Quote: صحيح يا عبد الكريم... أسمها لايكا..أنت كنت معانا؟؟
تعرف ياكمال في ذلك الزمن الجميل كانت ثقافة الشعب السودانى عاليه جداً حتى الاُميين يتابعون الاخبار العالميه من البي البي سي ومونتكارلو وصوت العرب وصوت أمريكا, ويمكنه أن يناقشك في أدق مُقررات مجلس الامن وأزمة خليج الخنازير , وسفن الفضاء متى أنطلقت ومتى ستعود..
** مناسبة هذا أن أغلب الكلاب في ذلك الزمن كان يُطلق عليها إسم :- (لايكا) و (لوممبا) وماأعظم لوممبا في ذلك الزمن أذ كان رمزاً للتحرر ووفياً للقضيه التى أُغتيل من أجلها..
نبشركم بعودة الاخ الكوتش عوض اللة مصطفي من السودان بعد قضاء إجازة فى ربوع بحري وشوارع المزاد أطمأن خلالها على صحة والده العزيز العم مصطفي متعه اللة بالصحة والعافية ،وقد عاد عوض اللة محملاً بالطرائف والحكاوي وكل المستجدات عن بحري وسيتحفنابها الكوتش عبر شباك عبد الكريم . وياعبد الكريم اليومين ديل خلى الشباك فاتح ضلفتين والبرد مامشكلة مع حكاوي عوض اللة المثيرة التى سمعت جزء منها عبر الهاتف أمس وبالمناسبة ارسلت له رقم تلفونك بعد ان ضاعت منه الشريحة السابقة .
01-15-2009, 10:26 AM
حسن طه محمد
حسن طه محمد
تاريخ التسجيل: 03-01-2007
مجموع المشاركات: 3653
Quote: طيب رايكم شنو في مطاعم شارع المعونة ابتداءا من المؤسسة؟؟ شء!!!!!!!!!!!!!!!!!!!!!!!!!!!!!!!!!!! لا أجد ما يمكن ان اوصفها به!!!!! الله يحفظ ناس بحري وكل من تطأ قدمه ارض بحري. اها رايكم شنو في المطاعم دي ؟؟؟؟
المستشار ود البوب ** المطاعم الموجوده بشارع المعونه لم أتوقع فى آخر زياره لي لبحرى أنها بهذه الكثافه وذلك لانها من المُلتقي والي الحد الفاصل بين المزاد والصافيه أكثر من 15 مطعم ولكل طعمه المُتميز وأغلبها يعمل الي مابعد الساعه الثالثه صباحاً _ وهو فضل شنو في السودان غير الاكل بكل أنواعه !!!!
01-15-2009, 12:25 PM
عبدالكريم أحمد الامين
عبدالكريم أحمد الامين
تاريخ التسجيل: 08-04-2008
مجموع المشاركات: 6343
Quote: المطاعم الموجوده بشارع المعونه لم أتوقع فى آخر زياره لي لبحرى أنها بهذه الكثافه
شارع المعونة مفترض أنه شارع رئيسي تجاري يعني يحوي على مقار شركات ، أسواق تجارية ، بنوك ومعارض سيارات وأشياء من هذا القبيل لا أن يكون الشارع جله مطاعم وكافتريات وكوافير لأن هذا الوضع سيخلق إزدحام مروري كبير هو أصلاً من سمات هذا الشارع الحيوي .. شارع المعونة وأنت في الكبري الجديد تشاهد دخان الشاورما والبروست والمشويات الأخرى .. أرجو أن يراعى المظهر الحضاري للمدينة .
01-15-2009, 02:33 PM
حسن طه محمد
حسن طه محمد
تاريخ التسجيل: 03-01-2007
مجموع المشاركات: 3653
Quote: وهو فضل شنو في السودان غير الاكل بكل أنواعه !!!!
ابو محمد فؤاد
صحيح الكل بياكل . بس الاكل كما تعلم انواع
اكل في مطاعم الابراج .. واكل في في شارع المعونه واشباهه.
من خلال الاكل في مطاعم الابراج يمكنك بناء برج وفيلا ومزرعة كما يفعلون .... ومن خلال الاكل في الشارع سوف تموت لانه اسوأ من الجوع.( لا اتفق مع المثل السوداني : مافي حد مات من الجوع ).
