Quote: الناس تكتب الشعر بالعربي وبالانجليزي وطارق وود كرار مرشحين لمهرجان الشعر في الاسكا ولسه ما سمعنا ولا قرينا للاستاذ عبد الكريم يبدو ان بعد الهدوء عاصفة
سعادة المُستشار ود طه احب قراءة الشعر ولكن لم يفتح الله علي بتنظيم بيتين منه ,, بالرغم من أن هنالك الكثيرين في العائله ينظمونه مُقفي وغير مُقفي .
تخريمه:- البوست بتاعك عامل عمائل ,, ولكن بعض المُتداخلين من ذوى الافق الضيق الذين يظنون أن البوست ضد الامين العام الجديد والحكومه ,, ولايدرون أن الحقوق تُنزع ولاتُعطي كالإكراميات..
Quote: الأخ/ معاوية محمد الحسن التحية لك أخي معاوية بس حبيت أسألك إنت من حلفاية الملوك ولا من المزاد وهل إنت شقيق محجوب محمد الحسن بعد ما تجيب على سؤالي هذا سوف أرجع ليك شوية للماضي مستني إجابتك مع تحياتي لك
أخوك/ سيف الدين الفاضل
الاستاذ سيف الدين الفاضل والله يااخوى معاويه دا مابرد إلا يوم التالته ,, اها نديك المُفيد علي سعالك :- معاويه محمد الحسن جبريل - المزاد شمال - شارع ناس مُرتضي جمعه والسر ود الجزار .. ** (شفت الشلاقه دى)..
الاستاذ سيف الدين الفاضل والله يااخوى معاويه دا مابرد إلا يوم التالته ,, اها نديك المُفيد علي سعالك :- معاويه محمد الحسن جبريل - المزاد شمال - شارع ناس مُرتضي جمعه والسر ود الجزار .. ** (شفت الشلاقه دى)..
شكرا ليك أخي عبدالكريم على المعلومة نيابة عن معاوية لكن معاوية ما لو حاضن ولا شنو عشان يرد بعد التالثة الله يعينه ويعينا كمان
. البوست تحول لبرنامج "مع المواهب" لكن صراحة ياكمال تمتلك ذخيرة معجمية ثرة وباللغتين وياريتك لو واصلت إنتاجك الأدبي وياطارق القصيدة تحتوي معاني جميلة ومعبرة في حق المرحوم الكد وأكيد عندك إنتاج تاني فلا تضن به كما يفعل الكثيرين من مبدعي بحري .. ويكون كويس لو نزلت لينا شوية ترانيم بالعود في البوست ـ أو حتى بالهارمونيكا ـ على قول أبوكمال.
11-10-2008, 02:45 PM
ناهد بشير الطيب
ناهد بشير الطيب
تاريخ التسجيل: 02-08-2008
مجموع المشاركات: 4180
بدأت لكم قبل ايام موضوع (ايام فى بحرى ) ولم اتممها وقتها لصعوبة وتعثر دخولى للمنبر .....
(2)
بحرى مدينة محايدة تلامس كل القناعات والافكار والفئات .......الا اننى وجدتها هذه المرة بالتحديد مجردة بعض الشىء من الفرح والجمال احسست يها وكأنها تعانى العسر والنكد والاهمال والاوساخ .... ذهبت ذات صباح ممطر وعليل الى مدينة بحرى او بالاحرى الى مكان مولدى .......ووصلت شارع بيتنا الكبير بالصافية ..... بالسينما وانا فى طريقى اذهلنى بنيانها وكأنى لاول مرة اراه .....وسالت نفسى (مابال اولاد حاج الصافى وما الذى دهاهم ليتركوا تذلك المبنى الجميل وقد اعتراه الصدأ..والغبار ...والحزن .... ) ولى فى تلك السينما ذكريات طفولة عارمة ....ساتى لاحقا لذكرها هنا .... فى الشارع الخلفى للسينما وقفت او بالاحرى جلست .....استليت من غور الذاكرة ومن بئر الطفولة بالتحديد بعض الذكريات المغمسة بعسل الطفولة وشقاوتى المعهودة انذاك ....اتانى فى البدء بورتريه فجيعة والدى (رحمه الله) الاديب الراحل القاص بشير الطيب ومنظر جنازته وهى تخرج من هذا الباب ا الازرق اللعين الى غير رجعة ذات عصر كئيب وكالح فى سواد شمسه .... فى كل ركن من هذا الشارع له قصة ورواية ولوحة ولون ساتى لاحقا لذكرها هنا ....
Quote: ووصلت شارع بيتنا الكبير بالصافية ..... بالسينما وانا فى طريقى اذهلنى بنيانها وكأنى لاول مرة اراه .....وسالت نفسى (مابال اولاد حاج الصافى وما الذى دهاهم ليتركوا تذلك المبنى الجميل وقد اعتراه الصدأ..والغبار ...والحزن ....
ناهد بشير سلام .. فعلاً سينما الصافية كانت من المعالم الجميلة في بحري كانت نظيفة ومرتبة وأنيقة كأناقة حي الصافية ومدينة بحري عموماً في ذلك الزمن الجميل حتى من ناحية الأفلام التي كانت تعرضها كانت تختلف عن أفلام دور السينما الأخرى علاوة على ذلك فإن رواد السينما أنفسهم كانوا محترمين والنظام على أحسن ما يكون لذا فقد كانت في إعتقادي من أرقى دور العرض في العاصمة في ذلك الوقت وتفوق حتى سينما النيل الأزرق ..
لا يفوتني في هذا المقام إلا أن أترحم على روح الفقيد جارنا الراحل عادل حسين فهمي الشهير بـ (بللم) فقد عمل في هذه السينما سنوات طوال ربما حتى تاريخ توقفها وياما ساعد أبناء المزاد في الدخول إلى السينما أوقات العروض الكبيرة نهاية كل إسبوع وأيام الأعياد حيث الإزدحام الشديد ..
شكراً لكِ ناهد فقد إثرت فينا الشجون وجميل الذكريات التي نحتفظ بها عن هذا المكان التحفة مع أصدقاء أعزاء لنا وأعدتينا لأيام حلوة لا تنسى مهما طالت الأيام ومهما مرت الأعوام ..
