|
|
|
 Re: ادونا رأيكم (Re: هشام كمال)
|
ما معقولة دى لكن
هشام إزيك و إزي احوالك و المدام و البنية؟َ!!!
ليكم وحشة و دايماً فى البال.
ادينى تلفونك لانو رقمك القديم يبدو إنو ما شغال.
| |
 
|
|
|
|
|
|
|
|
Re: ادونا رأيكم (Re: هشام كمال)
|
رائع رائع رائع يا هشام
تعرف لانو انا سمعتها بالبيانو كنت ملاوز من التوزيع الجديد الالكترونى.
اذا كان للبيانو طعمه الخاص فالتوزيع الجديد ابرز كل ملكاتك الصوتية
كما ان الايقاع المنتظم يضيف رونقاً جديداً للحن و يقود المستمع رغم انفه
فى اتجاه لا يحدده.
واصل الابداع و نحن حنواصل الاستماع و الاستمتاع و التعليق.
| |
|
|
|
|
|
|
|
|
|
Re: ادونا رأيكم (Re: Magdi Galal)
|
عارف يا مجدى لسه ما فيها توزيع و لا اى حاجه لانوا احنا شغالين بتكلفة الحد الادنى
يا ريت اقدر اوزعها التوزيع الصاااااااااااااااح
مع محبتى
هشام
| |
|
|
|
|
|
|
|
|
|
Re: ادونا رأيكم (Re: هشام كمال)
|
الاخ هشام كمال
شكرآ على هذا الغناء العذب الجميل. اول مرة اسمع بك واسمع لك، فاعذر جهلى.
صوتك بديع ومتمكن. وتنطق الكلمات بقوة ووضوح جميل.
هل لنا ان نعرف شيئآ عن شعراء الاغانى والملحنين؟
وهل لك ان تحدثنا عنك اكثر.
لاحظت ان نطقك لكلمات اغنية عديلة النوبية نطق شخص يجيد اللغة. هل هذا صحيح؟
اتمنى لك التوفيق فى مشروعاتك الفنية والابداعية.
والى الامام.
| |
|
|
|
|
|
|
|
|
|
Re: ادونا رأيكم (Re: Adil Osman)
|
والله الموسيقى منسابة ولايوجد بها اى نشاز
والصوت رائع ومتفرد
والاغانى اسرتنى رغم الاستماع اليها لاول مرة
والمشروع يحمل ملامح نجاح
الكلمات تنطوى على تجريد اكثر من اللازم وتحتاج الى خيارات شعرية
مختلفة
تمنياتى بالنجاح
سيد
| |
|
|
|
|
|
|
|
|
|
Re: ادونا رأيكم (Re: سيد أحمد خليفة)
|
الاستاذ سيد احمد
ممنون على المرور
اعتقد انو لا مجال سوى التجريد
على الاقل بتفش فيهو جزء كبير من الغبينه الحاصله على كل المستويات
مع فائق تقديرى
هشام كمال
| |
|
|
|
|
|
|
|
|
|
Re: ادونا رأيكم (Re: هشام كمال)
|
!!!well, let me find the right words
?! amusing
?! awesome
?! fabulous
?! entertaining
Definitely, you have a unique style and a different taste
-keep up the magnificent work-
Thank you
-for the-
unlimited thrilling
| |
|
|
|
|
|
|
|
|
|
Re: ادونا رأيكم (Re: Adil Osman)
|
| Quote: لاحظت ان نطقك لكلمات اغنية عديلة النوبية نطق شخص يجيد اللغة. هل هذا صحيح؟ |
كيفك يا عادل..
الفنان هشام كمال احمد هاشم... ابن اخ صديقنا محمد جلال هاشم ومجدي جلال هاشم...
تجيب هذه المعلومة على التساؤل
| |
|
|
|
|
|
|
|
|
|
Re: ادونا رأيكم (Re: هشام كمال)
|
شكر كتير ليك يا هشام
يا زول يا فنان
على تجميل المكان وموسقة اللحظات هنا
ده شغل عالى جدا والله
تسلم وتسعد إن شاء خالق الجمال يا جميل
| |
|
|
|
|
|
|
|
|
|
Re: ادونا رأيكم (Re: أبوذر بابكر)
|
العزيز ابو ذر
ما لقيت طريقه لنشر هذه الاعمال الا بالطريقه دى لأنوا هذا النوع من الاغانى ما مرغوب و لا مرحب بيهو فى كل الوسائط الاعلاميه. يعنى ممكن يبث مره و احده لكن ما بيتكرر تانى.
