مواضيع توثقية متميزة

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 09-21-2017, 12:24 PM الصفحة الرئيسية

مواضيع توثقية متميزة
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

بحري طراوة... ويا ناس بحري .. قالوا بتحبوا يلا حبونا..

11-25-2008, 11:28 AM

معاوية محمد الحسن
<aمعاوية محمد الحسن
تاريخ التسجيل: 03-22-2008
مجموع المشاركات: 1583

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: ناهد بشير الطيب)

    Quote:


    وتنزل عدييييل كدة
    بى 51....





    الاخ عبد الكريم
    اها الاستاذة ناهد طلعت بتعرف حريق ،يعني لقيت ليك زول يلعب معك فى البوست
                   |Articles |News |مقالات |بيانات

11-25-2008, 12:59 PM

عبد الرازق سعيد

تاريخ التسجيل: 06-19-2008
مجموع المشاركات: 787

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: المشاركة التالية من عماد عثمان احمد - جدة
    الفنان عبد الكريم الكابلي ( الجزء الأول )



    - ولد الفنان عبد الكريم عبد العزيز الكابلي بمدينة سواكن ونشأ وترعرع بها واكمل تعليمه حتى الثانوي بمدينة بورتسودان حيث تخرج من الثانوية التجارية ثم سافر الى الخرطوم من اجل العمل حيث التحق بالمصلحة القضائيه وتعين في وظيفة مفتش بإدارة المحاكم وطاف العديد من مدن السودان في مجال عمله ومكث لفترة طويلة في مدينة مروي ووصل الى درجة كبير مفتشي إدارة المحاكم وفي العام 1977 م هاجر الى المملكة العربية السعودية ليتعاقد في احدى المؤسسات السعودية إداريا في مدينة الرياض ولم تستمر غربته طويلا حيث عاد الى السودان في العام 1980 م ليواصل رحلته الإبداعية مرة اخرى .
    - غني عن القول ان تعدد المواهب لدي الفنان عبد الكريم الكابلي تعود الى البيئة التي نشأ فيها فوالدته شاعرة متمكنة وحافظة لرصين الشعر الشعبي واعذبه اما والده فقد كان وذو صوت جميل يطرب له جلساؤه في حلقات السمر التي كان يقيمها والتي كان يحضرها عبد الكريم عندما كان صغيرا وكان احد الشباب المبدعين واحد المثقفين الذين شاركوا في النشاطات الثقافية والفنية والإجتماعية في مدينة بورتسودان في الاربعينات وقد ورث الفنان عبد الكريم الكابلي كل تلك الصفات والمواهب المتعددة من والده ومن تجربته التي صقلته ليكون بعد ذلك احد رواد التجديد للأغنية السودانية ..
    - بدا الفنان عبد الكريم مسيرته الفنية هاويا بالغناء للأصدقاء في جلسات صغيرة وكان يقوم بتقليد كبار الفنانين لفترة طويلة من الزمن ويعود سبب تردده في مواجهة الجماهير لإلتزامه الفني فهو يرى ان على كل من يتصدى لدور الفنان مسئوليه جسيمة تقع على عاتقه وان الإلتزام با الاستمرارية يصبح ضرورة يستوجبها التجاوب المشجع من قبل الجمهور في حالة النجاح وخلال تلك الفترة قام بإهداء الفنان الراحل المقيم عبد العزيز محمد داؤد اغنية يازاهية وهي اول اغنية لعبد الكريم الكابلي من كلماته والحانه وعندما قام الزعيم الراحل جمال عبد الناصر بزيارة السودان في العام 1960 م اصر اصدقاؤه من عشاق الفن ان يقدم بصوته انشودة اسيا وافريقيا للشاعر تاج السر الحسن والتي قام بتلحينها فقام بغنائها امام الضيف الكبير وكانت بداية مواجهة الجماهير وبداية النجاح وهكذا فقد كان صعوده الى خشبة المسرح مزامنا لصعوده الى قمة هرم الغناء السوداني .
    - عرف عنه ومنذ وقت مبكر بالبحث والتنقيب في التراث الشعبي للشعر في السودان كباحث متخصص في دراسته وتجلى ذلك في عدد كبير من اعماله مثل ماهو الفافنوس وقلبي المن نشوه وخال فاطمة والحسن صاعقة النجم ومدحة ليلة المولد رائعة المجذوب حيث ياخذنا الى اجواء حلقات الذكر في ليالي المولد وقدم نماذج من الالحان الشعبية في اوبريت مروي وابرز هذه النماذج هو ( يا الحلة تنوري ) والتي استوحاها من من الأغنية الشعبية الشهيرة ياللوري تشيل منو . . غير غزال نوري تشيل منو . .
    - تم تعيينه سفريا فخريا للنوايا الحسنة من قبل صندوق الأمم المتحدة في العام 2004 م وتم تكريمه بالدكتوراة الفخرية من قبل عدة جامعات سودانية وذلك نظير ماقدمه للفن السوداني من ابداع خالد اثرى به وجدان الشعب السوداني .
    - امتاز بوفائه وتقديره للفنانين الذين سبقوه في مجال الفن وفي ذلك نستحضر إصداره شريط خاص للفنان الراحل حسن عطية بعنوان امير العود تناول فيه عدد من اعماله الخالدة وكما قدم في رمضان الأسبق مجموعة من السهرات الوثائقية لعثمان الشفيع والتاج مصطفى وعبد العزيز محمد داؤد .
    - الاغنيات :-
    - اغنيات عاطفية :-
    - الشاعر صديق مدثر : ضنين الوعد .
    - الشاعرعبد العزيز جمال الدين : لو تصدق .
    - الشاعر توفيق صالح جبريل : كسلا .
    - الشاعر تاج السر الحسن : اسيا وافريقيا ( اول اغنية للفنان الكابلي ) .
    - الشاعر اسحاق الحلنقي : عقبال بيك نفرح يازينة .
    - الشاعر عوض احمد خليفة : اغلى من عيني , كيف يهون , غرام , روعة الليل .
    - الشاعر الحسين الحسن : طائر الهوى , صبابة , اني اعتذر (حبيبة عمري تفشى الخبر ) .
    - الشاعر محمد الفيتوري : في حضرة من اهوى .
    - الشاعر عمر الطيب الدوش : سعاد .
    - الشاعر مهدي فرح : ياحليلكم .
    - الشاعر حسن عباس صبحي : ماذا يكون حبيبتي .
    - الشاعر محمد عوض الكريم القرشي : كلمني ياهاجر .
    - الشاعر عبد الوهاب هلاوي : اغلى من نفسي .
    - الشاعر التجاني حاج موسى : عز الليل .
    - الشاعر محمد احمد سوركتي : حاول كمان ( اخر اغنيات الفنان عبد الكريم الكابلي ) .
    - اغنيات عاطفية من كلمات عبد الكريم الكابلي : زمان الناس , زينة وعاجباني , من قلبي عقبالك , براق العيون , اكاد لا اصدق , تاني ريدة , اكيد اكيد حنتقابل , الشاهد قمر , مروي , شمعة , كل الجمال , ياجار , نسيم الصبا , كنا في حفلة ليلة , امير , المرايا , مشاعر , حبك للناس , كل يوم معانا , ياهاجر , ياحلو , ماخلاص نسيتنا , كللي ياسحب , ليس في الأمر عجب , سكر سكر , الليل عاد , قمر دورين , ياستار علي , الحلم الجميل .
    - اغنيات وطنية :-
    - الشاعر عبد المجيد حاج الأمين : هبت الخرطوم , ناصر .
    - الشاعر ابو آمنة حامد : جمال العربي .
    - الشاعر محمد سعيد العباسي : عهد جيرون .
    - الشاعر عمر الطيب الدوش : مسئول كبير زار البلد .
    - الشاعر سعد الدين فوزي : السودان الجديد .
    - الشاعر صديق مدثر : نشيد التعاون , يازارعا بالعلم .
    - الشاعر الشريف يوسف الهندي : اوبريت الهجرة .
    - اغنيات وطنية من كلمات عبد الكريم الكابلي : فتاة اليوم والغد , فلسطين , عيد بلادي . كل العواصم تدور .
    - اغنيات لشعراء عرب :-
    - الشاعر عباس محمود العقاد : شذى زهر .
    - الشاعر علي شريحة : اغلى من لؤلؤة .
    - الشاعر ابو فراس الحمداني : اراك عصي الدمع .
    - الشاعر علي محمود طه : الجندول , ليالي كليوباترا .
    - الشاعر يزيد بن معاوية : نالت على يدها .
    - الشاعر احمد شوقي : صداح ياملك الكنار .
    - اغنيات من التراث :-
    - ماهو الفافنوس لبنونه بنت المك نمر , الشيخ سيرو , الجنزير في النجوم , قلبي المن نشوه للحاردلو , القايمة بنبونه ودناب , , الموز روى , خال فاطمة , علي ( فرتيقة ام لبوس ) , نوم عيني , حليل موسى , كباس , زينب , خالد , الحسن صاعقة النجم .
    - مدائح نبوية :-
    - الشاعر محمد المهدي المجذوب : ليلة المولد .
    - مدحة نبوية من كلمات عبد الكريم الكابلي : يارب العباد .
    - كل الاعمال الغنائية اعلاه من الحان عبد الكريم الكابلي عدا :-
    - اغنية طائر الهوى الحان بشير عباس .
    - اغنية اغلى من نفسي الحان اسماء حمزة بشير .
    - نشيد السودان الجديد الحان اسماعيل عبد المعين .
    - اغنيات حقيبة برع وتمكن في ادائها عبد الكريم الكابلي :-
    - الشاعر ابوصلاح : من فاح طيب رياه , وصف الخنتيلة , غزال الروض , خلي العيش , البديع الهواك سباني .
    - الشاعر مصطفى بطران : دمعة الشوق .
    - الشاعر خليل فرح : ماهو عارف قدمه المفارق , بدر التمام , الشرف الباذخ .
    - الشاعر محمد علي الأمي : انت حكمة .
    - الشاعر سيد عبد العزيز : بت ملوك النيل .
    - الشاعر محمد بشير عتيق : الرشيم الأخضر ,
    - اغنيات من كلمات والحان عبد الكريم الكابلي قام بإهدائها لزملائه الفنانين :-
    - الفنان عبد العزيز محمد داؤد : يازاهية .
    - الفنان ابوعركي البخيت : مرسال الشوق .
    - الفنان كمال ترباس : بريدك والريدة ظاهرة في عيني .
    - الفنان عمر الشريف : سامريني . . لم يواصل الفنان عمر الشريف مسيرته الفنية .
    - مقاطع لبعض اغنياته :-
    - مروي :-
    فيك يامروي شفت كل جديد
    فيك شفت عيون لعبو بي شديد
    وانكويت بالنار من زهور في خديد
    وضقت في ليلي لذة التسهيد
    ومهما زاد وجدي مابسيب الريد
    لاني قلبي حنين وبعشق التغريد . .

    - اسيا وافريقيا :-
    عندما اعزف ياقلبي الاناشيد القديمة
    ويطل الفجر في قلبي على اجنح غيمة
    سأغني آخر المقطع لي الآرض الحميمة
    للظلال الزرق . . في غابات كينيا والملايو
    لرفاقي في البلاد الاسيوية للملايو ولباندنق الفتية
    لليالي الفرح الخضراء في الصين الجديدة
    والتي اعزف في قلبي لها الف قصيدة . .

    - ضنين الوعد :-
    يا ضنين الوعد اهديتك حبي من فؤاد يبعث الحب نديا
    إن يكن حسنك مجهول المدى فخيال الشعر يرتاد الثريا
    كلما اخفيته في القلب تنبي عنه عيناك ولايخفى عليا
    أنا أن شئت فمن اعماق قلبي ارسل الالحان شلالا رويا
    وابث الليل أسرارا الهوى واصوغ الصبح ذوبا بابليا
    لاتقل اني بعيد في الثرى فخيال الشعر يرتاد الثريا . .

    - اني اعتذر :-
    حبيبة عمري تفشى الخبر وذاع وعم القرى والحضر
    وكنت اقمت عليه الحصون وخبأته من فضول البشر
    صنعت له من فؤادي المهاد ووسدته كبدي المنفطر
    ومن نور عيني نسجت الدثار ووشجته بنفيس الدرر
    ومن حوله كم شددت الضلوع فنام غريرا شديد الخفر
    ولكن برغمي تفشى الخبر وذاع وعم القرى والحضر . .

    - عز الليل :-
    في عز الليل . .
    ساعة النسمة ترتاح . . على هدب الدغش وتنوم
    انا مساهر . .
    هد الحيل . . غرامك واجترار الذكرى . .
    طيفك في خيالي يحوم , ,
    ياهاجر . .

    - زمان الناس :-
    زمان الناس هداوة بال وانت زمانك الترحال
    وليلهم عمره ما سال وليلك لصباحو سؤال
    بسيمتك يارقيق الحال ومكتوب ليك تعيش رحال
    تسامر في الغيوم أشكال روائع تذهل المثال
    شئ سيرة زفة بطبال عروسة في جبينها هلال
    مواكب فرحة من اطفال يحاكو السمحة ست الخال
    تلك الأغنية الرائعة كتبها الفنان عبد الكريم الكابلي في غربته والتي لم تستمر طويلا في السعودية وتنتهي تلك الأغنية بالمقطع التالي :-
    غريب والغربة أقسى نضال . . غريب والغربة سترة حال
    قريب وبعيد حضور وزوال . . تروم الاصلو مابنطال
    تراقب في المجرة ذوال . . عيونك ما عيون اجيال . .

    - لو تصدق :-
    انا . . لو تصدق ياشباب عمري المفتق
    شلت كل الريد مشاعر حلوة نديانه وخصيبة
    واشتهيت يهل وعدك لي هناء أفراح وطيبة . .

    - كيف يهون :-
    كيف يهون عندك خصامي وترضى من عيني تغيب
    وانت بيك اسرار سعادتي وانت اكتر من حبيب
    شفت بيك الدنيا نايرة وعشت فيك املي الخصيب . .

    - كل يوم معانا :-
    كل يوم معانا وماقادرين نقول ليك
    انك في قلوبنا وكم نشتاق لعينيك
    حنانك ياحالم . .
    عشناك في الاماني وانت قريب معانا
    في سر الغرام . .
    اهديناك اغاني تنبع من دمانا
    ترمز ليك دوام . .
    فيها زهور جنينة في قلوبنا الحنينة
    الراجياك دوام . .
    كل ما نقول نصارحك يتجمد بيانا
    يغلبنا الكلام . .
    كم نشتاق لعينيك كم نشتاق لنقول ليك
    حنانك ياحالم . .