المشاركة التالية من عماد عثمان احمد – جدة الموسيقار اسماعيل عبد المعين – ابو الفن السوداني الجزء الثاني :-
نواصل الحديث عن الفنان الراحل الموسيقار اسماعيل عبد المعين وسنتناول في هذه الحلقة بعض الإضاءات البارزة في مسيرته الفنية والتي لم نتحدث عنها في الجزء الأول :- · اول فنان سوداني يقوم بدراسة الموسيقى وتعود تلك القصة الى ان الفنان الراحل خليل فرح كان صديقا لخال اسماعيل عبد المعين وهو اول من نصحه بالذهاب الى مصر لتلقى اصول الفن والموسيقى بعد ان راى إهتمامه بالموسيقى والتراث وبالفعل عمل بنصيحته وكان ذلك في العام 1937 م حيث كان يرقد الخليل في ذاك الوقت في مستشفى ( النهر ) و سافر الى مصر حيث درس في معهد فؤاد الاول واجاد فنون الموسيقى الشرقية ثم سافر الى فرنسا ودرس باكاديمية (اكول نورمان الموسيقية) وعاد الى السودان بذخيرة لاتنضب وادخل مايعرف بموسيقى ( الزنجران ) حيث عمل على ايجاد صيغة توفيقية بين السلم الخماسي والسلم السباعي ومن اشهر تلك الاغنيات بنات الريل للشاعر البحراوي حبيب حسن جار النبي وهي من الأغنيات الجميلة والتي لم تجد حظها من الإنتشار وسبق ان قام مشكورا الأخ / المكاشفي خضر بشير بإنزال هذه الأغنية في هذا البوست في الصفحة رقم (10) . · بث اسماعيل عبد المعين الحانه من اقاصي الشمال الى اقاصي الجنوب وومن الغرب الى الشرق فاستقى من من الحكامتين ( ام بشاير وام جباير بكوستي ما استطاع من ايقاع الدلوكة ليوظفه في حداثة العاصمة فكان ايقاع ( التم تم ) الذي احدث نقلة كبرى في الغناء السوداني واستخدم الاهازيج الشعبية ليصنع منها غناء يمشي بين الناس يحبونه ويتداولونه فكانت الأغنية الجنوبية الشهيرة (يوم بيوم نبيع الكمبا) والتي تغنى بها الراحل الصداح خليل اسماعيل . . ومن الشرق كانت اغنية يالساكن جبال التاكا ومن الشمال اهزوجة المهدي جاء من دنقلا وتغنى لجزيرة توتي فكانت اغنية ( يا توتي ياجنة فيك الإنسان يتهنئ ). . وكان مهتما باضابير ودهاليز التراث حيث اشار الى ان اللحن الخالد عازة في هواك ماخوذ من الجلالة القديمة التي كانت متداولة في ديار قبيلة القمر بغرب الســــــودان والتي يقول مطلعها ( ود الشريف رايو كمل جيبو لي شلايتو من دار قمر ) وذهب ابعد من ذلك وقال ان لحن اغنية حياتي للفنان احمد المصطفى وهي من كلمات الشاعر مبارك عبد الوهاب ماخوذ من مونولوج شعبي شهير يقول ( حماتي حماتي يا اخت القرنتي وشك انتي محتاج لجونتي جرى منو البعاتي ) . · واعطى زملائه الفنانين العديد من الأغنيات الرائعة التي قام بتلحينها مثل :- · الحاج محمد احمد سرور عميد الفن السوداني واجب الاوطان داعينا وهو من كلمات الشاعر عبيد عبد النور وهو اللحن الوحيد الذي تغنى به سرور من الغير . · الراحل خضر بشير الأغنية الرائعة ايه يامولاي للشاعر محمود ابوبكر . · عائشة الفلاتية اغنية ياحنوني وهي من كلمات الشاعر عبد الرحمن الريح . واغنية اذكريني واغنية سهران والنجوم غابت عني . · سيد خليفة اغنية القماري وهي من كلمات الشاعر عبد المنعم عبد الحي . · افاد الباحث الدكتور الفاتح الطاهر في كتابه الموســــــــوعة ( تاريخ الموسيقى في السودان ) ان قائد سلاح البحرية الأمريكي سمع مقطوعة كان اسماعيل عبد المعين وضعها للحن اغنية من جنوب السودان فأعجبته واستاذن منه بالسماح له بتوزيع هذا اللحن موسيقيا ليكون شعارا للأسطول الامريكي وبالفعل تم ذلك و اصبح هذا اللحن هو شعار الأسطول الأمريكي . · من اغنياته العاطفية والوطنية :- · سهران ليه ياعيون وبنات الريل للشاعر حبيب حسن جار النبي . · في حدائق المقرن للشاعر المرحوم محمد بشير عتيق . · صه ياكنار للشاعر المرحوم محمود ابوبكر . · الى العلا للسياسي المرحوم خضر حمد . · صرخة روت دمي للشاعر المرحوم محي الدين صابر . · نشيد اكتوبر للشاعر المرحوم الهادي ادم . · اغنيات اخرى طريق الفن والبنت الصغيرة وايام طفولتنا وتمر النخيل والطير يحوم . . توفي الفنان اسماعيل عبد المعين يوم 28/5/1984. . الرحمة والمغفرة للموسيقار الراحل اسماعيل عبد المعين طيب الله ثراه .
وختاما اهديكم النشيد الرائع واجب الأوطان داعينا . . اداء مجموعة نجوم الغد وفي هذا التسجيل تم كتابة كلمات النشيد باسم الشاعر عبد الرحمن الريح وانما الصحيح كلمات الشاعر عبيد عبد النور والذي كتب ايضا الأغنية الوطنية الشهيرة ( ام ضفائر قودي الرسن ) ويرى الكثيرون بان هذا النشيد من المفترض ان يكون النشيد الوطني السوداني وذلك لجمال كلماته وقوة لحنه التي تقشعر لها الأبدان . . والسلام عليكم ورحمة الله وبركاته .
للاسف لاأستطيع التداخل معكم لوجود عطل في البنايه التي اقيم بها نتيجةً لاعمال الصيانه ,, ولكن حالياً وجدت نفسي في مكان عام ,, وكمية من الاسيويين بس سوق سعد قشره يوم الوقفه ,, قلنا في سبيل بحرى نستنشق ريحة زيت املا من الجماعة ديل ونكتم نفسنا ,, ونسلم عليكم وناخد لينا غيبه لمن ينصلح الحال .
** كسره :- التمهيد أعلاه خوفاً من الجزاءات الإداريه من سيد البيت ود السر كرار,, ( وزى ماقلت من قبل كما تُدين تُدان..) ودام الود بيننا..
11-11-2008, 11:55 PM
ناهد بشير الطيب
ناهد بشير الطيب
تاريخ التسجيل: 02-08-2008
مجموع المشاركات: 4180
ازيكم ياناس بحرى ..........انتوا وين شكوكو وامجدكرار وحسن طه وسامى عتبانى وايهاب وابراهيم قناوى وين الاخوان الركبوا معانا بوست الطراوة ده من الاول....... الرحلة لسة طويلة .... وينكم المهم حابه اقول ليهم افتقدناكم ...وبالجد بالجد فتحت صفحة واحد واتنين وتلاته وقعدت اقرا فيها ..... اتمنى انكم تكونوا بخير
اخونا سيد محمود ......يديه الف عافية قال .....
بتذكر ونحن صغار كنا بنصلى التراويح مع حبوباتنا وكانت ساحة الجامع تتملى لى عينها بالمصليات وكنا بنكون فى الفوف الخلفية وكانن رغم جهلهن لكن كانن مابيفوتن ولا ركعة واحدة من صلاة التراويح واكتر واحدة فيهن تتعتبر فاهمة البتكون حافظة سورة الفاتحة وكم صورة تانية .. ....وكنت بسع حبوبة جيرانا حاجة اسيا بت نور الشام اثناء سجودها وركوعها .....(ياربى تفتحها فى وش عبود ولدى ....) تسجد اسمعها تقول ....يارب العباد ادى بتى بتول ود الحلال اليسعدها ويهنيها ...وترفع من السجود ...(.والامام يكون بيقرأ فى القرأن) تسمع همهمات من هنا وهناك بالدعوات ....وهناك من ترفع راسها من الركوع وتقول ...احى ياضهرى .....واى يالضهر ......
تذكرت ذكريات اخونا سيد ...... حينما حضرت رمضان هذه السنة فى السودان ...وكنت فى التراويح مع اخوات زوجى فى مسجد بحراوى كبير .....والمطر كان بدا ينزل ...سمعت واحدة قبال الامام مايسلم .......خلاص اتجننت .......وبقت تتململ وقالت .... للمعاها....(هى انا ماشة شارة لى ويكة تلقى هواء المطر اسى شالها ) .....
