|
Re: من بكره ... تاني مافي كهرباء بتقطع في الخرطوم إن شاءالله (Re: صلاح ليون)
|
ملخص سريع لكل مداخلات محمد فرح في الصفحات الخمس الأولى لاننا على وشك الدخول للسادسة وعشان البيجو متأخرين ويعتمدوا على الدواخل بس عشان يعرفوا الحاصل والكذب الصريح ده.. بدأت طبعا من هنا :Quote: من بكره ... تاني مافي كهرباء بتقطع في الخرطوم إن شاءالله |
والتأكيد هنا:Quote: بس بإذن الله من بكره حتستمتع وكل سكان الولايه بإمداد كهربائي مستمر بعون الله |
وشوية خفة دم هنا:Quote: من بكره حتشتهوا قطعة الكهرباء بالليل ولمة الحوش بالبطاطير والشاي البالقرقوش |
ده ماعارفو كان لي شنو:Quote: شايف الاغلبيه مامصدقه إنو الحلم خلاص إتحقق وإنو تاني قطوعات مافي زمن إنقطاع الكهرباء خلاص ببح ، إنتهى ده وعد قطعتو الإنقاذ وهاهو الآن تحقق وأصبح واقعاً |
التحدي هنا:Quote: أي زول حالياً موجود في الخرطوم والكهرباء قاطعه عندو يكتب إسم المنطقه اللي هو متواجد فيها وتحدي لو تاني الكهرباء قطعت |
زيادة في الغي هنا:Quote: ولمن يريدون تبخيس هذا الإنجاز عليهم أن يقارنوا واقعنا الحالي بواقعنا السابق عندما كانت الكهرباء تقطع بالتلاته والاربعه يوم . ياأخوانا الطفره الحصلت في الكهرباء دي أصلها ماعاديه وخصوصاً بعد دخول كهرباء السد للشبكه |
وبدأت التبريرات :Quote: طبعاً الكهرباء يادووووب وصلت الليله |
Quote: حسب ماعلمت يبدو أن كمية الكهرباء التي وردتنا من سد مروي كانت أكبر من أن تتحملها موزعات الخرطوم مما أحدث بعض الأعطاب الفنيه . |
وبدأ الكذب:Quote: فقد علمت أن توربيني سد مروي الذان تم تدشين إنتاج الكهرباء منهما قد توقفا عن العمل وهذا هو ديدن الآلات ياأخوانا وهو أمر طبيعي |
والاتهامات:Quote: آثرت عدم الرد على ردود بعض المغرضين ممن يريدون تبخيس جهود المخلصين من أبناء هذا الوطن الذين يعملون ليل نهار غير آبهين بأصوات اليائسين العاجزين المحبطين |
كل هذا مع استبعاد المؤثرات الجانبية الصوتية من سمك ودنقلا وقري..
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: nazar hussien)
|
ياخي الناس ديل صعبين بشكل,
شئ كهرباء وشئ سمك,
ياخ الراجل دا تعب عديل كدا,
البشوفكم كدا يقول بتستهلكوا الكهرباء دي بالنهار كمان, أو يقول كلكم من الخرطوم, حيث الكهرباء,
ثلاثة أرباعكم من أماكن عمرها ما شافت الكهرباء ولا حتى تحت المشروع الحضاري, وربعكم الرابع من دارفور والكهرباء هناك مش مطلب شعبي ,
طيب خلوا الكوز في كوزنته,
أحمد الشايقي
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: صلاح ليون)
|
قصة: تصحى الصباح قصة بايخة: الكهربا تقطع لما انت تصحي الصباح قصة حزينة: تمشي المكتب تلقى الكهرباء قاطعة قصة لا يسدكها عكل: تقضي يومك قاعد في كرسيك تحت الشجرة البتوقف عربيتك تحتها تتونس وما تشتغل
دي تفاصيل يوم 22 أبريل 2009 بالنسبة لي انا مشيت مواقع في سوبا, الجريف غرب, أركويت حمت في السجانة والمنطقة الصناعية
واليوم أبى يخلص وكهرباء المكتب ماجات
قعدنا تحت الشجرة لا شغل لاتنمية
------------------------------------------------ الاخوان صلاح, أبوالريش, قمربوبا ونزار سلامات و ماتشوفو هاكر
!