Quote: شارع المعونة مفترض أنه شارع رئيسي تجاري يعني يحوي على مقار شركات ، أسواق تجارية ، بنوك ومعارض سيارات وأشياء من هذا القبيل لا أن يكون الشارع جله مطاعم وكافتريات وكوافير لأن هذا الوضع سيخلق إزدحام مروري كبير هو أصلاً من سمات هذا الشارع الحيوي .. شارع المعونة وأنت في الكبري الجديد تشاهد دخان الشاورما والبروست والمشويات الأخرى .. أرجو أن يراعى المظهر الحضاري للمدينة
بأيد كلامك ده وياريت طبعا والاهم انه يتوسع...لانه مدخل هام لشمال بحرى كلها... وانت عارف انه الناس فى الحتة ديك استقطعت من بيوتها وعملت الدكاكين دى والحتة ديك معروف انه مساحة امتار بيوتها صغيرة زمن كان الزمن هادى ورايق فمااعتقد انه فى مساحة لانشاء معارض كبير للعربات او مجمعات تجارية مالم تنزع ملكية البيوت ويعوض اصحابها فى مكان اخر ممتاز ...والا ...فسيظل الحال كما هو ..لان اغلب الاستقطعوا جزء من بيوتهم بيعيشوا على دخله ...اذا كانوا هم الفاتحنوا او مؤجرنو لجهة تانية ...انت شفت مدرسة الديوم زاااااتا حصل ليها شنو بقى وشها محلات اشرطة يامن على شكل ال(l ) على المعونة والخور ... دى المدرسة تخيل ....كل سنة وانت طيب
تخريمة: الأخ كمال كرار تلقيت اتصال من الأخ علي سعد قشرة (الجبيل) و هو متابع باهتمام و حاول الاتصال بك و لم يجد تلفونك و يطلب منك الاتصال به على 0506949851..لك كل الود
Quote: يا عبد الكريم يا حليلك الواقف علي حيلك . اتصل بي ابن عمتي لاشوت البلنتي كما قال او افتح شوال السكر لكن للاسف نظروا بقي ضعيف وما عارف انو سيد الدكان قبيل فتح الشوال.
يا إبن خالي ** والله لما عزمتك تشوت البلنتى سيد الحوش كان في الجسر ..
01-17-2009, 02:14 PM
ناهد بشير الطيب
ناهد بشير الطيب
تاريخ التسجيل: 02-08-2008
مجموع المشاركات: 4180
## الزمان :- السبت 17/01/2009 ## المكان :- النادى السودانى الاجتماعى - ابو ظبي - صالة الافراح.. ## المُناسبه:- زواج ابو النور (أنور عبدالله العجب) - الديناصور الثالث لتشكيل بحرى ست الهوى والطراوه بعد الاوليين المعروفيين (ود السر كرار وود ميرغني علي مصطفي).. ## الحضور :- كل بحرى إلا من حرمه ظرف طارئ.. ## الغياب :- طارق ميرغنى ,, كمال السر كرار ,, صلاح جرب ,, ميرغني سعد (ودسعد) ,, والكوتش عوض الله مُصطفي.. ** صورة العريس مع د. إبراهيم العجب وكما طلبت ياكمال سوف يقوم الدكتور بإجراء اللازم.. (ودامت الافراح والموده بيننا)
Quote: يا ناهد يبدو انكم لم تقبضون راتب شهر ديسمبر اصحيح هذا ام لاااااااااااااااااااا ............!!!!!!!!!!!!
نعم اخا العرب ....بل قبضناعوضا عنه هذا الهواء الطلق ... وكيف عرفت ذلك ؟؟؟ عليك اللحمة ... وعلى عبدالكريم الجداد والباقيين الخدار اما انا فعلى الباااااارد لكى ابرد به هذا الجوف واخاه الحشا من تاخير تلك الدنانير التى لاتغنى ولاتسمن من جوع بسبب الغلاء .... واليوم هو الثامن عشر من الشهر ....والمديرة من راس السنة فى البحرين ماجات عشان تمضى قرار اخلاء الخزنة ..... وبالمناسبة ده سؤال لكمال كرار انت راس السنة فى البحرين مدته كم يوم ؟(وش فاغر فاه)
(الايقونات دى حيرتنا والله هسى تعرفونى ببكى ولا بضحك كيف )(الوشوش كلها )
بت بشير الطيب ** الكراتين جاهزه عايزهو فرنسي ولابرازيلي ولا محلي.. ** دى ذكرتنى نكته واحد جا الامارات زياره وعمل فيها ظريف نزل السوبرماركت يجيب دجاج ولحمه وسألوه السؤال الفوق دا عايزو برازيلي ولا فرنسي . قال ليهم :- هو مدرب جيب إى حاجه خلينا نتخارج..