    - ماذا يكون :-
    ماذا يكون ؟ حبيبتي ماذا يكون ؟
    ياجرح دنياي الذي لايندمل
    يامن تركت القلب ينزف في أنين
    حسرات لحظات تولت في وجل
    كصدى يطير مضيعا عبر السنين
    ماذا يكون ؟ حبيبتي ماذا يكون ؟ . .

    - عقبال بيك نفرح يازينة :-
    عقبال بيك نفرح يازينة
    نشرب شرباتك يازينة
    نوقد شمعاتك يازينة . .
    وهي من الأغنيات المليئة بالبساطة والفرحة وهي للشاعر إسحاق الحلنقي . . وهذه الأغنية كان يفتتح بها عبد الكريم الكابلي حفلاته في مناسبات الأعراس .

    - امير :-
    زيد في صدودك وانا اسهر كتير
    ماتقلل غرورك انا عايزك امير
    انت امير علي وعلى قلبي الكبير . .

    - سعاد :-
    دقت الدلوكة
    قلنا الدنيا مازالت بخير
    اهو ناس تعرس وتنبسط
    تككت سروالي الطويل
    سويت لو رقعات في الوسط
    من خشمي عضيت القميص
    اجري وازيد شوق وانط
    لامن وصلت الحفلة زاحمت الخلق
    وركزت
    شان البت سعاد . .

    - كل الجمال :-
    كل الجمال ياغالي في لحظة مودة
    ونظرة عابرة بسمتك . .

    - زينة وعاجباني :-
    زينة وعاجباني . .
    تعجب كل شاعر يلعب بالمشاعر
    عليها يهنيني ويقول زينة وعاجباني . .
    انا بي ريدا ناذر اني اكون مغامر
    وبكل غالي عندي اضحي ولا احاذر
    وبا لايام وبعدي وكل عزيز ونادر
    لانها لو عرفتو عفافا عليا قادر . .



    - شمعة :-
    كم شمعة سالت فوق خدود الدمعة
    ضوت للعيون الفي السهر مجتمعة
    ترقص شمعتي الضواية
    ترقص وفي رقيصا حكاية
    من فصلين لاحلى رواية
    وفيها من البداية نهاية
    مشوار وانكتب لخيالا
    يبكي ويحكو حالو وحالا . .

    - فتاة اليوم والغد :-
    أي صوت زار بالأمس خيالي
    طاف بالقلب وغنى للكمال
    واذاع الطهر في دنيا الجمال
    واشاع النور في سود الليالي
    انه صوتي انا . . انا ابنة النور انا
    اوتدري من انا . . .

    - المرايا :-
    شوق ونغم وقلوب فرحانة . . ذوق وفهم وعيون سرحانة
    نور . . وزهور . . وعطور . . واستلم المجال
    صوت منساب بلور . . شبه ناس قلال
    خفة روح عصفور واشراقات جمال
    خلا قلوبنا طيور وحال ارواحنا حال .

    - تاني ريدة :-
    تاني ريدة . . وكمان جديدة
    ياقلبي مالك في دروب دلالك
    تحكم علي بعيون سعيدة
    كانوا . . ماشفتو الغرام كأنو ما عشتو
    الحقيقة . .
    كانوا ماذقت المنام راح طيفو يتحرك
    دقيقة . .
    وتخلق معاذير للحبيب وتقول كمان كلمات
    رقيقة . .
    في ضحكتوا وفي بسمتوا
    وفي ضئ مواهبو وحسنو تتمنى
    الحديقة . .

    - اكاد لا أصدق :-
    اكاد لا اصدق . . يا أنت يا أنت انني
    اكاد لا أصدق . . اهذه الحروف
    كل هذه الحروف خطها بنانك المنمق . .

    - ياقمر دورين :-
    ياقمر دورين انا شفتك وين
    طبعا في الليل وفي ضفاير النيل
    في رمال سهرانة راجياك تسيل
    في عيون نعسانة غارقة في التكحيل
    في قلوب فرحانة عامرة بالتهليل
    في دموع الساقية يرنو ليها نخيل
    وكل ديل في وطني احبك ياوطني
    وهي ايضا من الأغنيات التي كتبها عبد الكريم الكابلي في الغربة . . وتنهي بالمقطع التالي :-
    ونبتهج نحن وصغارنا
    يا اصلنا ومبتدانا ويا حلاة مرتع صبانا
    وذكرياتنا ومشتهانا
    وانت فينا كبير وشوقنا ليك كتير
    والقوما ليك ياوطني . .

    - ياهاجر :-

    ياهاجر اهديك انغام تحكي الأحلام من صابر
    احلام حبي واملي السعيد وانغام قلبي الشاكي وعنيد . .

    - شذى زهر :-
    شذى زهر ولا زهر . . فأين الظل والنهر
    ربيع رياضنا ولى . . أمن اعطافك النشر
    نعم انت الربيع لنا . . وانت النور والعطر
    وانت السحر مقتدرا . . وهل غير الهوى سحر
    وبي سكر تملكني . . واعجب كيف بي سكر
    ردد الخمر عن شفتي . . لعل جمالك الخمر
    خذي الدنيا باجمعها . . حبيب واحد ذخر
    إذا ضاءت مطالعه . .فكل سمائنا بدر
    خذو دنياكم هذه . . فدنياواتنا كثر . .

    - اغلى من لؤلؤة :-
    اغلى من لؤلؤة بضة صيدت من شط البحرين
    لحن يروي مصرع فضة ذات العينين الطيبتين . .

    - نالت على يدها :-
    نالت على يدها مالم تنله يدي نقشا على معصم اوهت به جلدي
    كانه طرق نمل في اناملها او روضة رصعتها السحب بالبرد . .

    - اراك عصي الدمع :-
    اراك عصي الدمع شيمتك الصبر
    اما للهوى نهي عليك ولا امر . .

    - الليل عاد :-
    الليل عاد والشوق زاد ياحبيبي
    كيفن عاد ويبقى بعاد كل نصيبي
    الليل عاد والشوق رجعني لايامك وانت معاي
    أيام كنا نشيد ونبني احلى ظروف بحروف ضواية
    أيام حسنك لون فني يشهد ليك ياحبيبي غناي
    كنت علي ياجميل بتميل ديمه تقول مشتاق لرضاي . .

    - من قلبي عقبالك :-
    من قلبي عقبالك ياراسي يازين
    ياحشمة وجمال يفرح كل عين
    كان بالعين وصالك شايفه كتير علي . .

    - كسلا :-
    نضر الله وجه ذاك الساقي
    انه بالرحيق حل وثاقي
    فتراءى الجمال مزدوج الآشراق
    يشجي معدد الآفاق
    كسلا اشرقت بها وشمس وجدي
    فهي في الحق جنة الإشراق . .
    وتلك الأغنية للشاعر توفيق صالح جبريل حيث كتب المقطع الأول منها في العام 1936 م واكمل القصيدة بعد عشرون عاما في العام 1956 م .

    - اكيد اكيد حنتقابل :-
    اكيد اكيد حنتقابل تصدق امال وطول آجال ونتقابل
    وبتعرف كيف يا أجمل طيف ضيعنا سنين مابنتقابل . .
    يا أمل وثاب واماني قرون ياسحر غلاب ياسهر حيكون ونتقابل
    لو انت سراب تلقاني ظنون لو انت عذاب انا كلي فنون ونتقابل . .

    - اغلى من عيني :-
    يا أغلى من عيني واحلى من ابتسامة
    واحن من المحنة في رقة كلامه
    بعادك طال . . بعادك طال . .

    - براق العيون :-
    زمن العجايب المابيفني ليهو عجب
    شاف قلبي تايب بقى امري عندو عجب
    استغرب
    جا قرب
    كفه ضرب
    قام فوق جبيني كتب
    القاه براق العيون
    القاه يجتاز الظنون
    القاه بين كنت واكون
    القاه ويغمرني الطرب
    ما أصله زمن العجايب . .
    وهي من الأغنيات التي لم تجد حظها من الإنتشار وتم إنزال شريط كاسيت باسم تلك الأغنية قبل أربعة اعوام .

    - خالد :-
    غير خالد مالك تنين عرش دود الاربعين
    السيل بوبا . . يالفوتك مو دحين

    - الشيخ سيرو :-
    النصيح حديدو . . بدور الشيخ انا ياناس بريدو
    الشيخ سيرو . .
    النصيح حديدو . . بدور أبغرة فوق مسيرو
    الشيخ سيرو . .

    - الحسن :-
    الحسن صاعقة النجم البحمي الشهادة والنضم
    كل ليلة ومن السوط مابهم . .

    - الجنزير في النجوم :-
    الجنزير في النجوم زي الهيكل المنظوم
    مابخاف في المحاصه زموم . .
    انت يافرنيب جازم مابتجيب لي عيب
    اسمك في الرجال عمسيب وانت لي الضرس عرديب
    مابخاف في المحاصه زموم . .

    - ماهو الفافنوس :-
    ماهو الفافنوس ماهو القليد البوص
    ود المك عريس خيلا بجن عرقوس
    احي على سيفه البحد الروس . .
    وهي من اشهر الأغنيات الشعبية وهي مرثية بنونه بنت المك نمر لشقيقها عمارة . . ولقد كانت المرثية من المجهولات حتى اعادها الكابلي بادائه الأصيل الى دائرة الضوء .

    - علي :-
    فرتيقة ام لبوس لويعة الفرسان
    الليل بابي ليه عنزة وقرونه سنان
    متين ياعلي تكبر تشيل حملي
    اياك ياعلي الخلاك ابوي دخري
    للجار والعشير الكان ابوك بدي
    للغني والفقير الكان ابوك حامي
    اتسولب من العلج الحريرا واكسيه
    وسيفك في غضارف الرجال ارويه . .

    - قلبي المن نشوه :-
    قلبي المن نشوه للبنات هواي
    وداب من زاد على وغلب الداواي . .

    - حاول كمان :-
    لو حاشتك عني الظروف
    او عاندك مرة الزمان
    حاول كمان
    وخليك على الوعد القديم
    البينا كان
    ما انت عارف شكله ايه
    ريدنا الزمان
    حاول كمان . .
    وهي اخر اغنيات الفنان عبد الكريم الكابلي ومن كلمات الشاعر محمد احمد سوركتي .



    - ختاما امنياتنا للفنان السفير الدكتورعبد الكريم الكابلي بدوام الصحة والعافية ليعطر سماواتنا بالفن الصادق الأصيل وهناك جزء ثاني قريبا عن الفنان عبد الكريم الكابلي وسيتم إنزال هذا الموضوع في وقت واحد في كل من بوست الشعبية نجمة وبوست بحري طراوة والسلام عليكم ورحمة الله وبركاته . .

    عماد عثمان احمد - جدة
                   |Articles |News |مقالات |بيانات

11-25-2008, 06:08 PM

عبدالوهاب علي الحاج
<aعبدالوهاب علي الحاج
تاريخ التسجيل: 07-03-2008
مجموع المشاركات: 10571

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبد الرازق سعيد)

                   |Articles |News |مقالات |بيانات

11-25-2008, 06:51 PM

عبدالكريم أحمد الامين
<aعبدالكريم أحمد الامين
تاريخ التسجيل: 08-04-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبدالوهاب علي الحاج)

    العزيز وهبه
    دائماً تُتحفنا بالإبداع ,, لك كل الود..
    (ابو محمد فؤاد -دبي)
                   |Articles |News |مقالات |بيانات

11-25-2008, 01:21 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    كابلي...

    طبعاكعادته الأخ/ عماد ينقل ويوثق كما ينبغي...

    أما كابلي رغم ولادته في سواكن كما جاء .. من تبينا قمنا ربينا لقيناه في بحري,,,

    عشان كده علاقته ببحري وثيقة....

    ولما كنا لا زلنا زغبا بعد نلعب في فريق الفاروق الرياضي بحلة الدناقلة شمال

    أبى وهو الفنان المعروف آنذاك إلا أن يشاركنا التمارين...طبعا هسع بيكون نسانا

    يعني لو مشينا ندعوه لحفلة حندفع زينا وزي غيرنا الشيء الفلاني... وهنا تحضرني طرفة

    حقيقية.. حكى واحد صاحب دكان كان الكابلي فاتح نوتة معاه... مش نوتة موسيقية نوتة جرورة

    وللحناكيش نقول: (DEBIT REGISTER) .. وكان ذلك في بواكير أيام الكابلي.. يعني قبل الأنتشار

    ,, المهم مرت الأيام وذاع صيت كابلي وبقى من كبار الفنانين.. وصدف أن قابله صاحب الدكان في

    حفلة دكاكينية... وتغابى كابلي فيه العرفة...أو نساه... المهم صاحب الدكان يتميَز من الغيظ

    وكان متوقع إنو يقشر بكابلي... عشان يقولوا صاحب الفنان...

    المهم كابلي... بدأ يغني.. ولما وصل لأغنية سكر .. سكر... قام صاحب الدكان وبشر ووسوس لكابلي

    وقال ليهو ...هو سكر بس...سكر وشاي وبن.. وظهرة... وسجاير.. وعيييييييك.. فأنتبه الكابلي..

    ولم يستطع إكمال الكوبليه من الضحك... أو كما قال

    شكرا عماد... ويا دكتور عبد المحمود لما كنا بنلعب في الفاروق كانت أعمارنا في الطاشر.. وكابلي

    كان في عمره ده ذاتو....
                   |Articles |News |مقالات |بيانات

11-25-2008, 03:08 PM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3651

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: شكرا عماد... ويا دكتور عبد المحمود لما كنا بنلعب في الفاروق كانت أعمارنا في الطاشر.. وكابلي

    كان في عمره ده ذاتو....


    يا كمال ود الكرار

    عندما كنا في بحري الثانوية

    وفي امتحان الشهادة السودانية

    اذكر - ان ما غلطان ويصححني الاخ الموثق عماد - ان الفنان الكبير الاستاذ الكابلي تسجل مع طلبة ة المدرسة للامتحان من منازلهم .

    وفي ذاك الوقت الكابلي فنان كبير يشار له بالبنان وبشنباته

    واخوي الدكتور - دفعتي - كان لسه في ريعان الصبا .

