عبدالحليم
سلااام يا جميل
يظهر أنستك السنين
علاقتي معرفة وصداقة وفي الميدان ما أيام فريق البرنس
وشلنا الدرقة وشلنا الدرقة
ويا كابتنا شلينا الدرقة
وفيها حركة وفيها بركة
وياكابتنا شيلنا الدرقة
الفاضل طيوس
فاروق كنوز
فتحي يعقوب
عادل صالح
ابوالروس
ود عبود
عادل حسين
عبدو ركب
عبد الباقي
فضل فجول
ناصر مكي
حامد مكي
والبقية لو كان في الذاكرة بقية
تقول انا ممكن بعرف أخوك شنان ايوا بعرف شنان لكن شنان كان أكبر منا في العمر وعلاقتنا
كانت معك واستمر انت تحرس مرمى فريق الرديستار
تحياتي ومودتي ولك الشكر الكتير نيابة عن صاحبة الحوش الأميرة أميرة ( هي اصلها مصرحا لينا نشكر الناس )
وبالذات الأيام دي من بكرة هي مسافرة جنيف
نتمنى سفر سعيد لها وعود حميد لي ناس بحبوها
تحياتي عبدالحليم
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالله ود البوش)
|
..
الأحباء ... ودشيقوق ... وود المنسي ... طبعا بدينا بالترتيب .. العمري .. مع انو ود المنسي هو اول من علق على مداخلتي ،، لكن المقام لابد من حفظه ..
اكيد يا خالد ما نسينا تلك الأيام ... ايام الامتداد ... ولا من ذكرتهم بالمداخلة ... ويمكن تطاول الغربة واحد من أهم أمراض العصر ... الزهايمر ...
يا ود شيقوق .. والله العظيم اتابع من قبل الحصول على العضوية ما تكتبه وبشكل دائم ... وكذلك للأخ محمد المرتضى ... ومن المتيمين بقراء ما يجود به قلمك ..
المثل بيقول .. الني ... للنار .. وود المنسي ... يتشد بيهو الضهر ... حتى ولو كان صاحبو فيصل خليل ...
..
دعواتنا للأخت أميرة بالتوفيق في رحلتها ... وان يحفظها ... ويردها غانمة ...
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالحليم حامد النعيم)
|
ود النعيم
| Quote: يا ود شيقوق .. والله العظيم اتابع من قبل الحصول على العضوية ما تكتبه وبشكل دائم ... وكذلك للأخ محمد المرتضى ... ومن المتيمين بقراء |
الله يخليك يا العشاء والله كلام يبعث الفرحة والسعادة في النفس
مافي احلى من الدنيا دى غير ان تكون صانعا للابتسامة على شفاه الاخرين
الاخ محمد المرتضى حامد انسان كتاب و متعددة الثقافات - يا ود النعيم اخوي - ربنا لا حرمنا من اسهاماته في هذا المنبر
بس ترتيبك العمري خربا شوية يا ود النعيم اخوي ههها
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالله ود البوش)
|
معليش اتاخرت عليكم كنت بفتش لي في توب هههههههه
ود شيقوق عارفااااااااااكم كلكم مقنع الكاشفات بس تقول شنو الخلة
عاتو قلت سعادتو ههههههههه .
يا الاميرة والله مشتااااقة ليك بس مرة مرة بكون مشغولة اعذريني يا الحبيبة .. اها قلت لي
ماك غاشيانا في سفرتك دي ان شاء الله بالتوفيق الرسول حاولي كبي الذوقة لينا ما ترجعي معاهم
ههههههههههههههههههه . والله يا اميرة حاولت ارسل ليك صور من مناظرنا الخلابة لكن رفضت
تنزل لكن بحاول ليك تاني عشان نمتع عيونا في الزايلة دي بت امي . اها لي قدام .
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: مني عمسيب)
|
...
تعرف يا ود شيقوق ... كان ما قلت كدي ...( الترتيب العمري ) راس السوط ما بيوصلني .... باقي ... انا ... وود المنسي ... نددا ... فقلت اخير ابعد الشغلة ... مني .
عبرك .. التحايا النواضر للأخ العزيز محمد المرتضى ...
ود البوش يا أمير ... المولود مبروك ... ويربي في عـزكم ..والحليفة والله من القلب ...
..
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
Quote: ..
الأحباء ... ودشيقوق ... وود المنسي ... طبعا بدينا بالترتيب .. العمري .. مع انو ود المنسي هو اول من علق على مداخلتي ،، لكن المقام لابد من حفظه ..
اكيد يا خالد ما نسينا تلك الأيام ... ايام الامتداد ... ولا من ذكرتهم بالمداخلة ... ويمكن تطاول الغربة واحد من أهم أمراض العصر ... الزهايمر ...
يا ود شيقوق .. والله العظيم اتابع من قبل الحصول على العضوية ما تكتبه وبشكل دائم ... وكذلك للأخ محمد المرتضى ... ومن المتيمين بقراء ما يجود به قلمك ..
المثل بيقول .. الني ... للنار .. وود المنسي ... يتشد بيهو الضهر ... حتى ولو كان صاحبو فيصل خليل ...
..
دعواتنا للأخت أميرة بالتوفيق في رحلتها ... وان يحفظها ... ويردها غانمة ... |
برضو انا بديت بي الكبار
ومع انو الشدر الكبار فيه الصمغ
لكن ودشيقوق فيه القـــ ........
