|
Re: الخرطوم القديمة بنات....علي مر الدهور والازمنة (Re: Solafa Alagib)
|
كان التاريخ في اولى وتانية مادتى المفضلة ودرجاتى فيهو ما بتقل عن 98,,,اى والله وكنت بعملو تحدى بينى وبين استاذتى وسنير والدتى في
الابيض الثانوية وجارتنا في محطة البلابل قبل ما ترحل لبري ,,,المرحومة سهير بخاري,,,اللي من -اندينا-من سعاتة بخارى في شمال كردفان
واصلا ورا التفوق دا مخطط عجيب كنتا بدبر فيهو,,,كان عندى هوس بوزارة الخارجية والعمل الدبلوماسي ,,,كنت بتخيل انى ممكن احقق نجاحات
كتيرة من ورا الدراسة دى وبجدية شديدة ,تفكيري كان عملى جدا من الناحية دى ويمكن دا سبب استمتاعى بالعمل الاجتماعى وتقبلي لدراسة
الطب باعتبار انها برضو عمل يحتاج طولة بال ودبلوماسية من غير تكليف دولى,
اذكر من زميلاتى داليا عبدالكريم زروق-لو ماغلطت في الاسم-وهى جارتنا في اركويت وكانت من العائدات ايام حرب الكويت وحتى الآن لازلت ومعى
الكثيرات من بنات القديمة نذكر انهيارها التام وبكاؤها المسموع حين احتلت العراق دولة الكويت فقد تربت هناك طوال سنوات عمرها.سلوى
عبدالرحمن علي مكى,,,اذكر اسمها بالكامل فقد كانت الطف بنات شلتنا-ريهام العمر-وكانت امها استاذة في القديمة وهى في الاصل خالتها,,,
يالجور الزمان فلم اكن اتخيل ان معرفتي بسلوي ستصبح محض ذكريات,,,وانا متاكدة انها اليوم لاتعرف اين انا كما انى لااعرف اين هى !!!!
والعديد العديد من بنات سستر سكول او-سكر سكول- كما كان يحلو لاولاد حسونة الثانوية مناداتهم.داليا عبدالرسول مروى,,,غادة عبدالرحمن
الشيخ الدفعة القدامناولحقتهم لما فطيت تانية متوسطة.
| |
|
|
|
|
|
|
Re: الخرطوم القديمة بنات....علي مر الدهور والازمنة (Re: Solafa Alagib)
|
العزيزه سلافا
نعود لخيطك والعود أحمد. وكنت قد كتبت في خيط العمارات الاتي:
Quote: اختي سلافا
Quote: ومندهشة من المقدرة العالية
لدى المعز ابونورة واشرف سيد البيت زاتو علي التوثيق والتعريف لدرجات القرابة المتفاوتة القريبة والبعيدة
والله حاجة جمييييلة وصحي,,,,,,,العز اهل |
والتحيه لك وانتي توثقين ياماجده للصرح التعليمي الشامخ في حينا, وفي الخرطوم, بل في السودان, مدرسة الخرطوم الثانويه بنات, مدرسة امهاتنا, واخواتنا, والان جيل بناتنا. منعتني الظروف من الرجوع لخيطك الشيق, وانشاء الله ارجع لقراءة الخيط. الخرطوم القديمة بنات....علي مر الدهور والازمنة
مع ودي وتقديري |
| |
|
|
|
|
|
|
Re: الخرطوم القديمة بنات....علي مر الدهور والازمنة (Re: Elmoiz Abunura)
|
المعز ابو نورة ياابن الاصول,,,,,,,والله العود احمد والبيت بينور بضيوفو ما باهلو
لقيت تعليقك في البوست التانى ,,,,انا اصلا يومي بدخل بيتنا-القديمة بنات-وبيت جيرانا القراب -العمارات ذلك الحي الفريد-
واصلونا ونورو بيتنا
| |
|
|
|
|
|
|
Re: الخرطوم القديمة بنات....علي مر الدهور والازمنة (Re: Solafa Alagib)
|
الماجده سلافا
تجديني عاجز عن الشكر لكلماتك الطيبه عن شخصي , وهي كلمات أضعها قلادة
شرف في عنقي لمصداقيتك, وحبك, ووفائك لصرح تعليمي نعتز به, درست فيه امهاتنا, وأخواتنا, وتدرس فيه الان بناتنا. المجد والتقدير لكل من درس حرفا هنا, من جيل الاساتذه انجيل اسحق, عثمان محجوب الي جيل معلمين و معلمات الزمن الراهن. والتقدير لك ياسلافا علي هذا الجهد المقدر. وكل عام وانتي ومن تحبين بخير.