_______________________
الله يرحمك يانعيمة حبوبتى رحمة واسعة فمنك تعلمت الصلاة الصحيحة .........
11-12-2008, 04:49 AM
Kamal Karrar
Kamal Karrar
تاريخ التسجيل: 11-16-2006
مجموع المشاركات: 3734
Quote: ذكريات اخونا سيد ...... حينما حضرت رمضان هذه السنة فى السودان ...وكنت فى التراويح مع اخوات زوجى فى مسجد بحراوى كبير .....والمطر كان بدا ينزل ...سمعت واحدة قبال الامام مايسلم .......خلاص اتجننت .......وبقت تتململ وقالت .... للمعاها....(هى انا ماشة شارة لى ويكة تلقى هواء المطر اسى شالها ) .....
_______________________
الله يرحمك يانعيمة حبوبتى رحمة واسعة فمنك تعلمت الصلاة الصحيحة .........
تذكرت حاجات الفول زمان...الواحدة في صلاته..أول ما تقرب منها... تقطع صلاتها..عشان تبيع ليك... والعجيبة..يكون معاها طفلها لما يحبو بعيد عنها.. تمشي في صلاتها تمسكو وترجعوا وتواصل
أما حبوبتي فاطمة فضل رحمها الله رحمة واسعة كانت وبعد الصلاة والصلاة الصحيحة تماما...تدعو وبصوت عالي بالخير لكافة أبنائها.. وبناتها...وكانت تقوم الهزيم الأخير من الليل حتى صلاة الصبح ثم تنوم وتصلي الضحى... ونتنظر الظهر وهكذا...رحم الله حبوباتنا جميعا..
11-12-2008, 04:54 AM
عابدون محمد عابدون
عابدون محمد عابدون
تاريخ التسجيل: 07-30-2008
مجموع المشاركات: 2607
من أسعد أيامي في بحري...فقد أنسلت كم وكمين سنة..وأنا لا زلت أنعم بسعادة ذلك اليوم المستمرة.. وأحمد الله على التوفيق الأكبر في حياتي ...واللبيب بالإشارة يفهم
ظرفاء و إحياء في بحرى –الحلقه رقم (9) – عوض الله مصطفي - العين
شخصيات في الذاكرة
بركات الحلبي ( حلة خوجلى )
Quote: بناء على رغبة السيد حسن ميرغني شقيق الأخ طارق ميرغنى نورد بعضا من ملامح شخصية بركات الحلبي . الذي ينتمي إلى حي الحلبة بحلة خوجلى. يقع حي الحلبة في الجزء الشمالي من مقابر حلة حمد بداية حي حلة خوجلى. يقال إن أجدادهم الأوائل اتو مع الحملة التركية و إن اختلف الناس في أصولهم إذ أن البعض يرجح أنهم من مجموعة من غجر شرق أوروبا و يدلل على ذلك بالوشم الذي يرتسم على وجوه و ايادى بعضا من نسائهن و البعض الأخر مع مقولة أنهم من بلاد الشام تحديدا مدينة حلب السورية . اختلفت الآراء أو اتفقت أنهم الآن سودانيون بحكم الميلاد و صاروا جزءا أصيلا من نسيج ست الهوى يمتازون بالطيبة و حسن المعشر و لهم لكنة محبب سماعها خاصة بهم و يتميزون أيضا بالصراحة التامة إذ لا يجدون حرجا في البوح بما في دواخلهم .و اذكر في ذلك قصة السيدة المشهورة التي تم القبض على وحيدها بحرباشة كمنقة و تم اقتياده إلى الضبطية فذهبت شاكية باكية إلى احد رجال الدين و السياسة فوجدته في محفل من أتباعه و مريديه علها تجد مخرجا فأجابها بإجابته الشهيرة نرفع له الفاتحة ففاجأته بلهجة حادة آمره .... ارفع التليفون . كانت منازلهم متشابهة جدا و الرابط الاساسى بينهم شجرة النيم العملاقة التي تتصدر باحة المنزل يتحلقون حولها للسمر و ممارسة إعمالهم الحرة . كانوا في ذلك الوقت مغرمين بالدراجات الهوائية يتجولون بها بين الإحياء لترويج و بيع منتجاتهم كما كانوا بارعين جدا في إصلاح و صيانة إعطاب الأدوات المنزلية و من أشهر الطرائف إن اثنين منهم كانوا على دراجاتهم الأول يمتلك صوتا صداحا رنانا يردد بصوت جهير صلح كراسي ... شد السراير ... صلح مواسير ... صلح بوابير الجاز ... و الأخر خلفه يردد مقطعا واحدا .....وأنا كمااااان . كانوا في الرياضة متعصبين جدا لفريق العامل الذي ضم نخبة متميزة من اللاعبين أشهرهم حافظ عبيد و المرحوم شيخ ادريس جعفر عبد الرزاق وهينو الذين تم تسجليهم في فريق الهلال . كان بركات رجلا ضخم الجثة طيب القلب وديع وباسم اغلب الأوقات و مولعا بازدراد كميات تجارية من الطعام و غالبا ما تجده حاملا كرتونه بها طفل ميت في سرج العجلة لدفنه في المقابر و رغما عن رهبة الموقف إلا انه دائما ما كان يتلذذ بسندوتش ضخم من الرغيف الشمسي لزوم التصبيرة حتى يحين موعد الوجبة الرئيسية إذ انه متعهد دفن الموتى مجهولى الهوية لمستشفى بحري و رغم ضخامة جسمه إلا انه كان مفعم بالحيوية و النشاط إذ كان يمارس السباحة و المساعدة في انتشال الغرقى و كان زيه التقليدي العراقي و السروال الطويل و كانت العجلة الرالي الدبل في ذلك الوقت رفيقته الدائمة في حله و ترحالة يجوب بها كافة إرجاء بحري وهى تئن تحت وطاة الجسد الضخم و غالبا ما كان يشاهد برفقة شقيقه سليم على دراجته و معه القرد على المقعد الخلفي . في مشهد كوميدي من مشاهد تلي مانش كان المرحوم بركات يمتلك إقداما ضخمة جدا لذا كان دائما مايسير حافي القدمين لصعوبة إيجاد مقاس له إذ يقال إن إصبع قدمه الصغير كان نمرة خمسة أدى المرحوم بركات خدمات جليلة بجانب انتشال جثث الغرقى حفر المقابر و تركها جاهزة في وقت كان كثير من الناس يرتعب من سيرة المقابر له الرحمة و المغفرة .
11-12-2008, 12:04 PM
عبدالكريم أحمد الامين
عبدالكريم أحمد الامين
تاريخ التسجيل: 08-04-2008
مجموع المشاركات: 6343
Quote: من أسعد أيامي في بحري...فقد أنسلت كم وكمين سنة..وأنا لا زلت أنعم بسعادة ذلك اليوم المستمرة.. وأحمد الله على التوفيق الأكبر في حياتي ...واللبيب بالإشارة يفهم
ود السر كرار عقبال اليوبيل الماسي .. بس شايف الناس دى كلها بتسأل عن 12/11/##19 ياخوى براك بتجيب لنفسك الطراوه مع الناس الشكاكين ديل كان ختيت ليك إى رقمين ماكان فى زول سعل جنس السعال دا.. ودام الود بيننا..
