|
Re: بحري طراوة... وبس .....!!!!!!!!!!! (Re: Zein Hasan Mahgoub)
|
Quote: البحراويين الأعزاء.. بدعوة كريمة من الأخ الأصغر محمد صباحي..عنه من الأستاذ/ طارق الأمين.. هناك فكرة لتحويل فكرة البوست لرابطة لأبناء بحري وهما يهيبون بكل الأخوة المتداخلين وعلى الأخص بحراويي (الداخل).. بالتنسيق معهما.. لجعل الفكرة أمرا ممكنا... أرجو من الجميع التعاون لتحقيق ذلك الحلم |
Quote: فكرة جميلة ونقف معها بكل مانملك, بس في حاجة يمكن تكون فايته على الأخوان طارق ومحمد صباحي وهي وجود منظمة بحري مدينتي وهي منظمة طوعية خيرية ومسجلة في وزارة الرعاية الإجتماعية |
اقترح علي الأخ طارق الأمين دعوة المسئولين عن المنظمة و المهمومين من البحراويين بشأنها من غير عضوية المنظمة و التنسيق معهم في ما يخص هذه الفكرة. بمركزه(بيت الفنوت). و بالمناسبة دي هذه فرصة يا طارق لاستقطاب ناس بحري الذين يشكلون غياب ملحوظ عن بيت الفنون رغم وجوده في بحري(المغتربين)، اعتقد انه من المهم العمل علي استقطاب ناس بحري بانشطة يحسون انها منهم و انهم منها .
مع ودي
| |
|
|
|
|
|
|
Re: بحري طراوة... وبس .....!!!!!!!!!!! (Re: معاوية محمد الحسن)
|
Quote: طارق جمعة مباركة ومبروووك افتتاح الصفحة وباين حتكون صفحة دسمة والجواب من عنوانو |
** ابو عوه.. ** مساءك خير.. ## الكلوسترول عالى ولذلك لاأتناول الدسِم.. حقى دفعتو ليك فى الوجبه دى.. ## إى صفحه فيها (9) ياأنا ياود خالى شفت الحوافز دى كيف ؟؟ ## عايزنك تحصل الفتوحات دى قُبال ماتـ حـ ر ق.. (ودام الود بيننا)
| |
|
|
|
|
|
|
Re: بحري طراوة... وبس .....!!!!!!!!!!! (Re: عبدالكريم أحمد الامين)
|
Quote: إى صفحه فيها (9) ياأنا ياود خالى شفت الحوافز دى كيف ؟؟
|
كرومة صفحة ود خالك مبوشة 9+3 =12 يعنى دو بس وده مابياكل عيش فى الكوتشيتة واتذكرت نكتة طه بتاعتك الزمان
وبمناسبة الدو اخر نكتة فى السودان تقول هلالاب بلعبوا كوتشينة طلعوا منها الدوات
الله يجازيك ياراجي خربت كوتشينة الناس
| |
|
|
|
|
|
|
Re: بحري طراوة... وبس .....!!!!!!!!!!! (Re: معاوية محمد الحسن)
|
Quote: نسال الله الرحمة والمغفرة للراحل عاطف بسطاوى وان يسكنه فسيح جناته مع الصديقين والشهداء
والتعازى الحارة لشقيقه الاخ زاهر بسطاوى ولجميع اشقائه وافراد اسرته |
ربنا ارحمه واغفر له واجعل مثواة الجنه ..
العزاء لاشقائة فيصل وياسر ونادر والى اسرته بالدناقلة شمال ..
تخريمة:
عاطف بسطاوي ..المعروف باسم زاهر بسطاوي لابناء الدناقلة على ما اعتقد ذلك ..
| |
|
|
|
|
|
|
Re: بحري طراوة... وبس .....!!!!!!!!!!! (Re: احمد محمد احمد عتيق)
|
Quote: في واحد عمل مداخلة في البوست في إحدى
الصفحات السابقة مما جعل مداخلتي تظهر
في أول الصفحة الحالية ولو في واحد خبير
ممكن يورينا من الذي سواها ولايخاف عقباها. .. |
يا عمدة غالبا ما يكون ..
الأخ/ ود شيقوق... لأني لقيت أسمو متداخل وما لقيت مشاركتو
تحياتي
| |
|
|
|
|
|
|
Re: بحري طراوة... وبس .....!!!!!!!!!!! (Re: Kamal Karrar)
|
احر التعازي لال بسطاوي في وفاة عاطف بسطاوي
اللهم ارحمه وتقبله قبولا حسنا
انا لله وانا اليه راجعون
_________________________
تاييد تام للاخوين طارق وصباحي في مسيرة دعم بحري
ومع التنسيق مع بحري مدينتي وبحري طراوه لتكون القصه حلاوه في حلاوه
مشكور اخي معاويه علي المباركه المجليه
الف كفاره للاخ دينق بالامارات
خالد عثمان لم يقل الا الحقيقه في حق اخينا عماد وزير توثيق بحري
| |
|
|
|
|
|
|
Re: بحري طراوة... وبس .....!!!!!!!!!!! (Re: طارق ميرغني)
|
تسلم أخي طارق
اتصلت على طارق الأمين ومحمد صباحي وأعطيتهم أرقام ناس منظمة
بحري مدينتي وبادروا مشكورين بالإتصال عليهم وسيكون هنالك
إجتماع مشترك بينهم خلال هذين اليومين ساوافيكم بما تمخض عنه
ذلك الإجتماع لمزيد من التشاور والتنسيق وآن الأوان لنقدم
جميعا كبحراويين داخل وخارج البورد شئ يحتذى به لست الهوى
والطراوة .
| |
|
|
|
|
|
|
Re: بحري طراوة... وبس .....!!!!!!!!!!! (Re: Emad Ahmed)
|
مرة أخرى أتقدم من أسرة المرحوم عاطف..
بأحر التعازي وقد تربيت بين ظهرانيهم حينا من الدهر
وأخص بالذكر...
الخالة زبيدة
والأخوان .. فيصل وياسر ونادر
والأخوات.. فاطمة..محاسن.. سمية.. ماتريد
والأخ/ أزهري صالح...
ولا حول ولا قوة إلا بالله
| |
|
|
|
|
|
|
Re: بحري طراوة... وبس .....!!!!!!!!!!! (Re: Kamal Karrar)
|
Quote: تخريمة:
عاطف بسطاوي ..المعروف باسم زاهر بسطاوي لابناء الدناقلة على ما اعتقد ذلك .. |
الاخ احمد عتيق تحياتي هل معنى ذلك ان المتوفى هو الاخ زاهر بسطاوى ارجو الافادة ياخي زاهر درس معنا فى الاميرية 2 لثلاثة سنوات .
| |
|
|
|
|
|
|
Re: بحري طراوة... وبس .....!!!!!!!!!!! (Re: معاوية محمد الحسن)
|
Quote: الاخ احمد عتيق تحياتي هل معنى ذلك ان المتوفى هو الاخ زاهر بسطاوى ارجو الافادة ياخي زاهر درس معنا فى الاميرية 2 لثلاثة سنوات . |
نعم اخي معاوية معروف باسم زاهر اكثر من عاطف ... ربنا يرحمه ويغفر له ..ويجعل مثواه الجنة انشاء الله ...
| |
|
|
|
|
|
|
Re: بحري طراوة... وبس .....!!!!!!!!!!! (Re: مدثر صديق)
|
شخصيات من بحري
محمد الحسن قيقم
محمد الحسن قيقم من مواليد تنقسي الجزيرة وانتقل إلى مدينة الخرطوم بحري لعمل والده بالنقل النهري حيث بدأت تتشكل ملامح مسيرته الفنية من خلال حضوره ومشاركاته لحلقات المديح مع والده الذي كان على علاقة وثيقة بالسيد علي الميرغني وفي العام 1959 م عمل بالسكة حديد حيث التقى بمجدد أغنية الحقيبة الشاعر محمد بشير عتيق والذي أرتبط معه بصداقة قوية ومن خلاله تعرف على الشاعر صالح عبد السيد ( أبو صلاح ).
في العام 1967 م .وبتشجيع من الشاعر عتيق تقدم محمد الحسن قيقم لإجازة صوته والذي تم عبر أدائه لأغنية أبو صلاح ( ظبي رامة الفي الغرف محجور ) من خلال لجنة ضمت إبراهيم العبادي ومحمد المهدي المجذوب وبرعي محمد دفع الله.
سجل بعد ذلك أول أغنية خاصة به للإذاعة السودانية ( ياضال الطريق ميل على أهل القرى ) وهي من كلماته والحانه .إلى جانب عددا من الأغنيات الأخرى ,, برع محمد الحسن قيقم في أداء أغنيات الحقيبة بصورة رائعة وقام بتسجيل عدد كبير منها لتلفزيون السودان وأصدر قبل عدة سنوات شريط كاسيت يحتوي مجموعة من أغنيات الحقيبة بعنوان روضة البلدية التي كتب كلماتها الشاعر مصطفى بطران .
