|
|
|
 Re: خيمه بت الهنا (Re: الطيب شيقوق)
|
بت الهنا
الله يجازى محنك لقد اضحكتينى بهذه الجندبة الميتة
و هو على فكرة تصوير بديع و رائع لمحتويات تلك الشنط
و الشاهد ان وجود جندب ميت او اى نوع آخر من الحشرات انما يدل على بيئة تلك المناطق الزراعية الجاذبة لتلك الحشرات و التى تختبئ فى المناطق الرطبة و المظلمة مثل الشنط ......
اها لقيتينى كيف ؟؟؟ لكن برضو التدبيل حاصل
الريس شيقا
شيقا للتتدبيل
شيقاللسيرة و العديل
شيقا رئيس القناديل
بس وحياتك خايف عليك من كوم المناديل
( تمبللللووووولللللوووو )
| |
 
|
|
|
|
|
|
|
|
Re: خيمه بت الهنا (Re: KOSTA)
|
| Quote: ( تمبللللووووولللللوووو ) |
مسنوووووووووح
تقرر ترفيعك لرتبة عميد اركان حرب
اعجبتني ملاحظتك للعبارة الواردة من المسنوحة التي قالت فيها (جندبة ميتة) ما كنت اخالها متعمقة لهذه الدرجة في ثقافة ضهارينا لكن اشك عندها data base او مصادر معلوماتية تورد اليها معاني تلك المفردات .
| |
|
|
|
|
|
|
|
|
|
Re: خيمه بت الهنا (Re: الطيب شيقوق)
|
شروط الانضمام الى رابطة المدبلين
البند الثانى : ان يكون عضو الرابطة يملك مواهب احترافية تجذب الطرف الآخر و تؤدى الى اقناعه بمبدأ التدبيل خاصة اذا كان الطرف الثانى من غير المتزوجات من قبل ( آنسة ).
كل من يفتقد هذا الشرط سيفقد جزء هام من الاهلية المطلوبة للانضمام للرابطة
شيقا
الشرط ده ضرورى و لا يقبل التعديل الا اذا كان التعديل يزيد من قوة الشرط و ما تقول لى مسيار و معيار
| |
|
|
|
|
|
|
|
|
|
Re: خيمه بت الهنا (Re: KOSTA)
|
المسنوح فيسل هليل
مع اعتذاري يا بكوري على المحاكاه لاهلي الرطانه ... لكن ما كل رطانه رطانه
انت رطانتك شقشقه عصافير ما زي المسنوح دراب
مالكم؟ مش انا ست الخيمه ؟ أقول الأقوله
انت يا المسنوح بتدور تواعدني؟؟ والله ياهو ... قال لي بكره قال.. بكر عدوك قرد قول يامين ... لوووووووووووول
أبل ليك ابري ... بتعرفوا ؟ ما ظنيتك
المهم يا المسنوح يا صاحب المسنوح ... انت مفروض تتوب من المواعيد .. عشان اخر مواعيد هججتك من السودان و جابتك هنا.
و اسي جاني في الايميل ... وبكشف حالك بيه .... ققرققرقرقرقققر
أقروا يا ناس على لسان فيصل خليل:
ياعمك مرة زمان في الزمان الغابر ، وانا راقد في نص الحوش زي
التمساح العشاري معاي الحجة نتجاذب اطراف الحديث ، والكهرباء ( كاطعة )
كعادتها و السخانة زي الشطة .
التلفون يقوم يرن ،،، ارفع السماعة يجيني ليك صوت زي الكمنجة :
العارض : منو معاي !!
هي : حسن موجود ؟؟
العارض : مافيش .... نقول لي منو ؟؟
هي : قول لي ندي ،،، طيب باي !!
انا ما لايووق مُخاطة بس :
باي نق تربيع !!
دقيقة و الحكاية شنو انا غفير ولا بتاع كبانية !!؟
هي : ليه في شنو؟؟
العارض : طيب ما تتكلمي معاي ، انا ليه البنات بضطهدوني كدة انا ما بنو آدم !؟!
ما كرهتونا البلي زاتو !!!
هي : انا آسفة ما قصدت شئ بس لانو ما بعرفك ، انت منو طيب ؟!؟!
انا : انا العارض اخو حسن ( علماً باني لا اعرف حسن ولا زول بهذا الإسم
الا حسن الترابي وده بذات بينو وبينو مافي اي عمار ) يعني معقول اقول
ليها النمرة غلط ومافي زول إسمو حسن ( انا جنيت ) !!
ونظريتي في الحياة :
ما اجرح مشاعر الصبايا ورفقاً بالقوارير والمثل الخالد بقول ( عدم العروض جفا ) !!
هي : خلاص ياعارض اتونس معاي وليه لا ، ده حتي باين عليك زول ( لتييف ) !!
المهم حنك شديد ، ساعة وانا بتراشق مع البت زي الفراشة ، رشاقة جد ، شئ نكات
وشئ شعر شئ غرويد عيون ، حكم وامثال و البت انكيفت لي شديد !!
هي : طيب باي ، هاك تلفوني وهات تلفونك وسلم علي ( حسن ) .
انا : ( في سري طبعاً ) حسن بتاع جنك ، حسن والصفارة !!
دقييقة ياخي ، ومال كنت ح احنكا كييف !!
لما خلصت المكالمة وجيت راجع للحجة :
سالتني :
ام العارض : انت يا ( عروضي ) ده منو البتنضم معاو ساعة ده !!
.... قلتا ادقس الحجة قلت ليها النمرة غلط .
الحجة : ساعة وتقول لي غلط الضارب ده هندي !!
انا : انت ياحجة في الامن ولا نكير خالك : مالك بتحكيها كدة .
الحجة : يحكك الجرب يامخوزق تلقاها واحدة من الغنم البضربو ليك ديك ...!!
العارض : انت ام رقيقة ولا ام فتفت ،،،،!!
... المهم سادتي دورت التلفونات بيني والحبيبة الوطن ،،
وكل يوم تلفونين تلاتة وانا خلاص الصوت الناعم يزداد
رسوخاً في ذهني .. اتعذبتا عذاب شديد .
البت اقرأ ليها شعر ( يحي فضل الله ) اقول ليها
انا كتبتو ... مرة قريت ليها :
( ياضلنا ) قلتا ليها دي بذاات كاتبا فيك لانك
عندي زي ضُل الضحي المترامي بين مسارب روحي !!
بعد مدة سمعتا ليك في شريط لي ( مصطفي سيد احمد )
شاكلتني وقالت لي انت ماعندك مصداقية كييف تدقسني
وتقول لي كاتبا فيك !!
انا : ( مالئيم وما بتغالط ) .
العارض : انت ما سمعتي بي توارد الخواطر ،،،
اها ده توارد بيني والشاعر الإسمو / يحي فضل الله ده .
وبعدين هو زاتو متأثر بي و شعرو كلو
ضُل و شجر تقول ( مزارع ) .
اهن الدامة كلما اقول ليها نتلاقي تقول لي خلينا
شوية نأخد علي بعض !!
انا ( متفائل ) قلت النص ده ح يكون مبالغة زي
صوتا ده اصبر عليها و طول بالك ياحبة بكرة تُفرج
وتكتحل عيونك برؤية البدر ليلة تمامه .