01-18-2009, 02:21 PM
Kamal Karrar
Kamal Karrar
تاريخ التسجيل: 11-16-2006
مجموع المشاركات: 3734
Quote: والمشتهي الحنيطير يطير... والعايز يتفسح في البحرين يا ناس الرياض يا عطشانين تعالوا لي خميس وبوديكم لا تعريفة لا مليم.. بس تاشيرات العودة تكون جاهزة
الحمد لله الكلام موجه لناس الرياض ,, ناس دبي وقطر مامعاهم.. تعرف ياود السر كرار في جماعه بيجو من السعوديه لدبي الواحد بيكسر ركبه زى العربيه البايظه المالاقين ليها إسبيرات وهاك ياغطسه لمن يجى إعفاء للمُخالفين ويتخارج..
01-18-2009, 02:34 PM
عابدون محمد عابدون
عابدون محمد عابدون
تاريخ التسجيل: 07-30-2008
مجموع المشاركات: 2607
الاخوان كمال و طارق وكل أبناء بحرى أعزيكم فى وفاة الاستاذ فخر الدين محمد عثمان و التعازى موصولة لكل تلاميذه و اسرته و اصدقائه .. إنّا لله وإنّا إليه راجعون
اللهم أرحمه وأسكنه فسيح جنّاتك اللهم باعد بينه وبين خطاياه كما باعدت بين المشرق والمغرب اللهم نقّه من الخطايا والذّنوب كما يُنَقّىَ الثّوب الأبيض من الدّنس اللهم أغسله بالثلج والماء والبرد اللهم أبدله داراً خيراً من داره وأهلاً خيراً من أهله اللهم أجمعنا وإيّاه في مستقرّ رحمتك اللهم إنّا نسألك بإسمك الأعظم أن توسّع مدخله اللهم آنس في القبر وحشته اللهم ثبّته عند السُّؤال اللهم لقّنه حجّته اللهم باعد القبر عن جنباته اللهم أكفه فتنة القبر اللهم أكفه ضمّة القبر اللهم أجعل قبره روضةً من رياض الجّنّة ولا تجعله حفرة من حفر النار اللهم إن كانت محسناً فزد في إحسانه ، وإن كانت مسيئاً فتجاوز عن سيّئاته اللهم ألحقه بالشُّهداء
01-19-2009, 05:14 AM
عابدون محمد عابدون
عابدون محمد عابدون
تاريخ التسجيل: 07-30-2008
مجموع المشاركات: 2607
أترحم على روح الأستاذ ومربي الأجيال فخر الدين محمد عثمان .. وأبتهل إلى الله العلي القدير أن يتقبله قبولاً حسناً وأن يلهم أسرته الصبر وحسن العزاء .. خالص التعازي وعظيم المواساة للأخوان وليد ، معاوية وهشام حسن ..
وقاية النباتات دى ذكرتني صيانة التربة الجوار وزارة الخارجية حاليا انشاء اللة ماتكون نسيتها.
Quote: لكيييييين في كل اجازاتي ما شفت لي قطر بينزل منه ناس في محطة بحري.
الاخ ابو على القطارات انتهت يابوعلي ومافى زول عندو وقت الان يقعد ثلاثة يوم عشان يصل بورتسودان ولاكريمة ولا حلفا . فى اجازتي الماضية مشينا رحلة لسد مروي تحركنا من الخرطوم بالبص الساعة الخامسة مساء الساعة عشرة مساء كنا داخل السد وهذه المسافة كنا نمشيها بقطار كريمة زمان فى ثلاثة ايام . القطار الان اصبح لايسمع به الناس الا فى الاغاني القديمة قطار الشوق متين ترحل تودينا والقطار المرة وفيهو مرة حبيبي
01-20-2009, 09:35 AM
عبدالكريم أحمد الامين
عبدالكريم أحمد الامين
تاريخ التسجيل: 08-04-2008
مجموع المشاركات: 6343
Quote: الغريب يا عبد الكريم رغم الغاء محطة الخرطوم واصبحت محطة بحري هي المحطة النهائية لكيييييين في كل اجازاتي ما شفت لي قطر بينزل منه ناس في محطة بحري. القطارات وقفت والسكةحديد حلوها !!!!!!!!!!!!!!!!!!!!!!!!!!!!!
