|
Re: من بكره ... تاني مافي كهرباء بتقطع في الخرطوم إن شاءالله (Re: محمد أبوالعزائم أبوالريش)
|
Quote: 300) ميقاواط عجز الكهرباء والهيئة تعلن (برمجة عادلة) 2009-04-15 01:22:07 الرأي العام عزا المهندس مساعد عبد الله مدير الهيئة القومية للكهرباء بالإنابة إنقطاع الإمداد الكهربائي الذي شهدته مناطق متفرقة بولاية الخرطوم الى وجود عجز في الإنتاج الكهربائي يبلغ(300) ميقاواط الى جانب خروج بعض الوحدات في محطات توليد الكهرباء. وقال مساعد ان الهيئة ستعالج الموقف ببرمجة عادلة لحين إنجلاء الأزمة بإعادة الوحدات الخارجة عن الخدمة الى دائرة الإنتاج من جديد. وتوقع مساعد عودة وإستقرار الإمداد خلال اليومين المقبلين.
|
يا ود فرح ما تفرح شديد ده كلام ناس الكهربا والله يضب الشينه
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: محمد فرح)
|
الاخ/محمد فرح
تحياتي؛؛؛
اتمني استمرار واستقرار الامداد الكهربائي.
________________
أها ياجماعة الكهرباء بت (قطع)
والماسورة بت(نقط)
المطلوب اثباته شنو؟
غايتو اهو كلو مناتله ؛بس الكيزان قاعدين .
شوفوا لينا حاجة عليها القيمة ؛نشيل بيها الجماعة ديل ؛بدل الملاوه دي.
نشكر كل مراسلي الولايات لمدهم لنا بتقارير الامداد الكهربائي بمناطقهم.
وناس الكهرباء طلعوا كضابين ؛
اها البعدو ؛
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: كتو)
|
بلاغ جديد قديم ... المكان: ام درمان _ السودان_ الفتيحاب مربع 5 الزمان: يوم الثلاثاء الموافق 14/4/2008 الساعة اللواحدة ظهرا الحالة: الكهرباء مقطوعة من الصباح( الثامنة والنصف صباحا) وحتى الآن التعليق: .............
تأكل باسطة ساااااااكت وبعدين ادي حنين معاك ....
قال مابتقطع!!!!!!
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: عماد شمت)
|
Quote: بلاغ جديد قديم ... المكان: ام درمان _ السودان_ الفتيحاب مربع 5 الزمان: يوم الثلاثاء الموافق 14/4/2008 الساعة اللواحدة ظهرا الحالة: الكهرباء مقطوعة من الصباح( الثامنة والنصف صباحا) وحتى الآن التعليق: .............
|
بلاغ مماثل للبلاغ اعلاه فقط الاختلاف في المكان المنشيه .. شرق مسجد سنهوري .. قطع طويل الامد .. من الصباح وحتي الان
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: بشير أحمد)
|
Quote: انت قايل الكضب ده وقف عند ودفرح ولاشنو ؟
البورد ده مليان كضابين ؛ماشفتك وقفت معاهم ياحبيب
حتي الكضب ده فيهو خيار وفقوس!!! |
ما أشبه الليلة بالبارحة ونفس الكلام جيت وقلته لما زنقنا ود الباوقة في موضوع السفارة بالرياض ... مع الاختلاف إنك اليوم جاي لي ود فرح .. لكن المرة الفاتت جيت وفكيت ليك مداخلة واحدة وجريت اما في البوست ده جيت مرتين وإنشاء الله نشوفك تاني..
وردينا بهناك وقلنا ليك .. البورد مليان كضابين .. ايوه .. لكن ده ما مبرر للكضب .. ولا مبرر انك تقيف مع الكضاب
ولو في اي واحد من مناضلين الوهم زي ما بتقول كضب انا ما بجري واقيف معاهو .. ولو انت زنقته مابجي واقول ياخي البورد مليان كضب وكضابين
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: صلاح ليون)
|
بلاغ عاجل إلى الأخ محمد فرح السلام عليكم ورحمة الله وبركاته.. استبشرنا خيراً بوعدكم.. ولكن دائماً الواقع يأتي خلافاً لما نتمنى.. وأفيد سعادتكم بأن الكهرباء مقطوعة صباح اليوم في الحلفايا من الساعة العاشرة صباحاً وحتى تاريخه.. التذمر واضح جداً مع ارتفاع درجات الحرارة.. نتمنى منكم إفادتنا عاجلاً.. ولكم شكرناً وتقديرنا..