تلك كانت إضاءة سريعة للفنان محمد الحسن قيقم بعيدا عن الإنقاذ ويجدر ذكره هنا بان الفنان محمد الحسن قيقم لازال يقيم ببحري ( حي الديوم ), أطال الله عمره.
| |
|
|
|
|
|
|
Re: بحري طراوة... وبس .....!!!!!!!!!!! (Re: Emad Ahmed)
|
Quote: تلك كانت إضاءة سريعة للفنان محمد الحسن قيقم بعيدا عن الإنقاذ ويجدر ذكره هنا بان الفنان محمد الحسن قيقم لازال يقيم ببحري ( حي الديوم ), أطال الله عمره. |
** مُحب وعاشق ست الهوى (ودعُثمان).. ** صباحك خير.. ## كدى صلح لينا معلوماتنا بشأن ماهو بخط أحمر .. ولعبتها بطريقه حلوه بوضع الأ..... ( ).. ## الديوم هى الديوم ,, وتغيرها الى إى إسم آخر ( ) لايُجدى لدى العامه.. (ودام الود بيننا)
| |
|
|
|
|
|
|
Re: بحري طراوة... وبس .....!!!!!!!!!!! (Re: طارق ميرغني)
|
Quote: ** مُحب وعاشق ست الهوى (ودعُثمان).. ** صباحك خير.. ## كدى صلح لينا معلوماتنا بشأن ماهو بخط أحمر .. ولعبتها بطريقه حلوه بوضع الأ..... ( ).. ## الديوم هى الديوم ,, وتغيرها الى إى إسم آخر ( ) لايُجدى لدى العامه.. (ودام الود بيننا) |
أبو محمد فؤاد
سلام
ارتبط الفنان قيقم بالغناء لثورة الإنقاذ وظل يظهر في كل المناسبات وهو يؤدي الأغنيات والأناشيد التي تعرب عن فكر الإنقاذ وإن اختفى مؤخرا وذكرت بعيدا عن الإنقاذ لان الجوانب الأخرى التي ذكرت عنه مجهولة لدي الكثيرين. واتفق معك بان من الصعوبة بمكان تغيير اسم حي الديوم لأخر وكذا الحال بالنسبة لكوبر لدي العامة .
| |
|
|
|
|
|
|
Re: بحري طراوة... وبس .....!!!!!!!!!!! (Re: Emad Ahmed)
|
Quote: ** غايتو الديوم دى زمان غير ود نقد ماكان فيها فنان .. ولى كيف ياطارق ؟؟ |
الديوم يا أبو محمد فؤاد مليانة بالمبدعين على سبيل المثال لا الحصر فنان الطمبور عبد الرحمن بلاص وفنان الجاز كمال كيلا الذي عاش في الديوم فترة ما من حياته وأول عازف بيز جيتار محمد جبريل وعازف الساكس الشهير جمعة إبراهيم أدم والشاعر سعد قسم الله الذي تغنى له الفنان شرحبيل أحمد بعدة أغنيات من أشهرها قلبي دقه وفي اوائل السبعينات فرقة جاز ديوم بحري إضافة لقيقم ومحمد نقد الذي ذكرته انت وكان افضل من يغني في صبحيات أعراس بحري .
| |
|
|
|
|
|
|
Re: بحري طراوة... وبس .....!!!!!!!!!!! (Re: Emad Ahmed)
|
Quote: الديوم يا أبو محمد فؤاد مليانة بالمبدعين على سبيل المثال لا الحصر فنان الطمبور عبد الرحمن بلاص وفنان الجاز كمال كيلا الذي عاش في الديوم فترة ما من حياته وأول عازف بيز جيتار محمد جبريل وعازف الساكس الشهير جمعة إبراهيم أدم والشاعر سعد قسم الله الذي تغنى له الفنان شرحبيل أحمد بعدة أغنيات من أشهرها قلبي دقه وفي اوائل السبعينات فرقة جاز ديوم بحري إضافة لقيقم ومحمد نقد الذي ذكرته انت وكان افضل من يغني في صبحيات أعراس بحري . |
** مُحب وعاشق بحرى . (ودعثمان) ** صباحك خير.. ## رطوبة الخليج والزهايمر المُُرتقب ,, خلانا ننسى كل هؤلاء المُبدعيين فى ديوم بحرى ,, عشان كدا بنفك نص المعلومه ونخليك تُنير الطريق ,, وفعلاً زمان فى بحرى الماجاب ود نقد أو حسن وردى أو أيوب فارس وظهر بعدهم فى فتره لاحقه أحمد الريس بتاع نادى الصبيان وإن كان لم يُعمر طويلاً ,, تُعتبر المناسبه ناقصه.. (ودام الود بيننا)
| |
|
|
|
|
|
|
Re: بحري طراوة... وبس .....!!!!!!!!!!! (Re: طارق ميرغني)
|
** إنا لله وإنا إليه راجعون **
## توفى بالمزاد شمال مساء الامس "11:30 م" الاربعاء 01/11/2010 العم سيد أحمد ميرغنى والد كل من :- الفنان التشيكيلى صلاح ,, وكمال بمستشفى المفرق بابوظبى ,, وجنابو جعفر ,, وخالد بالسعوديه "الرياض" ومجدى ,, وزروق ,, وزوج خالة وقريب أخونا وزميلنا عماد عُثمان "مُحب وعاشق بحرى" ..
## الرحمه والمغفره للعم سيد أحمد ميرغنى وتعازيا لكل أبنائه وأقاربه والوالده لولوه والجيران بالمزاد شمال والشعبيه والدناقله جنوب ..
| |
|
|
|
|
|
|
Re: بحري طراوة... وبس .....!!!!!!!!!!! (Re: عبدالكريم أحمد الامين)
|
صادق التعازي وعظيم المواساة للأخوان صلاح ، كمال ، جعفر ، خالد، مجدي ، زروق في هذا الفقد الجلل والتعازي موصولة للأخ عماد وسعد وفخري وجميع أفراد الأسرة الكريمة أسال الله العلي القدير أن يتغمده بواسع رحمته ويدخله فسيح جناته مع الصديقين والشهداء والصالحين وحسن أولئك رفيقا (إنا لله وإنا إليه راجعون)
| |
|
|
|
|
|
|
Re: بحري طراوة... وبس .....!!!!!!!!!!! (Re: مدثر صديق)
|
احر التعازي للأخوان صلاح ، كمال ، جعفر ، خالد، مجدي ، زروق
في هذا الفقد الجلل
والتعازي موصولة للأخ عماد وجميع أفراد الأسرة الكريمة
أسال الله العلي القدير أن يتغمده بواسع رحمته ويدخله فسيح جناته مع الصديقين والشهداء والصالحين وحسن أولئك رفيقا (إنا لله وإنا إليه راجعون)
| |
|
|
|
|
|
|
Re: بحري طراوة... وبس .....!!!!!!!!!!! (Re: طارق ميرغني)
|
الاخ عماد انا لله وانا اليه راجعون احر التعازى فى وفاة الخال ( سيد احمد ) تغمده الله بواسع رحمته والهم آله وذويه الصبر والسلوان التعازى موصوله للاخوان صلاح وجعفر وكمال وخالد ومجدى وزروق ولاحول ولا قوة الا بالله
اخوك / فيصل عبد الله محمود
| |
|
|
|
|
|
|
Re: بحري طراوة... وبس .....!!!!!!!!!!! (Re: فيصل عبد الله محمود)
|
جمعة مباركة للجميع
وبمناسبة فوز قطر باستضافة كاس العالم 2022 وبعد مافكرنا نرجع اهلنا ياكرومة الجماعة ديل حلفوا علينا نحضر معاهم كاس العالم ولذلك نرحب بكم جميعالمشاهدة كاس العالم على الطبيعة لاول مرة وطبعا ماعندكم مشكلة سكن ياجماعة فدارنا مفتوحة لكم بس ماتنسوا تجيبوا معاكم مكبرات للروية ياطارق وعبد الكريم لانو فى الوقت داك النظارات ذاتها مابتعمل ليكم حاجة
| |
|
|
|
|
|
|
Re: بحري طراوة... وبس .....!!!!!!!!!!! (Re: معاوية محمد الحسن)
|
انتقل لرحمة الله تعالى أمس بالمزاد شمال الحاج قسم الله الياس صالح والد الاخوان فريد بامريكا وعباس بالدمام والراحل من قدامي سكان الحي بشارع (10) نسال الله له الرحمة والمغفرة وان يسكنه فسيح جناته مع لصديقين والشهداء والعزاء لابنائه واسرته الكريمة
| |
|
|
|
|
|
|
Re: بحري طراوة... وبس .....!!!!!!!!!!! (Re: معاوية محمد الحسن)
|
Quote: وبمناسبة فوز قطر باستضافة كاس العالم 2022 وبعد مافكرنا نرجع اهلنا ياكرومة الجماعة ديل حلفوا علينا نحضر معاهم كاس العالم
ولذلك نرحب بكم جميعالمشاهدة كاس العالم على الطبيعة لاول مرة وطبعا ماعندكم مشكلة سكن ياجماعة فدارنا مفتوحة لكم بس ماتنسوا تجيبوا معاكم مكبرات للروية ياطارق وعبد الكريم لانو فى الوقت داك النظارات ذاتها مابتعمل ليكم حاجة |
** ابو عوه.. ** صباحك خير.. ## قلت لى :- الجماعه حلفو ,, بس الوصلنا غير كده وقبل موضوع كأس العالم دا يظهر .. قالوا ليكم إتخارجو ,, قولتو للقطريين :- والله لو دا آخر جالون بنزين ولتر غاز ورجعتو تانى للغوص أنحنا معاكم ,, نفوتوك نمشى وين ,, (أكيد مع العفش).. ** للوقت داك كان الله حيانا (مُمكن نكون سماد للملاعب دى ذاتا) أو بيكون العيون ذاتا بتتغير وماضرورى تكون 6/6 ,, وبيكون كل مُتفرج قدامو شاشه للإعاده ..