    ايش رايك يا كمال

    هسه يجي ناطي الباشمهندس طارق

    لكين اكيد حيفكني منو المستشار حامي المظلومين عبد الكريم
                   |Articles |News |مقالات |بيانات

11-25-2008, 03:57 PM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    مشاركه اخري من حسن ميرغني لحدت ما امشي واجي

    Quote: أخى على سرالختم عشرين سنه مضت منذ اخر مره شفتك فيها ! شوف كم سنه من عمرنا ضاعو . لكن بحرى طراوه خلتنا زي القاعدين في اللساتك قدام بيت ناس التلب في كوبر.
    مره يا على واقف قدام بيتنا جاء محجوب وداب كالوك سالنى عن حاجه قلت ليهو خلينى في حالى قال لي ما تعمل كبرت ياود بت ختمى انا باتذكر زى امبارح "خديجه بت سيسبان" ( والدة سمير حسين ) قاعده في الركن داك تحمر في اللحمه في سمايتك يعني يا اخى على نحن بالنسبه للديناصوريين كمال وطارق حملان وديعه بل "عبدالجليل بي ذاتو" لكن والله اصيلين يا اخوى كمال دمتم اخوتى على والتلب واحترامى طارق وكمال وحبى لمدينتى حسن ميرغنى
                   |Articles |News |مقالات |بيانات

11-25-2008, 03:57 PM

عبدالمحمود محمد عبدالرحمن

تاريخ التسجيل: 02-17-2006
مجموع المشاركات: 1392

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: الفنان الكبير الاستاذ الكابلي تسجل مع طلبة المدرسة للامتحان من منازلهم. وفي ذاك الوقت الكابلي فنان كبير يشار له بالبنان
    أثارنا الأمر كثيراً غير أن الأستاذ الكابلي لم يأت للجلوس للامتحان معنا
    Quote: لما كنا بنلعب في الفاروق كانت أعمارنا في الطاشر.. وكابلي كان في عمره ده ذاتو....
    له التحايا والسلام الخالص ... وربنا يديهو العافية وطولة العمر فهو مَعْـلَمٌ عملاق لمدينة عملاقة.
    .


    .
                   |Articles |News |مقالات |بيانات

11-25-2008, 04:14 PM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: الاخ عبد الكريم
    اها الاستاذة ناهد طلعت بتعرف حريق ،يعني لقيت ليك زول يلعب معك فى البوست


    يا معاويه الاستاذه ناهد بت بحري يعني ممكن تجليك قافل بي ثلاثه جواكر...

    نحن هسع يا حسن طه محتاجين عبد الكريم عشان يفك الاشتباك بتاع امتحان الكابلي الذي اقره حسن طه

    ونكره الدكتور عبد المحمود مع انو حسن طه ما قال حاجه عن سنة الامتحان ...!!!

    الف شكر يا دكتور علي الفيديو الجميل.

    ده كبري المك نمر ولا شنو ؟؟
                   |Articles |News |مقالات |بيانات

11-25-2008, 04:26 PM

عبدالمحمود محمد عبدالرحمن

تاريخ التسجيل: 02-17-2006
مجموع المشاركات: 1392

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: حسن طه ما قال حاجه عن سنة الامتحان ...!!!
    مشارف النصف الثاني من القرن الماضي.
    .
    Quote: ده كبري المك نمر ولا شنو ؟؟
    ياطارق ياخوي أكيد انت مطول شـــديـد من البلد !!
                   |Articles |News |مقالات |بيانات

11-25-2008, 04:55 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    حسن ميرغني...

    سلامات وبركة الشفنا صورتك..

    كان أنا وطارق ديناصورات... أبراهيم بشير، يكون شنو؟؟؟ أتذكرته يا أبوعلي


    عبدالمحمود... يا أخي أنا بمشي بعد مرات أكثر من مرتين في السنة

    إلا شككتني... فعلا ده كبري المك نمر.. إلا إذا كبري توتي خلص...

    بس كبري المنشية مع مشياتي دي أصلا ما قطعته... المرة الجاية ليك علي بيهو
                   |Articles |News |مقالات |بيانات

11-25-2008, 05:27 PM

عبدالمحمود محمد عبدالرحمن

تاريخ التسجيل: 02-17-2006
مجموع المشاركات: 1392

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: ده كبري المك نمر.. إلا إذا كبري توتي خلص...
    نعم هو كبري المك نمر لكن طارق لم يكن متأكداً من الأمر حسب صيغة تساؤله:


    .
    Quote: بس كبري المنشية مع مشياتي دي أصلا ما قطعته... المرة الجاية ليك علي بيه
    مخارج الكبري من ناحية بحري تكثر بها الحوادث حيث تأتي العربات مندفعة من الجسر وبسرعات عالية ثم تنعطف فجأة لمناطق آهلة بالسكان والمدارس:



                   |Articles |News |مقالات |بيانات

11-25-2008, 05:58 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    د. عبدالمحمود..

    شكر على المعلومات القيِمة والفنية...

    الفنية من TECHNICAL مش من ARTISTIC


    وإن كانت لا تخلو من فنيات...
                   |Articles |News |مقالات |بيانات

11-25-2008, 06:28 PM

عبدالكريم أحمد الامين
<aعبدالكريم أحمد الامين
تاريخ التسجيل: 08-04-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: نحن هسع يا حسن طه محتاجين عبد الكريم عشان يفك الاشتباك بتاع امتحان الكابلي الذي اقره حسن طه ونكره الدكتور عبد المحمود مع انو حسن طه ما قال حاجه عن سنة الامتحان ...!!!


    الباشمهندس طارق

    ** إقرار سعادة المُستشار ود طه كان صريحاً:-


    Quote: عندما كنا في بحري الثانوية وفي امتحان الشهادة السودانية اذكر - ان ما غلطان ويصححني الاخ الموثق عماد - ان الفنان الكبير الاستاذ الكابلي تسجل مع طلبة المدرسة للامتحان من منازلهم .


    ** إقرار د. عبدالمحمود كان ضمنياً لم ينكر بل أفاد أنه :-

    Quote: أثارنا الأمر كثيراً غير أن الأستاذ الكابلي لم يأت للجلوس للامتحان معنا..


    *** وكلمة معنا هنا تكفي بأن ثلاثتهم يحملون أرقام جلوس للإمتحان حضر المُستشار والدكتور وتغيب الفنان...
    *** فيما يتعلق بسنة الامتحان يتم إحالة الامر للخبره ويتحمل الباشمهندس طارق رسوم الخبره..
    ## رفعت الجلسه... محكمه....
                   |Articles |News |مقالات |بيانات

11-25-2008, 06:37 PM

عبدالكريم أحمد الامين
<aعبدالكريم أحمد الامين
تاريخ التسجيل: 08-04-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبدالكريم أحمد الامين)

    ود السر كرار
    ود ميرغني علي مصطفي

    اها دا شوال سكر ولونو ابيض أتفتح عشان الصُبحيه بتاعت صفحة (24) ,, اوعي نلقي الشوال دا مشي الخوووور وختو بدالو شوال تاني لونو أحمر ..
                   |Articles |News |مقالات |بيانات

11-25-2008, 06:41 PM

عبدالمحمود محمد عبدالرحمن

تاريخ التسجيل: 02-17-2006
مجموع المشاركات: 1392

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)


    Quote: فيما يتعلق بسنة الامتحان يتم إحالة الامر للخبره ويتحمل الباشمهندس طارق رسوم الخبره ..
    ## رفعت الجلسه ..
    .. محكمه ...
    ..
    يحيا العدل ..
    ..
                   |Articles |News |مقالات |بيانات

11-25-2008, 06:42 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    ياعبدالكريم.. أنت ما ملاحظ أنو أنا أقنطر ليك الكورة

    وأنت تهدف في الشبكة
                   |Articles |News |مقالات |بيانات

11-25-2008, 06:49 PM

عبدالكريم أحمد الامين
<aعبدالكريم أحمد الامين
تاريخ التسجيل: 08-04-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: ياعبدالكريم.. أنت ما ملاحظ أنو أنا أقنطر ليك الكورة
    وأنت تهدف في الشبكة


    ود السر كرار
    بعد التحليل الجيوفيزيائي لهذه الظاهره كما أفاد العلماء أن التجاور في المنازل في ظل وجود ساحه فاصله تنقل تفاعل التخاطر وإن تباعدت المسافات وان هذا الامر يحدث بصوره ميكانيكيه ولاإراديه ولادخل لإرادة المُتخاطرين في ذلك...
    ** والله أعلم..
    ودام الود بيننا..
    (ابو محمد فؤاد - دبي)
                   |Articles |News |مقالات |بيانات

11-25-2008, 06:59 PM

عبدالكريم أحمد الامين
<aعبدالكريم أحمد الامين
تاريخ التسجيل: 08-04-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبدالكريم أحمد الامين)

    Quote: ياعبدالكريم.. أنت ما ملاحظ أنو أنا أقنطر ليك الكورة وأنت تهدف في الشبكة.


    ود السر كرار
    وعشان خاطرك قررت انو الصفحه دي (24) وعشان أنت قنطرتها لازم تشوت البلنتي دا عشان تخش في صدارة الهدافين وماتسألني عملتها كيف ؟؟؟
                   |Articles |News |مقالات |بيانات

11-25-2008, 07:14 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    منتظرين صافرة الحكم أبو النور
                   |Articles |News |مقالات |بيانات

11-26-2008, 06:30 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    بحري طراوة...

    لازم تكون في المقدمة..

    وأنا لو كنت مشغول ما بخلي الصفحة تحتل
                   |Articles |News |مقالات |بيانات

11-26-2008, 01:42 PM

عبدالكريم أحمد الامين
<aعبدالكريم أحمد الامين
تاريخ التسجيل: 08-04-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: بحري طراوة...
    لازم تكون في المقدمة..
    وأنا لو # كنت # مشغول ما بخلي الصفحة تحتل..


    ود السر كرار
    والله شدة مامشغول الـ (ما) نسيت تكتبا,, غايتو أنا معاهو لغاية خور شمبات لو عدى بعد كده أنا مامسوؤل.
                   |Articles |News |مقالات |بيانات

11-26-2008, 07:52 AM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    اها يا عوض الله مصطفي الصوره القديمه الجابت النقه دي خليناها - مع انو انا كنت حريص علي نقل الصورة الحقيقيه عكس جلاكين البوست -

    اها الصوره الجديده الما سأل واحد منها دي حقت منو ؟؟
                   |Articles |News |مقالات |بيانات

11-26-2008, 02:24 PM

عبدالكريم أحمد الامين
<aعبدالكريم أحمد الامين
تاريخ التسجيل: 08-04-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    الباشمهندس طارق

    الصوره دى اكان مااخاف الكضب صورة الشاعر المرحوم :- أبـو آمـنـه حـامـــد..
                   |Articles |News |مقالات |بيانات

11-26-2008, 12:40 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    طارق وحياة بت السعيد.. بقيت تفط سطر....

    يا أخي كيفن ما سألنا عن أبو علي...

    أنت ما شفتني قلت ليهو بركة الشفنا صورتك....

    بس وين شعر (رٌشك في الهند)... تتذكره يا طارق.؟؟؟ .


    تعرف يا طارق لغاية هسع ما لقيت لي واحد هندي أسمه (رشك)..

    قريبك عبدالرحمن علي طه كان بستكرتنا... وما قال: حنعيش بين الهنود..
                   |Articles |News |مقالات |بيانات

11-26-2008, 02:03 PM

عبدالكريم أحمد الامين
<aعبدالكريم أحمد الامين
تاريخ التسجيل: 08-04-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)


    Quote:
    طارق وحياة بت السعيد.. بقيت تفط سطر. يأخي كيفن ما سألنا عن أبو علي. أنت ما شفتني قلت ليهو بركة الشفنا صورتك....


    ود السر كرار

    إنت فاكر الصوره الموجوده في البروفايل بتاع طارق ميرغني هي صورة حسن ميرغني (ابو علي) صحي النوم طلعت إنت الفاطى سطر الصوره اكان مااخاف الكضب صورة الشاعر المرحوم :- أبـو آمـنـه حـامـــد..
                   |Articles |News |مقالات |بيانات

11-26-2008, 02:13 PM

عبدالكريم أحمد الامين
<aعبدالكريم أحمد الامين
تاريخ التسجيل: 08-04-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: بس وين شعر (رٌشك في الهند)... تتذكره يا طارق.؟؟؟

    تعرف يا طارق لغاية هسع ما لقيت لي واحد هندي أسمه (رشك)..


    ود السر كرار
    بطريقتك دى حترجع المدونه الطبيعيه والحساب الاملائي وأعمال الطين ,, ومع رشك في الهند صديقنا أحمد في مصر وجون في هولندا ولا استراليا ماعارف وآفو في الصين (هسه لقاك صيني اسمو آفو) لما يلاقيك هندي اسمو (رشك).

    ** يالمناسبه دى :-
    كان معانا واحد دفعه في الاوليه الاستاذ يوم السبت وبعد التفتيش اياهو بتاع النظافه قال إنشاء الله يوم الاثنين حنمشي مصر عشان نزور صديقنا أحمد ,, صاحبنا جاب غيارتو وستف شنطتو بإعتبار أنو مسافر مصر بس كان ناقصه الزواده...
                   |Articles |News |مقالات |بيانات

11-26-2008, 01:57 PM

عبدالمحمود محمد عبدالرحمن

تاريخ التسجيل: 02-17-2006
مجموع المشاركات: 1392

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: (رٌشك في الهند)... تتذكره يا طارق.؟؟؟ .
    لا حولالالالالالالالالالا ياكمال
    ده قلعتو من ياتو ركن؟
    تذكر الصورة وهو بيغرس في الأرز؟؟؟
    .
    يآآآآآه ... ده انت مش ديناصور وبس ..
    ده انت من ما قبل الانفجار العظيم ال Big Bang ظآآآطو ..
    "بلهجة المنبر"

                   |Articles |News |مقالات |بيانات

11-26-2008, 02:10 PM

عبد الرازق سعيد

تاريخ التسجيل: 06-19-2008
مجموع المشاركات: 787

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: تعرف يا طارق لغاية هسع ما لقيت لي واحد هندي أسمه (رشك)..

    قريبك عبدالرحمن علي طه كان بستكرتنا... وما قايل: حنعيش بين الهنود..

    كمال كرار
    عندي إحساس أن "رشك" إسم هندي
    فالرجل يسمى رشك والمرأة رشكة والسيارة ركشة ومن "رشّك" بالماء رشوا بالمحلبية ..
                   |Articles |News |مقالات |بيانات

11-26-2008, 03:49 PM

عبدالكريم أحمد الامين
<aعبدالكريم أحمد الامين
تاريخ التسجيل: 08-04-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبد الرازق سعيد)

    Quote: كمال كرار
    عندي إحساس أن "رشك" إسم هندي
    فالرجل يسمى رشك والمرأة رشكة والسيارة ركشة ومن "رشّك" بالماء رشوا بالمحلبية ..


