كتب الكاتب الفاتح جبرا المتوفرة بمعرض الدوحة
|
Re: الحب بعد الجواز - (الزواج ) !! (Re: طارق عبد اللطيف نقد)
|
طارق
سلام
موضوع جميل وخلونا نشارك معاكم ولو بالتنظير
لأنو ما عندنا تجربة زي الناس الشاركوا هنا
Quote: الحب ده حاله خاصه وكل واحد عنده تجربته المتفرده والتي لا تنطبق علي اي شخص اخر حتى لو مرو بنفس الظروف
|
اتفق معاك في الكلام الفوق دا
وحتى لا نحلم بمدينة فاضلة
فالحب بعد الزواج عادة ما يتحول
الى عشرة وألفة ومزيد من الإحترام
ولا اعتقد ان جذوة الحب ستستمر
بنفس الوتيرة التي كانت قبل الزواج
لأن بعد الزواج تأتي مزيد من المسئوليات
التي لم تكن موجودة قبله
لذلك يأخذ الحب شكلاً آخراً
ولكننا بإستطاعتنا ان نحافظ على وجوده
وعلى إحساسنا به اذا اردنا لحياتنا طعم جميل
بأن لا نستسلم كلياً لضغوطات الحياة
وكذلك من المؤكد ان بعد الزواج
وبالعشرة سيكتشف كل من الطرفين
مزيد من العيوب والمزايا في شخصية كل منهما
لذلك يجب ان نتعامل مع العيوب خاصة بحكمة وصبر
وان لا ننفر من الطرف الآخر ونظن الظنون به وبأنه خدعنا
فلننظر للجانب المشرق دائماً ونحاول ان نسعد انفسنا بدلاً من إتعاسها
فسعادة الإنسان من صنعه
| |
|
|
|
|
|
|
Re: الحب بعد الجواز - (الزواج ) !! (Re: انعام عبد الحفيظ)
|
انعام سلام
Quote: لأنو ما عندنا تجربة زي الناس الشاركوا هنا |
والله يا انعام انا شفت صورة الطفلين في البروفايل القديم بتاعك قلت اكيد عندك تجربه عموما في مثل سوداني بقول - الما مات ما شق الترب واي انسان ليه تجربته من خلال بيته وبيوت اخوانه واخواته واصدقائه وصديقاته
Quote: بأن لا نستسلم كلياً لضغوطات الحياة
وكذلك من المؤكد ان بعد الزواج
وبالعشرة سيكتشف كل من الطرفين
مزيد من العيوب والمزايا في شخصية كل منهما
لذلك يجب ان نتعامل مع العيوب خاصة بحكمة وصبر
وان لا ننفر من الطرف الآخر ونظن الظنون به وبأنه خدعنا
فلننظر للجانب المشرق دائماً ونحاول ان نسعد انفسنا بدلاً من إتعاسها
فسعادة الإنسان من صنعه |
انا بتفق معاك في الطرح ده كله واكيد سعادة الانسان من صنعه لكن في الحياه الزوجيه لازم يكون هناك تكامل من الطرفين والا سقط الحب ودمتي
| |
|
|
|
|
|
|
Re: الحب بعد الجواز - (الزواج ) !! (Re: مصدق مصطفى حسين)
|
حبيبنا المتميز مصدق طبعا كل سودانيزاونلاين كتاب وشعراء ولكنك يا مصدق مميز بالابداع الكاركتيري والريشه السحريه ومهموم بي قضايا وطنك
يعني لو حلفنا طلاق محلوله
تسلم يا مبدع ومرورك اسعدنا واثراء حقيقي واضافه كاملة الدسم للبوست وفي انتظارك تحياتي وتقديري
| |
|
|
|
|
|
|
Re: الحب بعد الجواز - (الزواج ) !! (Re: طارق عبد اللطيف نقد)
|
العزيز طروق
الحب بجي قبل الزواج وبزيد او بنقص بعد الزواج حسب الاحوال وطولة البال والتنازلات والقدرة على التفاوض وخلق المرح والقدرة على خلق العكننة..
فبينما تزدهر حياة احدهم (مرة او راجل) بعد الزواج لانو لقى/ت في المرة او الراجل ادمي فاهم وبالو واسع وذو/ات قدرة على إدارة الحياة بماهو موجود ووفق ماهو حادث.. تكون حياة غيره آيلة للزوال لانو المرة او الراجل او كلاهما قدرتم على فهم الحياة المشتركة اضيق من مايجب ان تكون عليه..