11-12-2008, 12:16 PM
محمد عبدالمنعم التلب
محمد عبدالمنعم التلب
تاريخ التسجيل: 09-13-2008
مجموع المشاركات: 155
الرائعون اهل الطراوه ... عشاق بحرى ست الهوى مشتاق لى ونستكم السمحه ماداير ابداء بالعتاب ولكن ماسالتو علينا عرفتو الهكر سوا معانا شنو انا طبعا زى وزى ناس السودان كنا بره الشبكه قرابة العشرة ايام وبعد رجوع الاحوال لحالتها الاولى ظللنا نعانى من الخروج من الشبكه لمدة يوم او يومين وبعدها انعدل الحال لكن حالتى غريبه كنت اطالع كل البوستات ولكن مشكلتى الاساسيه لااستطيع الكتابه عدا مره او مرتين وفى بعض الاحوال اكتب وارسل وهنالك واحد من احتمالين اما الرد لايظهر مباشرة اويظهر بعد يوم او يومين واما لا يظهر بتاتا وانا اكتب الان ويحدونى امل ظهور الكتابه بعد عدة محاولات من الدخول على خانة الرد حتى اوشكت ان ا يأس من المحاولة التى استمرت طوال الفترة الماضيه.
على العموم لن ادع هذه السانحه تمردون الاستفاده القصوى منها: اولا: اهنئ سيد الحوش ود السر( على كمين سنه) من السعاده ادامها الله عليه وعلى اسرته الكريمه واحكى له ولكم طرفه من طرائف ام العيال قبل... كم سنه فاجاتنى زوجتى قائله كل سنه وانت طيب!!!! فتسالت عن المناسبه وعرفت بعد حراق روح منها وحبة زعل‘ بانه عيد زواجنا ( كمين كدا) فحقيقة راعنى الرقم الذى ذكرته لى وبدا الاستغراب ظاهرا فى وجهى وماحبيت اغالط عشان مااذيد الطين بلهولكنها فاجاتنى برد مازال يضحكنى كل مااتذكره(انا عارفه انك ماقادر تصدق انه السنين دى كلها مرة بسرعه من فرط السعادة الانتا عايش فيها) وانا ماعارف اخونا كمال والبقيه ينطبق عليهم نفس الشعور ؟
ثانيا:احبى كل رواد الطراوه واثنى سؤال الاستاذه ناهد عن غياب مجموعه العقد الفريد التى ساهمت فى اثراء هذا البوست منذ افتتاحه عسى الايكونوا مهكرين كتهكيرى وما اراكم الله هكرا فى عزيز لديكم .
وحتى لقاء قريب باذن الله
11-12-2008, 12:34 PM
محمد عبدالمنعم التلب
محمد عبدالمنعم التلب
تاريخ التسجيل: 09-13-2008
مجموع المشاركات: 155
نسيت أحيي أخانا الدكتور الأستشاري Orthopedic Consultant الأخ الصغير عمرا.. الكبير مقدارا ...إبراهيم على مجاهداته معنافي إثراء هذا البوست مشاركة عن نفسه ونقلا عن أخي أبو النور...
يا أبو النور... يا أخي ما تذكرت أيام الشقاوة... وتعرضنا لهجوم غادر بالسلاح الأبيض وكيف دافعت عن نفسك بكل شجاعة وأمسكت السكين من نصلها حتى خاب وشل تفكير المهاجم..وكيف أوسعناه ضربا... بصفيحة الفحم بتاعة المكوجي...
أيام يا أبو النور...
وعلى طاري المشاكل أذكر أن جرب طالع جنوبيا...إلى ما بعد الكرنتينة وعندما وصل بت ناس أزهري صالح..هرش وجبن كعادته ورجع غافلا بعد أن تلقى كبعتين من حلقة نحاسية كان يلبسها أخونا الجنوبي في يده..هكذا جرب.. كان دائما لسان سليط من دون حيل...
الصورة أعلاه أستعرتها من أحد المواقع السودانية..وهي عن حملة لتشجير وترصيف المدينة..نتمنى أن تكون الصورة حقيقية...والأخت / ناهد كانت هناك وأوحت بأن عكس ذلك
11-12-2008, 11:01 PM
ناهد بشير الطيب
ناهد بشير الطيب
تاريخ التسجيل: 02-08-2008
مجموع المشاركات: 4180
هى طبعا صور بحرى . جميلة وحتى التشجير مميز برسومات واشكال جميلة ....حملات التشجير بدأت ...بل فى حدائق بقت مليانة بالناس .. وكنت اقصد انى مالقيت بحرى زى زمان ..ناسها ...الفتها ......لطافة جوها الزمان ..... .بصراحة بحرى عايزة اعادة تأهيل شامل ...يكفى انها مخططة كويس .... خسارة المنظر يكون جميل وانت نازل من الكبرى ...وتخش على السوق وتلقى الشىء غير .....كمية من الاوساخ والمجارى الطافحة ....و و و و .البيزعلنى حاجة واحدة ....الشارع الفيه التجار الكبار والبنوك ....فى السوق....... تلقاه ببيع بالملايين فى اليوم وقاعد ليه فى كوم زبالة لامؤاخذة ورجلينه فى الموية الطافحة ......
لكن برضو بحرى حلوة بس كمان عايزنها تكون احلى ...... __________________________
هى طبعا صور بحرى . جميلة وحتى التشجير مميز برسومات واشكال جميلة ....حملات التشجير بدأت ...بل فى حدائق بقت مليانة بالناس .. وكنت اقصد انى مالقيت بحرى زى زمان ..ناسها ...الفتها ......لطافة جوها الزمان ..... .بصراحة بحرى عايزة اعادة تأهيل شامل ...يكفى انها مخططة كويس ....
الأخت/ناهد بشير
والله الصور جميلة بمدخل بحري خاصة على الكباري ، لكن والله أنا جيت قبل أسبوع من السودان وحا أكتب الكثير والكثير عن بحري ، لكن بس حبيت أقول ليك بحري مهما تغيرت برضو حا تظل هي بحري بحلاوتها وطراوتها وعشمنا إنو تكون من أجمل مدن العالم ، أنا ساكن قريب ليك جدا في الصافية لكن والله العظيم شوارع الواحد يخجل يمشي فيها خاصة الشوارع التي بداخل الأحياء أكوام من الزبالة وأي واحد كان عندو إصلاحات في منزله ترك باقي الرملة والطوب المهروس والخرسانة لغاية ما تسد الطريق يعني الواحد يعاني كثير عشان ما يمشي بي رجولو ناهيك عن السيارة ودي حالتا الصافية يعني لو دخلتي شمبات الحلة أو أحياء بحري الثانية تمرقي كيف والله الواحد يحتاج لطيارة هيليكوبتر عشان تنشلو من الوحل والطين وأكوام الزبالة في الشوارع رغم ضيقها . والعجب العجاب سوق الخضار في بحري حدثي ولا حرج . على العموم ده قليل من كثير عن بحري وسوف أفرد حيزا كبيرا لإنطباعي عن بحري والخرطوم وأمدرمان كمان ..
