|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
Quote: رابطة طلاب بحري بجامعة القاهرة فرع الخرطوم : وهل يستقيم الحديث عن بحري دون التطرق لرابطة طلاب بحري بجامعة القاهرة الفرع ، لقد كانت الرابطة نوارة العمل الإجتماعي ببحري منذ نشأتها وحتى إنتهائها بقيام جامعة النيلين وتفشي النزعة الفردية في المجتمع السوداني بدلاً من روح العمل الجماعي .. تأسست الرابطة عام 1985م من مجموعة من أبناء بحري الطلاب بجامعة القاهرة منهم :- - من حلة حمد عصام عمر السيد وشقيقه عماد خالد عفيفي - من الدناقلة علاء الدين جعفر كمال نقد خالد شلبي أسامة عبد الكريم صلاح إسماعيل نور الدين لاشين - من الشعبية عماد محمد عبد الدائم (شكوكو) مجدي كنة متوكل أحمد علي (كلبظة قطب المريخ) محمد إبراهيم حمود - من المزاد مدثر عثمان ، وبعض الأخوان الآخرين والأخوات .. تداعى هؤلاء الأخوة لتكوين الرابطة وتم تشكيل أول مكتب تنفيذي برئاسة عصام عمر السيد (حالياً محامي بالخليج) ، لقد كانت الرابطة بمثابة الجنين الذي ولد عملاقاً حيث بدأ نشاطها في إقامة الكورسات الصيفية والأسابيع الثقافية وإحتفالات التخرج وإستقبال الطلبة وغير ذلك من المناسبات .
وتم تأسيس فريق كرة القدم الذي شاد أمجاداً لبحري حيث كان كثيراً ما ينافس في دوري الروابط والجمعيات بجامعة القاهرة الفرع ، وكان من أميز لاعبيه من الدناقلة حسن طه (غانا) لاعب الإتحاد وعبد المنعم محمد صالح (عبود) حارس الإتحاد وعماد الدين عثمان أحمد الكاتب الممتاز في هذا البوست ، ولكنه ترك الفريق بعد إضاعته لضربة جزاء شهيرة في نهائي كأس الروابط فتسبب في حلات إغماء وسط الأخوات وحزن شديد وسط الجميع وكان في السنة الأولى تجارة فغادر الرابطة ولم يعد حتى اليوم . ومن حلة حمد : فليتو ومحمد سر الختم ومن الوابورات عمار علي حسن ومن الشعبية وليد عبد اللطيف (لاعب العامل والرابطة والشعبية) وعاطف خليفة ونزار خواجة ومن الصبابي زاهر عمر عثمان وغيرهم . وقد تعاقب على رئاسة الرابطة بعد عصام عمر ، علاء الدين جعفر ، أحمد غبوش (من حلة خوجلي) الآن في القضاء ، عمر العبيد (الدناقلة جنوب) والآن محامي بالسعودية ، عمر محمد الخليفة الجعيص (الوابورات ثم الحلفايا) ومختار عبد الصمد (الشعبية) الصادق عثمان أحمد (الشعبية) ومن الصبابي جمال مصطفى حسن أحمد (فرفور) الفنان المشهور . وللرابطة دور كبير في ظهور جمال الفني ، وكمال يقول لي صديقي المحامي محمد محي الدين (أن حي الصبابي قد قدم جمال فرفور لبحري ، وقد قدمته رابطة لكل السودان) حيث إبتدأ جمال فرفور الغناء بصورة نظامية من خلال الأيام المفتوحة وحفلات التخريج التي كانت تنظمها الرابطة مما ساعد كثيراً في صقل موهبته المتوقدة ، بالطبع إضافة إلى تأثير حي الصبابي العريق عليه وتأثره بالمرحوم ميرغني وفنان بحري أيوب فارس .
نزجي التحية لهم جميعاً أينما كانوا ، ونرجو أن يكون هذا البوست موضعاً لتداعي الذكريات عن الرابطة من أعضائها القدامي المنتشرين في شتى أنحاء العالم .
خالد عثمان أحمد- جدة
|
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: عبد الرازق سعيد)
|
Quote: وتم تأسيس فريق كرة القدم الذي شاد أمجاداً لبحري حيث كان كثيراً ما ينافس في دوري الروابط والجمعيات بجامعة القاهرة الفرع ، وكان من أميز لاعبيه من الدناقلة حسن طه (غانا |
افرح عندما أجد آخرين يحملون نفس الاسم
التحية ل حسن طه لاعب الكرة المميز
الملاحظ ان العزيز صاحب الاسم المطابق
من الدناقلة قبيلة او حيا.
وهو ما ينطبق
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: حسن طه محمد)
|
ألأخ كمال السر كرار
لك مني أجمل التحايا و الود
وفعلا زي ماقلت أنا سادي خدمة حتى وصول الأخ أبوالنور و أسمح لي أحكي ليك واحدة من
قصص أبو النور مع التحكيم!
كورة نار في ميدان عقرب الدرجة الثالثة تقريبا التاريخ في النصف الثاني من السبيعينات و
المباراة بين
الأمير و الكدرو و لك أن تتخيل شكل الجماهير و الميدان في ذالك الزمان ... الميدان ممتلأ
بالجماهير و حول الميدان تقف الباصات الصفر( الكدرو – الحلفاية – وشمبات ) بعض الجماهير
حجزت لها مقاعد فو ق روؤس الباصات... والبعض مدججين بالسلاح الأبيض و هوعبارة عن
عكاكييز مضببه أي مغطاة بالجلد.... المرحوم أحمد بائع التسالي الرائع يتجول بعجلته
الرالي العتيقة بين الجماهير وهو ينادي ( سلي نفسك.... تعال بكرة الكوكب – التذكار) و كان
يحفظ جدول الدوري في المدن الثلاثة عن ظهر قلب.
حكم الوسط الحكم خالد عبدالحمن و أنور العجب رجل الراية من الناحية الشمالية
الغربية من الميدان بدأت المبارة ووالمذيع المحلي لميدان عقرب جمعة و طبعا الرأس مصلح بعد
مقيلة كاربة.... وجمعة و ميكرفون الصفيح و التعليق( ود كموش معاهو الكورة وماشي .....و
ماشي.... ود كموش شايت طويل..... وهكذا اللعب يدورسجالآ بين الفريقين حتى جاءت اللحظة
التي أشار فيها رجل الخط ( ابو النور) لحالة تسلل فلم يحتسبها الحكم... و تكرر الأمر للمرة
الثانية فما كان من أبو النور الا أن يضع الراية على الخط و عندماهم بمغادرة المكان و هنا تعالت
صيحات بسبه من بعض الجمهور فما كان منه الا أن هجم علي تلك الناحية و أوسعهم ضربا ...
حتي تدخلت الشرطة وبوليس السواري و فضت الأشتباك ... و في اليوم الثاني كتبت الصحف
الرياضية تقول ( حكم يعتدي علي الجمهور و كتب عوض أبشر الصحفي الرياضي في عموده ...
رجل الخط العجيب..)
و نقل الخبر عبر البرنامج الرياضي للأذاعة و الذي كان يذاع قبل أخبار الثالثة ظهرا وصادف
أن كان نميري في تلك الأيام يقوم برحلة للصين... فقال له أحد الظرفاء ( دقتك للجماعة ديل
..الأعلام غطاها أحسن من زيارة الرئيس للصين.......)
بعد ذلك أستدعت لجنة التحكيم الحكم أبو النور و كان رئيسها الحكم عبيد أبراهيم و السكرتير
الحاج هاشم و كان من ضمن الحضور الحكم المشهور و أحد اعمدة التحكيم في السودان الخليفة
موسى الذي قال له نحنا دايرين حكام زيك كدة يجوا الناس يشتكوا منهم.... وانشاء الله الأسبوع
الجاي عايزين نشوفك هنا في دار الرياضة أم درمان حتكون حكم وسط مبارة الدرجة الثانية
بين الزهرة وأبو سعد ولحسن حظ ناس أم درمان كان أبو النور بيستعد للسفر لمواصلة الدارسة
بالهند......
ولم تكتمل فرحة لجنة التحكيم .... ___________________________________
لكم مني كل الود و للحديث بقية حتى وصول أبو النور غدا أنشاء الله من المنطقة الغربية
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: عبدالكريم أحمد الامين)
|
Quote: يايوم بكره ماتسرع ,, يعنى بكره ابو النور العريس المُرتقب حيتحفنا,, نحن في الإنتظار.. |
عبدالكريم.. أبو النور ده مستودع للمعلومات عن بحري وأهل بحري لا أول ليه ولا آخر... أكاد أجزم بأنو بيعرف إي زول تداخل في هذا البوست حتى لو الزول ما بيعرف أبو النور... وبرضو عندو نكات عفوية ظريفة... هاك التصبيرة دي...
طبعا بتعرف صلاح جرب صديقي وصديق أبو النور اللدود.. كان كل ما يرجع أبو النور من السفر يجننو بالشحدة.. شنو يا أبو النور ما جبت لي معاك حاجة.. بنطلون ..قميص ..ساعة.. أي حاجة المهم أبوالنور يزهج منه.. وينبذو وما يخلي ليه صفحة... وفي مرة وبعد وفاة عمنا محجوب جبارة (والد صلاح) رحمه الله... وبعد ما حضر أبو النور من السفر مشى يشيل الفاتحة مع صلاح وهو بادي التأثر...وجلس بعد أداء الفاتحة.. فبادره صلاح قائلا: شنو يا أبو النور ما جبت لود المرحوم حاجة؟؟.. فكان أن كتم أبو النور ضحكته.. وقال ليهو إن شاء الله وكل ما يطلب صلاح جرب حاجة يرد عليه أبو النور أن طيب..وحاضر.. وإن شاء الله.. فتعجب صلاح جرب.. وسأل أبو النور .. وقال ليهو.. مالك مؤدب معاي كده الليلة وما شاكلتني.. فرد عليه أبو النور: فأما اليتيم فلا تقهر....فأنفجر المجلس الذي من المفروض أن يكون مجلس عزاء ضحكا... أبو النور .. نكاته عفوية.. وظريفة...
====================== يلا يا أبو النور
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
Quote: وفي مرة وبعد وفاة عمنا محجوب جبارة (والد صلاح) رحمه الله... وبعد ما حضر أبو النور من السفر مشى يشيل الفاتحة مع صلاح وهو بادي التأثر...وجلس بعد أداء الفاتحة.. فبادره صلاح قائلا: شنو يا أبو النور ما جبت لود المرحوم حاجة؟؟.. فكان أن كتم أبو النور ضحكته.. وقال ليهو إن شاء الله. |
ود السر كرار
هاك دى عن صلاح جرب بعد وفاة العم محجوب جباره ,, كالعاده قاعدين في الخور كل الشله إياها ومعاهو ودسعد (سعد ميرغني) وصلاح شابك ليك الجماعه حليفه , وتربت الوالد وتربت الوالد ,, ودسعد قال ليهو كرهتنا الخور هو الوالد دا كان بروفسير ماكان راقد في برندة الدكان وكان بيسمع فى ونستنا الفارغه دي.. (برندة دكان ناس صلاح جرب العلي الشارع الرئيسي)
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: عبدالكريم أحمد الامين)
|
Quote: وفاة العم محجوب جباره ,, كالعاده قاعدين في الخور كل الشله إياها ومعاهو ودسعد (سعد ميرغني) وصلاح شابك ليك الجماعه حليفه , وتربت الوالد وتربت الوالد ,, ودسعد قال ليهو كرهتنا الخور هو الوالد دا كان بروفسير ماكان راقد في برندة الدكان وكان بيسمع فى ونستنا الفارغه دي.. (برندة دكان ناس صلاح جرب العلي الشارع الرئيسي) |
حلوة دي يا عبدالكريم... لأنو قدرت أتخيل صلاح جرب.. عندما يفحم بالكلام... شكلو بيكون بايخ.. ويحنن وما بيقدر يرد غير النبذ.. ثم يضحك من نفسه ضحكتو المألوفة..