مع فائق تقديرى
هشام كمال
| |
|
|
|
|
|
|
|
|
|
Re: ادونا رأيكم (Re: هشام كمال)
|
الزول السمح هشام
| Quote: هذا النوع من الاغانى ما مرغوب و لا مرحب بيهو فى كل الوسائط الاعلاميه |
ياهو ده الغناء الحقيقى
سيبك من أى وسائط إعلامية وكلام فارغ
قل كلمتك وإمضى
وصدقنى سيذهب كل الذبد هباءا ويبقى للناس نوع الغناء ده، لأنه هو الشئ البديع والجميل فعلا
كل الناس المتفردين والمتميزين بدأو الشغل بتاعهم كده يا هشام
يعنى هسه بالله قاعد تشوف مارسيل خليفة فى القنوات المبهرجة البايخه دى
ولا قاعد تشوف ماجدة الرومى أو إلهام المدفعى
بالمناسبة سمعتك كتير جدا فى النيل الأزرق
وبراى قلت الزول ده ما عادى وعنده طعم شهى وخاص جدا
ومزيد من الألق والإنجاز يا هشام
وليك الود
| |
|
|
|
|
|
|
|
|
|
Re: ادونا رأيكم (Re: هشام كمال)
|
الأخ الحبيب هشام،
حاولت كثيراً الإستماع لكن لم تنزل معي الصفحة
لا من رابطك ولا حتى من روابط خدر
الآن أنا في طريقي للإمارات وسأحاول من هناك
تحياتي الحارة
معز
| |
|
|
|
|
|
|
|
|
|
Re: ادونا رأيكم (Re: هشام كمال)
|
هشام من خلال سماعي الاول نرحب بمقدمكم هنا كاحد تلاميذي السابقين
وكعضو في جمعية المؤلفين الاكاديميين التي لم تكون بعد
أعجبني صوتك الدافئ في اغنيتي بلادي وياريتك
أما بلادي فبمقدمتها الحلوه وبتفاصيلها ايقاع الريقي اللطيف والبيز المرسوم
بطريقة جميلة ونصها اللطيف ويبدو ان صوتك أجمل حينما يمتد ويتمطط في حالات المد وليس الجذر الصوتي
أما اغنيةياريتك فتكنيكها اللحني اعلي من الاخريات في المقام الصغير وهنالك تحولات مقامية مؤقتة ولكن شدني التحول من المقام الصغير الي الكبير لكسر حاجز (الموود) في الاغنية شكرا لك واهنئك بشكل عام علي كل الاغنيات خصوصا
بلادي
وياريتك
ولك المحبة
| |
|
|
|
|
|
|
|
|
|
Re: ادونا رأيكم (Re: هشام كمال)
|
الحبيب هشام
أخيراً قدرت أستمع لهذا الجمال..
ياخي وبدون مجاملة انت عندك صوت مباااااالغة
قمة الروعة والجمال
وكذلك الأغنيات فابداع حقيقي
شكراً حميماً لك
وتهنئتي الحارة لك بهذا الإنجاز
كل الحب والتقدير
| |
|
|
|
|
|
|
|
|
|
Re: ادونا رأيكم (Re: هشام كمال)
|
من شوفتك اول مرةوانا بقول فيك شئ من عند ربنا
لمن سمعتك والكلام ده كان قبل سنوات لمن حضرت من مصر
وبعدين قلت في نفسي الود الجاد ده كيف حياكل عيش مع السطحية والزلنطحية المالية البلاد
واختفيت وانا كمان من الحيشان وافتكرت الاحباط والقرف بعدوك
وجيت نابل صوتك مافيه كلام بالنسبة للعنقالة الزينا
لكن بقول ليك الحانك مليانة بالصور المدهشة ودرامية
وبعد كده فكر في الدراما والمسرحية الإستعراضية
وربنا اجعل الفتح على الحانك واحساسك
هناك دائما ابواب جديدة وأمال جديدة وغناء أجمل ونحن في انتظارك
مودتي
| |
|
|
|
|
|
|
|
|
|
Re: ادونا رأيكم (Re: محمد سنى دفع الله)
|
استاذنا السنى
شكرا على التشجيع
كنت رفعت اليوم قبر الحبيب ضيق لعاطف خيرى اها بعد الكلام دا حأرفع ليك
الرحيل
كلمات نبراس محجوب و ادينا رأيك
مع محبتى
هشام
| |
|
|
|
|
|
|
|
|
|
Re: ادونا رأيكم (Re: هشام كمال)
|
الاخ الفنان الجميل هشام
استمتمعت جداً بسماع اغنياتك.. وكلها حفظتها عندي.. لزوم الروقة في السمع..