** مبرووووك لقطر ,, ومشكوووووووور على الدعوه الكريمه ,, بس محمد معاويه من هسه شوف ليهو كورسات لغه إسبانيه وروسيه وصينيه وهوسا وسواحيلى .. (ودام الود بيننا)
| |
|
|
|
|
|
|
Re: بحري طراوة... وبس .....!!!!!!!!!!! (Re: عبدالكريم أحمد الامين)
|
Quote: قلت لى :- الجماعه حلفو ,, بس الوصلنا غير كده وقبل موضوع كأس العالم دا يظهر .. قالوا ليكم إتخارجو ,, قولتو للقطريين :- والله لو دا آخر جالون بنزين ولتر غاز ورجعتو تانى للغوص أنحنا معاكم |
ذكرتني ياكرومة بطرفة تروى عن شخص هنا يعمل فى الجيش استدعاهم قائدهم ليخطرهم بانو سيكون هناك تخفيض فى الرواتب فى الشهور القادمة ليعرف من سيوافق على الاستمرار بالوضع الجديد او الرفض فقال صاحبنا للقائد يازول والله انا لحتى خمسمائة ريا ل معاكم .
اها نحن لو بقينا زى صاحبنا ده وربنا احيانا بننتظر 2022 ونشوف كاس العالم على الطبيعة لكن بس بنكون قاعدين على كفالة محمد معاوية .
| |
|
|
|
|
|
|
Re: بحري طراوة... وبس .....!!!!!!!!!!! (Re: عبدالكريم أحمد الامين)
|
الأعزاء
عبد الكريم احمد الامين
عبد الرازق سعيد
كمال كرار
معاوية محمد الحسن
مدثر صديق
طارق ميرغني
فيصل عبد الله
جزاكم الله خيرا على مؤاساتكم في فقدنا الجلل والتي كان لها عظيماالأثر في تخفيف مصابنا نسأل الله العلي القدير أن يرحم الفقيد ويغفر له ويحسن قدومه عليه ويتقبله قبولاً حسناً ويغسله بالماء والثلج والبرد ويثبته بالقول الثابت عند السؤال ويسقه من حوض نبيه الرءؤف الرحيم شربة هنيئة مرية لا يظمأ بعدها أبداً ويجمعه يوم القيامة بوالديه وأهله وأبنائه وينظر إليهم بعين الرحمة ويدخلهم جنة الفردوس برحمته ،ويجمعهم بسيدنا محمد صلى الله عليه وسلم وآله فى الندى الأعلى من الجنة, غير خزايا ولا مفتونين دون عذاب يسبق منه وأن يخلفه فى أهله وأبنائه بخير وأسأل الله أن لا يريكم مكروها في عزيز لديكم ولاحول ولاقوة الا بالله وانا لله وانا اليه راجعون ..
| |
|
|
|
|
|
|
Re: بحري طراوة... وبس .....!!!!!!!!!!! (Re: Emad Ahmed)
|
الأستاذ الصحفي الكبير نور الدين مدني يكتب لبوست بحري طراوة
Quote: فيكي يا (بحري) شفت كل جميل
نور الدين مدني
المدن كالنساء لكل نكهتها الخاصة ولكل جمالها، خاصة عندما ترتبط بذكريات ومحطات مهمة في حياة الانسان، واذا كانت عطبرة قد شهدت مرحلة الطفولة والصبا الباكر، وشهدت بورتسودان اولى خطواتي نحو الاستقرار الاسري حيث تزوجت من بناتها؛ زوجتي وام اولادي رقية عبد الله محمد علي من ديم سكة حديد حيث منزل اسرتها التي جاءت من الشمالية لتستقر بمدينة الثغر الجميل. الا ان بحري كانت الحاضنة التي تفتح فيها وعيي ونمت مداركي وقدراتي منذ ان سكنت اولاً في منزل الوالد الشيخ مدني أبو الحسن بحلفاية الملوك حتى بعد زواجي وقبل سفري للعمل في مدينة الفاشر عندما كانت دارفور نموذجاً حياً للتعايش والسلام الاجتماعي، قبل ان تتحول الى بؤرة من بؤر التوتر والصراع الذي اضر باهل دارفور وبالسودان عامة.
سكنت بعد ذلك في حلة الختمية ببحري وسط جيران كانوا ومازالوا كالاهل اذكر منهم على سبيل المثال لا الحصر المرحوم عبد القادر السيوفي واسرته، وكانوا جميعاً مثالا للسوداني الاصيل ابن البلد، وفي حلة خوجلي التي رحلت اليها فيما بعد وجدت اهلها كانهم اهلي وفي مقدمتهم المرحوم الطاهر محيي الدين وأسرته التي فتحت ابواب منزلها للمتضررين من سيول وفيضان 1988، المحطة قبل الاخيرة في تاريخ تنقلي ببحري الجميلة واهلها الحلوين كانت في الدناقلة شمال بالقرب من خور نصر الدين السيد ذلك الاتحادي العريق الذي خرج من الدنيا نظيفاً عفيفاً، فيما ترك لاهل بحري عملاً صالحاً وصدقة جارية لا تنسى مادامت دماء الحياة تتجدد في شرايين ابناء بحري، كنا اقرب لصاحب الحنجرة الذهبية الراحل المقيم الفنان الكبير عبد العزيز محمد داؤود وقد ارتبطت اسرتانا ابان فترة وجودنا الى جواره واستمرت هذه العلاقة حتى بعد رحيله، ومن الشخصيات التي مازالت عالقة في ذاكرتي اللواء (م) ابراهيم علي ابراهيم الذي كان نعم الجار والصديق وكعادة السودانيين جميعاً كان يفتح لنا بيته العامر في المناسبات التي تمر بنا، وغيره من الاخيار من الجيران.
انتقلنا بعد ذلك الى منزل الصديق العزيز علي ترير في الدناقلة شمال ايضاً ومنه الى منزل محمد الفاتح يوسف ابن اخت عبد العزيز محمد داؤود في نفس المنطقة قبل ان انتقل بحمد الله وتوفيقه الى منزلي الخاص بالفيحاء بعد رحلة طويلة وسط بيوت الايجار، والفيحاء للذين لا يعرفونها من الامتدادات الجديدة لشرق النيل اي انها ليست بعيدة عن بحري التي احببتها واحببت ناسها الطيبين الذين اتشرف بان اكون منهم لذلك حرصت على عضوية منظمة بحري مدينتي وان شغلتني مشاغل الحياة والعمل الصحفي عن الانتظام في اجتماعاتها.
تتميز بحري عن مدن العاصمة المثلثة الاخرى بانها اقل ازدحاماً من ام درمان واكثر هدوءاً من الخرطوم وبصراحة، وليعذرني اهلي واحبابي في ام درمان وزملاء العمل من كل المؤسسات والمصالح في الخرطوم، فانني لا احس بالامان النفسي الا عند دخولي الى مدينة بحري، وظل هذا الاحساس يلازمني بحمد الله وتوفيقه وانا اسكن حالياً في الفيحاء وسط مجموعة خيرة من الجيران الطيبين.