وطبعا سعد ميرغني شكاك.. لسانو متبري منو.. وكان من اللذين يفحمون جرب...
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Ibrahim Elagab)
|
Quote: قصص أبو النور مع التحكيم!
|
يا دكتور إبراهيم القصة دي تفاصيلها كانت رايحة لي....أبوالنور دي صاحبي وبعرفو ليك كويس... قصصو كثيرة... وبمناسبة دراستو في الهند.. طبعا كان في منطقة أعتقد في الجنوب أسمها جلكودي أو جلهودي غايتو حاجة اودي.. بعدين جاء للتدريب في مطار سانتا كروز في بومباي... سألتو قلت ليه: كيف بومباي يا أبو النور؟؟؟ هز رأسه بطريقته المعهودة وقال: يا أخي دي بلد.. نصها نشالين والنص الثاني شحادين...
شكرا يا أبرهومة على أنك ذكرتناقصص أبو النور التي تداعت بعد روايتك للذاكرة وما أكثرها....بس ربك يدينا العافية ويقوي الذاكرة...
---------------------------- بحري طراوة
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
الاخ العزيز على سرالختم تحياتى وجزيل شكرى على توصيتكم لانال عضوية هذا المنبر واستاذنكم لاطل عبركم على الرائعين شباب بحرى لحين حصولى على العضويه بالدرب
(منذ ان وعيت بالدنيا وجدت نفسى اسكن بحلة حمد وبها قريت الابتدائى انذاك بمدرسة حلة حمد(2 بنين كما كانت تسمى فى ذ لك الزمن الجميل وعشان اربطكم بالزمان كان هذا الكلام فى مطلع العام 1970 وكنا من اوائل الدفعات التى درست بالسلم التعليمى الجديد اى نظام الست سنوات وطبعا صاحب تغير السلم تغيير الزى المدرسى من جلباب وعمه الى رداء وقميص كحلى ... هذه البدايه وساتواصل معكم بصوره منتظمه لاحدثكم عن حله حمد وسكانها ان مد الله فى الاجل ووسع صدر الاخ ليحيل مساهماتى لكم ولااظنه يضن بذلك لانه ايضا كان من سكان بحرى الجميله قبل ان يصبح من دناقلة نيويورك ...؟؟ اخوكم محمد التلب
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
اخي العزيز حسن طه طبعا بس الناس القدام البيقولو احمد ابو ديه وهو"فتحي"ابوديه وهو من اعز الاصدقاء ببحري وتربطنا به ذكريات وليالي
وايام عزيزه متعه الله بالصحة والعافية.
ناهد... حمد الله علي السلامه اخيرا.. عايز اعرف نتيجة كسير التلج وكت ما غيرتي صورة البروفايل لابسه فيها احفظ مالك؟ تحيه خاصه
للوالده والاخوه هشام وياسر.
ابو رزقه والله كتر خيرك ليك اجر المناوله " Tarawa Delivery" ما تنسي نفسك! الف تحيه.
دكتور ابراهيم العجب :.. يعني ابو النور لو ما مشي الهند كان لحدت دلوقت بيدق في الجماهير.
عن ابو النور باحكي: الامتحان لغه فرنسيه والاستاذ باتريس ماغي"زوج تحيه زروق" .ابو النور مسطح تماما في اللغة الفرانكفونية .
عندظهور نتيجة الامتحان الاستاذ اعطي ابو النور واحد من اربعين."تذكر يا كمال؟"
تفاجأ ابو النور لانه لم يكن يكتب غير اسمه في الورقة لتكون النتيجة صفرا كبيرا ليبرر بها النتيجة .
هذه النتيجة عملت عمايل في ابو النور ولا سبيل الا المواجهة مع مستر ماغي فذهب اليه ونحن واقفون وصار يؤشر علي الورقة ويقول:
Why ? Why ?Why فقط وبانفعال وكان بالنسبة للاستاذ كانما يفحط وهو واقف مكانه لان الاستاذ لم يكن يدرك ماذا يقول ابو النور ولا ابو
النور يستطيع ان يوصل المعلومة للاستاذ بلغته الواحد!!!!نتمني مشاركته فهو من اجمل الناس.
يا كمال في حالة صلاح جرب كانت تنطبق عليه " واما السائل فلا تنهر" اكتر . لانه زي الماء علي طول سايل.
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)
|
عزيزي طارق
قبل حوالي الاسبوعين سعدت بمحادثة تلفونية طويلة مع الاخ احمد ( قتحي ) ابو دية .
اسمه احمد اسمه فتحي لا يغير شئ فما زال هو ذاك الشخص الظريف الودود الرائع.
أجمل ما سمعت منه مجاملته لي وقوله ( لسه يا حسن باناقتك ديك مع الكرافتات ؟ ).
قلت ليه: انت شفت كارفتة اخونا الباشمهندس طارق ميرغني في البروفايل ؟
الان ديلون ما لبس زيها.
اخبار سباستيان الهولندي شنو !!! بعدين يا طارق كتاباتك كلها بقت تلغرافات. عايزين قصص.
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)
|
Quote: عن ابو النور باحكي: الامتحان لغه فرنسيه والاستاذ باتريس ماغي"زوج تحيه زروق" .ابو النور مسطح تماما في اللغة الفرانكفونية .
عندظهور نتيجة الامتحان الاستاذ اعطي ابو النور واحد من اربعين."تذكر يا كمال؟"
|
كيف ما بتذكر يا طارق.. لكن أثبت إو عندك ذاكرة فقرية (أستحسانا)...
تتذكر لما كنا بنذاكر مع بعض ومعانا جرب وأبو النور.. ماذا كان يحدث بعد العشاء؟؟؟؟
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)
|
Quote: عن ابو النور باحكي: الامتحان لغه فرنسيه والاستاذ باتريس ماغي"زوج تحيه زروق" .ابو النور مسطح تماما في اللغة الفرانكفونية .
عندظهور نتيجة الامتحان الاستاذ اعطي ابو النور واحد من اربعين."تذكر يا كمال؟"
|
كيف ما بتذكر يا طارق.. لكن أثبت إو عندك ذاكرة فقرية (أستحسانا)...
تتذكر لما كنا بنذاكر مع بعض ومعانا جرب وأبو النور.. ماذا كان يحدث بعد العشاء؟؟؟؟
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
المشاركة التالية من الأخ / عماد عثمان احمد / جدة
سلطان الطرب/ الفنان الراحل خضر بشير (الجزء الأول) :
- ولد الفنان خضر بشير أحمد الخضر بمدينة شمبات في العام 1914 م وفي المدرسة الأولية بدأت مواهبه في الظهور وكان يشارك في الجمعية الأدبية بتلاوة القران الكريم وإلقاء الشعر وفي العام 1930 م سافر إلى مدينة مدني بعد أن اتجه للمديح وتصوف على يد شيخه بقرية الشكينيبة فترة من الزمان وعاد مرة أخرى للخرطوم .. بدا حياته الفنية بتقليده لفنانين الحقيبة أمثال الحاج محمد احمد سرور وكرومه ولكن بطريقته وأسلوبه الخاص المتفرد وأول أغنية حقيبة تغنى بها وارتبطت به هي رائعة إبراهيم العبادي ( برضي ليك المولى الموالى ) ثم شق طريقه الفني بأغنياته الخاصة الجميلة والخالدة في وجدان الشعب السوداني مثل قم يا ملاك وإيه يا مولاي والأوصفوك وخدعوك وغيرها من الدرر. نقاط سريعة :- - فلسفته في الحياة كانت تهذيب النفس من خلال الأشعار التي تحمل المضامين الإنسانية والعواطف النبيلة والقيم الأصيلة السمحة . - كان صوفيا متدينا تدمع عيناه في محبة الرسول ( ص ) وكان يحب أن يناديه الناس بخضر المجذوب . - أضاف في أغنية ( إيه يامولاي ) للشاعر الصاغ محمود ابوبكر بيتين من قصيدة للشاعر المصري عباس محمود العقاد دون أن يخل ذلك بالبناء التركيبي للقصيدة . - معروف عنه حبه للطبيعة حيث كان يختلي بنفسه كثيرا على شاطئ النيل وعندما سأله الشاعر الراحل مصطفى سند في برنامج مطرب الجماهير عن الطبيعة وماذا تمثل له أجابه : بهوى الزهور في تبسمه وبهوى الطيور في ترنمه وبهوى الطبيعة الحالمة . - كان من محبي رياضة كرة القدم وكان لاعب كرة قدم متميز بنادي شمبات . - تميز بقدراته التطريبية العالية وحضوره الطاغي على المسرح. وكان يندمج في غناءه ويعبر عن مشاعره بصورة عفوية ناجمة عن إحساسه الصادق . - ارتبط بصداقة قوية مع الفنان الراحل إسماعيل عبد المعين الذي قام له بتلحين أغنيتي إيه يامولاي وبنت النيل . - من الفنانين اللذين تأثره بمدرسته الفنية الفنانان النور الجيلاني وإبراهيم خوجلي . - من الأشياء المشهودة له بأنه كان يغني في الحفلات مجاملا دون مقابل مادي . - نتوقع الكثير المثير عن سيرة الراحل العطرة عن طريق أبنه الأخ / المكاشفي خضر بشير بإذن الله . ومن أغنياته :- - الشاعر إدريس جماع : قم ياملاك - الشاعر محمود أبوبكر : إيه يامولاي - الشاعر سيد عبد العزيز : ما أسعدك ليلة - الشاعر عبيد عبد الرحمن : منارة - الشاعر محمد بشير عتيق : الأوصفوك ، كنت معاه ، لغة العيون ، من يوم حبي فارقني ، عالي في آدابك ، عرج بي وميل . - الشاعر ود الرضي : الناحر فؤادي - الشاعر حسن محمد قرشي : في شاطئ النيل الخصيب - الشاعر حسين محمد حسن : خدعوك - الشاعر حبيب حسن جار النبي : ساهر طرفي - الشاعر ميشيل شلهوب : لملم رموشك (شاعر لبناني) - ومن الأغنيات التي كتبها الفنان خضر بشير :- حرقتني النار - أغنيات أخرى : (بنت النيل وسميري وقسيم الريد)
من أغنيات الحقيبة والتي تغنى بها الفنان خضر بشير :- - الشاعر إبراهيم العبادي : برضي ليك المولى الموالى - الشاعر مصطفى بطران : قوم بينا نلاقي مناظر - الشاعر أبو صلاح : وجه القمر - مدحه نبوية : جل جلاله
وفيما يلي كلمات أغنيتي قم ياملاك وقوم بينا نلاقي مناظر لشاعران من بحري وهما الراحلان إدريس جماع ومصطفى بطران .