تقريباً سمعت أغنية عاطف خيري قبل كده من اذاعة مانقو.. بس ما كنت عارف
منو البغني ده.. رغم انو فيها حاجات جديدة على موسيقانا السودانية.. بس ما عرفت
اسم الفنان.. واهو هسه الواحد عرف انو كان معجب بادائك من بدري.. ونتمنى نسمع المزيد
وبالمناسبة حا البس ليك وش الصحفي واقول ليك.. انت وين.. هنا في السودان ولا بره..
ولو في طريقه للاتصال بيك اكون شاكر جداً..
| |
|
|
|
|
|
|
|
|
|
Re: ادونا رأيكم (Re: tmbis)
|
الحبيب علاء
اعزر جهلى
التعديلات العملتها رفضت رفضا ىباتا انها تشتغل معاى رحا الافاده
مع محبتى
هشام
| |
|
|
|
|
|
|
|
|
 Re: ادونا رأيكم (Re: هشام كمال)
|
Quote: علاء يا خوى
ما قدرت اعرف التعديل هو شنو لأنو ما فى اى استجابه للايقونات الختيتها |
العزيز هشــام كمال
انــا ما عملت تعديلات في الموقع هناك .. لانو ما بقدر اعمل فيهو حاجة كل التعديلات زي ما عارف بتتم عن طريقك ..
التعديلات المقصودة:
اني اعدت صياغة بعض الملفات .. بعدما حملتها من الموقع الخاص بيك وهي معروضة بي صيغة MP3 .. وهي ملفات يصعب الاستماع إليها إلا بعد حفظها أو تحميلها..
عدت الصيغة إلى ( ra ) وادرجتها في كــود للتشغيل والعرض كما هو واضح في البوست .. وهي طريقة سهلة للاستماع دون الحوجة إلى تحميل الملف .. وكانت إشارتي بأن ربما يكون هناك اختلاف في درجة وضوح الصوت..
تحياتي .. ليك واتمنى اني قدرت اوصل ليك القصد المطلوب
| |
|
|
|
|
|
|
|
|
|
Re: ادونا رأيكم (Re: هشام كمال)
|
.
أخي وقريبي الفناااااااااان هشام ..
سنوات طويلة لم نلتقي خلالها ..اكيد ما حتتذكرني كويس زي عمك مجدي.. بالنسبة لي تنعش متابعتي المتقطعة لبعض اعمالك ذاكرتي ..وصراحة ادهشتني .. صوتك ما شاء الله غاية في الروعة...
كل ما استمعت اليك تعود بي الذاكرة لأيام بورتسودان حين كنت تدندن لنا احيانا في منزل الخال الاستاذ محمد عبد المجيد ... ويا لها من أيام... اتمنى ان نسمع عنك مزيد من النجاحات .. وفقك الله
تحياتي ..
اخوك حاتم ابراهيم - الرباط
.
| |
|
|
|
|
|
|
|
|
|
Re: ادونا رأيكم (Re: hatim ibrahim)
|
حاتم اذيك
هو صحيح انو فى فيروسات قاعده تضرب الذاكره فى اليوم 5 مرات لكن ما للدرجه التنسيكالاصدقاء.