مشتاقين يا حليم
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
من الأخ الفاضل محمد عبدالقادر ضرار ( الفيس بوك )
الافاضل / الاميرة بت السيد - ود البوش - ود شيقوق - ود المنسي - ود ابو سن - والرائع الاستاذ عبدالعزيز الفاضلابي
( والله العظيم وبالله تلاتة وتا الله يا محمد عبدالقادر ضرار اول ما تطأ قدمي هذه جدة اتصل عليك واجيك جوة بطن بيتك ... ود البوش ) + ( والله يا ود البوش عبدالقادر راجل أخو بنات .. ود المنسي ) + ( عشان امشي عن طريق جدة وازور محمد عبد القادر ووالدته وزوجته وعياله المتابعين البوست في جدة .. اميرة )
أشكركم من صميم فؤادي أيها الاكارم .... يا من ستصبِح معرفتكم الطف من ريح النسيمُ العليل على أديم الماء الزلال بل والصق بالقلب من علائق الحُب .... فعلاً تستحقون أكثر من ذلك جزاء بما خطتة أناملكم وانتم تبحرون بنا للـ(وطن) في ليل شتاءنا الدافئ واحلامنا الوردية !! .... ونقول لكم ثقوا تماما بان قلوبنا قبل منازلنا هي لكم .... تشرفوننا فيه متى ما وطئت اقدامكم الطاهرة مدينة جـــــــــــــــــــدة . ونتغنى بكم ولكم : بزيارتك بيتنا نور والله نور كلو زينه ... جاءتنا بسمه فايحة نسمه ولمسه حلوه في عيننا
ولا اقول لكم الا كما قال ود شيقوق حينما تركه ( بص الروصيرص الفات ) : بالله خلي الطابق مستور ... فلكل منا ليلاه التي تبكيه !!! هههههههههه ... وهُنا أسأل الله الكريم أن يجعل كل ايامنا واياكم جميله جمال أرواحكم الانسانيه الأصيله
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبد المنعم سيد احمد)
|
ياخ انتو ناس سمحين بالحيل..
ويا د المنسي شكرا على الدعوة الجميلة ..من اول تمسات وانا مسافر في في طيات هذا الجمال الوريف الطيب اقول ارتاح غلبني اقيف ,حالف ما اخط حرف ما لم اتم اخر حرف..
ياخ طربنا وسكرنا وخدرنا وضحكنا ما فترنا.. ومافي شيتا بتقال بعد ما مرينا بكل انواع الجمال بس نمة صغيرونة من زول خراتيمي الهوية
بس ألفين سلام وتحية
بي نبع احترام مروية
من جوه القلب تتهادي
تغشاكم صباح وعشية
وعساكم من ست الدار لي اخر زولا زار
بخير ومحبة
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: مني عمسيب)
|
Quote: ومردود ليك حباب مليون والف تحية
ولـي سمــــح الكلام المنبعو العفويـــة
جيدن لينا جيت زدت الجلوس فخرية
يا ود الكرام عامر الســـلام بسخيـــة |
الحبيب الزارنا
محمد خليل
فوقا سلاما بنتكي ونكبر الواحد القهار
تجري دمانا شخ ضبايح لود ملوك الدار
حبابك أدخل وأستريح وجر النميم مُسدار
ستو غايبة لكن بت عمسيب بتوجب الزوار
مرحب حباب محمد خليل وشكراً كتير علي تلبية الدعوة والتي قصدت منها أن هناك أناس وإن حملوا عليك في حرفهم
فهم لك أخوة وشد لضراعك يا أبوضراع
ابقى بينا وهي البتجمعنا كلمة طيبة جذورها ضاربة في العمق بعدا وفرعها يلامس عنان السماء يلثم محنة
لك الشكر أخي مرات ومرات عددا
ولك التحية والمودة
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
لعلكم طيبة ياالحبان ؟؟
والله الشوق نأمن مفضل ههههههههه .
ود المنسي كيفنك يا الحبيب ؟ الليلة وين باقي العقاب والله اشتقتالكم .
Quote: الحبيب الزارنا
محمد خليل
فوقا سلاما بنتكي ونكبر الواحد القهار
تجري دمانا شخ ضبايح لود ملوك الدار
حبابك أدخل وأستريح وجر النميم مُسدار
ستو غايبة لكن بت عمسيب بتوجب الزوار
|
وااااااااااجبآ علي ود امي استقبال ضيوفنا واكرامهم في ديوانكم السمح دا .
انت يا ود المنسي مسؤل من الخير وين ود البوش ؟
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالحفيظ ابوسن)
|
Quote: هههههه
المسينيح وحاتك مشدود شدة
اساسق بالدريب الجاي بي حداها
العيال فب بلد وانا في بلد
غايتو ولادة تلكبر زي نفاس الغربة
بت اللمير وبت عمسيب ما واجبني في نوفاس ام عيالي اصبر ليهن سمح
هههه
والله بقيت اجليها واقفة . امرق واصل الشارع واقعد اتمحن
يا ربي انا كنت ماشي وين
ماشي وين
اصد راجع
انا خشم البيت بلا ستو |
هههههههههههههههه
اها يا بت عمسيب ما قلتا ليك
زولك قعد زي فاقدن مزوزو
يجرجر في التراب ودر حِجابو
الواجب يا بت عمسيب زمن أنا كنت في السودان كان ( رطل سكر ... كورية مديدة حلبة بي سمنة .. و25 قرش طراضة )
قيسي على الإنفليكشن الحصل دا وواجبي ود أبوسن
أوعك من الزهور والله يطردوك بي زهورك كان مشيتي بيهن كوستي
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: مني عمسيب)
|
Quote: دقيقة يا الفي الباب .
هدي جيتكم جيتكم .. |
المعنى يعني لقيتي لاعب النص مافي
الأول حرف منو شـــ ... ونحن بنحب الشوكلاتا
الحرف الثاني يـ ... وانا يدي قربت تنقطع من الإشارة وحن علينا ونظرة يا أبوهاشم
الحرف الثالث قــ... وقلمنا إنكسر من قول الشعر فيك ولا هماك
أتم إسمو ولا الهوى بقسمو ؟
والعمر لي حدو والبدورنا بندورو والما بدورنا برضو بندورو ههههههه
| |
|
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: مني عمسيب)
|
الحبيبة منى عمسيب
الاميرة بت مصطفى لسع بتتفسح في بلد النوافير جنيف ..وانا طبعا
بنكت مع خالد محجوب في بوست اسرة بن لادن وقلت انها يمكن تستقر
هناك نهائي ويمكن تتعرف بابن يسلم بن لادن وتتزوجه وتعيش مرفهة بين
الجواهر والدرر والعطور والاموال...
لكن طبعا بعد داك اكدت ليه ان الاميرة من طينة تانية خالص وهي ابدا ما بتخت
المال كعنصر اساسي في حياتها ...وهي دائما بتعيش حياتها بالنية الطيبة
والبساطة وتحن وتشتاق للحياة المبسطة في القرى والريف وهي التي تعيش
في مدينة من اكبر مدن العالم ..ولذلك لمن وجدت بوست كاتبه الاستاذ ابو سن
وقرات ما سطره المتداخلين كانت تناديني وتقول : الحقي يا بسمات تعالي شوف
الروعة وتعالي شوف المحنة والحنان والود والطيبة بتتدفق من وراء السطور..