بحري ليست فقط مدينة هادئة ووادعة وانما هي ايضاً حياة انسانية شاملة مازال اهلها يحتفظون باخلاق اهل السودان قبل ان يغرقوا في اللهاث المادي الضاغط الذي يكاد يفقد اهل السودان قاطبة الحميمية التي بدات تتراجع ولا تظهر الا في المناسبات العامة والخاصة. |
الشكر اجزله للقامة البحراوي نور الدين مدني
على هذه الأريحية والتي ازدان بها البوست روعة
والق .
دمت لبحري أستاذنا نور الدين مدني ومتعك الله بالصحة والعافية
| |
|
|
|
|
|
|
Re: بحري طراوة... وبس .....!!!!!!!!!!! (Re: Emad Ahmed)
|
عبر الايميل وصلتني هذه الرسالة من أحد المتابعين لبوست بحري طراوة
Quote: الاخ عماد
تحيه واحترام من خلال تصفحي المنتظم لصفحات بحري طراوه اطلعت مؤخرا علي مشاركه عن الشيخ الوقور المرحوم محمد الحمودي ولفت نظري اسم كاتب المشاركه محمد ابوشنب ولمعرفتي باهتمامك بالتوثيق للشخصيات الرياضيه وودت ان امدك بهذه النبذه المختصره عن الرياضي البحراوي |
Quote:
رياضة بحراوية
محمد نصر الدين أبو شنب
بدأ البطل محمد ممارسه الرياضه في مطلع السبعينيات بلعبه الكارتيه بمركز شباب امدرمان ثم مركز شباب بحري وحاذ علي اليطوله القوميه للناشيئن انذاك ثم انتقل الي رياضه الجودو وتدرب بدايه علي يد المدرب القدير حسن كديس الاب الر وحي الحالي للجودو في السودان وعلي ايدي خبرا اللعبه من اليابان والمانيااشهرهم الياباني سازاكي والالماني كونتر الحائز علي ذهبيه اولمبياد مونتريال وفضيه بطوله العالم ثلاثه مرات وحاذ البطل ابوشنب علي الحزام الاسود من اللجنه الاولمبيه الدوليه بالقاهره ومن ثم الحزام الاسود. مثل محمد ابوشنب السودان في كثير من المحافل الدوليه وحاز علي عدد من المداليات في البطوله الافريقيه وبطوله سيكافاكما وشارك في دوره الالعاب الاولمبيه بمدينه برشلونه عام1992 قائدا لبعثه فريق الجودو.
كان البطل محمد حريصا علي ان تكون مشاركته الداخليه باسم بحري المرغنيه حتي تتنتشر اللعبهفي مدينه يحري وله تجربه مع نادي الاتحاد لادخال لعبه الجودو ضمن نشاطات النادي المتتعده,انتقل بعد ذلك الي التدريب بصاله الالعاب الرياضيه بالخرطوم ثم سكرتيرا لاتحاد الجودو السوداني وعضوا للجنه الاولمبيه السودانيه قبل ان يغادر الساحه الرياضيه لظروف خاصه |
| |
|
|
|
|
|
|
Re: بحري طراوة... وبس .....!!!!!!!!!!! (Re: Emad Ahmed)
|
في جلسة جميلة ببيت اخونا المحامي الاستاذ (عمر عبيد الفكي ) بمنطقة جدة مع بعض الذين عملوا بالمكتب التنفيذي لرابطة جنوب بحري واعدنا فيها ذكريات دور الرابطه الذي كانت تلعبة في المنطقة والمناشط التي كانت تقوم بها واثرها .
من اليمين سيف وعمر العبيد الفكي
رئيس رابطة جنوب بحري عمر العبيد
وليد عبد اللطيف
سامي حسين وخلفة الصادق عثمان
من اليمين جبير وطارق سيد احمد
من اليمين كمال و الصادق عثمان
الاستاذ سيف وهذه الجلسه فقط تنقص اخونا وصديقنا عماد عثمان ولظروف خاصة لم تمكنه من الحضور وكنا نتمنى الاجيال القادمه ان تمشي على نفس النهج رغم شُح الامكانيات وضيق اليد ويتعبوا شويه كما كنا نتعب بجمع التبرعات واقامة ايام مفتوحة لتمويل الرابطة
| |
|
|
|
|
|
|
Re: بحري طراوة... وبس .....!!!!!!!!!!! (Re: وليد عبد اللطيف)
|
سعادة المستشار معاويه
ان شاء الله نصلكم ونحضر معاكم كاس العالم بس جهز الشيشه...!!!
يا عمده
طبعا الاستاذ نور الدين مدني شرفنا في منزلنا في اجازتي السابقة
في معية صديق المرحوم والدي دكتور عبد الكريم
والرجل الذين ذكرهم امثال السيوفي والطاهر محي الدين وابنه الصادق دفعتنا
والفاتح يوسف وخاله عبد العزيز داؤود ونصر الدين السيد
هؤلاء بمثابة الاهل بالنسبة لنا وفعلا هؤلاء اولاد بحري
| |
|
|
|
|
|
|
Re: بحري طراوة... وبس .....!!!!!!!!!!! (Re: طارق ميرغني)
|
Quote: وفعلا هؤلاء اولاد بحري] |
أها ونحن أولاد بوركينا فاسو
ولا فلادلفيا بالردمية...
وين يـــــــــــا؟؟
طارق يا أخي تصدق قوقلت وفيست (من الفيس بوك)...
عشان ألقى حاجة تلمني في خلف محمد أحمد...
ولا خالد برو ما توفقت...
| |
|
|
|
|
|
|
Re: بحري طراوة... وبس .....!!!!!!!!!!! (Re: عبدالكريم أحمد الامين)
|
رياضة بحراوية
أبراهومة الديسكو
إبراهيم هارون منزول من مواليد عام 1955 م بحي كوبر بالخرطوم بحري ,, بدأت مسيرته الرياضية برابطة كوبر في العام 1973 م ولموهبته العالية تسجل في نادي الحي ( كوبر ) الذي كان يلعب آنذاك في أندية الدرجة الثانية وزامل خلال تلك الفترة في فريق كوبر كل من عوض محمد الحسن ومحمد سليمان وعلي أدم وفتحي سعد الله وأحمد العجب ولسطوع نجمه مع فريق كوبر أجبر الخبير يانكو إلى ضمه إلى الفريق القومي السوداني الذي كان يقوم بتدريبه والذي كان يضم العمالقة بشارة والفاضل سانتو وعلي قاقارين وحافظ عبيد وكوري أخوان وعصبة وأحمد عدلان وغيرهم من نجوم ذلك الجيل الذهبي ونسبة لصغر سنه لم يعطى أبراهومة الفرصة في اللعب وقتها وقبلها كان أبراهومة قد مثل منتخب السودان المدرسي الذي كان تحت إشراف المدرب محمد عابدين .
نسبة لاختياره للفريق القومي السوداني وهو لازال لاعبا لأحد فرق الدرجة الثانية كان من الطبيعي أن يكون محط أنظار فرق القمة ليكسب الهلال توقيعه وقبل أن يلعب للهلال كان قرار الرئيس الأسبق جعفر محمد نميري بإعلان الرياضة الجماهيرية وكان ذلك في العام 1975 م .
وللموهبة التي حباه الله بها شد أبراهومة الرحال متوجها إلي السعودية للعب محترفا مع فريق الوحدة بمكة المكرمة مع زميله عثمان بوكو لاعب التحرير السابق حيث قضى عامان مع الوحدة أجاد فيها تمثيل السودان أداء وأخلاقا ,, عاد بعدها للعب مع فريق الهلال حيث لعب له عدة مواسم حافلة بالبذل والعطاء توج خلالها أبراهومة نجما للموسم لمدة ثلاثة أعوام متتالية ,, كما شارك مع الفريق القومي أساسيا طيلة تلك الفترة وأبرز إنجازاته كان الفوز بكاس شرق ووسط إفريقيا والتي جرت في العام 1980 م بالخرطوم وفي المباراة النهائية ضد دولة يوغندا قام أبراهومة بإحراز هدف الفوز الوحيد للسودان.
في العام 1984 م قام مجلس إدارة نادي الهلال بشطب أبراهومة من كشوفات الفريق وهو لازال قادرا على العطاء وليثبت لهم خطأ ذلك القرار قام بالتوقيع لنادي المريخ ونسبة لهلاليته الصارخة لم يتمكن من الاستمرار مع المريخ لأكثر من شهرين فقط ,, هاجر بعدها لدولة الإمارات العربية المتحدة حيث عمل مدربا للقاعدة الجوية في دوري المؤسسات الذي يتميز بالحماس والندية ثم مدربا أيضا لعدة مؤسسات أخرى ليعود للسودان في العام 2003 م حيث تولى تدريب فرق الأهلي الخرطوم والجريف والعلمين والأمير وكوبر والذي ساهم في صعوده من أندية الدرجة الثانية إلى مصاف الدرجة الأولى ولازال يواصل مسيرته التدريبية مع فريق الحي كوبر .