الوداك الرباط شنو يا اخوى؟
مع محبتى
هشام
| |
|
|
|
|
|
|
|
|
|
Re: ادونا رأيكم (Re: هشام كمال)
|
الساده الاحباب
رفعت اغنيتين
الاولى
الحصان و هى عن حصان الكارو من كلمات عادل ابراهيم محمد خير
و الثانيه
الدنيا حب مع الاستاذة ياسمين ابراهيم و هى من كلمات عادل ابراهيم محمد خير
مع محبتى
هشام كمال
| |
|
|
|
|
|
|
|
|
|
Re: ادونا رأيكم (Re: هشام كمال)
|
عـارف يا أستاذ هشـام..
انـا نزلت الأغـاني دي بـدري مـن روابطـك قبل ماتمبس الهميم يجـيبهم هنا..
واستمعت مـرة أولي...فـرحـت بالهـدوء وارتـاحـت نفسـي كـتير...
ولازم اسمع تاني وتالت علشـان أقـدر أقـول أكـثر...
شـكرا ليك ولهم كـاتبي الكلمات الجميلة..
مـني خـوجـلي
| |
|
|
|
|
|
|
|
|
|
Re: ادونا رأيكم (Re: هشام كمال)
|
الاخ هشام
صوت جميل وغناء نضيف ماشاء الله
لك التوفيق والسداد دوما اخي
تحياتي لك ولكل ال هاشم وجلال خاصة
اخوك
احمد علي القاسم-الكلاكلةصنقعت
| |
|
|
|
|
|
|
|
|
|
Re: ادونا رأيكم (Re: Elmosley)
|
| |
|
|
|
|
|
|
|
|
|
Re: ادونا رأيكم (Re: خدر)
|
الاخ طارق
شكرا على الزياره و الكلام الجميل
ياريتك كنت معاى من الحان اخونا الصافى مهدى محى الدين
مع محبتى
هشام
| |
|
|
|
|
|
|
|
|
|
Re: ادونا رأيكم (Re: هشام كمال)
|
أولا تحية كبيره لي فنان كبير
ثانياً :
عمل رائع يستحق السمع والشوف ( لو في طريقة)
ثالثاًَ:
لو في طريقة ... داير (بلادي جميلة)
وتحياتي لكل الساوراويين هنا وبره
عزيز حامد
| |
|
|
|
|
|
|
|
|
|
Re: ادونا رأيكم (Re: ABDELAZIZ MAHADY)
|
سألتنى يا هشام كمال عن رأيى
وده شرف لى..
انا طبعا ما متخصصة موسيقى لكن مستمع مهتم ..
سأدلى برأيى من جهة اهتمامى بالاصوات والغناء من ناحية اثرها الدرامى:
صوت مثقف..ومتفائل..
يذكر بشرحبيل أحمد فى الاستايل..وان كان لا يماثله فى القوة ..ولا يختلف اثنان ان التجربة ..لها تأثير فى هذا الشأن..اقصد طاقة الصوت ..وثقته..عدم تردده..بدا لى انك تتلمس طريقك فى الاداء ولم ترسى على بر بعد وهذا شىء ايجابى وليس سلبى ..لانه يمنحك فرصة للتطور الادائى ..
أعجبتنى شجاعتك فى تجريب الوان مختلفة من الغناء
هندسة الصوت والتسجيلات بها عناية واضحة ولم تفقد من "النوعية" والجودة.
انصحك بالابتعاد عن آلة الاورغن فى الآوت بت..لان هذه الآلة فى اعتقادى غير خلاقة واحدية البعد ..وأجمل منها مجموعة آلات ..فالعازفين المتعددين يضيفون احساسهم ..ويتعاطفون مع صوت الفنان بمداخل عديدة وذلك فيه أثراء لجمالية الاداء..
استمتعت جدا برقة ادائك وهدوء احساسك..وشعورك الدافق الذى يبدو فى نبرات صوتك اثناء الاداء
معظم الالحان الجديدة ..شيقة ومليئة بالاشجان..وغنية باللازمات الموسيقية المدروسة وفوق ذلك فهى عذبة ومطربة.
اتنبأ لك بمستقبل ..كبير.
شكرا لهذا الجهد الجميل.
| |
|
|
|
|
|
|
|
|
|
Re: ادونا رأيكم (Re: Tumadir)
|
العزيز جدا هشام وضيوف البوست المجيد،
سعيد جداً بالتجربة وإنتاجها فى ظروف السودان المعروفة.
