ملكة جمال العالم( صور وحوارات).

Quote: فوق ...دعما لجمال البوست

Quote: غابة من الحيتان.. أقصد الحسان.. التحية لك عزيزي الفاتح.. نتابع بعيونا.. وكتل الغزال لي قدام..

Quote: ونعرج هنا لتعليقات أصحابك في هذا البوست، فمنهم من يرى حاجة تشده إلى هذه الفاتنة، يعني بالعربي البسيط حاجة فيك تقطع نفس خيل الفوارس تشده أجراس المعابد. ومنهم صاحبك أنس التوم المتيم بجسيكا وهي مليحة طبعا ولكن حسب مقاييسنا نحن الما عندها أي معايير ومنهم صديقنا الحبيب البحيراوي صاحب الديس فهو توقف عند الديس وقارنه بأنه سلام ظابط

Quote: الأعزاء فضل الله خاطر والفاتح يا أخي مالكم بدورو تجنوننا في هذا الصباح عندنا والمساء عندكم أنا فكّر والدي يعالج في بي الليحان والبخرات دواي ما عندو -- عند السرح الموجات

Quote: بتفق معاك في مسألة إختلاف النظرة للجمال. ودي حتة أعيت الفلاسفة القدماء منهم والمعاصرين. بروفيسور المزروعي لديه مقولة:" أن واحدة من وظائف الثقافة السبع، حسب تعريفه انها:تتيح للمرء عدسات للإدراك والرؤية الجمالية وخلافها.وضرب مثلا برؤية هنري كسنجر وآيات الله الخميني للعالم من حولهما بإعتبارهما نتاج ثقافتين وحضارتين مختلفتين.لكن الملاحظ انه حتى عندما ينتمي الافراد لذات الحضارة او الثقافة فإن رؤيتهما الجمالية قد تختلف، رؤية الاحباب أنس والبحيراوي التي اورتها، مثالا. وفي ذات الوقت ممكن ان نجد اناسا تعرضوا لإشعاع ثقافي مختلف بينما رؤاهم الجمالية تتطابق. عندما زارت معالي حنا رباني خار، وزيرة خارجية باكستان الهند في الصيف الماضي، فإنها احدثت ما يشبه الإنقلاب في عالم الموضة والجماليات، حتى أن مجلة تايم قد ذكرت بأن وسائل الإعلام الهندية قد إهتمت بأناقة الوزيرة وحقيبة يدها وهي من تصميم Hermes - بيت الموضة الفرنسي الشهير- بأكثر من إهتمامها بمحادثات السلام المتعثرة بين البلدين*. شغلانة الجمال دي بالذات، زيها زي الحب، يصعب إنو الزول يلقى ليها تعريف منضبط أو معايير موحدة مهما كان الجمال آخاذا ساحرا وصارخا مجلجلا!.

Quote: الاخ عبدالمجيد تحياتى وتشكراتى على الاطراء الذى لانستحقه وذكرياتنا عن كردفان وجمالها عند الانسان والطبيعة وهما يتنافسان فى سلب الفؤاد والبصر لا تفارق الخاطر وبمناسبة الجمال رأيت كباشية اتت شاهدة فى جناية قتل فى سودرى سنة79 ولا تزال الصورة ملتصقة بل ملتحمة بكل اعصاب الذاكرة دون فرز فهى الأجمل على الاطلاق والى كرمنا الله يومها بالنظر على جمال الخلقة " شوف جمالا دهشنا معشر الفصاح بين ناطق صامت وبين صامت صاح " لله در خليل فرح افندى الاعجمى الفصيح ....وفعلا حصلت الربكة فى المحكمة والكل انعقد لسانه وكدنا نميل بميزان العدالة محاباة لتلك الحسناء وميلا معها مما قد يضر بقضية الاتهام او الدفاع ولكن فقنا بعد فترة .... لم يكن يستر جسدها الجميل الا رقباب احمر مخطط بالاسود لفته ببراعة حول خصرها فستر ما استطاع وترك الباقى لتأمل الخلق واللهم لا حسد ...لا اريد ان اخوض فى وصف حسى حتلى لا افسد جماليات البوست.. تحياتى للاخوة القانونيين من ابناء كردفان فى المهاجر.

أخي الأكبر وأستاذي اللورد يحي.
"رسايلي محمولة"
زمان وقبل أن تصبح التعددية دغمسة والتسامح جغمسة، كانت وزارة الثقافة تطبع وتوزع بوسترات لبنت من دار الكبابيش وأخرى لبنت من قبيلة الزاندي وثالثة لبنت من قبائل الهدندوة ، وكانت كل صورة من تلك االصور لوحة مدعاة للتأمل في الجمال والإبداع الرباني المدهش ( جمال طبيعي والله ما مزور ). يا حيل زمان وسنين زمان!
مشكور على الوصف السريالي واللوحة التي زلزلت المحكمة الكبرى بقوة 9 مقياس ريختر وكادت أن تذهب بميزان العدالة!.