والله الناس ديل سمحين سماحة ..وبذكرونا ان. السودان لا يزال بخير وعافية
ولذلك فتحت هذا البوست لتعبر عن شعورها واحساسها تجاهكم يا ناس يا سمحين
وما كنت متابعة ما كانت تسطرها ولم اكن اتابع دائما البوست الرئيسي ولكن جات
الفرصة الان وقرات معظم البوست الاول والثاني وعرفت فعلا انها كانت على حق
..ووجدت ايضا تعليقاتك الشيقة والممتعة والمرحة يا بنت عمسيب وزدت في اللبن
العسل واصبح البوست ذو نكهة عطرة. ...ولم اعد الان اشعر بالغربة القساية..
واكتب كل هذا بدون استئذان من بنت مصطفى ...
ودمتم جميعا بخير وصحة وعافية
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: اميرة السيد)
|
Quote: الحبيبة منى عمسيب
الاميرة بت مصطفى لسع بتتفسح في بلد النوافير جنيف ..وانا طبعا
بنكت مع خالد محجوب في بوست اسرة بن لادن وقلت انها يمكن تستقر
هناك نهائي ويمكن تتعرف بابن يسلم بن لادن وتتزوجه وتعيش مرفهة بين
الجواهر والدرر والعطور والاموال...
لكن طبعا بعد داك اكدت ليه ان الاميرة من طينة تانية خالص وهي ابدا ما بتخت
المال كعنصر اساسي في حياتها ...وهي دائما بتعيش حياتها بالنية الطيبة
والبساطة وتحن وتشتاق للحياة المبسطة في القرى والريف وهي التي تعيش
في مدينة من اكبر مدن العالم ..ولذلك لمن وجدت بوست كاتبه الاستاذ ابو سن
وقرات ما سطره المتداخلين كانت تناديني وتقول : الحقي يا بسمات تعالي شوف
الروعة وتعالي شوف المحنة والحنان والود والطيبة بتتدفق من وراء السطور..
والله الناس ديل سمحين سماحة ..وبذكرونا ان. السودان لا يزال بخير وعافية
ولذلك فتحت هذا البوست لتعبر عن شعورها واحساسها تجاهكم يا ناس يا سمحين
وما كنت متابعة ما كانت تسطرها ولم اكن اتابع دائما البوست الرئيسي ولكن جات
الفرصة الان وقرات معظم البوست الاول والثاني وعرفت فعلا انها كانت على حق
..ووجدت ايضا تعليقاتك الشيقة والممتعة والمرحة يا بنت عمسيب وزدت في اللبن
العسل واصبح البوست ذو نكهة عطرة. ...ولم اعد الان اشعر بالغربة القساية..
واكتب كل هذا بدون استئذان من بنت مصطفى ...
ودمتم جميعا بخير وصحة وعافية |
يا سلاااام يا سلاااام ياسلااام
قراته لثلاث مرات قرأته حفظته
والله والله والله با بت الشيخ العطبراوية حديث ينقش بماء الذهب
لا أقول ذلك لجمال الأسلوب وكم من كاتب وهو كاذب
لكن أحسست في كل حرف صدقك وصدق المشاعر بين ظاهر
مشاعر صادقة لأخوة لكنَّ أيها الجميلات مَحنَّة وود
ونظل ننادي مازالت الذُنيا بخير والبلد بخير مادام هناك نون نسوة على خلقك وخُلق بت السيد وبت عمسيب
إنتنَّ در مفروض أن تُكنَّ مثالا لبنت البلد
شوفي كيف بنت البلد الأصيلة صور قصتها الشاعر السر عثمان عندما تقدم عريس من البندر أفندي وهي كانت مسبقاً
عقدت الرأي حباً عفيف مع ودالبلد( رغم بساطته مزارع عفيف يعيش عيشة الكفاف )
كانت الحلة والحي فرح بقدوم العريس الجاي يوم الأحد بقطار كريمة
وهي حزينة لان هذا ليس ما كان يتمناه الفؤاد ( الحديث لي ود البلد )
وبكت بكت بت البلد
لما الخبر شاع في البلد
أنو العريس قام يوم الأحد
...............
وزي مابقول الفاضلابي بت عمسيب حنينة ودودة لكن شواطينها بتقوم قرونن لما تتحدث
عن الحِيكومة ونظمها الفسادة ههههههههه دي بت عميب
العزيزة الحازمة مع الحق
الوديعة في خِدرها
لكنَا منَّا كل الأحترام والتقدير والمودة أخوات عزيزات
( سوف أكتب كلماتها لانو التسجيل غير واضح )
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
Quote: بنت. مصطفى دي بنت بلد وجدعة زي ما بقول ابن الفاضلاب وزي
ما بيقولوا اولاد سام im only kidding ..
وانا بشبه ليكم بنت مصطفى بميسون زوجة معاوية ابن ابي سفيان
والتي اختارت ان تعيش في خيمة في البادية بدلا من قصر امير المؤمنين
وبنت مصطفى ذات نفسها هي التي ضربت المثل بميسون في بوست
اخر في هذا المنبر العام عندما اوردت قصتها مع معاوية وهي التي كانت تنشد
وهي تبكي وتتمنى ان تعيش في خيمة تهب فيها الرياح من كل جانب:-
لبيت تهب الارياح فيه احب الى من قصر منيف
وكسر من كسير ابي احب الى من اكل الرغيف
وبعل من بني عمي كريم احب الى من ملك عنيف
فطلقها سيدنا معاوية واعادها معززة مكرمة الى اهلها في البادية..