قدراتك المتقدمة أصلاً يا هشام تقدمت أكثر بفضل المعهد والتمرين فى ساورا
ومثابرتك ومجهودك قبل كل ذلك .. لا أستطيع أن أضيف أكثر مما أورده
أستاذنا الموصلى وبقية المشاركين الأعزاء، غير أنى سعيد ومنتشى.
أيضاً سعيد جداً بوجود زول فنان وشفيف بالبوست. العزيز جداً مجدى جلال.
زمن طويل يا زول يازين، كيفك وعلَّك والوليدات وأمهم طيبين، بالمناسبة
أرقام مارسليا لاتفتح معى منذ زمن طويل، هل مازلتم هناك أم عدت لباريس.
| |
|
|
|
|
|
|
|
|
|
Re: ادونا رأيكم (Re: منعمشوف)
|
الحبيب هشام
وجع الغريب مباااااااالغة والله
تشكر على الروعة دي كلها
بس لازم تلحن آخر بيتين فيها لأنهم قمة التوهج في المعنى الإبداعي للقصيدة
وما نسبق الحوادث لأنو لازم ناس المصنفات يتفهموا هذه المعاني الجميلة
ومهداة النص بالكامل للجميع:
وجع الغريب
شعر: د. معز عمر بخيت
وجع الغريب
في سكة الأحزان سفر
مكتوب على النجمات معاي..
وانا مستحيل أتلاشى بعدك
لما تسكني في دماي
أطلع من الدنيا البتمشي
تسيبني واقف
في حريق الليل براي
وأنتي يا وجع الزمن
لمّن يلاقي خطاه
بين أشواق هواي
عطشانة بالوجع الخرافي
ونادية بي رونق شقاي
ممدودة في سفر العصافير
لما ترحل بين صباحك
وبين مساي
***
أنا من زمن
تايه مع الليل البضم
في صمتو إحساس أنّتك ..
شايل ربيع اللهفة
زخات من تواشيح
شاربة من نور الشمِس
ضي بسمتك
أمواج حنانك ما استراحت
لما تاه
نبض المواني في سكتك
ولما الشواطي
ورفة الرملة التهاتي بعودتك
ضلت خطاها
وشالت الوعد الرسم
بالشوق مشاهد روعتك
بقت الخرافة تحاكي
حس الحسن فيك
والقمرة قامت حاكتك
ضاجعت برق الأمل
قلب الشعاع الاكتمل
ولما ولدت جابتك..
| |
|
|
|
|
|
|
|
|
|
Re: ادونا رأيكم (Re: Tumadir)
|
والله شكرا ليك انت لطلب الرأى
ولعلمك سمعت الاغانى كلها ..
وعرفت ابعادك وجماليات صوتك "ومخاوفك" برضو
وحبيت اكون امينة معاك..
اطلق صوتك ..وما تخاف من حاجة ..
الاسلوبية بتاعتك لسه ما واضحة ..
اختار اسلوبك ..
اشعر بأنك أول زول يغنى ..لى ناس اول مرة يسمعوا غنا ..وطلع ليهم اجمل ما عندك ..فهمتنى؟
بعد عرفت انك من ساورة ..اتضح لى انك انت لسه فى mood الغنا الجماعى ..وده طبعا فيه خاصية "الالتزام" باحساس الجماعة والالتزام ده بيطلع منك الاصوات صحيحة وما نشاز ..بس لكن بيحد من التفرد..التفرد هو الحاجة الوحيدة الناقصة هنا ..كل شى تانى ممتاز
ولو داير تنشر الرسالة دى لمزيد من الاثراء للنقاش ..ما عندى مانع..لاحظت انه رأيى هنا برضو فيه مزيد من "الانطلاق" ..ههه
فى انتظار ردك
شكرا استاذه تماضر على التحليل
عاوز اعلق على
-1 موضوع الاورغن
انت بتفتكرى انو الاورغن آله محدوده و ما بتوصل الاحساس بشكل جيد و بتفق معاك جزئيا لكن اذا قمنا و حللنا اشكاليات الغنا فى السودان حنجد انو التنفيذ الموسيقى فى اعلى قائمة الاشكالات البتواجه الاوت بوت بتاع غنانا بمعنى ليه الاغنيه السودانيه ما انيقة و جميله و مصنفره ذى باقى الفنا الموجود على الاقل فى ما حولنا من دول كانت افريقيه او عربيه؟
ليه دائما كل من هو حولنا بيتعامل بدونيه مع ثقافتنا الغنائيه لو وضعنا فى الاعتيار ان( الغناء السودانى المطروح حاليا هو يمثل فقط اغنية امدرمان او اغنية الوسط التى لا تعبر عن باقى مناطق السودان الواسع)
بفتكر يا استاذة انو المشكل الاساسى انو ليست عندنا القدره على تنفيذ الاعمال الموسيقيه بشكل ممتاز وجيد وده سببو ببساطه انو ما موجود فى السودان حاليا من العازفين المتمكنين الذين يمكن ان يقعدو فى الواطه و يقوموا بعمل البروفات اللاذمه لعمل موسيقى يمكنا من ان نقدمه فى اى مكان ويمكن للملاخظ انو معظم الاعمال السودانيه البتلاقى الاعجاب خارج السودان هى الاعمال الفلكلوريه فقط اما الفنانين البيسافروا بره و يجو يتكلموا عن الاعجاب و القنابل الفنيه الفرقعوها و انهم كانوا اخطر الخطرين بفتكر انو دا كلام للاستهلاك ساى.
