تساؤلات في القرآن

Quote: إنت قلت إنك مع النقد العلمي للدين .. و أنا متفق معاك بطبيعة الحال .. لكن هل من النقد العلمي : الهجوم على نوايا المتدينيين و إتهامهم بالتظاهر بالإقتناع .. و وصف مقدساتهم بـ (السوءات) .. و غيابهم (المعتذر عنه) بالهروب .. ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ أم أن هذا شغل (بروباغندا) لا أكثر !! عموما .. النقطة المهمة هي تحديد النزاع .. هل هي تساؤلات ممكن نختلف فيها و كل زول يدي فهمه بلا تجريم .. أم أن القصد فقط هو (إثبات) تناقض موهوم للدين الإسلامي و وصم معتنقيه بالغباء و اللاتماسك النفسي و الإرهاب .. و خلاص !!!!! على الأساس ده الزول يشوف يتعامل مع البوست ده بجدية .. و لا يمشي يناقش نقولاته القديمة دي في أماكن تانية أكثر إحتراما للإنسان و فكره ..

Quote: طبعاً يا دكتور محمد القرشى الفكرة واضحة جداً ... لاكين الناس دى قاعدة تتوارث "كليشيهات" ما فيها أى إعمال للفكر ... كان مسلمين القطاع العام .. كان "حداثيى" هذا الزمان ...

يعني كان متفق معاي في إنو البوست ده ما ماشي عديل ..
و فيه محن في النقاش معاك ..

قمت جيت حضرتك و قلت ليه ..

Quote: تبارك انت بس ناقصاك شوية بروباقندا ،رايك شنو تجي معاي البرندا البرا ونكون اخوان في العبث

يعني عملت فيها إنو بيناقش بطريقتك و ناقصاه شوية بروباقندا على قولك ..
و كويس إنو أداك على راسك لما بقيت تتعذر بالنكت و المصريين
و لو كنت فهمت من الكلام ده ..

Quote: عموما مسألة البروباقندا البتهددني بيها دي .. أمشي أسأل عنها تبارك البتحاول تتملقه ده !! ما أظنه راضي عن طريقتك الساذجه دي أصلا ..

إني بحرش زي الشفع ..
فيبدو إنو ده مستواك الفكري فعلا !!
لأنو السياق المابتعرف دائما تقراهو ..
بيوري تماما إني بحيل لإعتراض تبارك على طريقتك البروباقاندية ..
علشان بس يكون في second opinion
لكن الحمد لله أسي إنت فكيت آخرك و إعترفت براك ..

أخيرا
مادام إنت لسه مقتنع إنك قاعد ترد و تتحاور معاي ..
متذكر كلامك ده ..

Quote: اما ماتقوله عن نفسك من فهم صحيح للدين ولاتجد فيه اي مفارقات فلا اظنك كذلك حتي لو تظاهرت بذلك ! وثاثبت لك ان مداخلتك الطويلة كلها ثقوب وغير متوازنة حتي بمقاييس فرد عادي حديث عهد بالاسلام

أها أنا إتسديت حول إساءاتك الفي الكلام ده ..
لكن لحدي أسي ما شايف الإثبات المفصل القاعد تتكلم عنه ده؟؟!!
دي حالتها أول مداخلة طويلة ..
و شابكني هربان و ما بتعرف ترد و قاعد تنقل ..
غايتو بعد هدفك وضح ما لايمك على زوغانك ..
لكن كمان ما تعمل إسقاط علي في السكة !!

Quote: وجود قناعات من النوع دا يعني قبول ايديولجية محددة والدفاع عنها باستماته كما كنت ادافع عن الحزب سابقا

مبروك عليك تحررك ..
و بحترم النوع ده من الصحو ..
لكن رجائا ..
ما تجي تحاول تفرض قناعاتك بالحق و الباطل على التانيين ..
لأنك من حيث لا تشعر لا تزال تمارس الدفاع المستميت ..
عن اللاقناعة هذه المرة !!

فتك بعافية ..
و ده طرفي من البوست ..
مالم يستجد جديد
________________________________
شايفك طلعتني لا ديمقراطي لا علماني
أها ياربي أي زول ما شايف تناقض في دينه
يبقى معادي للديمقراطية و العلمانية .. و هل العكس صحيح ؟؟!!
و لا بس لازم تواصل التنميط للآخر و لو لقيت طريقة تطلعني من القاعدة
و للمره المليون ..
إنت العرفك شنو بقناعاتي السياسية ؟؟!!