وهذه هي الاميرة بنت مصطفى السيد والتي لا تبدل سعادتها باموال الدنيا
ولا اريد هنا ان نخرج من مسار البوست وسوف اواصل بعد اذنها في البوست الاخر
بوست الناس السمحين
ونعود غدا لنواصل قصة الاسرة الشهيرة اسرة بن لادن والتي تسيطر حتى
تاريخ اليوم على الكثير من مفاصل الاقتصاد السعودي
ودمتم بخير وصحة وعافية |
حديث صديق عن صديق
هكذا كتبت بت الشيخ بسمات عن صديقتها بت مصطفى ودالسيد الأميرة
حديث ينقش بماء الذهب
بت البلد الأميرة أميرة
يا أخوانا الصديق بأسمو ماهو صديقك
لكن الصديق الشاركك في ضيقك
ساعة الحارة ديك تلقاهو ديمة رفيقك
والناس تتوهم تقول أخوك شقيقك
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
كلمات قصيدة بت البلد
شاعرها السر أحمد عثمان
وهو شاعر القصيدة المشهورة التي ترنم بها كل الشعب السوداني
من نمولي لحلفا ومن نيلا لحدود الحبشة
أغني يا يمـــة رسلي عفوك ينجيني من جور الزمان
قصة بت البلد قصة حقيقة في ديار الشايقية صورها الشاعر في قصيدة
بت البلد التي رفضت المال الجاه من أجل حُب صادق لودالبلد البسيط وعِيشتو كفاف
وكان لسان حالها يقول
حُبي ولا ملي بطني
سعادتي ولا الكلام الني
كلمات القصيدة :
( يتحدث عن خبر العريس الموعود الجاي بمالو خالي من حب )
بلا خبر
طقَّ الخبر مالي البلد
قالوا العريس قام بي الأحد
الحِلي جاطّت
والحريم إتهامسن
جايِّ الولد
كوم من بنات ...
لي البير ورد ..
إتحدثن جاي الولد..
يا بختها
وا شوقنا
نحن اللينا حمر الشوق وقد
كُل الحديث الليلي
فوق بت البلد
لآمن خلاس
الليل دخل
وأخر شُعاع من الشمش
روّح نزل ...
ضي القميرا جا من بعيد
بهر قدل ...
أفر ظلام الحلي
قدامو ووصل
ناس البلد
النام رقد
والماسك السبحة وعبد
مشغول هو بي خبرالعريس
القالوا قام يوم الأحد
( يتحدث عن خبر الحبيب ود البلد اللذي أحبه قلبها )
هو بعيد بي غادي
في أخر الديار
راكوبة ضُلها حرَّ
من حر النهار
كوم من بروش
وجريد تمر , عيدان صغار
ودلوق هِدوم موروثة
من زمن الكُبار
وتلات عناقريباً صغار
كرابا متقطع نزل
النوم من البي فوقا
روّح تب جفل
راقد هِناك
كوم من ضياع
مُركب مِسافري بلا شراع
أحلام مسافري بلا وداع
ودموع ضياع تتجارى
من غير إنقطاع
أحرف آنين
ما خطتن إيد بي يراع
ديل النجوم
جن يودعنو, مسافرات هن سُراع
( يرجع يحكي كيف كان حال بت البلد في تلك الليلة التي جاء فيها الخبر )
بت البلد عبراتا
سدت في الحلق
تبكي وتنوح
تشرب دموعا وتنشرق
لآمن حِسيس نُقارة جاها
من الشرق ...
قامت مع الليل صنقرّت
وبكت بكت
شالت طِريحتا
لي الديمعات كفكفت
فجع السنين
الراح وجن
ايام زمان إتلملمن
وإذكرت كانت تقوم فجر الصباح
لمان يقوموا أهل الصلاح
أبوها شايل السبحة صاح
يا شافعي
سوي الشاي سريع شدي المُلاح
شيلي المناجل وأمشي قِداميالجرف
إذكرت كانت تسبقو
وتمشي تنزل بي تحت
تمسك سبيط التمرة
بي إيدا وتحت
تقعد تحُش اللوبا
لي القاويق تقش
تصل البحر ...
والموج يداعبا
فوق هِدوما ينط يرش
وبعدين تشيل القش تفوت
اليوم يفوت ...
وتفوت سنين
تمر سنين
يكبر عمير بت البلد
ويكبر معاهو كمان حنين
وفي يوم صباحو صباح هنا
واحة عبير نغمة غُنا
ريحة لبينة مقننا
مرَّ الجنى
وسلم علي بت البلد
زي عادتو
سلم وإبتعد
تابعاهو عين بت البلد
بت البلد سمعت
ضِريبات القلب
يا الله مالو دها القلب
بعد الثبات كيفن خرب
بت البلد عرفت تحب
واليوم داك ما جاها نوم
مادام خيال ود البلد
بين الخيال
شافت وجيهو الهاش وباش
شافت عيونو
الفيها طيف احلاما عاش
شافت سحاب الريدا فوق واديها راش
بت البلد تاهت
مع الشوق اللما عاد ينكتم
الصورة هادي
الفي خيالا بتترسم
وأسمو العلي
نونات خِديدا صبح وسم
تاهت مشت سايقاها
دقات الدِليب
لدار حبيبا نور القليب
لي قعدة عصراوية
فوق العنقريب
للونّسي والخاطر يطيب
لي مسكا في إيد الحبيب
والقفة قدام الجِنات
والقرمصيص وغُنا البنات
والصفقة من تالا الجِينات
مابتسمعا وجاياها
من أخر البلاد ...
إتذكرت كيف حاج مُحمد والدا
حالف يمين ود البلد ما يخدا
لو كان ركع قِداما
صلى ويعبدا
إتذكرت قول حاج مُحمد والدا
قال ليها ماعندك أدب
تعبان فيك سنين فوقك تعب
وأديك لي زولاً كعب
تربال وعِيشتو عدم عدم
لا قاري لا ماسك قلم
تاخديه تندمي صح ندم
يشقيكي يوريكي الألم
إتذكرت قول حاج مُحمد والدا
وصف العريس الجايِّ بي قطر الأحد
كتّر محاسنو وعددا
راجل موظف وعندو مال
يأويك في بيت الحلال
تبقيلو كيف ام العيال
وإتذكرت لما أبت
قول حاج مُحمد والدا
كيف نهرا وحالف يمين بودرا
لوما رضت بي الجاي
بي قطر الأحد
وإتذكرت الحبيب ود البلد
في الغُربة روّح وإبتعد
وبكت بكت بت البلد
لما الخبر ذاع في البلد
أنو العريس قام بي الأحد
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبد المنعم سيد احمد)
|
http://www.youtube.com/watch?feature=player_detailpageandv=9023G82zRQchttp://www.youtube.com/watch?feature=player_detailpageandv=9023G82zRQc
وجدت بعد بحث مضني قصيدة عاشق الضفاف وهذه محاولة بسيطة لنقل القصيدة هنا .. واذا فشلت قم انت بالواجب...