يا بت الناس ما نتلاقي خلاص ،، تقول لي اصبر
بطل شفقة انت مالك لايوووق كدة !!
انا اللايووق انا الويكة انا السرسيون .
واشيل واطمن في نفسي واقول البت دي بي صوتا
ده بالميت بتكون قريبة ناس المغربي ، وعيونا
بكونوا كبار وغلاد و حلوات زي عيون الحمار .
... اها مرة قُرحتي قايمة علي و عندي حرقان
وزهجان الف قامت ضربت لي تلفون في المكتب .
العارض : هووي انا حركات المراهقين دي ما
بتنفع معاي ،،، نحن لازم نتلاقي يا كل قرد
يطلع شجرتو شنو شغالين خيال علمي !!
هي : ما تخلينا شوية مالك الليلة !!
خلينا نخلق مساحات للشوق !!
العارض : مساحات شنو دي الاراضي يا نتلاقي
يا شتات تاكلي نارك .
كرهتينا التلفونات بقيت عامل زي رأفت
الهجان كدة !!
هي : خلاص بكرة نتلاقي في نادي الاسرة ،،
بس انت خليك ( ريلاكس
.. وقد كان اليوم الموعود .
الحلة كلها عارفة انو العارض جادع زمن وح يلاقي الحبيبة
( ستات الشاي نسوان الكسرة بتاع الدكان
عوض الترزي حتي عايدة شمار ) .
ياعمك خشيت ليك في المحشي من العصر ونجيب الريحاني
( اباطي اتهرد من الريحة ) قربت اعمل الفاتح الصباغ
لي شعري بس خفت من شيلة الحس ، اها وشتات لي نادي الاسرة !!
مشيت قبل ساعة من المواعيد
( الخفة الكتلت اب تفة والرشاقة الكتلت إشراقة ) .
وقلتا اعمل كاسحة ألغام وده ما مهرجان فرح كرنفال عشق !!
اها الدنيا مغربت كدة ، جات ليك بت زي الليل زي السم
انا بي خفتي المعهودة جريت عليها :
العارض : انت ندي !!
هي : لا ابداً وقبلت علي الجهة الثانية
( بس ،، الله يكسر حنكك عامل وشك العريض ده ) .
العارض : هووي يا العولاق اصبري علي بس تجي
القطعة النضيفة دي وجاهتك دي الا اطيرا ليك من راسك .
.. بس بعد شوية تجي ليك بت زي ( السحلية )
لا زي الدبيب لا دبيب شنو زي الصارقيلة الصايمة !!
وانا خلاص من الضحك داير اقع علي وشي ،،،
وهي طواااالي جات ليك علي !!
الصارقيلة الصايمة : انت العارض ؟!
انا : آي انا العارض عارض السجم والرماد .
وفي سري قلتا دي بتكون مرسال الشوق الحبيبة
رسلتا ( للإعتذار وكدة ) انت منو يختي !!
الصارقية الصايمة : انا ما ندي ندوية قلبك
يا قلب ، يخسي عليك ياعروضي ما عرفتني !!
... انا خلاص بقيت مخدر وكداري ما شايلاتني
وقلت ياعمك دي الكاميرا الخفية ولا شنو ؟!
اواصل الفيلم للنهاية و الشباب في الحلة
راجينك ح تقول ليهم شنو؟!
ده ماآكشن الآكشن ، المهم لملمت اطرافي وقلتا
( خربانة ام بناية قش ) !!
وهاك ياضحك وغرويد عيون وشعر ،، اي نعم كنت
داير اطرش وانا بقرا الشعر لكن اهو نمشي الحال .
... وقلتا لازم امتص الصدمة و اعمل فيها روحي رياضية .
وهي دايرة تطير من الفرح ،، وتعطش ليك في ( الجيم )
انا قايل الجيم صايمة اليوم داك !!
وهاك ياغرويد عيون و تتلولح وتتمايص زي الياي !!
وماسكاني من يديني انا قايل نفسي ( هاني شاكر )
و لو جاء زول فيكم بهناك ما حا يعرف الجكساية منو فينا ..
... لكن النصيحة البت ما مبالغة حنضل بس !!
ياخ دي وشها زي اللين ( مثلث ) وخاتة ليها
قطعة كرتونة في صدرها زي المريلة ،، ح تقولوا لي ليه :
ما عشان صدرا ما يتقدّ لو نزلت حنكا ودنقرت
لي تحت ،،، مش قلنا حنكا سنين ولا شنو !!
وبعدبن مجلطا ليك شعرا تقول بي ( مخاطة ) ،،،
وكمان لابسة ليها 15 قطعة قماش ده مسلسل
الجوارح ولا شنو !!
طبعاً دايرة تسمن وكدة : في سري
( لن يصلح العطار ما افسده الدهر يا حبة ) !!
المهم سادتي اليوم داك مرّ بي خيره وبي شره !!
بعدما طمنتها انو البينا سوف يستمر ونحن كيان واحد ..
ولازم نواصل المشوار ولا نامت اعين الجبناء ، وانت
إمرأة حلوة ومستنيرة وروحك حلوة !!
... ولما رجعتا الحلة فكيتا ليك في الشباب
قلتا ليهم : البت طلعت زي الليل زي اللبلب ،
هم صدقوني لكن بإرتياب عارفين حظي !!
اهن هي بقت تضرب في المكتب وانا عامل
( حظر عاطفي ) إستنفار شديد اي بت تضرب لي
ان شاء الله بت لعاب : انا مافيش انا في الجنوب
مشيت العمليات جاني قبول من سرايفوو
اي حاجة بس جلوني منها !!
انا ما شليق يوم جيت المكتب بدري التلفون يرن ،
رفعتا السماعة القاها ليك دي ( حبيبة قساي )
ومين قسا قلبي !!
هي : وييين اتا وشنو الحكاية من ديك وعيك !!
انا قايل ده يوم القيامة ،، لساني الطويل داك
بقي زي حق الطيرة وخشمي بقي ناااشف و حلقي مُر ،،
جاني طُمام بتاع الملاريا داك و كلما ابلع ريقي
احس كأنو في حلقي في علبة ( صلصة مصدية )
ولا لستق عربية محروق ماعارف بالضبط شنو !؟!؟
وهي مواصلة في الاسئلة زي نكير :
الصارقيلة الصايمة : مالك ما باين ويا حليلك
وياحليل ايامك وشنو ما بضرب ليك طوالي ما بكلموك
سكرتيرتكم العاملة زي الورل دي ما بتكلمك !!
ورل انت كمان بتتكلمي في الشكل ( في سري طبعاً ) .
لما خلاص زهجت مني وانا زي الابكم !!
الصارقيلة الصايمة : ماعشان كدة قلنا
ما نتلاقي ،،، رجال ماعندهم نظر ، و المراة
عندكم بس جسد .... وكركرب قفلت السماعة !!!
نصيحة :
... تاني مافي واحد فيكم يرد علي التلفون
لو في ناس تانين في البيت !!
همسة :
انا لو بقدر علي الحمام الميت ده ووجع
القلب ده كان مشيت الشرطة الشعبية !!
حاشية :
لا تثق في الصوت عبر الهاتف ان بعض الجكس يؤذي !!