ود البوب ** في ظل الخصخصه وتوجهنا الحمارى - خط الغرب بعناهو لاخونا في الله عبدالله دموريه - وخط الشرق لاخونا في الله صالح عُكاز - وخط الشماليه للوالي بسمتيار - وخط الجنوب لاخونا في الاسلام دينق والذى اصبح أسمه بعد الهدايه (علي) .. ** وبما أن الاخوان المذكورين يحبون البئه والمُحافظة عليها فقد هداهم تفكيرهم العملي ببيع القطارات والاستفاده من حديدها ومن ثّم سيقومون بالسداد للحكومه في وقت لاحق.. ** أما عن سؤالك عن محطة بحرى بإعتبارها المحطه النهائيه لتسيير القطارات فلقد تم تحويل هذا القطار الي مترو أنفاق من محطة أم علي الي حى الاملاك لذلك لم تسمع صوت القطار !!!!! ### وزى ماقال الحبيب معاويه القطار بقي في الاغانى بس..
01-20-2009, 08:53 AM
ابراهيم قناوي
ابراهيم قناوي
تاريخ التسجيل: 06-17-2008
مجموع المشاركات: 2087
Quote: نعم اخا العرب ....بل قبضناعوضا عنه هذا الهواء الطلق ... وكيف عرفت ذلك ؟؟؟ عليك اللحمة ... وعلى عبدالكريم الجداد والباقيين الخدار اما انا فعلى الباااااارد
انا علي التلج يا قريبتي
وبالمناسبة دي قالوا في رباطابي
رسلوهو يجيب تلج واول ما جا داخل اللوح وقع منو اتكسر
Quote: كيمو الجاهز حمداللة على سلامة العودة ،وكمان جابت ليها زوغة فى نص الاسبوع عرفنا المشى فى نهاية الاسبوع وتانى قول دعاية البحرين دى فاكيها فيني معاوية
ما دي ياها القصة ذاتها... أقول ليك أكل عيش والله أكل عيش...
مشيت الساعة 3 ورجعت 8 وشوية... منها ساعة ونص طريق جيئة وذهابا..
Quote: وبعدين انت جوازك ده ما اتملا باختام السفر والعودة ولا عاملين ليك طريقة تسافر وترجع بدون اختام
من الناحية دي صدقت في دفتر بيصدر من الجوازات السعودية بيختموا ليك فيه بدل الجواز..
01-20-2009, 08:03 PM
Al-Shaygi
Al-Shaygi
تاريخ التسجيل: 11-16-2002
مجموع المشاركات: 7904
Quote: الاخوان كمال و طارق وكل أبناء بحرى أعزيكم فى وفاة الاستاذ فخر الدين محمد عثمان و التعازى موصولة لكل تلاميذه و اسرته و اصدقائه .. إنّا لله وإنّا إليه راجعون
اللهم أرحمه وأسكنه فسيح جنّاتك اللهم باعد بينه وبين خطاياه كما باعدت بين المشرق والمغرب اللهم نقّه من الخطايا والذّنوب كما يُنَقّىَ الثّوب الأبيض من الدّنس اللهم أغسله بالثلج والماء والبرد اللهم أبدله داراً خيراً من داره وأهلاً خيراً من أهله اللهم أجمعنا وإيّاه في مستقرّ رحمتك اللهم إنّا نسألك بإسمك الأعظم أن توسّع مدخله اللهم آنس في القبر وحشته اللهم ثبّته عند السُّؤال اللهم لقّنه حجّته اللهم باعد القبر عن جنباته اللهم أكفه فتنة القبر اللهم أكفه ضمّة القبر اللهم أجعل قبره روضةً من رياض الجّنّة ولا تجعله حفرة من حفر النار اللهم إن كانت محسناً فزد في إحسانه ، وإن كانت مسيئاً فتجاوز عن سيّئاته اللهم ألحقه بالشُّهداء
لا حول ولا قوة إلا بالله إنه لخبر مفجع حقيقة ولا نقول إلا إنا لله وإنا إليه راجعون.