واذا الفيديو ما اشتغل هنا .. خلاص القروية بت مصطفى عادتنا وندخل كورس جديد لتكنلوجيا الاتصالت والمعلومات
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبد المنعم سيد احمد)
|
Quote: استاذنا خالد محجوب
اولا شكرا على كلماتك الطيبات وهو شكر لا اظن استحقه ... ومفروض نشكر نحن بت مصطفى التي اتاجت
لنا هذه الفرصة.. وهي قرات ما كتبت ولم تعلق.. ( وان شاء الله تكون العبرة خنقتها وا قدرت تتكلم).. |
بت الشيخ الفنجرية
يا ستي كدي في التبادي كدي نشيل الحاجات بتاعت أستاذ ودكتور دي
تخيلي بريدها حافة خالد
أو المنسي مع أني ما منسي
والمنسي دي يا بسمات ليها قصة
لما كنت عاوز انضم لمنبر سودانيزولاين كتبت لي بكري ابوبكر صاحب المنبر
وانا أيامها كنت في كوسوفا
كتبت التالي
( أخوك خالد علي محجوب منسي في بلد من بلادالله الواسعة لا رفيق لا حبيب فهلا جادت روحك الطيبة
علي بسماح أن أكون عضو في هذا المنبر الجميل )
تصدقي أرسل لي الباسورد اليوزر نيم في نفس اليوم
وكاتب لي اليوزر نيم ( خالد علي محجوب المنسي ...ههههه كمان أضاف ليها الـ )
والله يا بت الشيخ لو سطرنا مجلدات في الأميرة أميرة ما كفتها أميرة أميرة وانت وبت عمسيب والله نعزكم
كتير
أميرة فيها شئ ومع أننا لم نقابلها لكن من خلال مفردتها تدخل في قلوب البشر دون إستئذان إنسانة بكل المعنى اللذي
تحمله هذه المفردة غايتو هنئاً لك بصدقاتها وهي سعيدة بصداقتك وهذا يعكسه حديثها عنك وحتى قبل ان تأتي وتكتبي
عرفناك وعرفنا معدنك الاصيل من حديثها ربنا يحفظكما معاً ويديكم اكثر من اللذي تريدان
تحياتنا وسلااام كتير لبت مصطفى لو اتصلت
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
Quote: الحبيب عبد المنعم سيد احمد
الف الف شكر لقيامك بالواجب واظنك ضليع في امور تكنلوجيا المعلومات والإتصالات..
واستاذ خالد اظنه مشغول شديد وما قادر ينزل لينا عاشق الضفاف..
ومرة ثانية تقبل تحيات بت مصطفى الأميرة اميرة ,,
ودمتم بخير وصحة..
الصورة .. صورة ست الشاي والقهوة .. لوحة رائعة جدا جدا
ونرجو ان نعود قريبا للتعليق عليها |
لا والله ما مشغول لكن كنت خارج ولما عدت وجدت الاخ عبدالمنعم سيد أحمد قام بالواجب وكفى
وكما منزل لوحة جمال بدوية في بيت بدو لوحة حلوة كتير
وعاشق الضفاف فعلاً لوحة شعرية
كتبها الشاعر ود بادي في مدينة العين في ابوظبي وكان قد أضناه البعد عن الوطن
واشتاق لجناين شندي وضفاف النيل في المنحنى وطبعاً بداية منحنى النيل عندما يغير مساره بالضبط كدا
في منطقة ناس ود بادي ( سلوى .... قرية عبدله )
ومن هذه النقطة لحدي شمال شندي بكون مسار النيل من الغرب للشرق وبعدها بتجه شمالاً مرة أخرى
وبالله يا عاشق الضفاف
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
Quote: الحبيب عبد المنعم سيد احمد
الف الف شكر لقيامك بالواجب واظنك ضليع في امور تكنلوجيا المعلومات والإتصالات..
واستاذ خالد اظنه مشغول شديد وما قادر ينزل لينا عاشق الضفاف..
ومرة ثانية تقبل تحيات بت مصطفى الأميرة اميرة ,,
ودمتم بخير وصحة..
الصورة .. صورة ست الشاي والقهوة .. لوحة رائعة جدا جدا
ونرجو ان نعود قريبا للتعليق عليها |
لك التحية الاستاذة اميرة ... ولضيوفك الكرام
ومرحبتين حبابك
تمنيت ان اتواصل معكم ..بنفس اطول فى الكتابة
ولكن لى فترة طويلة اكتب بطريقه متعبة ومشتتة للذهن
اذهب للكيبورد العربى من قوقل..ثم التقاط الحروف بالماوس
وكوبى ثم بيست..وهكذا
فمعذرة لكم جميعا ..
بالله ياناس الخليج ...لو لقيتو زول جاى
على بلدنا البعيدة دى ..ابعتولنا كيبورد عربى
ههههههههه
لكم التحايا فردا فرد
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالله ود البوش)
|
الحبيب عبد المنعم
بس ما ضروري يكون عندك كيبورد عربي عشان تكتب عربي .. وما عليك إلا تفتح control panel ,وتضغط على Regional Language and language option
,وبعدين تضغط على اللغة العربية وتضغط على apply والكيبورد حيكتب انجليزي اذا ضغط على Alt و Shift مع بعض .. بس تكون حافظ مكان الحروف العربية في
الكيبورد الانجليزي ..يعني حرف الـP حيكتب (ح) وحرف O حيكتب (خ) وحرف الـ U حيكتب (ع) .. وهكذا ...
