ما هو المعيار ؟

Quote: و يا كبر و سمارت مع احترامي لرأيكم.. و للحرية بالمعنى الأنيق.. حدثتمونا عن الحريات المطلقة .. لو جارتكم أو جاركم كان زول سوء (كلاكيت تاني مرة ..إعادة تمثيل مشهد (الجار) ).. و علق يافطة في الشارع قدام بيتك..لكن في الشارع..و عليها سهم بيأشر على بيته هو و سماه (باسم التجارة بتاعتو)..موقفك يا كبر ..و موقفك يا سمارت من حرية جارك أو جارتك حيكون شنو؟ نهال و قيقا ..السؤال ليكم برضو..!

مشهدك دا وين محلو . . في ياتو خيال ؟! . . و لا هو مثال ساااااااي و السلام ؟!
يا عزيزتي انا مولود في قرية في جنوب السودان ، و لما شفت المدن خلااس عشت في كوستي و بقية اهلي موزعين في البطانة ما بين العالياب و كريعات و القضارف و دوكة و كسلا . . و لما طرت رحت جيت جدة الغير دي . .
اها المسرح ( الافتراضي ) في ياتو من المدن الحديثة دي !!
المثالي منو و الواقعي منو اسي ؟
بعدين ياخ شنو امثلتكم انت و تيسير القاطعنها من سفنجاتكم دي ؟!
حيرتونا عديل كدا
نحن بتكلم عن ( كتابة ) و في ( سايبر ) اسبيس و لا بنتكلم عن ( اشخاص ) من لحم و دم عديل ؟!
اوع تقولن ما حيرتونا !! . . اوع !!!
هي الحيرة دي برضو غيروها ؟!
الله يجازي ناس ما بعد الحداثة ديل . . زمان كان المفاهيم واااااضحة و محددة ، لموا فيها فك و تركيب لمّا احترنا ذاتو !! . .
كيمو يا فردة التفكيك هو ذاتو ما اعادة تركيب ؟ . . اعمل حسابك الشغلة مخاتلة جداً و مكااااااااارة . . او هكذا تبدو للبسطاء الزينا . . شاحد الله يتفتن فيك استاذنا طلعت الطيب عشان تمطر هنا في البوست دا - بصراحة بعد جية سيدي الحسن و من قبله الملك محمد علي طه باقي لينا أ. استاذنا طلعت الطيب و تكتمل - و الله من زاوية شوفي انت و عزاز بشتنتوا ما بعد الحداثة و قعدتوها ميطي ساي هنا .
نرجع لسؤال اختنا ( الكبيرة ) سناء
اها انا قيقا ( الخيالي ) دا و بحالتي ( النفسية ) غير المعتبرة دي ، و في الكيس ( الخيالي ) دا بقلع اللافتة دي و بمشي اكسرا ليهو في راسو الكبير دا . . لما تعتقلني الشرطة ( الخيالية ) و يودوني المحكمة ( الخيالية ) ديك ، و القاضي ( الخيالي ) يقول لي انت مش عارف القانون ( الخيالي ) بدي الزول دا حقو في انو يخت لافتتو عادي في حي ( الخيالة ) بتاعكم دا كجزء من مدينة خيالستان هنا ؟!
بقوم اغني ليهو - اتذكري اخوك عندو نفسيات اصلاً - لي قطتون صغيرة . . . الخ النشيد . . بلحن طفولي برئئئئئئئي
يقوم كدا فت يديني البراءة الخيالية
اقوم انا افرح و اجي افتح لي بوست هنا في الفضاء الافتراضي دا . . و ابشركم . . و يجوا الاحباب يباركو لي . . يفرح الجميع
حتى جاري ( الخيالي ) سيئ الذكر . . ما كلو خيال في خيال . . المافي شنو ؟ . . خلي الناس تنبسط ياخ !


--------
ود الصايم و اماني
حيرتونا !!
هو زعلان ( شديد ) يا ود الصايم . و لا هي ست الحلاوت يا اماني ؟
رسونا على بر ؟

يا تايسا
ما ملاحظة انك اتعديتي من مصاقرة سودانيز اون لاين
مداخلاتك ما فيها اي جديد . . مجرد اجترار لما قيل سلفاً
و مثال الزول العريان كان لحنتيهو و غنيتيهو عديل ما بشتريهو منك
و لا بتاع التدخين . . يا زول نحن اب لصعة دا ما سألنا مدخنين و لا ما مدخنين ؟ . . ادانا باسويرد كيري ساي . . زي مطاعم القراصة في ابو جنزير . . بس قعدتك كدا يجيبوا ليك سلطة ( في الغالب جرجير ساي ) . . و كوز موية مصدي . . دي فرصة ذاتو الزول ( ينق ) مويتم مرات مرات ما بتكون باردة ذاتو
بعدين الكدايس - الكدايس ذاتو انواع - الظهرت في صورة كيكي الجابا لـ " ميس " - شايفوا نكرا و لصقا في الكبير - مسئول منها منو ؟ . . ديل ضررن ما اكبر ؟ حالة انهن اجبااااااااري . . اها بمعيارك ( الحرية المكانية ) دا نقول " اب لصعة " يمشي برضو ؟!
يا زولة ؟!!
بعدين صراحة تعامل راقي زي دا نحن ما متعودين عليهو ذاتو . . نحن عنقالة سوق ساي احتمال كبير نغلط في الاجابة . . لانو ما متعودين ياخ
اهبطوا بالـ ( فلسفة ) لارض السودان الشغيغ يرحمكم الله ياخ
و بطلوا اسئلة ( وجودية ) تعسفية مفارقة لشروط وجودنا الواقعي