- قم ياملاك – كلمات إدريس جماع
قم ياملاك والدنيا ليل نتناجى في شاطئ النيل الجميل والليل نهار للعاشقين تتجلى صورتك في السحب بين الكواكب والقمر معكوسة في سطح النهر نتبادل الحب بالنظر وحديثنا بلغة العيون بهوى الزهور في تبسمه وبهوى الطيور في ترنمه وبهوى الطبيعة الحالمة فيكي ابتسامات الزهور ومن الطيور صوتها الحنون
نتبادل الحب العظيم في عفة الملك الكريم أرواحنا تصبح في نعيم عالمنا فوق دنيا البشر وحياتنا روضة من الجنان
نتناجى لماضي العهود آه العهود لو كان تعود أتلاشى فيك وأنسى الوجود أنسى الألم وأنسى الكلام في لحظة من عمر الزمان
- قوم بينا نلاقي مناظر – كلمات مصطفى بطران
قوم بينا نلاقي مناظر تفرح وتسر الخاطر تبرى الأرواح بشوقه
خليك ياصاحبي محاذر وافينا وفاء نادر ساعدنا كمان بالروقه تشوف آرام وجآذر لأتبقى نفور ومحاذر تصبح أحشاك محروقة
في حسن الجيل الحاضر في عيون الظبي النافر والسعد المخيم فوقه مجموعة جوهر نادر أو تحكي زهور في مناظر منتظمة تمثل جوقة
من كل مدرع سافر في هدوء الليل الكاسر وسط الأقمار في مروقه في ثياب الملك الظافر في عيون الظبي النافر والمزن الحابكة بروقه
ضماهن مجلس عامر عفافن ليهن مسامر والقمري حداهن قوقه ودلالن كان الآمر وأصبح بنفوسن يقامر مرقن الأفكار عن طوقه
حافلات بالمحيا الناير جالسات في شكل دوائر لدن القامات الممشوقه تركني موله وحائر ماضر لو جيتن زاير بيناتن لئ معشوقه
بساط الروض الطاهر تجلى الحسن الباهر والخلقة السالم ذوقه الشمس شعاعها الظاهر في توب العفة الطاهر ودي حياتي ولي مخلوقه
تلك كانت شذرات سريعة من سيرة المبدع الراحل خضر بشير وستكون هناك مشاركة ثانية عنه إنشاء الله . توفى الفنان خضر بشير في العام 2002 م طيب الله ثراه .
متفرقات :- - أتقدم بوافر شكري وتقديري لفرسان بحري الثلاثة الأخوان الأعزاء الرائعون / كمال كرار وطارق ميرغني وعبد الرازق سعيد على ترشيحهم وتثنيتهم لشخصي الضعيف بنيل عضوية المنبر و قريبا جدا أكون معكم إنشاء الله وأتمنى أن أكون عند حسن ظنكم .
- أقترح أن يتم في المستقبل طباعة هذا البوست الرائع في كتيب وبيعه بأسعار رمزية على أن يكون عائد ريعه لصالح احد المشاريع الخيرية لمدينة بحري الجميلة .
- اكرر توجيه صوت اللوم لناس حلة حمد ، حلة خوجلي ،الأملاك ،الميرغنية ، الصبابي ، شمبات والهجرة ،الحلفايا والحاج يوسف وكافة أحياء بحري وإعيد كلام الأستاذ/ عبد الكريم أحمد الأمين (إيدكم معانا من اجل ست الهوى والطراوة) .
- التحية للأخ الصديق المحامي/ خالد عثمان احمد وهو يوثق لرابطة بحري بجامعة القاهرة فرع الخرطوم سابقا ومزيدا من الذكريات عن تلك الحقبة الرائعة . وأخيرا فوق فوق بحري فوق ولكم خالص الود .
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: عبدالكريم أحمد الامين)
|
الأخ/ عماد
فنان في قامة الأستاذ/ المرحوم خضر بشير طيب الله ثراه لابد من التوثيق له. فلقد فتحت لنا بابا واسعا ومجرى لنهر لن ينضب معينه أبدا فالشكر أجزله لك أخي عماد وأتمنى من الأخ/ المكاشفي إبن ذلك البلبل أن يفتح لنا صفحات حياة هذا الفنان الذي أطرب الكل وأطرب حتى الشجر بشمبات الحلة وشمبات الزراعة . ولنا عودة بمداخلاتنا ..
مع تحياتي ومودتي
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: عبد الرازق سعيد)
|
الأخ كمال السر كرار
لك ولكل محبي بحري التحية والود
داير أقوليك شنو ناس بحري كلهم و من دون استثناء رجال نساء كبار صغار ظرفاء ويتمتعون
بروح المرح والنكتة .... ويمكن ده بسبب الأنسجام التام بين الناس وجو بحري... و طراوة بحري...
ولكن في النقل الميكانيكي كان في مجلس لرصد ثقلاء العاصمة و أمكن من بحري واحد فقط داخل تلك القائمة...
و لو داير تفاصيل أكثر ممكن نرجع لسليمان صاحب محل الفول المشهور بالقرب من سوق الختمية....
ودي تصبيرة قبل وصول أبو النور...
في حافلة من حافلات المزاد المتجهة الى سوق بحري يجلس الأستاذ وا لمربي المعروف الحاج أحمد و
بجواره يجلس ابو النور
و في مقدمة الحافلة يجلس المرحوم بكري ( الشهير بقرد نيكولا) والحوار دائر بين الأستاذ و ابو
النور.... وعندها الحافلة وصلت الخور الكبير
و الأستاذ يقول أنو درس بكري وكان من أصعب التلاميذ المرو عليهو.... فيلتفيت عليه بكري( ويقول ليهو
درستني وين يعني في كمبوني.....
ما هنا في مدرسة الديوم).........
من قصص المرحوم بكري .. عند وفاة المرحوم الوالد رحمه الله رحمة واسعة وجعل قبره روضة من رياض
الجنة ....
في صيوان العزاء أتى بكري وجلس بالقرب مني بعد تقديم واجب العزاء....
فقال لي يادكتور أطلع مترين وبالغة الرندوق في ذلك الزمن تعني
مئتا جنيه.... فكان الرد سريع مني الآن أنا صرت يتيم يابكري منو المفروض يدفع... فأنفجر الحضور
بالضحك.....
مع تحياتي.... وللحديث بقية...
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Ibrahim Elagab)
|
الدفعه العزيز على سرالختم اطل عبركم مره على اهل الطراوه سمار بحرى الظرفاء واوصل سردى عن حى حلة حمد واتدرج فى السرد من المدرسه للحى فطلاب المدرسه هم سكان الحى بالاضافه لطلاب بعض الاحياء المجاوره مثل حلة الميرى وحلة خوجلى وبعد ان ذاع صيت المدرسه بدخول معظم طلابها للاميريه 1 اصبح يتوافد عليها الطلاب من مناطق ابعد مثل ديوم بحرى والاملاك وحتى الحاج يوسف التى كانت اخر بحرى لنا فى ذلك الزمان لم تبخل ببنيها للانضمام لتلك المدرسه التى خرجت اجيالا من زينه شباب بحرى وساذكر ان اسعفتنى الذاكره الخربه من استطيع كما يلى خالد صلاح عتبانى /خالد مقبول الصديق /مجدى التجانى اسماعيل/محمد ابراهيم/معاويه حسين الشهير بشامورى/الاخوان.جمال وابراهيم رستم/التيمان حسن وسيد احمد/عمر ابراهيم بابكر/هاشم حسن عبد القادر/هاشم حسن هلال/احمد على محمود/حامد زكريا(رحمه الله)/مجدى كده/جعفر محمد مالك/اسامه عبد الرحيم/اسامه كرار/عبد البارئ حسن مكى /محمد بابكر/محمدصالحين /علاء الدين كمال/جمال عبدالحميد/ماتينو طابيه/حسن صديق/محى الدين سيد احمد/بدرالدين جار النبى(من سكان امبده هو والمربى الفاضل الاستاذ عبد الحميد)ومن يملك اى معتومة عن ايهما ارجو ان يتصل على فى حله حمد وسنواصل ان امد الله فى الاجال محمد التلب
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Ibrahim Elagab)
|
Quote: في حافلة من حافلات المزاد المتجهة الى سوق بحري يجلس الأستاذ وا لمربي المعروف الحاج أحمد و
بجواره يجلس ابو النور
و في مقدمة الحافلة يجلس المرحوم بكري ( الشهير بقرد نيكولا) والحوار دائر بين الأستاذ و ابو
النور.... وعندها الحافلة وصلت الخور الكبير
و الأستاذ يقول أنو درس بكري وكان من أصعب التلاميذ المرو عليهو.... فيلتفيت عليه بكري( ويقول ليهو
درستني وين يعني في كمبوني.....
ما هنا في مدرسة الديوم).........
|
والله يا دكتور إبراهيم دي يعني من جنب بيت الكلاوي.. طمعا في الشيء ذاتها (الكلاوي)..
القعدة مع أبو النور تنسيك الدنيا وهمومها...
هاك المفارقة أو الطرفة دي...
طبعا أبو النور أول من دعى للهجرة والإغتراب من أبناء دفعتنا.. وكان دائما ما يحث فينا هذه الروح..وأتذكر كان مصرا على الهجرة والعمل في أحد الدول البترولية... وأذكر أن شاعت مسألة إكتشاف البترول في السودان..في زمن نميري... والفتيل بتاع البترول العرضوه للجمهور خارج وكالة السودان للأنباء.. وأذكر أن العم عبدالله العجب..رحمه الله رحمة واسعة.. قال لإبي النور: .. أها بعد ده تسافر ليه.. البترول وبقى عندنا .. أبو النور رد للعم عبد الله رحمه الله.. يا حاج ماشين نتدرب على لبس العقال... ونجي عشان السودان حيبقى دولة بترولية.. وما في ناس عندهم خبرة في لبس العقالات...
أبو النور عنده قفشات جميلة.. شديد...
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
Quote: قالو: درب الأربعين للحول قريب... |
اهلا كمال ....
والله درب اسكت خليه..... المهم هو فى النهاية درب وصلنى بحرى ... اول مرة اعرف انه بحرى دى بعيدة كدة ...لاحولاااا ...المهم صورت ليكم بحرى والسوق القديم والكبرى الجديد والقديم ...وحى الوابورات الشالوه وبقى طبعا الشارع شكله غريب ...وكازينو النيل الازرق البقى حاجة كدة عمارة عالية المهم بحاول انزل الصور قريبا وحصريا هنا على بوست الطراوة ده ...سلامى بالله للجميع والكل ...دون فرز ....وبالجد... نفسى الاقى بورداب البوست ده برسالة على الماسنجر ....مع خالص الود ...
................. ناهد
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: ناهد بشير الطيب)
|
Quote: المهم بحاول انزل الصور قريبا وحصريا هنا على بوست الطراوة ده |
شكرا أختي ناهد..
حصريا دي طمأنتني.. خفتك توديهم قناة النيل الأزرق وينزولها قبلينا
كثر خيرك صور زي دي فعلا ستثري البوست...
لاشك أن كل الزملاء في هذا البوست يبادولونك وهشام والوالدة المشاعر والتمنيات الطيبة..
بس المسينجر حاولنا قبل كده نرسل بيهو طارق زحلقتو الصلعة
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: عبدالكريم أحمد الامين)
|
الأخ/ عبدالكريم ...سلامات...