أشتهر أبراهومة بقدرته العالية والمتميزة على صناعة اللعب من خلال وظيفته في خط الوسط حيث كان لايلعب لنفسه إنما يسخر مهاراته وقدراته العالية لصالح المجوعة ويكون هدفه دائماً تحقيق الانتصارات لفريقه وأطلقت عليه جماهير فريق الهلال لقب ( الديسكو ) لإعجابها الكبير بفنه إضافة لتهذيبه وأخلاقه العالية والتي كانت إحدى سماته ودون جدال يعتبر أبراهومة ضمن أفضل من مارسوا كرة القدم في مدينة بحري .
ختاما من بوست ست الهوى والطراوة نبعث بخالص التحايا للكابتن أبراهومة ويطول عمره إن شاء الله
| |
|
|
|
|
|
|
Re: بحري طراوة... وبس .....!!!!!!!!!!! (Re: Emad Ahmed)
|
الهلال : وقوف من اليمين : قاسم أحمد عثمان , عصام عبد الخير , الفاتح الريشة , شيخ إدريس كباشي , مصطفى النقر , أسامة عبد الرحيم . جلوس من اليمين :التاج محجوب , أبراهومة , عصام سليم ( أبو الجاز ) , حافظ عبيد .
| |
|
|
|
|
|
|
Re: بحري طراوة... وبس .....!!!!!!!!!!! (Re: Emad Ahmed)
|
الفريق القومي السوداني في العام 1980 م وقوف من اليمين : السر المصباح ,حموري , فتحي فرج الله , بحر , يس أبو شنب , مصطفى النقر , أحمد ادم جلوس من اليمين : الجيلي عبد الخير , سامي عز الدين , أبراهومة , حافظ عبيد
| |
|
|
|
|
|
|
Re: بحري طراوة... وبس .....!!!!!!!!!!! (Re: Emad Ahmed)
|
Quote: جلوس من اليمين :التاج محجوب , أبراهومة , عصام سليم ( أبو الجاز ) , حافظ عبيد . ياعمدة في لاعب ناقص لم تجله اول واحد باليمين قبل التاج محجوب على ما اظن متوكل عبد السلام ( الصورة ماوضحة ) . . ياعماد شنو ياخي نقول انت الوحيد الناس فاقدنك في الجلسه تقوم ما تشتغل بيهم حتى ما تضرب تلفون تسلم عليهماو تعتذر بعدم الحضور حتي في البوست ماتسلم عليهم . جبت لينا الكلام ياصاحب
|
| |
|
|
|
|
|
|
Re: بحري طراوة... وبس .....!!!!!!!!!!! (Re: وليد عبد اللطيف)
|
Quote: ياعماد شنو ياخي نقول انت الوحيد الناس فاقدنك في الجلسه تقوم ما تشتغل بيهم حتى ما تضرب تلفون تسلم عليهماو تعتذر بعدم الحضور حتي في البوست ماتسلم عليهم . جبت لينا الكلام ياصاحب |
العفو ياوليد جميعكم لكم معزة ومكانة كبيرة في القلب وعند تحديدكم للموعد الأول كنت سأكون أول الحاضرين واتصلت عليك وأبلغتني بتأجيل الموعد وكما تعلم ظروف مرضية حالت دون حضوري في الموعد الثاني وستكون هنالك عودة بالتأكيد بصورة موسعة لرابطة أبناء بحري بجامعة القاهرة فرع الخرطوم من خلال ماقدمته لمدينة بحري من أعمال جليلة نعتز ونفاخر بها أبان تلك الفترة الزاهية بقيادة الأعزاء طارق سيد أحمد وعمر العبيد والصادق عثمان وجبير علي وسامي حسين وسيف وكمال من خلال هذا البوست وبالفعل هي جلسة مامنظور مثيلها بحضور تلك الوجوه الطيبة من أبناء بحري الحبيبة والجلسة ناقصة الأخ الصديق خالد عثمان أحمد المحامي ولكم العتبى جميعا حتى ترضوا إذا كان هنالك تقصير من شخصي.
| |
|
|
|
|
|
|
Re: بحري طراوة... وبس .....!!!!!!!!!!! (Re: Emad Ahmed)
|
Quote: Quote: جلوس من اليمين :التاج محجوب , أبراهومة , عصام سليم ( أبو الجاز ) , حافظ عبيد . ياعمدة في لاعب ناقص لم تجله اول واحد باليمين قبل التاج محجوب على ما اظن متوكل عبد السلام . |
نعم هو متوكل عبد السلام وقريبا ستتم الكتابة عنه .
| |
|
|
|
|
|
|
Re: بحري طراوة... وبس .....!!!!!!!!!!! (Re: Emad Ahmed)
|
الأستاذ الصحفي المصادم نور الدين مدني يعبر في كتاباته دائما عن نبض ومشاكل وأحلام الجماهير بتناوله لقضايا وهموم الوطن والمواطنين من خلال قلمه القوي والذي بسببه تعرض لمرات كثيرة للاعتقال وأرسل لنا مشكورا هذه القصيدة تفاعلا مع حادثة جلد الفتاة السودانية الذي أثار موجة من الاستنكار في كل الوسائط الإعلامية.
Quote: ما تقولي واي
يا الصرختك حرقت حشاي
يا ربي
لامتين اللقا
شان تنختم دمعة بكاي
شان ما نقاسي من اللي كاين في عمرنا
ولا نخاف من اللي جاي
شان نحن بنوت البلد.. نقدل
وانظم لي غناي
شان عزة ما يهينوها
ساي
ما تقولي واي
ناديتي امك يا الحنينة
وامك الكاتمة القهر بتقول اضاير لي بلاي
ساموها ألوان العذاب
من الختان
حت قالوا عورة ومالا راي
يوم ولعت كانونا للكفتيرة شان ما تسوي شاي
شان تاكلي، شان تتعلمي،
كشوها مرة ومرتين
قالوا المناظر.. ما بتشرف ماها هاي
ما تقولي واي
ما تقولي للجلاد خلاص
في مشهدك هزيتي عرشه من الأساس
كم سوط موجه ليكي يا بت العزاز؟
ما تقولي واي
باكر يكون خطوي اللي جاي
غضبي المحكّر في عروفي
وصوت دواخلي يكون نداي
يطلع مفجّر يكنس القهر
الكريه..