مع تحياتي وتقديري
11-12-2008, 09:44 PM
Kamal Karrar
Kamal Karrar
تاريخ التسجيل: 11-16-2006
مجموع المشاركات: 3734
وهذه صورة ثالثة وهي كما تبدو في المنطقة الواقعة غرب تقاطع السكة حديد/ كوبر..شمال شرق حديقة أركويت سابقا.. وإلى الشمال من طلمبة البنوين التي تقع إلى الشرق من أركويت... مش برضو أحسن من أول؟؟؟؟
11-12-2008, 10:24 PM
ناهد بشير الطيب
ناهد بشير الطيب
تاريخ التسجيل: 02-08-2008
مجموع المشاركات: 4180
قريت ردك ....وانا كانت مشكلتى نفس مشكلتك ....وهسى بوريك تعمل شنو ؟ لكن انت عارف الزمن دة اى شىء بقروش الاستشارة بقروش النضمى بقروش ان درت تمرق مسمار من الحيطة دى ساااكت ...وناديت ليك زول من الشارع يقلعوا ليك من الحيطة يقول ليك 5 الف ..... وبالمناسبة دى ...احكى ليك حاجتين ..... مرة جيت من السفر واول مانزلت من العربية ......جنب بيتنا .....فى طلمبة ومليانة تكاسة كتار المهم ناس الطلمبة والتكاسة وسيد الدكان جوا جاريين يسلموا على ...... سلموا وفاتو والشنط لسه فى العربية ...قلت للوالدة ماتنادى ناس الطلمبة ديل يجوا يساعدونا فى دخيل الشنط دى ....الوالد ة قالت لى (انتى يابتى قايلاهم ياهم الناس الخليتيهم زمان .....اى شىء هسى بقى بقروش)
الحاجة التانية ....
جارتنا مرة لطيفة جدا .....جيت برضو من السفر ولقيتها ماشاءالله عليها عينى باردة صحتها زايدة شويه عجبتنى ...قلت ليها ماشاءالله عليك ياخالتى سعدية بقت عندك جضوم( دى طبعا تعتبر سحرة جاهزة مش بالغت فيها اليوم داك) ضحكت وقالت لى ...(انتى قايلاها شحم الجضوم دى...... ده مامن النفخ ) قلت ليها ...النفخ ؟ نفخ شنو كمان قالت لى ...نحن هنا من الصباح نقول ..5 الف 7 الف 8 الف 4 الف (والف قالتها بنفخة مع مدة بوز لى قدام ) ليه ماتجينا جضوم ياناهد يابتى ...
يلا النوريك حل المشكلة ...
اولا تتصل ببكرى يديك باسورد ...طيب؟
واذا تعذر عليك اوريك الحل التانى ...
افتح internet explore امشى tools ethernet options delete cookies
لو ماظبطت معاك بالطريقة دى امسح الانترنت اكسبلورر ونزله مرة تانية ....
Quote: المشاركة التالبة من عماد عثمان احمد – جده شخصيات من بحري : الراحل المقيم – ميرغني علي مصطفي
- ولد المهندس ميرغني علي مصطفي ببري المحس في العام 1923 م وتلقي تعليمه بمدرسة الخرطوم شرق الابتدائية العريقة والتي اقيم في مكانها حاليا برج البركة وتخرج في كلية غردون التذكارية في العام 1942 م – كلية المساحة – وعمل بعد تخرجه مهندسا بالري المصري كما عمل ايضا بمجلس ريفي الخرطوم وبعد ذلك ترك العمل بالحكومة وتفرغ للعمل الخاص.
- كان ممثلا لمنطقة الخرطوم بحري في مؤتمر الخريجين – الهيئة الستينية- وذلك في العام 1944 م وهو احد الذين اوقفوا تنفيذ مفتش مركز بحري عن نادي بحري وتحويله الي نادي الخريجين.
- انضم الي حزب الاشقاء- حزب الحركة الوطنية – بالخرطوم في العام1945 م.
- اول سكرتير تنظيمي للحزب الشيوعي السوداني وتركه بعد الانشقاق الشهير الذي قاده عوض عبد الرازق.
- اعتقل في العام 1948 م بسبب اشتراكه في تنظيم مقاطعة الجمعية التشريعية البريطانية الصنع في السودان . كما اعتقل ايضا في العام 1951 م بسبب اضراب البوليس الشهير.
- من الذين سعوا لبناء مساكن البوليس جنوب ميدان عقرب – الاشلاق- ومن الذين وقفوا ضد ابو القاسم محمد ابراهيم الوزير في العهد المايوي السابق في مشروعه لتكسير مباني حي الديوم وتحويلها الي الدرجة الاولي.
- من مؤسسي جمعية الصداقة السودانية الصينية وسافر ضمن وفدها الي الصين واستقبلهم الرئيس ماو تسي تونغ واسهمت تلك الزيارة في انفاذ عدد من المشاريع العظيمة وانزالها في ارض الواقع فيما بعد مثل قاعة الصداقة ومصنع الصداقة للنسيج وكبري حنتوب والاكروبات السودانية.
- من خلال عمله كمهندس ساهم في العديد من المشروعات مثل فندق القرين فيلدج ونادي العمال ببحري ومشروع خشم القربة ومشروع سكر غرب سنار ومشروع سكر منقلا وجامعة جوبا والعديد من المدارس ببحري.
- نشرت له مقالات عده في العديد من الصحف وله اربعه كتب لم تطبع بعد.
- تزوج من السيدة الفاضلة نفيسه ختمي وله من الابناء طارق وعامر وحسن ومحمد وعادل ومن البنات ساميه وهدي وسلوى ونوال ومريم.
- كان من محبي الفنان الراحل حسن عطيه فنان الطبقة المثقفة في ذلك الزمن الجميل إضافة الي مصطفي سيد احمد واحمد الجابري واناشيد اكتوبر لمحمد وردي ومحمد الامين . - شقيقه الاكبر والاوحد هو امين علي مصطفي وكانت يعمل ضابط صحة وهو من اصدقاء الفنان الراحل المقيم عبد العزيز محمد داؤود المقربين . وشقيقاته فاطمة – الخرطوم (3) وهي الدة عبد الوهاب تميم واخوانه وزينب – حلة حمد - والدة احمد عبد المنعم حسين واخوانه والتومه – المزاد - والدة محمد عبد الرحمن محمد احمد واخوانه وخديجة – المزاد - والدة عبد العزيز احمد كروم واخوانه .
- توفي المهندس ميرغني علي مصطفي في 7/1/2005 م ودفن بمقابر حلة حمد بالخرطوم بحري . نسأل الله ان يتغمده بواسع رحمته وان يدخله فسيح جناته مع الصديقين والشهداء وحسن اولئك رفيقا.
11-13-2008, 02:19 PM
عبدالكريم أحمد الامين
عبدالكريم أحمد الامين
تاريخ التسجيل: 08-04-2008
مجموع المشاركات: 6343
شكراً علي هذه النبذه التعريفيه للخال ميرغني علي مصطفي ,, وأضيف اليك بأن الخال أمين علي مصطفي يُعد من أشهر ضباط الصحه في السودان وكان يطبق قوانيين الصحه العامه في بحرى كما يطبقها الانجليز في إنجلترا بل وأكثر ,, سكن بمنزل مفتش الصحه ببحري ولايزال هذا المنزل مُخصصاً لمفتش الصحه وهو خلف البنك السوداني الفرنسي عند موقف الحاج يوسف وأقرب الي شارع البوسته.. ** ونقل في السبعينات الي مدينة بورتسودان وكان المسوؤل الاول عن الصحه والنظافه ,, لذا تجد كل من زار بورتسودان في ذلك الزمان يُشيد بنظافتها وإرتفاع مستوى البيئه الصحي ..