تعرف إقتراح بدرالدين أسحق على الرغم من وجاهته.. إلا أنه في تقديري صعب التنفيذ .. وأحيلك هنا لبعض الصعوبات التي ذكرها أخونا عبد الرزاق سعيد.. غير أنه يمكن لكل متداخل ينوي أن يكتب عن أي باب بعينه.. أن يستهل مداخلته بكتابة عنوان جانبي بإسم الباب الذي ينتوي الكتابة فيه .. حتى يمكن الرجوع للموضوع..إذا حدث أن أصبحت بعض المداخلات من ضمن الوثائق المرجعية للتوثيق لبحري..ونتمنى ذلك,,, يعني الحل تبويب المساهمة للزميل المعين كيفما شاء..
المهم إذا كان هنالك سبيل لذلك فلا مانع...
مع خالص مودتي
------------------ بحري طراوة
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
بسم الله الرحمن الرحيم السلام عليكم ورحمة الله وبركاته ياناس يا حلاوة لكوم وبسكويت كوكو مقصرين شديد معاكم لكن الزنقة حارة و الله يهون اولا اهنئ الاخ الاكرم عبد الكريم بنيل العضوية فهو اهل لها و مساهماته لا تحطئها العين و هو من الجيل الجميل الذي يعرف اكثير المثير الخطر و نتوقع منه الكثير و اثني اقتراحه بالتبويب كمال السر ياخي ما واحد يكلمنا شوية عن اقباط بحري بحري فوق فوق
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Zein Hasan Mahgoub)
|
Quote: كمال السر ياخي ما واحد يكلمنا شوية عن اقباط بحري بحري فوق فوق |
الزين حسن...سلامات
ومعذور يا أخي وأولياتك مقدرة يا أبو علي.. ربنا ييسر ليك أمورك..
أقباط بحري.. يستاهلوا الحديث عنهم.. لأنهم مننا وفينا .. معانا في أفراحنا وأتراحنا وأعيادنا وما بنشعر بأنهم أبدا مختلفين مننا...بس أذكر منهم بالخير صديقي الباشمهندس/ مجدي الفونس..وأعتقد إنو هاجر لأستراليا وأتمنى إنو يكون بيطلع على هذا البوست.. كما أحيي زميلنا في بحري الثانوية الأخ/ رمزي ونجت برسوم... والكثيرين من أبناء بحري من الأقباط.. اللذين هم شركاؤنا في الوطن.. وفي بحري الطراوة..كما أذكر أننا تتلمذنا أيام الطفولة على السيدة/ ست ليللي .. في المدرسة الأنجيلية الأمريكانية... من سن الرابعة وحتى السادسة يعني ال PRE-SCHOOL
مع خالص مودتي
-------------------- بحري طراوة
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Zein Hasan Mahgoub)
|
Quote: كمال السر ياخي ما واحد يكلمنا شوية عن اقباط بحري.. |
ود السر كرار الطلب الفوق دا من أخونا الزين ,, وطبعاً مُحتاج لواحد ديناصور ولم أحدد أيهما ولكن في الذاكره الاستاذ ونجت برسوم ومنزله مجاور لمنزل ناس الرجوبه علي شارع المعونه الرئيسي ولقد كان مُعلماً بمدرسة حنتوب الثانويه في الستينات وعمل كذلك مُوجهاً بوزارة التربيه والتعليم واذكر من أبنائه زميلنا ماهر ونجت برسوم ووالدته السيده الرائعه الكريمه مدام إيفون..
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
الأخت/ ناهد بشير سلام ،، ألف حمد لله على سلامة وصولكم إلى أرض الوطن سالمين ، هذا الوصول المتأخر ذكرني جدودنا زمان أيام العودة من الحج كانوا يتحركوا من الحجاز في شهر ذي الحجة ويصلوا السودان في شعبان يعني نفس المواقيت بتاعتكم دي .. تحياتي للأخ هشام رضا ، وطمئنينا على صحة العم محجوب عتيق لأن نزار أختفي من البوست .
Quote: دفعه مدرسه الدناقله شمال١٩٧٨ الي ١٩٨٤
|
الأخ/ حافظ سليمان تحياتي ،، في هذا البوست كنا نعرف من هو الأكبر سنا ، وبعد أن إطلعنا على تاريخ تخرجك من مدرسة الدناقلة شمال فقد عرفنا من هو الأصغر لأنه في سنة 1984م كان الأخوان كمال كرار وطارق ميرغني يكتبون في هذا البوست ..
لك مودتي ؛؛
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: عبد الرازق سعيد)
|
Quote: الأخ/ حافظ سليمان تحياتي ،، في هذا البوست كنا نعرف من هو الأكبر سنا ، وبعد أن إطلعنا على تاريخ تخرجك من مدرسة الدناقلة شمال فقد عرفنا من هو الأصغر لأنه في سنة 1984م كان الأخوان كمال كرار وطارق ميرغني يكتبون في هذا البوست ..
لك مودتي ؛؛ |
أبو رزقة... في دي صدقت
سنة 1984 أنا مغترب لي 5 سنوات.. وإبني الأكبر عمره سنتين...بس لا زالت فينا رقشة... ولو شفتنا..فيما عدا بعض البياض الذي أعتلى هامة الرأس ماعندنا عوجة بس ربك يدي العافية... ده إعتراف خطير.. بس نعمل شنو ما ناس 1984م ما خلونا مساحة للمناورة....
----------------- بحري طراوة
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Ali Sirelkhatim)
|
Quote: Hلرائعون / شباب وشيب (ودى ماقاصدين بيها ناس طارق ميرغنى ومن فى دوره_بالمناسبه ياطارق انا دفعه محمدو وحسن وتلميذ استاذ الزين فى الاميريه1 دفعه 77 _79 ولى معكم فى بوست الاميريه) بحرى طراوه
|
الأخ/ محمد عبدالمنعم التلب.. سلامات...
لو قلت لطارق أنا دفعة محمدو... حيقول ليك يا ولد أمشي جيب موية..محمدو ده آخر العنقود إلا أثنين.. الله يديك العافية...
واصل السرد
------------------- بجري طراوة
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
Quote: الرائعون / شباب وشيب (ودى ماقاصدين بيها ناس طارق ميرغنى ومن فى دوره_بالمناسبه ياطارق انا دفعه محمدو وحسن وتلميذ استاذ الزين فى الاميريه1 دفعه 77 _79 ولى معكم فى بوست الاميريه) بحرى طراوه
|
اخي التلب الف مرحب بيك واخي حسن بقي بريطاني ( مش بريطاني الصعلوك بتاع زمان) انجليزي (مش
انجليزس بتاع المزاد والصقر الاسود) وهو مقيم هناك منذ 1990 م وامس مساءا كنت اتحدث معه لساعة
ونصف. لك منه الف تحيه.
اما حمدو فكنت اتحدث معه قبل قليل وهو ذاهب لسوق بحري عشان يجيب فسيخ رغم اني بعد ذاك اتصلت
بالوالده ربنا يديها الصحة والعافية فقالت انهم بيعملوا في سمك للفطور. شفت كيف يا كمال ؟ تقول
لي اقباط؟؟؟؟
اما استاذ الزين فقد تقاعد للمعاش بعد ان اصر ان لا يغادر المدارس رغم نقله عدة مرات الي ادارة
التعليم ورفض والغريب انه ترقي الي الدرجة الاولي في حين ان وكيل وزارة التربيه في الدرجة
الثالثة؟؟؟
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: طارق جبريل)
|
من أظرق سكان المزاد وصاحب تعليقات مُميزه عمنا المرحوم حموده العركي ( حلاق الجامعه) وصالونو كان خلق الاندلس بالبوسته ,, يعني تحلق وتنبسط بالتعليقات ,, وتغشي تضرب السمك قي الخيام وتأخد لي كيس صعوط من الوطنيه..
من قفاشته:- والله ياجماعه إتحاد نساء السودان كان كويس بس من دخلهو النسوان باظ..
** ياناس بحرى من كانت في ذاكرته شئياً عن هذا المُبدع فليكرمنا مما تجود به ذاكرته..
*** طارق ميرغني شايفك عملت زائق من موضوع شقر وشلنكح ..
تحياتي للوالده بت ختمي وكل ابناء وبنات الخال.. وأتخيل منظر صينية الفطور والباب الفاتح علي اللالوبه, وبالرغم من أن بت ختمي أعدت الفطور وظبطت الشطوط إلا أنها لم تجلس وهي دائماُ في حالة وقوف لمدنا بالوصلات والاحسانيات.. بالهناء والشفا...
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
في إطار الحملة الموسّعة لعلاج لاعب السودان وفريق التحرير السابق محمود سعيد سالم (جيمس)، يلتقي مرّةً أخرى الفنّان الكبير والمربي الجليل والرياضي البحراوي المخضرم الأستاذ محمّد ميرغني، والفنانة الإثيوبية الشابة هيمانوت، والمغنية السودانية إيمان لندن، في حفل غنائي ساهر في النادي الاجتماعي السوداني ترعاه وتنظمه قناة "زول" الفضائية. ومن ناحية اللجنة المنظّمة لحملة علاج "جيمس"، فإنها تهيب بالسودانيين في الإمارات، وأبوظبي بالذات، لإنجاح هذا الحفل لتحقيق عائد أفضل من عائد الحفل السابق، والذي لأسباب ضيق الوقت وتأخر الدعاية وتفاصيل أخرى- منها لقاء الهلال والمريخ، لم يرق لطموح الحملة الخيرية. ونهتبل هذه الفرصة لإبلاغ البحراويين في كل دول العالم، ممن أبدوا استعدادا وسألوا عن كيفية المساهمة، أننا ما زلنا في انتظار "تحرّكهم"، خاصّة من ناشدنا وذكرنا منهم. ولمن سأل عنّا وعن كيفية الاتصال بنا: يمكن الاتصال بالأستاذ محمد المهدي عبد الوهاب على الموبايل: 00971558480170 ما بين الساعات 17:00 إلى 22:00 بنوقيت أبوظبي للحصول على تفاصيل وعناوين مشرفي الحملة، أو أي معلومات أخرى أو يمكن الاتصال على بريده الالكتروني بالنسبة لمن يعرفونه ويا ناس أبوظبي "ليلة الحوبة جاتكم في عقر داركم".. فهيّا ----------------------------------- النادي السوداني – أبوظبي الخميس الساعة تسعة ونص – بالليل؟
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
Quote: سلام يا طارق...
يعني بقيتوا طابور خامس عندكم قنزب (Share) في الأمبرياليه...
دي خيانة لأرث العائلة اليساري الصيني ... |
ود السر كرار
علي حسب آخر إجتماع لمجلس لوردات العائله ,, فأنه من ضمن المُخطط تأسيس فرع للحزب ببيرطانيا ولابد من وجود كفيل مواطن بريطاني فكان حسن ميرغني هو ملاذنا لتأسيس الحزب والكفاله ,, ونوصي بضمك بإعتبارك أحد أفراد العائله المالكه.. شفت التخطيط المستقبلي للإنتماء تحت مظلة الاقوياء..
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
Quote: الأخ/ حافظ سليمان تحياتي ،، في هذا البوست كنا نعرف من هو الأكبر سنا ، وبعد أن إطلعنا على تاريخ تخرجك من مدرسة الدناقلة شمال فقد عرفنا من هو الأصغر لأنه في سنة 1984م كان الأخوان كمال كرار وطارق ميرغني يكتبون في هذا البوست ..
|
دي بالغته فيها عديل كده ، يعني كمال كرار وطارق ميرغني حفرو الخور الكبير و للا شنو؟
بحري فووووووووووووووووووووووووووق ابراهيم عبد المجيد سابقا او ابراهيم قناوي حاليا تعال بجاي يا دفعه
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Hafiz Suliman)
|
Quote: يا ناس حلة خوجلي والصبابي والميرغنيه والسائح وشمبات والهجره والحاج يوسف والحلفاياوالعليفون وام دوم والجيلي والكدرو وأبو حليمه إيدكم معانا من أجل ست الهوى والطراوه.. |
* الاخ / علي سرالختم نتمني الاستمرار للتوثيق لحلة حمد.. ** ياناس الشعبيه :- شويه معانا بهنا عشان بحري , وشويه بهناك مع حاج حمد عشان الشعبيه.. *** معاً لكي تظل بحرى دائماً في موقعها الريادى..