حاشية الحاشية :
... لو في زول فيكم وهو حايم في الخرطوم
و شاف لي بت زي الحربوية خاتة كرتونة
في صدرا (قطع شك ) دي الحبيبة الوطن ...
ولازم يقطع فيها كف علي مسؤليتي انا ،،،،،،!!!!
... وبرضو تقولوا لي سموك : ( العارض ) ليه !!
| |
|
|
|
|
|
|
|
|
|
Re: خيمه بت الهنا (Re: BitAlhana)
|
| Quote: أقروا يا ناس على لسان فيصل خليل: |
انا غايتو بعرف زولا حصل ليهو نفس الدور وهو معانا هنا وكمل الليل كولو مسجات ورنات ومسانجرات شهور وشهور وبعدين هو ذاتو صارقيلة مكسحة وكمل كل قروانات الطحنية وحلاوة بللبي الفي دكان عمو وبعدين طلعت عقرب عدييل ..اها من يومها وهو يكاكي وينطط زي القعونجة من بوست لبوست ...
| |
|
|
|
|
|
|
|
|
|
Re: خيمه بت الهنا (Re: الطيب شيقوق)
|
| Quote: تعالي تصفحي اللنك ده عشان تشوفي دود الخلاء الما خمج |
انت يا سجمان زعلان علي "الدود" اها خلينا ليك الديدان كلتها يابيه.. بعدين البنية ما قالت ليك عايزة مسرح روماني هي بس عبرت عن مسرح الواقع وانت بقيت في دود الخلا والخمج ..دود الخلا اليخليك فوق الشجرة مع القروود اصحابك سنتيين ويقعد ليك بتحت كدة حسااادة سااي كان تهوب تنزل الواطة
| |
|
|
|
|
|
|
|
|
|
Re: خيمه بت الهنا (Re: BitAlhana)
|
سـلام يا بت الهنا,
شكرا على الضيافة وياها المحرية فيكي والله,
كدي كبي لي الجبنة وإلا قولي لي
انتي من شايقية وين؟
أحمد الشايقي
| |
|
|
|
|
|
|
|
|
|
Re: خيمه بت الهنا (Re: الطيب شيقوق)
|
وحاتك يا ود شيقوق .,,,, المسنوحه انا في ما بتجي
والظاهر عملت ليها دريبات في الفيس بوك,, بتجكس
وبتجي هنا لي انصاص الليالي بعد ما تتاكد انه بخ نمنا
| |
|
|
|
|
|
|
|
|
|
Re: خيمه بت الهنا (Re: BitAlhana)
|
وبتجي هنا لي انصاص الليالي بعد ما تتاكد انه بخ نمنا
انت سادي وردية نائم مالك يا مسنوح؟
نحن نزلناك من عميد لرتبة عقيد ورفعنا كوستا لرتبة العميد
كوستا لو سمع الاذان ما بهبب ليهو واقف ديدبان 24 ساعة . مش زيك لو كركب الابريق ساى تتخمخم جاري مخلي الدار خلاء لبشتنتنا
| |
|
|
|
|
|
|
|
|
|
Re: خيمه بت الهنا (Re: محمد عثمان)
|
أجي يا محمد عثمان؟
انت بعتني ولا شنو؟
أصلوا المسنوح شقا ود فقرا ... اكيد خمشك ...
كدي نزل لي الغنيه الفوق دي لو سمحت؟
خليني نتحسر على الخيمه و زمانها
ارسل ليك شنو عشان تجيها؟
| |
|
|
|
|
|
|
|
|
|
Re: خيمه بت الهنا (Re: BitAlhana)
|
Quote: كدي نزل لي الغنيه الفوق دي لو سمحت؟
خليني نتحسر على الخيمه و زمانها
ارسل ليك شنو عشان تجيها؟ |
وقعى لى الاغنية...ما فرزتها
و بعدين ما بيناتنا و كدا...
| |
|
|
|
|
|
|
|
|
|
Re: خيمه بت الهنا (Re: BitAlhana)
|
المسنوحه ,,جيتي,, انا مشيت اتبن دربك ,,اها الكوارع كيف؟
وعمر البشير لسه في الحبشة,, ويا المسنوحه ابعدي من الجعليين
نحنا كل شي ولا الحقاره,, وبعدين قلتي انا وشقا يفطسوا رقابنا
والله يا شقا انا دفعتي لواءات تبشتني وتنزلني عقيد يعني مع
طلبتي يا شقا تشمت فيني المسنوحه. ويا المسنوحة وحاتك انا شيخ
ود شيوخ بتبركوا فيني , مويه زمزم كيف نتيجة الكشف ما طلعت؟
(عدل بواسطة سيف الدولة كامل on 05-06-2009, 00:37 AM)
| |
|
|
|
|
|
|
|
|
|
Re: خيمه بت الهنا (Re: الطيب شيقوق)
|
وووووووووووووووب شقا صحااااااااااااااااااااا
شقا المسنوح ... صباحه أبيض
قول اربعه مرات
اللهم بك اصبحنا وبك امسينا....
قول أربعه مرات اللهم اني اصبحت أشهدك و أشهد حمله عرشك و ملائكتك و جميع خلقك
بأنك انت الله لا اله الا انت سبحانك اني كنت من الظالمين...
ونحن ح نقول اللهم انا نعوذ بك من شر هذا اليوم و شر مافيه....
أنظر الى الموضوع من الجانب الحسن...
بث
| |
|
|
|
|
|
|
|
|
|
Re: خيمه بت الهنا (Re: BitAlhana)
|
بت الهنا
سلام ااا زولة
قبل ما نطرح اي سؤال او موضوع
مشمش عازمة كل الخيمة عيد ميلادها الليلة يوم الخامس من مايو
الحافلة حسابها مدفوع والتورتات جاهزة
نحن في الانتظار
| |
|
|
|
|
|
|
|
|
|
Re: خيمه بت الهنا (Re: إحسان عبدالمتعال أحمد)
|
| Quote: عيد ميلادها الليلة يوم الخامس من مايو |
يابتي الخيمة دي مش في الخرتوم ؟؟ واليوم بقي السادس ...انا بتي الكبيرة كان عيد ميلادها امس الخامس من مايو (صباحا بتووقيت الخرتوم ومساء شديدا بتوقيت البكان البتعيش فيهو شرقا ) ....انتو الخامس من مايو بتاعكم دة مركبنو اب قدح ؟
___________
حاشية للجميع :
كما ذكرت سابقا كثيرا فانني واجيال الناطقيين بغيرها درسونا عربيAbridged بس زي جدادي يلقط الحبة وديكي يجري وظلوط والنمر النمر يعني "مسنوح" دي ما في الديكشنري بتاعنا ووالعرريب السجمان دة يا اما اخترعها يا كعادة العرريب داسيين عنا حاجات كتيرة فبالله من يانس في نفسه الكفاءة يشرح بعربي بمستوي للناطقين بغيرها المصيبة دي شنو وشايفكم عملتو منها تصريفات مسانح وسنحات وووووو... ( العرريب ليس مؤهلا بتاتا لان يدلو بدلوه او خرجه اوقروانته في هذا الموضوع ) .. القائد الاعلي
| |
|
|
|
|
|
|
|
|
|
Re: خيمه بت الهنا (Re: abubakr)
|
نبدأ بي الناس الفطيناهم ... و نعتذر ليهم بي شده
المسانيح سجموا الواطه ورمدوها
الشايقي يعد ايه جيت تصالحني؟
ما استنجدت يي شيخك الوهم شقا. خليه ينفعك
انا زاتي بقيت ما شايقيه حردتها ليك؟
طارق جبريل:
ساري الليل ... قبنيه دي شني كمان؟
ترجم و أعرب
كيمو:
بعد التقصي و الاختبار و صلت لي معلومه انك بوردابي كواليسي
نشكرك بي شده على الكاريكاتورز التي تحكي واقع شقا المعاش
قف:
لازالت تحت التحري و التدقيق .. لمعرفه واقع حالك
نووووووو هارم
بث
| |
|
|
|
|
|
|
|
|
|
Re: خيمه بت الهنا (Re: BitAlhana)
|
Quote: اللهم بك اصبحنا وبك امسينا....
