|
|
 Re: الخرطوم القديمة بنات....علي مر الدهور والازمنة (Re: عابدون محمد عابدون)
|
عابدون,,,,,,,,,,,,,,,,,,محمد ابو الريش
وحشتونى ...وحشتونى...وحشتووووووونى,,,,,,علي قول وردة الجزائرية
انتا ياعابدون بتفتش في بوستاتك الرايحة هنا ليه؟؟؟ما قبل كدا هرشتنى لما عملتها بهناك في حوش القديمة اولاد
وسجمنا سجمنا سجمنا,,,,انتا اتخرجت من الثانوي قبال ما يولدونى !!!!!وانا اقول عابدون حاف واشتغل فيك ,,,كر
علي السماح يا,,,,اختار انتا بقي اللقب المناسب و,,,,,ود ابو الريش ورطك
| |
 
|
|
|
|
|
|
|
|
Re: الخرطوم القديمة بنات....علي مر الدهور والازمنة (Re: Solafa Alagib)
|
القديمة من الباب تشرح القلب ,,,وكنا بنحلم بانو دى البوابة الصغيرة اللي حاتودينا للباب الكبيييير,,,باب جامعة الخرطوم
لما كانت هى اللى (علي الحجر)زى مابقولو,,,اذكر ان والدى حين كان ياتى لاصطحابي في اخر اليوم ويرى جموع الطالبات المهولة
تخرج من باب المدرسة الضخم( وكنا كما ذكرت من قبل 21 فصل)كان يعلق ,,,هسي ديل يلقو ليهم عرسان وين(دا طبعا قبل زمن راجل
المرا وتحت تحت المرتين)
ما ان تضع قدمك فى باب المدرسة وبعد التحية والسلامات علي الاعمام البوابين وكانوا مجموعة مقدرة لكن للاسف ابت ذاكرتى (المقددة
زى قماش الدانتيل,,,والاولاد مااااايتعقدو لو ما عرفوهو ,,عادى)ان تتذكر اسم اى منهم,,,ما ان تعبر الباب حتى يسعدك منظر
الضخمة والازهار التي تصلك رائحتها في كل مكان في المدرسة وحينها تحس بانك انتقلت من عالم الي عالم,,,الحديقة المخضرة من كل
الجوانب,,,النافورة التى تتوسطها واللى اجتهدنا انا وشلتى(ريهام العمر ودى بالمناسبة حروف اسماءنا)زى ماحكيت لسناء جعفر
قبل كدا اجتهدنا لحدى ما عرفنا مكان البلف وبقينا نتحكم فيها حسب مزاجنا ما حسب جدول عمو البستاني.
| |
|
|
|
|
|
|
|
|
|
Re: الخرطوم القديمة بنات....علي مر الدهور والازمنة (Re: Solafa Alagib)
|
حتجيبوا لينا الهوا يا دكتورة بالطريقة دي .
مولانا عادل طبعا حدق الضرا من قولة تيت ..
ما بنقدر عليهو ود الناظرة في الحكايا و الكتابة عن الخرطوم الثانوية ( ما عارف حكاية القديمة دي جبتوها من وين ) .
زمننا – و زمننا دي يا مصطفى سري أصلو ما بوريك ليها متين – كان في روابط غريبة بين الخرطوم الثانوية بنات و الخرطوم الجديدة ( ناس نحنا ) .. بداية من القرب الجغرافي بين المدرستين , و مروراً بـ ( تبقى الصداقة قرابة و نكسب الودين ) فقد كان مدير الخرطوم الجديدة هو المربي الجميل و المرعب الأستاذ محمد عبدالرحيم .. و هو زوج السيدة الجليللة الأستاذة خديجة وكيلة الخرطوم الثانوية .. و إبنهما الدكتور هشام كان نديدنا في الحي و نابغة من يوم ما عرفناه ( هو الآن استشاري الغدد الصماء ) . ثم أن " الرابط الروحي " ياخ كان أكبر .. فقد كنا ندعم أي حاجة تجي من تالا الخرطوم الثانوية دي .. مناشط السلة في المجمع أو مناشط الطائرة و الدورات المدرسية .. و إلخ ..
و عليم الله ساعدتنا الخرطوم الثانوية في الإرتقاء بسلوكنا و خلقنا المهببة في ذاك الزمان .. نحن أبناء الشارع الغبشان اليمتد من بموازاة شارع مكتب بريد العمارات زمان – ما بعرفو شارع كم – و ينزل غربا طوااااالي مارا بحي الزهور و بيوت الحجر ( ناس مصطفى سري ) ثم ديم التعايشة و مركز شباب السجانة لغاية شارع الحرية هناك .. فما أن تصبح الواطـة حتى نتجهبز بالردا الرمادي القيافة و القميص أبو نص كم الوجيه .. و الصندل " الشبط " الجلد عبدالواحد و ننفش شعورنا و نتجلط بما تطاله أيادينا حتى نبقى مية المية و نمرق للبنيات الحمامات العناقيد اللبنية البتتهادى صباح صباح . الغريب كنا حافظين الأشكال و الأسماء و طريقة لبس الطرحة و المشي .. و منو لون " جزمتها القماش " شنو و ماركتها .. و منو البتجدع شنطتها بإهمال و ياتا فيهم الحريصة على البنطلون مكوي .. منو الشاطرة و مقدداها و ياتا فيهم الدايرة تمشي الحال و بس . و كل بنات الأسرة كانن طالبات فيها في مراحل زمنية مختلفة , و الما دخلت الخرطوم الثانوية دي بتكون فضيحتها فضيحة - بالميت تتُتهم بالبلادة - و تقعد تعيد لامن تدخلها و تنفشّ .
الخرطوم الجديدة بنات كان إسمها ( مدرسة الأم ) .. و شتان كان بين المدرستين من ناحية المستوى الأكاديمي و الكادر التعليمي و الطلابي فيهم . و كنا ندق الكداري من بيوتنا لغاية الخرطوم الجديدة أولاد .. و بيكون في السكة غالبا طالبات من مدرسة الام .. فنكابرهم غايتو رفقة طريق ساكت .. و قلوبنا معقودة بالخرطوم الثانوية . و جري لما " يفكونا " .. مشاققة لحديقة القرشي و كوافير بارادايس و غرب المقابر لغاية ما يستتب لينا الأمر تحت الشجرة في إنتظار غودو الذي يشرق من الخرطوم الثانوية .. عثمان عبدالله / عبدالرحمن بربر / عماد عبدالله / زهير المرضي / محمد بحيري / مبارك طاشين و و و و و .. أولاد حبيبين لابنسف صعوط في حضرتهن .. لا نسجر .. لا نرفع صوتنا .. بس بغممممممم و البحلقة . و هن يتهادين يتهادين زرافات زرافات .. و شلة شلة .. و ينفض سامرنا بالجري سريعاً مارش لما أول الشارع تظهر عربية أستاذنا محمد عبدالرحيم الموسكوفيتش اللبنية متجه لبيتهم في حي الزهور و مقوضاً لأحلامنا و سعادتنا السمحة .
و ياما قدمناهن قدام .. و هن مدياتنا الطرشا .. تتكلم ده و البيهل و مافي زول يعبرك .. و كان الله فتح عليهن بكلمة تلقاها مرقت : عوير ده .
أنا شخصيا مرة تقديم ساكت و سرحان في النضم السمح لامن مرقتها في بحر الشجرة . بقيت بعد داك في اليرجعني شنو .
ياخي كانن شاطرات .. و سمحات .. و وجيهات .. و مؤدبات .. و مشايات .. و قدالات .. و حقارات .. و رافعات نخرتهن .