| |
|
|
|
|
|
|
Re: الخرطوم القديمة بنات....علي مر الدهور والازمنة (Re: Adel Sameer Tawfiq)
|
كل سنة واحنا مستقلين ما مستغلين,,,,,وهديتك مقبولة يامولانا ,,,,انا -نفسي- قايم عشان جيت جارة البوست
دا من الثورة لحدى اركويت
اصحوا يابنات القديمة واولادا ورموزنا المتداخلين الكرام ,,,,,,,,تعالو تانى وسنة سعيدة عليكم يا رب
| |
|
|
|
|
|
|
Re: الخرطوم القديمة بنات....علي مر الدهور والازمنة (Re: Adel Sameer Tawfiq)
|
نيابة عن نفسى وعن مدرسة الخرطوم القديمة بنات وكل العاملين بها
الاستاذة الاجلاء بناتى واخواتى الطالبات
نهنى الدكتورة سلافة العاقب بالمولود الجديد والف مليون مبروك .. وربنا يجعله من ابناء الوطن الصالحين والف حمد الله على السلامة يا دكتورة وترجعى بالسلامة لمدرستك المحببة عملما" بأن فترة الاجازة 60 يوما" فقط
وشكرا" سمرية للخبر الجميل وعقبال ما نسمع اخبار حلوة لكل البنات
ـــــــــــــــــــــــــــــــــــــ السيد / المدير عادل سمير اين الصور الوعدتنا بيها بعد رجوعك من السودان فى يناير
ــــــــــــــــ مها بشير فى فترة اختفاء البوست الفترة الفاتت حامت حولك الشكوك بانك من قام بتحريض البنات ( بالدك ) والذهاب لشارع 41 ولكن بعد سماعنا للخبر الحلو ، نعتذر اليك .... بس نسوى شنو البنات ديل فترونا ..... لما يكبر ولد سلافة نعينو وكيل البنات ديل عاوزين لياقة وانا فترت تب والمدير وزنو كتير .
| |
|
|
|
|
|
|
Re: الخرطوم القديمة بنات....علي مر الدهور والازمنة (Re: عابدون محمد عابدون)
|
رجعناااااااااااااااااااااااااااااااااااااااااااااااااااااااالك
شكرا لكم,,,,,,,,,,,,,,,,,شكرا لكم
لقيتني كيف يا سيادة الوكيل وانا راجعة بعد 6 ايام بس ما 60!!!!!!
خروف مولانا جا في وكتو سمايتنا باكر والحاضر يبلغ الماحاضر
اتا يا عابدون متين ناوى تكبر وتخلي نط الحيط ,,,اها لامن بقيت خال ,,,عاد دا حديث دا
| |
|
|
|
|
|
|
Re: الخرطوم القديمة بنات....علي مر الدهور والازمنة (Re: Solafa Alagib)
|
لله درك يا سلافة فقد نجحت في اجترار التاريخ ولكن أضيفي: أولا أخبري محاسن ان مولانا عادل ابن ماتيلدا بشاي رحمها الله وحفظه؛ وطالما وردت سيرتي فنحن أول دفعة من مجموعة صغيرة قبلت لمدرسة الخرطوم القديمة عام 1956 وفتح الفصل في ام درمان الثانوية وعند الإنتقال للخرطوم كنا بالسنة الثانية فأطلق علينا الخرطوم بحري الحكومية، وكانت الخرطوم القديمة تجري سنويا مسابقة عرض أزياء من تصميم وتنفيد وعرض الطالبات فازت بأول عرض أمونة حسين عثمان من الأبيض والطالبات يؤخدن لحوض السباحة ويشتركن في تمثيل روايات شكسبير في مسرح متشل كوتس بإشراف المجلس البريطاني... وكان ياماكان... إدا عنً لكن الإستماع فنحن مازلنا هنا نعلًم الإنجليزية ونحكي التاريخ ونهدهد الأحفاد وليرحمنا الله بأن يكون منهم بضعة من الطيب صالح ومحمد عبد الحي.....وأدكر في أول يوم عمل لي بالخرطوم الثانوية ونحن في الطريق للسفرة(الفطور مجانا) طالبة سألت أخري : ودي منو كمان؟ ردت عليها : إسمها عشة موسي ، من الأبيض، راجلها محمد عبد الحي عندها ولد وشكلها حامل....يعني من قبل سودانيزاونلاين وبنات الخرطوم خبارات لدلك نسميه الآن سرد تاريخي تحياتي للصرح العظيم ولجميع خريجاته أحياء وأموات ونحن نفخر بكنً أبدا ع/ خريجات القرن الماضي عائشة موسي
ماقلت ليكم القديمةدى ماممكن تطلع من جوانا ابدا,,,,تحياتي للمربية الفاضلة\عائشة موسي السعيد والدكتورة شيراز محمدعبدالحى
زميلة القديمةالاثيرة
| |
|
|
|
|
|
|
|