يكسر كرابيجن بحسها في قفاي
ما تقولي واي
يا ربي قبال اللقا
نفتح طريق
نلفا الحريق
نمسح دموع عزة ونفيق
ننهي الكوابيس المقيلة في الفريق
يا ربي.. ما تخذل دعاي! |
| |
|
|
|
|
|
|
Re: بحري طراوة... وبس .....!!!!!!!!!!! (Re: بكرى ابوبكر)
|
Quote: شكرا لكم جميعا سوف يكون اخر يوم لهذا البوست هو يوم 28 -12- 2010 ننصح بجزء جديد |
** ود السر كرار.. ** صباحك خير.. ## سوف يُنقل هذا الشاب الانيق الذى بلغ من العمر الـ(93) الى السكن بداخلية اليوم الحار ,الشعبيه, والزقازيق وآخرون .. ** للتكرم بتجهيز الحملان للمولود الجديد فى 28/12/2010 ,, مع إى أغنيه جميله لبحرى ست الهوى والطراوه ,,(إبن خالى ) , (عماد) , و( ووليد ) همتكم مع سيد الحوش الصغير فى الحوش الكبير..(ودام الود بين الجميع ) (ابو محمد فؤاد)
| |
|
|
|
|
|
|
Re: بحري طراوة... وبس .....!!!!!!!!!!! (Re: عبدالكريم أحمد الامين)
|
الباشمهندس بكري ابو بكر
Quote: شكرا لكم جميعا سوف يكون اخر يوم لهذا البوست هو يوم 28 -12- 2010 ننصح بجزء جديد |
نتمنى ان يكون لبحري منبر مثله مثل الشعبية والزقازيق لانه به كثير من التوثيقات والتي تخص بحري واعلامها ونشكر كل من ساهم على ذلك وعلى راسهم القبطان كمال كرار وشكر خاص الى صديقي عماد لمجهوده المقدر في رفع هذا البوست عاليا كما نشكر الباشمهندس بكري ابوبكر الذي جعل هذا ممكنا مع تمنياتي للجميع بالتوفيق
| |
|
|
|
|
|
|
Re: بحري طراوة... وبس .....!!!!!!!!!!! (Re: وليد عبد اللطيف)
|
** من إرشيف ست الهوى والطراوه "18" ذكريات أنور العجب (ابو النور) ** ************************************************************************************* الحلقة الرابعة مع أبو النور ( أنور العجب) TARAWA DELIVERY #4
Quote: أحبابنا الأعزاء ناس بحري أحلى التهاني و أجمل الأماني و أن اتت متأخرة و كل عام و أنتم بألف خير و الأهل و بحري الطراوة و السودان المفقود الي أن يعود و دي على وزن الفردوس المفقود نسأل الله أن تأتي الأعياد و الوطن و أهله ينعمون بالمحبة و التآخي و نكون قد نهضنا من كبوتنا وعم السلام دارفور الحزينة و ما أجمل ناسها يلاقوك بعافية طيبين هذا ترحابهم للقريب و الغريب و خيرهم كثير و الجبل الجميل" و لو شفتو مرة جبل مرة" و أظن اجمل ما كتب شعرا في جبل مرة كتبه الدفعة عبد السلام كامل عبد السلام و هو طالب و زار جبل مرة مع دفعته في مصر في أجازة للسودان و بالمناسبة عبد السلام لم اقابله منذ ان تركنا بحري الثانوية. السودان بلد خير و ناسه عزاز و كرام مابيستاهلوا حالهم يكون شين و كما قال الطيب صالح الروائي العالمي " أذا كنت تمشي في شوارع لندن و رأيت شخصا يمشي في الطريق رافعا رأسه الى السماء خالي من العقد فتيقن أنه سوداني وسلم عليه" ( يا سلام) نحن ناس غير , مرة في بمدينة بومبي التقيت بأخ أسمه حسن أرتيري خريج أقتصاد جامعة أديس أبابا و يعمل بجدة في أحدى شركات التأمين و كان معه صديقة أسترالية .حكت لنا انها بصدد الأنتهاء من جولتها حول العالم,
بزيارة شرق آسيا فسالها هل زرتي السودان فأجابت بلا و انها طارت من القاهرة لنيروبي قال ليها:- تجربتك حول العالم ناقصة لأنك لم تزوري أروع بلد و أروع شعب فسالت لماذا قال ليها ديل بيعملوا أزيار قدام بيوتهم حتى يجد المار بالشارع ماء بارد يروي به ظمئه و هؤلاء الناس في شهر رمضان يخرجون بأحسن ما عندهم من أكل وشرابو يجلسون على الطريق ليشاركهم الأخرين و هناك الكثير للضيف و الغريب و ده السودان الجميل اللي بيشهدوا ليهو الآخرين يبقى علينا كما تغنى الكابلي الرائع ( بأملنا و بعملنا و بالمحنة ووفاء النيل الفي دمائنا نبنيه جنه) الأمال مازالت معقودة و كبيرة بس الناس ترجع لصوابها و تتوافق و تكون في عزيمة للبناء و التضحية ونكران للذات و عدالة وحفظ لحقوق الناس و أيد بيضاء نزيهة فالخير مكنون في ارض بلادنا لحبيبة,,,,,,, كسرة و نسه نطلع من الحتة دي أخونا طارق ميرغني تقول لي ديناصور يا دفعة!! أنت عارف بيتنا القديم كان فاتح على سوق بحري و عليه لازم الواحد يكون مفتح منذ نعومة اظفاره و بتعرف الناس كويس و تداقش في السوق و طبعا لافين فيهو ناس مصطفى الكضمي و فتاح تكساس و سعيد دبابه و طه حميسي و الطرش الأثتنين بتاعين حلة حمد و في سينما حلفايا وو طنية مع المغامرات الباقية في الذاكرة كان في أقيام بلي قزاز في السوق الجديد قصاد نادي العمال و السوق ده مبني على شكل يو )U(بالأنجليزي قسمين في منتصف كل قسم في بوفيه مدور زي بوفيه عبدالقادر الجنب نادي الأمير حاليا هناك لعب البلي التقيل يعني مثلث اللين بيكون فيهو زي 500 حبه بيكونوا لاعبين عشرة كدة في خمسين فلمن نكون دايرين نطلع حق السينما نتردف في
العجلة الدبل أنا و معتصم أخوي ( الناظر) و معانا كيس مليان بلي و الداندلك الجابو لينا علي باكمبا من حلة الدناقلة و كان ميكانيكي في المنطقة و معتصم كان حريف شديد و نياش بينشف ليك أولاد الورنيش و غيرهم و نقلب ليهم بيع الخمسة بتعريفة نطلع حق سينمتنا بمزاج و مرات بيكون في خرخرة و مقالعه وكده. من الحاجات الظريفة لمواصلة و نستنا في و احدة من الأجازات و أنا راجع من السوق بعد ونسة مشوقه قدام دكان ناس عبدالحليم بلدية و محمد حسن الشيخ (كلاي) و عبد المنعم علي جابر في الزقاق خلف البيوت المواجهة للمجلس الريفي و المحكمة وبالضبط ضهر بيت ناس د. سليمان حسين الزقاق ده فيهو حركة شديدة مطاعم ومكاتب محامين و دكاكين و بيمر من هناك ناس عزالدين شلنكح و عكاشة ميرغني و عادل عبد النبي و مختار ظبايه و عبده ليلو و عبده عضل يعني قعدتين في الحتة دة ( ونسه سنين).. ** و حكاية ممتعة لزول ما قاعد في البلد المهم تصادف أنتظاري لمواصلات المزاد خروج أولاد بحري الحكومية قصار كده ووزن الرشة و لابسين لبس شبه عسكري اخضر مموه شكيت في قلة أحجام أغلبهم فسألتهم يا أولاد المدرسة دي بقت أساس و لا عالي؟ ** قالوا عالي ! يآخي ما معقول فلاش باك سريع كده أتذكرت انو دفعتنا كانوا في نفس السن دي بيلعبوا درجة ثانية و ثالثة ورابعة يعني (ليق) و ين ديل لناس د. أبوعبيدة عبدالرازق( نجم الكفاح) محمد الحسن عبدالمحمود نص الأتحاد ( ثنائي مع الفنان كرومه) المرحوم جلال عثمان (ثيرد باك التذكار) و دفع السيد منقستو (الكفاح) و الفاتح عوض (التذكار) و المرحوم حسن كديس (الشعب) عبد الرحمن (شمبات) محمد الغالي(نجم الكدرو) ود. سعد (شمبات) وحسن عبدالله و عزالدين كوبر (أب صلعه) و أبراهيم و الطاهر وداعة (الأملاك) و ده غير أللي كانوا كباتن في الروابط و الدفعات القبلنا ناس صديق حريقة (التحرير / الثغر بورتسودان) صديق الهارت (الشعب / التحرير) وحميد و عبدالحميد (حلة كوكو) و لو قلنا الباسكيت كابتن فاروق رحمي و موسى هبيله و مبارك رستم و ماهر شمبات و أحمد عبدالله رجب و رؤوف رستم وحسن أبوزيد و صلاح صابر و سعد عبدالله الشهير بعم سعد ,,,, ** غايتو ما لاقي أجابة على تساؤلي الناس بقت تحسى و لا شنو!! قلنا نقصوا سنوات الدراسة من 12 لحداشر ما بتفرق كتير يعني زمنا في الثانوي كان الناس عتاولة ناس عبدالسلام الداروتي و د. عادل فخري و عبدالعظيم أحمد محمد (التوم) و ناس جيمس/ قلووظ و اليسع ابراهيم الياس و د. محمد أنور الحاج و ساتي سوركتي و بادي وعبدالرؤوف رستم و بدوي رستم و فضل هبيلة كمان لورجعنا بالمقارنة لوراء كنا مجموعة من اولاد المزاد النقر و الريح و عبدالدائم ود الشايقية شغلنا ( يحيى الحكيم) في مصنع كبريت أبو وردة ود قبل ابو تمساح اللي عملوا د. خليل عثمان و أصحابه هنود القصة دي و انا في ثالث أبتدائي يعني 9 قول عشر سنين و في الأجازة من رابعة أولية للوسطى ما أشتغلت في الشركات دورنا في السوق مع عمنا حسن حاج أحمد أبو محمد جحا شغالين في الفاضي بتاع الصفائح في حوش حاج سعد قصاد الجامع الكبير و ده دكان مؤجره واحد أسمو عم الأمين و بيجمعوا فيهو راجع الزجاج الفاضي و الصفايح تتغسل بالبتاس و تباع للمصانع لتعقيمها و تعبئتها مرة أخرى زيوت و غيره؟ جامع بحري الكبير ده ارضه هبة من المرحوم الحاج سعد و برضو المسجد الفي مقابر حلة حمد بناه, و كان تاجر ريحه في سوق الخرطوم و من المريوم و والد المعماري والتشكيلي الفاتح سعد. ## الأجازة من ثانية لثالثة أوسطي أشتغلت في مصنع النسيج الأمريكي ( السوداني) بواسطة العم المرحوم كامل ابراهيم مرسي كان مدير شئون الموظفين و أذكر تماما أول ما أستلمت بطاقة العمل كان علي أن أنزل و ردية ليل في قسم الكارت وده اول قسم في المصنع يعني تجهيز القطن لمرحلة الغزل و بعده تحضير الخيوط للنسيج و بعد داك المصبغة و التوضيب و السوق عدل ومع تكرار العمل في الأجازات عملت بكل الأقسام ماعدا النسيج لكن مريت عليهو في النسيج الياباني أشتغلنا أنا و بابكر وقيع الله و وداعه عمر يسن و طبعا هو حريف جدا و زاق بقى مراسلة في الأدارة و شغلنا حسن وقيع الله كان ضابط التوظيف و لاعب التذكار هو و صلاح دفع الله كانوا ثنائي هجوم خطير حسن ترك الكرة مبكرا و صلاح هاجر قطر و لو استمروا كانو لعبوا قومي بجدارة. طبعا أولاد المزاد أرتباطهم بالشركات قوي لقربها لجغرافي طبعا و كمان الناس تساعد نفسها يعني ناس قاسم تنز و بهاء الدين اخوه ديل يوم المدرسة تقفل ثاني يوم بيكونوا شغالين في مصنع حلويات كريكاب, و كامل (الراعي ) اخوهم بيشتغل مع عمك أب شامة بمصنع البلاط واستمر معاهو لغاية ما كمل الثانوي و بقى مدير المصنع. ده غير شراكات الطبالي و الشغل مع البنائين ناس عم قاسم (ليفي أشكول) و عم أحمد أبوسبيب و عبد القادر ود العربجي (قدورة وعندي قصص مع ابو سبيب نحكيها في مره قادمة و الجايه أنشاء الله نخش على الحلفايا والكدرو و بحري الكبرى. و الى اللقاء مع تحياتي أنور العجب (أبو النور) |
| |
|
|
|
|
|
|
Re: بحري طراوة... وبس .....!!!!!!!!!!! (Re: عبدالكريم أحمد الامين)
|
## من إرشيف بحرى طراوه (18) د. أحمد طراوه.. *********************************************************************
Quote: هذا و الله بوست فانتازيا و ضرب بديع من ضروب علم السوسيولوجي في تطبيقاته البسيطة تابعناه إبتداء و لا زلنا علي دروب الخرطوم شمال و تلك الضواحي طرف المداين منتظرين شفق الصباح و إنبلاج خير امة السودان و رغم إنني امدرماني المنشأ و الهوى ، فقد حدث إنني سكنت بحرى الدناقلة / جنوب لفترة غير طويلة و بطريقة الترانزيت : الخروج صباحا باكرا و العودة ليلا للنوم و في ذلك الشارع اللطيف و عجيب ، شارع 5 ، وهو قريب لسوق الدناقلة ، حظيت بمعرفة و معاشرة لاعب الكرة القديم الجاك عجب و هو منسوب لهيئة و إدارة كهرباء بحري ، و عثمان بتاع الفول عند مدخل شارع السوق ، و احمد امين الدنقلاوي و المساعد الطبي و رفيق الدرب القديم لدكتور النور عبد المجيد .. و كان صوت طه حمدتو بقول في مدخل البرنامج الرياضي / التلفزيوني: " قرعم ، مرر الكورة للجاك عجب ، قطعا حسن العبد اداها لصديق منزول ، صديق ماش .. الامير ماش .. قون .. قووون ! " ## و غير معروف حتى الان من هي حسناء بحري اللي اسمها ثريا ، و الغنا ليها محمد احمد عوض قائلا -: ايه اسبابي غير ذاك الجمال السِحري يا عيون الحبيب إنتو السبب في سهري ظمآن ما اظن يرويني ماء البحرِ و ما لومتوني يوم لو شفتو ساكن بحري ## أغنية اخواني الجميع .. إصطنتو قولي و بحكي سببي الفراق و دموعي سالت تبكي .. شغلوها بالله في تذكُر ثريا تلك الزادت في الوظيفة و ركبت نيشانا . و يا لجمال الحكي السوداني في هذا البوست ، شكرا كمال كرار و كل نشطاء السرد و التوثيق ، |
| |
|
|
|
|
|
|
Re: بحري طراوة... وبس .....!!!!!!!!!!! (Re: عبدالكريم أحمد الامين)
|
** من إرشيف بحرى طراوه ** ******************************************************** ظرفاء و إحياء في بحرى (الناقله جنوب) – الحلقه الخامسه – ** إبراهيم عبدا لله كوكو(إبراهيم عيونو)
Quote: الاسم إبراهيم عبدا لله كوكو الشهير بإبراهيم عيونو نسبة لكبر حجم و بروز عينيه و هو من مواليد حلة الدناقلة جنوب شارع غانا و سمى بذلك الاسم لان معظم ساكنيه من ذوى البشرة الداكنة و كانوا يمتازون بأخلاق رفيعة جدا وترابط وثيق جدا مع كل قاطني حلة الدناقلة جنوب و بحري عموما ومن ابرز الأسماء في ذلك الشارع أولاد شاكوش مختار كفتيرا و المرحوم فضل نوبة و كانوا من امهر لاعبي كرة القدم. ** كان إبراهيم عيونو فردة باك محترم في فريق الكفاح مع صديق عمره و توام روحه المرحوم أيوب فارس و بالمناسبة لا تربطه بينهما اى صلة قرابة كما ذكر الاخ معاوية بموجب معلومه من عبدالكريم انما كان كل منهما ينادى الاخر بابن خالتى دليل على ما كان بينهم من صداقة . و بعد ذلك تولوا إدارة فريق الكفاح الذي ضم في صفوفه امهر اللاعبين أمثال أحرف لاعب في السودان د. ابوعبيدة عبد الرازق شقيق اللاعبين جعفر واسامه عبد الرازق و ايضا عبودى و قدورة و كان فريق الكفاح به عدد مقدر من الطلبة الجامعيين . إبراهيم عيونو متعه الله بالصحة و العافية محبا جدا للحياة و كارها لمشقاتها وحريصا جدا لذا دائما ما ينأى بنفسه عن المشاكل و إضافة لما ذكره الأخ معاوية في موضوع الطوبة و الجريدة كان عندما يضطر السير من ناس سليمان فارس عبر ميدان الاتحاد فى ساعة متاخرة من الليل يولع سحارتين و هو بمفرده موهما الرباطين بانه شخصين. مرة كان عندهم مباراة مهمة مع فريق شمبات و خلال المعسكر تناوتو وجبة الغداء مع احد اللاعبين كانت ملاح قرع مصلح جدا إبراهيم كان لاعب باك لمحي الدين شمبات الذي اشتهر بسرعته الرهيبة المهم عذب عيونو عذاب شديد و المدرب يصيح ياعين امسك محي الدين فصاح قيه عيونو امسك لي ...إسـهـال . في إحدى المباريات الحاسمة و كان عيونو في الإدارة فذهبوا إلى الانطون لتكريب المانش فأفادهم سعادة الانطون إن الفريق سيهزم شمبات أربعة واحد شريطة إن يحرز الفريق المنافس الهدف الاول و من هجمة ميتة لفريق شمبات كان الدفاع متراخي في صد الهجوم مع صيحات عيونو و الادارة خليهو يدخلها قون خليهو يضر رقبتو و لم يجد ادني صعوبة أو مقاومة في إحراز الهدف الوحيد الذي انتهت عليه المباراة.الديناصور طارق ميرغنى عيونو الآخر هو عيونو فوق الشلالى خال عوض قربو وكان حكما فى ميدان عقرب الدرجة الرابعة وفى احدي المباريات و نتيجة لسوء ادارته للمباراة اضطر إلى إنهاء المباراة وهو راكب مع بوليس السواري.. |
| |
|
|
|
|
|
|
Re: بحري طراوة... وبس .....!!!!!!!!!!! (Re: عبدالكريم أحمد الامين)
|
طارق ميرغني ( ابو الفن )
Quote: محاولة جادة لاصلاح ما افسد الدهر |
بالجد انت راجل فنان في الفوتوشوب ياخي عايزين حصص ( مجانية ) كمان كان عايز الحساب بالدرهم بنشوف قريبك ابو محمد فؤاد . . وجاءنا من مراسلنا والمندوب الرسمي لبحري طراوه بدولة قطر الاستاذ / معاوية محمد الحسن بان الفريق القطري اجتاز مرحلة التصفيات ودخل دور الاربعة وسوف يقابل الفريق البرازيلي في اول لقاء لهم . . . ياجماعة اذا تكرم اخونا بكري وعمل على تحويل البوست الى منبر سوف نقوم بمحاولة ضم اعضاء جدد تعمل على تفعيل المنبر ويوجد اكثر من عضو بمنطقة بحري واغلبهم عمل في خدمة بحري في فترات سابقة .