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
ابن عمتي عبد الكريم الف مبروك الاجازه( الشهاده) وعقبال الدكتوراه ووالله كتر خيرك تعطيرك البوست بذكر الوالده بت ختمي ربنا يديها
الصحة والعافية.واذكر لحموده العركي حين ذهب المرحوم البروفسير النذير دفع الله للحلاقة عنده ولمل نظر الي رأسه قال: والله فعلا خالي ذهن.
( للصلعه )
بعدين يا كمال السر صورة الولد الصغير في البروفايل فعلا تشبه صورتك وانت صغير لابس بدله كامله ومجلط شعرك اتذكرها.
اخي حسن عبد الله المكاشفي خضر بشير رايته في حفله بالرياض لتكريم صديقي الاستاذ الموسيقار علي يعقوب وافتكر انه مقيم في الرياض نرجو
التواصل معه.
اخي حافظ سليمان الخور الكبير الصغير ده انا وكمال السر حفرنا العطبراوي ذاتو.
سؤالي كثيرا عن صديقنا ياسر حامد وينك يا راجل ؟اظهر وبان عليك الامان.
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: حسن عبدالله)
|
[Quote: B] كمال السر ياخي ما واحد يكلمنا شوية عن اقباط بحري.. |
ود السر كرار الطلب الفوق دا من أخونا الزين حسن محجوب ,, وطبعاً مُحتاج لواحد ديناصور ولم أحدد أيهما ولكن في الذاكره الاستاذ ونجت برسوم ومنزله مجاور لمنزل ناس الرجوبه علي شارع المعونه الرئيسي ولقد كان مُعلماً بمدرسة حنتوب الثانويه في الستينات وعمل كذلك مُوجهاً بوزارة التربيه والتعليم واذكر من أبنائه زميلنا ماهر ونجت برسوم ووالدته السيده الرائعه الكريمه مدام إيفون..
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
من الاقباط اخي عبد الكريم كما ذكرت عمنا ونجت برسوم وابنه الدكتور رمزي دفعتنا في بحري الثانويه.
كذلك في الدناقله شمال جارنا العم فؤاد وزوجته ماتلدا وابناءهم حمدي ونوال وميرفت وعندهم لاول وآخر مره آكل ملوخيه بالارانب.
ايضا اسرة مصطفانوس واسرة اندراوس اللي كان مؤجر دكان التازي الغربي بميدان الاميريه واحد ومن بعد عمل الفرن البلدي علي الخور وجنوب
شرق مدرسة البنات.
انتو يا اخوانا كمال كرار شافو اداها صنه دون ان يديني المفاتيح . ولو عمل كده انا ما لي دخل.
قبل قليل حدثني د. عبد المحمود محمد عبد الرحمن من مدينة الرياض وهذا من ميزة التواصل وقبلها كلمني اخي وصديقي ود موسي من قطر .
ما شاء الله الذي جعل هذا ممكنا.وربنا يديم التواصل.
من كلام الدكتور معي اتضح ان اخي حسن طه كما قال ود موسي طاعن في الديناصورية.
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
من اقباط المذاد شمال حلة النجمة: أسرة المرحوم شنودة و زوجته نرجس و ولده صفوت الهلالابي المرضان (كفارة له الغلب من المريخ و التعادل مع القطن) كان العم شنودة من كبار موظفي الهئية القومية للكهرباء و كان المحول (الآمية) في رأس شارعهم مع سارع المعونة تسمي بأمية شنودة. أسرة المرحوم غالي وهم ايضا يسكنون في نفس الشارع و بيتهم فاتح علي استاد التحرير ليس له ابناء زكور . وجد مقتولا في احي المزارع .اقباط المذاد مجاملين و تراهم في كل المناسبات .
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: عبدالكريم أحمد الامين)
|
ونواصــــــــــــــل :-
24/ كوبر.. 25/ حلة كوكو.. 26/ المايقوما.. 27/ دار السلام.. 28/ الحاج يوسف.. 29/ الجريف .. 30/ العيلفون.. 31/ ام دوم.. 32/ الدبيبات .. 33/ أُم ضواً بان.. *********************
غرضنا من ذلك أن نوثق للاجيال القادمه , وأن يجد أبناؤنا الباحثون في المستقبل معيناً لهم , وإن كانت بعض المدن معلوماً لنا سبب تسميتها فلقد قصدت شمولها في هذه المساحه .. وهمتكم معانا..
** ودوماً بـــــحــــــــــــرى فـــووووووووووق .....
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
شخصيات في الزاكرةمن حلة النحمة المرحوم د. حسن ابوزيد حسن ابوزيد يعرفه الصغير قبل الكبير في المذاد . رجل بحجم الوطن و قلبه بحجم الكون يسع الجميع . رغم لونه السياسي الأحمر إلا انه من القلائل الذين يجمع الجميع عليهم. يحترمه و يقدره الكبار قبل الصغار. جاهز دوماً لتقديم الخدمة لاي من كان رجل- امرأة-صغير - كبير. مسارع في تقديمه للعون للمحتاجين و الضعفاء في الحلة . في الليلة السابقة لوفاته كان يجلس في دكان عمر الحلبي و يشاغل كل من مر به . لم يستوعب الجميع خبر وفاته في الصباح كان يوم اسود من ايام المذاد.
الآخ عبد الكريم مطلوب تسليط مذيد من الضوء علي د. حسن ابو زيد فهو جارك و يستحق ان نسلط عليه الضوء و ان يكرم التكريم الللائق به هو و امثاله من الراحلين من ابناء بحري.
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Zein Hasan Mahgoub)
|
Quote: الآخ عبد الكريم مطلوب تسليط مذيد من الضوء علي د. حسن ابو زيد فهو جارك و يستحق ان نسلط عليه الضوء و ان يكرم التكريم الللائق به هو و امثاله من الراحلين من ابناء بحري. |
الدكتور حسن ابراهيم أبوزيد - عضو اللجنه المركزيه للحزب الشيوعي السوداني - رحمة الله عليه - رجل لم نفقده نحن بالمزاد بل فقدته بحرى عن بكرة ابيها وفقده السودان - العمل الاجتماعي العام هو نبراسه , مساعدة الفقراء كان همه ,, تشجير الحي والجامع للحفاظ علي البئه مبدؤه ,, إنارة الشوارع لينبعث نورها لينير الطريق للسابله كان من اولياته,, وماقدمه للحي نعجز أن نحصره في هذه المساحه ,, فعربته ملك مُشاع لكل أهل الحي وفي إى زمان ,, وبالرغم من زواجه من أجنبيه (امريكيه) إلا أنها تطبعت بطباعه فطور الجمعه لاهل الحي امام منزله , منزله مفتوح لكل مناسبات الحي ,, تفقده لعجائز الحي نساءاً ورجالاً لاينقطع - ولكن لان الموت لايختار إلا خيار الناس رحل عنا فجاءةً , لم تفقده اسرته فقط فلقد فقدته بحري باكملها..
** رحل تاركاً هشام وحاتم وساندرا وأرملته مدام آنا.. *** لقي من عنت الانظمه الديكتاتوريه والظلاميه الكثير فهو صديق دائم للمعتقلات وبيوت الاشباح ولكنه لم يلين , ولم يضع إعتباراً لنفسه ولزوجته الاجنبيه وماقد تلاقيه عند إعتقاله ,, فلقد كان مهموماً من أجل المليون ميل مربع , حُرب في رزقه ولكنه ظل كشجرة النخيل شامخاً يعطي بلا حدود , وكل ماخرج من إعتقال كان أكثر شموخاً من ذى قبل.. **** كان عطوفاً أميناً نظيقاً عفيفاً إجتماعياً اخو اخوان بكل ماتحمل هذه الكلمه من معاني مُحباً للخير كعادة كل اليساريين لاجل كل الضعفاء والفقراء والمستضعفين في الارض .. ***** إذا لم يُكرم أمثال المرحوم د. حسن أبو زيد فمن يستخق التكريم , فهذا واجبنا... أدعو له بالرحمه والغفران ,, والبركه في ذريته...
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
Quote: ياناس بحري ياحلويين
سبب تسمية هذه المدن بهذه الاسماء ؟؟
1/ الجيلي .. 2/ التمانيات .. 3/ الفكي هاشم.. 4/ أبو حليمه.. 5/ الكدرو.. 6/ الإيزرقاب.. 7/ الدروشاب .. 8/ حلفاية الملوك.. 9/ صرص (شمبات).. 10/ الهجره (شمبات)..
|
اظن يا عبده ان بعض منها سمي علي رجال من الآولياء و الصالحين مثل حلة حمد، حلة خوجلي، الحاج يوسف،الفكي هاشم، ابو حليمة....... اشارك معك ببعض الاسباب لتسمية بعض الأحياء و نرجو التصحيح اذا كان هناك اي خطاء للتوثيق: الحلفايا: هناك رأيان الأول ينسبها لنبات الحلفا الذي ينمو علي شواطئ النيل. و الثاني ينسبها لشيخ صالح عالج ابنة احد امراء الفونج و كان اسمها (فاية) و قيل انه حل عنها المرض و اصبح يقال الفكي ( الحل فاية) و صارت الحلفايا. و لأهل الحلفايا القول الفصل. الحلفايا ترتبط عندي بالشاعر الرقيق المبدع المرحوم ادريس جماع، العلامةالمرحوم البروف عون الشريف قاسم، الفنان الراحل خوجلي عثمان ، و صاحب المنبر بكري ابو بكر و الراحل الرايع الدكتور عوض دكام و حقيقة عوض دكام يحتاج لبوست لوحده و اقترح ان يفرد له مجال فهو من رجالات المتجمع ليس علي مستوي بحري بل السودان(كلام يا عوض دكام) شمبات كان اسمها (الحليلة شوحطت) و يقال ان راعي اسمه شمه من المنطقة الشرقية( يمكن طيبة الآن) للحليلة شوحطت اعتاد ان يرعي الاغنام في الحليلة على ضفة النيل عندما يقل العشب في منطقتهم وفي أحد الايام ادركه الليل قبل ان يبارح الحليلة شوحطت ولم يتمكن من العودة باغنامه واضطر للمبيت بالبلدة وبدأ اهله بتساءلون عنه وكان الرد ان (شمه .. بات ) ومن يومها اطلق على منطقة الحليلة شوحطت اسم شنبات و تكتب شمبات و كانت تسمي في عهد الأستعمار (سلامة الباشا) وذلك يروى شيخ حضره الاول عالج ابنة احد الباشوات فارمه و اطلق علي شمبات اسم (سلامة الباشا) ، و للشمباتية الرأي الفصل. وترتيط شمبات في ذهني بشخصيات : الفنان المبدع خضر بشير، اولاد شمبات، المرحوم الأستاذ محمد الفاتح منصور وكليل و مدير مدرسة بحر الحكومية .........