قول أربعه مرات اللهم اني اصبحت أشهدك و أشهد حمله عرشك و ملائكتك و جميع خلقك
بأنك انت الله لا اله الا انت سبحانك اني كنت من الظالمين... |
اللهم إنا لا نسألك رد القضاء وإنما نسألك اللطف فيه
| Quote: ونحن ح نقول اللهم انا نعوذ بك من شر هذا اليوم و شر مافيه.... |
وشرور المسانيح
| Quote: أنظر الى الموضوع من الجانب الحسن... |
على انا يا بوبي ؟
| |
|
|
|
|
|
|
|
|
|
Re: خيمه بت الهنا (Re: الطيب شيقوق)
|
الرطاني
| Quote: كما ذكرت سابقا كثيرا فانني واجيال الناطقيين بغيرها درسونا عربيAbridged بس زي جدادي يلقط الحبة وديكي يجري وظلوط والنمر النمر يعني "مسنوح" دي ما في الديكشنري بتاعنا ووالعرريب السجمان دة يا اما اخترعها يا كعادة العرريب داسيين عنا حاجات كتيرة فبالله من يانس في نفسه الكفاءة يشرح بعربي بمستوي للناطقين بغيرها المصيبة دي شنو وشايفكم عملتو منها تصريفات مسانح وسنحات وووووو... ( العرريب ليس مؤهلا بتاتا لان يدلو بدلوه او خرجه اوقروانته في هذا الموضوع ) .. القائد الاعلي |
سيبك من ده كلو . دحين انت بتعرف ترقص العاجكو ؟
جربت الحت بالكتف زمان ؟
جربت لميت ليك سجارة برنجي في جيبك منتظر بيها حفلة فيها جكسويتك وتقوم تمشي ليها وتشنق طاقيتك وكش تكرش الكبريتة لما عطاربتها تعكل في السماء لزوم جكسويتك تشوفك تبخبخ ؟
جربت تحديد مواعيد مع جكسويتك في ال out-patient وتكونوا الاتنين في ال que وتكون متمنى الكيو يكون سلبة ؟
جاييك
| |
|
|
|
|
|
|
|
|
|
Re: خيمه بت الهنا (Re: الطيب شيقوق)
|
| Quote: سيبك من ده كلو . دحين انت بتعرف ترقص العاجكو ؟ |
زمااانك لما ات كت مشغوول بالقرود وقروانات الطحنية وحلاوة بللي لي قصة تاريخية مع العجكو حينها حيث كنت احد افراد الفرقة النوبية الطلابية المشتركة في مهرجان الفلكور الشعبي في جامعة الخرطوم في مطلع 1968 ورقصة العجكو كنت ضمن ما تدربنا عليها مع اخوتنا من منطقة العجكو ذااااتا وتلت الرقصة النوبيةى رقصة العجكو فخرجت زميلة من دار حمر ترقص العجكو ونحن نصفق وعينك ما تشوف الا النور وهاك ياجديع كراسي وحديد ونور قطعو والحفلة كانت ماهولة بالسفراء الاجانب واساتذه الجامعة وضيوف وووو ولكن ارادت جماعات ان تقلبها الي ماتم ولقد تم لهم ما ارادو وليلتها قتل برلوم معاي في نفس السنة رحمة الله عليه وتقوللي تعرف العجكو ياعرريب ياسجمان ....
| |
|
|
|
|
|
|
|
|
|
Re: خيمه بت الهنا (Re: BitAlhana)
|
| Quote: شويه و الله يا شقا ... طلعت متدين |
متدين متدين الموية البيشربا بيتدينا وكمان بتدين قعدة تحت المكيف من صحبو الملباري
| |
|
|
|
|
|
|
|
|
|
Re: خيمه بت الهنا (Re: abubakr)
|
بكورتي مسند قفاي و مرواد عماي
اوووووووووووووووول
كل سنه و بتك طيبه
المسانيح كلمه عجزت كل المعاجم عن فكها
و لكن اتى بها المسنوح من الضهاري
و حشرها في زمره الكلمات العربيه و أصبحت تستخدم في البورد بي شده
وسوف نصبح قريبا مسانيح أون لاين
والله كنا قايلين فك الخط صعب ... لكن شقا سواها
| |
|
|
|
|
|
|
|
|
|
Re: خيمه بت الهنا (Re: BitAlhana)
|
Quote: بكورتي مسند قفاي و مرواد عماي
اوووووووووووووووول
كل سنه و بتك طيبه |
تشكراتنا مدموزييل (اها يا عرريب السجم شوف النحوي دة !!! ).. بعدين يا غرريب الهكر انت بقيت تهكر نضمكم ذاااتو وتاتي بتعابير ليست في قاموس قريبنا من الناطقيين بغيرها الحاج سيبويه والذي علمكم النضمي ذااتو .. انتو غير السلبطة عندكم شنو ...كل الاشياء عنكم "عربية" لحدما خالتوها "ركشة" ...
| |
|
|
|
|
|
|
|
|
|
Re: خيمه بت الهنا (Re: إحسان عبدالمتعال أحمد)
|
احسان حبابك في الخيمه
و الله يخلي ليك مشمش و أبو مشمش
عليك الله يا احسان دي دعوه تعمليها علني كدي؟؟
اسي شقا و سيف ديل خشومهم دي خشوم جاتوه؟
كل سنه و مشمش طيبه و ربي ما تحرم بيت من الأطفال
النبي كان صورتيها نزليهم لينا
| |
|
|
|
|
|
|
|
|
|
Re: خيمه بت الهنا (Re: الطيب شيقوق)
|
عدنا و العودة شيقا
شيق والا احمد كل عند الرطانة سابون
العربي الكيشة المتخلف ما بتعرف جاتوه
دي نحن بيفطمونا بيها. وبعدين مع سمعت عن
الملكة انطونية لما شافت الشعب الفرنسي طالع
مظاهرات لانعدام العيش في الاسواق قالت ديل طالعين مظاهرات
ليه و كانت الاجابة مافي عيش في البلد عشان كدا طالعين مظاهرات
فكان ردها طيب ما ياكلوا جاتوه
جاتوه معناها تورتا والا تورتا ذاتا دايره شرح ?