.....
يا دكتورة بالله ما تخلينا ننبهل في الذكريات ..
الكلام ده قلنا بيجيب الهوا .
| |
|
|
|
|
|
|
|
|
|
Re: الخرطوم القديمة بنات....علي مر الدهور والازمنة (Re: Emad Abdulla)
|
إزيك يا سلافه
وكل سنة وانتى طيبة ومعطاءة
تابعت البوست ده من قولة تيت وساقتنى الذكريات وحميميتها
امتنحت سنة 85 للجامعة من منازلهم وكانت الخرطوم القديمة هى المدرسة التى جلست فيها للامتحانات
معاى زولة صاحبتى دكتورة حواء حماد - طبيبة وناشطة وعملت فى نيالا مع زوجها ازهرى ايضا طبيب ربما تكونى بتعرفيهم
كانت ايام الانتفاضة
وكنت وحواء ساكنات فى داخلية معهد الموسيقى والمسرح مع اختها رابحة حماد
البنات فى المدرسة دى كانن نطيفااااااااااااااااات والغباش الكان فينى وفى حواء مابيشبه المدرسة ولا الدارسات فيها
بتذكر ايام الانتفاضة بيطلعن بعض الطالبات للمظاهرة ونتجمع فى طرف شارع 25
هناك لاقينا ام الحسن صاحبتى ووالدة عصام جبرالله
شاعرة متمكنة وكانت تحمسنا بالشعر والهتافات
آخر امتحان لطشت لىّ شبشب من طالبة من طالبات معهد الاشعة واللى كانت داخليتهن فى نفس الحوش
لانو شبطى {التموت تخلى} خليتو انا للبمبان وفرقعة الرصاص وجريت حفيانه
يعنى كان امشى الامتحان حفيانه وسط البنات النطيفات ديل؟
وش المدرسة دى كان حلو علىّ لانها السنة اللى اتحقق فيها المراد وادخل الجامعة بعد مجابدة ونضال طويييييييييييييييل
-----
بعيدا عن ذلك ياسلافة ارجو ان تكتبى مرة عن مشاكل الصحة الانجابية اذ انها ضمن احدى اهمّ اهتماماتى
نورينا بالحاصل وخلينا نتواصل ربما نستطيع ان نخلق شبكة نتبادل من خلالها التجارب والرؤى والافكار الجديدة
------
مها- مايا وندى كل سنة وانتن طيبات وجميلات حد الجمال مايقيف
| |
|
|
|
|
|
|
|
|
|
Re: الخرطوم القديمة بنات....علي مر الدهور والازمنة (Re: Emad Abdulla)
|
***********
عماد عبدالله,,,,,,,,,,,,,جمعتك سعيدة ,,,,,ياخ مالك عايز تحرمنا من ونستك الحلوة دى.....ردا !!! ردا ياعماد والله بالغتا اتا من زمن
الردا ومدرسة الام من وين حتعرف القديمة(ياقديم)هسي نكتشف انك لاحق عابدون محمد عابدون واتخرجت من الثانوي بعد ماحفروا البحر بسنة
ونص,,,ياخى كوافير بارادايس دا فارق مكانو الزمان داك واهلو رحلو بيهو اركويت محطة معاوية(السفير)وهى المحطة اللي بعدنا طوالى قبل
520سنة بعد الميلاد وخالتو عشة عمر (صاحبة الكوافير)اتوفت قبل سنين عديدة ,وانا زاملت حفيدها الشاب اللطيف جدا (صاحبي)عمر يحي سراج
النور قرافي
عليك العشرة القديمة لناس القديمة .....انبهل ياعماد وما مشكلة استقيل من جمعية الرجال اللي(ما,,,هئهئهئ)بخافو من حكوماتهم,,,,انتا
حكومتك بتدخل نت !!!!في انتظار باقي ونساتك واهلا بيك
*****
يا بت ملوك النيل ,,,يا اخت البدور,,,مين لعلاكي ينير ,,,في البدو والحضور
اهلين ويا (تلتميت) مرحبا ,,ريهان الفاتح الشاذلى
ملحوظة,,,,,مشايات دى صيغة مبالغة من المشي ,,,يعني مشي كدا لدرجة الزحف
| |
|
|
|
|
|
|
|
|
|
Re: الخرطوم القديمة بنات....علي مر الدهور والازمنة (Re: Solafa Alagib)
|
**
شفتا ياعماد (النظار اولاد النظار)مداخلاتهم شكلها كيف !!!!(سلام ياعماد),,,وتقل ووقار كدا يااااعيني,,,,مولانا عادل والنبي راجل عسل
ياخواااااانا,,,صحبتي صفية كتبت تقول
كل عام والجميع بألف خير
جيناكم متخمين بالأشواق
بعد تخمة اللحمه طبعا
وعايزين نستمتع بي شربوتكم اللذيذ
*********************
سلامات يا سلافا
يازوله البوست بتاعك ده مالو منور كده؟
أتاااااري عماد عبدالله و إشراقه مصطفى بي جاي
)
(أسمحي لي أحيهم بشده وأعبر عن سعادتى بكتابتهم عن (قديمتنا
ديل أصلهم من القلائل اللذين : لمن قلمهم يلمس الورقه تتحول الأحرف إلى ذهب
********************************
بمناسبة داخليات معهد الأشعه والبصريات الكانت في داخليات القديمه
أذكر إنه في أيامنا كانت تسكن فيها إحدى الممثلات السودانيات طبعا ...بس ما بتذكر كانت بتقرا في أي واحد من المعهدين
كانت متألقه وجميله جدا(وطالعه في الكغر) و كان خطيبها مطرب مشهور ومحترم جدا بيجي بينتظرها جنب دكان عمك ميرغني طه
الجوز ده كان مكسرنا وكم مره كده دردشنا معاهم
تابعنا تأرجحات العلاقه التي للأسف لم تتجوج بما تمنينا لها كمراهقات حالمات
دكان ميرغني طه في شارع 25 محطه أساسيه في خط سيرنا بالذات آخر اليوم ونحن منتظرين ناس البيت أو بص المدرسه
و حتى في الإجازه لمن نحب نتجمع بنتلاقى هناك
او لمن نجي زايغين بالباب الفاتح في الداخليات قبل نهاية الحصص عشان نستمتع بالشرشحه في شوارع العمارات الظليله
لحدي مانصل أيسكريم 41 ونرجع مع نهاية اليوم الدراسي زي الما حصل حاجه وعيوننا نتلمع بإنفعال المغامره
***********************
فصلنا من سنه في سنه أولى وتانيه
منحوت في صفحة الذاكره
من اول كنبه قاعده فيها دينا محمد سر الختم وعلياء الدابي
مرورا بالمنتصف ناس: نوار مجذوب - نعمات حسان -مها عبدالله البشير سلاف طه سورج -أسماء طلحه(أولة فصلنا
لحدي الكنبه الورا :ناس شيراز محمد عبد الحي وهناء محمود الكانو صديقتين فيهم تتجلى روعة اجتماع الضدين قمة الرقه والهدوء في هناء
قصاد العكس تماما شيراز
لمن بقينا على مشارف سنه تالته صدر قرار بتقسيم المدرسه الى نصفين
إدارتين منفصلتين في حوش واحد وتم إختيار الفصول من الناحيه الجنوبيه لتسمى مدرسة العمارات الثانويه بنات بإدارة أستاذتنا الجليله رجاء الحكيم ....موج من الإحتجاج بدون فائده...أقنعونا بأنه المدرسه أصبحت ضخمه وادارتها صعبه ودي مجرد تجربه
وكنا بكل أسف أول دفعه تمتحن بإسم العمارات الثانويه بنات سنة 92
أفتكر بعد داك القرار إتلغى ورجعت القديمه مكتملة العقد.....
كانت المنافسه فظيعه بين المدرستين وتم إختيار فصل نموذجي هو عباره صفوة الثلاثه فصول الجنوبيه التابعه لمدرسة العمارات لينافس فصول الشمال
لكم أن تتخيلوه : فصل تالته رفيده الذي ضم خلاصة الخلاصه... أفخر باني خريجة هذا الفصل الذى صعدت منه ثلاثه طالبات إلى عشره أوائل السودان أ ...ما باقي الجماعه الجلو من العشره الأوائل بنسبة 1% أو كسر منها فهم كثر...تقريبا ثلاثه أرباع الفصل
وزي ما قالت سلافا كانو بيخشو الطب والهندسه بالفصل والدفعه.... يعنى مثلا من تالته رفيده بس دخلت حوالى 13 طاله طب الجزيره
وخمسه طالبات طب الخرطوم....ووووووإيييييك
وحين يأتي الحديث عن التفوق ولو عايزه أذكر أسماء حأملا دفاتر
لكن أحب من هنا أرسل التحيه لبعض من المتميزات من بنات دفعتي:
الصحفيه أمل هباني وهي دفعتي منذ حلويات سعد المتوسطه
الباشمهندسات :عبير الهادي الزين _نوار مجذوب_وصال حمور _عبير المشرف _نعمات حسان _إخلاص محمد الطيب - اخلاص الطاهر
إختصاصية الأطفال :د.وئام عربي_ د.ساره عبدالله الزبير _
والله لي منهم سنييييين اتمنى زول منهم أو من دفعتي يكون حايم بي جاي
************************
الحديث يطول ولنا عوده
صفيه صالح
| |
|
|
|
|
|
|
|
|
 Re: الخرطوم القديمة بنات....علي مر الدهور والازمنة (Re: Solafa Alagib)
|
إستلمت الإيميل التالي من الأخت الحبيبة عالية جمال محمد أحمد :
Quote: Dear Adil
Thanks for sharing this information with me which yet again brings to memorary the kind of women our beloved Sudan is made of. Strong, dignified, determined, intelligent women who might suffer physically in a quite way but nevertheless be the moral leaders and pioneers of their time. To people like them we turn to remember our proud history of the first women leaders in Africa when Europe only recently started promoted gender. Because of our Sudanese women and men icon our Sudan will return to its past glory and take its place among the most advanced educational nations because those lifes that have been touched by Sit Matilda and other will always keep the memory of a once great Sudan always alive. I take my hat to those pioneers that have left a history of a proud and educated nation.
Alia |
| |
|
|
|
|
|
|
|
|
|
Re: الخرطوم القديمة بنات....علي مر الدهور والازمنة (Re: Solafa Alagib)
|
ردفت ورايا احزانى ولكزت خيولي للمجهول ,,,,لكزت خيولي للضايع وللمفقود وللمأمول
لقيت العمر رمشة عين,,,وايامن بتتسرب من الايدين,,,
دفاتر الذكرى يادوب العناوين فيها انكتبت
مشاعر ضارية شلالات وانسكبت ,,,,,مشاريعنا وامانينا,,,احلامنا واغانينا
صباحاتنا واماسينا,,,,دى يادوب
,,,,سيرة وانفتحت,,,,
انه الرائع سعدالدين ابراهيم ,,,وانا استعير كلماته للترحيب بالرائعة اشراقة مصطفي ,,,انتى عاد حقك براه وكومك براه,,,كلامك حلو
حضورك حلو ,,,وانتى زااااتك حلوة,,,وصديقتك اللي سالتيني عليها(د:حوا حماد)للاسف ما عرفتها لاني مشيت نيالا(عروس)وبعد كدا انشغلتا
بالمنظمة والعمل الانساني في المعسكرات ولسه ما تميت سنة علي بعضها.
عندنا يا اشراقة ,,,بالكوم,,,عندنا زواج قاصرات ,,,عندنا ولادة حبل,,,عندناrape !! اي والله rape عدييييل كدا,,وان انكروا,,,بنات
وزوجات ,,,شفتهم بعيني ولمستهم بايدي وسمعت حكاياتهم وكتبتها كمان,,,بس اروق شوية من بعض الامور وحاكتب وحاحكي
| |
|
|
|
|
|
|
|
|
|
Re: الخرطوم القديمة بنات....علي مر الدهور والازمنة (Re: Solafa Alagib)
|
..
.
| Quote: يعني من الخرطوم الثانوية و لغاية أول لفة الشجرة بي فرد نفس , دي يسموها شنو ؟ أولمبياد !! |
يا عمدة ..
شطارة ورياضة ..
شفت النفس الواحد دا ياهو الجاب الكاسات
بس خذلونا يوم الدورة المدرسية .. مع انى كنت
ميال مع اولاد القديمة ما عشان شئ بس عشان ناس كردقان ديل 
__________
غايتو مع قصص صفية صالح .. الظاهر
بت مديسن دى بتجى حايمة حسي وردت اسميا وبعد شوية
ببقى كتابة عديل
الحى مصيرو يلاقي
| |
|
|
|
|
|
|
|
|
 Re: الخرطوم القديمة بنات....علي مر الدهور والازمنة (Re: Solafa Alagib)
|
مساء الخير
وكل عام و الجميع هنا بألف خير
و الله ليكم وحشة
وصلتني الرسالة الاتية من الاخل الكريم كمال كرار
Quote: السلام عليكم وكل عام وأنت وأسرتك بخير..
شدني حديث الذكريات عن الخرطوم القديمة...وودت لو أنني شاركت فيه.. فقد أتى ذكر بعضهن ممن كن يسبقنك بدفعة.. ولديَ معرفة ببعضهن..
عموما أختي درست في الخرطوم القديمة وأسمها زينب سر الختم كرار..
وكذلك بنات عمي/ د. صفية محجوب كرار
ود. بسمة محجوب كرار
وأستاذة/ فاطمة محجوب كرار..
والأخيرات هن ممن سبقنك بدفعات. إنما أختي قد تكون الدفعة التي أمامك في أكثر الأحوال.. |
تحياتي أخي كمال وتحية لزينب وصفية و بسمة وفاطمة
وأكيد لديهن الكثير عن الخرطوم الثانوية العظيمة
| |
|
|
|
|
|
|
|
|
|
Re: الخرطوم القديمة بنات....علي مر الدهور والازمنة (Re: Maha Bashir)
|
UP,,,,,,,,,,,NOT DOWN
| |
|
|
|
|
|
|
|
|
|
Re: الخرطوم القديمة بنات....علي مر الدهور والازمنة (Re: نبيلة عبد المطلب)
|
دكتورة سلافة وخريجات وطالبات الخرطوم الثانوية ، كل سنة طيبين
الخرطوم الثانوية اضافة لما تم ذكره كانت ترفد بالاعبات المتميزات في ضروب الرياضة خاصة السلة ، وزي ما قال الخال عماد عبدالله (اب ردة
لبني ) كنا نحن صغار السن نذهب عصراً لنشهد بعض المباريات في كرة السلة - طبعا لم يتم طردنا لاننا كنا صغاراً موش زي عماد - وكانت ام جمعة
اشهرهن وبنات كثيرات ...ونجي راجعين
| |
|
|
|
|
|
|
|
|
|
Re: الخرطوم القديمة بنات....علي مر الدهور والازمنة (Re: مصطفي سري)
|
الاستاذة الصحفية نبيلة امين وجمعا يارب,,,كل سنة وانتى احسن مما تتمنى
مصطفي سري كل سنة وانت بالف صحة وهنا,,,,احنا في انتظارك,,,الردا بتاع خالك عماد عبدالله كان رمادي ما لبني,,شفتا كيف
| |
|
|
|
|
|
|
|
|
|
Re: الخرطوم القديمة بنات....علي مر الدهور والازمنة (Re: Solafa Alagib)
|
دكتوره سلافه
صاحبه الدار و ست الذوق
و ضيوفها الميامين
كل يوم أتاوق من بعيد لي بعيد و اتفرج و أضحك .... بوست ظريييييييييف جدا بيلم الشمل
المشكله كلها في تبلدينا طبعا نحنا فرد من يوم ما فتحوا البورد ده
لكنه لازم يلحم سلكه في اي بوست ... و الغريبه انه بيلقى ليه مدخل... قال قرت مدسن قال؟؟ اجي يا الشبك؟؟؟
على كل حال البوست ده فتح المجال للتواصل بي الناس في اعتقادي
لكن يا سلافه و العتب على زاكرتي الخربه و عوامل السن .... انتي دفعتي ولا وراي؟؟؟
من دفعتي رشا عمر ... فريده عثمان .... غاده عبد الرحمن ... فاطمه سعيد ... ريم احمد... سوزان خيراوي ... ايثار عبد الرحمن .... منال ابو العزائم ... ايه .... مي جلال .... سلافه جماع ....سحر حسن... لطيفه عثمان.....ندى عبد الحفيظ .... وايييييييييك لسه في كتير
تحياتي
| |
|
|
|
|
|
|
|
|
|
Re: الخرطوم القديمة بنات....علي مر الدهور والازمنة (Re: Solafa Alagib)
|
Quote: الوكيل بالإنابة الأستاذ عبد الدائم
لمقابلتي بعد عطلة العيد للتنسيق..
المدير |
تمام سعادتك .. وكل عام وانتم بخير ،،،،
ملاحظات :
* يا اخوان عطلة السبت ما معانا لان المدرسة شغالة بالنظام القديم .
* دخول اولاد الديوم لحوش المدرسة اضاف الكثير والمثير لذلك يجب الحذر
فى ظل اختلاط الرمادى باللبنى .
* ابدعت صفية صالح عن الحكى لفترة التسعـينيات باذهاب .
* فى رايي الشخصى ان الخرطوم الثانوية او القديمة ( المميزة ) كانت فى فترة التمنينيات والسبعينيات .
* شهدت فترة التسعينيات ظهور مدارس حكومية اخرى بالخرطوم مثل على السيد والصحافة ميرغنى والعمارات الثانوية ووووو ... وده من الاسباب المهمة التى افقدت القديمة تميزها وكانت المؤشر لبداية انهيار التعليم الحكومى ، ضعف رواتب المدرسين وتأخيرهاظهور المدارس الخاصة واستقطاب الكفأءات من المدارس الحكومية وووو ...
**** آتمنى من الزميلة محاسن زين العابدين ان تتولى مهام الوكالة وذلك لظروف سفرية ... وشكرا" .
سؤال :
متى تم تحويل اسم الخرطوم الثانوية الى الخرطوم القديمة وتحويل مدرسة الام الى الخرطوم الجديدة .
| |
|
|
|
|
|
|
|
|
|
Re: الخرطوم القديمة بنات....علي مر الدهور والازمنة (Re: عبد الدائم سيد أحمد)
|
..
.
اولاً اجمل التهانى والامنيات ..
لخريجات الخرطوم القديمة واخص بالتهنئة
الناس الدرسو مديسن كن عجبكم
ولا انسي أصدقائهم ووكالائهم واساتذتهم الاجلاء
وبصراحة سعيد ان اجد احد الفرد هنا ومنذ سنوات خلت
ان تكون من بنات القديمة ..
فدعونى احيها .. بطريقتى الخاصة ..
Quote: المشكله كلها في تبلدينا طبعا نحنا فرد من يوم ما فتحوا البورد ده
لكنه لازم يلحم سلكه في اي بوست ...
و الغريبه انه بيلقى ليه مدخل... قال قرت مدسن قال؟؟ اجي يا الشبك؟؟؟ |
أزيكـ يا بت الهنا..
معقولة تندسى كدا وبالسنين ..
واجى القاء البروفايل ( متزوجة )
خوتك زى بتاعت صفق النيمة الكنت بقيف تحتها
من يجى الشتاء تصفر والهواء يشلها .. يعنى عرفه
9 سنوات وانا اقول يا ربي مالها ..
بقت رئيسة بلدية ؟؟ ولا اندفنت فى الجليد ؟؟
بعدين تعالى هنا لمن ما قرينا مديسن ما نعرف بنات المديسن الشديدات
الجايت من القديمة .. انت عارفه اخوك .. الشهرة متاعب فى اى محل
عندو وقفه .. وذكرى .. وجلسة .. وعرفة .. ومخ نضيف
وفرص اتيحت لنا ولم تتاح لغيرنا .. تبقي فقط حيث تقطنون لنكم السلسلة ..
وهذه تسمى الشهرة والأجتماعيات وقليل من سياحة وشبك ايضاً يا بت .. قصدى يا مدام
طبعا موضوع صفية صالح والايميل بتاعها دا براهو كوم بجى ليهو حسي
__________
بعد دا انا يا جماعة سبت وقوف شجرة النيم
دخلت الفصل عديل مع بت الهنا .. معرفة قديمة وكدا
| |
|
|
|
|
|
|
|
|
|
Re: الخرطوم القديمة بنات....علي مر الدهور والازمنة (Re: Tabaldina)
|
تبلدينا
مشتاقييييين كميات
والله ذكرتني الزمن الجميل ... ويا حليل ناس الفاضل وودشداد وكوول وقرجه ويازول وأنا
وبت الاحفاد والساره وكوستاوالله كانت ايام حلوه شديد
وووووووين يا خوانا ابو حراز؟؟ اسي بيكون اتملى عيال والراس اتشطب
طبعا قابلت يازول يا زول في السودان وناس ود الدامر مع الفاضل
شباب حلوين وقابلت ام الاولاد ... عسل شديد
الصادق وتغريد بكوا ناس كبااااااااار بيكونوااسي
ود الحافظ بقى حاجه تانيه في حكومه ولايه كسلا
عارف يا تبلدينا انا اكتشفت انه البورد ده عمل علاقات انسانيه وصداقات جميله بين الناس
لكن اسي بقى يخوف تخش موضوع تلقاه مشى الخوروانت معاه
تخاف تعلق على بوست زول تضيعه ليه
على اي حال تعال انا وانت نفتح بوست برااااااااااااانا نتذكر فيه الذي مضى
معليش يا دكتوره على التخريمه
| |
|
|
|
|
|
|
|
|
|
Re: الخرطوم القديمة بنات....علي مر الدهور والازمنة (Re: BitAlhana)
|
***
والله ياخوانا شدة ما حبيت البوست دا التقول ما انا الفتحتو,,,وشدة ما بقيت ماخودة بيهو ومستغرقني تماما اقرب البس توبي لما اجى
ارد علي مصطفي سري ولا عماد عبدالله(بدون خال عشان ما يزعل)وكان لمولانا عادل سمير داك اقرب انادى ليهو(رئيس جمهوريتي)عشان يدخلو
الصالون,,,
***
عماد عبدالله,,,,كلنا( مقهيين) وحارسين المعلومات والذكريات و(الحاجات),,,ماتطلع زى حاجات تبلدينا اللي الظاهر د:صفية صحبتي قربت
تورينا ليها
***
بت الهنا,,,,,اهلا بيك ,,,بالله خريجة القديمة وعضو البورد وتقعدي الزمن دا كلو حتى تدخلى ياكسلانة يا ما عندك نكهة ,,,,انا ياستى
الدفعة الوراك لكن لما فطيت سنة تانية متوسطة في الخرطوم الاميرية بقيت دفعتك وزاملتا الناس اللي قلتيهم ديل ,,,مى جلال علي لطفي
كانت معاى في تالتة اسيا,,,ايثارعبدالرحمن خيري من بنات (السستر)بعرفا من ايام الاميرية ولقيتا قبل كم سنة شغالة في مكتب اليونسيف
الخرطوم,,,منال ابو العزايم بنضارتا العجيبة ديك والغريبة من ايام القديمة (فص ملح وداب)
| |
|
|
|
|
|
|
|
|
|
Re: الخرطوم القديمة بنات....علي مر الدهور والازمنة (Re: Solafa Alagib)
|
***
احى حضرة الوكيل المحترم المنظم ذى النقاط المرتبة الذى (منو خوووفة)وانا معاهو في سؤالو متين اضافو اسم القديمة ,,يمكن مولانا
عادل يكون عارف !!!
***
تبلدينا ,,,القمر اللي بيجى كل شهر
نيابة عن كل البنات اللي قرواmedicine اتقبل تحياتك وتهانيك,,,وماعجبني ليك شاكوش بت الهنا,,,وطالما انك دخلتا الفصل شيل شيلتك
قربت تنكشف ,,,بالمناسبة انت ما عندك (حكومة) ؟؟؟
***
ولايهمك يابت الهنا انا سعيدة جدا بوجودكم وتعارفكم عشان احنا زاتنا نتعرف بيكم ونتمتع بحكاياتكم
| |
|
|
|
|
|
|
|
|
|
Re: الخرطوم القديمة بنات....علي مر الدهور والازمنة (Re: Solafa Alagib)
|
..
.
بت الهنا
الله يهنيك يا فردة ..
والشوق بالأكتر ..
وكل شوية متلومة معاى ..
يعنى برضو جيت السودان وقابلت المساخيط ديل _ باستثاء ام الاولاد _
حليل لمت ناس سودانت .. كانت ايام سعيدة ..
طبعا ناس الصادق وتغريد ( وانت عارف انا بحبك ) يطلون هنا مرة مرة
ومصطفى بقي يسوق العربية كماان
عارفه اهم خبر ..
ود الحافظ البقي فى الحكومة دا ..
يا ربي ما بدينا جنينة من جناين الختمية ديلاك ؟؟
ضرورى جدا تدينى الاخبار بالتفصيل الممل وترسلى لى تلفونو وبقية الحلووين
بس فاتك عرس هباش قبل مدة ..
صدقينى هناك علاقات تنشأ هنا تكون امتن واقوى من بعض العلافقات الواقعية
دمتى بخير .. وما تنقطعى
د.سلافا
ست المدرسة ..
بت الهنا دى عرفة قديمة ..
شوفى ناس القديمة دى بعملو فينا شنو مجهجيننا واقعيا واسفيرا
يعنى لا الم فى بت مديسن ولا فى بت الهنا ؟؟
امرك عجيب يا قدر ..
ودا سبب اساسي انو ما عندى ( حكومة )
___________
لو البوست دا مشى صاح يا سلافا
بصنع ليكم حكومة من القديمة دى ..
| |
|
|
|
|
|
|
|
|
|
Re: الخرطوم القديمة بنات....علي مر الدهور والازمنة (Re: Solafa Alagib)
|
من اطرف الذكريات
كان في معرض بيقام في الخرطوم القديمه بنين ... وكانوا بيختاروا مجموعه من كل فصل عشان يمشوا
يحضروا المعرض...
المهم قدر ما حاولنا و كابسنا عشان يختونا في اللسته حلفت المدرسه ما تختنا
زعلنا زعل عاد كيييييييف ما نقدر نشوف الجكس بتاع القديمه و معظمهم اصحابنا من كورس بري الصيفي.
المهم دكينا الحصه انا- فريده - لطيفه - ندى ومشينا قعدنا في الحوش البي وراء هنااااااك زعلانين و زهجانين و طبعا خلطه وطارت
بعد شويه جات الفكره الجهنميه ... الناظره استاذه محاسن الله يرحمها كان بيتها جوه المدرسه ... مشينا دقينا الباب فتحت لينا الحبشيه قلنا ليها دايرين مويه ... دخلت تجيب المويه .... ونحنا طلعنا بي الباب البيفتح على عمارة التنمية .... وجرينا الشارع جري شديد ... بس احلى حاجه انه لما فتحنا الترباس بتاع الباب قوم يا الترباس كله طلع في يدنا .... ونحنا بنعاين ليه مهجومين .... قمنا شلنا الترباس وجرينا
المضحك في الموضوع انه لما وصلنا مدرسه الخرطوم القديمه أولاد ويا دااااااب ما قلنا بسم الله و بقينا نفتش في الجكس في استاذه شقيه شافتنا والله المره دي سرخت جنس سريخ ... تقول شافت عفاريت .... شالت اسامينا و فصولنا وتاني يوم جابونا في مكتب المديره و هزأونا
الحمد لله ماعرفونا طلعنا كيف .... كان اترفدنا
والله زكريات
| |
|
|
|
|
|
|
|
|
|
Re: الخرطوم القديمة بنات....علي مر الدهور والازمنة (Re: سيف بخيت موسي)
|
سيف بخيت
كل سنة وانت بالف خير وكل الامانى محققة(الدنيا دي حقت ربنا ومافي شي بعيد)
والله نحنا قبلانين تحدى تبلدينا وبالجد كلامو دا ممكن يتحقق براحة ومن نواحى مختلفة
بس المشكلة اللي بتواجه اى واحدة مننا علي مااظن(وبعض الظن اثم)المشغولية الشديدة
احنا نساء وشرقيات بموروثات ومعانى كتيرة حتى لو ما متزوجات علينا التزامات يمكن
انا بقول يمكن تمنع او تقلل من تواصلنا ,,,يعني مثلا االبوست دا كان ممكن يتفتح قبل
كدا بكتير جدا جدا ,,,,لكن نوعدكم بنجتهد ونواصل.
| |
|
|
|
|
|
|
|
|
|
Re: الخرطوم القديمة بنات....علي مر الدهور والازمنة (Re: Solafa Alagib)
|
ياخوانا انتو وين ؟؟؟؟؟؟؟؟؟؟؟
مامفروض نغطى لبعض بالوردية ,,,,,,,,,ولا شنو !!!
حضرة الناظر,,,,,حضرة الوكيل,,,,,,,,,,,,,البنات,,,,الاولاد زااااااااتم ؟؟؟؟؟؟؟؟؟؟؟
| |
|
|
|
|
|
|
|
|
|
Re: الخرطوم القديمة بنات....علي مر الدهور والازمنة (Re: Solafa Alagib)
|
البوست دا لما اتفتح كان القصد منو التواصل والمشاركة ,,,وايد واحدة مابتصفق,,,,القصد زيادة
معرفة ,,,معرفة ناس واماكن ,,,انشاء علاقات جميلة ,,,كانت,, واردنا لها ان تستمر,,,,,,,لكن مايحصل
الآن غير ما هو منتظر
(اخواتى الطلبة ,,اخوانى الطالبات)علي قول رباب محمدعلي(بينا)صحبتي,,,,ليه الكسل؟؟؟الناس بس تدخل
تقرا وتتأمل ومافي مداخلات !!! اي حدث مر عليهو يوم,,,بقي ذكريات ,,ونكون كضابين لو قلنا بترجع,,
وان كنت عايزنا نرجع زى زمان
قول للزمان ارجع يازمان,,,
رحم الله الست ام كلثوم
| |
|
|
|
|
|
|
|
|
|
Re: الخرطوم القديمة بنات....علي مر الدهور والازمنة (Re: Solafa Alagib)
|
Quote: من اطرف الذكريات
كان في معرض بيقام في الخرطوم القديمه بنين ... وكانوا بيختاروا مجموعه من كل فصل عشان يمشوا
يحضروا المعرض...
المهم قدر ما حاولنا و كابسنا عشان يختونا في اللسته حلفت المدرسه ما تختنا
زعلنا زعل عاد كيييييييف ما نقدر نشوف الجكس بتاع القديمه و معظمهم اصحابنا من كورس بري الصيفي.
المهم دكينا الحصه انا- فريده - لطيفه - ندى ومشينا قعدنا في الحوش البي وراء هنااااااك زعلانين و زهجانين و طبعا خلطه وطارت
بعد شويه جات الفكره الجهنميه ... الناظره استاذه محاسن الله يرحمها كان بيتها جوه المدرسه ... مشينا دقينا الباب فتحت لينا الحبشيه قلنا ليها دايرين مويه ... دخلت تجيب المويه .... ونحنا طلعنا بي الباب البيفتح على عمارة التنمية .... وجرينا الشارع جري شديد ... بس احلى حاجه انه لما فتحنا الترباس بتاع الباب قوم يا الترباس كله طلع في يدنا .... ونحنا بنعاين ليه مهجومين .... قمنا شلنا الترباس وجرينا
المضحك في الموضوع انه لما وصلنا مدرسه الخرطوم القديمه أولاد ويا دااااااب ما قلنا بسم الله و بقينا نفتش في الجكس في استاذه شقيه شافتنا والله المره دي سرخت جنس سريخ ... تقول شافت عفاريت .... شالت اسامينا و فصولنا وتاني يوم جابونا في مكتب المديره و هزأونا
الحمد لله ماعرفونا طلعنا كيف .... كان اترفدنا
والله زكريات |
ربنا يستر وما يكون في طلبة (حاليين) بيدخلوا البوست ده، عشان ما ندخل في قدوة، والحاجات دي.
عارفين أجمل حاجة في البوست ده شنو؟
المخاطبة بينا هي (البنات، والأولاد)، قبل ما تجي كلمة (رجال ونسوان) البايخة دي، ويجي واحد يقول ليك (يا عمو) ويا (خالتو). ........ خلونا هنا أولاد ونات بس
_______
العجايز ناس عماد عبدالله، ومصطفى سري، والسيد الوكيل يمتنعون
| |
|
|
|
|
|
|
|
|
|
Re: الخرطوم القديمة بنات....علي مر الدهور والازمنة (Re: محمد أبوالعزائم أبوالريش)
|
احمدك يارب,,,يعني فعلا في زول حقيقي اسمو محمد ابو العزايم ابو الريش,,,يعني انا مابتخيل انكم
ظهرتو فجأة واختفيتو خليتونى اتلفت واقول البوست دا مسكون,,,,
عموما عودا حميدا وعقبال البقية
| |
|
|
|
|
|
|
|
|
|
Re: الخرطوم القديمة بنات....علي مر الدهور والازمنة (Re: Solafa Alagib)
|
الوكيل مراقب الموقع والسور من خلف نضارتو
بعدين يا ابو العزايم الاخ عماد عبدالله اعترف انو من زمن الردا
وانا من خلال كتابات سابقة ليهو عن الديوم افتكرتو درس فى مدرسة
الشباب والراعى الصالح الكانو معروفين الزمن داك بالـ .... 
لكن اتفاجأت لما قال انو درس فى الخرطوم الجديدة
وعشان ما تكبرنى شديد انا جيل منتصف الثمانينيات .
ويا مصطفى سرى عندى ليك سؤال من لمحت اسمك فى المنبر ده من زمان
عاوز اسألك ليهو ، انت اخو المرحوم عصام سرى .
يا د/ سلافة شوفى البنات مشو وين .... ولو متضايقين مننا يقولو لينا
ونحن بنشوف لينا مدرسة تانية ..
| |
|
|
|
|
|
|
|
|
|
Re: الخرطوم القديمة بنات....علي مر الدهور والازمنة (Re: عبد الدائم سيد أحمد)
|
عبدالدايم,,,,صباحك خير ,,,وصباحنا برد
طبعا انتو كلكم اختفيتو بعد العيد فى ظروف غامضة ,,,انا قلتا يكون الخروف اكلكم ما انتو اللي اكلتوهو,,,او يكون البوست قاعد
لكن المتداخلين اتهكروا
كيف يعني تشوفو ليكم مدرسة تانية !!! انت وكيل وما عارف القوانين!! ما في تحويل في نص السنة
| |
|
|
|
|
|
|
|
|
|
Re: الخرطوم القديمة بنات....علي مر الدهور والازمنة (Re: محمد أبوالعزائم أبوالريش)
|
بما اننى مسئولة عن هذا البوست ,,فشكلى بعد شوية حاطلب من كل متداخل\ة ارفاق صورة حديثة له\ها ليها يومين تلاتة كدا,,,بدل شجر
التبلدي والدرامات المدسيين لي بي وراها دى ,,صورة وجيهة كدا زى حقت اشراقة مصطفي حتى نستطيع عمل تسنين للجميع بدون فرز
مولانا عادل سمير توفيق ,,,عامل اسم ابوك الصغير دا
وحياة ربنا مشتاقين ,,,,وشكرا كثيرا علي طلبك للمهندس بكري بالابقاء علي بوست القديمة بنات,,, بالجد حسستني انك مسئول عننا
اظهر وبان عليك الامان
| |
|
|
|
|
|
|
|
|
|
Re: الخرطوم القديمة بنات....علي مر الدهور والازمنة (Re: Solafa Alagib)
|
| Quote: اظهر وبان عليك الامان |
سلام د. سلافة..
شوووووق كتيييير..
كنت مسافر في القاهرة لمدة إسبوع لكني كنت متابع !
Quote: متين اضافو اسم القديمة ,,يمكن مولانا
عادل يكون عارف !!! |
في عام 1979 تم تحويل مدرسة الأم الثانوية الي مدرسة ثانوية حكومية و تم تسميتها الخرطوم الثانوية
الجديدة على غرار مدرسة الخرطوم الجديدة بنين و عليه تم إضافة القديمة للخرطوم الثانوية بنات..
الحصة تاريخ !!
إنتو حضرة الوكيل قاعد يدرس شنو ؟!!
| |
|
|
|
|
|
|
|
|
|
Re: الخرطوم القديمة بنات....علي مر الدهور والازمنة (Re: Solafa Alagib)
|
الحقى قبل البوست ما يتأرشف اعملى مداخلة فى بوست بكرى
وانزلى رابط البوست بطريقة صحيحة ( وش صارى )
* افتحى بوست القديمة وفى مكان Address بالزر الايمن للماوس اعملى Copy
* افتحى بوست بكرى واعملى مداخلة جديدة ( غير الاولانية ) واعملى Paste
* تاكدى بنزول الرابط بعمل مشاهدة قبل الرد .
وذلك للمصلحة العامة ..
| |
|
|
|
|
|
|
|
|
|
Re: الخرطوم القديمة بنات....علي مر الدهور والازمنة (Re: عبد الدائم سيد أحمد)
|
هنيالك يا مولانا ,,,متجدع في القاهرة,,,مشيت الاسكندرية والدنيا( شتى) علي قول الست فيروز ؟؟؟
والله ياعبدالدايم للاسف يبدو انى ماعرفتا اطلب من بكرى يخلي البوست برا الارشيف رغم انى اجتهدت اعمل كل الخطوات اللى قلتهالي
والمداخلة غافلتنى ونزلت مرتين لكن ابدا ما زى حقت باقي الناس,,وخلتنى مستاءة جدا والله ما عارفة اعمل شنو!!!!
| |
|
|
|
|
|
|
|
|
|
Re: الخرطوم القديمة بنات....علي مر الدهور والازمنة (Re: عبد الدائم سيد أحمد)
|
فوووق والله بوجودكم وطلتكم الجمييييييلة ومستحيلة
مولانا عادل,,,,,,,,,,,,مصطفي سري ,,,,,,وعبدالدايم سيداحمد
| |
|
|
|
|
|
|
|
|
|
Re: الخرطوم القديمة بنات....علي مر الدهور والازمنة (Re: Adel Sameer Tawfiq)
|
كتبت صديقتى الحبيبة هدي مرضي التى هي الان فى طريقها للسودان ,,,تقول
Quote:
05/12/2008. Solafa Alagib
05/12/200
ما أدراك ما الزي المدرسي
على أيامنا ما كان لازم تختي الطرحه في راسك ولا كانت قصة الفستان محدده
كانو البنات بعملو تساريح وقصات شعر وبيطقمو ألوان ساعات اليد والشنط مع الأحذيه الرياضيه والشرابات
Quote:
05/12/2008. Solafa Alagib
حصل غزو كاسح للمدرسه من بنات السودانيين القادمين من الكويت كنا بنسميهم إفراج مؤقت
ديل كمان جو بي حقهم البيعرفوه برااااهم ثقافة ولهجه المسلسلات الكويتيه الكانت طالعه موضه الأيام ديك....لوك ودلع خليجي مايتنازلن أبدا عن قصه الشعر المايله مع لفة الطرحه المميزه
ورسم العيون بالكحل العربي داير ما يدور والله المدرسات الأيام ديك عينهم طلعت يابت بكره لو جيتي بشكلك ده حأفصلك ولا حياة لمن تنادي
على أايامنا الطرحة برضه ما كانت إجباريه لكن الكان إجباررري من غير مزايدة لون فستان المدرسه لالالالازم يكون لبني سماوى فاتح وتفصيلة الفستان لالالالازم بى وسط وكشكشه. أى بنت حاولت لبني غامق أو مايل للرمادي أو تفصل مخصر ما عدت لى جوه المدرسه وكانت الوكيله خديجةعبدالله علي كنبة الديوتي كل صباح without fail
ترجع أي واحده ماملتزمة البيت مهما كان وين ساكنه, والفستان لأزم بكون تحت الركبة. جذمة أو شبط أبيض مع شراب أبيض لو مسكوك فى الديوتي بشراب أبيض ملون أو شريط شعر ملون بشيلوه من البت وتجى آخر اليوم تستلمه من مكتب الوكيله.
الكل كان ملتزم بالنظام ده وكان لمن الواحد يعاين فى الحوش للبنات الكل في هيئه واااحده إنسحام شكلي ولوني تام على مد البصر و في الجوهر والموضوع. من هنا وفى العمر الصغير داك تعلمنا من المدرسة وأيضا بدعم الأهل الإعتدال فى اللبس. و تعودنا إن نختار اللبس المناسب فى المكان المناسب الشكر والعرفان والتقدير للإستاذة الجليلة خديجة عبداللة على كل شئ حتي قوة ضبطها الحديدية. بنتها الرقيقة هالة كانت دفعتنا فى الخرطوم الثانويه قمة فى الأخلاق والهدوء
| |
|
|
|
|
|
|
|
|
|
Re: الخرطوم القديمة بنات....علي مر الدهور والازمنة (Re: Solafa Alagib)
|
الله يقدركم بس تجينى واحدة بالشكل ده
Quote: على أيامنا ما كان لازم تختي الطرحه في راسك ولا كانت قصة الفستان محدده
كانو البنات بعملو تساريح وقصات شعر وبيطقمو ألوان ساعات اليد والشنط مع الأحذيه الرياضيه والشرابات
حصل غزو كاسح للمدرسه من بنات السودانيين القادمين من الكويت كنا بنسميهم إفراج مؤقت
ديل كمان جو بي حقهم البيعرفوه برااااهم ثقافة ولهجه المسلسلات الكويتيه الكانت طالعه موضه الأيام ديك....لوك ودلع خليجي مايتنازلن أبدا عن قصه الشعر المايله مع لفة الطرحه المميزه
ورسم العيون بالكحل العربي داير ما يدور والله المدرسات الأيام ديك عينهم طلعت يابت بكره لو جيتي بشكلك ده حأفصلك ولا حياة لمن تنادي
|
الـــوكــيل ....
يا هدى فى السبعينات حسب كلام اختى الكبيرة كان فى مدرسة اسمها ست سلوى الحلفاوية
لو شافت اى بت بالمنظر ده بتمسكها وتدخل ليها رأسها تحت الماسورة وقال ليك كان بتضرب
كـف مبالغة ...
رغم رأيي فى طريقة العقاب المدرسى المفروض زمان .
اخيرا" ما تنقطعو وتغيبو على كيفكم المدرسة فيها نظام وسلافة شايفها كل يوم تناديكم
واجازة سعيدة ، رغم انى ما عارف اللى صدق ليك بالاجازة يا ربى يكون الناظر عادل سمير ؟
| |
|
|
|
|
|
|
|
|
|
Re: الخرطوم القديمة بنات....علي مر الدهور والازمنة (Re: عبد الدائم سيد أحمد)
|
لكن يا سيادة الوكيل يظلوا,,,البنات,,,البنات,,,الطف الكائنات,,علي قول الراحلة سعاد حسني
الناظر-ظاااااااطو-نازل اجازة ,,انت ماعندك؟؟؟؟؟؟؟؟؟؟
| |
|
|
|
|
|
|
|
|
|
Re: الخرطوم القديمة بنات....علي مر الدهور والازمنة (Re: Solafa Alagib)
|
جميلات كن
في ذلك الزي السماوي
شارع بيتنا كان قصاد باب المدرسة إلا المُشتشفى قفلتو
وبعده تسربن
حوالينا لا علينا
بجمال يسبق
الحقيقة والعلم وبعض من فهم
... التعليم
تخرجن رائدات
كعادتهن (حتى بغير تعليم فقد علّمَن)
سيدات مجتمعات ومجتمِعات
أختي وقريبات كُتار
وبنات جيران
طلعو منها
وطلعت منهن أوطان ...
على أزمنة وأزمان
وزمن ..
و ....................... إحن
| |
|
|
|
|
|
|
|
|
|
Re: الخرطوم القديمة بنات....علي مر الدهور والازمنة (Re: Solafa Alagib)
|
Quote: في حاجة عملها اسمها تعديل عشان ما تحجز البوست ، زي صف الرغيف في طابونة اليماني
ويظهر انك ما بتعرف تشاغل بنات القديمة الجميلات ... قم عدل كدة ولللا كدة ... |
سري العزيز
الله يخلي طابونة اليماني
الدفت بِطونا
لكن يا صاحبي الله يكتلني
انا عملت عيسى مرسال واحد بس
ياخ قالو ليك في قِرِش مستثمر في ايه كدا ما عارف
لمن قالو ليهو الشغلة خستكت
اشتغل ليك معيط في اي حديدة مجرورة تحت البحر
نجججف نجججف لا خلى كيبل ولا حتى لوبيستر
على العموم قالو الدكتور اداهو حبة
بندول سي
وهدا شوية
والناس شغالا في معيطو الخلا ردنا يجي (زعيطو)
*ده دي فاكتو يا بُصحي
| |
|
|
|
|
|
|
|
|
|
Re: الخرطوم القديمة بنات....علي مر الدهور والازمنة (Re: Emad Abdulla)
|
مساء الخير للشباب المتجمعين
الفنان الكبير عماد عبد الله تحية كبيييرة
علي فكرة عجبني جدا جدا البوستر الاتعمل لحفلة كيكس من تصميمك
الالوان الاحمر و الاسود لا يعلي عليهم
| Quote: قايل نفسك " صلاح النور " ؟؟ |
اهاااااااااااااا يا عماد مالو صلاح النور؟؟؟؟؟
يعني عشان بيتهم في شارع 17 مقابل المدرسة ؟
صلاح النور صديق الطفولة وصديق العمر و أعز الاعزاء
تحياتي يا صلاح وأمنياتي ليكما ياعماد بأعياد و سنة جديدة مشعة بالجمال و الحب
مها بشير
| |
|
|
|
|
|
|
|
|
|
Re: الخرطوم القديمة بنات....علي مر الدهور والازمنة (Re: ASHRAF TAHA)
|
يا دكتورة سلافة ، الحقي البوست دة جيبي ناس شرطة الديم - لا لا - احسن شرطة العمارات طلعي
الجماعة اللي وقفوا جنب بقالة (زينة ) ويشاغلو في بنات الصباح ومنتظرين بنات المساء ، وانا يا عمدة
وكت القديمة جعيصة انا كنت في الابتدائي اسال اشرف طه دة ، وصلاح اخوك شايفو بقى مسكين خلى
قعاد ( الترتار )
اشرف طه ، وعمو عماد ... اكيد بتتذكرو (علي بيك) وصحبة بنات القديمة ، والفاضل عثمان اللي بقى ( مولانا ) كبير
ونبيل الحلفاوي / هؤلاء كانوا الشرذمة ولا يضايهم احد ، وناس العمارات مهما يلبسوا ويتقيفوا كانو ( ما عندهم حنك )
ما يميز الخرطوم الثانوية (القديمة ) بنات انهن تقيلات ، من الجمال ، والشطارة والفهم ، وكن من الادب العالي
| |
|
|
|
|
|
|
|
|
|
Re: الخرطوم القديمة بنات....علي مر الدهور والازمنة (Re: محمد أبوالعزائم أبوالريش)
|
مسا الخيرات شباب,,,,,اولاااااااد وبنات
والله يامصطفي سري انا بصراحة بصراحة عجبتنى وصلة الغزل العفيف اللي بقيادة اشرف طه اللي نور البوست فجأة
عشان كدا مافي داعى للشرطة و-خلي السلاح صاحى-علي قول المصريين وقلتا في نفسي يابت خلي الشباب يفضفض ,,,يعنى
لاهم صغار يتكلمو ولاهم كبار ,,,يبكوا علي الاطلال
ودمتم
| |
|
|
|
|
|
|
|
|
|
|
Re: الخرطوم القديمة بنات....علي مر الدهور والازمنة (Re: Maha Bashir)
|
يا جماعة أنا قاعدة أراجع من أول صفحة في حاجات كتيرة فاتتني و عاوزة ارد عليها
فالي مداخلة الاخت سارة علي بواسطة سلافة
| Quote: ايضا هناك التؤام- سلمي وسلوي التجاني علي |
تحيات من التومات سلمي وسلوي التجاني علي
و كنا بنتكلم أنا وسلوي و طلبت منها المشاركة و إن شاء الله حتحاول
صديقاتنا بنات الخرطوم العليا
إجلال عبد الحليم , ماجدة محمد علي قسومة, هدي مبارك ضيف الله
مها عبد المحمود , مني الزين صغيرون , ليلي البرير, سوسن شريف خاطر ,مواهب و إجلال ميرغني النصري
سوزان عابدين, نادية سنجابي بنات حلتنا " محطة الغالي", نادية بيومي
و الله بصراحة الذاكرة بقت بطالة متذكرة الوجوه و ما قادرة أخت عليها الاسامي دي حالة دي بالله
أخواتي الاصغر مني مايسة وريم بشير الاتنين قروا في الخرطوم العليا
وعديلة أبو شرف و إنتصار سنجابي و مها مبارك
بجي تاني كان الله هون عندنا إجازة يومين مع الويك إند
وكل سنة و الجميع بخير بمناسبة أعياد الميلاد المجيد
مها
| |
|
|
|
|
|
|
|
|
|
Re: الخرطوم القديمة بنات....علي مر الدهور والازمنة (Re: Maha Bashir)
|
مشتاقين يا مها بشير وكل سنة وانت طيبة ,,,انا زاتى اسغربت لما لقيت وش البوست اتغير
قلت في-عقل بالى- يمكن دا new look العام الجديد ,,,اصلا المكتوب كان انى برحب بخريجات القديمة
وتحت تحت -حتى بالامارة -تحت اتكتبت مرة واحدة ما اترددت مرتين,,,تحت تحت برحب ببنات الخرطوم الاميرية
والخرطوم غرب ,,,بس دا كل اللي حصل
وعموما للباشمهندس بكري ,,,,
كل عام وانت حبيبنا ,,كل عام وانت بخير
كل عام وانت نصيبنا,,مهما في الدنيا يصير
مع تحيات شيرين وفضل شاكر
| |
|
|
|
|
|
|
|
|
|
Re: الخرطوم القديمة بنات....علي مر الدهور والازمنة (Re: Solafa Alagib)
|
Quote: (عدل بواسطة بكرى ابوبكر on 11-12-2008, 01:09 م)
(عدل بواسطة بكرى ابوبكر on 11-12-2008, 02:42 |
يوم11 ديسمبر كان يوم الخميس تالت يوم لعيد الضحية يعنى الدنيا اجازة ...
الزول ده دخل الساعة 01:09 ونطة مرق الساعة 02:42
ساعة صلاة الظهر وقبل الغداء يعنى قضى ليهو ذى ساعة ونص جوة المدرسة
المهم : راجعنا الدفاتر ما فى شي اتسرق
بالنسبة لورق امتحان الرياضايات الانكشف ما فيش مشكلة توجد ورقة احتياطية
الشى الوحيد الملاحظ : وجدت يافطة المدرسة ملغية على الارض
قلت يمكن جاء هواء ، ولا عاوزين يغيرو اسم المدرسة ، ولا ديل ناس الاستثمار
ولا فى خطاء غير مقصود والله اعلم ، ننتظر رأي بكـــــــــــــرى ..
اما حكاية الاشباح دى يا حضرة الناظر ما تجيب سيرتها لانها حتشرد البنات
الاصلا" ما لاقيات سبب للزوغان .
| |
|
|
|
|
|
|
|
| |
Emad Abdulla
ريهان الريح الشاذلي
Ishraga Mustafa
Adel Sameer Tawfiq
نبيلة عبد المطلب
مصطفي سري
عبد الدائم سيد أحمد
عبدالله كع
سيف بخيت موسي
محمد أبوالعزائم أبوالريش
ASHRAF TAHA
فيس بوك
تويتر
انستقرام
يوتيوب
بنتيريست