    ابو رزقه
    يعني مُمكن تكون في قبيله إسمها (رشكتونا) وفروعها تكون (راشاك)(راشك) (راشاكا)..

    ** أخبار د.الزين مقطوعه ..
                   |Articles |News |مقالات |بيانات

11-26-2008, 03:55 PM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3651

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبد الرازق سعيد)

    Quote: ونكره الدكتور عبد المحمود مع انو حسن طه ما قال حاجه عن سنة الامتحان ...!!!



    انا ما قلت ليكم هسه الباشمهندس حيجي ناطي لي من فوق

    ولكن حينصفني الأستاذ

    يا باشمهندس بالله ركز ... الكابلي الفنان الكبير له التجلة وطولة العمر تجسل معنا رسمي في سنة امتحانا ولكنه في يوم الامتحان لم يحضر.. ياخي غير رايه.


    أما سنة الامتحان : عام 1938
    مكان الامتحان : حلة كوكو !!!!!!!!!!!!!!! وعاش ود موسي

    ويحيا العدل كما قال الدكتور.

    ود كرار ربنا يديم البسطة مع الصفحة الجديدة.

    يا خوانا بهناك في بوست بتاع مغتربين ... المتاوقة بس ما بتنفع .. دخول توش ولا بلاش.
                   |Articles |News |مقالات |بيانات

11-26-2008, 05:15 PM

عبدالكريم أحمد الامين
<aعبدالكريم أحمد الامين
تاريخ التسجيل: 08-04-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: حسن طه محمد)

    Quote: يا خوانا بهناك في بوست بتاع مغتربين ... المتاوقة بس ما بتنفع .. دخول توش ولا بلاش.


    سعادة المُستشار ود طه
    بيتك بهناك محروس والليله الدخول ليهو كان توش وبنصوص مواد الدستور لسنة (2005) وقانون تنظيم شئون المغتربين لسنة (1998) وقانون المحكمه الدستوريه رقم (13) لسنة 1998 ..
    *** المساعي مبذوله مع الزملاء ببحرى لمدنا بإى لائحه إجرائيه أو تنظيميه لرفع الدعاوى الدستوريه..

    ### ودائماً بحرى فووووق لمُناصرة أصحاب الحقوق المهضومه...
                   |Articles |News |مقالات |بيانات

11-26-2008, 09:55 PM

ناهد بشير الطيب
<aناهد بشير الطيب
تاريخ التسجيل: 02-08-2008
مجموع المشاركات: 4179

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبد الرازق سعيد)

    Quote: ومن "رشّك" بالماء رشوا بالمحلبية ..





    والله ثورة 24 بتاعة على عبداللطيف.........
    اقصد صفحة 24 دى ناسها كلهم فاطين سطر... ...
    (كان ماخجلانهساكت بس ...كنت فطيت ليكم سطر هسه دى)



    _______________
    رزقة شكرا للترشيح بهناك..
    بس ماعرفت الجائزة ....موديل كم ؟
                   |Articles |News |مقالات |بيانات

11-26-2008, 06:42 PM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)






    يا كمال اذا كان الفي البروفايل ده حسن ميرغني .امال الفوق ده عمر البشير؟؟؟

    طبعا انت واضع صورة حسن ميرغني في السبعينيات ...... يا حليلك ...
                   |Articles |News |مقالات |بيانات

11-26-2008, 09:33 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    طارق والله أنا كضبت الشينة... ساكت...

    أنا فعلا ما كنت متأكد.. وكل مرة أقول معقول الزول البيشبه سيف بادي ده حسن!!!

    معليش طلعت أنا الفاطي سطر... وكيف ما أفط سطر إذا كان ده ماشاء الله حسن ميرغني...يلا خت صورة رئيس البيرو بتاعتك ديك...


    عبد الكريم...معليش.. أنا فطيت سطر... بس طارق بقى يكتب في وجه وجه...لكن فعلا نقشت أبو آمنة حامد رحمه الله


    د. عبدالمحمود..خليها مستورة
                   |Articles |News |مقالات |بيانات

11-27-2008, 04:45 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3651

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: سيف بادي


    [B]يا سلاااااااام عليك يا كمال . ذكروتنا ايام الطفولة الجميلة بحلة الدناقلة


    سيف بادي مش رسام عمك تنقو في مجلة الصبيان ام شخص آخر؟
    له التجلة اين ما كان .. اين هو الآن؟


    استاذي عبد الكريم

    شكرا ليك يا الحبيب

    ما زمان قلنا ما دام عبد الكريم موجود ... البوست ما حتجيه عوجة.

    وبالتاويق انا قصدت الباشمهندس بالتحديد ويبدو قروشه كترت من الاغتراب وممكن يدفع ضريبة وزكاة ورسوم مطار وثمن ورقة التاشيرة وحق تصوير الايصالات والتعليم شراء فيلا من الفلل الرئاسية وهلم جرا.
                   |Articles |News |مقالات |بيانات

11-27-2008, 06:18 AM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote:

    Quote: (رٌشك في الهند)... تتذكره يا طارق.؟؟؟ .

    لا حولالالالالالالالالالا ياكمال
    ده قلعتو من ياتو ركن؟
    تذكر الصورة وهو بيغرس في الأرز؟؟؟
    .
    يآآآآآه ... ده انت مش ديناصور وبس ..
    ده انت من ما قبل الانفجار العظيم ال Big Bang ظآآآطو ..
    "بلهجة المنبر"



    يا دكتور كمال كرار ده يااخي اقدم من الكسره والانفجار العظيم ده انت قايل منو العملوا ؟؟ بيقولوا تحا تحت انو كمال كان شايل جرس عجله وقلبوا

    والفتحه حشاها بارود وللاسف طلعت الماده تي ان تي فحصل الانفجار العظيم لكنه محظوظ طار فد طيره ما رك الا لمن الارض بردت.... وهذا هو رأيي في الموضوع.

    هذا يدل علي ان الاخ كمال جاء بمرحلة متقدمه عن الديناصورات بي ذات نفسها.

    اخي حسن طه سيف بادي كان صديقي وهو رجل موهوب وفنان بحق وحقيقه وكان لديه القدره علي عمل سيناريو مصور مثل مجلة سمير .لا ادري اين هو الآن؟؟

    بعدين من ناحية القروش اطمئن عامله زيرو كبير عشان كده بطني والله طامه وانا عارف انو في النهايه كرار موظف في حكومه لا يستطيع سوي عدد محدودفيها من

    اجراء اي تغيير وكلنا نعلم ذلك فالقصه حتكون في النهايه فنجطه من كرار وحيروق في علبو بس اديها صنه .

    انا لست متشائما بل التغيير كلنا نعلم انه صعب وصعب جدا في ظل هذه الاوضاع.
                   |Articles |News |مقالات |بيانات

11-27-2008, 06:41 AM

Tabaldina
<aTabaldina
تاريخ التسجيل: 02-12-2002
مجموع المشاركات: 11844

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    ..
    .
    حسب المؤشرات الواقعية
    على ما يبدو سأنضم لهذاالركل قريباَ


    ____________

    اها بيتوكم بوين ؟
                   |Articles |News |مقالات |بيانات

11-27-2008, 08:54 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    تبلدينا مراحب...

    شايفنك في إجتماعات بورداب الخرطوم في بحري...

    عموما لو كنت من بحري حبابك ألف ولو ما من بحري حبابك مليون..

    يا أخي تعال بهنا مالك ومال الخط المعلق بهناك.. والمشاكل الما حتنتهي دي
                   |Articles |News |مقالات |بيانات

11-27-2008, 09:46 AM

سيف الدين علي محمد الفاضل

تاريخ التسجيل: 07-03-2008
مجموع المشاركات: 583

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    عموم أبناء وبنات بحري الأوفياء

    التحية ليكم جميعا

    كتبتوا والله ما قصرتو أبدا في بحري ولسه بحري عايزة كتابة وكتابة
    بس في حي جديد في بحري يا جماعة والله أذهلني حي جميل جدا وليه مستقبل واعد
    في بحري وهو حي العزبة والله حاجة جميلة جدا جدا وهذا الحي موازي للصافية وشمبات الأراضي من الناحية
    الشرقية على إمتداد المنطقة الصناعية شمالا ..

    الحاجة التانية ما سطره الأخ/ عماد عثمان عبر بوابة الأخ/ طارق ميرغني حفظه الله في البوست الذي رفعه للباشمندس بكري وتضمن شخصيات من بحري
    أحب إضافة معلومة بسيطة يمكن الأخ/ عماد خانته الذاكرة فيها وهي :-
    أن المرحوم لاعب الهلال شيخ إدريس لم يظهر في الدورة المدرسية عبر بحري الشعبية وإنما كان ظهوره عبر بحري الأميرية (2) وكذلك اللاعب عماد خوجلي وكان يعرف بإسم معتمد خوجلي وكذلك اللاعب عصام مصطفى برضو من الأميرية (2) وأقول ليكم سر إنو معتمد خوجلي كان زميلي وصديقي في الأميرية (2) وكان فعلا حريف بحق وحقيقة لكن جسمو كان صغير شديد وأذكر إنو كان عندنا مباراة بحري الأميرية (2) وفريق من حلفاية الملوك وكان يشرف على الفريق أستاذنا الجليل يوسف محمد خير الذي كان يسكن المزاد ، المهم معتمد خوجلي ما كان ضمن التشكيلة الأساسية للفريق المهم في نهاية المبارة معتمد خوجلي قال لي أستاذ يوسف يا أستاذ بالله أديني فرصة عليك الله ألعب العشرة دقائق الأخيرة دي ، أستاذ يوسف قال ليه إنت يا معتمد حريف ولعاب بس أنا خايف عليك ما يكسروك معتمد قال ليه يا أستاذ يوسف أنا عندي قلم رصاص ليه 3 شهور ما إتكسر وبرضو ما خفت عليه ليه تخاف علي ، ضحك أستاذ يوسف وأشرك معتمد خوجلي في آخر 10 دقائق أحرز فيها معتمد هدف من تمريرة مني ومن اليوم داك صار معتمد خوجلي أساسي في التشكيلة وأصبح الهدف الذي أحرزه سببا في تقوية أواصر الصداقة بيني وبينه . أما شيخ إدريس كباشي فهو زميل أيضا في الأميرية (2) وكذلك عصام مصطفى وبرنجي والحارس عبدالحليم عبدالرحمن وما تنسوا الحارس العملاق أحمد آدم وكنا نطلق عليه أحمد حجبات لأنو دايما كان يلبس الحجبات وأيضا الممثل القدير نبيل متوكل برضو كان من الأميرية (2) وقد تزوج من الممثلة إخلاص نور الدين .. هذا ما وددت إضافته ..

    مع تحياتي للأخ/ عماد عثمان والأخ/طارق ميرغني
                   |Articles |News |مقالات |بيانات

11-27-2008, 12:11 PM

عبد الرازق سعيد

تاريخ التسجيل: 06-19-2008
مجموع المشاركات: 787

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: على ما يبدو سأنضم لهذاالركل قريباَ
    تبلدينا
    سلام ..
    ونحن في إنتظار حضورك الجميل عبر إطلالاتك المميزة وتعليقاتك خفيفة الظل ..

    سيف الدين الفاضل
    Quote: أحرز فيها معتمد هدف من تمريرة مني ومن اليوم داك صار معتمد خوجلي أساسي في التشكيلة
    لو كنت هدّفت مباشرة في القون وأحرزت الهدف كان أحسن ليك وكنت أصبحت مشهوراً بدل معتمد وبدلا ما أنت مغترب في المملكة كما هو الحال الآن كنت بقيت كفيل لي طارق ميرغني وكمال كرار ورشك الهندي ../B]
                   |Articles |News |مقالات |بيانات

11-27-2008, 03:18 PM

عبدالكريم أحمد الامين
<aعبدالكريم أحمد الامين
تاريخ التسجيل: 08-04-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبد الرازق سعيد)

    Quote: حسب المؤشرات الواقعية
    على ما يبدو سأنضم لهذاالركب قريباَ
    ___________

    تبلدينا
    الف مرحب بيك في ست الهوى والطراوه..


    Quote: اها بيتوكم بوين ؟

    إنت نازل من إى كوبرى يؤدى الي بحرى إعتبرو بيتك الي أن تصل شمالاً الي ود رملي وواوستي وشرقاً الي أمدوم وابو دليق والحاج يوسف ,, وغرباً الي الصبابي والشيخ موسي وحلتي خوجلي وحمد وجنوباً الي الاملاك ومابين كل هذه الإتجاهات يمكنك أن تطرق إى باب في إى حي فكل هذه بيوتنا وتُرحب بك...
    ** ودام الود بين الجميع..
    (ابو محمد فؤاد - دبي)
                   |Articles |News |مقالات |بيانات

11-27-2008, 09:35 PM

عبدالكريم أحمد الامين
<aعبدالكريم أحمد الامين
تاريخ التسجيل: 08-04-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبدالكريم أحمد الامين)

    ود السر كرار
    بيتك المتنقل دا لقيتو في قيفة خور شمبات ,, قلت أرجعوا ليك المزاد ,, اها تلقاهو جنب إستاد التحرير ,, وتصبح علي خير..
                   |Articles |News |مقالات |بيانات

11-27-2008, 09:39 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    أبو محمد فؤاد... فيك الخير..
                   |Articles |News |مقالات |بيانات

11-28-2008, 10:47 AM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الاعزاء الافاضل سيف الدين وابو رزقه لكم كل الشكر والتقدير .
                   |Articles |News |مقالات |بيانات

11-28-2008, 10:56 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الأخ المستشار / حسن طه...