اللهم أرحمه وأسكنه فسيح جنّاتك اللهم باعد بينه وبين خطاياه كما باعدت بين المشرق والمغرب اللهم نقّه من الخطايا والذّنوب كما يُنَقّىَ الثّوب الأبيض من الدّنس اللهم أغسله بالثلج والماء والبرد اللهم أبدله داراً خيراً من داره وأهلاً خيراً من أهله اللهم أجمعنا وإيّاه في مستقرّ رحمتك اللهم إنّا نسألك بإسمك الأعظم أن توسّع مدخله اللهم آنس في القبر وحشته اللهم ثبّته عند السُّؤال اللهم لقّنه حجّته اللهم باعد القبر عن جنباته اللهم أكفه فتنة القبر اللهم أكفه ضمّة القبر اللهم أجعل قبره روضةً من رياض الجّنّة ولا تجعله حفرة من حفر النار اللهم إن كانت محسناً فزد في إحسانه ، وإن كانت مسيئاً فتجاوز عن سيّئاته اللهم ألحقه بالشُّهداء
خالص تعازينايااخوان فى الاستاذ فخر الدين ....
01-20-2009, 11:19 PM
Kamal Karrar
Kamal Karrar
تاريخ التسجيل: 11-16-2006
مجموع المشاركات: 3734
بلداً هيلي نا .. دموعها .. دموعي نا .. أساها ... أساي أنا .. ضميرها .. ضميري نا .. كل آمالي نا .. السلام يملاها .. يطلع من هنا .. والحَمَام يتشابى
تقدل طفلة حلوة و بين إيديها كتابا و الحبوبة تمسح بالحنين أكوابا و القمرية تصدح .. تستريح دبابة و القطر القبيل يمشي و يشق الغابة البالمبو يفتح للقلوب أبوابا و النـُقارة ديك أم كيكي و الربٌابة
البلد الحنين الدرتو يمة ويابا بين العالمين عزة وجمال ومهابة الحزن القديم تمطر تزيلوا سحابة لي أطفال حزاني ونازحين وغلابة
في العصرية شفع جارية لي العابا والشاي في المغارب ذكريات وصبابة أشجار التبلدي العامرا بي ترحابا وأشجار النخيل أم خدرة خلابة
ناس من كل لون ..إتعمٌرت أنسابا و النيل في الهجير ... دوٌزن وتر أعصابا سمحة الدنيا بينا و بين إيدينا حبابا يانا أهل بلدنا القدرتم غلابة
01-21-2009, 05:44 AM
معاوية محمد الحسن
معاوية محمد الحسن
تاريخ التسجيل: 03-22-2008
مجموع المشاركات: 1590
هذه مقتطفات من السيرة الذاتية لرموز نسائية من بحري ..
السيدة/ تكوي سركيان : أول صحفية في السودان - من مواليد الخرطوم بحري - في عام 1947م اصدرت مجلة (بنت الوادي) وهي اول مجلة نسائية بالسودان علي نفقتها الخاصة. - أسست اول رابطة نسوية بالخرطوم بحري لتثقيف المرأة السودانية.
السيدة/ إحسان محمد فخري : - من مواليد الخرطوم بحري 1936م تلقت تعليمها في مدرسة الارسالية ، حصلت علي شهادة كامبردج من الدرجة الاولي من مدرسة الاتحاد العليا . - حصلت علي بكالوريوس القانون من جامعة الخرطوم 1963م. - عملت فور تخرجها بمكتب تدوين القوانين بكلية القانون بعدها عملت بالقضائية كأول قاضية سودانية وتركت العمل 1991م.
التجلة والتقدير لرائدات بلادي في كافة المجالات .. دعوات الصحة والعافية للاتي ما زلن على قيد الحياة ، والرحمة والمغفرة لمن رحلن .