** الرحمه للخاليين أمين وميرغني علي مُصطفي..
11-12-2008, 11:17 PM
Kamal Karrar
Kamal Karrar
تاريخ التسجيل: 11-16-2006
مجموع المشاركات: 3734
رحم الله العم ميرغني على مصطفى رحمة واسعة... فكان يتعامل معنا وكأننا رجال كبار ونحن اللذين لا نسوى شيء في حضرته وحضوره... وأذكر أنه وبعد عودته من الصين أقام لنا محاضرة تعريفية عن الصين في الأميرية ( 1 ).. وأمطرنا بمعلومات غزيرة آنذاك...
حتى صباح اليوم كنته بقراء فى البوست وكانت لدى مداخله واحده الان لاحظت انه المداخله اتكررت مرتين بالاضافه للاصليه.
الاخ الراقى طارق ميرغنى لك الشكر على سؤالك والتحيه لاخونا حسن (ابولبه) والرحمه والمغفره لعمنا ميرغنى الذى كان لنا صديقا قبل ان يكون والدا.
الاخت ناهد بشير الف شكر على المعلومه القيمه وسابدا فى تنفبذها فورا ونسال الله الهدايه للهكر والكمبيوتر ولا اراك الله بأساً فى كمبيوتر لديك.
الاخ ودالسر ماعارفك سألت السؤال الانا زغته منه والا انتا حافظ كويس وعايش فى السعاده الوصفته حرمنا المصون.
اها ياجماعه انا لسه جديد اعمل شنو عشان اشيل تكرار المداخله اعلاه والا كان الشغله دى ممكن واحد فيكم يحذفها يكون كسب فينا خير عشان مااقوم اكوجن الوطا وعشان مايفتكر اخونا عبد الكريم انه انا فالح جدا وداير انافسه فى قنطرة الصفحات وكدا مع تقديرى لشخصه فى اجتهاداته المقدره على تعلية هذا البوست.
وبحرى طراوه ......
11-13-2008, 09:09 AM
Kamal Karrar
Kamal Karrar
تاريخ التسجيل: 11-16-2006
مجموع المشاركات: 3734
Quote: العبارة أعلاه بتاعة حنكشة جداوية... ما حقتنا
نحن بنقول "مياهو"...بشديد الياء وفتحها,,, مش أخونا عاطف عمر.. يقول ليك ناس بحري ما بيعرفوا "عمنول"...
هو قايل ناس بحري كلهم "حلب" ناس "هات الشملوخ يا عويس"..
سلامات يا كمال لست هنا بصدد التحدث عن حنكشة ناهد ( الجداوية ) وتلك لعمري حنكشة إن وجدت فسوف تمتد جذورها حتى تصل ( الصافية ) لكنني قد أتت بي الشماتة فقد إتصلت السيدة الفضلى ( بعلتنا ) وهى متابعة متابعة لصيقة لهذا البوست إتصلت - بالطريقة المتفق عليها بيننا - أن المكالمة لا تحتمل التأجيل ولما رددت عليها أماتتني من الضحك بقولها
" جبت لى الكلام في صمة خشمي ، أها ناسك حيطلعونا " حلب " على كبرنا "
لكن هذا وذاك لا ينفي ( كم الكلمات ) التي أراها عادية بل أراها ذات نسب عريق بلغة العرب الفصيحة وكيف كنت حين أرددها على مسامع نسابتي ( رغم عدم حلبنتهم ) ينظرون إلى وكأنني أقول لغة صينية .
لكم التحايا نسابتي الأعزاء
11-13-2008, 04:26 PM
Kamal Karrar
Kamal Karrar
تاريخ التسجيل: 11-16-2006
مجموع المشاركات: 3734
Quote: لكنني قد أتت بي الشماتة فقد إتصلت السيدة الفضلى ( بعلتنا ) وهى متابعة متابعة لصيقة لهذا البوست إتصلت - بالطريقة المتفق عليها بيننا - أن المكالمة لا تحتمل التأجيل ولما رددت عليها أماتتني من الضحك بقولها
" جبت لى الكلام في صمة خشمي ، أها ناسك حيطلعونا " حلب " على كبرنا "
عاطف عمر.. سلامات يا راجل...
معقولة حد يشمت في أم العيال؟؟؟؟
أها أن نفشل ليك شماتك.. بعلتكم الله يديهاالعافية إن كانت من شارع الشلالية... تبقى مننا وفينا... شقيقي الأصغر متزوج من نفس شارع الشلالية وهي بنت سعدالدين ضيف الله يمكن تكون قريبتها كمان.. وناس رستم .. أشهر الأحلاب ..نسابتنا حيث أن عمي جعفر كرار متزوج منهم...السودان ما ضيق يا عاطف يا أخي... يمكن كل واحد مننا عنده نصيب في أي قبيلة من قبائل السودان... ورفاعة بتاعتكم دي لو قلت ليك عندي أهل فيها بس خليها لوقتها... وحتى أمتداد الدرجة الثالثة بتاعكم ده برضو هبشناه...أها شنو ليك؟
دحين نعتذر من أم العيال.. ونقول ليها الشلالية أجدع ناس...وصديقي طارق ميرغني متهم بأنه حلبي... مع إنو من الهلالية "عرب جزيرة يعني" مش أخير قبيل؟؟؟
محمد التلب سلام هناك حلين :- أما أن تكتب مداخلة جديدة وتروح على أي من المداخلتين المتكررتين وعلى تعديل وتضع المداخلة الجديدة مكانها ، أو تدخل على أي من المداخلتين المتكررتين - تعديل - ثم تحذف المداخلة المتكررة وتكتب مكانها حذف للتكرار . الحل الأول أفضل .. لا يمكن لأي أحد آخر غيرك حذف مداخلتك أو التعديل فيها خلاف صاحب الموقع طبعاً .
11-13-2008, 01:49 PM
عابدون محمد عابدون
عابدون محمد عابدون
تاريخ التسجيل: 07-30-2008
مجموع المشاركات: 2607
عبد الكريم .. سلامات انا شايف اسمك كآخر مشاركة لكن لما فتحت البوست ماظهرت لى ماعارف السبب شنو .. المهم انا كلمت الحاج حمد يخطف رجله عليكم بى جاى عشان كدة عليك الله كلم كمال يجهز الشربات والبلح
عابدون
11-13-2008, 03:15 PM
عبدالكريم أحمد الامين
عبدالكريم أحمد الامين
تاريخ التسجيل: 08-04-2008
مجموع المشاركات: 6343
Quote: عبد الكريم .. سلامات انا شايف اسمك كآخر مشاركة لكن لما فتحت البوست ماظهرت لى ماعارف السبب شنو .. المهم انا كلمت الحاج حمد يخطف رجله عليكم بى جاى عشان كدة عليك الله كلم كمال يجهز الشربات والبلح
العزيز عابدون المُداخله موجود تحت صورة وموضوع الخال ميرغني علي مُصطقي .. لو علينا صاحب النجمه يستحق يضبحو ليهو لكن هو جاى لبيتو الكبير ومافي زول بيرحبو بيهو في بيتو.. ودام الود بيننا..
العزيز عابدون بالرغم من حبي للالوان الهادئه وهي الابيض والازرق بكل درجاته ولكن يكفي أنه من بحرى وفي بحرى من الشعبيه التي تعلمت فيها اول حروف الابجديه.. ** الخلاف في اللونين الرياضي والسياسي لايفسد للود قضيه ,, مع دوام وجودهم في مركز الوصافه...