| |
|
|
|
|
|
|
Re: بحري طراوة... وبس .....!!!!!!!!!!! (Re: وليد عبد اللطيف)
|
كابتن وليد تحياتي ياخي منو القال ليك الفريق القطري حيشارك فى التصفيات الفريق القطري حيلعب المباراة النهائية طوالى وذلك مقابل التنظيم الرائع الذى سيكون ملاعب مكيفة ومترو انفاق لنقل الجمهور وملاعب حدث وفى رواية اخري استضافة مجانية للجمهور ذاتو فى افخر الفنادق وبعد ده يشارك فى التصفيات وبالمناسبة كابتن الفريق القطرى لحتى بطولة الخليج الاخيرة بلال محمد سوداني ومن بحري وهو ابن اخت الكابتن محمد بخاري لاعب الاملاك الشهير السابق وبرضو من اللاعبين السودانيين فى المنتخب ابن جدة السابق ماجد محمد وكذلك حامد اسماعيل حامد وبرضو من بحري المزاد وايضا مجدى صديق ومرحب بك فى الدوحة 2022 وياريت تكون كابتنا لمنتخب السعودية زى بلال كده
| |
|
|
|
|
|
|
Re: بحري طراوة... وبس .....!!!!!!!!!!! (Re: عبدالكريم أحمد الامين)
|
الاخ معاوية .... سلامات
Quote: الفريق القطري حيلعب المباراة النهائية طوالى وذلك مقابل التنظيم الرائع الذى سيكون ملاعب مكيفة ومترو انفاق لنقل الجمهور وملاعب حدث وفى رواية اخري استضافة مجانية للجمهور ذاتو فى افخر الفنادق وبعد ده يشارك فى التصفيات |
بالجد حاجة مدهشة ولو الله مد في الاعمار سوف نكون حضور هناك بصراحة ادهشني تصم الملاعب وتحسرلاننا الناس تتقدم في اي شيء ونحن نرجع الى الوراء . ربنا يحفظكم الى تاريخ ذاك اليوم ونكون حضور معكم ونعمل ركن انيق تحليلي لكاس العالم بين كرة القدم زمان وبعدين هه هه هه يا ابو محمد فؤاد نتقابل هناك بعدين لكن (الشيشة ) تحت تحت سمعنا سوف يعملوا لها خيم خاصة ماتشيل هم بالله رايك شنو في تصميم الملاعب
| |
|
|
|
|
|
|
Re: بحري طراوة... وبس .....!!!!!!!!!!! (Re: وليد عبد اللطيف)
|
سلام لك أهلي أهل بحري الطراوة,,,
نسبة للمستجدات الخاصة بأرشفة البوست
وإيمانا من اخوكم بالتداول السلمي للأدوار
وترسيخا لمبدأ التجديد من أجل الجديد..
فإنني أعلن تنحي شخصي الضعيف عن قيادة
البوست... وأتمنى على كل أصدقائي وأهل
هذا البوست أن يفتتح أحدهم بارت تو...
ويمكن أن يكون أذا أردتم من جيل الوسط...
وهم جيل أخي الصغير كرومة وأخي معاوية
أو الجيل الأصغر ..جيل عماد...
أو جيل خفيف الوسط.. جيل وليد...
أو حتى جيل البعاعيت إن شئتم...
التحية والتجلة لكل من رفد هذا البوست بحرف..
التحية لمن تعرفنا عليهم في عرصات هذا البوست..
والذين عبروا عن هوى أصيل لبحري وطراوتها...
التحية لكل الأحباء اللذين أتاحوا لنا فرصة
التلاقي معهم في طراوة بحري الأسفيرية...
التحية للرموز من أبناء بحري...
التحية للأخ/ بكري أبوبكر الذي جعل ذلك ممكنا..
بحري طراوة حتى بعد الإستفتاء
| |
|
|
|
|
|
|
Re: بحري طراوة... وبس .....!!!!!!!!!!! (Re: Kamal Karrar)
|
معقول ياريس كمال كرار
Quote: فإنني أعلن تنحي شخصي الضعيف عن قيادة
البوست... وأتمنى على كل أصدقائي وأهل
هذا البوست أن يفتتح أحدهم بارت تو...
|
ياخي خلاص اصبحت رمز من رموز بحري يعني مافي ليك طريقة للتنحي بعدين ياخي الشغلة بسيطة افتح البوست بس وبعد ذلك السواقين موجودين وربنا يحفظهم ولكن ماعايزين نجهجه الناس المتابعة لهذا البوست من الخارج .
| |
|
|
|
|
|
|
Re: بحري طراوة... وبس .....!!!!!!!!!!! (Re: وليد عبد اللطيف)
|
Quote: فإنني أعلن تنحي شخصي الضعيف عن قيادة البوست... وأتمنى على كل أصدقائي وأهل هذا البوست أن يفتتح أحدهم بارت تو... |
** ود السر كرار .. ** صباحك خير .. ## وشوف كلام ود عبد اللطيف التحت دا ,, وأنا من مؤيديه :-
Quote: ياخي خلاص اصبحت رمز من رموز بحري يعني مافي ليك طريقة للتنحي بعدين ياخي الشغلة بسيطة افتح البوست بس وبعد ذلك السواقين موجودين وربنا يحفظهم ولكن ماعايزين نجهجه الناس المتابعة لهذا البوست من الخارج . |
## قبل الموضوع مايجيب ليهو طلاقات من الديناصورات أو الطبقه الأقل رُتبه منهم أقترح :-** أن يكون العنوان الجديد :- ســت الــهــوى والـطـراوه "الجزء الثانى" ** يمكنك فتح البوست بعد أن نصل الميس بتاع الــ (94) .. (ودام الود بيننا)
| |
|
|
|
|
|
|
Re: بحري طراوة... وبس .....!!!!!!!!!!! (Re: وليد عبد اللطيف)
|
** ود السر كرار .. ** سلام[/green ** الامر يتعلق بحقوق ملكيه فكريه ,, وإرتباط الإسم بالمُسمى وفزلكات أُخرى ..
## وزى ماقال ليك ود عبداللطيف :- طالما العربيه مسجله بإسمك جدد الترخيص والتأمين إجبارى مننا والسواقين "الدريوليه" على قفا من يشيل قاعدين ,, الجزء الثانى يمرروهو من عقبه بورسودان "زمان" وكذلك كُبرى كوستى فى الزمن الجميل الذى مضى.. (ودام الود بيننا)
| |
|
|
|
|
|
|
Re: بحري طراوة... وبس .....!!!!!!!!!!! (Re: عبدالكريم أحمد الامين)
|
Quote: الامر يتعلق بحقوق ملكيه فكريه ,, وإرتباط الإسم بالمُسمى وفزلكات أُخرى ..
## وزى ماقال ليك ود عبداللطيف :- طالما العربيه مسجله بإسمك جدد الترخيص والتأمين إجبارى مننا والسواقين "الدريوليه" على قفا من يشيل قاعدين ,, الجزء الثانى يمرروهو من عقبه بورسودان "زمان" وكذلك كُبرى كوستى فى الزمن الجميل الذى مضى.. |
ههههههههههههههه جدد جدد الترخيص ياود كرار
تسلم ياود كرار تعيش بحري وحاشاك مافيك غبار رفعت اسم بحري وكنت ليها منار
| |
|
|
|
|
|
|
Re: بحري طراوة... وبس .....!!!!!!!!!!! (Re: وليد عبد اللطيف)
|
فتح كمال كرار للجزء الثاني من البوست مطلب رسمي وشعبي من كل البحراوية ونثق تماما بأنه سيكون حاضر في الموعد وعلى قول أبو محمد فؤاد السواقين على قفا من يشيل لسواقة البوست وعن نفسي جاهز للجزء الثاني بكمية زاخرة من المواضيع ولابديل لكمال كرار إلا كمال كرار .
| |
|
|
|
|
|
|
Re: بحري طراوة... وبس .....!!!!!!!!!!! (Re: Emad Ahmed)
|
فتح كمال كرار للجزء الثاني من البوست مطلب رسمي وشعبي من كل البحراوية ونثق تماما بأنه سيكون حاضر في الموعد وعلى قول أبو محمد فؤاد السواقين على قفا من يشيل لسواقة البوست وعن نفسي جاهز للجزء الثاني بكمية زاخرة من المواضيع ولابديل لكمال كرار إلا كمال كرار .
** أها كدا بقى فى تلاته سواقين .. ## دا غير السواقيين القاعدين تحت النيم ومنتظرين تديهم المُفتاح.. (ودام الود بيننا)
| |
|
|
|
|
|
|
|