Quote: القطارات انتهت يابوعلي ومافى زول عندو وقت الان يقعد ثلاثة يوم عشان يصل بورتسودان ولاكريمة ولا حلفا
يا معاوية .. أذكر في منتصف ثمانينات القرن الماضي أن بعثة فريق البرازيل برابطة المزاد كانت في رحلة إلى مدينة الأبيض ، لا أدري إن كنت أنت من ضمن المسافرين أم من ضمن الذين فاتهم القطار ؟ طبعاً تحرك القطار المعتاد من محطة الخرطوم الرئيسية في ذلك الزمان ... وحسب الروايات أن بعض منسوبي الفريق تأخروا في التحرك مع البعثة من المزاد ، وحيث أن الوقت كان ضيقاً قالوا حتى لا يفوتنا القطار أحسن نختصر الزمن وننتظر الجماعة في محطة بحري وحيث أن إتجاه القطار كان غرباً كما هو معروف (الرصافي) ، أعتقد بأن الجماعة ما زالوا منتظرين ..
السكة الحديد للاسف الشديد تعمل الآن لنقل البضائع فقط لذا فإن أستاذنا حسن طه لم ير أي ركاب ينزلوا في محطة بحري بل مجرد كميات مهولة من أكياس الأسمنت على جانب طريق الإنقاذ .. كل أملي أن يعود لسكك حديد السودان بريقها المفقود وتعيد القطارات سيرتها الأولى ، دقة ، ونظام ومتعة في السفر وتواصل إجتماعي ورياضي فريد .. وأن يلحق معاوية وصحبه الأبرار ببعثة فريقهم الظافرة ..
01-22-2009, 01:13 PM
ناهد بشير الطيب
ناهد بشير الطيب
تاريخ التسجيل: 02-08-2008
مجموع المشاركات: 4180
ياحليل زمن القطر ...والسفر بالقطر كم يوم ....تنوم وتصحى فى بلد تلقى ناس الكفتيرات يكوركوا شاى شاى شاى .....وانت تكون مغبر ...
رغم انه القطر كان بيتعطل كتير لكن برضو كان السفر بيه متعه ... فى القطر اول ماتركب بتبدأ الشكلة ده محلى ونحن حاجزين هنا وانت اسمك مامعانا ونحن نوم وانتوا اولى وناس السطح ودرجة رابعة وكمان ناس القعاد جنب الازيار ديل طبعا (مرطبين) المهم بتبدا الشكلة وبعد شوية بيبدوا يطلعوا الزوادة وهاك طعمية وادينى فطير...وعندنا عسل حلفا وتبدا الونسة والمعرفة واهلكم من وين واهلى من وين وتتنسى الشكلة ...وبعد شوية تلقى كل زول نايم ليه فى حتة الخاتى راسه فى رجل ده والخاتى رجله فى بطن داك ...والساندة راسها فى ركبة واحدة ويعنى عالم جميل ... بس مازى (عالم زين علم جميل )...والعجب الجماعة البيكونوا شاردين من الكمسارى ... .تلقاهم يجوا دافرين يخشوا اى كابينة ..........ويعملوا روحهم بيسألوا عن محطة او ماشابه لغاية الكمسارى مايفوت .... تانى عالم جميل....... بس مازى زين ....
01-22-2009, 04:33 PM
عبدالكريم أحمد الامين
عبدالكريم أحمد الامين
تاريخ التسجيل: 08-04-2008
مجموع المشاركات: 6343
خلينا الشباك فاتح علي حسب وصية معاويه بالرغم من البرد قلنا عسى ولعل نصطاد دُرر الكوتش عوض الله مُصطفي أو العريس ابو النور ,, لكن العصفورة وصلت لينا رساله من الكوتش عوض الله مُصطفى لناس ست الهوى والطراوه مع الوعد بالإستمرار في :- ظرفاء وأحياء في بــحـــرى:-
Quote: الأخ العزيز جدا عبدا لكريم صاحب الشباك و بقية العقد النضيد الفريد منسوبي بحرى ست الهوى كلهم دون فرز و تحية خاصة خالصة لصاحبة القلم الرشيق ناهد بشير الطيب والديناصورات ود السر كرار و ود ميرغنى علي مُصطفى والديناصورات الاشبال معاويه وعبدالرزاق و كل عام وانتم جميعا بخير و صحة جيدة جدا بأثر رجعى و ذلك لوجودي لفترة طويلة في ربوع الوطن الحبيب و إلف مبروك للأخ أبو النور بمناسبة دخوله عش الدبور طائعا مختارا و عقال المال و العيال .