    سعدنا بطلتلك على في النشرة الإقتصادية .. يرجى التأكيد عما كنت أنت هو الشخص؟
                   |Articles |News |مقالات |بيانات

11-28-2008, 11:23 AM

ناهد بشير الطيب
<aناهد بشير الطيب
تاريخ التسجيل: 02-08-2008
مجموع المشاركات: 4179

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    ياشباب

    جمعة مباااركة ....وقراصة كاااربة

    يوم الجمعة ونحن صغار فى بحرى كان يوم اللمة بتاعة الاهل
    الخالات والخيلان والعمات اخوات الوالد ودائما كان بيكون عندنا فى الصافية ...
    بنقوم بدرى بترتيب البيت وتبخيره وفريش الملايات وتحضير كبابى العصير
    وكبابى الشاى الاحمر المبخرة بالمستكة ...وكانت على انا مسؤولية النظافة بس .
    ...ومسؤولية المطبخ بس ...حتقولوا ليه؟ براى مافى زول بيساعدنى ؟ لا مافى .....
    لانى بت وحيدة وسط 5 اولاد ...سيادتهم الشباب اكبرهم بيمشى سوق الخضار بحرى والتانى بيذاكر...
    (طول السنة بيذاكر ) (بقى مهندس قد الدنيا ماشاءالله عليه)
    ...اما الثالث لسة بيكون نائم تصحيه تشيل الملاية من تحته وتفرش التانيه وهو لسه نائم
    والرابع فى الكورة فى الشارع......مع اولاد الجيران ....او شغال غسيل فى فنايل الفريق
    والخامس (شايلاه فى صفحتى) ..... .......
    واقوم بكل مايلزم ماعدا الغداء ..لانه الخالات بيجن شايلات حلل وصوانى فرن تكفينا باقى الاسبوع
    ...كنا تقريبا كعائلة كدة حوالى 43 شخص (طبعا عديتهم هسى رغم موت 4 منهم ) رحمهم الله ...

    اول الحضور زوج خالتى يأتى ومعه هديتى المفضلة مجلة ماجد وميكى او سمير وبطيختين
    ...ويبدأ بقراية الجرايد ...
    وبعده تبدأ الوفود فى الحضور ...وتبدأ الوالدة يطول الله فى عمرها
    برمى القراصة ...القراصة الحارة بنوعين من انواع الايدامات (مفروك ودمعة )
    ...والبصل والسلطات والشطة
    وماالى ذلك من (اكسسوارات) القراصة ...

    ويبدأ الاكل فى نهم وجوع وحب وانبساط (ايام اخالها لن تعود)
    وبعده كل الى سرير.. وجريدة
    ويتلمن البنات والونسة وغسيل عدة الفطور وفتح الصوانى
    الجات من برة والحلل والاستعداد لترتيب
    عدة الغداء ....بعدها يقوم كل الشباب
    والرجال والوالدة والخالات والعمات
    وازوجات الخالات الى المسجد......
    ومعهم منو ؟ ....انا ...وكانت الصلاة هى ملاذى .....
    صلاة الجمعة فى مسجد (المسرة) بالصافية
    هى المكان الذى احبه والالتقاء فيه ببنات الحى ....
    والسلام على كبيرات الحى ...

    المهم
    بنرجع البيت وبتبدأ مراسم الغدا ...ووضع (الماكياج ) الاخير للصوانى ....
    وصدقونى كلما اتذكر هذه (اللمة ) ابكى لانفراط ذلك العقد....
    الذى تناثرت حباته يوم ان عرفنا شيئا اسمه اغتراب وسفر ...
    وتأشيرات من كل الالوان ..وشنط من كل الاحجام....

    الان اين الخال (توفى رحمه الله) وبناته واولاده مسافرين ومسافرات
    الخالات وحيدات والاولاد بالخارج ...العمات هاجرن ؟
    الحى نفسه وحيد ...ومازالت (الكورة ) قرب الباب تسأل من يرفعها ...
    اما (العدة) و(الصاج) فقد ملأهم الغبار.... والصحون تشكى طول انتظارها
    فى (فضية البيت ) والوالدة (يطول الله فى عمرها ...فقد عرفت الاغتراب
    وجاورت بيت الله وجاورتنا نحن ابناءها .....


    مجرد سؤال ؟
    (بعد مااغتربت اسرتنا(اتلمينا فى مكان اخر) ...هل مازالت هناك لمة وقراااصة حاااارة )؟
    هذا ماسأجيبكم عنه الحلقة القادمة فترقبونا وحصريا هنا ...فى بوست الطراوة ده ..بتاع كمال


    كمال يديك الف عافية ....


    وقبل ماافوت حلفتكم كده ...
    كان ماحكيتوا لينا جمعتكم فى بحرى كانت كيف .؟






    .

    جمعة مباركة بس ...الله غالب
                   |Articles |News |مقالات |بيانات

11-28-2008, 12:03 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    ناهد أختي...

    أولا بالتبادي... الموضوع الشيق أعلاه.. فيهو حاجة كدة تعبيرية ما مبلوعة

    شنو ايدامات دي يا ناهد يا أختي؟؟؟

    هسع يعني لو ناس السودان قروا المسألة دي يقولوا بتأكلوا القراصة بشنو؟ بلحم بني آدم ولا شنو؟

    بس ما عارف نستبدلها بشنو.. ملاحات (ما بتبقى)... ولا أقول ليك نستبدلها بكلمة "مسالا" أصلا الهجرة الثانية للهنود للسودان بدأت

    عموما نرجع لموضوعك...

    طبعا يوم الخميس بالليل بنكون في الدور الثاني في سينما الصافية والدور الأول بيكون في حلفايا... نحضر من أفلام نوعية ترنتي

    ونجي الصافية نحلي بأفلام سيدني بوتيه..ونستشرف مقدم أوباما...

    أها نرجع نقعد في الخور..في حضرة أبو النور وصلاح جربوية (الأول معانا عن طريق أخيه الدكتور الأستشاري إبراهيم العجب) والثاني خليك منو,,,

    يعني نرجع البيت بعد الساعة الواحدة صباحا.. وكل واحد ودرجة صياعته..

    المهم تبقى حريف وتدخل بعد ما ترفع الترباس بشويش عشان الوالد ما يصحى.. وبرضو يصحى... وتستلم حدرة وعبارة أنت ما عايز تبطل الصياعة دي يا ولد..!!!

    أها طبعا الجمعة بنكون مدمرين... والنوم في الحوش.. والشمس تطلع.. ونجر العنقريب أو السرير من ضل لضل..يا أولاد قوموا .. الصلاة.. قوموا ونقوم متثاقلين للدش ومن بعد ذلك للصلاة...ونرجع.. وبعد داك ننوم ثاني

    والمنظر الذكرتيه وزيارات الأهل طبق الأصل مع الإختلاف في التفاصيل...لكن بس عشان حلفتينا أديناك إضاءة سريعة عسى ولعل.. تشحذ ذاكرة أصدقائنا في البوست..

    لكن يا ناهد أجمل من قراصة الدمعة ما أظن...

    بس كمان بعدها تحلية قراصة بالسمن والسكر...قبل إختراع الكلوسترول

    أوع تقولي لي مخبازة.. ولا الثانية بتاعة الجداويين نسيت أسمها
                   |Articles |News |مقالات |بيانات

11-28-2008, 01:43 PM

ناهد بشير الطيب
<aناهد بشير الطيب
تاريخ التسجيل: 02-08-2008
مجموع المشاركات: 4179

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    ياكمال حكاية تنوموا من ضل لى ضل دى ...كانت بتجنن البنات فى البيت كيف
    بتجنن كل البنات العندهم اولاد ذكور فى البيت ....
    وطبعا الحاجة دى كلكم عايشتوها صح؟ وكاويتوا اخواتكم البنات (يامجرمين)
    وشكلتكم الطوالى مع البنات الاخوات ...فى ..

    يابرعى ماتقوم....الواطة صبحت
    ياخى انا مساهر امبارح خلينى اتم نومتى
    اخليك شنو قوم الشمس دى ماجاتك
    ياخى خلينى شوقى ليك شغلة تانية
    طيب قوم دايرين نقش تحتك.... ونلم المراتب دى
    ماتقشوا الماسككم منو......
    ياكمااااااااال ياخى قوم بطل الدغالة
    يابت عليك الله زحى من جنبى هسى ...ماتوترينى
    اوترك شنو وانت نائم....
    نايم فى راسك ...مافى سريرى ده بالله عاين دى
    طيب خش جوة كمل نومك...جوة مفرش
    لا...جوه الكهرباء قاطعة ...




    الغريبة ياكمال يااخوى ...
    اسالك كدى ....كنتوا كيف يتتكلموا وترجعوا تواصلوا نوم تانى؟
    عارف هسى مع الغربة والهدوء البيلغنا ده ..
    ان الابرة وقعت نصحى مفزوعين زى الجات قنبلة...
    الراجل زاتو يفتح الدولاب زى الحرامى عشان يشيل القميص...
    (مافى زول يتلحنى وبالذات طارق ويجى يقول لى مابتطلعى انتى القميص ليه وتحضريه )

    نرجع لجمعتنا ولمتنا ....



    اما بخصوص (الايدامات) اللى هى (الملاحات) فغلبنى زيك اجيبها.....
    وقلت يابت نزليها اصلوا العالم بقى قرية صغيرة وكدة وجماعتك ناس بحرى
    اغلبهم مهاجرين (ومغتربين داخليا) فااكيد حيعرفوها ...

    المهم
    انت ماسألتنى عن يوم الجمعة فى الغربة ؟

    يلا هسى الساعة كم ؟قول 4 عصر الجمعة مش ؟ انا وين؟ فى النت معاكم ...
    تعال شوف...

    هنا اتلمت اسرتنا الكبيرة كلها ...
    بوصفى البت الوحيدة وسط الاولاد الذكور
    حبيت انقل نفس الفكرة الاتعودنا عليها حقت البيت الكبير المفتوح يوم الجمعة
    تتصل على الوالدة (يطول لى فى عمرها يااارب)
    ...تقول ليك انا نمت بعد صلاة الصبح ...
    كنت بتونس مع اخوك البيجينا فى الاسبوع مرة ده ...
    طيب ياحاجة تعالوا....قوموا اتنفضوا ...
    ...تقول لى كدى نشوف الاولاد ...
    وتبدأ تصحى اكبرهم ...
    اختك ضربت قوموا يلا .... لبس اولادك ارحكاكم...
    يرد بانه الليلة هو يوم اجازته ومابيقدر يتحرك ...
    (طيب مازمان كان برضو الجمعة اجازة ) ولا شنو ؟

    التانى يرد
    عارفة ياحاجة الليلة يومى الوحيد معاكم جيت اغسل واكوى لانى برجع المساء السكن

    التالت
    لا لا لا ...عندى تقرير لازم اكتبه ...وشفع ناهد هناك
    جنهم لعب وبيطلعوا لى فى ضهرى وهاك يالعب...وبعدها اكسل من كتابة اى شىء

    اصغرهم ...
    24 ساعه نائم .....

    وتضيع الحجة... وتضيع الاسرة.... ..وتضيع الجمعة ....
    وتضيع القراصة غير مأسوف على صحنها (السرقته من فضية الحجة فى السودان)
    فى اول اجازة زمااان لى بالسودان ...تقديرا له (للصحن)...(طبعا لازم يغترب معانا)

    ولايبقى شىء غير الدمعة ...
    اقصد الدموع الشربنا منها مايكفى لارواء حديقة كااااملة من حدائق بحرى



    اها دايرين منى شىء ...ولا خلاص (وش ملخبط بقراصة بالويكة)
                   |Articles |News |مقالات |بيانات

11-28-2008, 01:42 PM

عبد الرازق سعيد

تاريخ التسجيل: 06-19-2008
مجموع المشاركات: 787

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الجمعة زمان كانت بمثابة عيد صغير من حيث أنه يوم الراحة الوحيد سواء أيام الدراسة أو بعد الإلتحاق بالعمل فبعد ستة أيام ننتظر بفارغ الصبر هذا اليوم الجميل لأخذ الراحة المعتادة ونومة ممتدة تعوض صحيان بدري في بقية أيام الإسبوع المملة ..

    جمال هذا اليوم المبارك يتجلى في إلتئام شمل الأسرة من خلال فطور متفرد في الغالب قراصة بالدمعة ، أوالفول مع السلطات ، وفي أيام معلومات سمك يحمر في البيت وفي أيام أخر سمك أذكر أن الوالدة رحمها الله كانت تشتريه جاهز من النساء اللاتي كن يجلسن في مكان مخصص لهن يقع شرق سوق بحري ، في هذا المكان تجد السمك والطعمية والفسيخ وتجد كذلك الكسرة والعيش بأنواعه المختلفة وكنت في بعض الحالات النادرة أذهب لشراء متطلبات البيت من سوق بحري وفي معظم هذه الحالات كنت لا أجد الإستحسان بما جلبته من أشياء فأحلف بعدم الذهاب مرة أخرى ..

    في حالات نادرة جداً الفطور يكون فسيخ مع ضرورة وجود البصل رغم ما يقال بأنه غير مستحب يوم الجمعة ولكن أنها الحقيقة لا فسيخ بدون بصل كما لا شمال بدون جنوب ..

    بعد الإفطار الواحد يكون مخدر وتنتابه حالة من النعاس ولكن لا تستطيع النوم حتى لا تفوت صلاة الجمعة فكنت أقضي هذا الوقت في قراءة الجرائد والمجلات حتى يحين مواعد صلاة الجمعة والصلاة غالباً في مسجد أونسة وخطبة الشيخ/ محمد السيد إبراهيم الذي أعتقد أنه لا زال إمام وخطيب هذا المسجد منذ ثمانينات القرن الماضي وحتى الآن وأذكر من ضمن مقولاته الشهيرة المتكررة للمصلين "أربطوا الأحزمة" وكان ذلك في بداية التسعينات ، الآن حتى تلك الأحزمة تقطعت ترى ماذا تبقى للناس لربطه ..

    الغداء في الغالب الأعم يكون غداء عادي لأن الواحد يكون فاطر فطور جامد والحالة تكون وسط بين الجوع والشبع خاصة إذا كان الفطور متأخر شوية وكان قراصة وملحقاتها ..
    برنامج ما تبقى من هذا اليوم الجميل حافل بالعديد من الأنشطة الإجتماعية والثقافية والرياضية سوف أكتبها لكم في الحلقة القادمة ..
    بصراحة الجمعة في المزاد أحلى بكثير من الجمعة في شمبات ..

    (عدل بواسطة عبد الرازق سعيد on 11-28-2008, 01:50 PM)

                   |Articles |News |مقالات |بيانات

11-28-2008, 02:13 PM

عبدالكريم أحمد الامين
<aعبدالكريم أحمد الامين
تاريخ التسجيل: 08-04-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبد الرازق سعيد)

    Quote: بعد الإفطار الواحد يكون مخدر وتنتابه حالة من النعاس ولكن لا تستطيع النوم حتى لا تفوت صلاة الجمعة فكنت أقضي هذا الوقت في قراءة الجرائد والمجلات حتى يحين مواعد صلاة الجمعة والصلاة غالباً في مسجد أونسة وخطبة الشيخ/ محمد السيد إبراهيم الذي أعتقد أنه لا زال إمام وخطيب هذا المسجد منذ ثمانينات القرن الماضي وحتى الآن وأذكر من ضمن مقولاته الشهيرة المتكررة للمصلين "أربطوا الأحزمة" وكان ذلك في بداية التسعينات ، الآن حتى تلك الأحزمة تقطعت ترى ماذا تبقى للناس لربطه ..