نعود ان شاء الله
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Zein Hasan Mahgoub)
|
الاخ العزيز على سر الختم تحياتى لكم وللرائعون شباب بحرى طراوه مازلت اتواصل عبركم مع هذه الكوكبه الراقيه من شباب بحرى للتوثيق للام الرؤم بحرى والتى هى تملكنى وتاسرنى حتى النخاع .. لكن لكن مازلت الح على طلبى عبركم والاخوه كمال وطارق بالتوصيه لمنحى عضوية الموقع والى ذلك الحين ساظل اوثق لحى حلة حمد عبركم .... فى اخر رساله اكملت دفعة مدرسة حلة حمد 2 للعام 70 _76 عدا اربعه فاتنى ذكر اسمائهم وهم /احمد عباس (ود الباوقه) وله كشك شهير شرق مجلس بحرى وغرب الجامع الكبير /علام محمد امين نورى /علاء الدين سعيد /عاطف عبد المجيد اها .. بعد كده بدخل معاكم على حدود حلة حمد حتى تعم الفائده لمن فاتهم الاستماع من سكان المناطق الاخرى فيحدها شرقا من شارع شمبات قبالة الركن الجنوبى الغربى لمستشفى بحرى فى اتجاه الجنوب ممتدا معو شارع الاسفلت المبتدئ من مبنى الشرطه الشعبيه حاليا (مكتبه بحرى سابقا) متجه جنوبا حتى النيل مرورا بغرب نادى البحريه سابقا وهنا ارجو ان انوه الى هذه الحدود على الورق فقط لان هنالك شريحه تقع شرق هذا الشارع تعرف اصلاحا بانها تتبع لحلة حمد وهى الشريحه الموجوده بها الشرطه الشعبيه وطرمبة النيل (حاليا) توتال سابقا والمجلس البلدى والمربوع الذى يقع جنوبه وبه كنيسه مارى جرجس ومعظم سكن الاقباط فى هذه المنطقه والذين سنفرد لهم مساحه خاصه لكونهم يمثلون نسبه مقدره من سكان هذا الحى ... اما من الناحيه الجنوبيه والغربيه فتعانق النيل الازرق . اما من الناحيه الشماليه فيحدها الشارع الذى يمر جنوب مسجد السيد على الميرغنى , وتمر بهذا الحى اربعه شوارع عرضيه كما يلى من الشرق للغرب : 1/ شارع الشلاليه (وهو شارع شهير لانه يقود الى مدخل مقابر حلة حمد مباشرة_ بعد عمر طويل للجميع _ هذا بالاضافه لانه يقسم فريق الشلاليه الشهير الى قسمين شمالى وجنوبى) 2/شارع نادى الثريا الاشهر للجيل القديم من شباب بحرى والذى كان يقود مباشرة الى ملعب (دار الرياضه بحرى ) الملعب الاشهر لكل رياضيى بحرى القدامى والذى اصبح الان منزل السفير الكورى . 3/شارع حلة حمد وهو من اطول الشوارع العرضيه ببحرى وهو يبتدئ عند اول منعطف عند نزولك منكبرى النيل الازرق على يسارك مرورا بعرض النقل المكانيكى مرورا بالادارة المركزيه كما كانت تسمى سابقا (الهيئه القوميه للكهرباء حاليا) وسوق العياشه وجنوب الجامع الكبير وجنوب المجلس البلدى ومن ثم يدخل حلة حمد ويمتد غربا حتى ينتهى بحائط حديقه البلديه سابقا ( فندق قصر الصداقه حاليا) والتى كانت متنفس لكل سكان العاصمه المثلثه كما كان يطلق عليها قبل ان تصبح العاصمه القوميه وهذه الحديقه غنى لها الكاشف لو تذكرون (ياناس طارق وكمال) زعوك وين شتلوك وين يالعنب ::: فى جنينه البلديه طبعا لا :: اثنين الضهريه :: طبعا لا 4/ شارع حديقه البلديه ... سيد الاسم .. كما قال المرحوم الجابرى هو الشارع الذى يبتدئ من الخازن والمهمات مرورا بالوابورات _حلة الميرى_(تكساس) وجنوب كنيسه مارى جرجس وينتهى ببوابه حديقه البلديه وهى سرالتسميه وعند نهايات شارع البلديه وحلة حمد يسكن اال كرار والا مش كده يا كمال ( انا دفعة محمد شريف من الاميريه 1 تحياتى له من على البعد) بعد ان كونا صوره مكبره للحى سنتناول سكانه ومشاهير الاسر فيه واهم المعلم ... وانا باقى لى اخد نومه وارجع ليكم بكره ,,,,, وتصبحوا على خير محمد التلب
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
الدناقلة جنوب
من اعرق احياء بحري القديمة وقد اسست بدافع تكوين حي مستقل للدناقله كما للشلا لية حيهم الذي يحمل اسمهم. من مؤسسي حي الدناقله المرحوم محمد عوض الشهير بود عوض وهو اول عمده عينه الانجليز وهو والدكل من احمدعوض واولاده محموداحمد عوض وعوض احمدعوض وابرهيم احمد عوض وساتي احمد عوض. ومن ابناءه كرم الله ومحمد احمد الشهير بمامون وهومؤذن جامع الناقله جنوب -عليهم رحمة الله. قام المرحوم عوض افندي - والد البروفسورمحمد هاشم عوض و الدكتور احمدصفي الدين والدكتور تاج السر والاستاذمحمدعثمان والاستاذ محمدخضر قام بكل الاعمال الادارية المتعلقه بتسجيل حيازات الحى.
من اعلام حي الدناقلةالحاج اسماعيل واخوه محمد اسماعيل عليهم الرحمة. الدكتورعبد الله سعد واخية الصادق سعد. ابوزيد محمد صالح. عبد الرحمن سعيد. جمال كدوس والثعلب. الصحفي زين العابدين محمداحمد والصحفي محمدعباس علي ماعتقد-كن مراسل رويتر- زمااان - الممثل صلاح احمد محمد ونبيل متوكل وصلاح حسن ومنال بدر الدين. د. كمال عثمان بلال واخوانه حليم ومعاويةوطارق. د. راشدعبدالله جمعة ود. كمال و اخوه جمال عثمان. من التشكليين سيف بادي بدر الدين عوض والد منال كما ذكرت. جمال المليجي و اخوانة بكري وفيصل. ال بغدادى وال خيري ....و...و... كثيرون يضيق بهم المجال ويصعب كتابتهم -حيث اكتب بالماوس.
بقي ان اقول ان الترابط بين احياء بحري كبير وممتد من مصاهرة الي مجاورة. وكثيرمن الاحياء الحديثه نسبياهى امتداد اجتماعي لبحري القديمه التي لم تكن تتجاوز خور نصر الدين وهو الذي يمر جنوب سوق سعد قشرةالآن.
آمل ان يسعف الزمن بمشاركات اخر.... وفوق فوق بحرى فوق
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
بخصوص تسمية الحلال (بتشديد وفتح اللام ) حسب اعتقادي ان التي سميت باسماء اولياء او شيوخ او عمد مثل:
الجيلي،الفكي هاشم،ابو حليمه،الكدرو،كوكو،الحاج يوسف، خوجلي وحمد.
بالنسبة لحلفاية الملوك هذه البقعة تحتاج الي كتاب لانها باختصار اول منطقة سكن فيها بشر بالعاصمة الخرطوم.
طبعا هنالك مناطق داخل العاصمة من القدم بمكان مثل بري وتوتي والمقرن وشمبات والصبابي وحلتي حمد وخوجلي بالاضافة الي بعض احياء
ام درمان والتي ايضا سميت باسماء امراء المهدية وتعتبر مناطق حديثة مقارنة بما ذكرت مثل ود نوباوي وود ارو والامراء.
اسم الميرغنية بالطبع اسم حديث وسميت لوجود منزل الامام احمد الميرغني ولكنها تتبع للصبابي جغرافيا.
بعض الاحياء يدل اسمها علي مسماها مثل احياء الميري وكلمة الميري حينها كانت تعني الحكومه او الشيء المجاني.
الاملاك
الدناقله وسكنت وما زالت تسكن باسر في معظمها من قبيلة الدناقله ولا شنو يا كمال وحسن طه.
الديوم وهي بالطبع احياء شعبيه في اي موقع بالسودان وتسمي احيانا الديم ، مثلا ديم فلان.
الجريف من اسمها يدل علي وقوعها علي جروف النيل بالخرطوم وبحري.
العيلفون اصل اسمها من الفونج الذين يقال اول من سكنوها فسميت العيله فونج .
ام ضوا بان اسم يدل علي نار القرآن والمسيد للشيخ ود بدر دار حفظ وتعليم القرآن.
لا ادري سبب تسمية الدبيبات ولكن في الغالب المناطق المرتفعة كالتلال تسمي بالدبه والدبيبات يبدو انها تصغير وجمع لهذا الاسم
الاخ زين محجوب رحمة الله علي صديقنا الدكتور حسن ابو زيد
Quote: فعربته ملك مُشاع لكل أهل الحي وفي إى زمان |
كما وسبق وذكرت آنفا مشكلتنا مع احد الوزراء في زمن نميري فالرجل الذي باعد بيننا وذلكم الوزير واقلانا بعربته هو المرحوم حسن
ابوزيد فقد كان رجل اخو اخوان وتجده في الملمات رحمه الله.
اخي محمد التلب تقدم اولا انت بالعضوية وارسل لي ايميلك وسندعمك باذن الله. بس لسه مما ذكرت لم افرق ما بين شارع حلة حمد وشارع
البلديه ارجوك زيد التوضيح.
اخي العزيز حسن طه ابو ساندرا قال لي انك ما حضرت برضو الحفله دي.
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)
|
[B]ومواصلةً لسيرة أبناء بحرى الصديق الشهيد العقيد (أح) طيار / محمد فؤاد علي زكي..
** ترتيبه في الاسره الرابع والاخير :- علي , د.احمد , شقيقته(جوجي) , الشهيد محمد.
** من أبناء الدناقله شمال .. تلقي تعليمه الاولي بمدرسة الدناقله الاوليه(الابتدائيه) وشهرتها مدرسة بلنجه( وهو لقب ناظر هذه المدرسه) , وبعد إستشهاده سُميت هذه المدرسه بإسمه.. ** درس الثانوي العام بالاميريه "2" ** تخرج من بحرى الحكوميه في 1978 .
** التحق بالقوات المسلحه سلاح الطيران وتم إبتعاثه الي العراق لدراسة الطيران , ولاسباب سياسيه ساءت العلاقات بين السودان والعراق , فتم تحويل كل الطلاب الحربيين (الطيارين والملاحيين) الي جمهورية مصر العربيه -الزقازيق - قاعدة بلبيس الجويه-..
** كان اول الدفعه علي طلاب كلية الطيران والبالغ عددهم 420 طالباً حربياً من السودانيين والمصريين وجنسيات أُخرى..
** كان من أميز الطيارين بسلاح الطيران السوداني إذ أنه يجيد الطيران علي أكثر من خمس أنواع من المقاتلات , آخرهم الميج 29 والتي إستشهد علي متنها في 1987 عند تحرير مدينة الكرمك..نتيجة إصابة الطائره بقذيفة وعند إحتراق الطائره وخروجه منها بالكرسي القاذف , إلا أن المظله لم تفتح مما ادى الي كسر في رقبته ,, وجثمانه الطاهر هو الجثمان الوحيد لطيار مُقاتل كان كاملاً وغير منقوص , إذ أن أغلب جثماين الطياريين المقاتلين لاتكون كامله نتيجة لبشاعة الحوادث التي تصيبهم.. ** تمكن في 1987 قبل إستشهاده بحوالي شهرين من إجتياز دورة الاركان حرب , وكذلك أكمل دراسة الحقوق وكان يستحق الترقيه الي رتبة المقدم.. ** استشهد وهو برتبة الرائد وبعد إستشهاده تمت ترقيته الي رتبة العقيد..