01-22-2009, 04:42 PM
عبدالكريم أحمد الامين
عبدالكريم أحمد الامين
تاريخ التسجيل: 08-04-2008
مجموع المشاركات: 6343
ابدأ برد تحية الكوتش عوض الله مصطفى بأحسن منها.. وأخلع عليه الديناصور الوسيط يعني بين جيلنا وجيل الديناصورات الأشبال.. وفي أنتظار الدرر المكنونة يا كوتش..
ويا عبدالكريم.. ما في خبر عن العريس أبو النور .. ولا لسه معسل؟؟؟
إبن خالك طارق كان أصغر مني.. بس أناالبيجيب لي أخي علي قسم السيد هنا شنو؟.. وهو الشاهد من أهلهم على دنصرة إبن خالك..
تحياتي للجميع
01-22-2009, 11:54 PM
Kamal Karrar
Kamal Karrar
تاريخ التسجيل: 11-16-2006
مجموع المشاركات: 3734
Quote: بمناسبة القطر والتسطيح... هاكم المسطحين ديل في رحلة من بورتسودان للخرطوم.. عفار وعفرتة عينة
ود السر كرار إذا جربت التسطيح وخاصة في الخريف والله لو أدوك نوم في القطر , تخلي التذكره في جيبك وتمشي علي التسطيح.. أنه الزمن الجميل الذى إندثر... (ودام الود بيننا)
مبروك النيولوك يااخونا كمال والصورة دى وين وبتين وليه وكيف؟هههههههههه ....وصورة التسطيح حلوة بغبارها ده ... وعبدالكريم قال التسطيح حلو ...انا بستغرب كيف كان الواحد بينوم فوق ويتقلب كمان على صفحته....
رزقة كيفك وين مختفى .....
معاوية وطارق وينهم ؟ ووين قناوى وعبدالمحمود والعجب ؟ يجى ده يمشى ده ...نفسى يوم كلكم تتلاقوا فى وقت واحد هنا دى حاجة .....الحاجة التانية شنو فاتحين للفيديوهات اليوتيوبية النزلتها ليكم دى ...بالله زول علق مافى ...طيب قولوا ياسلاااااااااااااااااااااااااااام انشاءالله
01-23-2009, 09:55 PM
عبدالكريم أحمد الامين
عبدالكريم أحمد الامين
تاريخ التسجيل: 08-04-2008
مجموع المشاركات: 6343
بت بشير الطيب ** الصوره دى من شكل الجماعه الفيها وتربية الشعر يظهر عليها في نهاية السبعينات وبداية ظهور التصوير الملون من شكل الالوان الظاهره ,, ودى كلوا من أجل إبعاد الدنصره , والمشكله المعروضات كلها تثبت أنو الدنصره ثابته وبالتلاته..
01-23-2009, 10:13 PM
معاوية محمد الحسن
معاوية محمد الحسن
تاريخ التسجيل: 03-22-2008
مجموع المشاركات: 1590
اهل بحري كبف الحال وشكرا يااخت ناهد على السؤال مننا والحمد للة انا موجود لابمشي البحرين ولا دبى ومن الدوحة لبحري وبالعكس لكن طارق ماعارفو وين .والفيديو رائع جدا والبلابل كانوا نجوم رأس السنة فى السودان ويبدو انهن سيعودن اكثر تالقا وياحليل زمن البلابل وزى مابقول عبد الكريم زمن الجوز ثلاثة فرد . الاخ ابورزقة ياسلام عليك ذكرتنا رحلة الابيض مع البرازيل وفعلاً كانت بالقطر لكن قصة الناس الانتظروا القطر فى بحري دى اظنها اشاعة من ناس النجمة ، وكانت فعلا رحلة ممتعة للحد البعيد رغم اننا قضينا ثلاثة يوم فى القطر عشان نصل وكذلك للعودة وبالعلاقات الواسعة للكوتش عوض اللة كنا حاجزين عربية قطر كاملة واذكر اننا فى العودة نزلنا فى سوق سنار بالقرب من المحطة وفجاء بدون انذار تحرك القطر بكل سرعة وهاك ياجري عشان نلحق وبالفعل استطعنا ان نلحق به باخر نفس وكان ذلك مثار التعليق لحتى ما وصلنا .