جننتا الكديد المركل ذاتو يا شيقا
| |
|
|
|
|
|
|
|
|
|
Re: خيمه بت الهنا (Re: الطيب شيقوق)
|
Quote: و حشرها في زمره الكلمات العربيه و أصبحت تستخدم في البورد بي شده
وسوف نصبح قريبا مسانيح أون لاين |
منو القال ليك حشرتها في زمرة الكلمات العربية يا مسنوحة انت ما سمعت الشاعر قال:-
علي " قالي منزه طبعو مو مسنوح
كمان راقي وحلو ومن كل فارغة صفوح
شعر بي حالة القلب البوِحْ مجروح
إن جاملنا يشكر وان طلع مسموح
| |
|
|
|
|
|
|
|
|
|
Re: خيمه بت الهنا (Re: الطيب شيقوق)
|
كيمو:
ـــ
بعد التقصي و الاختبار و صلت لي معلومه انك بوردابي كواليسي
ــــــــــــــــــــــــــــــــ
نشكرك بي شده على الكاريكاتورز التي تحكي واقع شقا المعاش
ــــــــــــــــــــــــــــــــ
يا شيقاااااا .... الحق زولتك طلعت امنجيــة ..وانا اصلو قلبى
ماكلنى بقول البنية دى بتنوم بالنهار وبتشتغل بالليل مالا ..ياهو
ذاتو شغل الجماعة.......
وعلى اى حال عليك اللة وصلها الاغنية دى رشـــوة
عمك كيمــــــو
http://www.youtube.com/watch?v=ob_dhdpfeWY
| |
|
|
|
|
|
|
|
|
|
Re: خيمه بت الهنا (Re: فيصل محمد خليل)
|
كيموووووو
Quote: يا شيقاااااا .... الحق زولتك طلعت امنجيــة ..وانا اصلو قلبى
ماكلنى بقول البنية دى بتنوم بالنهار وبتشتغل بالليل مالا ..ياهو
ذاتو شغل الجماعة....... |
يا اخي انت مروّس checked مالك عايزها تزعل منك وتقول ليك
زدنى صدودا فاني عشقت دنيا عذابي
| Quote: عليك الله وصلها الاغنية دى هدية |
دى اكان ما شبعت فيها انا حت نامن عرقت عديييل كدا ما بديها
| |
|
|
|
|
|
|
|
|
|
Re: خيمه بت الهنا (Re: الطيب شيقوق)
|
| Quote: دي نحن بيفطمونا بيها |
على انا؟
انتوا الرطانة كان بتوحموا بيكم وبفطموكم بالقامشة المفرهدة في طرف البحر - يقطعوها وينشفوها ويحشوا كدوسها وكش يولعهو ويبخوهو ليك في نخرتك يا سجم
غور كدا
| |
|
|
|
|
|
|
|
|
|
Re: خيمه بت الهنا (Re: فيصل محمد خليل)
|
كيمو المدسي
تحياتي و شكرا على الغنيه
و الله عرفتها ... احكي ليك دي
مره دايره لي حاجه من ود بت عمتي ... مشيت بيتهم ما لقيته
قالوا لي طلع...
اتصلت على موبايلوا ... لقيته في البيت ناسيه
شلت الموبايل بتاعه .... و من موبايلي اتصلت على اخر رقم فيه
رد صاحبه .. الو... قلت ليه ممكن أكلم ياسر؟
اتفاجأ و اداني ليه ... قلت ليه تعال البيت اسي دي
قال لي اموت و اعرف عرفتيني كيف؟
وريته الحاصل ... أصحابه حلفوا اني شغاله في الأمن
قرقرقررقرقرقررق
يا كيمو ... انا أبوي ضابط بوليس قديم ... يعني اتربينا على يد الضباط
سكنا في بيوت الضباط ... و حرسي كان ديدبان جندي ....
هيييييييييييييييييع بدون كع لغايه ما تثبت حسن نواياك
| |
|
|
|
|
|
|
|
|
|
Re: خيمه بت الهنا (Re: الطيب شيقوق)
|
الرتاني
| Quote: تشكراتنا مدموزييل (اها يا عرريب السجم شوف النحوي دة !!! ).. بعدين يا غرريب الهكر انت بقيت تهكر نضمكم ذاااتو وتاتي بتعابير ليست في قاموس قريبنا من الناطقيين بغيرها الحاج سيبويه والذي علمكم النضمي ذااتو .. انتو غير السلبطة عندكم شنو ...كل الاشياء عنكم "عربية" لحدما خالتوها "ركشة" ... |
عندنا بنقول ليها ( ست النفر )
ومنو القال ليك حشرتها في زمرة الكلمات العربية يا مسنوح انت ما سمعت عربينا قال:-
علي " قالي منزه طبعو مو مسنوح
كمان راقي وحلو ومن كل فارغة صفوح
شعر بي حالة القلب البوِحْ مجروح
إن جاملنا يشكر وان طلع مسموح
| |
|
|
|
|
|
|
|
|
|
Re: خيمه بت الهنا (Re: الطيب شيقوق)
|
| Quote: كمان راقي وحلو ومن كل فارغة صفوح |
إت يا شيقو دحين أم عبدالله بتقرأ الكلامات
البتكتبها هنا و (هناااااااااااك) ؟
حرم تذكرة أم عبدالله عليّّّّّّّّّّّّّ !!!!!!!!
تحياتي للأستاذة بت الهنا ...
والسادة المتداخلين ..
| |
|
|
|
|
|
|
|
|
|
Re: خيمه بت الهنا (Re: الطيب شيقوق)
|
Quote: علي " قالي منزه طبعو مو مسنوح
كمان راقي وحلو ومن كل فارغة صفوح
شعر بي حالة القلب البوِحْ مجروح
إن جاملنا يشكر وان طلع مسموح |
انا كمان بقدر اقول نضمي زي دة ...ايه الاثباتات انو النضمي دة بتاع قحطان وعدنان ...؟؟؟ تغشونا ساااي بكلام قاطعنو من نافخوكم ..؟؟
يافيسل النويهيجقو اووقو مرجالوق بجنتنيق ارابري نيسن .. اين وي ارابريين بجديمن مرجاك قهتان وادندان واباس ولدمليا ايقنن .. من نويهي الهتيئة(الحطيئة) ايقنن بجد الينق بجنكنن ..
| |
|
|
|
|
|
|
|
|
|
Re: خيمه بت الهنا (Re: فيصل محمد خليل)
|
Quote: الشايقي يعد ايه جيت تصالحني؟
ما استنجدت يي شيخك الوهم شقا. خليه ينفعك
انا زاتي بقيت ما شايقيه حردتها ليك؟
|
يا بت الهنا,
معليش ياخي والله ما قاصـد
بس شيقوق دا صديق قديـم, من البورداب المخضرمين, نمينا سوا ورقدنا سوا وقمنا سوا
وهسع دايرين نتم ليهو الناقصة ونكمل ليهو دينـه
ما تفهميني غلط ياخي حبابك والصلح خير
ومني للخيمة شوال بن وشوالين سكر,
وكبي الجبنة يا بنية,
أحمد الشايقي
| |
|
|
|
|
|
|
|
|
|
Re: خيمه بت الهنا (Re: BitAlhana)
|
بت الهناااااااااااااااااااااااااء
سريييييييييييييييع
الليلة بوستيك جاب ليك سعادتو كلووووووو ( الفاروق ود حامد) امانة النار ما ولعت
Quote: إت يا شيقو دحين أم عبدالله بتقرأ الكلامات
البتكتبها هنا و (هناااااااااااك) ؟
حرم تذكرة أم عبدالله عليّّّّّّّّّّّّّ !!!!!!!!