الاشكالية ياطروق والسؤال الذي طالما ارقني ليه انا عندي القدرة اني احب كم بت في وكت واحد؟؟ هل مرجع ذلك لانو انا حاسي بانو طاقة الحب العندي دي لايمكن ان تتحملها بت واحدة؟؟ ام هل المرجع في ذلك انو انا اصلا من سلالة ملوك ماتعودت إلا الزواج بمثنى وثلاث ورباع؟؟
طارق اسمعها من اخوك بعد الحب مافي زواج .. قصدي بعد الزواج مافي حب .. الحب ده بس اربعين يوم من يوم زفافك ..وباقي الايام سترة حال
نقلا عن جريدة دكين الحائطية
| |
|
|
|
|
|
|
Re: الحب بعد الجواز - (الزواج ) !! (Re: DKEEN)
|
العزيز دكين طلتك تفرح
Quote: الحب بجي قبل الزواج وبزيد او بنقص بعد الزواج حسب الاحوال وطولة البال والتنازلات والقدرة على التفاوض وخلق المرح والقدرة على خلق العكننة.. |
ده لب الموضوع ذاته ( النجيضه)
Quote: والسؤال الذي طالما ارقني ليه انا عندي القدرة اني احب كم بت في وكت واحد؟؟ هل مرجع ذلك لانو انا حاسي بانو طاقة الحب العندي دي لايمكن ان تتحملها بت واحدة؟؟ ام هل المرجع في ذلك انو انا اصلا من سلالة ملوك ماتعودت إلا الزواج بمثنى وثلاث ورباع؟؟ |
مرجعك من سلالة الملوك دي ما اختلفنا فيها لكن المرجع الاساسي لأنك لم تخض التجربه فالحب يختلف كثيرا عن الزواج
Quote: الحب ده بس اربعين يوم من يوم زفافك ..وباقي الايام سترة حال |
القالليك منو يا قريبي انت ما سمعت ود الباوقه ولا شنو ودمت يا حبيب
| |
|
|
|
|
|
|
Re: الحب بعد الجواز - (الزواج ) !! (Re: Magdi Galal)
|
العزيز مجدي صديق لك الود والاحترام
Quote: البوست ده كان ماشى تمام، حصل ليكم شنو؟!
أم اصابكم ما يصيب الحب بعد الزواج {او كما اعتقد البعض} |
نرجو مساهمتك ورائيك الصريح بالموضوع لأثراء النقاش بالبوست ولك التحايا
| |
|
|
|
|
|
|
Re: الحب بعد الجواز - (الزواج ) !! (Re: طارق عبد اللطيف نقد)
|
استمعت امس الي الاستاذه المخرجه ايناس الدغيدي
وعن رأيها في الحب قبل وبعد الزواج قالت الاحساس قبل الزواج يختلف يعني مثلا الواحده لما خطيبها يلمسها بيده تشيل يدها وتشعر بي قشعريره اما بعد الزواج فيصبح الامر عادي بالأضافه الي دخول عوامل اخري مثل عمل الرجل وعمل المرأه وظروف الحياه والاولاد وحب الاطفال 0
| |
|
|
|
|
|
|
Re: الحب بعد الجواز - (الزواج ) !! (Re: طارق عبد اللطيف نقد)
|
Quote: بوست جميل كنت ساكته فوق فهم عشان فعلاً بوست محتاج
نناقشه وما كان في وقت ولكن بغض النظر إن كان هناك حب قبل
الزواج أو لم يكن فبعد الزواج إذا لم يتعامل الطرفان بهذه
النقاط ينعدم الحب والتألف بينهما :
• وجود حب قبل الزواج يقللل كثير من المفاجاءات و
الصدمات بعد الزواج ولكن وحده لا يكفي ، بالحب قبل الزواج
من المؤكد تكون عناك نسبه تفوق 50% من أكتشاف كل طرف للآخر
وبكده يكون قطع شوط كبير في تجاوز بعض المواقف التي تعمل
على نقصان رصيد الحب لكل منهما والتركيز على زيادة الرصيد
على الرغم من أنه في فترة الخطوبة أو فترة الحب يحرص كل طرف
بإظهار إيجابياته وإخفاء سلبياته ولكن من السهل كشف ما تخفي
النفوس .