01-27-2009, 05:58 PM
Kamal Karrar
Kamal Karrar
تاريخ التسجيل: 11-16-2006
مجموع المشاركات: 3734
حمد لله على السلامة .. الجاتكم في مداخلاتكم وصور بروفايلاتكم سامحتكم .. جريمة التهكير حقو تعتبر من ضمن الجرائم ضد الإنسانية لأنها تقطع التواصل بين الناس فما بالكم إذا كان هؤلاء الناس من بحري نأمل من الأخ بكري إيجاد حل عاجل لهذا الإختراق الذي أصبح يتكرر كثيراً ويضيع بذلك مجهودات الآخرين حسبي الله عليكم أيها الهكرز ..
01-28-2009, 10:28 PM
عبدالكريم أحمد الامين
عبدالكريم أحمد الامين
تاريخ التسجيل: 08-04-2008
مجموع المشاركات: 6343
Quote: خالد أجراما... رحمه الله من شخصيات بحري والمزاد الظريفة كان ذو صوت رخيم يؤدي أغاني الحقيبة عندما يسخى لذلك رغم أنه يمتهن الحدادة إلا أنه يملك صوت شجي..
ود السر كرار خالد إدريس (اجرما) -(عليه الرحمه)- بالاضافه الى صوته الشجى وحفظه لاغلب غناء الحقيبه وخضر بشير فإنه يحفظ كل أغانى الافلام الهنديه في ذلك الزمان "من أجل أبنائى" "جانوار" "تسرى منزل"وفي أحدى الايام وكان في حالة نشوه والدنيا شتاء فتسلق مئذنة جامع أونسه الساعه الواحده والنصف صباحاً وبصوته العذب الجهورى بدأ بالغناء ولم يكن غناء الحقيبه بل كل أغانى فيلم جانوار الهندى.. ** وبدأت الاجاويد من أهل الحي الي أن حضر الوالد (رحمة الله عليهما) - وصعد اليه في المئذنه واصطحبه الي منزلهم وبعد أن تأكد من أنه استلقى علي سريره كان وقت آذان الصبح قد أزف.. ** أعتذر أجرما تانى يوم لجموع أهل الحى والمصلين عما بدر منه .. ** أجرما في المآتم تجده من اول الناس في تجهيز القبر وبعد الدفن يقوم بالدعاء للميت ويشكر كل من آتى للمقابر ويذكر الناس بأنهم آتون يوماً ما لنفس المكان فليحسنوا أعمالهم.. ** خالد أجرما (عليه رحمة الله) في أيامه الاخيره ظل مُلازماً للمسجد وإنقطع للعباده.. ** له الرحمه ..
01-27-2009, 08:04 PM
Kamal Karrar
Kamal Karrar
تاريخ التسجيل: 11-16-2006
مجموع المشاركات: 3734
Quote: حمد لله على السلامة .. الجاتكم في مداخلاتكم وصور بروفايلاتكم سامحتكم .. جريمة التهكير حقو تعتبر من ضمن الجرائم ضد الإنسانية لأنها تقطع التواصل بين الناس فما بالكم إذا كان هؤلاء الناس من بحري نأمل من الأخ بكري إيجاد حل عاجل لهذا الإختراق الذي أصبح يتكرر كثيراً ويضيع بذلك مجهودات الآخرين حسبي الله عليكم أيها الهكرز ..
ابو رزقه ماقلت إلا الحق والله عندى مُداخلات لو مشيت بحيرة ناصر ماالم فيها هسه لو قريبه تكون راكنه فى رشيد ودمياط.. ** نداء للباشمهندس بكرى:- الي متى يستمر هذا الوضع الذى يُهدر مجهود كل أهل هذا البيت العامر؟؟ (ودام الود بيننا) (ابو محمد فؤاد)
كمال تحياتي ياخي معقول العم على يسن اتوفى انت متأكد من ذلك لانني لم اسمع بهذا النبأ وهو ساكن فى نفس شارعنا الحقنا ياعوض اللة بالتأكيد فانت أخر من عاد من المزاد
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة