وهذه مقاطع أخرى لم أسمعها في الحلقة:-
ا
الراجل ما بات قوي ولا ضوق الكيك خمشة ولا جره قافات فوق حرير القامشة
أمانه تصبّح الليد والكراع منكمشه جيل الباديه جيلاً بحرجوا بالكمشه
بناتنا البقرن فى الجامعة سماهن ناس التومه : قال ديل شريحه براهن
قال ناس التومه مرقن عنقريبن مرقنبوا قربنبوا
صح ناس التومه مرقن عنقريبن قرنبوا لكن مابقعدن يحاكن زي قرود الد نبو
الزول المابعرف يفرق بين صوابعو وزنبو حقاً فى الدروس ماحق يقعدن جنبو
قال ناس الجامعه
قال ليها الناس البقرو معاك كلهم زي دا قال ليها اقري ساي ماعليك خوف
ناس الجامعة صح ما بشكلوا خوف عشان ليهم عقول نيرة داخل الجوف
السماحة يا ولدنا سماحة النفس سماحة الخلق والاخلاق
سماحتنا نحن في بشاشتنا وفي كرمناالطامح
وفي رجالتنا وفي نجدتنا للملهوف والضايق
كم فاتحين بيوت ليتامى وكم ساندين بيوت لغلابه وده كلام يصعب على المتلك فهمو
واسمحلي نحن أهل العوض ما بالبشاعة الوصفتها دي
ويمين بنوتنا سمحات في عيون كل السودان ويكفيهم فخر لابسات ثوب الوشاح عفاف
وفي النهاية ياخي خلقة الله مافي زولاً بيعترض عليها