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: صلاح ليون)
|
Quote: وردينا بهناك وقلنا ليك .. البورد مليان كضابين .. ايوه .. لكن ده ما مبرر للكضب .. ولا مبرر انك تقيف مع الكضاب
|
كلامك صحيح ياصلاح
لكن انا وانت نعرف ان القصة ماقصة كضبة في البورد ده.
المهم من اطلق الكذبة كوز.
Quote: لكن المرة الفاتت جيت وفكيت ليك مداخلة واحدة وجريت اما في البوست ده جيت مرتين وإنشاء الله نشوفك تاني..
|
تفتكرني حارس البورد ده لمن سعادتك تجي وتكتب وارد ليكـ ولا كيف؟
الليلة فاضي تعال رد عشان ارد ليك برضو
نشوف قصة الجري الفاكنها اليومين ديل
النضال كمل ولا شنو ؟
دي برضو مداخلة لي بالكربون لمناتل اخر في بوست اخر.
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: Salahaldeen Nadir)
|
Quote: من بكره ... تاني مافي كهرباء بتقطع في الخرطوم إن شاءالله |
يا أخ محمد فرح نحنَ في بحري - شرق النيل قاطعين موية و نور من الساعة تسعة صباحاً... و الحال دا مستمر ليهو شهوووور...و نحنَ إتعودنا و تأقلمنا عليهو... قبل شوية الكهربا جات - الحمد لله كثيراً - و لسه بنحلم بالموية. ياريت لو إخترتَ لعنوانك كلمة ( قريباً ) أو ( في الأيام القليلة القادمة ) أو ( في المستقبل القريب ) إلخ إلخ إلخ كلمة ( من بكرة ) كانت و ما زالت مستفزة للغاية.
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: Salahaldeen Nadir)
|
نحن شعب يرثى له..حكومة ام معارضة..
نتفاءل الخير..ونستشعره..قبل ما يتفعل يجو ناس ينقو يا كذابين وده يطلع ده كذاب وده يستكر الكلام وده ما يقبل..
ياجماعة اى عمل لابد ان نصبر عليه..الرجل ده فتح بوست مبشر ..ولكن الخطآ الوحيد بأنه حدد بتاريخ معين بأن الكهرباء بعد هذا اليوم ما بتقطع..وكان يتريس شوية..
وبعدين من بكرة دى كلما تجى تقرأ البوست ده نعتبر بكره ياجماعة..
زمان ونحن طلبة كان فى بص مكتوبة عليه عبارة جميلة..(((بكرة الركوب مجانى)))
طبعآ لما يجى بكرة بتكون العبارة صالحة لبعد بكرة وهكذا مستمرة.........
شكرآ للحكومة على ألأنجازات بل دعونا نصبر حتى تتفعل ويتفاعل معها الشعب......لكم خالص مودتى.......إسماعيل محمد أحمد عباس..