11-13-2008, 06:30 PM
عبدالوهاب علي الحاج
عبدالوهاب علي الحاج
تاريخ التسجيل: 07-03-2008
مجموع المشاركات: 10548
ناس بحري الحلوين زحمة الشغل و بوست الشعبية الذي هو امتداد لجمال بحري يشغلنا و لكن اتابعكم و اتابع هذا التوثيق الجميل لبحري الجميلة و لناسها الرائعين.. ابداعاتكم و كتاباتكم تاخذ الوقت لما أدخل على البوست لذلك أقرأ لكم و استمتع بالقراءة أكثر من الكتابة .. أولاد الشعبية يشاركوا و يمثلونا خير تمثيل..الأخوان حسن طه و عابدون محمد عابدون و عبد الزهاب علي الحاج و أمجد عابدون و كمال كرار الذي نعتبره من أولاد الشعبية..
ناهد بشير مشاركات رائعة و بحراوية حتى النخاع التحية ليك و بحري خير و برضو أنا من جدة و جدة خير و خلينا غير ما دام حنكشتوها..
11-13-2008, 08:17 PM
ناهد بشير الطيب
ناهد بشير الطيب
تاريخ التسجيل: 02-08-2008
مجموع المشاركات: 4180
Quote: ناهد بشير مشاركات رائعة و بحراوية حتى النخاع التحية ليك و بحري خير و برضو أنا من جدة و جدة خير و خلينا غير ما دام حنكشتوها
الاخ الحاج ..... التحيات النواضر ...
يااخى نحن نحمل (بحرى الحقيقة ) و(بحرى المجاز ).... نحمل بحرى معناعبر الحدود لتستقر معنا فى مهاجرنا بل ونحملها فى كل الاتجاهات ...نستذكر دروسها لنا .. خوفها علينا ...لهفتها للقاءنا ...و...
_____________________________________________
الكلام كتير لكن ...نقول (بحرى خير ) ..... تحياتى ....
11-13-2008, 11:06 PM
Kamal Karrar
Kamal Karrar
تاريخ التسجيل: 11-16-2006
مجموع المشاركات: 3734
شباب بحري كيف الحال من الاسبوع الماضى لم ادخل على البوست ،وماشاء اللة وجدتكم وصلتوا صفحة 22 وبقيتوا شعراء كمان .
الاخ كمال بمناسبة صور الحدائق فهناك حديقة مفتوحة جوار حديقة اركويت مقابلة لمحطة البترول وهى بالمجان عشان كدة يطلق عليها روادها اسم حبيبي مفلس وهى خاصة بالمجكسين الفلسانين
11-13-2008, 09:30 PM
محمد عبدالمنعم التلب
محمد عبدالمنعم التلب
تاريخ التسجيل: 09-13-2008
مجموع المشاركات: 155
Quote: الاخ كمال بمناسبة صور الحدائق فهناك حديقة مفتوحة جوار حديقة اركويت مقابلة لمحطة البترول وهى بالمجان عشان كدة يطلق عليها روادها اسم حبيبي مفلس وهى خاصة بالمجكسين الفلسانين
عليك الله يا معاوية يا أخوي,,
مع الفلس في جكس!!!
11-13-2008, 10:16 PM
Kamal Karrar
Kamal Karrar
تاريخ التسجيل: 11-16-2006
مجموع المشاركات: 3734
هسع يا وهبة لو كل مشارك في بوست الشعبية وبوست بحري ..دفع عشرة آلاف جنية بالجديد.. ما ممكن نكوِن شركة ونشتري المطبعة بالعمارة الفيها؟؟؟ وإن شاء الله بعد داك نعملها وقف لتلاميذ بحري....
11-13-2008, 10:26 PM
عبدالوهاب علي الحاج
عبدالوهاب علي الحاج
تاريخ التسجيل: 07-03-2008
مجموع المشاركات: 10548
كمال كرار من الصورة يتضح أن السوق حايكون سوق متكامل يعني ممكن نسميه بحري هايبر ماركت ، أود أن أبشر الجماعة الذين كانوا مثار الحديث قبل عدة مداخلات بأنه حتى الفسيخ تم تخصيص قسم خاص له في هذا السوق حتى لا يتم تهميش أي فئة ..
11-14-2008, 07:58 AM
عبدالوهاب علي الحاج
عبدالوهاب علي الحاج
تاريخ التسجيل: 07-03-2008
مجموع المشاركات: 10548
Quote: فلابد من وجود جهات فاعلة تحمي المستهلك والتاجر وضبط جودة والله السودانيين بقو ماشين بي يالطيف .
أخي /عبد الوهاب هذا الذي يحدث في السودان هو نتاج لما يسمى بسياسة التحرير الإقتصادي الدولة فاهماه غلط وطبقته في الزمن الخطأ في خضم الحصار الإقتصادي على البلد ، فالتجار وجدوه فرصة للبيع بالأسعار التي تحقق لهم أرباح فاحشة والدولة تقف موقف المتفرج بحجة أن ما يحدث هو تحرير إقتصادي رغم أن هذا الذي يحدث حقيقة هو فوضى إقتصادية ففي أي دولة تطبق تحرير التجارة هناك جهة ما تراقب السوق وتتدخل إذا حدثت أي تجاوزات أو مخالفات من التجار أو إذا حدثت أزمة في أي سلعة ما تقوم بفتح باب الإستيراد لهذه السلعة في أسرع وقت ممكن ، السعودية مثالاً تطبق سياسة التحرير الإقتصادي ولكن هذا لا يمنع وزارة التجارة من التدخل الفوريً في مثل هذه الحالات وتطبيق أقصى العقوبات بحق المخالفين ، وتقوم إذا وجدت شح في أي سلعة ما بالتدخل السريع بما يضمن توفر هذه السلعة قبل حدوث الأزمة ، أما عندنا فيبدأ التحرك للمعالجة بعد حدوث الأزمة وتفاقمها مثل ما حدث في سلعة الأسمنت قبل عدة شهور إضافة إلى تضارب الصلاحيات بين الجهات المعنية حيث تقوم أي جهة بالتنصل من المسئولية وتحميلها إلى الغير والنتيجة أزمة يقع عبئها على عاتق المواطن المسكين ... أذكر أيضاً أن عبد الرحيم حمدي وزير المالية الأسبق قال في أحد اللقاءات الصحفية أنه ندمان لأنه لم يلغي وزارة التجارة وتحويلها إلى مجلس بحجة عدم الحاجة إليها في السوق الحر وأن الدولة لا يستوجب عليها أن تتدخل بمنطق أن السوق من خلال العرض والطلب يستطيع أن يضبط نفسه هذا طبعاً كلام سخيف وفهم قاصر دحضته الأزمة المالية العالمية التي أكدت أهمية الدولة وتدخلها في بعض الأحيان لتحقيق الإستقرار الإقتصادي وبالتالي حماية المواطن وتحقيق رفاهيته .. لدينا جمعية لحماية المستهلك ولكن لا أعتقد أن لها دور إيجابي فيما يحدث أو ربما لا يعتد بمقترحاتها أو توصياتها وإلا لما وصلنا إلى ما نحن فيه الآن .. هذا والله من وراء القصد ..