** كان باراً بوالده ووالدته إذ أنه لايخرج الي العمل إلا وقد جهز لهما الإفطار والشاى والعصير..
** شيعته بحرى في نوفمبر 1987 عن بكرة أبيها بالزغاريد من الدناقله والصبابي وحلة حمد وحلة خوجلي .. ** دُفن الشهيد بمقابر حلة حمد.. *** كان بالنسبه لي أكثر من صديق وأخ إذ لم نفترق منذ 1972 الي لحظة إستشهاده في 1987 .. ********************************* *** يحمل إبني الوحيد إسمه :- محمد فؤاد عبدالكريم أحمد الامين.. ***********************************************
(عدل بواسطة عبدالكريم أحمد الامين on 08-17-2008, 08:54 AM)
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)
|
الأخوان كمال السر كرار
المهندس طارق ميرغني
المستشار عبدالكريم أحمد الأمين
ألأحباء أبناء وبنات بحري وكل محبي بحري طراوة......
أسمحوا لي بعملTarawa delivery ومداخلة من أنور العجب ( أبو النور ).......
حسب التوبيب المداخلة يمكن أن تقع تحت عنوان مدينة بحري النشاة و التكوين ولنبدأ مع أبو النور:
أطيب التحايا لكل بحراوي في البلد و في مرافئ الغربه....
أعزائي الحديث أو بالأحرى الونسه عن بحري ذات شجون ولعلها
تثري أماسينا في سماوات غائبة النجوم...... تضئ لياليها أوجه من تركناهم من الأحبة........
و تسامر ليالينا عبق الذكريات الحلوة و الناس الجميلين الذين عشنا و تربينا معهم و بينهم..
و تعلمنا الكثير من كبارنا و أندادنا ومعلمينا و ندين لهم بالكثير عرفانا ووفاء..........
عندما ندلف للونسة عن بحري ( العزبة) اللي هي عزبة الحلفايا وبالمناسبة سينما الحلفايا أخذت التسمية لأنها تقع و سط العزبة ( حي الأملاك ) و حولها ثكنات الجيش الأنجليزي ( الحملة الميكانيكية ). بحري مدينة المدائن و هي أول مدينة صناعية في السودان و لأزالت تتبوأ قيادة التصنيع في بلادنا. وتتشكل المدينة من توليفه أجتماعية رائعة و فريدة رغم الفواق الزمنية في القدوم و الأستقرار في هذه المدينة بالمناسبة أنا ما بحب كلمة النسيج الأجتماعي لأنها بتذكرني بما آلت اليه مصانع النسيج الأمريكي ( السوداني) و الياباني ( الخرطوم) و أيام زمان في الصباح الباكر وبدفوردات ( الحلفايا وشمبات) تنقل العمال مسرعة نحو الشركات و بدالات العجلات المدورة بنشاط والعمال يشقون الشوارع نحو المخازن و الوبورات و المنطقة الصناعية و عساكر سلاح الخدمة و الأشارة متجمعين راجين الكوامر و خالاتنا ستات اللقيمات و بائعي الشاي على نواصي الشوارع.
و نرجع لتكوين المدينة القديمة و قلنا العزبة وحمد و خوجلي ( التسمية تعود للعارفين بالله ا لشيخ حمد ودام مريوم والشيخ خوجلي أبو الجاز و جاورهم أهلنا المريوماب و أهلنا الخو جلاب و بعدها جاء مولانا الحبيب النسيب السيد علي الميرغني و من قبله السيد المحجوب..... و أصول المريوماب و الخوجلاب تعود الي المحس و أنسابهم و أهاليهم في المقرن و توتي و الجريفات وحتى العيلفون و الدبيبة .. وشمالا الصبابي و الهجرة و شمبات والى الخوجلاب... حلة حمد و خوجلي أستقبلت الشلالية و الكنوز و لديهم فريق في حلة حمد.. و أغلبهم كانوا بحارة و صناعيه في الوابورات...و بعد داك دخل عليهم أخوانا الأقباط كانوا موظفين كتبه ومحاسبين في الحكومة و تجار و لديهم أكبر كنيسة في السودان وملحقة بها مدرسة أبتدائية و أعدادية ساهمت في مسيرة التعليم بالمدينة) و الباقي كان مزارع (حواشات ) مطرية تزرع بالسلوكة عيش بأنواعه و قصب أب سبعين للمواشي و الجروف أهالي ملاكها أصحاب السواقي الأصليين.. و من جنينة البلدية( فندق قصر الصداقة) بعدها شوية بيوت مريوماب ادتها ليهم الحكومة طبعا بعداك أراضي تابعه للكنيسة الأنجيلية ( مدرسة كمبوني) بعدها مدرستين ابتدائيات و نادي البحرية و بيوت كبار الموظفين و حكمدار بوليس بحري و الضواحي و مفتش أراضي بحري والضواحي ومدير الوبورات.. وبعدها مدرسة الوبورات وو رش و أحواض مصلحة الوبورات حوش ومكاتب للأدارة المركزية و قاية النباتات بيوت موظفين المخازن و امهمات و القضائية وفي ناصيتها شمالا مدرسة النقل الميكانيكي (تأهل الطلاب تأهيل مهني علي مستوي عالي في صيانة السيارات 4 سنوات بعد الوسطي).. وبعدها ورش ومخازن النقل و بيت مدير ا لنقل مواجه الكبري مع البوابة الرئيسية ....بعد الكبري سلاح النقل و الأشارة و بعدها بيوت حكومية علي البحر و مزرعة سجن كوبر و السجن العتيق مواجه حي كوبر و أشلاق السجون.. وبعد الكبري كان حظائر أبقار ومجمع ألبان عزيز كافوري و في الواجهة نقطة الشرطة وبيوت أمتداد كوبر ( الواحة) أراضي حكومية وزعت للموظفين و دي بحري القدبمة..... و مع أنتهاء الحرب العالمية الثانية في الأربعنيات و تسريح العسكريين كانت نشأة النقل الميكانيكي و المخازن وتوسعت الوبورات و بدات حركة سكانية في البلد بأستقرار الكثيرن من قوة دفاع السودان فوزعت أراضي جديدة و قام حي الديوم و الدناقلة جنوب و التسمية تعود لكون اغلبية السكان من أهلنا الدناقلة من مقاصر و الغابة و دنقلا و غيرها من جزر و مدن الدناقلة و أيضا معهم عدد من الأسر الشلالية و الكنوز أنتقلوا من حلة حمد.... أما الدناقلة شمال و زعت للموظفين والتجار و غيرهم من أبناء بحري.... أما الديوم وهى تبدأ من شمال أشلاق البوليس و شمال سوق بحري و هي و زعت للعمال في شكل بيوت صغيرة ممتدة حتى حي الصقور و بعدها ( الجو) محل مستشفى أحمد قاسم الآن... حي الأملاك يبدأ من المنطقة المتاخمة لحلة حمد مرورا بالكنيسه و خلف المجلس البلدي و الجامع الكبير و المنطقة خلف و جوار السينما الوطنية و ماشي طوالي يمين و شمال شارع الكوبري خلف البوسته الى نادي العمال شرقا الى البيوت المقابلة لمحطة السكة حديد.... و في نص الحي مدارس العزبة العتيقة و مدرسة البنات الأبتدائية و اسمها مدرسة ست رفقه وهي مربيه عظيمة فاضلة من أقباط بحري السمر وكانت شخصية رائعه... و بجوار سينما حلفايا سكن ضباط الجيش و جامع العزبة و بيت تابع لشئون الدينية و في النهاية تلاقيك حديقة اركويت .. و لاتنسى المنطقة الممتدة من جنوب مستشفى بحري ( طاحونة مقار) مرورا بالمدارس و الكنيسة الأنجيلية و موقف الحاج يوسف و حتى المدرسة الأهلية ( السكة حديد)... ونعود للحدود الشمالية للمدينة القديمة الدناقلة شمال و الديوم حي الصقور و كوشة الجبل الهي المكان الحالي لأشلاق بوليس السواري شمال ميدان المولد والمولد تنقل كثيرا و ثبت أخيرا في ميادين كرش الفيل ( الرفاق والخطر) من فرق كرة القدم......و بعداك جاء المزاد و الشعبية و التوزيع بنظام القرعة و الرسوم تقريبا 51 جنيه و بيوت الشعبة 900 جنيه للمبنى الصغير 1100 جنيه للكبير.... و الدليل علي تكوين بحري و أنها كانت ضاحية من ضواحي الخرطوم هو وجود عمودية توارثها المريوماب وآخرهم العمدة مقبول الصديق رحمه الله و كان الى عهد قريب يرأس المحكمة ( القروية ) محكمة العمد و أعضائها من أعيان بحري يحكمون في القضايا البسيطة و التي تنتهي بالصلح أ و عقوبة الجلد او غرامة مالية و في آخر عضوية كان عمنا اللازم مرسال وهو من أعيان أهلنا النوبة و رياضي مطبوع و عضو الهيئة الأدارية لمنطقة بحري التابعة لأتحاد الكرة و كان يشرف على مباريات ميدان عقرب و ما ادراك ما عقرب..... عمدتنا مقبول الصديق كان على قمة الهرم الرياضي و تراس أدارة التحرير لعدة دورات وكان يصرف على النشاط ا لرياضي من حر ماله......أكتفي بهذا القدر على أمل اللقاء أنشاء الله
أنور العجب
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Ibrahim Elagab)
|
[Quote: B]أسمحوا لي بعملTarawa delivery ومداخلة من أنور العجب ( أبو النور )... |
د. إبراهيم ود عبدالله العجب..
أبو النور عايز ليهو إجازه ونبدأ نسجل أوديو وفيديو ونعين شخص عشان يقوم بالإختزال وآخر عشان يقوم بالمراجعه وينزل علي البوست ..
** عرفتو ياشباب بحرى ليه كنا بنادى بابو النور وانو وجودى ضرورى ,, ابو النور كنز معلومات عن بحرى يمشي علي أثنين ,, ويأأبو النور ممكن نكلم ناس المنطقه الغربيه يدوك إجازه أسبوع , يانحنا ننتقل اليك اسبوع الي حين حضور المدام وبيت مال وعيال مُقدماً ,, والشكر مُوصول ليك يادكتور ,, وماتباعد بين الحلقات لانو ابو النور حيخلي البوست زى مسلسل نـــــــــــــور.. الكل في الانتظار..
ودائـــــــــمـــــــــاً بـــــــحـــــــرى فــــــووووووووق......
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
ابن عمتي المستشار عبد الكريم الامين المرحوم الاستاذ بشير بلنجه العطبراوي العتيد كان بالنسبة لنا في الحي نعم الصديق بسرعة البرق
تعرف علينا وتعرفنا عليه ونحن لم نكن طلبة في المدرسة بل اولاد الحلة فقط ارجو ان تكلمنا عنه اخي عبد الكريم.
الشهيد محمد فؤاد اخوه الكبير علي كان صديقنا وهم جيران لاخينا المرحوم جلال عثمان محجوب.