يا داب انا فهمت ليه ما كنت بتخلي الـ Trainees يهوبوا ناحية الديار ديك حتى لو كان الموضوع تصريح عريضة او طلب إطلاع!.


محبتي

Quote: البوست دا مدان تحت المواد 1- اعلان الحرب.. 2- اثارة الكراهية 3- تقويض النظام.. -------------- كسرة: رجل الأعمال السوداني دا قولو ليهو عليك قضاء وكفارة

عزيزنا الهادي محمد ابراهيم .
وجود ود القاضي وود الصايم في البوست بيثبت اركان الجرائم الفوق دي كلها بمالا يدع مجالا للشك المعقول!
وكان مغالطني أسال خالد عبدالله محمود

Quote: كسرة: رجل الأعمال السوداني دا قولو ليهو عليك قضاء وكفارة

طبعا في ناس قالو الكفارة ذاتها ما بتحلو كدي شوفو ليهو حاجة تانية.
تحياتي للشباب في جنوب افريقيا الشامخ منديلا.

محبتي

(عدل بواسطة الفاتح ميرغني on 02-17-2012, 01:08 PM)

Quote: الفاتح سلامات وووووووووووووووووووب علي خالك من الاثيوبية بوست عجب وابداااااع

الفاتح ميرغني
جزاك الله جمالا ياخ..

أولا أطالب بعدم أرشفة هذا البويت ونقله للربع الجديد إن شاء الله


العسل .. بلم النحل..

شايف كل ناس النخجي اتلموا و كذلك الأوغاد.. ومن لا اسميهم



شاكلة ود الموج و ود الصايم و حبيب نورا و ود جبريل


كدي النخم نفسي
وأجيك راجع تاني
وفاقد حسن...
الزول دا كلموه

و
ودوني تشيلي انا... (177سم) الزراف ال

(عدل بواسطة اشرف السر on 12-19-2011, 06:45 PM)

Quote: وكذلك الاطفال عديمي المأوى

Quote: صاحبك أنس التوم المتيم بجسيكا وهي مليحة طبعا ولكن حسب مقاييسنا نحن الما عندها أي معايير

حبيبنا ود خاطر
همسة شوق
يا حبيب قصة المعايير دي صعب شديد تتحدد. ولحدى ما نرسى على بر او نكتشف لينا Beauty-meter موحد الشغلانة حتكون ماشة بالفطرة كده.
في واحد صاحبنا كان مكسر في بت قال " أكتر حاجة متعباهو إنو البت دي ما بتعرف تقيف عديل، بتتكسر كل خمس ثواني"!. أها شوف زي معيار "حاجة فيك" ده يوحدوهو كيف مع ناس أنس؟

Quote: العمدة فضل الله خاطر تحياتي يا ريس أنا كلامي خلي انت رايك شنو يا عمدة التحكيم فاشل المفروض لجنة التحكيم تمشي لي جسيكا لحدي عندها لكن نقول شنو

أنس لكن لقيتك أخطر من الـ Hooligans بتاعين برشلونة

Quote: "أُنظر ياخي شوفا وأُنظر شوف جمالا

Quote: البوست دا يا دوب بدا ونحن نتكلم عن الجمال كقيمة مطلقة وقيمة فنية وفي أذهاننا فيها ما فيها عن هذا وذاك. وحسنا فعلت العوائق الفنية يا فاتح لتجاوز المرحلة الثانية حتى يظل هذا البوست يساير قيمه دون انتقاص من تلك المرحلة التي هي ضرورية للمحكمين حتى تكتمل مراحل المسابقة والتنافس الشريف لنيل اللقب. والجمال عند غير العارفين مثلنا صورة نراها في كل شيئ نحاول لمسها دون استطاعة وعلى سبيل المثال قال أحدهم في امرأتين ضرائر وقد مر عليهن وهو عابر: جيت الفريق لقيت الريل مقيّل ... وزنت جمال بنت أبوكديميل وجمال غزيّل لقيت جمال غزيل شوية مميل (غزيل تصغير لغزال والريل معروف ومنها أريل صيدة الخلاء). ولا ندري بأي مقياس وزن هذا العابر جماله. وإذا قلنا: إنما ليلى عصا خيزرانة إذا قمزوها بالأكف تلين. فذلك يعني أن هناك جمال لابد، وقلنا لابد حتى لا نقول ملبد لأن الجمال لا يلبد كالغيوم وغيرها، وإنما هو قيمه ذاتية.