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: Salahaldeen Nadir)
|
Quote: وحــدة الســدود فعــلا عاوزة تكـون شــركة توليـد كهـرباء تقـوم ببيــع ما نتنجـه من تيار للهيئة العامة للكهـرباء لتقـوم بالتوزيـع ( أي تبيـع للمســتهلك ) أما عملية نقـل التيار فقـد تنشـأ لهـا شـركة ثالثة مهمتها نقـل التيار من ناس السـد وتسـليمه لناس التوزيع وقـد تتبع لوحدة السـدود أو الهيئة القومية للكهرباء
|
الكلام ده الليلة سمعتو (تحت الشجرة) و كلام تاني عن خلافات بين وحدة تنفيذ السدود والهيئة القومية للكهرباء ووزارة المالية وكلام كتير لا أستطيع إيراده حتى لا نشابه أخواننا البشرياتيين في نقل الأخبار منقطعة الأسانيد
Quote: الذى يكذب علينا ليس محمد فرح , الذى يكذب علينا ويستغفلنا هو النظام الحاكم يوم أن خدعوا حتى رئيس الجمهوريه وأوحوا له قبل يوم من صدور مذكرة أوكامبو الشهيره بأن كهرباء السد جاهزه للإفتتاح , وحشدوا له الآلاف من الصابرين من أبناء الوطن وهم يعلمون تماما بأن كهرباء السد لم تكن جاهزه للتشغيل فى ذلك اليوم لجماهير التى هتفت للرئيس وناصرته فى محنته ضد المحكمه الجنائيه , الجماهير التى كانت مخدوعه فى ذلك اليوم وهى تهتف ( الرد الرد السد السد ) , وقد ردت ولكنها لم تجد سدا
|
تصدق: أغلب التعاطف الكسبو البشير, بدا يفقدو بسبب موضوع الكهرباء ده (ونسة الشجرة)
!
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: صلاح ليون)
|
Quote: واقول اتداخل فيهو يابى كيبوردي |
لأنك زي ما بتقول حبوبتي Quote: لايوووووق حلاوة مط |
أنا لست سوى مواطن لا يرى من السد سوى صوره المتلفزة والخلفية الهاتفة
Quote: الرد الرد.. .. كباري وسد |
لا بعرف مكاوي, لا أسامة لا المهندس بشارة
كل البعرفو انو الكهرباء بتقطع وانو في زول قال لأ ماااااااااا بتقطع
حسع يا أبوصلاح انت ك مواطن بيتقال ليك كلام زي فاكر روحك مؤهل كفاية انك تناقش مسائل الكهرباء في البوستات؟
!
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: Salahaldeen Nadir)
|
Quote: فاكر روحك مؤهل كفاية انك تناقش مسائل الكهرباء في البوستات؟ |
غايتو كان وقفت على النقاش في البوستات ما هينة .. لكن لو ساد الانطباع ده .. وانا في القريب العاجل مخخط اشتري تلفزيون وهو طبعا من فصيلة الآلات .. فالواحد لو اقتنع بالكلام ده حيمشي متردد خالص ويتنقل ما بين التلفزيونات وهو شايل هم انو كل المصائب دي ديدنها انك اول ما توديها البيت بتشتغل وتمد ليك لسانها وتطفي ..
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: Salahaldeen Nadir)
|
نقلاً عن زميلة حاولت فك غموض قضية اختفاء الكهرباء
Quote: مصادر موثوقة فكت اللبس عن موضوع قطوعات الكهرباء
قالوا حكومتنا الرشيدة كانت عايزة تفتتح السد تزامنا مع قرارات المحكمة الدولية
وطبعا ماكان فى تشغيل تجريبى للخزان
اها قيادتنا الرشيدة قالوا لزوم الاحتفال والعرض والنقزى وبما انو مافى موية فى السد والخريف لسه ماجا
قاموا فتحوا مخزون المياه فى خزانى سنار والروصيرص عشان الموية تمشى داافرة لى مروى ويكون الافتتاح عظيم
اها المقلب وييين؟؟؟يوم الافتتاح جا والموية غمرت منطقة السد وشكلت بحيرة مد البصر
والجماعة احتفلوا والتلفزيون صور الموية الدافرة كلللها
اها لمن جو يشغلوا السد لقوا التوربينات عطلانة....الجماعة اتفاجاوا
اها اسى ياخوانا الموية قالوا بقت محبوووسة فى مروى ومحجوزة ومافى توربينات تولد كهربا
ومخزون التوليد فى سنار والروصيرص شحييح وده ياهو الاسى قاعدين يوزعوا كهربته على السودان كله
واسى الجماعة جابوا كلل الكفاءات عشان يحلوا المشكلة(مشكوريين)وداسيين الموضوووع على امل المعالجة السرييعة
وياخوانا شييلوا الصبر لانو الموية دى تانى مااابتجى الا يغرفوها بالجرادل ولا نستنى الخريييف الجاى
وياخريف تعال لى تعاال لى وتعاااال
والعفو والعافية ياخوانا ...الا هل بلغت اللهم فاشهددد
ابقوا اسالوا على الجماعة مايجوا يكشونى بسبب كلامى ده
والرد بالسد |
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: Amna Mohamed Arh)
|
Quote: اها اسى ياخوانا الموية قالوا بقت محبوووسة فى مروى ومحجوزة ومافى توربينات تولد كهربا
ومخزون التوليد فى سنار والروصيرص شحييح وده ياهو الاسى قاعدين يوزعوا كهربته على السودان كله |
باشمهندسة آمنة .. لكن سيناريو رهيب والله أها ما في أي طريقة يرجعو بيها الموية من سد مروي مرة تانية لي الرصيرص .. بس خليهم يخلو السمك..
واااحسرة بعض الدول الافريقية المنتظرين التصدير.. يكون حالهم كيف هسه ..
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: Salahaldeen Nadir)
|
Quote: كان اجيب (المبدعين) ديل |
لا ده كده بتطير فيها رؤوس كبار..
حل آخر..
يعملو تاني الرحلات بتاعة السد السد ديك.. ويدو كل واحد جردل ولّه كيس حسب العمر.. ويعملو رحلتين في اليوم الخرطوم - مروي - الرصيرص وبالعكس عشان الشعب الاشترك كلو في الهتاف ده يشارك في رجوع الكهرباء من الرصيرص.. ولازم يتأكدو ما ياخدو السمك معاهم.. وتاني حاجة يمنعوا معتز القريش من التصوير..
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: Salahaldeen Nadir)
|
أخوي صلاح الدين نادر
لو تسمح أقول ليك أخوي
تعرف الليلة من كثرة ما الكهرباء قاطعة وأمس قاطعة وقبالها قاطعة ما قايلة روحي بتبسم ناهيك عن اضحك تعرف أول شئ عن الريس الحمد لله إنك ما منو
لكن ناس المؤتمر الوطني ما ناس حارة حيجيب ليك ناس من وين يبدلو لغاية ما يجبوا موية .. أقصد كهرباء
والجماعة الحشدوا المسيرات ديك الواحد أدوهو خمسين مليون مقاولة مسيرة عديل والقروش قطت يعني كمان يجيبوا ليكم قروش من وين للبدالين؟؟
تعرف أنا مافي حاجة بتزهجني غير الحر وأنا كان زهجت (هكومة ذاتو نغيروا)
لكم التحية لكن النجيضة أنو لغاية ما المطر يجي كهرباء نهي ولما المطر يجي بيجي الإطماء إنتو نسيتو أعذار النظام ده ولا قايلينو غيرو؟
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: فادية اليمني)
|
فاديه اليمني صورتك مبالغه
طبعاً أنا بعد البوست ده زااااتي قلت أتحرك عشان أشوف موضوع الكهرباء ده شنو
المهم باريت الأسلاك والكابلات حدوووووت ماحصلت قريب مروي
وهناك إكتشفت السبب
السيد كهرباء وحرمه كهروبه رزقوا بمولود جديد
وفرحوا به فرحاً شديداً
وتسببت فرحتهم دي في إنقطاع الكهرباء
لأنهم إستخدموا الأسلاك في اللعب مع الطفل
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: صلاح ليون)
|
الحمدلله رب العالمين الليلة كهرباء المكتب مدورة تشششششششش
لكن طبعا البيت لأ
قالو البرلمان الليلة عامل إستجواب لوزير الطاقة إنشالله يصرفو ليهو صلعة بالموس و 100000 إستغفار و أربعة أيام بدون جنريتر
الراجل يجي يقول الوزير ما عندو جنريتر
الخوف الوزير يكون ردو إنو ده ديدن الآلات يا أخوانا
تبقى عوووجة
!
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: GamarBoBa)
|
صلاح الديين ..
لكن لقييتك حريييييييييييييييف وسيد الشي زااتا ..!!
دا حالتك إختصرت شديد ..
Quote: اولا لازم تحدد أنت محتاج تشغل شنو؟ في نفس الوقت عشان تحدد انت محتاج مولد بكم KvA او على الأقل تكون عندك اللستة دي في راسك وتخلي (مهندس المبيعات) يحسب ليك
عموما البيوت بتستعمل من 5 ل 27 KvA
الأسعار بتختلف (طبعا) بحسب الشركة المصنعة
ناس الخبير عندهم Weland بمحركات Perkins ديزل جنريتر عندهم Perkins أكيد عارف انو CAT عند ناس دال و Volvo عند البرجوب لكن انا ما افتكر انو عندهم مولدات صغيرة
أفتكر سوزوكي مفروض يكون عندهم مولدات صغيرة
عموما برضو السوق مليان مولدات صينية بس اعمل حسابك من النوع البيكون ديدنو ياهو نفس ديدن توربينات عمك
مبدأيا انت لازمن تقنع من 2000 جنية جديد على أقل تقدير
|
يا خي شكرا على المعلومات المفيدة .. صدق إنت في البوست دا ضيعت فرصة عمرك .. لانو ما عندم (سينس) بتاع بزنس .. يا خي مني ومنك من تصريح مخمد فرح الأول داك .. أفرش صور كل الجنريترات في البوست دا وأخت الاسعار (مع طاقية طبعا) وإنتهز فرصة إنشغال السد بالبلطي وأبيع جنريتراتي هنا قبل ما السد (يجرج) كهرباء ..
هيب يا مان فرصتك ضاعت لأنو الأكيدة قالوا يوم بكرة القاصدو محمد فرح أخيرا حا يجي بكرة (الواحدة دي) ..
بس ما تزرزروني لانو لو القول طلع كفر فـ ما أنا بكافر ..!
تسلم يا نادر . نشوف يوم بكرة لو الحال في محلو جهز لي (جنتيرة) مناسبة كدي على قدر حالي ..
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: صلاح ليون)
|
من البوست (الرد..الرد) حيث جاء متاخراً جداً السؤال التالي في الصحف السودانية..Quote: تقدمت كتلة التجمع الوطني الديمقراطي بالمجلس الوطني بمسألة مستعجلة لدى لجنة الطاقة لإستدعاء وزير الطاقة والتعدين حول أوضاع الإمداد الكهربائي بالبلاد. |
ونحنا بدورنا نوريهم الاسباب من قلب هذا البوست وعلى لسان محمد فرح كاتب البوست نقلاً من .....Quote: حسب ماعلمت يبدو أن كمية الكهرباء التي وردتنا من سد مروي كانت أكبر من أن تتحملها موزعات الخرطوم مما أحدث بعض الأعطاب الفنيه . |
أو..
Quote: فقد علمت أن توربيني سد مروي الذان تم تدشين إنتاج الكهرباء منهما قد توقفا عن العمل وهذا هو ديدن الآلات ياأخوانا وهو أمر طبيعي |
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: صلاح ليون)
|
Quote: صدق إنت في البوست دا ضيعت فرصة عمرك |
الكنته في الأعلانات ياعمك
هاك دي وصفة أرخص و أحسن : build it your self power generator
1 عجلة (دراجة) فونيكس أو جوبيتير 2 دينامو alternator داماس مستعمل 3 سيور V 4 سوط عنج 5 سلاسل (جنزير) و طبلة
جمع المكونات بالكيفية التي تظهر في الصورة
التشغيل 1 قم بخطف أول بشرياتي تلقاه قدامك ( قد يعاونك ناس الحلة الممغوسين في ذلك) 2 قيد البشرياتي بواسطة السلاسل والطبلة في الدراجة في وضعية السائق 3 أمسك سوط العنج بيدك المسيطرة (يمكنك إستخدام اليسرى أن كنت اعسرا) و قم ب شحط البشرياتي لتحفيز التوليد 4 تمتع بأمداد كهربائي رخيص و نظيف 5 في حالة عدم إستقرار التوليد, يمكنك ضبط التوليد بواسطة السوط 6 في حالة إستقرار التوليد, يمكنك أيضا إستخدام السوط
!
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: Salahaldeen Nadir)
|
لغاية ما تجي النجيضة حول بشارة السيد وزير الطاغة
ح نحاول نعمل تنوير بسيط حول إنقطاع التيار الكهربي ك مهدد للسلامة
safety measures
إنقطاع التيار الكهربي يهدد أمن وسلامة المواطنين عبر:
تعطل وسائل التدفئة أو التبريد تعطل إمداد المياه تعطل وسائل الحماية تعطل بعض وسائط الإتصالات تعطل بعض الأجهزة الضرورية للمرضي
إجراءات السلامة عند إنقطاع الإمداد الكهربي
safety measures
إستخدم الأضواء العاملة على البطاريات و تجنب الشموع التي ربما تسبب الحرائق تاكد من إطفائك للاجهزة الكهربائية الباعثة للحرارة (مكواة الكهرباء, سخان, غلاية) تاكد من نظافة أرضية بيتك وخلوها مما قد يتسبب في تعثرك و سقوطك عليك بإستهلاك المأكولات المخزونة بالثلاجة أولا, ومن ثم تلك المخزونة في الفريزر
وكل سنة وانتو طيبين
!
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: الملك)
|
أسمع الكلام اخير ليك
اتخيل روحك ساكن براك, والكهرباء قطعت (بحسب البرمجة) فجأة و انت بتكوي هدومك تقوم تولع شمعة (وانت تلعن الظلام واللي كان السبب) وتقرر تمشي تعمل لروحك ساندوتش تتعتر في حاجة تقع تكسر رجلك و الشمعة تقع وتحرق سلك التلاجة
تفضل راقد وفجأة الكهرباء تجي بعد ستة ساعات و تصل المكوة و تولع في البيت
أو
أعمل ليك جنريتر زي الوصفتو لناذر
!
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: GamarBoBa)
|
Quote: .كم سعر الجنريتر البشغل الحاجات دي ( مكيف صحراوي ومروحة وتلاجة ولمبة) و بس عشان أرسل ليهم قروش يشتروا واحد ؟.
والله كلامي ده جاد ياريت زول من ناس السودان يشوف ويكلمني وليه أجر وثواب .
|
عندهم تصديق جاز جنريتر؟؟؟
واذا ما عندهم اليك هذه الخطوات
اولا: يمشو ناس المحلية يدفعوا العليهم من العتب والعوائد ورسوم النفايات دي تقريبا بي اتنين مليون
حا يدوهم ترخيص ظي ترخيص الرقشات دا يمشوا بيه للطلمبات وشايلين جنريترهم في بوكسي يصرفوا ليهم تنك جنريتر وكل ما يقطع يأجرو بوكسي ويرفعوا الجنريتر يملوا تنكيه
دي مش اخير منها الحمونيل وحمو بحر زاتو
I AM NOT SURE IF IAM JUST KIDDING
لأنو اي شي ممكن
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: صلاح ليون)
|
يا ليون جمعتك مباركة
البوست ده مش حيكون ليوليو البوست ده اي زول مسخن حيجي يفش غله هنا
كدي نقارن
الحكومة قالت
Quote: 2/ ننتظر لغاية منتصف يوليو لتنحل مشكلة الكهرباء نهائياً |
ومحمد فرح قال
Quote: من بكره ... تاني مافي كهرباء بتقطع في الخرطوم إن شاءالله |
هل تتوقع في المستقبل مراقة محمد فرح اللهي ديدن الآلات حتكون مراقة للحكومة نفسها ام ستكون هنالك مراقات اخري مثل الاطماء وشح الامطار أو زيادتها وزي ما بقول حميد في شرعك الانسان يموت ان زادت الموية ويموت من قلتها
شخصيا لا اعتقد ان لنا في يوليو حل نهائي
نرجع تاني لكلام للـ 23% من الاوغاد الزادوا الاستهلاك ده ديل المفترض نركبهم عجلة صلاح الدين ونشربهم رد بول او بور هورس عشان البيرفورمانس يكون الف
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: صلاح ليون)
|
يعني السيد وزير التاغة طلع بإنو (المرحوم كان غلطان) ؟؟
عايز أفهم لما السيد وزير التاغة كان قاعد في مجلس الوزراء وباقي الوزراء كانو بيقولو كلمات زي من نوع تنمية, توسع أفقي, توسع رأسي, تشجيع الصناعة كان فاهم شنو؟
إنو الحاجات دي بتشتغل بالبطاريات؟
الطلب demand بحسب التعريف هو الرغبة في شراء السلعة او الخدمة مع القدرة على الشراء
الرغبة في الكهرباء مفهومة القدرة على شراء الكهرباء يعني: الزول يشيل قروشو و يمشي الهيئة القومية للكهرباء ويوصل عداد
وبما إنو الهيئة القومية للكهرباء NEC تتبع لوزراة الطاقة أو الكهرباء وليس لوزارة الزراعة ولا وزارة التجارة الخارجية
بيبقى من غير المعقول أنو وزارة الطاقة ماعندها forecast لزيادة الطلب على الكهرباء
ممكن يقولو: عارفين بس كنا مضربين على كهرباء السد إذن بيبقى السبب في عجز الكهرباء ناتج عن تأخر إنتاج الكهرباء من سد مروي
عشان الريس يقول ليهم: (وطيب الأفتتحناه اليوم داك شنو؟)
الوزير شايفو زي ماااا جاوب صاح والنواب برضك ماااا إجتهدو في السؤال
عاد يا شهر سبعة يجيبك الله
!
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: Salahaldeen Nadir)
|
Quote: بودراب السودان ديل مستهبلين ساكت هسي الكهرباء العملوا بيها المداخلات في البوست ده ما كان نورت الخرطوم شهر كامل؟؟؟ محمد فرح ما كضاب السد فعلا طلع كهرباء مبالغ فيها لكن ضيعوها في البوست ده.. فعلا شعب غير مسؤول.. |
يا نوباتيا مسكاقمي انت مرطب مع ناس اوباما ديل وتفوز بالجوائز الما خمج كدي تعال ارجع البلد دي يومين وشوف سخانها زمان ما كان في تغيير مناخي هسة السخانة بقت اصلية
غايتو للضمان كدة لا كجبار ولا دال البنقول دي نمسك فيها...حتاتنا ديك حتكون ابرد من هنا
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: صلاح ليون)
|
أكظم الغيظ...زي (والكاظمون الغيظ) لأنو بكاك ما بسطت المولود...بزيدو بكا...وقطع كهرباء زيادة..
شهر سبعة الراجينو دا حا يكون موسم الامطار وطبعا البلديات حا تتفاجأ بقدوم موسم الامطار وحا تكون ما مستعدة لتصريف المياه.. وحا نبقي في تصريف المياه اولا ثم الكهرباء لأنو الكهرباء الزائدة عن الحاجة بتكهرب المطر (أهو اي كلام والسلام) في زول بيقدر يقول حاجة غير في بوستاتنا دي والبقروها 2% من ناس الخرطوم...وديل كان قلنا ليهم ايدكم معانا دفرة يانا البايتين في الخلا
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: Sahar Tageldeen Elsheikh)
|
الأزهري 2
جنريتر صغير 15kW ممكن يشغل ليك
تلفزيون كمبيوتر ثلاجة كبيرة 5 لبمات مكيف فريون 24 ألف وحدة BTU موتور موية 1 حصان (محسوبة على starting rate)
صلاح ليون ممكن يعيد ليك الحساب بصورة أكثر إحترافية بحكم تخصصه المهني
لو لقيت مولد بمحرك Honda أو Suzuki d يكون أحسن لتوفر الأسبيرات
الماركات الصينية بعضها جيد والبعض الأخر جيد (إذا كنت بتحب تتعلم الميكانيكا) ميزتها انها رخيصة و بتديك كهرباء بس لازم تهتم بيها كتير
المحركات العاملة على وقود الديزل أفضل (بالنسبة لي) للأسباب:
* الديزل أرخص من البنزين * محركات الديزل أطول عمرا على المتوسط * وقود الديزل أكثر امانا من البنزين عند المناولة والتخزين
--------------------------------------------------------------- ينولك ثواب دي ما بتشحن لي موبايلي ف تاني المعلومات بقروش
!
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: ALazhary2)
|
. .
صلاح الدين شوف الدعوة الجاية دي سمحة كيف :
ملأ الله صلعتك شعرا مسبسباً خالياً من الشيب كأنه شرب ينابيع السحر :)
ماتنساني عليك الله ضروري تشوف لي السعر كم لي هوندا او سوزوكي 20kw ديزل
ولو في زول فيكم في السودان عنده خبرة المحلات البتبيع الاجهزة دي يدينا خبر عشان أخلي ناس بيتنا ينسقوا معاه.
والف شكر ياحبيب
. .
| |
|
|
|
|
|
|
|