• إذا فكر كل طرف أن الشفافية والوضوح وإظهار العيوب
أكثر من إظهار الحسنات هي في مصلحة الطرفين .. لان الطرف الثاني
يكون قبوله بالعيوب مما يضمن استمرارية الحب.. ويكون هناك
تقدير أكثر لمثل هذه الشفافية وبعدين طالما هناك حب بالتأكيد
في سعي للمحافظه عليه .. وممكن تصل لمرحلة تمني السعادة للطرف
الآخر ولو مع الغير .
• اظهار كل من الطرفين للآخر ما يحب وما يكره حتى يكون
كل منهما على بينه من الأمر وتجنبه أو الاتفاق عليه .
• الإتفاق على ما يختلفون فيه كيف يكون حله يعني هل
يتركون الوضع للأيام لمعالجته بتعود كل منهما على عادات الآخر
أو أن هناك حل آخر مثلاً كل منهما تُـلبى حاجاته مثلاً أحد الطرفين
يحب السفر والآخر لا فلابد من ترضية رغبة الطرف الذي يحب السفر
بالاتفاق وبوضع آليه لا تخل بموازين الأسرة .
• الاتفاق على طريقة معالجة الخلافات بالمناقشة في حدود
الطرفين أم الجو لأقرب صديق أو قريب ايكون النقاش داخل البيت
أم يكون في مكان آخر برغبة كل منهما .
• الاتفاق على ديكور البيت والألوان .
• كل من الطرفين يجب أن يعي أن وجود أطفال ليس معناه أن
أحد الطرفين انتهى دوره لا بل بالعكس يجب على الطرفين الحفاظ
على مكانة كل منهما عند الآخر حتى بعد وجود أطفال .
• التخطيط المادي السليم حتى لا تفرض المسئوليات
الحياتية نفسها لتأثر على الحب .
• الفحص الطبي قبل الزواج عشان بعدين ما نقع في الولادة
وين وتأخرتي/ ه‘ وجبتي/ ه لي السكري والضغط وفقعتي/ه مرارتي ..
ده وغيره جميعها تدعم الحب بعد الزواج ولكن التعامل قبل الزواج
بشيء وبعده بشئ آخر دي المشكلة لأن القبول والاستلطاف أو الحب ما
جاء من فراغ للقبول بالزواج جاء بناء على ما كان فالتعامل
بالاصل لا يتغير وعندما تنشاء الاسباب التي دعت للزواج عليه
لا تتغير ومنها الحب .. |
العزيزه خالده تعرفي دي دراسه تحليله وتحتاج لي مناقشه مستفيضه وتنم عن تجربه لكن ما تتفقي معاي في انه كل هذه التفاصيل تؤدي الي الزواج الناجح والاستمراريه لكن جزوة الحب بعدالزواج اين تكمن؟؟؟ والسؤال الاهم هل استمرار الزواج يعني نجاحه ودمتي
| |
|
|
|
|
|
|
Re: الحب بعد الجواز - (الزواج ) !! (Re: طارق عبد اللطيف نقد)
|
Quote: تعرفي دي دراسه تحليله وتحتاج لي مناقشه مستفيضه وتنم عن تجربه لكن ما تتفقي معاي في انه كل هذه التفاصيل تؤدي الي الزواج الناجح والاستمراريه
|
طارق
اتفق معك
في انه كل هذه التفاصيل
تؤدي الي الزواج الناجح ولكن استمراريته
دي ممكن تكون مش عشان نجاح الزواج ممكن تكون عشان
حاجات تانية ..
Quote: لكن جزوة الحب بعدالزواج اين تكمن؟؟؟ |
التفاصيل دي لمن تكون في وضعها الصحيح
لا تترك مجال لطفى جزوة الحب أو تقل يعني هي
جذء من الحفاظ على جذوة الحب تظل متقده
مثلاً إذا الزوجة حافظت على حتى محبة الزوج والاهتمام
به في خضم زحمة التربية والأطفال دي واحدة من العوامل المساعدة
على اتقاد جذوة الحب ..
Quote: والسؤال الاهم هل استمرار الزواج يعني نجاحه |
جاوبتك قبل ما معناه نجاحة ممكن يكون الاستمرار
لحاجات تانية ..
أما الزوج في فترة الخطوبة يمسك يدها تقشعر
وبعد الزواج لا عادي ..
لا اتفق إذا كانت جذوة الحب لسه متقدة
وليس هناك ما يمنع اتقادها إذا حافظ الطرفان
على ذلك واهتموا بالحته دي ..
| |
|
|
|
|
|
|
Re: الحب بعد الجواز - (الزواج ) !! (Re: خالدة البدوي)
|
أخي طارق كيفنك ...
Quote: عمران معقوله بس في ناس كده والله الكلام ده يسمعوا خالد الاباب يعمل ليك مشكله |
والله يا طارق الموضوع معقد لدرجة إنو الآراء والحقائق الصحيحة والواقعية لم تذكر هنا .. عدى القليل الذي أتت به الأستاذة الفاضلة / الأخت خالدة البدوي ... أو الكثير الذي لخصته للمخرجة المصرية / إيناس الدغيذي والتي توصف بالمخرجة الجريئة ولكنها دائماً تمس كبد الحقائق . قد تكون بعض الآراء هنا مختلفة في الصالات المغلقة ....(عشان كده اللمة الجاية أسألني تاني ) .. ملاحظة أخرى : أغلب الآراء تعطيك انطباع بأن المرأة هي سبب البلوى ... متناسين أنها ترد الصاع صاعين حين ينقلب الأمر إلى الضد في أي ناحية كانت....!!!!!!!!
| |
|
|
|
|
|
|
Re: الحب بعد الجواز - (الزواج ) !! (Re: طارق عبد اللطيف نقد)
|
طارق والمتداخلين جميعاً .. تحياتي،
بعد الزواج.. بكم يوم/شهر/سنة؟ يعني الفترة طويلة .. والطول فيهن الهول .. في أي حاجة .. خاصة في الحكم. والأسرة كما يقول صديقــي خالد عبدالباقي (مؤسسة قم...ة) تمو الحرفين براكن .. تعطي أشياء كثيرة وتأخذ من الحرية .. والحكمة أن تدار الأمور بالعقل .. لتوسيع مساحات الفرح .. وتقليل المساحات التانية .. ورجوعاً إلى طول الهول عندنا زول قريبنا .. تزوج كل أولاده وبناتو وأصبح البيت فاضي إلا مــن هو وهي وجهاً لوجه وظهراً لظهر .. ومناقرة طوالى .. كنت مرات بمشي ليهم أوسع صدرى بلطف مناقرتم .. وكنت في أحد الأيام مسافر .. ترك قريبي هذا زوجته لوحدها بالمنزل وتحرك مشياً لوداعي وقد إنحنـــى ظهره من القدم (من قديم) .. وعند وصوله وجد زوجته قد وصـــلت قبله لوداعي ولم يرها في الطريق عندما تجاوزته مشياً دون أن يراها ولما رآها صاح:
والله يا جماعة المرة دي إلا تكتلني هسع خليتا في البيت وجيت .. جاتكن هنا بي وين!!
واصلوا الناس لهسع متهربة لأنو الموضوع حساس والشجاعة و"الصدق أحيانا معجزة"
"قالها الأحنف بن قيس لمعاوية بن أبي سفيان عندما طلب من الناس مبايعة إبنه يزيد .. مشيرا بهـا إلى إستحالة الإعلان عن عدم الرغبة في البيعة
| |
|
|
|
|
|
|
Re: الحب بعد الجواز - (الزواج ) !! (Re: Mohamed Abdelgaleel)
|
العزيز محمد ع الجليل
Quote: بعد الزواج.. بكم يوم/شهر/سنة؟ يعني الفترة طويلة .. والطول فيهن الهول .. في أي حاجة .. خاصة في الحكم. والأسرة كما يقول صديقــي خالد عبدالباقي (مؤسسة قم...ة) تمو الحرفين براكن .. تعطي أشياء كثيرة وتأخذ من الحرية .. والحكمة أن تدار الأمور بالعقل .. لتوسيع مساحات الفرح .. وتقليل المساحات التانية .. |
الطول فيهو الهول لكن احيانا الطول فيهو الالفه والمحبه والعشره والتعود وتكونوا اخذتوا علي عيوب بعض والحاجات البتزعل والحاجات البترضي وعموما قيل النساء كالاطفال اقل حاجه تزعلهم واقل حاجه ترضيهم ونواصل
| |
|
|
|
|
|
|
Re: الحب بعد الجواز - (الزواج ) !! (Re: طارق عبد اللطيف نقد)
|
طارق نقد كيفك...انت عارف خليتني أعمل بوست عن السنة الأولى للزواج اسمه...عواطف وعواصف سنة
أولى زواج وااله عملته من شدة ما خوفونا الجماعة الدخلوا ليك من فكرة الزواج...قلت أحذر
وأنصح المقبلين أو الفي سنة أولى زواج ونوضح ليهم بعض الأمور بمشاركة ذوي الخبرة ....نكسب ثواب.
| |
|
|
|
|
|
|
|