تحياتي للأستاذة بت الهنا ...
والسادة المتداخلين .. |
ام عبد الله مش بتقرأ وبس انت يا مسنوح . ام عبد الله طورت التعامل التقني والمسنجري حتى . وصار الحكي معاها بالوب كامات . فهمت ولا ادخل بيك لا جوة اغرقك لاضنيك .
| |
|
|
|
|
|
|
|
|
|
Re: خيمه بت الهنا (Re: الطيب شيقوق)
|
فيسل هليل
| Quote: المسنوح يمكن قايل للناظر بيعرس له واحده من بناته |
عافي منك يا القرعم انت . ده الشغل ولا بلاش خلي كبيركم يجي يسمع .
بت الهنا القرعمة معاكم؟
| |
|
|
|
|
|
|
|
|
|
Re: خيمه بت الهنا (Re: الطيب شيقوق)
|
الشايقي
Quote: ما تفهميني غلط ياخي حبابك والصلح خير
ومني للخيمة شوال بن وشوالين سكر,
وكبي الجبنة يا بنية, |
Strongly recommended to keep away from her hidden agenda
Masnu7aaaaaaaaaaaaaaaaaaaaaaaa
| |
|
|
|
|
|
|
|
|
|
Re: خيمه بت الهنا (Re: BitAlhana)
|
Quote: دايره انوم ليها بي الخيره
باكر بوريك القرعمه |
قرعم دى عندكم في الشمال بس انتوا هملتوا الشمال وبقيتوا لا لا مين في الشمال ولا الصعيد
| |
|
|
|
|
|
|
|
|
|
Re: خيمه بت الهنا (Re: الطيب شيقوق)
|
Quote:
خـلاس يا الشايقي
أصـلـوا الدم بيحن
عفونا عنك و أدخلناك في زمره التائبين
|
يا بت الهنا,
سـلام واحترام
شوفي صلحنا في الخيمة دي براهـو وموضوع عرس أخونا لي كوندي رايس براهـو
بالشروط دي نكون متفقين
أحمد الشايقي
| |
|
|
|
|
|
|
|
|
|
Re: خيمه بت الهنا (Re: أحمد الشايقي)
|
الشايقي
Quote: شوفي صلحنا في الخيمة دي براهـو وموضوع عرس أخونا لي كوندي رايس براهـو
بالشروط دي نكون متفقين |
هييييييييييييع ما رجال الا شوافي .
عافي منك دنيا وآخرة الليلة المسنوحة خليت راسها لافي زى ورتابة العنكوليبة مع نسام الشتاء
| |
|
|
|
|
|
|
|
|
|
Re: خيمه بت الهنا (Re: الطيب شيقوق)
|
Quote: طارق جبريل:
ساري الليل ... قبنيه دي شني كمان؟
ترجم و أعرب
|
اسمها بقنية يا ست الخيمة
ههههههههههههههههه
دي عاد يشرحوها كيفن
هههههههه
| |
|
|
|
|
|
|
|
|
|
Re: خيمه بت الهنا (Re: الطيب شيقوق)
|
| Quote: انت قول ليها بالعديل كدا البقنية هي The second generation of the so called Marisa |
شيقا
الله ينعلك يا المطموس
هههههههههههههههه
| |
|
|
|
|
|
|
|
|
|
Re: خيمه بت الهنا (Re: طارق جبريل)
|
طارق
| Quote: الله ينعلك يا المطموس |
مطموس انا يا سجم الرماد - نوعك ده بيكون ما خلى ليهو راية معلقة في قطية . هلا هلا مما جيت مشنق الطاقية في الهامة وجاري عكازك المضبب ووصلت محلات رمى الجمرات كش اتناولت القناية وكرررررر جريت العلم وهطتوا في التراب والعالم من حينها اتلهمت البقنية ملح ساااااااااااااااااااااااى
| |
|
|
|
|
|
|
|
|
|
Re: خيمه بت الهنا (Re: الطيب شيقوق)
|
| Quote: مطموس انا يا سجم الرماد - نوعك ده بيكون ما خلى ليهو راية معلقة في قطية . هلا هلا مما جيت مشنق الطاقية في الهامة وجاري عكازك المضبب ووصلت محلات رمى الجمرات كش اتناولت القناية وكرررررر جريت العلم وهطتوا في التراب والعالم من حينها اتلهمت البقنية ملح ساااااااااااااااااااااااى |
هههههههههههههههههههههههههه
يا شيقا اقولك شي
وحات الله انا الشاي ما قاعد اشربه
حتى اسأل استاذي سيف الدولة دة
هههههه
| |
|
|
|
|
|
|
|
|
|
Re: خيمه بت الهنا (Re: الطيب شيقوق)
|
احم,, احم,, طيري يا المسنوحه انا جيت
انا ما كاتب ليك عرضحال ,,مارديتي ليه؟
يا شق الود طارق بري,, لاحضر البقنيه ولا الطراده
لكن بيكون حضر ايسكريم لولي,
الاخت احسان عبد المتعال,, الف مبروك لمشمشه
وعقبال الشمعة المائة,, ويا بت الهنا احسان
دي خوة وانسانه كريمة وبيته ملتقي لناس بروكلين
اكلنا وشربنا عندها الكرم اليلا,, والدكتور راجل
ما ساهل,,,وبطلي حساده يا بت الهنا.
| |
|
|
|
|
|
|
|
|
|
Re: خيمه بت الهنا (Re: الطيب شيقوق)
|
يا شقا ,, يا اخوي الخيمه بقت خلا
المسنوحه وحاتك سوت ليها دريبات
انا ماشي اشوف ارضا تانيه
صفوف البنزين وقفنا فيها
صفوف العيش برضو وقفنافيها
غير ديل ما بعرف لي صفوف تاني
الا صف الطابور,,,,,,,,
| |
|
|
|
|
|
|
|
|
|
Re: خيمه بت الهنا (Re: سيف الدولة كامل)
|
انا ماشي اشوف ارضا تانيه
لالالا انت احسن مننا فالح وراسك ما بضرب مش عندك خط دفاعاتك الكوارعية ؟
تعال لينا وكان لقيتنا مافي اجري اخد ليك كدة وعقب تعال .