Quote: يا ناهد المدام قالت ليك الكرم القاصداهو ده كريم فاتيكا؟؟؟؟؟
اخونا طارق اولا سلامى لست بيتك واولادها .... لع لع ...مافاتيكا ...الجنبو التانى الاصفر المدور ... ...ثم كلمها انه ده هنا بى 54 ريال ..كيف بقدرة قادر بقى بى الفين جنيه هناك..
زمان كنا بنشيل الشامبوهات من هنا ونسافر السودان ..اها لما بقت الحاجات متوفرة فى السودان قلنا بلا شيل بلا لخمة بلا ميزان ... قمنا اشترينا شامبو من هناك وبسعر منخفض جاتنا حكة انا والبنيات فى جلد راسنا ..
جنبنا بقالة فى السودان بقالة كبيرة ... جيت اشترى منه تونة سألته من السعر قال لى ( ملحوظة التونة شركة واحدة)..دى بى 5 الف ودى بى الف ونص ...قلت ليه ؟ قال لى ام الف ونص مدتها انتهت ...تخيل روعة المنظر ياطارق ... زول مابخاف الله ...
Quote: ثالثا ابن العمه عاطف عمر وينك ياباشمهندس تحيه عطره لك وللاسره ولام العيال قريبتى
إبن الخال العزيز محمد التلب لك وأسرتك الصغيرة وللحاج والحاجة وأحمد وأسرته وماجدة تحياتنا ومحبتنا نحن بخير ، نجري ذات الجري ونعافر ذات المعافرة وبين هذا وذاك نقتنص من الوقت دقائق نلاقي فيهم الأحباب ، تارة لقاءات وجهاً لوجه وتارات أخرى لقاءات ( شاشة لشاشة ) أو ( كيبورد لكيبورد ) مروحين عن القلوب ساعة بعد ساعة
دمت والأحباب في صحة وهناء
11-14-2008, 12:36 PM
ناهد بشير الطيب
ناهد بشير الطيب
تاريخ التسجيل: 02-08-2008
مجموع المشاركات: 4180
قالوا كترة التكرار بتعلم .... كنت مابعرف التكتح لكن ده يورينى وداك يورينى (ماقصروا يديهم الف عافية) منها بقيت سينير فى كيفية الدخول للمنبر ....طبعا فى طريقة تانية اللى هى انه زول يديك رابط المنبر العام ...يعنى تكون بالماسنجر العادى مع بوردابى وقبل ماتفتح سودانيز تخش باللنك البيرسله ليك (دى كانت مشكلة لانه دخولى كان مرتبط بصحيان الزول ده من النوم)
Quote: قمنا اشترينا شامبو من هناك وبسعر منخفض جاتنا حكة انا والبنيات فى جلد راسنا ..
ناهد بشير أبو ألفين بودّي لي وين .. الكريمات المعروضة في الصورة تكفي شمس ساعة واحدة فقط لإنهاء صلاحياتها هذا إذا لم تكن منتهية أصلاً ، وأبو ألفين يا دبي من من سعره يعني أنه أما منتهي أو مقلد وغير مطابق للمواصفات وبالتالي مضر بالصحة فكيف تسمح الجهات المعنية على بيع مثل هذه السلع وعلى عينك يا تاجر وهي تعرف مضارها الصحية ، البنات لدواعي الفقر مصرين على شراء هذه الكريمات والنتيجة في العادة تكون عكسية فالبيضاء تتحول إلى بمبية والسمراء تبقى كحلية وهكذا وبدل من أحفظ مالك ، تفقد الأسر كثير من المال كرسوم للأطباء وقيمة الأدوية لعلاج الضرر الذي تتسبب فيه هذه المستحضرات المضروبة ..
صفحة 22 دى متنوعة كدة مالها ... كريمات واسواق وتخفيضات ومجارى.. (غايتوا بوظنا لكمال البوست ..لكن بنرجعه ليه )
عارف احسن حاجة الزول يشترى ادوات التجميل من الصيدليات.. والادوات الكهربائية من مصدرها او شركاتها...
زمان رمضان ... كم سنة بنشتغل بخلاطة واحدة ومقاسمننا فيها الجيران كمان هسى رمضان الواااااحد ده تشترى تلاتة خلاطات ... خلاطة للعشرة الاوائل وخلاطة للعشرة الفى النص وخلاطة للعشرة الاواخر... وان بقيت كمان مشيت العمرة تجيب خلاطة لشهر شوال
سلام يارزقة
11-14-2008, 05:29 PM
Kamal Karrar
Kamal Karrar
تاريخ التسجيل: 11-16-2006
مجموع المشاركات: 3734
مداخلة بسيطة مني في البوست عبارة عن كلمات شكر للأخ العزيز عبد الرازق ارجوا منك إنزالها في البوست ولك خالص مودتي . . معليش الرسالة الأولى بها خطا في كلمة يعينك لذا صححت الخطأ في الرسالة الثانية
تعجز كل كلمات الشكر والتقدير والثناء ان تفي الاخ العزيز والصديق عبد الرازق سعيد (ابو محمد ) حقه نظير إنزاله مشاركاتي السابقة والتي بلغت حوالي 25 مشاركة دون كلل او ملل ببوست معشوقتنا بحري ست الهوى والطراوة وربنا يعينك ويقدرك على الـ 75 مشاركة القادمة
عماد عثمان احمد - جدة
الرسالة أعلاه وصلت من أخينا / عماد عثمان .. وهي كما هو واضح موجهة للأخ/ أبو رزقة...
أما عن الجزء الخاص بي فأقول ليه يا عمدة.. ما عليك نحن جاهزين غير أن هذا لن يفت من عضدنا في مطالبة الأخ/ بكري في إعطائك جواز مرور لهذا الأسفير.. وأنا في إنتظار مساهماتك يا عماد..
Quote: لعناية الاخوين كمال وطارق ميرغني الصورة دي تمثل بداية المرحلة الانتقالية من التصوير الابيض واسود الى الملون عندي سؤال للعريس الحفلة كانت بكرومة ولا سرور ؟
العزيز وهبه الحفله كانت بزنقار والقيدومه باولاد المورده والصُبحيه بأولاد شمبات..
11-15-2008, 01:35 AM
ناهد بشير الطيب
ناهد بشير الطيب
تاريخ التسجيل: 02-08-2008
مجموع المشاركات: 4180
Quote: وربنا يعينك ويقدرك على الـ 75 مشاركة القادمة
الأخ/ عماد عثمان حتى لو وصل عدد هذه المشاركات لألف مشاركة فأنا أتشرف بذلك ومن أجل عيون بحري كل شيء يهون وسوف نستمر في الدعم حتى يتكلل بحصولك على العضوية الذي أراه قريباً ، وما دام معنا الفنان الكبير سمير غانم حط في بطنك بطيخة صيفي ..
Quote: يا عبد الكريم بقدرة قادر بقيت انا الفاتح شوال السكر اشرح لينا الموضوع ده كيف حصل عشان ما نكون سرقنا احدي حقوق الملكيه الفكريه القايمين فيها اليومين ديل
ياطارق والله بعد غزوة الهكر ممكن تتوقع إى حاجه يعني صور بحرى الجميله الكانت في ص.10 زى ماقال ابورزقه لقي محلها أفارقه في مؤتمر ,, مابعيد تنوم وتقوم الليله تلقي بحرى طراوه في ص.45 ..
** نجي لموضوع شوال السكر والذى تحول بقدرة قادر من اول الصفحه للمرتبه الثانيه والتحليل المنطقي:-
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة