كتب الكاتب الفاتح جبرا المتوفرة بمعرض الدوحة
|
Re: نِكات آخر موديل..مع عالم المساطيل..استراحة مع فكاهة نقية (Re: هند محمد)
|
Quote: مسطولة سألوها ترشحي مين لقيادة حماس؟ اجابت: راغب علامة
مسطول احوص دايرين يشنقوهو سألوه: امنيتك شنو؟ قال: اشوف نفر واحد بس
مسطول دهس ليهو شرطي مرور ، ضرب تلفون الشرطه 999 قال ليهم بالمناسبه بقيتو 998
مسطول شال حبوبتو ومشي مدرسة البنات قال ليهم ادوني فكة
|
شاعرتنا الرقيقة هندوية
يا مساء النور ونورتي بوستينا
وبجميل الطرف اضحكتينا
لكن ابدعتي في فكة الحبوبات دي
تسلمي يا هند
وما تنقطعي مننا
كل الود
| |
|
|
|
|
|
|
Re: نِكات آخر موديل..مع عالم المساطيل..استراحة مع فكاهة نقية (Re: mohmed khalail)
|
Quote: المحترمين محمد خليل وعمر أرباب لكم جزيل شكرى على تقبلكم التنبيه الذى ماقصدت منه الا التواصى بالحق فقد كنتم عند ظنى بكم فلكم منى الشكر وأسالكم أن تواصونى بالحق أينما اجتنبته وأدركتموه أنتم....
|
الاخ الحبيب عبد العزيز
لك التحية اخي الفاضل وان شاء الله نكون عند حسن الظن دائما
وفي التواصي بالحق ان شاء الله ربنا يجعلنا من مدركيه.
تخريمة ـــــــ
بلدياتك ده لكن ..خيالو واسع شديد
والرد عليهو عندو عرق في الرباطاب
| |
|
|
|
|
|
|
Re: نِكات آخر موديل..مع عالم المساطيل..استراحة مع فكاهة نقية (Re: omar arbab)
|
الاخ محمد
Quote: ليه الحكومات بتحارب المخدرات وتبيح الخمور |
ناس باقي المخدرات ما بعرفهم لكن ناس البنقو ديل بدعموا السلام لما يتعاطوه
عكس ناس العرقي
ما حصل يوم سمعت اتنين مساطيل قالو اتشاكلوا
تمشي قسم الشرطة تلقي المشاكل كلها من العرقي و المريسة
ــــــــــــــــــــــــــــــــــــــــــــــــــــــــ
معا من اجل مجتمع خالي من المخدرات و الخمور
| |
|
|
|
|
|
|
Re: نِكات آخر موديل..مع عالم المساطيل..استراحة مع فكاهة نقية (Re: mohmed khalail)
|
حلفاوى قالو ليهو بكره عيد الحب قال ليهم ده بصلوهو كم ركعه
*******
حلفاوى قال لى صاحبو ماسمعت محمد صالح ماجاهو اللوترى صاحبو قال ليهو اوعه يكون عوقو
*********
هندي أول مرة يحضر دفن جنازة في حلفا قام سأل الناس قال ليهم انتو الزول هنا مابتحرقو مالكم واحد رد قال ليهو أنحنا هنا الزول ندفنو بس بعدين الله براهو بيحرقو
| |
|
|
|
|
|
|
Re: نِكات آخر موديل..مع عالم المساطيل..استراحة مع فكاهة نقية (Re: mohmed khalail)
|
Quote: تصدق السؤال ده مشروع بحوث متعددة ومتفرعة
واتمنى انك تكون قريب لمزيد من النقاش
|
الاخ محمد خليل تحياتي وودي لو تذكر انني اثرت قضية مكافحة المخدرات .. ومقارنتها بالخمور .. والتمييز بين انواع المخدرات المختلفة .. وما دام هناك نقاش وجدل يعني انا ما براي .. ... Quote: كمان المخدرات ذات الدرجة العالية من الخطورة لا تدخل ضمن دائرة تلك المكافحة .. بس فالحين في البنقو .. يطاردوه من دارفور لحدي ما يصل بورتسودان والبودرة ملت البلد .. واذا قلنا انو المستحضرات الكيمائية غالية .. وانو نسبة المتضررين قليلة الا ان هناك الملايين من الشباب والاطفال يموتون كل عام بسبب استنشاق مواد متوفرة في مخلفات الورش |
في البداية علينا ان نجد تعريفات تفرق بين الانواع الثلاثة .. حتى يتم علاج كل نوع باسلوب مختلف يتناسب مع خطورته..فالخطورة الناجمة عن تعاطي البنقو اخف بكثير من مخاطر المخدرات الاخرى
| |
|
|
|
|
|
|
Re: نِكات آخر موديل..مع عالم المساطيل..استراحة مع فكاهة نقية (Re: omar arbab)
|
تلاته مساطيل اسطلوا فى بيت واحد من اصحابهم وبعد السطله ربطت واحد منهم قال جعان سيد البيت قال ليهو تطلع بره بعد تطلع من البيت على يدك اليمين فى دكان جيب لينا طحنيه وتعال صاحبك على حسب السطله لفه وجاهم بالشباك قال ليهم فى طحنيه ياشباب قالوا ليهو ماعندنا لكن رسلنا ليها هسا
شايقيه بخيييله سألها يعني شنو ( الشده عند الفرج ؟؟؟) قالت الشده يجيك ضيف وقتالغداء , والفرج انو يقول صايم
| |
|
|
|
|
|
|
Re: نِكات آخر موديل..مع عالم المساطيل..استراحة مع فكاهة نقية (Re: elfadl abdellatif)
|
Quote: في البداية علينا ان نجد تعريفات تفرق بين الانواع الثلاثة .. حتى يتم علاج كل نوع باسلوب مختلف يتناسب مع خطورته..فالخطورة الناجمة عن تعاطي البنقو اخف بكثير من مخاطر المخدرات الاخرى |
الحبيب الفاضل
سلام وتحية
حفظ الله شبابنا وبلادنا من شرور المخدرات بكافة انواعها
بالنسبة للحشيش فعلى حسب علمي فهو ليس محرم في بعض الدول
بل هو ركن اساسي لبعض المعتقدات مثل الراستفاريا الديانة التي
يتبعها الكثير من سكان جزر البحر الكاريبي مثل جمايكا واشهر معتنقيها
ملك الريقي بوب مارلي ..
ولكن خطورة المخدرات تكمن في اثرها الاجتماعي لان ضررها يمتد من المدمن الى افراد اسرته
فيتدهور مستواها المعيشي من جراء الصرف على المخدرات ومن ثمتكثر حالات الطلاق وتوابعه
ثم تقود الجرعات الزائدة الى الاختلالات العقلية والوفيات المفاجئة وما الى ذلك
حقيقة هذا الموضوع يحتاج الى بوست منفصل حتى نستفيد من اراء اكبر شريحة من البورداب
وفيهم بلا شك من يحمل رؤى متقدمة في هذا الشأن
لك كل الود
| |
|
|
|
|
|
|
Re: نِكات آخر موديل..مع عالم المساطيل..استراحة مع فكاهة نقية (Re: mohmed khalail)
|
سلام
مسطول جاب ليهو موبايل جديد اداهو لي اخوهو قال ليهو هاك اكتب لي رسالة انا خطي كعب
واحد شين سال مسطول ..عمليه التجميل بى كم ؟؟؟
قاليهو حسب شناتك
مسطول لابس بامبرز فس راسو. سألوه ليه؟ قال ليهم!! أفكاري كلها وسخانة
واحد مسطول داير يحتفل بيوم الطفل بال في لباسو
واحد مسطول دخل المتحف قعد يلحس الصور ،، سألوه ليه بتعمل كدا؟ قال ليهم بتذوق الفـــن
شايقي اولاده نجحو في الإمتحانات جاب ليهم كورة ،، قال ليهم انجحو السنة الجايه عشان انفخه ليكم
سلام
| |
|
|
|
|
|
|
Re: نِكات آخر موديل..مع عالم المساطيل..استراحة مع فكاهة نقية (Re: omar arbab)
|
وصلني هذا الايميل اللطيف للمشاركة في بوست المساطيل فشكرا للراسل
حوارٌ بين زوجين ليلة زفافهما الزوج : يااااه أخيرا الحلم بيتحقق ... الزوجة : عاوزني أبعد عنك .... ؟؟ الزوج : لاااا.. متقوليش الكلام ده مره ثانيه .. الزوجة : إنت ..... تحبني ؟؟ الزوج : اكييييييييييييد .. الزوجة : طيب ممكن تفكر تبعد عني ؟ الزوج : لا طبعاً ؟ الزوجة : طيب ممكن تهديني بوسه ؟ الزوج : طبعا.. و على خدك كمان .. الزوجة : طيب تعتقد إنك ممكن تضربني في يوم من الأيام ؟ الزوج :لا طبعا ..... انا مش من النوع ده من الرجال .. الزوجة : ممكن أثق فيك ؟ الزوج : ايووووه... الزوجه : يا حبيبي .....
بعد سنة من الزواج .....
وفي ذكرى زواجهما كان هناك حوارٌ آخر اقرأ من جديد من الأسفل الى الأعلى
| |
|
|
|
|
|
|
Re: نِكات آخر موديل..مع عالم المساطيل..استراحة مع فكاهة نقية (Re: mohmed khalail)
|
سلام
قالو مسطول في الحج دخل حمامات النسوان ناس الهيئة كوركو فيهو يا راجل ما بتعرف تقرا قال : بعرف اقراء لكن حاجي للوالدة
واحد مسطول سال ناس بيتهم جيرانا ديل ضابحين ولا شنو قالو ليهو ليه قال ليهم ريحة الابرى ده شنو
مسطول سأل مسطول: مراتك حية ؟ قاله : لأ عقرب .. قا له لأ قصدي عايشة !؟ قاله لأ فاطمة
واحد مسطووووول كلو ما يلمس مكان في جسمو
يوجعو مشا للدكتور لقا اصبعو مكسور
مسطوا يقول لي مسطول عيني حمره اسوي شنو ؟؟؟؟ قاله:اذا بقت خضرا امش
لي بوكره
| |
|
|
|
|
|
|
Re: نِكات آخر موديل..مع عالم المساطيل..استراحة مع فكاهة نقية (Re: mohmed khalail)
|
Quote: سلام
قالو مسطول في الحج دخل حمامات النسوان ناس الهيئة كوركو فيهو يا راجل ما بتعرف تقرا قال : بعرف اقراء لكن حاجي للوالدة
واحد مسطول سال ناس بيتهم جيرانا ديل ضابحين ولا شنو قالو ليهو ليه قال ليهم ريحة الابرى ده شنو
مسطول سأل مسطول: مراتك حية ؟ قاله : لأ عقرب .. قا له لأ قصدي عايشة !؟ قاله لأ فاطمة
واحد مسطووووول كلو ما يلمس مكان في جسمو
يوجعو مشا للدكتور لقا اصبعو مكسور
مسطوا يقول لي مسطول عيني حمره اسوي شنو ؟؟؟؟ قاله:اذا بقت خضرا امش
|
الارباب
انت يا زول اكييييييد ......
مش
| |
|
|
|
|
|
|
Re: نِكات آخر موديل..مع عالم المساطيل..استراحة مع فكاهة نقية (Re: عبدالأله زمراوي)
|
Quote: انت يا زول اكييييييد ......
مش |
محمد خليل فيك المحبوسة عشان ............
واحد قال لي مسطول أنا بردان من المكيف00 قال ليهو يتشرفنا وأنا محمدخليل من عطبره
ولد سأل أبوه المسطول قال ليه : يا أبوي إنت يوم الإتنين الفات كان إجازة ليه ؟ رد عليه : والله ياولدي أظنه صادف يوم جمعة ...
واحد سطلنجي اسمو عم طه كان بلفها دايما جنب البحر في ابوروف
كل الناس بيعرفوه فكان بيكون جالس مشغول بالسجاره والناس يمروا يسلموا (ازيك ياعم طه) وهو يرد من غير مايرفع رأسو (اهلا يااخينا) فمرو مجموعة ازيك ياعم طه (اهلا يااخينا )ازيك ياعم طه (اهلا يا اخينا) وفجأه مر واحد مابعرفو قال ليهو زيك يااخينا فرد عمنا (اهلا ياعم طه)
مسطول خت سجارته في التربيزة وجات مرته وجربت ليها نفس جاء ولقى مرته دايخه سألها : شديدة ( عن السجارة) ردت عليه :- الله يسلمك
(واحد قال لمسطول تعرف حدايق (6)ابريل
قال ليو 6 ابريل 6 ابريل
ما قالو ليك سنه كم
بكرة الصباح الساعة تمانية مساء عازمكم غداء في بحري الثورة الحارة العاشرة شارع المطار ما تنسوا الوصف عشان نمشي نعزي الزول ده قالوا أخوه الكبير عرّس (مسطول خاينو التعبير)
سلام
| |
|
|
|
|
|
|
Re: نِكات آخر موديل..مع عالم المساطيل..استراحة مع فكاهة نقية (Re: omar arbab)
|
أيام حظر التجول قال ليك الرائد ابراهيم شمس الدين طبعا زول صعب كان حايم بعربية نص الليل نظام تأمين ثورة وكده قام اشر ليهو واحد مسطول انقطعت بيهو السبل وبعد ما ركب وضمن التوصيلة فتح ليك شتيمة في الحكومة ما خلا ليهم حاجة لماوصل مكان ماشي حبه يتعرف على فاعل الخير الوصلو ده -معاك اخوك عمر ارباب يا حبيب اسم الكريم منو ؟ -معاك الرائد ابراهيم شمس الدين -ابرا...ا..هيييييم شخص الدين شمسيا
| |
|
|
|
|
|
|
Re: نِكات آخر موديل..مع عالم المساطيل..استراحة مع فكاهة نقية (Re: mohmed khalail)
|
واحد مسطول اشترى دوا من الصيدلية مكتوب عليه يحفظ بعيدا عن متناول الاطفال قال بالله شوف المسيخين ديل يعنى عشان عارفننا عذابة
مسطول سأل أمو قال ليها : لو ما كنتي أنجبتيني ،، و شفتيني مع ناس تانين ،، كنتي راح تعرفيني ؟؟؟؟؟؟؟؟؟؟؟
مسطول سألو : لو خروف عرس نمله بجيبو شنو ؟ قال: يا نمله مخرفه يا خروف منمل
مسطول سألوه في لقاء تلفزيوني عن سبب سخانه الجو اليومين ديل؟؟ رد قال : ده كلو من مشجعين الكوره .. شغالين يقولو فوق فوق سودانا فوق لمن تكلونا مع الشمس..
كمساري الحافلة مسطوووول واقف جاتو بت سمحة قالت ليهو وين؟ .قاليها :قاعدين والله انتي الما ظاهرة
فك النفس
| |
|
|
|
|
|
|
Re: نِكات آخر موديل..مع عالم المساطيل..استراحة مع فكاهة نقية (Re: Abd Alla Elhabib)
|
Quote: واحد رايق زيكم كده زار صاحبو السطلنجى لقي ليك جضومو محرقات وعامل صبغة الحروق ديك - يا زول مالك ?? - كنت قاعد أكوى بمزاااج جانى تلفون رفعت ليك المكوة وتششش لامن شميت ريحة الشية !! - أها وجضمك الشمال ده الحرقو شنو طيب ?? - المع..المعف ..المـــعفن ده ضرب تاني !!! |
مرحب عبد الله
الزول ده لو ضرب ليهو تالت مرة كان بقى باربكيو
شكرا يا حبيب
على جميل المرور
| |
|
|
|
|
|
|
Re: نِكات آخر موديل..مع عالم المساطيل..استراحة مع فكاهة نقية (Re: mohmed khalail)
|
مسطول مشي للدكتور وطلع مسطول اكتر منو فقال ليهو يادكتور عندي صداع عجيب جدا فسالوا الدكتور انت بالليل بتنوم والشباك مفتوح ولا مقفول فقال ليهو مقفول فقال الليلة نوم والشباك فاتح وفي اليوم التالي رجع للدكتور فسالوا اهه كيف انشاء الله الصداع راح فقال ليهو المسطول الصداع راح والثلاجة راحت والمكيف راح والتلفزيون راح والفيديو راح
| |
|
|
|
|
|
|
Re: نِكات آخر موديل..مع عالم المساطيل..استراحة مع فكاهة نقية (Re: Mutwali Malik)
|
Quote: مسطول مشي للدكتور وطلع مسطول اكتر منو فقال ليهو يادكتور عندي صداع عجيب جدا فسالوا الدكتور انت بالليل بتنوم والشباك مفتوح ولا مقفول فقال ليهو مقفول فقال الليلة نوم والشباك فاتح وفي اليوم التالي رجع للدكتور فسالوا اهه كيف انشاء الله الصداع راح فقال ليهو المسطول الصداع راح والثلاجة راحت والمكيف راح والتلفزيون راح والفيديو راح |
وقلنا راح مع الايام
تسلم يا متوكل
| |
|
|
|
|
|
|
Re: نِكات آخر موديل..مع عالم المساطيل..استراحة مع فكاهة نقية (Re: mohmed khalail)
|
شكرا يا محمد خليل على البوست الظريف ده
مسطول كمثاري دفار , صحى المغربية كده ولقى امه شارة الغسيل في السلك , بس قام ماشي بين الهدوم المشرورة في السلك
يا حاج اب جلابية عليك الله ادخل لي جوة الدفار ده فاضي يا اب بنطلون رمادي خش لينا جوة ام اسكيرتي احمر ادخلي لينا
جوة بالله - الدفار ده فاضي يا جماعة بس مع نهاية الغسيل المشرور لقى ليك امه مصنقرة في العنقريب قالت ليهو يا ولد مالك جنيت ولا شنو عاين ليها كده وقال ليها يا اللللله ده شنو يا حجة قاعدة لينا في السلم قومي خشي فوق عليك الله اسي العسكري يشوفك
يعمل لينا مخالفة
| |
|
|
|
|
|
|
Re: نِكات آخر موديل..مع عالم المساطيل..استراحة مع فكاهة نقية (Re: mohmed khalail)
|
وصلني الان هذا الايميل من الاخ غسان عزالدين مساهما في بوست المساطيل
فله جزيل الشكر.
اتنين بسطلو جنب البحر طوالي , وجارتهم عندها ديك و برضو بتنسطل قامو سرقو منها ومشو جنب البحر اكلو الديك .شكت فيهم مشت جنب البحر شافت الريش جنبهم سالتم وينو الديك. واحد قال ليها خشه البحر يستحمه , قامت لمت الريش قالت ودالحرام خلي يجي البيت عريان
اولاد بلعبو في الحلة يمشو اي بيت يضربو الجرس ويجرو, مرة لقو بيت الجرس بتاعو عالي وفي عمك كبير ماشي في الشارع, قالو ليه عمو اضرب لينا الجرس دا, بعد ماضربو قالو ليهو عمو يلا نجري.
متابع من موقع سودانيز اونلاين ولكم التحية غسان عزالدين
ولك انت ايضا الف تحية اخي غسان
| |
|
|
|
|
|
|
Re: نِكات آخر موديل..مع عالم المساطيل..استراحة مع فكاهة نقية (Re: omar arbab)
|
منقول من عمود مزمل ابو القاسم بصحيفة الصدى
حارة! * تماسك المريخاب على الرغم من خسارتهم للدوري خمس مرات متتالية .. وجرسة الأحبة الزرق قبل موقعة نبش المقبرة على الرغم من تفوقهم في عدد مرات الفوز بالدوري يذكراني بقصة في غاية الطرافة!
* يحكى أن نزاعاً نشب بين عقرب وضفدع.. ولم يجدا له حلاً ودياً فاتفقا على أن يعض كل واحد منهما الآخر عشر مرات.. ومن يثبت للعض و(يسردب) للألم يعتبر فائزاً على خصمه!
* تطوع العقرب بترك الضفدع يعضه أولاً فلم يقصر.. وعض العقرب في كل أجزاء جسمه.. ومدغ رأسه وصدره وبطنه وذنبه وأطرافه ومع ذلك ظل العقرب صابراً صامتاً يحتمل الألم ويحسب العضات بصوتٍ مسموع.. دون أن يتذمر!
* وعندما حان الدور على الضفدع لدغه العقرب أول مرة في ظهره فأتت اللدغة موجعة.. حارقة لا تحتمل.. وقبل أن يغرس العقرب شوكته للمرة الثانية صاح الضفدع بأعلى صوته قائلاً: (تسعة)!
| |
|
|
|
|
|
|
Re: نِكات آخر موديل..مع عالم المساطيل..استراحة مع فكاهة نقية (Re: mohmed khalail)
|
مسطول خش الاستاد بدا إصافح الجمهور واحد واحد
اثناء انهماكو في السلام المهاجم انفرد بالقون والثيردباك طاير وراهو المشجع العليهو دور السلام
مسك يد المسطول واندمج مع الهجمة وشغال ..ضربو ..ضربو ..ضربو المسطول مع رفعة راسو الثيردباك لحق
المهاجم وطق بيهو الواطة..المسطول قال للمشجع بزعل بالله يا ابن العم الكورة دي لو حاضرها قبل كده
مافي داعي تمسخها للباقيين .
| |
|
|
|
|
|
|
Re: نِكات آخر موديل..مع عالم المساطيل..استراحة مع فكاهة نقية (Re: ismeil abbas)
|
Quote: واحد مسطول ومجنون كورة.دخل القهوة قال للجرسون بالله أدينى واحد قهوة وسط وأتنين هجوم
|
اسعد الله ايامك الحبيب اسماعيل
الظاهر د حمى هلال مريخ راكباهو..
بمناسبة هلال مريخ اخوك ممن ابتلاهم الله بمرض الكورة وحب الهلال بدرجة كده غريبة
وطبعا اليومين ديل هم سمهم فاير وبالجد الرجفة داخلانا فحلمت ان المريخ غلب الهلال واحد صفر
صحيت من النوم مكتئب وحمدت الله انو ده كان حلم مشيت الشغل حكيت الحلم لواحد صديقي امرض مني في
حب الهلال قام قال لي (عليك الله بتسمي ده حلم ياخ ده كابوس)
وتسلم يا اسماعيل وان شاء الله ننقل البوست ده معانا بس اجهزو للعطالة
| |
|
|
|
|
|
|
Re: نِكات آخر موديل..مع عالم المساطيل..استراحة مع فكاهة نقية (Re: mohmed khalail)
|
بي مناسبة الكوره
* قال ليك واحد (بتاع كرستال) دخل الكورة (شايل معاهو نص في جيب الجلابية) وزولك يتلولح ما قادر يقيف من السَّكره... في لاعب نص بدأ يمرر باصات غلط وقصيرة ......... الجماهير إضايقوا وجاطو: (طلِّع بتاع النص .... طلِّع بتاع النص ) ** زولك السكران قال ليهم: (والله ما أططططططلع الررررراجل اليجي يطلعععععععني
واحد مسطول مشجع .. يكورك .. "أوووووووف" سايد .. "أوووف" سايد الجنبو زهج منو .. ياخ الكورة في نص الملعب ياخ!!! ردا ليهو .. ما شايفة سخنة كيف؟! .. عايزين نبردها!!! ......السيجاره..........
واحد مسطول داير يقطع الظلط وساطل لط ..جا جنبو واحد بتاع كورة اسطل منو قال ليو قطعني الظلط وهم قاطعين جات عربية الشرطه وييييييييييييييو ويو قال ليو دي دورية التاني قال ليو لا دي ودية
| |
|
|
|
|
|
|
Re: نِكات آخر موديل..مع عالم المساطيل..استراحة مع فكاهة نقية (Re: omar arbab)
|
Quote: * قال ليك واحد (بتاع كرستال) دخل الكورة (شايل معاهو نص في جيب الجلابية) وزولك يتلولح ما قادر يقيف من السَّكره... في لاعب نص بدأ يمرر باصات غلط وقصيرة ......... الجماهير إضايقوا وجاطو: (طلِّع بتاع النص .... طلِّع بتاع النص ) ** زولك السكران قال ليهم: (والله ما أططططططلع الررررراجل اليجي يطلعععععععني
واحد مسطول مشجع .. يكورك .. "أوووووووف" سايد .. "أوووف" سايد الجنبو زهج منو .. ياخ الكورة في نص الملعب ياخ!!! ردا ليهو .. ما شايفة سخنة كيف؟! .. عايزين نبردها!!! ......السيجاره..........
واحد مسطول داير يقطع الظلط وساطل لط ..جا جنبو واحد بتاع كورة اسطل منو قال ليو قطعني الظلط وهم قاطعين جات عربية الشرطه وييييييييييييييو ويو قال ليو دي دورية التاني قال ليو لا دي ودية |
لووووووووووووووووووووووول
| |
|
|
|
|
|
|
Re: نِكات آخر موديل..مع عالم المساطيل..استراحة مع فكاهة نقية (Re: mohmed khalail)
|
هاكم دي واقعية لكن حلوة واحد صديق وزميل صحفي كانت عندو عوارض كتيرة .. يوم منشول .. ويوم مارق من حادث .. المهم واحد اداهو مصحف قال ليهو خليهو في شنطتك عشان يحفظك .. في يوم ونحن طالعين من الجريدة جا واحد شايل اجزاء من القران .. عم وتبارك ويس والكهف .. ببيع فيهم .. لما عرضهم علي صاحبنا ما كان منو الا طلع ليهو المصحف وقال ليهو شكرا انا عندي المجموعة الكاملة بس ما تقولو فيها استهزاء بالدين
| |
|
|
|
|
|
|
Re: نِكات آخر موديل..مع عالم المساطيل..استراحة مع فكاهة نقية (Re: mohmed khalail)
|
هاكم ديل .... وعزرا للتكرار ويا ارباب وين ياخي من ديك وعيك
-مسطـول إشتري سيــــــاره شبح جديدة لنج وهو ســــايقها فتح الراديو سمع هنا لندن... قال إنعل ابو الســــــــرعه ذاتو
----------------------------------------------------------------------------
- ســـــــواق امجـاد راكب جنبو واحــــــد سميــــــــن لدرجة إنو ماقادر يســــــوق. في واحـد مسطـول راكب في الكنبه الخلفيـــه قال للسـواق.. ياابن العـم شيل دركسونك وتعال معانا بي ورا ------------------------------------------------------------------------- - مســـــطول مشي الحـــج قالو ليه قوم طـــوف واسعي ؟ قاليهــــــم إنتو مش قلتو كل شئ علي البعثــــــــــه ------------------------------------------------------------------------- - مسطول سألوهو ما هو اصعب موقف واجهته في حيـاتك ؟ قال : موقف الــــحاج يوسف.
----------------------------------------------------------------------------
- مسطول بصلى العصر واحد اتصل عليهو فى جوالو قال ليهو انت وين ؟ المسطول قال ليهو أنا فى التشهد
---------------------------------------------------------------------------
- مسطول إتصل بشاغل واحدة في تلفون بيتم قالت ليهو انت مسطول ولا شنو طوالى قفل الخط قال بالله شوف بت الكلب دي طلع عندهم كاشف
---------------------------------------------------------------------------
- مسطول سألوه عن العلاقه بين الشهد والشهيد؟ قال:الاتنين بيتلحسو.
--------------------------------------------------------------------------- - مسطول وقع في حفره حاول يطلع ثلاثه مرات من غير فايده. فقال:دي اخر مره لو ماطلعت ح امشي!!
---------------------------------------------------------------------------- - مسطول عندو ولدو الصغير عيان وداه الدكتور وبعد الكشف والفحوصات الدكتور قال ليهوالولد ده بيســنن. المسطول رد والله انا زاتي قلت كده********
---------------------------------------------------------------------------- - مسطول مشوكش سالوه عن اجمل بيت شعر؟؟ قال:كلما نربي كتكوت........يكبر ويفوت
---------------------------------------------------------------------------- - مسطول خش عنبر مرضى السكرى قال ليهم ازيكم ياحلوين
----------------------------------------------------------------------------
واحد مسطول مشى لي بت الإتصالات قال ليها عندك مفتاح امريكا قالت ليهو آآي قال ليها طيب اعملو لي من نسخه . ---------------------------------------------------------------------------- مسطول دخل بيت بكاء داير يشيل معاهم الفاتحه لقاهم مسيحيين قرا ليهم (قل يا أيها الكافرون). ---------------------------------------------------------------------------- مسطول في المدرسة سمع الاستاذ بقول المثابرة تولّد النجاح. قال لى زميلوا : مــــــــتين هي المثابرة بقت دايه؟؟ ----------------------------------------------------------------------------
مسطول لقي كنز , قال الحمد لله باقي الخريطه ---------------------------------------------------------------------------- مسطول خطيبته قالت ليه انا اهم حاجه عندي الاخلاص ! قال ليها : وانا الحمدو ---------------------------------------------------------------------------- استاذ سال تلميذ مسطول ما معنى كلمة سبيل؟ رد التلميذ: طريق.. المعلم :وسلسبيل؟ قال ليهو ... طر.. طريق ---------------------------------------------------------------------------- مسطول يجئ كل يوم جزمتو ورجل بنطلونه اليمني مبلولات واحد شمارو عالى داير يتكشف السر مشى بوارهو للنيل لقاهو بعد ما يدخن السيجاره يرميها في المويه ويدوسها برجله ---------------------------------------------------------------------------- مسطول ماسك قسيمة الزواج وقاعد يقلب فيها يمين شمال زوجته سألتو : بتعمل في شنو يا راجل؟ قال ليها : لا أبدا مافي حاجة قالت ليهو : كيف مافي حاجة ليك نص ساعة بتقلب في القسيمة داير شنو ؟ رد عليها : بفتش في تاريخ نهاية العقد ---------------------------------------------------------------------------- مسطول بيعمل تجربه فى ضبانه مسكا وقال ليها طيرى طارت .قطع ليها جناحينا قال ليها طيرى ما طارت كتب ؟؟واثبتت التجارب ان الذبابه لمن تقطع جناحيها تفقد السمع ---------------------------------------------------------------------------- في مسطول قال لي زميلو: أمبارح اليوم كلو بالي مشغول رد عليهو زميلو : يمكن يكون في زول رافع السماعة
مسطول سطلة شديد سمع المعلق بقول فاول لصالح رونالدو... قال أول مرة أعرف انو رونالدو عندو ولد اسمو صالح....... ---------------------------------------------------------------------------- مسطول شديد مشى سلاح المظلات... قال ليهم داير أعمل مظلة للمرحوم الوالد و كده ----------------------------------------------------------------------------
مسطول سمع دقة في باب البيت فتح الباب مالقي زول قال دي (مس دور) ولاشنو؟
----------------------------------------------------------------------------
إ *مسطول وزنه زاد .. مشى للدكتور .. الدكتور نصحه يمشي كل يوم 3 كيلو .. بعد إسبوع ضرب للدكتور قاليهو أنا في سيح شعيب أواصل ولا أرجع ...
----------------------------------------------------------------------------
· مسطول دخل المستشفى سألوه: زيارة؟ رد: لا عمره. ---------------------------------------------------------------------------- مسطول جا ماري قريب من اولاد بلعبوا كوره حاول يشوت ليهم الكورة جلت منه فعلق قائلاً: والله شوتتنا بقت زي الكبريتة اللينة قدرما تكرشها ما تولع.
---------------------------------------------------------------------------- * مسطول قالوا ليه اكتب لينا امتحان انشاء من 10 صفحات كتب في الصفحة الاولى ركب الرجل الحصان وفي الصفحة الاخيرة كتب نزل الرجل من الحصان وبين الصفحات كتب كبجك كبجك كبجك كبجك. ---------------------------------------------------------------------------- * مسطول زار اثنين من اهلوا في المستشفى لقى واحد عنده حمى شديدة برجف والتاني مركبين ليهو درب، رجع البيت سألوه: الجماعة لقيتم كيف؟ قال ليهم واحد شغال هزاز والثاني في الشحن. ---------------------------------------------------------------------------- مسطول مشى يخطب اهل العروس جابو ليهو شاي لبتون قام رفع الخيط من الكباية وقال أهاااا من هسي بدينا في الكواديك.
---------------------------------------------------------------------------- • * كلب جاتو نفسيات لانو اكتشف انه بينبح على حرامي اطرش.
| |
|
|
|
|
|
|
Re: نِكات آخر موديل..مع عالم المساطيل..استراحة مع فكاهة نقية (Re: mohmed khalail)
|
نقلأ عن جريدة الوطن: عادل سيد احمد
Quote: * كان في واحد.. عاشت معه زوجته لنصف قرن.. تخيلوا: خمسين سنة..!. * وحينما جاء الحل الـ«عزرائيلي».. فأدركها الموت.. * حملوها على العنقريب.. وزوجها في ظاهره أنه «مكلوم».. وفي باطنه «الرحمة».. مركز في النظرة «الأخيرة»، على نعش المدام..!. * لم ينجح «حملة العنقريب»، في إخراجه... لأن الباب ضيق..!. * فلجؤوا للحيطة «القصيرة»... * ولكن، كان هناك سلك كهرباء، «عريان»... وناس مكاوي، ما قطعوا الكهرباء، في ذاك اليوم «الأغر»..!. * فلامس السلك، الزوجة «الميتة»، فقفزت ثم تحرّكت.. وأمام دهشة زوجها، والجميع «صنقرت»، في نص العنقريب.. وقالت: «مودِّني وين»..؟!. * رجعوها إلى غرفة «نومها».. مع الزوج «المكلوم»..!. * عاشت، بعد «العودة».. لـ«10» سنوات «إضافية»..! * ولكن، جاءتها ملاريا.. فماتت..!. * نفس «العتالة» حملوا العنقريب.. واتجهوا مباشرة نحو الحيطة «القصيرة».. * وهنا صاح الزوج: أعملوا حسابكم.. السلك.. السلك..!.
|
| |
|
|
|
|
|
|
Re: نِكات آخر موديل..مع عالم المساطيل..استراحة مع فكاهة نقية (Re: omar arbab)
|
Quote: مسطول قال ليهو الحق يا زول مرتك بتخونك قال ليهم وين قالو ليهو في الغابه مشي و جاء راجع قال ليهوم الله يسامحكم هن شجرتين خليتوهن غابه
مسطول خطيبته قالت ليه انا اهم حاجه عندي الاخلاص ! قال ليها : وانا الحمدو
واحد فلاتي بتعلم انجليزي ... قالوا ليهو دخل كلمه has في جمله مفيده قال ليهم . . . .
has بي الله و نعم الوكيل
مسطول سالوهو لو أمك نانسي عجرم كنت عملت شنو ؟ قال كنت ما خليتها تفطمني
ابكر يتغزل في حفصه,,ياهفسه انا من هبك الليل مابنوم,حفصه ,,ابكر شوف عنقريبك امكن فيو بارقود.
ممسطول قالو ليهو : رايك شنو فى المراة العصرية قال ليهم : ماتخلوها تمغرب شوية
ميكانيكى مسطول , ابوه مات شايلنوه فى العنقريب للمقابر واحد سالو ابوك ده لى تقيل كده ؟؟؟ قال ليهم :يمكن مات معشق.