شفت التكنلوجيا كيفن .. واذا ما حافظ مكان الحروف العربية فين في الكيبورد الإنجليزي ممكن تحفظهم في ثلاثة ايام.. والقروية بنت مصطفى قربت تعادينا وننسى التكنلوجيا وفشلت في
نقل قصيدة للشاعر الفذ ود بادي ...Im only kidding - بسمات بنت الشيخ عبد الرحيم
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: مني عمسيب)
|
| Quote: عوووووووووووووووك بدران جاكم ههههههههههه |
فاقدنك الحِسان والمسنيح من جم
يا الأسد الهصور الفي خلاهو رزم
ساند التقيلة الواقعة مابشيل هم
ود البوش أخوي حبابك تعال إنجم
خالد
كنت تقول لينا ونفرش الدروب بساط أحمر وحمد الله سلامة الفاصل ونواصل إنتهى
هههههههههههه
كيف خبر البقيرات المعوز الحلبن ؟؟
تحياتي
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
Quote: نطالب بحضور الرطاني فيسل هليل لينضم الي هذا البوست
ياخ ده رد علي في بوستو بتاع حلفا رد يقطع مصارينك من الضحك |
فيصل هليل مرة تخرج بعض السودانين في جامعتنا 2 أنصار سُنة وواحد إنتي يساري
جاء المدينة بتاعتنا ( تربطنا به علاقات قوية )
نزل معاي في البيت ومشيت معا بارك لانصار السُنة وإتغدينا معاهم ولما أمس الليل لبس وقال نمرق
الجماعة قالوا أقعد يا فيصل
قال ليهم باركنا لأنصار السُنة نمشي بالليل نبارك لانصار السِنة
فيصل راجل جميل ونطالب ونثني طلبك في إنضمامه لهدين البوستين ( بوستات المسانيه والمسنوحات )
تحياتي فاضلابي
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
Quote: الحبيب عبد المنعم
بس ما ضروري يكون عندك كيبورد عربي عشان تكتب عربي .. وما عليك إلا تفتح control panel ,وتضغط على Regional Language and language option
,وبعدين تضغط على اللغة العربية وتضغط على apply والكيبورد حيكتب انجليزي اذا ضغط على Alt و Shift مع بعض .. بس تكون حافظ مكان الحروف العربية في
الكيبورد الانجليزي ..يعني حرف الـP حيكتب (ح) وحرف O حيكتب (خ) وحرف الـ U حيكتب (ع) .. وهكذا ...
شفت التكنلوجيا كيفن .. واذا ما حافظ مكان الحروف العربية فين في الكيبورد الإنجليزي ممكن تحفظهم في ثلاثة ايام.. والقروية بنت مصطفى قربت تعادينا وننسى التكنلوجيا وفشلت في
نقل قصيدة للشاعر الفذ ود بادي ...Im only kidding - بسمات بنت الشيخ عبد الرحيم |
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
Quote: الحبيب عبد المنعم
بس ما ضروري يكون عندك كيبورد عربي عشان تكتب عربي .. وما عليك إلا تفتح control panel ,وتضغط على Regional Language and language option
,وبعدين تضغط على اللغة العربية وتضغط على apply والكيبورد حيكتب انجليزي اذا ضغط على Alt و Shift مع بعض .. بس تكون حافظ مكان الحروف العربية في
الكيبورد الانجليزي ..يعني حرف الـP حيكتب (ح) وحرف O حيكتب (خ) وحرف الـ U حيكتب (ع) .. وهكذا ...
شفت التكنلوجيا كيفن .. واذا ما حافظ مكان الحروف العربية فين في الكيبورد الإنجليزي ممكن تحفظهم في ثلاثة ايام.. والقروية بنت مصطفى قربت تعادينا وننسى التكنلوجيا وفشلت في
نقل قصيدة للشاعر الفذ ود بادي ...Im only kidding - بسمات بنت الشيخ عبد الرحيم |
العزيزة بسمات بت الشيخ
بالنسبة لنقل فيديو من اليوتيوب او اي مكان أخر
هي خطوتين
شغلي الفيديو
بالماوس كليك باليمنى تظهر لك نافذة بالأيسر اضغطي علي ( cope embed code )
امشي في مكان رد وعندما تفتح صفحة الرد أعملي
( paste ) بنزل code الفيديو وبعدها أضغطي اضافة رد عادي مثلما لما تعمل مداخلة
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
Quote: لك التحية الاستاذة اميرة ... ولضيوفك الكرام
ومرحبتين حبابك
تمنيت ان اتواصل معكم ..بنفس اطول فى الكتابة
ولكن لى فترة طويلة اكتب بطريقه متعبة ومشتتة للذهن
اذهب للكيبورد العربى من قوقل..ثم التقاط الحروف بالماوس
وكوبى ثم بيست..وهكذا
فمعذرة لكم جميعا ..
بالله ياناس الخليج ...لو لقيتو زول جاى
على بلدنا البعيدة دى ..ابعتولنا كيبورد عربى
ههههههههه
لكم التحايا فردا فرد |
أخي عبد المنعم ود سيد أحمد
والله دي الليلة دايرا ليها كبش وبوش
الشفنا خطك هههههههههه تراكا خطاط
كنت حاسس بيك ممكون وصابر وتنزل في الصور الفيديوها تعبر عما يجيش بخاطرك مشاركة
أها تابع كلام بت الشيخ دي ونسمع منك بندور حكيك
تحياتي يا رائع وجميل
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
Quote: جيدن جيت ود امي ... وبركة الجمعت ههههههههه
Quote: عوووووووووووووووك بدران جاكم ههههههههههه
حباب بدران اخـوي مقنـع بنـات الحـــوش
اب درقـآ متيــــن اللــــي عدونــــــا بحـوش
بالجود والكـــرم ......البعزمك في البـوش
الخاتـي المــــلام الديمــة طبعــــو بشــــوش |
بت عمسيب حبابك
بنقول ليك يا جبل ماتهزك ريح
وأنت جبل بكل ما تحملي من أصالة بدواخلك
تحياتي ومودتي
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: اميرة السيد)
|
Quote: الحبيب خالد محجوب.. وما بنقول ليك المنسي عشان المنسي ما جزء من اسمك ...