    ابو رزقه
    هو الامام دا غير خطبتو الواحده دى الفالقنا بيها من سنة 1980 !!؟؟


    Quote: بصراحة الجمعة في المزاد أحلى بكثير من الجمعة في شمبات ..


    في دى إنت الصادق خاصةً إذا كان الفطور في النادى (دار الجمعيه الخيريه) أو قدام بيتنا مع المرحوم د. حسن ابوزيد (والد هُشام وحاتم) او مع اولاد حسن الزين تحت النيمه - وقبل الصلاه الجماعه دورو عشرات في النادى ومنها علي الجامع ..

    ** ابو رزقه ياخي مافي داعى للحاجات دى وخاصةً أنو اليوم الجمعه..
    ودام الود بيننا..
    (ابو محمد فؤاد - دبي)
                   |Articles |News |مقالات |بيانات

11-28-2008, 08:46 PM

ناهد بشير الطيب
<aناهد بشير الطيب
تاريخ التسجيل: 02-08-2008
مجموع المشاركات: 4179

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبد الرازق سعيد)

    Quote: في حالات نادرة جداً الفطور يكون فسيخ مع ضرورة وجود البصل رغم ما يقال بأنه غير مستحب يوم الجمعة ولكن أنها الحقيقة لا فسيخ بدون بصل كما لا شمال بدون جنوب ..



    :D
    رزقة كنت دايرة اقول الفسيخ والمش لكن قلت تقولوا علينا (حلب )...
    لانه جماعتنا (اهل الوالدة ) جنهم مش وفسيخ ...واكلهم كله مالح ...
    وكلهم عندهم كلى
    ...لا ...ومايفوتك (التندله) بعد اكل القسيخ دااك ...
    فاانا عملت حريفة معاكم ......ان قلت ضربوا الفسيخ فى الفطوز
    معناها الجمعة خلصت ومافى شىء احكيه ليكم

    فهمت


    ______________

    شكرا على التزكية بهناك وان كان هناك من يستحقها اكثر منى
                   |Articles |News |مقالات |بيانات

11-28-2008, 06:35 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    ناهد أختي... الجمعة في الغربة غير...

    وطبعا السهر هنا بيبدأ من مساء الأربعاء عشان إجازة المدارس وكده

    والخميس تستمر السهرات.. بس يوم الجمعة هنا إستثنائي... من السهر لصلاة الصبح مباشرة ثم النوم

    وعندنا في الشرقية الصلاة بكير شوية..(خلي بالك من بكير دي) يعني لازم الساعة 11 تكون أستحميت حماية الجمعة

    الصلاة ونرجع نلقى "أم عهد" الله يديها العافية.. في المطبخ ومختلف الروائع الشهيةتنبعث من المطبخ..رغما عن قفل الباب

    وتشغيل كل مراوح الشفط...المين دش... قراصة وتوابعها ومرة كسرة بتقلية ومشاوي ومكرونة باللحمة لزوم سكوت الحناكيش

    وأسخف مشوار ما بحبو يوم الجمعة مشوار شراء الكسرة... بس بعدما الحناكيش بقوا يسوقوا حمدنا الله...

    وأمسية الجمعة طبعا ثقيلة على الحناكيش لأنها يوم التحضير للعودة للمدارس.. وفي بعض الأحيان.. يكون فيها مشوار للمكتبة

    لأنهم يادوبك بيكون تذكروا الأشياء المطلوبة منهم...

    الجمعة هنا لا فيها حقيبة فن ولا رشا يا كحيل غيثني...

    بس الجمعة في بحرى أحلى.

    يا ربي ترزقنا جمعا مباركة في ربوع بحري..


    التعديل لإضافة نقطة وقعت ...

    (عدل بواسطة Kamal Karrar on 11-28-2008, 06:39 PM)
    (عدل بواسطة Kamal Karrar on 11-28-2008, 06:41 PM)

                   |Articles |News |مقالات |بيانات

11-28-2008, 11:04 PM

ناهد بشير الطيب
<aناهد بشير الطيب
تاريخ التسجيل: 02-08-2008
مجموع المشاركات: 4179

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: وعندنا في الشرقية الصلاة بكير شوية..(خلي بالك من بكير دي) يعني لازم الساعة 11 تكون أستحميت حماية الجمعة


    اى خليت بالى منها ....بالحيل كمال اخوى


    ايس كلام .....
    هادا قرقر انا كله فى يئرف
    هادا ميسرى ...ليبنون ...اوردو ...
    كلو انا فى مفهوم ....

                   |Articles |News |مقالات |بيانات

11-28-2008, 11:17 PM

ناهد بشير الطيب
<aناهد بشير الطيب
تاريخ التسجيل: 02-08-2008
مجموع المشاركات: 4179

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: ناهد بشير الطيب)

    Quote: وأسخف مشوار ما بحبو يوم الجمعة مشوار شراء الكسرة... بس بعدما الحناكيش بقوا يسوقوا حمدنا الله...

    ...




    عليك الله مش كنا نتعلم العواسة خاصة وانها بقت بالاسكراتش
    لكن لا والف لا لن نعوس ولو بقت بالكيبورد ...
    ويحيا يحيا مرسالكم للكسرة (وش شمتان شايقى مشلخ لا وراء)


    Quote: وأمسية الجمعة طبعا ثقيلة على الحناكيش لأنها يوم التحضير للعودة للمدارس.. وفي بعض الأحيان.. يكون فيها مشوار للمكتبة

    لأنهم يادوبك بيكون تذكروا الأشياء المطلوبة منهم...



    صدقت يااخوى كمال ...ومشوار المكتبة ده مابيكون الاربعاء ولا الخميس
    وحتى الاختبارات يدسوها ...لمن يتفسحوا بعدين يجيك الواحد يوم الجمعة العصر
    ومكشر وشو ...عنده اختبار بكرة قرينى ...
    بمناسبة الدس دى (غير دس الكبابى البنشتريها بوراكم)
    لما نكون عايزين حاجة من السوق ...ويصادف فاتورة الكهرباء تجى
    بنقوم نطلب قروشنا بدرى بدرى ...من الساعة 4 ولما نجى طالعين بندى
    ابونا (البحراوى) الفاتورة...... بنقول ليه الحارس رفعها هسى







    Quote:

    الجمعة هنا لا فيها حقيبة فن ولا رشا يا كحيل غيثني...


    مافيها حقيبة المدرسة خلاص



    _____________
    انتوا طارق وهيثم وعبدالوهاب وكيكى وامجد ومعاوية وشكوكو وقناوى وينهم ؟
    الارشفة دى ماقربت وكده ....
                   |Articles |News |مقالات |بيانات

11-29-2008, 05:20 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: وامجد


    أمجد رجع أول أمس من سويسرا... لسع حنكو معووج.. وأسنانو تكرج من البرد
                   |Articles |News |مقالات |بيانات

11-29-2008, 06:26 AM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    لا يمكن ان يكون الحديث عن يوم الجمعه دون ان ادلي بدلوي فيه

    يوم الجمعه الكارب كالعاده من الصبح فتاح يا عليم رزاق يا كريم المشي بالطبع لسوق بحري حيث اجمل خضار في الدنيا .

    قال الشاعر

    المرنوعه زي شمس الغــــمام في طلوعا
    اخدر لونا اخدر تاجا خل نظهرلك استنتاجا
    الالوان جميعو نتاجا كلها للخدار محتاجا

    تنقسم المهمة الي الثلاث وجبات

    اولا الفطور يبدا من الغلاط في البيت انو يكون تقليه (ندلعها ونسميها ام دقوقه) وقراصه كرغبة الوالد رحمة الله عليه او فسيخ او سمك او سخينه كون الحاله

    فلسطين.

    لو اتفقنا علي الفسيخ يكون من منو ؟

    امشي للحلبيه اوعك في واحده مشلخه جنبها ما تجيب منها المره الفاتت كان حقها ملحو كتير بعدين الحلبيه فسيخها عفن لمن حلو وده المطلوب.

    بعد داك توابع الفسيخ البصل الاخضر والشطه الخضراء مع السلطه عموما وفي الغالب نعمل مع الفسيخ اسود " بازنجان" - والبازنجان ده عندو قصه براها خلوها

    هسع - البازنجان بالجمر مع زيت السمسم او سلطة طماطم بالدكوه والشطه. اهم شيئ رغيف الفسيخ لازم يكون من النوع ابو لبه لزوم الغموس.

    بعد داك صحن صغير بتاع ام فتفت مع الشطه الخضراء .

    نفس هذه الاكسسوارات كما قالت ناهد تنطبق علي السمك الذي نحضره من الزنك جنب بتاع التلج.

    اما اذا فاز اختيار التقليه فيجب ان يكون معها فول مصلح مع الطعميه وشعيريه في الغالب.

    او في بعض الاحيان كبده ابل مع الويكه وطبعا التجهيز بواسطة الدقيق والعرديب مع الدكوه والبصل الاخضر والشطه........ يا سلام.

    كده حددنا الفطور وهو الاهم يوم الجمعه والذي لا اذكر علي الاطلاق ان فطرنا كافراد الاسره لوحدنا دون وجود ضيوف والحمد لله.

    الغداء ملحات عاديه ولكني افضل الفته . لحمة عجل والعظم يتقطع الرغيف مع الرز ويتخت اللحم بي فوق مع سلطة اسود او طماطم بالدكوه. والبطيخ تحليه اساسيه.

    اما العشاء لو كان هنالك ملم او ميلم نجلب الكوارع من الصبح جوزين عجل بعد التكسير والنظافه ولوازمها من جزر ، قرنجال،كرافس،فلفل اخضر وشطه خضراء.

    يقوم اخي الاصغر حمدو بتحضير الكوارع . توضع علي الفحم – الغاز غير وارد اطلاقا – منذ التاسعة صباحا توضع الحله الكبيره في المنقد الكبير جدا وتوضع كل

    الوصفات المذكورة آنفا ويوضع حجر كبير من جنب شارع المعونه مانع للتسرب فوق غطاء الحله ولا تفتح الحله الا عند الخامسة مساءا للتشييك عليها وزيادة

    المويه ووضع بعض البهارات كالثوم ومن بعد تترك علي النار الهاديه وبالهنا والشفا.

    لفتره في منتصف الثمانينيات كنا نجتمع شله كل جمعه للعب الكنكان وتمر كل جمعه علي بيت من يبوت الشله والني كانت تضم الآباء والابناء علي قدم المساواه

    فكان والدي وانا ونسيبنا استاذ الزين عثمان وكان عمنا كامل صالح عبد السيد "ابو صلاح" وبعض الاحيان ابنه دكتور وجدي كامل وعمنا يسن السيد وابنه الدكتور

    شوقي يسن وعمنا محمد طه " شقيق زينب طه زوجة ابو صلاح" والاعمام يحيي ،كامل مقلد،سمير فؤاد ومحمد بشير رحم الله جميع الاعمام وبالاضافه الي الدكتور عبد الله

    عبد الكريم " عديل دكتور محمد عثمان الجعلي" .

    في هذه الجمع كانت تختلف الوجبات فتكون اكثر حداثه وترتيبا فيدخل الاستيك والريش والشيه واللحم البارد والتحليه من نوع الهارت اتاك heart attack

    والترايفل وغيره .

    كان شعار اعمامنا ان لا سكري يوم الجمعه فيبرطعوا في التحليه بمنافسه شديده وجاده جدا.

    في احد الجمع صحيت باكرا لاذهب للسوق المركزي بالخرطوم " جوار المركز الافريقي"

    حيث كنت اجيب منه السمك . صحيت بدري ومشيت بالجلابيه الكنت نايم بيها وطبعا كالعاده بتكون مكرفسه وقلت مره واحده اغشي بتاع البطيخ وكحلت واحد بطيخو

    كبير وذهبت اليه وقلت ليهو كيف البطيخ يا حاج ففاجاني يا ولدي امشي اشتري من هناك؟؟

    يعني شافني مشعنف والجلابيه مكرفسه قال الزول ده ما بقدر علي بطيخي ده .

    اليوم داك زعلت واشتريت اكبر بطيخه عنده كيتا عليه.... الوسخ.
                   |Articles |News |مقالات |بيانات

11-29-2008, 08:44 AM

محمد عبدالمنعم التلب
<aمحمد عبدالمنعم التلب
تاريخ التسجيل: 09-13-2008
مجموع المشاركات: 155

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    اهل الطراوه
    كيفنكم
    والله ياجماعه اول ما فتحت المطبخ اسف اقصد البوست ضربتنى ريحه التقليه والفسيخ والبصل انتو ياجماعه رمضان بكره والا شنو ؟؟؟؟؟؟؟؟؟
    تاكلوا هنيا وتشربو مرئيا .
    الشاهد فى الامر رغم اختلاف الاجناس والقبائل نجد فطور الجمعه متشابه لحد بعيد فى كل البيوت السودانيه.
    وياهو دا السودان.
    راجنكم فى فطور رمضان
    وبحرى طرررراوه وحلاوه
                   |Articles |News |مقالات |بيانات

11-29-2008, 10:23 AM

عبدالوهاب علي الحاج
<aعبدالوهاب علي الحاج
تاريخ التسجيل: 07-03-2008
مجموع المشاركات: 10571

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
                   |Articles |News |مقالات |بيانات

11-29-2008, 10:38 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    شكرا أخي عبدالوهاب..

    على الصورة واللينك...
                   |Articles |News |مقالات |بيانات

11-29-2008, 10:43 AM

عبدالوهاب علي الحاج
<aعبدالوهاب علي الحاج
تاريخ التسجيل: 07-03-2008
مجموع المشاركات: 10571

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    ابو كمال

    لاحظ سيارة واحدة بس في بحري

    لكن المحل دا وين ؟ قادر تكون اي ملاحظة ؟
                   |Articles |News |مقالات |بيانات

11-29-2008, 03:01 PM

عبدالكريم أحمد الامين
<aعبدالكريم أحمد الامين
تاريخ التسجيل: 08-04-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبدالوهاب علي الحاج)

    Quote: ابو كمال
    لاحظ سيارة واحدة بس في بحري
    لكن المحل دا وين ؟ قادر تكون اي ملاحظة ؟


    ود السر كرار وبقية الديناصورات
    عايزين إجابه علي سؤال وهبه اللغم دا؟؟
                   |Articles |News |مقالات |بيانات

11-29-2008, 05:09 PM

عبدالوهاب علي الحاج
<aعبدالوهاب علي الحاج
تاريخ التسجيل: 07-03-2008
مجموع المشاركات: 10571

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    طيب الصورة ديك كان غلبتكم :
    نشوف ديل واقعين في ناصية شارع السوق من الناحية الجنوبية واحدة مقابلة عمارة ابراهيم طلب والتانية مقابلة عمارة كامل امين.