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: ismeil abbas)
|
بلاغ متكرر ... المكان: السودان_ الشجرة حي يثرب ..اقصد (يسرق) الزمان: يوم الثلاثاء الموافق 14/4/2008 الساعة الساعة الثمنة الا الثلت مساء الحالة: الكهرباء مقطوعة من قبل صلاة المغرب وسخانة الف والناس قاعدة بفنايل في اسطح المنازل بهببو لبعض،والمناطق المجاورة تعيش في ظلام دامس ...حول سعادتك بورداب اللاماب هل تسمعونني؟؟؟هنالك اصوات جنريترات لا اسمعكم بورداب الكلاكلات هل تسمعوني؟؟؟نعم نسمعك وبكل وضوح طيب انتو وين؟؟: في الميداين وكيف احوالكم:تعالوا قبضوا لينا البعوض الكهربا ما دايرنها. حول طيب تعالو كلموا محمد فرح
بوستك ده ذكرني المسطول الاتصل باذاعة اف ام 100 في يوم المخدرات وقال ليهم البنقو ما مخدرات وبعد جدل كتير المسطول كان كلامه مقنع غايتو اكتر من المذيع المذيع سأله قال ليه انت كنت بتشرب بنقو الزول قال ليه انا هسة في اللحظة وانا بتكلم معاك وانا مسطول
جيب لينا الاكيدة،خليهم يدوك الجدول بنصبر علي القطع يله خلينا ننور بباقي البطارية دي حاجات تانية
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: ismeil abbas)
|
Quote: ولكن الخطآ الوحيد بأنه حدد بتاريخ معين بأن الكهرباء بعد هذا اليوم ما بتقطع..وكان يتريس شوية |
تعرف يا اسماعيل اخوي الخطأ الوحيد انو دخلنا البوست دا من اساسو
تعرف اول ما فتحت البوست الكهرباء قطعت في الرياض الما بتعرف قطع كهرباء ( الرياض .. السعودية يا شباب )
بس بيني وبينك لو صبرة 10 سنين لي قدام هل الكهرباء حا تستقر ؟؟؟
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: يحي ابن عوف)
|
Quote: هو رد جماهيري علي افتراءات ما تسمي المحكمة الجنائية الدولية مبينا ان الاحتفال تشارك فيه كافة محليات الولاية كما عدد مزايا المحطة التي توفر 250 ميقاواط |
سألت ابني الصغير ابو تزعة سنوات ها البلاي استيشن كيف؟؟ رد غاضبا بلاي استين شنو احنا لاقين كهرباء عشان نشغل البلاستين كمان؟
يا واد الكهراء قالوا من بكرة ما حتقطع وبختكم.
رد غاضبا ايضا هسع ذاتو ما بكرة انت بتصدق كلام الناس ديل؟؟
ديل كضابين يابوي..
قلت اوع يا ولد كمان يجلدوك ويقولوا الشافع دا سياسي يعني شنو سياسي يابوي؟ البخالف راي الحكومة يا ولدي سياسي
الكهربا طالعة من بيت ابن عوف ورايحة لبيوت الخرطوووووم
التحية لاهلنا في مروي والمناصير والتحية الخاصة لابن عوف
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: كمال سالم)
|
نكته .. منقولة من منتديات ابن السودان عشان نثري النقاش ونذكر الناس.. كان يوجد إثنان تنابل ( كسلانين جداً ) عايزين يغيرو لمبة النورالمصباح الكهربائي الذي كان لديهم فرفعه الاول على كتفه حتى يفك المصباح وبعد فترة سأل الاول الثاني لماذا لم تفك المصباح فأجابه إني أنتظرك أن تدور بي كي ينفك المصباح
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: علاء الدين حيموره)
|
شايف النكته الفوق ما عجبتكم دي واحدة تانية للتهدئة وكده.. واحد رباطابى معزوم عشاء مع واحد صاحبو مشى لقى الكهرباء قاطعة عن صاحبو قعدو يتونسو مسافة الرباطابى جاع جوعه شديدة قال لى صاحبو ياخى الزمن فات وانا جعان ياخى طلع لينا العشاء داء.. صاحبو قال لية ياخى العشاء ما بطلع الا الكهرباء تجى... الرباطابى قال لى اصلو عشاء ولا شريط فديو ...
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: محمد عبد الماجد الصايم)
|
Quote: ياجماعة البعرف نكته عن الكهرباء يقولها وليظل البوست عالياً حتى تنتظم الكهرباء أو نموت دونها.. |
قال ليك يا صلاح والعهدة على الراوي وطبعاً المرويات كثيرة إلأ ما فيها كهربة مروي .. المهم قال ليك واحد فتح بوست في سودانيز أونلاين يبشر بأن الكهرباء لن تقطع بعد دخول كهرباء سد مروي لولاية الخرطوم , وقومي يا الكهرباء أخذلي أخونا صاحب البوست ده ( ما محمد فرح ده زولنا داك بتاع الرواية ) ولأنه شكله بقى باااااااااااايخ قال يشد سلك بحكم علاقته بالنظام سوري أقصد بناس الكهرباء عشان يشوف الموقف المحرج ده والورطة والعردة البقى فيها اه بعد ما زمجر وأفرغ غضبه على ناس الكهرباء رد عليه بتاع الكهرباء قال ليه أنت منو القال ليك الكهرباء ما بتقطع تاني في ولاية الخرطوم , أنحنا قولنا الكهرباء بتاعت السد دخلت الخرطوم لكن ما قلنا تاني مافي كهرباء بتقطع , وبعدين الكهرباء دي ذاتا لو ما قطعت أنحنا تاني نشتغل شنو ,المهم قال ليهم هسه أعمل شنو ؟ والبوست الحاميني النوم ده البقه زي كهربتكم دي أمشي منه كيف ؟ رد عليه بتاع الكهرباء وقال ليه بسيطة ياخ أقطع من الكهرباء , وغضب صاحبنا زيادة وقال ليه يعني كيف أقطعه؟ طالب بحذفه شنو يعني أول عردة ولا أول كضبة ..
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: محمد عبد الماجد الصايم)
|
Quote: ياجماعة البعرف نكته عن الكهرباء يقولها وليظل البوست عالياً حتى تنتظم الكهرباء أو نموت دونها |
فيكم زول بيعرف حمادة كفر (من الحصاحيصا- الحلة الجديدة)
كان شغال في الادارة المركزية للكهرباء...
قال شايف المهندسين لما الكهرباء تقطع بيطلعوا الشارع برة ويجوا راجعين ويقولوا:
(كومبليت بلاك آوت من الدمازين) ويواصلوا غناهم ومرات...يسوقوا ليهم اتنين ويطلعوهم في عمود...ويرجعوا الكهرباء...ويواصلوا كوتشينتهم...
قال ومن يومها بقين اسأل الجزار... بلاي المهندسين ديل شالو كم كيلو لحمة؟ قال من يقول لي اكتر من كيلو معناها الكهرباء ...بلاك آوت من الدمازين...
دحين كهربة محمد دا اسعلوني منها أنا دا؟؟
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: محمد عبد الماجد الصايم)
|
الأخ محمـد كل المتداخلين من السـودان أو من اتصل بأهله قالوا ليك الكهـرباء قاطعـة تاني بتكابـــر في شـــنو ؟ وكمان لعلمك كهـرباء الســد و قــري و محطة كوســتي + التوليد الحالي لا تكفي إحتياج السـودان الحالي , ( يعني حكاية تاني مافي كهرباء بتقطع ) دا كلام ما صحيح ويصنف في إطار الكسـب ( الكذب ) السياسي و سـتظل شـوارع كل المدن الســودانية مظلمـة * هل تصـدق أن انتاج الســد من الكهـرباء يعـادل انتاج محطة توليد ( متوسـطة الإنتاج ) في السـعودية ياخي فكـونا من المزايدة والكــذب .............
Quote: بي جمرة خبيثة وما لقينا |
بعـدين ما دام الكلام عـن الكهـرباء نســألكم كيف زول يدفـع مقدما ويشـتري ســلعة ( كهرباء ) , و لا تتوفــر له * أقترح ان ناس الكهرباء مادام بيسـتفيدوا من قروش المقدم أن يعوضوعنا عن كل سـاعة تقطع فيها الكهرباء بكم كيلووات كــدا
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: عبدالله احيمر)
|
...إستفتاء جلي لا يقبل الشك بأن ما نسمعه ونشاهده طيلة العشرين سنة الماضية ترهات وأكاذيب وتلفيقات ودعايات رخيصة، وما الكهرباء الا جزء يسير من هذه الآلة الكاذبة التي لا تنقطع كهربتها أبدا..
قبل يومين شاهدت في تلفزيون الإنقاذ شابة تهرول ذات اليمين والشمال تتحدث عن محطة 4 قري التي بإفتتاحها تُحل كل مشاكل الصناعة والسياحة والتجارة وأخذت أكثر من ساعة تجري لقاءات مكررة مع أُناس يرددون أشياء من قبيل (أحدث محطة) في أفريقيا والشرق الأوسط، ليصدقهم البسطاء!
من أين أتى هؤلاء الكذبة الذين أخجلوا الكذب وأخجلونا. الآن الكهرباء قاطعة في كل مربع 84 الجريف غرب والماء لا وجدود له الا في الأحلام مع أني منزلي آخر منزل قبل النيل الأزرق الهادر، أين الماء وأين الكهرباء وأين الدواء الدوّار وأين أوكامبو؟
اللهم عجّل بأكامبو ورهطه، فقد مللنا الإنتظار على قارعة الطريق نلوك الوعود وننتظر الكهرباء...
اللهم يا رب المستضعفين..
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: صلاح ليون)
|
Quote: قبل يومين شاهدت في تلفزيون الإنقاذ شابة تهرول ذات اليمين والشمال تتحدث عن محطة 4 قري التي بإفتتاحها تُحل كل مشاكل الصناعة والسياحة والتجارة وأخذت أكثر من ساعة تجري لقاءات مكررة مع أُناس يرددون أشياء من قبيل (أحدث محطة) في أفريقيا والشرق الأوسط، ليصدقهم البسطاء! |
زمراوي .. طلعتو ما بسيطين والله.. الله يعين اهلنا في السودان.. شايف كم بوست مفتوحين بمناسبة الحر الشديد والكهرباء القاطعة..
تحياتي.
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: Abu Eltayeb)
|
الساده الكرام رواد البوست تحيه طيبه لاحظت معكم إزدياد قطوعات الكهرباء منذ ساعة إنزالي هذا البوست مرات الواحد بشرب روحو زي مابقولوا المهم حسب ماعلمت يبدو أن كمية الكهرباء التي وردتنا من سد مروي كانت أكبر من أن تتحملها موزعات الخرطوم مما أحدث بعض الأعطاب الفنيه . حالياً نحنا مشكلتنا إنو الكهرباء بقت أكتر من اللازم شفتو النعم دي كيف عموماً يعمل مهندسو الهيئه الآن بكل طاقتهم لتهيئة أوضاع الشبكه وقريباً جداً سيصبح الحلم حقيقه وستستمتع ولايه الخرطوم بتيار ثابت ومستمر بإذن الله .
للجميع مؤونة عشرة أعوام من الود
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: محمد فرح)
|
الأخ محمد فرح
سلام
اليوم وانا اطالع الفضائية مع برنامج الرياضة فكان هنالك اتصال مع د. علي شمو المذيع الأسبق للإذاعة حيث سؤل عن حدث رياضي تم عرض جزء منه على الهواء.. كانت أول كلماته.. معذرة.. فأنا لم أشاهد الشريط لأن الكهرباء عندنا قاطعة.. على طول خطر في بالي أن هنالك بوستا بهذا العنوان.. لم أدخله من قبل لانني لم ارى اي انجازا استفاد منه الشعب السوداني خلال سنوات الإنقاذ العشرين.. فأنا معك أن تمدح أعمال النظام مهما كانت.. لكن من الأجدى أن تكون من الواقع وليس من الخيال..
تحياتي عبدالعزيز
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: محمد فرح)
|
Quote: حسب ماعلمت يبدو أن كمية الكهرباء التي وردتنا من سد مروي كانت أكبر من أن تتحملها موزعات الخرطوم مما أحدث بعض الأعطاب الفنيه . حالياً نحنا مشكلتنا إنو الكهرباء بقت أكتر من اللازم شفتو النعم دي كيف
|
ناس توتي كانوا مشهورين بي ترس الفيضانات لامن غنوا فيهم:
عجبوني ولاد الفرسان وترسوا البحر خيرصان وعجبوني الليلة جو وترسو البحر صددو
يعني المعني جانا فيضان كهرباء...لامن كسر تروس السلوك؟
اها هنا في واحدة من اتنين...يا انت كضّاب وعايز تبرر كضبك بي كضب تاني او الفكوا الكهرباء كانوا عتالة...بعد ما غلبتهم يوصلوها بالدرب؟؟؟
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: Salahaldeen Nadir)
|
اها جينا تاني ولقينا انحنا يانا نحنا زي ما نحنا
Quote: يا انت كضّاب وعايز تبرر كضبك بي كضب تاني او الفكوا الكهرباء كانوا عتالة...بعد ما غلبتهم يوصلوها بالدرب؟؟؟ |
بالله لو كان قال يا جماعة اعتذر ليكم ما كنا لملمنا عدتنا وجرادلنا ومشينا وانتظرناك تجي تفتح بوست تاني تبشرنا فيهو واطلقنا سراح البوست الدليبة ده!!!
ياخي ديل ناس عجيبين وكهربتهم اعجب وبعدين تبريراتك دي يا تكون حذر فيها يا تجيب حاجات علمية في ناس كتااار من القاعدين يقروا ويردو عليك ديل مهندسين وكهرباء كمان ..
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: nazar hussien)
|
الكوراك يا مسرة يا جنيات القمري فرّ عجبوني الليلة جوا وترسوا البحر صددوا...
دا حق القمري والدباس...يا محمد فرح...يفكوا الكهرباء بلا يشاوروهم السلوك هذي...ساحة لعب واستراحات دائمة للطير...وعمدانها مكانا آمنا لاعشاشها علي طول الطريق من مروي الي الخرطوم...
تقوموا تجي تخلوهم سااااكت كدي بلا انذار...وتفكوا ليهم كهربة اب عشرين؟؟؟
ومع ذلك اظن ان ما اوردته سيكون عذرا لقطوعات مقننة الي العام القادم
الكهرباء ما جات؟ لا والله قالوا بصلحوا في الخط الرئيسي؟ اها الكهرباء ما جات؟ والله قالوا بفتشوا في بيوت لي الدباس؟
اها الكهرباء ما جات؟
والله قالوا جات لكن غشت تطعّم من الجمرة الخبيثة؟
دحين اي زول عندو جمرة خبيثة اليمشي يفتش ليه عداد
والعدادات في جنوب افريقيا
وتوريييييييد: لا اله الا الله
وفي صمة خشمنا نسمع بي العداد بقي بي عشرين مليون
(دي مسرحية اصلها لا حكت لا بقت)
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: nazar hussien)
|
Quote: المهم حسب ماعلمت يبدو أن كمية الكهرباء التي وردتنا من سد مروي كانت أكبر من أن تتحملها موزعات الخرطوم مما أحدث بعض الأعطاب الفنيه . حالياً نحنا مشكلتنا إنو الكهرباء بقت أكتر من اللازم |
الغلط انو الكهرباء دي ختوها في فنطاس كبير وكبوها اكثر من اللازم الصاح انو يكبوها في براميل ويكبو برميل برميل عشان ما تحصل مشاكل في التوزيع انت قائل دي ذي كهربة زمان بالحساب وبقروا ليها خمسه سنه
جابت ليها استفزار كمانQuote: عموماً يعمل مهندسو الهيئه الآن بكل طاقتهم لتهيئة أوضاع الشبكه وقريباً جداً سيصبح الحلم حقيقه وستستمتع ولايه الخرطوم بتيار ثابت ومستمر بإذن الله |
كان تخليهم ينتهوا بعدين تجي تفرحنا معقوله بس يا محمد فرح انته مفتكرنا ساذجين ولا شنو والله انا ذاتي الجابني لبوستك دا شنو ما عارف
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: محمد فرح)
|
Quote: حسب ماعلمت يبدو أن كمية الكهرباء التي وردتنا من سد مروي كانت أكبر من أن تتحملها موزعات الخرطوم مما أحدث بعض الأعطاب الفنيه . |
كدى واحد يا اخواننا ينزل المانشيت بتاع جريدة الرأى العام الليلة 15 ابريل ....
.. والموضحة فيهو الهيئة القومية للكهرباء العجز الحاصل ... ومحمد فرح بكابر لسه ..
ومركب مكنة مسوؤل وماعايز يعتذر ... ودة المرجعنا مليون سنة لى وراء...
في زمتكم شفتوا ليكم زول مسؤول سودانى اعتذر للشعب قبل كدة ؟؟
اها دة عينة محمد ود فرح دة ...
اعتذر يامحمد عشان تكبر في نظر الناس شوية ..
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: nazar hussien)
|
محمد عبدالقادر - الرأى العام
أعلنت الهيئة القومية للكهرباء امس ان انقطاع الإمداد الذي شهدته انحاء متفرقة من ولاية الخرطوم ناتج عن وجود عجز فى الانتاج وصل الى (300) ميقاواط، الى جانب خروج بعض الوحدات فى محطات توليد الكهرباء - لم تعد حتى الآن -. ^ العجز الذى أعلنته الهيئة القومية لا يوجد ما يبرره مع تدشين كهرباء (سد مروي) التى نزلت برداً وسلاماً وتنمية على أفئدة السودانيين وهي تتقدم قائمة (الرد) على اوكامبو. ^ الهيئة القومية نست أو تناست انها مستأمنة على أول (رد) تنموي على مزاعم لاهاي، وفشلت كالعادة فى تطويع عقدة الصيف بالرغم من الوعود التى أجزلتها للمواطنين فى وقتٍ سابقٍ. ^ وعلى الرغم من غرابة السبب والمبررات، إلا أن (العجز) ليس جديداً فى تاريخ الهيئة.. و(البرمجة) التى يبدو أنها جزء من قدر المواطن المغلوب ليست بدعة، إلا ان التطور الراهن يشير الى أمرين: ^ الاول، يؤكد أن خطاب الهيئة التطميني الذى رفع سقف تطلعات المواطنين الى إمداد مستقر لا يتأثر بالصيف، أحدث حالة من الاحباط فى الاوساط الشعبية، ولا ادري ما هو رأي (الرسميين) فى ما حدث، خاصة وان الامداد الكهربائي المستقر كان واحدا من ادوات المواجهة ومثل ركيزة تنموية اعتمدت عليها الدولة كثيراً فى ردها على محاولات النيل من أمن واستقرار البلد. ^ الأمر الثاني، يشير إلى خطأ كبير وقعت فيه الهيئة وهي تراهن على المتاح دون التحسب لمفاجآت ينبغي أن تكون قد تعودت عليها بحكم تراكم التجارب مع فصل الخريف. ^ الواقع يؤكد أن الرقم المعلن فى العجز الحالي لم نسمع به حتى قبل الوافد الجديد على الإمداد الكهربائي وهو رقم مخيف بكل المقاييس يجعل الهيئة القومية للكهرباء مطالبة بالكشف عن الحقائق الكاملة لمبررات ما حدث. ^ الكارثة الراهنة تقول إنه وبالاضافة الى (عجز) الامداد الكهربائي هنالك (عجز) آخر فى (إدارة المتاح) ،لأن إنجاز سد مروي جعلنا متيقنين من أن الأزمة فى (إدارة الموجود) لا فى حجم المفقود، فالسد مثل طفرة عملاقة فى الخارطة التنموية، ولابد من القول بأن ما تشهده البلاد من أزمة فى الكهرباء أمر لا يتناسب مع وجود هذا (الإنجاز الضخم).. ^ خروج بعض الوحدات من الخدمة أمر ينبغي أن لا يكون مُفاجئاً لإدارة عركتها تجارب المواجهة مع الصيف، وقد جاء هذا الحديث فضفاضا ولم يفصل بالأرقام ما إذا كانت إضافات هذه الوحدات ترقي لنسف احلام المواطنين بإمداد مطمئن خلال الصيف الحالي وفى مقبل الأيام. ^ ما حملته رسالة أحد المهندسين لـ «الرأي العام» احتجاجاً على انتقادات سابقة لموقف الامداد - في مقال كتبه الاستاذ الفاتح جبرا- تشير الى ان السد فعل ما عليه من اضافة، هذا الأمر يؤكد أن الهيئة فشلت فى ادخال هذا الإنتاج للشبكة القومية وهو أمر يضع كثيراً من علامات الاستفهام التي تنتظر إجابات تشفي غليل أسئلة الشارع. ^ ما لا يعلمه القائمون على أمر الكهرباء هو حملهم لأمانة المواجهة وفقاً لاكتمال مشروع مثل بشهادة الجميع (أكبر إنجاز فى تاريخ السودان الحديث) هو (سد مروي)، فلماذا نصر على إضاعة كل هذا الزخم باخفاقات تضعنا أمام التبريرات الدائمة. ^ الكهرباء سيدي مكاوي - مارد عملاق - سودنه الرئيس عمر البشير فى مروي.. فلماذا هرب من الشبكة القومية... سننتظر( الرد) على هذا السؤال.. وسنذكّركم بأنكم من حملتم أمانة ( الرد... الرد).
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: azz gafar)
|
Quote: ^ الأمر الثاني، يشير إلى خطأ كبير وقعت فيه الهيئة وهي تراهن على المتاح دون التحسب لمفاجآت ينبغي أن تكون قد تعودت عليها بحكم تراكم التجارب مع فصل الخريف. ^ الواقع يؤكد أن الرقم المعلن فى العجز الحالي لم نسمع به حتى قبل الوافد الجديد على الإمداد الكهربائي وهو رقم مخيف بكل المقاييس يجعل الهيئة القومية للكهرباء مطالبة بالكشف عن الحقائق الكاملة لمبررات ما حدث. |
الراي العام..
ياشماتت اوكامبو فيكم..
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: هشام الطيب)
|
Quote: تقصد سلوكو بمعنى WIRE أم سلوك Behavior |
بقت علي انا يا صلاح!!!
ما تسعل الناس القالوا...(الآفروعربية) والكوسموبوليتيشان)
والبرمائيات...والكيمياء الفيزيائية...والفيزياء الكيميائية
دحين دي اعتبرها: وايروهيفيا
او
بهيفيا واير...(يا نووووس بهيفيا واير) ترك لعمري الفستان اب زراير ترك لعمري الفستووون اب زراير الزول دا سافر يا ناس القماير
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: Elawad Eltayeb)
|
أنا متابع البوست من الأول وقلت النشوف آخرتا .. وإنشاءالله ظنى وظن المتداخلين يخيب ولكن !!! عجبتنى يامحمد فرح .. طلعت أحرف من ماردونا فى المحاوره ............... نكته قديمه لو بتتذكروها واحد طالب ليهو واحد قروش والتانى بتزاوغ منو يوم جاء لقاهو بتوضأ .. سألوا عن قروشوا ومتين بديها ليهو؟ الراجل ( المستدين) شال ليهو نواة بلح وحفر ليها فى الأرض ودفنها وكبّ عليها شوية مويه من الإبريق وقال ليهو : شايف التمره دى .. إنشاءالله بعد ماتكبر وتنتج حأشيل التمر أبيعو فى السوق وأسدد ليك الدين الراجل (الدائن) ضحك ..... قال ليهو : تضحك ؟؟ عشان ضمنت قروشك !!!!!!!!!!!
هسع أنا بعد التبرير دا قعدت أضحك براى .. ما خلاس ضمنت !!!!!!!!
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: صلاح ليون)
|
Quote: لكن سؤال
المهندسين ديل ما كانو عارفين قدرة التوليد الكهربي لتوربينات السد؟ ماكانو عارفين قدرة محطاتهم التحويلية؟
الهيئة القومية للكهرباء بجلالة قدرها معقول ما فيها مهندس عندو كالكوليتور كاسيو يعمل بيه عمليات حسابية بسيطة عشان يعرف الكهرباء الجاية كم؟ والرايحة في الاسلاك كم؟
ماف هامش أمان؟
طيب مش كان يركبو (بلف) في (بداية الخط) و يمسكوهو (مهندس) ب (ووكي توكي)
ويوقفو (مهندس) تاني برضو ب (ووكي تووكي) عند (موزع الخرطوم) يقول:
شش شش أفتح شوية شش شش أفتح كمان شوية شش شش باااااااس كدة زبط شششش قرض على كده يا معلم حول وإنتهى شش شش
|
صلاح الدين نادر يا مسطول...والله انا بضحك نص ساعة.. انت ونزار حسين مجرد ما تمشوا السودان ناس الادارة حايعتقلوكم..والعجب كان عرفوكم ساكنين وين !! الا كل شهر ترسلوا لناس البيت شرائط رتاين..
قريبي محمد فرح ده جننتوه جن والخوف يركب يمشي مروي براه يعمل للسد تنفس صناعي!!
| |
|
|
|
|
|
|
|