الناس ديل زى تلنغ بقعوا في وقت واحد للتشلع
| |
|
|
|
|
|
|
|
|
|
Re: خيمه بت الهنا (Re: الطيب شيقوق)
|
والله يا شقا ,,الكوارع مسخنه
الا مسقط الكوارع فيها وين
والله انا حارس الخلا مافي زول هوب ناحيتها
والخيمه بح لا هزة كانون ولا كباية ليمون
بيت بكا,
| |
|
|
|
|
|
|
|
|
|
Re: خيمه بت الهنا (Re: فيصل محمد خليل)
|
بت الهنا
سيف الدولة واعوانه حيحتلوا البوست الجديد بتاعي
دخلت ارفع البوست لقيتهم بتونسوا عن الكورة
قلت احتمال الجماعة ديل اتلخبط عليهم الاختصاص لكن لا يبدو ذلك
وأكيد سوف نطرد الغزاة وينصرنا الله علي الانقلابيين باذنه
أما عن سؤالك عن التدبيل ده سؤال خطري وسؤال جنبات تعالي بجاي نفتو برانا
لان الانقلابيين معانا
أما توصيتك للعساكر بشاني مشكورة عليها
والقراية قالوا شهادات امريكا دي مرغوبة بره امريكا
عشان كده زيتنا طالع
وتعرفي يا الله لقيت المداخلة مع الزحمة الحاصلة دي
ياربي دي خيمتك ولا حتة تانية
مودتي
سيف بوسطون
| |
|
|
|
|
|
|
|
|
|
Re: خيمه بت الهنا (Re: سيف اليزل برعي البدوي)
|
الكامل
المسنوحة الليلة نايمة ليكم لهجمة الدغشية يجازيها
| Quote: الا مسقط الكوارع فيها وين |
تعال ساى - ات قايل روحك ساهل - كان من الفلبين نطلبها ليك بال دى اتش ال
لقيتيني كيف؟
| |
|
|
|
|
|
|
|
|
|
Re: خيمه بت الهنا (Re: سيف الدولة كامل)
|
الخيماب جميع
سلام
Quote: العميد اركان حرب كوستا
اجمع |
الريس شيقا
سمعاً و طاعة و تم الجمع سعادتك
وآسفين امبارح كنا مشغولين كتير
سيف يا دفعة
ادينا اخبار الرابطة يا مقرر
و كم عدد الاعضاء المسجلين حتى تاريخه؟؟؟
| |
|
|
|
|
|
|
|
|
|
Re: خيمه بت الهنا (Re: KOSTA)
|
تابع شروط الانضمام لرابطة المدبلين:
البند الثالث : ان يكون العضو قوى الشخصية و لا يخاف من المدام او من اهلها ....... خاصة حين يعزم على التدبيل
وده واضح يا ريس شيقا انه اهم شرط و اقترح عمل معاينات جادة للاعضاء المنتسبين للرابطة للتأكد من اجتيازهم لهذا الشرط الهام
| |
|
|
|
|
|
|
|
|
|
Re: خيمه بت الهنا (Re: سيف الدولة كامل)
|
و الله شقا صدق لما قال الزول ان اداكم ضهره ... تسجموه و ترمدوه بالقطيعه
هوييييييييييييي
بت الهنا عيانه
ياناس الخيمه بت الهنا عيااااااااانه
من امبارح ما ضقت هنا و لا زاد ........
كر علي يا بت الهنا.... سحروك الرجال ديل
عاد كيفن ما يسحروك؟
الخيمه عدادها رااااامي ....
لكن نسوي شنو ؟ مع المرجفين و المغرضين؟؟
سحرني كيمو ........ عينه حاااااااااااااااره
تاني كيمو ده دلعوه كم كم ........ كيمو ده عندي معاه عقده ... بي سببها
اها ارد من وين و اخلي وين؟
كلكم كدي تعالوا بي ربطة المعلم ....المشاريب الليله فري
ااااااااااي الملح ده ما بتدوروا عاد... لكن بسوي الضغط
تعالوا و نرد واحد واحد
ود الكامل .... انا مااااااااابرد عليك ........ ابيت
وعجبني ليك ... قربت تمشي بي عجل الحديد ...... قرقرقررقررر
اللهم لا شماته ... و اجعل كيدهم في نحرهم
كوستا قاصداك بالعنيه ... راجيه اشوف نهايتك شنو؟؟
الشايقي من الاول اختلفنا .... هسي في السودان في كم بت بايركس .. نقوم كمان نفك شقا للامريكان؟
نو ويي ... اسي هي كوندا قالوا جعرت و جعرت و اتنخجت و قالت انا خطفت شقا منها ... و بقى كل و كته للخيمه
و اهملها في الجات ... وفي الفيس بوك .. و اصبحت كل السكك البتودي مقفوله...
اها انا بقول ليها... موتي و موتي ومووووووتي
وشقا ده انا ما بخليه ليك
سوداني ود بلدي ... دمه زي دمي
لونه عاجبني ... نمه زي نمي
و موتييييييييييي
سيف ود برعي ... اوعك تمرق من بوستك .. خليك استاند باي 24- 7
اسمع كلام ملدوغ
فيسل هليل .... نوم سااااااااااكت ... اسي ما شايف ود الكامل نايم و الدنيا حلوه كيف؟؟
طارق جيب الهجيج ... و خلي بقنيتك بره
الله يديني خيركم ...
تورتوا علي النفس
| |
|
|
|
|
|
|
|
|
|
Re: خيمه بت الهنا (Re: BitAlhana)
|
كتب كامل
| Quote: ما عنك لي اربجي احتهم ليك |
الحت دا خلي لشيقا بيعرف ليهو كويس
بس جيب ليهو و حدة تهز و داك يا الحت
هاك الوزة دي
| |
|
|
|
|
|
|
|
|
|
Re: خيمه بت الهنا (Re: فيصل محمد خليل)
|
| Quote: كوستا قاصداك بالعنيه ... راجيه اشوف نهايتك شنو؟؟ |
بت الهنا
غايتو الفيك اتعرفت
قلبى على بت الهنا
وقلبها علىّ بالعنيه
و يمكن يتطور الى البنيّة ( بضم الباء)
و نحنا ناس بنعيش حياتنا الغالية بالنيه السليمة
و عشان كده ربنا حافظنا من كل ما يحاك ضدنا
الريس شيقا
المقرر سيف
ارجو اثبات سوء النية بالدليل القاطع اعلاه و رفع دعوة ضد صاحبة الخيمة لاستغلالها لصلاحياتها ضد احد الاعضاء الابرياء لا لشئ الا لجهره بالحق و مطالبته بحقوق اعضاء الرابطة الشرعية فى التدبيل.
يسقط نظام الخيمة العميل
عاش كفاح رابطة المدبلين واعضائها
و انها لثورة حتى التدبيل
صورة: للسيد مقرر حقوق "التدبيل" بالخيمة
صورة: للسيد ممثل هيومان رايتس ووتش بالخيمة
صورة: للسيد ممثل بانكى مون بالخيمة
صورة: للسيدممثل المحكمة الشرعية"المأذون" بالخيمة
| |
|
|
|
|
|
|
|
|
|
Re: خيمه بت الهنا (Re: KOSTA)
|
سحرني كيمو ........ عينه حاااااااااااااااره
ـــــــــــــــــ
تاني كيمو ده دلعوه كم كم ........ كيمو ده عندي معاه عقده ... بي سببها
ــــــــــــــــــ
يابتـى يابت الهنـا..سلامتك والبورد كلـــو فداك
بس عليك كيف اكون سحرتك وانا مقدم السبت واشيل واهديك فى الاغانى
رغم انو الجماعة جارين لى الفرملة..وبعدين عاينى فى عيون
ناس سيف الدولة وشيقااا وفيسولى عشان تعرفى السحرك منــو
اما عيونى انا حاوريك ليهم لما اجى السودان بعد شهرين
عشان تشوفى بـرآءة الاطفال فى عينيـــة
كـم كـم(كيمـو المدسى سابقا)
| |
|
|
|
|
|
|
|
|
|
Re: خيمه بت الهنا (Re: فيصل محمد خليل)
|
اخخخخخخخخخخخخخخخ جيتكم متقريف ليكم شدييييييييييييييييييييييييييييييييييييداحييكم اول حاجة وكفروا لي مصاب ب hypoglycemia المنبر العام.