    محلهم زمان كان شنووووووو ؟
                   |Articles |News |مقالات |بيانات

11-29-2008, 05:30 PM

عبدالمحمود محمد عبدالرحمن

تاريخ التسجيل: 02-17-2006
مجموع المشاركات: 1392

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: عايزين إجابه علي سؤال وهبه اللغم دا؟؟
    تبدو وكأنها الأملاك .. من فوق مخازن السكة حديد
    الشارع المنحدر لموقع نادي العمال (السابق) يميناً
                   |Articles |News |مقالات |بيانات

11-29-2008, 08:04 PM

عبدالكريم أحمد الامين
<aعبدالكريم أحمد الامين
تاريخ التسجيل: 08-04-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبدالمحمود محمد عبدالرحمن)

    Quote: تبدو وكأنها الأملاك .. من فوق مخازن السكة حديد
    الشارع المنحدر لموقع نادي العمال (السابق) يميناً


    الكلام ليكم باالمنططيين عينيكم وانتو عارفين وانا عارف ,, والعارف لايعرف..
                   |Articles |News |مقالات |بيانات

11-29-2008, 08:29 PM

عبدالوهاب علي الحاج
<aعبدالوهاب علي الحاج
تاريخ التسجيل: 07-03-2008
مجموع المشاركات: 10571

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    طيب سؤال تاني :

    في واحد احمراني كدا بيكون حايم في السوق طوالي لابس بنطلون بيجامة وفنيلة داخلية وشايل سيجارة وقلم رصاص وفي حالة تفكير دائم ولم اشاهده يتكلم قط الزول دا قصتو شنو ؟
    والله الزول دا شاغلني جدا من زمن كنا اطغال وقدر ما سألت عنو ما لقيت معلومة لو في واحد فيكم عارف ينورنا وينوبكم ثواب .
                   |Articles |News |مقالات |بيانات

11-29-2008, 08:35 PM

عبد الرازق سعيد

تاريخ التسجيل: 06-19-2008
مجموع المشاركات: 787

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: لاحظ سيارة واحدة بس في بحري
    عبد الوهاب الحاج
    سيارة واحدة لأن الوقت الذي أخذت فيه الصورة يبدو كأنه في الصباح الباكر ..
    وربما يكون كذلك يوم جمعة وناس بحري لسه نائمين وطارق ميرغني لم يصحو بعد للذهاب إلى سوق بحري القديم لإحضار الكوارع ..
    كذلك في الصورة يظهر شخص واحد فقط قادم من بعيد وهذا ما يؤكد صحة كلامي ..
                   |Articles |News |مقالات |بيانات

11-29-2008, 08:40 PM

عبدالوهاب علي الحاج
<aعبدالوهاب علي الحاج
تاريخ التسجيل: 07-03-2008
مجموع المشاركات: 10571

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبد الرازق سعيد)

    Quote: كذلك يوم جمعة وناس بحري لسه نائمين

    ابرزقة

    اها كان نايمين العربات مشت وين
                   |Articles |News |مقالات |بيانات

11-29-2008, 08:36 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    يا وهبة يعني لازم تحرجونا...

    طيب لأغراض التوثيق الطابق الأرضي من محلات NNT كانت بار..

    وعلى إمتداد البرندة شمالا كانت باتا..

    والمحل التاني الفيهو اونلي ون شوب برضو كان بار.. وجنبو محل باسطة كاربة


    أها ولا أوف بوينت ياربي
                   |Articles |News |مقالات |بيانات

11-29-2008, 08:44 PM

عبدالوهاب علي الحاج
<aعبدالوهاب علي الحاج
تاريخ التسجيل: 07-03-2008
مجموع المشاركات: 10571

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: أها ولا أوف بوينت ياربي


    ابوكمال

    انا ذاتي ما عارف او ما متذكر

    لكن البار يتخيل لي كان مقاصد البوستة

    يعني في الشارع الموازي ليهو ( شارع المزاد )

    لكن الجهة التانية اتخيل لي كانت بنك الوحدة
                   |Articles |News |مقالات |بيانات

11-29-2008, 08:48 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    يا عبدالوهاب ... البار المقاصد البوستة صاح..

    وبرضو كان في بار في الجهة المقاصدة عمارة كامل أمين...


    اما الموقع الثاني فكما ذكرت هو موقع بنك الوحدة ولا العثماني ما عارف

    يا أخي ده زمن سحيق... زمن العيش الشمسي.. ببيعوه بحصان وجرس
                   |Articles |News |مقالات |بيانات

11-29-2008, 08:50 PM

ناهد بشير الطيب
<aناهد بشير الطيب
تاريخ التسجيل: 02-08-2008
مجموع المشاركات: 4179

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: في واحد احمراني كدا بيكون حايم في السوق طوالي لابس بنطلون بيجامة وفنيلة داخلية وشايل سيجارة وقلم رصاص وفي حالة تفكير دائم ولم اشاهده يتكلم قط الزول دا قصتو شنو ؟





    Quote: هشام رضا قاليك ...ده واحد قبطى اسمه عادل من اولاد حمد
    جنب ناس قرن شطة ... وكان فى الجامعة وفجأة جاتو حالة نفسية
    وسيجارته دى كان بيجي يشحتها من الشباب القاعدين فى الشارع ...
    وهو زول اصلوا مابيتكلم الا بس السيجارة دى
                   |Articles |News |مقالات |بيانات

11-29-2008, 08:54 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    والله كثر خيرك يا عبدالوهاب...

    وكثر خير عادل القبطي...

    حرك أخونا هشام رضا شوية...

    مشتاقين يا أبو الهش
                   |Articles |News |مقالات |بيانات

11-29-2008, 08:54 PM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    كلام كمال السر صحيح كان بار وبعديه باتا ومن ثم في مخبز وفي الزقاق اقدم ثلاجة موز وفي مقابل

    باتا ايضا كان هناك بار وبجانبه رزق صليب
                   |Articles |News |مقالات |بيانات

11-29-2008, 08:58 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    وشوية كده يا طارق على اليمين عمارة مارجرجس

    وشوية لقدام كده على الشمال وأنت متجه شمالا عيادة أسحق بولس...
                   |Articles |News |مقالات |بيانات

11-29-2008, 09:01 PM

عبدالوهاب علي الحاج
<aعبدالوهاب علي الحاج
تاريخ التسجيل: 07-03-2008
مجموع المشاركات: 10571

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: زمن العيش الشمسي

    دا شنو دا كمان يالنبي

    دا بنجضو بالشمش ولا شنو ( شين الشمش التانية مقصودة )

    هوي اعملوا فرش متاع لشهادات الميلاد بتاعاتكم

    انا خايف بوستيكم الواحد تاني كان داير يطلع منو

    الا يستخدم آلة الزمن بتاعة المسلسل الامريكي ديك
                   |Articles |News |مقالات |بيانات

11-29-2008, 09:05 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبدالوهاب علي الحاج)

    Quote:
    دا شنو دا كمان يالنبي

    دا بنجضو بالشمش ولا شنو ( شين الشمش التانية مقصودة )

    هوي اعملوا فرش متاع لشهادات الميلاد بتاعاتكم

    انا خايف بوستيكم الواحد تاني كان داير يطلع منو

    الا يستخدم آلة الزمن بتاعة المسلسل الامريكي ديك





    والله صغار علا كنا مبارين حبوباتنا...
                   |Articles |News |مقالات |بيانات

11-29-2008, 09:10 PM

عبدالوهاب علي الحاج
<aعبدالوهاب علي الحاج
تاريخ التسجيل: 07-03-2008
مجموع المشاركات: 10571

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: هشام رضا قاليك ...ده واحد قبطى اسمه عادل من اولاد حمد
    جنب ناس قرن شطة ... وكان فى الجامعة وفجأة جاتو حالة نفسية
    وسيجارته دى كان بيجي يشحتها من الشباب القاعدين فى الشارع ...
    وهو زول اصلوا مابيتكلم الا بس السيجارة دى

    شكرا هشام للمعلومة

    لكن قرن شطة ساكن حلة حمد ولا كرش الفيل
                   |Articles |News |مقالات |بيانات

11-29-2008, 09:16 PM

عبدالوهاب علي الحاج
<aعبدالوهاب علي الحاج
تاريخ التسجيل: 07-03-2008
مجموع المشاركات: 10571

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    طيب كويس ياطارق وياكمال اقتنعنا بالمكانين

    دكتور جوستاف عيادتو كانت وين بالضبط كدا
                   |Articles |News |مقالات |بيانات

11-29-2008, 09:22 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبدالوهاب علي الحاج)

    Quote: طيب كويس ياطارق وياكمال اقتنعنا بالمكانين

    دكتور جوستاف عيادتو كانت وين بالضبط كدا


    أنا قصدت أقول جوستاف بولس وليس أسحق.. وعيادته دايجونال من عمارة الشهيد ماري جرجس..

    وأنت ماشي على سوق الخضار من الجنوب للشمال
                   |Articles |News |مقالات |بيانات

11-29-2008, 09:26 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    من الشمال للجنوب يعني من موقع ان ان تي الحالي

    وبعد عيادة جوستاف تلاقي مطاحن البهارات حاليا,,,

    وفي اليمن كده كشك فيهو ليمون كارب..
                   |Articles |News |مقالات |بيانات

11-29-2008, 09:18 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    وهبة هاك المعلومة دي...

    كرش الفيل كل سكانها دناقلة ومحس... بس...

    قرن شطة كان ساكن حلة حمد... وفي آخر أيامه في السودان


    سكنته عائلته المزاد جنوب ... ما بعيد من كرش الفيل ..


    بس تعدي ميدان الخطر..
                   |Articles |News |مقالات |بيانات

11-30-2008, 04:48 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3651

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: كلام كمال السر صحيح كان بار وبعديه باتا ومن ثم في مخبز وفي الزقاق اقدم ثلاجة موز وفي مقابل



    كلامك صاح يا باشمهندس واظن التلاجة تابعة لناس التازي.

    وفي برندة الدكاكين اللي جنب التلاجة كان في ترزي ممتاز نخيط عندو أردية ( وليس بناطلين ) العيد.

    أما موقع دكان باتا فصحيح وكنا ايضا نشتري منه شبط الشدة المعروف .

    والله زمن!!
    هسه طبعا ناس طارق واقعين في ميلانو ودوبوشيني .........
    ..
                   |Articles |News |مقالات |بيانات

11-30-2008, 05:56 AM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    يا حسن طه يا حليلك الواقف علي حيلك انت قايل نحن بقينا نشتري....!!! والله الواحد بقي مقطع الا يلفتوه للبنطلون المشرط حتي ينتبه.

    Quote: في واحد احمراني كدا بيكون حايم في السوق طوالي لابس بنطلون بيجامة وفنيلة داخلية وشايل سيجارة وقلم رصاص وفي حالة تفكير دائم ولم اشاهده يتكلم قط الزول دا قصتو شنو ؟
    والله الزول دا شاغلني جدا من زمن كنا اطغال وقدر ما سألت عنو ما لقيت معلومة لو في واحد فيكم عارف ينورنا وينوبكم ثواب .


    بعدين الراجل ده كانت لبسته نظيفه رغم انه يلبسها كل يوم الفانله الكت وبنطلون البيجامه المخطط بالاخضر علي ما اذكر.

    وعلي ذكر هذا هناك يا كمال علي ناصية بحري الحكوميه تجاه مرطبات عبد القادر حاج السيد كان ايضا كوجاك رجل اصلع ويرتدي جلبابا ابيضا ولا يتحدث مع احد من

    هو؟؟؟

    يا عبد الوهاب العيش الشمسي هذا منذ ذاك الزمن لم نذق طعم رغيف مثله فهو رغيف منفوخ وشبعان ومرشوش به كميه معتبره من السمسم وله اركان اربعه رغم انه

    كامل الاستداره.ويشتهر باللبه الغزيره والمتشابكه تشابك جبنة موزاريلا حاليا . واحسن رغيف للحشي... طعميه حاره او فول بالجبنه وزيت السمسم .كان يبيعه

    رجل يحضر بالفعل في حصان يجر عربه جميله خضراء ليست كعربات الكارو.

    يا ناهد يعني سالتي عن يوم الجمعه وانا فترت من الوصف ما خليت فسيخ ولا كوارع... يعني كل الحاجات البتريحك وبرضو لسه نفسك ما انفتحت؟؟؟؟؟
                   |Articles |News |مقالات |بيانات

11-30-2008, 05:57 AM

عبدالوهاب علي الحاج
<aعبدالوهاب علي الحاج
تاريخ التسجيل: 07-03-2008
مجموع المشاركات: 10571

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: أنا قصدت أقول جوستاف بولس وليس أسحق.. وعيادته دايجونال من عمارة الشهيد ماري جرجس..

    وأنت ماشي على سوق الخضار من الجنوب للشمال
                   |Articles |News |مقالات |بيانات

11-30-2008, 07:04 AM

محمد عبدالمنعم التلب
<aمحمد عبدالمنعم التلب
تاريخ التسجيل: 09-13-2008
مجموع المشاركات: 155

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبدالوهاب علي الحاج)

    الاخوه اهل الطراوه
    صباحكم زين

    الكوره جات فى ملعبنا (حلة حمد)

    قرن شطه من سكان حلة حمد القدامى ومازالت بقية اسرته بحلة حمد شارع البحر وهو الشارع المؤدى لبيوت الشيخ مصطفى الامين.