الشكر اسماه وارفعه نجزيه لشخصك الكريم لهذه المعلومة الهامة لأني كنت بتبع نفس الخطوات ولكن كنت
بضغط على الـ URL >>
وسأنقل هذه المعلومة لبت مصطفى عشان تتابع التكنلوجيا وتترقى شوية
ودمتم في اتم صحة وعافية |
تعرفي يا بسمات
هم شعراء أخوة وتجمعهم محبة خالصة
الشاعر محمد الحسن سليمان حميد
الشاعر محمد طه القدال
الشاعر محمد بادي
الشاعر الجيل عبدالقدر الكتيابي
الشاعر ازهري أحمد علي
الشاعر محجوب شريف عليه رحمة الله
الشاعر السر محمد عثمان
ويجمههم صالون عبدالقادر الكتيابي في العرضة كانت لهم لقاءات اسبوعية
وبينهم مودة كبيرة
سوف نقوم بتكريم الشاعر عبدالقادر الكتيبابي قريباً هنا في الامارات تكريم ان شاء الله سوف يكون
كبير وسوف يحضر له القدال وأزهري أحمد علي من السودان مع الفنان ابوبكر سيد أحمد
وسوف يكون من شعراء الامارات كم هائل أضافة للشاعر ودبادي والسر محمد عثمان وهما مقيمان هنا في الامارات
ومن هسي أنت وبنت مصطفى مدعوتان
هي ما نسيت وبرضو انت يا بت عمسيب ماتجي تهيج فيني
والله انا جادي لو عندكم فرصة حضور ان تحضروا حا يكون حدث ان شاء الله ونحن الان في طور التحضير لهذا الحدث
سوف يكون قبل نهاية هذه السنة الكبيسة
ضحكت لي ضحكة كبيرة وقلت الحمد الله لما نزلتي الفيديو بتاع أزهري
عرضت وقلت خلاس بت الشيخ بسمات صرفت الشيك وما نقطت الحروف الفالحة ههههههه
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
وسوف يكون من شعراء الامارات كم هائل أضافة للشاعر ودبادي والسر محمد عثمان وهما مقيمان هنا في الامارات
ومن هسي أنت وبنت مصطفى مدعوتان
هي ما نسيت وبرضو انت يا بت عمسيب ماتجي تهيج فيني
والله انا جادي لو عندكم فرصة حضور ان تحضروا حا يكون حدث ان شاء الله ونحن الان في طور التحضير لهذا الحدث..
..........................................
..........................................
.........................................
.........................................
انا ما بكضب عليكم ،، وما بقدر اتنفس لغاية شهر مايو القادم وعشان كده ما بقدر اشارك لكن من المؤكد ان بنت مصطفى
لمن تعرف ان الشاعر ود بادي مشترك حتاخذ اجازة بدون مرتب عشان تحضر .. وطبعا اذا هي اساسا رجعت من رحلة العمل
الطويلة دي لأنها مربوطة بذلك العمل حتى نهاية المامورية
ودمتم بخير
| |
|
|
|
|
|
|
|
|
 Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
ها ناس هوووووووي اسع الحقكم كيف نهروا نهري جد
وانا حماري دبزاوي
لكن حرم عفضة ساهي الحقكم
ول اقوليكم قولة واحد استعدال اتنين ضربي نار تلاتة كف يا رجال
من هنا ولي غادي اها
.
.
اولا بالتبادي اميرة طالبة نص ضربة هههههههههههه
واتا يا خالد عفيتك عشان دوبتيك الفوق داك
وبت عمسيب دي علا اكافيها رب العالمين طالباني مليون ضربة ههههههههههه
ومليون دوباتاية تخلي الزول اضارب الناس دوليا ههههههه
.
.
ها ناس والله وناسين ونسة تاني هدي التفينة هنتو نية
حرم كنت داير اقنع باطن وظاهر لكن جابتني عوة بس
وطلعت لخير
.
.
وين المسانيح ؟
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
Quote: ها ناس هوووووووي اسع الحقكم كيف نهروا نهري جد
وانا حماري دبزاوي
لكن حرم عفضة ساهي الحقكم
ول اقوليكم قولة واحد استعدال اتنين ضربي نار تلاتة كف يا رجال
من هنا ولي غادي اها |
.
هيييييع حبوب حلالي ومادلّا
.
| Quote: اولا بالتبادي اميرة طالبة نص ضربة هههههههههههه |
ليه عملت ليها مس كول
ولا رسالة ( sms )
| Quote: واتا يا خالد عفيتك عشان دوبتيك الفوق داك |
دحين قبل الدوبيا الفوق دي ما طالبك أنا ضربة
Quote: وبت عمسيب دي علا اكافيها رب العالمين طالباني مليون ضربة ههههههههههه
ومليون دوباتاية تخلي الزول اضارب الناس دوليا ههههههه |
.
وتستاهل الله يديها العافية ويحفظها من المسلطين
وهي صامدة ويا جبل ما تهزك ريح
.
Quote: ها ناس والله وناسين ونسة تاني هدي التفينة هنتو نية
حرم كنت داير اقنع باطن وظاهر لكن جابتني عوة بس
وطلعت لخير |
وفي حوش الأمير بت مصطفى جلستنا المسائية والضهرية عند ود ابوسن
تقهوج ونتونس
وتسلموا وربنا يحفظكم
.
.
ود ابوسن الموبايل عرفلّو بقى مع مشاكل الشبكة هههههههه
محمد عبدالقادر ودضرار عليك الله بكرة اضربلّو وهو بوريك ليه مختفي جيبو في يدك وتعال
وتكون حليت نص ضربتي الدايرا منك ( لانو اتصال داخلي ) ههههههههه
| |
|
|
|
|
|
|
|
|
 Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
Quote: ومرحبتين حبابك
تمنيت ان اتواصل معكم ..بنفس اطول فى الكتابة
ولكن لى فترة طويلة اكتب بطريقه متعبة ومشتتة للذهن
اذهب للكيبورد العربى من قوقل..ثم التقاط الحروف بالماوس
وكوبى ثم بيست..وهكذا
فمعذرة لكم جميعا ..
