الجبهة الديمقراطية كما السوس تشق التحالف بجامعة الخرطوم وتهدي الإتحاد للكيزان بنسبة كبيرة

Quote: .. لا ننفك نتابع هذا البوست الهام ، وثيق الصلة بواقع الصراع السياسي - الوطني و هو ايضا بوست مضطرب بسبب قوة اثر التوقعات ، و سايكلوجيا النصر و الهزيمة ، و نوايا الفعل و التوجهات ، و البوست مشحون ايضا ( وعلي نحو جميل ) بتقاطع و تعارض الافكار ، .. و ما الحقيقة و المعرفة الإ ولادة : " صِدام الافكار و شدة الدواس ، و الخسائر ، و التعلم من التجارب "

Quote: اولا شكرى يا محمد النعيم على النقاش الهادىء وسط هذه الزوبعة .... بالنسبة لرأيي الشخصى: لا زلت اعتقد ان القوى الجديدة تحديدا لا يمكن لعودها ان يقوى ما دامت تحشر برامجها وسط كومة من الافكار القديمة البائدة والايدولوجيات التى عفا عليها الدهر

عثل بس
حق الناس : زوبعة . . .
و حقكم دا : قديمة . . . بائدة . . . عفى - بالمناسبة بكتبوها كدا يا دكتورة - عليها الدهر . . . .
و كل الحقوق دي في نفس المداخلة . . .
غلوتية دي ؟
سمح الاجابة : البطيخ . . . صاح ؟

و الله يا امجد يا جميل ليك حق تحتار . . . و حيرت قلبي معاك
اسي الزمن دا كلوا كاتمين نفس القوى الجديدة بافكاركم البالية دي ؟

مشهد تاني :

Quote: طبعا (الضب ) الشايلو وحايم بيهو فى الموضوع دا ..هو تدخل الاحزاب السياسية خارج الجامعة فى انتخابات الجامعة ..طلاب جامعة الخرطوم عندهم حساسية عالية من القصة دى ..ومن زمان .. . .

سلام يا برلوم
أأكد على كلامك دا رغم اني ما مؤهل ليهو . . . نحنا كنا ناس ( فلوتر ساي ) . . . ايامها كنا لما ننقاش القصة الاوردتها في مداخلتك الاولى ديك كنا بنخت يدنا في قلبنا . . . لكن الثقة كانت فيكم عالية عكس القيادة البره . . . اكتر زول بكرر الزعم دا الطيب عبد الله صديقنا و كان بكرر اسمك و محمد زين عديلة
اقول ليك سر : لو عادت الايام ح اتنظم في الجبهة الديمقراطية و ما ح اصاحب الطيب عبد الله

لكن سيد الدار ( الخيط - البوست - او اي حاجة ) ذاتو ما طالب ولما كان طالب ما كان في جامعة الخرطوم . . . اها يعني ما يكتب البوست الجميل دا ؟
عمره " كوسو " ما كان شأن داخلي للطلبة او لجامعة الخرطوم و ليهو حضوره و دوره التاريخي النضالي و ظل طوال عمره منار و لن ينهار . . . الا كان الشباب ديل بعدم وعي قرروا بتميعهم للصراع انو يضيعوا المعنى دا . . . خليهم يتحملوا المسئولية التاريخية ، استلموه صاغ سليم غايتو .
و عبر الحقب كان " KUSU " المعبر عن أماني و تطلعات جماهير الشعب و ضمير واعي و على استعداد و بالمرصاد لكل المتربصين من يسار و يمين و استحق القابه ( جزيرة رجعية . . . .) و ( الصنم الجاثم على صدر الثورة )

اتاريهم ناس اشرف غزالي و ديفيد غارجنق كانو ما ساهلين و كان لاجمين ليك الناس دي صاح