مسطول قابل مسطول ساله انا شفتك وين قبل كده رد ابدااا ما متذكرك المسطول الاول رد غرررريبة انا برضو ما متذكرك - تعرف ديل بكونو اتنين غيرنا ....
ناس العريس ماشين يجيبو العروس ما لقو دلوكة ، سالو جارهم السكران "ماعندك باقة نجيب بيها العروس؟"" قال ليهم ما عندي لكن ما ممكن تجيبوها في كيس؟؟
مسطول فران لما يعجن بقلع الساعة قال عشان الدقيق ما يشاغل الدقيقة
سلام بمشــي وبجي بعـدين
|
ابو عمير
صدقني
ما براك
| |
|
|
|
|
|
|
Re: نِكات آخر موديل..مع عالم المساطيل..استراحة مع فكاهة نقية (Re: mohmed khalail)
|
سلام
عاوزين ننسا شوية مشاكل المنبر
سألوا واحد مسطول : مين أهم الشمس ولا القمر ، رد : القمر طبعا, بيطلع ينور لنا بالليل و الدنيا ضلام , انما الشمس بتطلع بالنهار و الدنيا نور أصلآ
مسطول مشي المسجد اتلفت علي يده اليمين لقا مدير المباحث اتلفت شمال لقا مدير الشرطه لمن جا اقول الله اكبر قال الله يستر
مسطول سألوه شغال شنو قال بالصباح مع اخوي وبالمسا مركلس ، قالوا ليه اخوك شغال شنو : قال بالمسا معاي وبالصباح مركلس
سوداني ومصري بسطلوا مع بعض السوداني قال : الدنيا دي كلها مآسي....المصري رد عليه :هو مآسك كام بالضبط؟
مسطول بعاين لي روحو في المراية و يتكلم يا ربي أنا الزول ده شفتو وين؟..يا ربي أنا الزول ده شفتو وين؟).صاحبو البتسطل معاهو قال ليهو كدي جيبها جاي. صاحبنا أداهو المراية ، صاحبو قعد يضحك قال ليهو دا أنا ياخ ..ما عرفتني وللا شنو؟
سلام
| |
|
|
|
|
|
|
Re: نِكات آخر موديل..مع عالم المساطيل..استراحة مع فكاهة نقية (Re: omar arbab)
|
Quote: مسطول مشي المسجد اتلفت علي يده اليمين لقا مدير المباحث اتلفت شمال لقا مدير الشرطه لمن جا اقول الله اكبر قال الله يستر
|
عمر ود الارباب
سلام يا صاحبي
ياخ الله يديك العافية والله
بتلبد وبتجي سمين ونحن نقول امين
اخوك اتزنق شوية اليومين الفاتو ديلك
القراية ام دق دي ما عارف الجابرنا عليها شنو
كده بجيك في الايميل وما تغيب كتير
سلام
| |
|
|
|
|
|
|
10% جائزة (Re: mohmed khalail)
|
الاخ خليل شكرا شديدقد افرحتنى هذا الصباج واذذذذا جاتنى اى قروش الليلة من اى اتجاة عندك فيها10% وهاك دى قال ليك مسطول راقد فى الغرفة جات طيرة دخلت بالشباك دا و مرقت بالشباك التانى قام المسطول قال ليها اههها عملتى شنو يعنى
| |
|
|
|
|
|
|
Re: 10% جائزة (Re: فيصل احمد سعد)
|
Quote: الاخ خليل شكرا شديدقد افرحتنى هذا الصباج واذذذذا جاتنى اى قروش الليلة من اى اتجاة عندك فيها10% وهاك دى قال ليك مسطول راقد فى الغرفة جات طيرة دخلت بالشباك دا و مرقت بالشباك التانى قام المسطول قال ليها اههها عملتى شنو يعنى |
حبيبنا واستاذنا فيصل احمد سعد
اسعدتني والله طلتك
ويكفي ان مجرد ذكر اسمك يذكرنا الكوميديا الراقية الهادفةوالفن الاصيل.
ولن انسى ابدا في زيارة لي الى مدينة كوستي كان من حسن حظي وزميلتي بالجامعة في ذلك الوقت خلود
انك جاورتنا في الجلوس حيث كانت من امتع رحلاتي البرية على الاطلاق وانت تتحفنا طوال الرحلة بجميل
الحديث والقفشات الانيقة من يومها ادركت ان الفنان فنان داخل المسرح او خارجه..
لك فائق التقدير
وما تنسي نصيبنا من ال10% سمعت تحت تحت انك كسبان مليارات محبة
| |
|
|
|
|
|
|
مسطولين في بص ابو دورين (Re: mohmed khalail)
|
اتنين مساطيل ركبوا باص طابقين واحد ركب في الطابق الارضي والثاني في الطابق العلوي الراكب في العلوي سأل اخوه في الطابق الارض ياخي انتوا الباص بتاعكم ماشي بسرعة كم الثاني رد عليه والله احنا باصنا ماشي بسرعة 80كلم/ساعة، وطيب انتو ماشين بسرعة كم القاعد فوق رد عليه لا والله احنا السواق بتاعنا لسع ما جا
| |
|
|
|
|
|
|
|
| |