بالله ياناس الخليج ...لو لقيتو زول جاى
على بلدنا البعيدة دى ..ابعتولنا كيبورد عربى
ههههههههه
لكم التحايا فردا فرد |
يا ودالبوش
يا أخي ودسيد أحمد عبدالمنعم دا نزل لوجة من الجمال أهاجت كل مشاعر ماتت فينا
جمال الريف وبت الريف
وهي البنت التي قال فيها شاعر من نواحينا غادي
اللول يا رباعا
وناري بتزيد كُلو ساعة
يا زُمال الله لينا
ولي التفاح عِنب الجنينة
لونن الخفض الرتينة
وسبعين نفر مفقودة فينا
خيزران ساكن رفاعة
وإيدو جدلة وعينو ساعة
هويت أصرخ أخخخخخ
بقيت زي شافع الرضاعة
قليب العاشق ودرنّو
وشالن نومي إتقسمنّو
شالن نومي إتقسمنّو
وكتير المتلي هملنّو
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
Quote: ا أخي ودسيد أحمد عبدالمنعم دا نزل لوجة من الجمال أهاجت كل مشاعر ماتت فينا
جمال الريف وبت الريف
وهي البنت التي قال فيها شاعر من نواحينا غادي |
شفتها
شفتهااااااااااااا
شوفتهوووووووووو
وي شفتهاااااااااا
مالك علي ود المنسي في هوادي الليل داير تخليني انبح هوي اصلي براي متحسس
عاين جاي
البارح بالليل ضربت لي التهجة بت خالي البلولة عشان اتفقد معاها النعيجات والخرفان اللستوت للضحية
نبرت حسها معناة المعنى ما عجبتني كلو كلو
مالك يا التهجة
قات لي النعجة ام التيمان الشقر عيانة قالتا بنبرة حزين خلاس
واسع هدي خاتاها فوق كرعي وكلمتها في اضانا يا عبضول
دي التهجة يا ود المنسي بتكلم في النعجة وتقول ليها
اتي يا يما ان شا ءالله يومي سابق يومك
وعبرة بكاها قطعت الخط تيت تيت تيت تيت
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالله ود البوش)
|
هووووووي ياودالبوش حرم كلام قنع
مابنقبلو تب انت زول ماك براك ولاشنو
اقسم بالله العظيم انت والاخوان والاخوات
الفي البوست دا والبوستات المشابهه
المديننا عشم انو الدنيا لسة بي خيرا
والله الواحد الهموم والمشاكل بنساها
في باب بوستاتكم دي فدحين ياودالبوش
كان عادينا اخوانك جد جد وعايز خوتنا دي
تمشي لي قدام تاني ماتجيب سيرة انك ماش
ودالمنسي ياحبيب العريبي دا دي راسو
سلمتم
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: سليمان القرشي)
|
ود البوش فرحت بي جيتك والله
ها زول ماشي وين . دوبا حلت للدعس
بت عمسيب دي أكتوفها ما تعيق ليها زول ولا تحرق دمها .. حرم يا خية الناس ديل جلدم تخين الواحد كان جرحتو بي سكين ما يشعر ببها ..
بت السيد النعلها شديدة
والباقين كلهم
شوكران ودالمنسي علي الاتصال ..انبسطت ببك ..انا اجرحر في الكلام وانت تتركس لي ورا تعاين للرصيد
هازول ها
طلق كان دخان القروش بلم اللخوان حرم نولع ليك النيران في الجنيهات نار تقابة
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: سليمان القرشي)
|
Quote: هووووووي ياودالبوش حرم كلام قنع
مابنقبلو تب انت زول ماك براك ولاشنو
اقسم بالله العظيم انت والاخوان والاخوات
الفي البوست دا والبوستات المشابهه
المديننا عشم انو الدنيا لسة بي خيرا
|
والله يا سليمان انا ذاتو ما بدور فوتتكم لكن انوريك مشكلتي في المنبر والاسافير عامة
في ناس لا كرامة ولا اخلاق ولا مروة اقوم واحد من ديل اشتم واسئ لاخواتنا وبناتنا
اها انا شواطين الدنيا كلها بتركب راسي ولو بيدي اقفل الجهاز وامش اضبحو جخخخخخخخخ
اها قلت افوت انا عشان ما اجيب ليكم رقبة
واقوم تاني جنس كلامك دا ارجعني ويا اللوري دردق بي ويا اللوري دردق بي
بالله كيف تمام
طيبين وجركم ملان عجين
تحياتي ليكم جت عليكم
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالله ود البوش)
|
Quote: شفتها
شفتهااااااااااااا
شوفتهوووووووووو
وي شفتهاااااااااا
مالك علي ود المنسي في هوادي الليل داير تخليني انبح هوي اصلي براي متحسس |
والله الجنى قطع مصاريني بي الوجعة خلاني أكابد ودميع الرجال مكابدة
عاد شن أقولو دو سيد أحمد بندور متل وجنس الحاجات دي لكن بتأذينا وتولع سهراجة فينا
واللول اللول يا رباعة
وناري بتقيد كُلو ساعة
Quote: عاين جاي
البارح بالليل ضربت لي التهجة بت خالي البلولة عشان اتفقد معاها النعيجات والخرفان اللستوت للضحية
نبرت حسها معناة المعنى ما عجبتني كلو كلو
مالك يا التهجة
قات لي النعجة ام التيمان الشقر عيانة قالتا بنبرة حزين خلاس
واسع هدي خاتاها فوق كرعي وكلمتها في اضانا يا عبضول
دي التهجة يا ود المنسي بتكلم في النعجة وتقول ليها
اتي يا يما ان شا ءالله يومي سابق يومك
وعبرة بكاها قطعت الخط تيت تيت تيت تيت |
وهذا ما ألحظه يا ود البوش حقيقةً في أهلنا
مَحنَّتهم الزائد وفايضة تفوق حمل أبنائهم وأهلهم فيوزعوها على بهائهم وأرضهم
تجد الواحد منهم حنين في بهائمة في أرضه .. تجدهم يسمونها بأسماء مثل لبشر ويحادثها
يا سلااام يا ودالبوش ما تخليني على وجعي في لوحة الجمال بتاعت ود سيد أحمد كمان إت بتقلب علي مواجع
تانية وين يحوق وجعنا
الله فوق فوق حن علينا
وبي هواهم إبتلينا
تسلم التهجة الهميمة بت خالك البلولة الحنونة
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
Quote: والله الواحد الهموم والمشاكل بنساها
في باب بوستاتكم دي فدحين ياودالبوش
كان عادينا اخوانك جد جد وعايز خوتنا دي
تمشي لي قدام تاني ماتجيب سيرة انك ماش
ودالمنسي ياحبيب العريبي دا دي راسو
سلمتم |
ودالقرشي
سلااام يا الطيب علك عافية درت
تاني تب ما بنخلي يمشي كان داير فاصل يسوي نوم جنبنا هنا في تكية بت مصطفى أمير الأميرة دي
عليك أمان إلا اقلقل نومو يغيب أدي تلفون واردم فوقو الدين
أصلي هسي داير منو ضربة ودوبايا ههههههه
جيبو لي الفاضلابي وفيسل ود هليل الرطاني تاني ما بزح فيصل بضحكو زوولاً عديل بالحيل وطيب
وبعدين في المجر من سنة 1974 حاتل ( رطاني ونسى قدر العربي البعرفو )
| |
|
|
|
|
|
|
|
| |
عبدالحفيظ ابوسن
خالد علي محجوب المنسي
الطيب شيقوق
عبدالله ود البوش
مني عمسيب
عبد المنعم سيد احمد
mohmed khalail
عبدالعزيز الفاضلابى
Abdlaziz Eisa
سليمان القرشي
فيس بوك
تويتر
انستقرام
يوتيوب
بنتيريست