اما اخي وصديقي انور العجب فهو لا يمشي علي اثنين بل يطير علي اثنين من الاجنحة . الشكر لاخي الاستشاري ابراهيم العجب وبالله اعصرو لينا
لحدت ما يمرق العايزنو .ولو ما عصرتكم قويه ما كان خطب ؟؟؟؟؟؟؟؟؟؟؟؟
انا شاعر زي ما قلت ليكم كمال كرار حيسافر دون سابق اخطار؟؟ غايتو انا ما لي دخل!!!!!!!
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: حسن طه محمد)
|
Quote: ابن عمتي المستشار عبد الكريم الامين المرحوم الاستاذ بشير بلنجه العطبراوي العتيد كان بالنسبة لنا في الحي نعم الصديق بسرعة البرق تعرف علينا وتعرفنا عليه ونحن لم نكن طلبة في المدرسة بل اولاد الحلة فقط ارجو ان تكلمنا عنه اخي عبد الكريم.. |
ابن خالي الباشمهندس طارق للاسف لا أمتلك الكثير من المعلومات عن هذا المربي الفاضل وكل الذى أعرفه عنه من روايات صديقي الشهيد محمد فؤاد وبعض من درسوا في مدرسة الدناقله شمال الاوليه (الابتدائيه) بل كان يتحدث الجميع عن قوة شخصيته وحبه لمهنته المُقدسه .. أتمني ممن درسو بهذه المدرسه أن يُوفوه حقه ..
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
سلام يا ناس بحري يا حلوين
والله مشتاقين وما ناسين وما جافين
ولكل المداخلات متابعين ومسمتعين
بس نفسنا قايم ومع الديناصورات ما قادرين
لا نكتب ولا نتداخل قلنا احسن نكون متفرجين
وللديناصورات سؤالين سمحين:
منو فيكم بعرف من ناس بحري
عبده هندي و أبو جلمبو الشهير بنجم الدين؟؟
يلا يا طارق ميرغني ود السر كرار وبقية الديناصورات الخطرين
ويا حافظ يا فيلسوف يا دفعة مشتاقين
وعلي قولك لينا:
Quote: ابراهيم عبد المجيد سابقا او ابراهيم قناوي حاليا تعال بجاي يا دفعه |
ولكلامك نسمع ونكون مطيعين
ويجو عايدين ان شاء الله عايدين
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
احر التعازي ابعثها لاخي عبد الرازق سعيد في وفاة نسيبه وان لله وانا اليه راجعون.
Quote: عبده هندي و أبو جلمبو الشهير بنجم الدين؟؟ |
والله يا قناوي عبده هندي طشاش طشاش ( هل هو عبده سوق ؟) لانه الفتره طولت لكن ابو جلمبو ما عرفتو غير بتاع البحر داك. بالله ذكرنا ما
نتلوم مع الناس ساكت .
ناس بحري القدام ديلك كلهم بنعرفهم.
كمال كرار مشي وخلي الباب فاتح. ما حنسيبو لمن يجي؟
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
أولا أحر التعازي لإبن بحري البار أبو رزقة ونسال الله أن يتغمد الفقيد برحمته
ثانيا يا باشمهندس طارق والله ما قصرت بخصوص عبده هندي أقول ليك دقت في العراضة وأبو جلمبو ده أنا ح أدي الناس فرصة شوية وبرضو كدي حاول تاني
ولك التحية وفي انتظار كمال كرار
حباسة: قلت لي يا كمال سنة 84 انت مغترب ؟؟؟ بجيك بي رواااااقة
وبرضو بحري طراوة
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: ابراهيم قناوي)
|
Quote: قلت لي يا كمال سنة 84 انت مغترب ؟؟؟ بجيك بي رواااااقة
وبرضو بحري طراوة |
دكتور/ إبراهيم قناوي ..سلامات يا أخي..
عدت فجر اليوم من السودان.. ومن بحري بالتحديد..
أخذت لي دوز طراوة... والعيار فلت قرّبت ما رجع!!!
يا دكتور أقول ليك أنا دفعة محمد عبد المجيد قناوي.. تقول لي أجيك بي رواقة...
يعني محمد سنة 84 كان وين؟؟؟ وبالمناسبة أنا أغتربت سنة 79م... اها يا دكتور...
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
يا قناوي الآن تذكرت عبده هندي الرجل الدنقلاوي علي ما اظن وكان يسكن قرب ناس محمد صالح ود اليماني وزوزو وكان ما شاء الله رجلا عاتيا
ذو بسطة في الجسم. نجحت؟؟
اما بخصوص ابو جلمبو : اول مره اسمع لي بي زول اسمو ابو جلمبو وشهير بنجم الدين.
الشيء الطبيعي يا قناوي انو يكون اسمو نجم الدين وشهير بي ابو جلمبو ؟؟ برضو افتينا.
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
Quote: .. أخوك عامل فيها مثقف ..
|
تعرف يابوعلي ... مع البدلة والحكيرة دي مفروض تكون بتطالع في Financial Times أو Wall Street Journal مش صفحة الرياضة في جريدة "..."
Quote: بعد اصرار شديد من اخي عزام وتعليم بالتلفون نزلنا الصورة في البروفايل |
الأخ عزام كتر خيرو ما مقصر شايفو دايما بشرح للمبتدئين من أمثالنا خفايا التعامل مع سودانيزاونلاين بطريقة سلسة وفيها طولة بال. قول ليهو يطلعها في كتيب "دليل السذج لاستخدام سودانيزاونلاين Sudaneseonline for the Dummies" حتى تعم الفائدة .
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: عبدالمحمود محمد عبدالرحمن)
|
Quote: مع البدلة والحكيرة دي مفروض تكون بتطالع في Financial Times أو Wall Street Journal Quote:
وين يا دكتور محمود زمن القراية ... يا دوب الواحد لو لقي وقت لاخبار التلفزيون يكون كويس.
و Wall Street Journalو Financial Times وكمان ال Observer دا كان زمان ويا حليل زمن مكتبة المركز الثقافي الامريكي الذي سرقت عجلتي الرالي من امامه .
بس قول لي انت رايك في الحكيرة دي شنو.
Quote: للمبتدئين من أمثالنا |
الصحيح : للمبتدئين أمثالكم.
ووصيتك ستصل لعزام
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
حقيقة يا سعادة المستشار لقطه انما لقطه بس الفوكسنق عايز شوية ضبط او ندخلها ليك الفوتوشوب نطلعها ليك زي بتاعة ود موسي جاكسون
ديك .بعدين اطراف الصوره مقصقصه من المحيط ليه؟ وبعدين لو مديت يدك اليمين في شنو؟ اسئله كثيره يا صديقي لكن احقو تثبتها في البوست
بس الرساله السابقه دي ما قلت من مين .
اما صاحبك عزام مما شكرنا ليه صورة حفلة فيصل الصحافه ما صدق؟؟
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
. في اتصال هاتفي اليوم تحادثت مع الأخ والصديق وزميل الدفعة ببحري الحكومية عبدالرحيم محمد على مطولاً وأرسل ما يلي عن أسرة مميزة من أسر الخرطوم بحري العريقة ما شاء الله .. وكذلك عن المرحوم نصر السيد للنشر في بوست بحري: ..
Quote: السلام عليكم ورحمة الله وبركاته ... عوداً للمحادثة التلفونية أرسل لكم موضوع تسعة أطباء من بيت واحد من بحري حلة خوجلى؛ درسوا جميع المراحل في بحري والجامعة جامعة الخرطوم إلا أنهم الآن جميعهم بالخارج. والدهم د. يوسف عثمان استشاري صحة مهنية. أولاده: د. هشام استشاري بريطاني في زراعة الأعضاء، ود. هانى استشاري بريطاني في أمراض الدم، ود. عثمان هولندي دكتوراه في الفيزياء، وزوجته أيضا استشاري نساء وولادة، ود. هيثم استشاري بريطاني نساء وولادة تخصص أجنه، ود. حسين طبيب عمومي في مكه وزوجته أيضا طبيبه؛ أما شقيقتهم الوحيدة فهي أيضا طبيبة وزوجها طبيب في لندن أيضا. . أما الموضوع الثاني فهو عن السيد نصرالدين السيد ـ رحمه الله ـ وكان الشيخ محمد على من حلة خوجلى هو ناظر مدرسة حلة حمد الأولية في ذلك الوقت وتقرر أن يقبل نصرالدين في الصناعية بالرغم من تميزه ولكن حسب إفادة السيد نصرالدين السيد نفسه تمسك ناظر المدرسة بعدم قبوله في الصناعية ورضخ الانجليز في النهاية وواصل تعليمه، وقال نصر الدين في إحدى لقاءاته لولا هذا الناظر لكنت في المنطقة الصناعية مكنيكى وهذا هو الزمن الذي كانت تقبل فيه المدرسة كلها في المرحلة الوسطى ـ الأميرية 1 ـ التي ولا يفشل أحد في التأهل للمرحلة التي تلي. رائد م. عبدالرحيم محمد علي
|
. ناظر المدرسة المرحوم الشيخ محمد علي هو والد الأخ عبدالرحيم. .
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
Quote: يا قناوي الآن تذكرت عبده هندي الرجل الدنقلاوي علي ما اظن وكان يسكن قرب ناس محمد صالح ود اليماني وزوزو وكان ما شاء الله رجلا عاتيا
ذو بسطة في الجسم. نجحت؟؟ |
والله يا باشمهندس طارق نجاح باهر هو هو عبد المنعم قناوي شقيقي الشهير بعبده هندي وده كان من شدة حبو للأفلام الهندية بمشي السينما شايل معاهو مسجلو عشان يجي كل يوم جنب البيت يسمع الأغاني تاني .... إقناع والله يا باشمهندس
Quote: اما بخصوص ابو جلمبو : اول مره اسمع لي بي زول اسمو ابو جلمبو وشهير بنجم الدين.
الشيء الطبيعي يا قناوي انو يكون اسمو نجم الدين وشهير بي ابو جلمبو ؟؟ برضو افتينا. |
ابو جلمبو ده بديك فيهو فرصة وهو طبعا اللقب لكن دي ما الحركات الظهرت بعد مسلسل ليالي الحلمية يعني بقوا يقولوا العمدة سليمان غانم الشهير بصلاح السعدني ونازك السلحدار الشهيرة بصفية العمري ... وهكذا
قوي والله يا باشمهندس ما شاء الله
لك التحية وف يانتظارك
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: ابراهيم قناوي)
|
أخى عبدالكريم... لك الود......
Quote: وكذلك نتسأل عن إختفاء الكمندان / عبد الحفيظ حسن ؟؟ |
يسأل منك الخير..... لمشاغل الدنيا...ولمحاولة شحذ الذاكرة....
أذكر كنا من وكت لآخر نجى نقعد نتونس مع أخونا الترزى حمدناالله فى دكانو فى بيت عمك سالم النجار....عبدالواحد..صلاح ميشيل...حسن الخليفة(أبرع حراس المرمى فى المزاد وكان يلعب لفريق زحل)....وأخوه بكرى...وفى واحد فنان حقيبة صوتو رخيم وجميل إسمو عبدالرحمن( وللأسف الشديد لا أذكر بقية الأسم)وبعض الإخوة لم تسعفنى الذاكرة بأسمائهم... ويكون عمك على صاحب المقهى الشهير فى سوق المزاد...محضر لينا كورة كبيرة مليانة جمادة اللبن الأصلية....نجيبا الدكان ونضيف ليها السكر والمربى.... حاجة ما معقولة.....
| |
|
|
|
|
|
|
| |