    اما عادل القبطى مازال يسكن حلة حمد وهو نفس الشخصيه التى عرفتموها من سنين عددا فى هدؤه وطلبه للسيجاره بكل ادب بل توسعت دائرة حركته حتى امدرمان غريا وحتى الخرطوم جنوبا وصحته اعتلت بعض الشىء لكثرة حركته وهو يعرف فى حلة حمدحمد بعادل ود ودوديده الخياطه وهو من الشخصيات المالوفه بحلة حمد واحد معالمها البارزه ربنا يشفيه ويشفى كل من به داء

    وبحرى طراوه وحلاوه
                   |Articles |News |مقالات |بيانات

11-30-2008, 07:07 AM

محمد عبدالمنعم التلب
<aمحمد عبدالمنعم التلب
تاريخ التسجيل: 09-13-2008
مجموع المشاركات: 155

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبدالوهاب علي الحاج)

    الاخوه اهل الطراوه
    صباحكم زين

    الكوره جات فى ملعبنا (حلة حمد)

    قرن شطه من سكان حلة حمد القدامى ومازالت بقية اسرته بحلة حمد شارع البحر وهو الشارع المؤدى لبيوت الشيخ مصطفى الامين.

    اما عادل القبطى مازال يسكن حلة حمد وهو نفس الشخصيه التى عرفتموها من سنين عددا فى هدؤه وطلبه للسيجاره بكل ادب بل توسعت دائرة حركته حتى امدرمان غريا وحتى الخرطوم جنوبا وصحته اعتلت بعض الشىء لكثرة حركته وهو يعرف فى حلة حمدحمد( بعادل ودوديده الخياطه) وهو من الشخصيات المالوفه بحلة حمد واحد معالمها البارزه ربنا يشفيه ويشفى كل من به داء

    وبحرى طراوه وحلاوه

    (عدل بواسطة محمد عبدالمنعم التلب on 11-30-2008, 07:12 AM)

                   |Articles |News |مقالات |بيانات

11-30-2008, 07:21 AM

عبدالوهاب علي الحاج
<aعبدالوهاب علي الحاج
تاريخ التسجيل: 07-03-2008
مجموع المشاركات: 10571

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: كرش الفيل كل سكانها دناقلة ومحس... بس...

    ياكمال

    انا اتخيل لي عمنا محمود حسين ( ينحدرون من اصول مصرية ) وهو عم قرن شطة لزم عندو اولاد مسميهم بالفصحى ( رصين ، سؤدد ، اريب ، ضرغام ، اكمل - استشهد في البوسنة - ) ساكن كرش الفيل لحدي الان الكلام دا صاح ولا انا محدد كرش الفيل غلط .
                   |Articles |News |مقالات |بيانات

11-30-2008, 09:32 AM

معاوية محمد الحسن
<aمعاوية محمد الحسن
تاريخ التسجيل: 03-22-2008
مجموع المشاركات: 1583

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبدالوهاب علي الحاج)

    Quote: الخرطوم- رويترز

    أقام ساسة سودانيون احتفالا متأخرا بانتخاب باراك أوباما رئيسا للولايات المتحدة واشادوا بجذور عائلته في بلادهم، وذلك وفقا لما ذكرت تقارير إخبارية الأحد 30-11-2008.

    ودارت احاديث كثيرة بشأن جذور والد أوباما في كينيا. لكن أوباما اعترف بجذوره السودانية البعيدة في مذكراته التي حملت عنوان "أحلام من أبي".

    وقال ياسر عرمان عضو بارز في الحركة الشعبية لتحرير السودان وهي حركة متمردة جنوبية سابقة تشارك الآن في حكومة ائتلافية مع الشمال "والد اوباما ينحدر من قبيلة ليو وهي من النيل. وقبيلة ليو انتقلت اصلا من السودان الى كينيا".





    ومن رويترز جاء الخبر اليقين ياعبد الكريم

    تذكروا عندما تم إنتخاب أوباما قلنا انا وعبد الكريم انو الزول ده سوداني وابوه كان شغال فى المخازن والمهمات وكان بلعب فى فريق الوحدة فى الديوم وانو باراك ذاتو كان بلعب فى رابطة الديوم ،واكد عبد الكريم انو الشافع ده شايفو بساعد ابوه فى عمل الزراير فى سعد قشرة حيث كان يعمل ابوه هناك فى الامسيات .
    وطبعاً ماصدقتوا كلامنا
    اها جاءكم الخبر اليقين من رويترز
    الوكالة الماخمج
    خلوا كلامنا انا وعبد الكريم
    اها رايكم فى رويترز

    وعاش ابناء بحري حكاماً لامريكا
                   |Articles |News |مقالات |بيانات

11-30-2008, 04:25 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: معاوية محمد الحسن)

    معاوية سلامات

    تصدق هادي دخلة من البحرين.. وبرضو أكل عيش... ونجي ندفعها ضرائب
                   |Articles |News |مقالات |بيانات

11-30-2008, 01:52 PM

عبد الرازق سعيد

تاريخ التسجيل: 06-19-2008
مجموع المشاركات: 787

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: كرش الفيل كل سكانها دناقلة ومحس... بس...

    كمال كرار
    كرش الفيل تضم بين حناياها كل ألوان الطيف السوداني من قبائل السودان ولذلك سميت بكرش الفيل ولكن ربما الأكثرية كما ذكرت دناقلة ومحس ..
    بس أنا عاوز أعرف هل إسم "كرش الفيل" حسبما هو مدون في سجلات الأراضي وإلا مجرد إسم متداول بين الناس .
                   |Articles |News |مقالات |بيانات

11-30-2008, 04:13 PM

عبدالكريم أحمد الامين
<aعبدالكريم أحمد الامين
تاريخ التسجيل: 08-04-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبد الرازق سعيد)

    Quote: في واحد احمراني كدا بيكون حايم في السوق طوالي لابس بنطلون بيجامة وفنيلة داخلية وشايل سيجارة وقلم رصاص وفي حالة تفكير دائم ولم اشاهده يتكلم قط الزول دا قصتو شنو ؟
    والله الزول دا شاغلني جدا من زمن كنا اطغال وقدر ما سألت عنو ما لقيت معلومة لو في واحد فيكم عارف ينورنا وينوبكم ثواب .


    وعلي حسب ماسمعناه من روايات عن عادل :- أنه كان طالباً بكلية الهندسه جامعة الخرطوم ,, وأصيب بهذه الحاله أثناء فترة الامتحانات ,, وأن المشوار اليومي من حلة حمد ينتهي به المطاف الي كلية الهندسه ثم يسترخي بالميدان الشرقي ويعاود الكره الي حلة حمد مرةً أُخرى من دون أن يتحدث مع إى شخص..
    ** لو كان ببلادى رعايه إجتماعيه وصحيه لما وصل عادل لهذه الحاله!!! ولكن أنه الـ سـ و دان...
                   |Articles |News |مقالات |بيانات

11-30-2008, 04:28 PM

عبدالكريم أحمد الامين
<aعبدالكريم أحمد الامين
تاريخ التسجيل: 08-04-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبدالكريم أحمد الامين)

    Quote: ومن رويترز جاء الخبر اليقين ياعبد الكريم

    [
    Quote: U]تذكروا عندما تم إنتخاب أوباما قلنا انا وعبد الكريم انو الزول ده سوداني وابوه كان شغال فى المخازن والمهمات وكان بلعب فى فريق الوحدة فى الديوم وانو باراك ذاتو كان بلعب فى رابطة الديوم ،واكد عبد الكريم انو الشافع ده شايفو بساعد ابوه فى عمل الزراير فى سعد قشرة حيث كان يعمل ابوه هناك فى الامسيات .
    وطبعاً ماصدقتوا كلامنا
    اها جاءكم الخبر اليقين من رويترز
    الوكالة الماخمج
    خلوا كلامنا انا وعبد الكريم اها رايكم فى رويترز


    Quote: وعاش ابناء بحري حكاماً لامريكا


    ابو عوه
    أما عن آخر الاخبار أنو اللوترى للسنه الجايه 2009 حيكون للسودان 25,000 فرصه مُقسمه كالآتي:-
    ** 15,000 فرصه لسكان بحرى ويتم الاثبات بشهادة الميلاد ولقد قامت السفاره الامريكيه بمخاطبة مصلحة الاحصاء بعدم إصدار إى شهادة ميلاد بدل فاقد من تاريخ 30/11/2008 وقامت بنسخ كل السجلات القديمه للمواليد والوفيات الخاصه ببحرى منعاً للتلاعب والتزوير ,, وإنت عارف الجماعه إياهم ملوك التزوير كلهم حيجو يتلصقو ويقولو من بحرى..
    *** 10,000 فرصه لبقية سكان السودان..
    *** رعايا بحرى يتم قبول طلباتهم بموقعهم الشعبي (بحرى ست الهوى والطراوه)..
    *** يكون فرز الطلبات ومقارنتها مع سجلات الاحصاء الرسميه( نسخة السفارة الامريكيه) من الساده:-
    ## المستشاريين :- حسن طه ,, معاويه محمد الحسن ,, عبدالكريم أحمد الامين ..
    والديناصورات:- أنور العجب ,, طارق ميرغني ,, كمال السر كرار ..
    والسيده ناهد بشير الطيب (مُمثلة المرأه)..
                   |Articles |News |مقالات |بيانات

11-30-2008, 04:41 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبدالكريم أحمد الامين)

    Quote: والديناصورات:- أنور العجب ,, طارق ميرغني ,, كمال السر كرار ..
    والسيده ناهد بشير الطيب (مُمثلة المرأه)..


    الحمد لله أتضح أنني أصغر الديناصورات مع العلم بان الفرق بين ديناصور وآخر جيل كامل...


    بعدين يا عبدالكريم يا أخوي.. أنت ما ظلمت ناهد بحبسها في نطاق الجندرة...

    يأخي أنت ما عارف أستاذة ناهد دي كاتبة خطيرة وصاحبة قلم أديب ورشيق..

    عشان كده عوالمها أرحب من ان نسجنها جندريا... فهي يمكن أن تكون ممثلة أدباء بحري

    ودونك البورد وكتاباتها الجميلة
                   |Articles |News |مقالات |بيانات

11-30-2008, 04:22 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    والله يا عبدالوهاب كلامك جايز خاصة بعد فذلكة أبو رزقة بسبب التسمية...

    في تقديري أن كرش الفيل هي منطقة صغيرة جدا.. من الناحية الشمالية يحدها ميدان الخطر.. ومن ناحية الغرب تنتهي ببيت ناس عبدالعزيز هلال.. ومن ناحية الجنوب يحدها شارع الصناعات.. إلى تقاطع شارع الأسفلت قبل شارع الإنقاذ.. حيث تتداخل مع الختمية في هذه الناحية.. والله أعلم..

    (عدل بواسطة Kamal Karrar on 11-30-2008, 04:31 PM)

                   |Articles |News |مقالات |بيانات

11-30-2008, 04:55 PM

عبدالكريم أحمد الامين
<aعبدالكريم أحمد الامين
تاريخ التسجيل: 08-04-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: بعدين يا عبدالكريم يا أخوي.. أنت ما ظلمت ناهد بحبسها في نطاق الجندرة...
    يأخي أنت ما عارف أستاذة ناهد دي كاتبة خطيرة وصاحبة قلم أديب ورشيق..
    عشان كده عوالمها أرحب من ان نسجنها جندريا... فهي يمكن أن تكون ممثلة أدباء بحري
    ودونك البورد وكتاباتها الجميلة


    ودالسر كرار
    دى فرصة العمر لناس بحرى يعني عايز لجنة مُختصه بشوؤن الهجره للولايات المتحده الامريكيه وماشيين لود خالتنا (مُبارك ودالدومه) باراك اوباما بالامريكي - واللجنه مايكون فيها عنصر نسائى ,, يعني الـ 15000 فرصه يضيعوا علي ناس بحرى بسبب عدم تمثيل المرأه في لجنة الفرز - وهي عندنا منو غيرا في بيتنا دا...
                   |Articles |News |مقالات |بيانات

11-30-2008, 07:55 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    أنت في كده يا عبدالكريم...

    ولا ودخالك الليلة وين؟

    أوع يكون قريفتو للفسيخ خلتو يمص الليمونة,,,(وش ممطق)..
                   |Articles |News |مقالات |بيانات

11-30-2008, 08:28 PM

عبدالكريم أحمد الامين
<aعبدالكريم أحمد الامين
تاريخ التسجيل: 08-04-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: أنت في كده يا عبدالكريم...
    ولا ودخالك الليلة وين؟
    أوع يكون قريفتو للفسيخ خلتو يمص الليمونة,,,(وش ممطق)..


    ود السر كرار
    ود خالي بيفرز في طلبات المُهاجرين بتاعين اللوترى وقال لي :- كمال مشاويرو كترت للبحرين دى وماعارف عندو هناك شنو..
    قلت ليهو :- الكلام دا بيجيب الطراوه لكمال.(والعارفو عندو شغل عشان يورد لناس الجبايات في السودان)
    قال لي:- كان كده خليني في فرز الطلبات دى لما يجي كمال راجع من مشوارو...
                   |Articles |News |مقالات |بيانات

11-30-2008, 08:45 PM

ناهد بشير الطيب
<aناهد بشير الطيب
تاريخ التسجيل: 02-08-2008
مجموع المشاركات: 4179

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبدالكريم أحمد الامين)

    e: بعدين يا عبدالكريم يا أخوي.. أنت ما ظلمت ناهد بحبسها في نطاق الجندرة...
    يأخي أنت ما عارف أستاذة ناهد دي كاتبة خطيرة وصاحبة قلم أديب ورشيق..
    عشان كده عوالمها أرحب من ان نسجنها جندريا... فهي يمكن أن تكون ممثلة أدباء بحري
    ودونك البورد وكتاباتها الجميلة








    ياشباب بحرى وديناصوراتها المخضرمين ...
    ده كله مامهم يااخوانا ......المهم
    فيها مشية لامريكا ....
    ولا ندور فى العربى ده
    ونجوده اكتر واكتر


    طارق
    وينك ياخ
    والله جمعتك مبااااالغة عديل عارف انا لقيتها زى عشرة جمعات مختلفات
    جمعة بالفسيخ
    وجمعة بالقراصة
    وجمعة بالفول
    وجمعة ملح ..وقوى ساكت

    الله يديك العافية وبرجع ليك ياطارق





                   |Articles |News |مقالات |بيانات

12-01-2008, 12:32 PM

عبد الرازق سعيد

تاريخ التسجيل: 06-19-2008
مجموع المشاركات: 787

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    يا شباب إجازة العيد بدت وإلا شنو ..
    Quote: ود خالي بيفرز في طلبات المُهاجرين بتاعين اللوترى
    عبد الكريم
    متى موعد إعلان النتيجة علشان نجهز .
                   |Articles |News |مقالات |بيانات

[رد على الموضوع] صفحة 24 „‰ 94:   <<  1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de