مؤتمر لقيادات سودانيه (شابه) بمنتجع جبال الروكي كلورادو( صور)

الاخت العزيزه تراجي...انا اعيش هنا في الغرب من قبل ما يقوم لي شنب...يعني مافي زول بيقدر يوريني طريقة تفكير الخواجات...لانو اولادي منهم...يا سيدتي المعهد اكتسب نقطه سالبه بدخوله حالة الاستقطاب الحاد الحاصله في السودان علي اساس العرق...وحشر المعهد هنا تم ببعض المضللين علي اساس عرقي...مثل هذه الورش و الـ entertainment المصاحب ليها اعرف مقدارها جيدا وطريقة استدعاء المشاركين فيها وتعقد اهدافها في حالة دخولها في حالة الاستقطاب الذي نوهت اليه والذي يبدو لم يفهمه الشاب مكي...

عملية انزال الصور بهذه الطريقه تنم عن عقل طفولي ولا تخدم غرض اصلا غير المباهاه وهي اول نقطه تدرس في مجال صناعة القائد وعملية الكوتشنق...

قد افهم ان المجتمعين في مرحلة
forming, storming, norming and performing four-stage Tuckman's model
والـprogression بتاعها بيبدأ من الترتيب ادناه:
Forming
Storming
Norming
Performing
لكن يبدو ان الاخ الشاب مكي لم يفطن الي ان اولي علامات السقوط كـleader تكون في مثل هذه التصاوير الصبيانيه وجلب الصور بصوره هيستيريه عشان كده انا قلت ليهو انت ما استفدت اي حاجه من Workshop دي... وده من خلال طريقة ردوده هو والشاب عرمان التي تعكس حالةunbalance البيعانوا منها وطريقة فتحو لبوست تنم(اركب جديد) و اقدر اتفهمها ولكني اعطيهم صفر كبير ان يصبحا قاده.. وده ما عشان انا ما متفق معاهم in non-organized collection of their ideas لكني استشفيت من شخصيتهم وطرحهم لاشياء هنا في صفحات المنبر علي طبيعة (شوفوني)...

وبعدين قصة النائمين دي مضحكه يا تراجي عارفه ليه لانو ما كل الناس عايزه تبقي سياسيه او تسيس اي حاجه ولا في زول عايز يبقي قائد... الناس الغبش الفي السودان ديل اكتر حاجه جايبه ليهم المشاكل والاذيه هي قصة اي زول داير يبقي سياسي دي...واي واحد حضر ليهو workshop ( ورشة عمل) عايز يبقي نيلسون مانديلا....

البدو ولا الشايقيه ولا الجعلين ولا الفور ولا البقاره الغبش القاعدين في السودان ما محتاجين لورشة بتاعة عمل في منتجع انا لامن اكون تعبت من (الشغل) بشيل اولادي بمشي ليهو... وما بحس بطعم جماله زي ما بحس بالابل والحويه والسموم البتلفح وش يابا في الصحراء فوق او زي ما بيحس بيها العوض لامن عرقه ينقط في الطوريه او ود طيفور لامن يجبد الهلب لمركب ابوه وهو بيخوض في الجروف..

عزيزتي تراجي انا لامن انتقدت المعهد انتقدته في طريقة مكي وعرضة الغير موفق في الحديث عن اهداف الورشه وطريقة اختيار الممثلين...لانو السؤال بيفرض نفسه وين وجوه شباب السودان التانين طالما بيتحدث عن التعايش السلمي وقبول الاخر...هو قبول الاخر ده بيتم (بحندكة) الصور وانا اتصورت قدام حصان وخواجه وبركة مويه ووراي حجر...

خليك من العوض ولا بدر ولا ود طيفور ولا تبارك العايشين في الغرب ديل...الناس الفي السودان العايز (يحندكم) مكي وداير يبقي عليهم قائد (بالصور) ديل حيعملوا شنو...يعني اساسي ده يموت في السعوديه لامن يشوف صور الاولاد والبنات...ويصدق انو ديل مفروض يكون قاده... صدقيني حايتمرد ويقول لود طيفور ابقي ناطق رسمي وبدر خبير ومستشار حركه والعوض ممول التنظيم وتبارك مصمم ويب سايت ومدير اعلام الحركه و تمبس قايد ميدان وخالد محمود مدير الامداد...

مايجو يشرحو اهداف ومرامي الورشه دي طالما طرحوها لنقاش بدل argy bargy and struggles في الردود للناس الغبش البقولو عليهم وهو وعرمان بيبكو وما عارفين الميت منو...

طيب يالخبراء الاجانب (انتو) هو الماتوا للشعب السوداني ده شويه عشان تجو انتو كقاده اجانب متجدعين علي ظهور الخيل... تقولوا ليهم ما عارفين المقابر...اذا كانوا هم ذات نفسهم عايشين في المقابر...


يا عزيزتي تراجي نحنا ما عندنا ولا اعتقد في زول عنده اعتراض انو مكي الدارفوري يبقي قائد ولا عرمان يبقي مستشاره بس كمان مفروض يبقوا Professional شويه ويطلعوا من (الشفعيه) بتاعة الصور (والجديع) دي ...لانو جنس الكلام ده انا بعتبره اساءه للمركز يعني use and abuse وبيدخل المعهد تحت دائرة الاستقطاب المضاد..

وبعدين يا تراجي ما حكاية وجود ناس مكي ديل في الويرك شوب كلها قصة انو في بدو في الخلاء عندهم اهلهم عرب في الوسط مستاثرين بالسلطه...يعني ناس مكي ديل لو ما القصه دي قايلاهم بمشوا هناك...يعني دايراهو يقعدو مع واحد صحراوي ولا بدوي عشان عشان تتنسف الفريه...


فالمصطلحات الرنانه زي تعايش سلمي دي خلاص ..(بح)...انتهت لانو الاستقطاب وصل مداهو وده كلو منهم هم... في سبيل انو يستدعوك في ورشه زي دي ممكن تكتب اي تقرير عن البدو او العرب...وتجي تخط صور الجديع هنا...يعني يا تراجي ما بتتخيلي تشويه السمعه ده حيروح بالساهل... طبعا الناس المتعلمين هم البيحسوا بيهو اكتر...



مع ودي واحترامي

(عدل بواسطة Elsanosi Badr on 08-26-2008, 03:20 PM)
(عدل بواسطة Elsanosi Badr on 08-26-2008, 03:52 PM)
(عدل بواسطة Elsanosi Badr on 08-26-2008, 11:28 PM)