هيييييييييييع كع
| |
|
|
|
|
|
|
|
|
|
Re: خيمه بت الهنا (Re: الطيب شيقوق)
|
Quote: اها انا بقول ليها... موتي و موتي ومووووووتي
وشقا ده انا ما بخليه ليك
سوداني ود بلدي ... دمه زي دمي
لونه عاجبني ... نمه زي نمي |
كتلتيني وكسرتيني خليتيني احبى بركبي وما عندي غير اقول ليك :-
يا نوارة الشدرة الطارحه البكره ...
يا مرسومه بقندول عيش ...
ورزازة مطره ...
يا شموخ النخله وطعم الثمره ...
يا بت بلدى ...
روعة بسمة ولون السمره ...
جمال تاجوج يا اصل الفكره ...
لوزة قطنة وريحة زهرة ...
نيلك طرحه وضلك سدره ...
قوامك بانا وشك قمره ...
عيونك ضفه .. سر النظره ...
قليب اطفال بساطه وفطرة ...
شايله دلالك من الخضره ...
يقالد ديسك نخيل التمره ...
يا بت بلدى ...
رنة صوتك سحر النبره ...
خصالك سمحه
وسيرتك عطره ..
كريمه فى دارك ..
بشوشه وديعه ..
وخاتيه البطره ...
سبحان الخالق رب القدره .....
ودعتك الله وابقى عشره
هييييييييييييع كع
| |
|
|
|
|
|
|
|
|
|
Re: خيمه بت الهنا (Re: الطيب شيقوق)
|
كوستاااااااا
Quote: البند الثالث : ان يكون العضو قوى الشخصية و لا يخاف من المدام او من اهلها ....... خاصة حين يعزم على التدبيل
وده واضح يا ريس شيقا انه اهم شرط و اقترح عمل معاينات جادة للاعضاء المنتسبين للرابطة للتأكد من اجتيازهم لهذا الشرط الهام |
شغل نضيف زى ............... الرديف . مش زى الكامل مصاص كوارع
| |
|
|
|
|
|
|
|
|
|
Re: خيمه بت الهنا (Re: الطيب شيقوق)
|
عمو كيمو
| Quote: يابتـى يابت الهنـا..سلامتك والبورد كلـــو فداك |
لحدى هنا ات قادل عدل ونحن معاك
| Quote: بس عليك كيف اكون سحرتك وانا مقدم السبت واشيل واهديك فى الاغانى |
عيييييييك هديتك اتوطتا بكرعيها ساااااااى اوع تقرب ليها حتنطحك نطحة زين الدين زيدان
Quote: اما عيونى انا حاوريك ليهم لما اجى السودان بعد شهرين
عشان تشوفى بـرآءة الاطفال فى عينيـــة |
تجي السودان بوين ناس الامن بطبقوك من المطار مش كنت مع اوكامبو يا مسنوح؟
| |
|
|
|
|
|
|
|
|
|
Re: خيمه بت الهنا (Re: الطيب شيقوق)
|
Quote: الريس شيقا
المقرر سيف
ارجو اثبات سوء النية بالدليل القاطع اعلاه و رفع دعوة ضد صاحبة الخيمة لاستغلالها لصلاحياتها ضد احد الاعضاء الابرياء لا لشئ الا لجهره بالحق و مطالبته بحقوق اعضاء الرابطة الشرعية فى التدبيل.
يسقط نظام الخيمة العميل
عاش كفاح رابطة المدبلين واعضائها
و انها لثورة حتى التدبيل
صورة: للسيد مقرر حقوق "التدبيل" بالخيمة
صورة: للسيد ممثل هيومان رايتس ووتش بالخيمة
صورة: للسيد ممثل بانكى مون بالخيمة
صورة: للسيدممثل المحكمة الشرعية"المأذون" بالخيمة |
العميد كوستا
اوع توقع انت . لازم الكلام السمح ده يكون ممهور بتوقيعي انا بس واسلمو للمعنيين ليكم انا بس اختوا الشلاقة الضيعت بتاع الكوارع .
جهزوا العربية وختوا لي الرسالة وادرعوا المفتاح في الخزنة جوووة انا كاسح براااااااااى وسائق براى والموبايل صامت ومحل رهيفة تنقد .
| |
|
|
|
|
|
|
|
|
|
Re: خيمه بت الهنا (Re: الطيب شيقوق)
|
| Quote: كتلتيني وكسرتيني خليتيني احبى بركبي |
الريس شيقا
ارى ان ماء السكر قد اتى بمفعوله
و المسنوحة استدرجتك بمعسول الكلام و انت باين قلبك قرقريبة بس و شايفك درشت ليها و دلقت ليها الحنان هبطرش
قال بت بلدى و مش عارف سمره و لون قمحه .... يا ريس ارعوى !!!!
ود الكامل
رئيسنا اصبح من الصابئين فقد سحرته بت الهنا بناعم الكلام
قف .... لزوم نعمل اجتماع عاجل لمناقشة الامر
و شايف زولك عامل فيها حريف بالكلام الكاتبو تحت ده ... يعنى الود قلبو على الرابطة لكن وحياتك عايز يعمل ( أرق مهبة) و باين انو المسنوحة ختت حنانها فى قليب صاحبك الرجافة
Quote: لازم الكلام السمح ده يكون ممهور بتوقيعي انا بس واسلمو للمعنيين ليكم انا بس اختوا الشلاقة الضيعت بتاع الكوارع .
جهزوا العربية وختوا لي الرسالة وادرعوا المفتاح في الخزنة جوووة انا كاسح براااااااااى وسائق براى والموبايل صامت ومحل رهيفة تنقد . |
قال الكلام السمح ده يكون ممهور بتوقيعى انا قال
المهور يا يابا الما تلقاها للعرس و التدبيل
| |
|
|
|
|
|
|
|
|
|
Re: خيمه بت الهنا (Re: الطيب شيقوق)
|
قرر اجتماع الرابطة العاجل الذى عقد قبل قليل ما ياتى
تنحيةالريس شيقا من منصبه و كل صلاحياته الدستورية بعد ان خان الامانة التى اؤتمن عليها
تعيين ود الكامل رئيساً لمجلس قيادة الثورة بعد ترقيته الى رتبة فريق اول
حاشية:
بت الهنا
الرابطة واعية لمخططات تفتيتها عن طريق تحييد رئيسها المخلوع
لن تنالى مرادك و لو حرصتى
للرابطة رجال يحمونها
ملحوظة
على مليشيات الرابطة ان تكون على استعداد كامل للدفاع عن مكتسباتها
| |
|
|
|
|
|
|
| |
الطيب شيقوق
KOSTA
abubakr
سيف الدولة كامل
طارق جبريل
هويدا شرف الدين
إحسان عبدالمتعال أحمد
فيصل محمد خليل
فاروق حامد محمد
سيف اليزل برعي البدوي
فيس بوك
تويتر
انستقرام
يوتيوب
بنتيريست