دا يا استاذتى الفاضله هو العمود الفقرى لأى عمل فنى اذا اتفقنا انو مقومات الاغنيه الجيده هى
1. قصيدة جيده
2. ملحن جيد
3. موزع جيد
4. عازفين ممتازين وبروفات مستقره
5. مؤدى جيد
اذا اتفقنا انو دى المقومات الاساسيه لانجاح اى اغنيه فما هى مشكلتنا فى ياتو بند من البنود اعلاه
ونواصل
هشام
| |
|
|
|
|
|
|
|
|
|
Re: ادونا رأيكم (Re: هشام كمال)
|
فالعازفين المتعددين يضيفون احساسهم ..ويتعاطفون مع صوت الفنان بمداخل عديدة وذلك فيه أثراء لجمالية الاداءوعن المقطع اعلاه بفتكر انو الكلام دا كان زمان, زمن كان العازف هو الموسيقى و يستطيع ان يدلى برأيه فى العمل الفنى ليضيف له و يحزف منه لأنو معظم الفنانين ما كانو متخصصين و بالتالى دا ساهم بلمعان اسماء كبيرة و انا بفتكر انو لمعانهم دا كان من خلال الفنانين كعمنا محمديه لأنو ما عندنا الا قليل من العازفين النجحوا انهم يكونوا شخصياتهم المستقلة امثال الفاتح حسين و مجدى العاقب وبالتحديد داخل السمندل ومع الاسف معظمهم ما موجودين فى السودان لأنو وجودهم كان حيحدث فرق واضح فى ما هو موجود فى ساحة الغنا او الموسيقى السودانيه بشكل عام.
الكلام ده صعب انو الواحد يقولو لكن مع الاسف دى الحقيقه لأنو اذا الفنانين السودانيين ما بطلوا المسألة بتاعة انو يجيبوا اللحن ويعملة\وا ليهوا بروفه او اثنين بدون توزيع و لا غيروا ما حنقندر نزح من المكان الواقفين فيهو اللى هو مكان متأخر جدا.
| |
|
|
|
|
|
|
|
|
|
Re: ادونا رأيكم (Re: هشام كمال)
|
الاخ هشام
ما يعجبنى فيك هو جرائتك اللحنية وافكارك الموسيقية __ عزيزى ارجو متابعة موضوع العلاقة مابين العازف والمطرب __ ارجو متابعة تاريخ العلاقة مابين الالة الموسيقية والمطرب وكيف تطورت الاحداث الى ان ظهر جيل متعلم له القدرة فى التنظير للمادة التى يقدمها .... طبعا الكلام ده كثير لكن مهم واتمنى من الخبراء والعاملين بالحقل الفنى المساهمة بالاراء فى هذا الموضوع _ والى الامام
| |
|
|
|
|
|
|
|
|
|
Re: ادونا رأيكم (Re: هشام كمال)
|
فالعازفين المتعددين يضيفون احساسهم ..ويتعاطفون مع صوت الفنان بمداخل عديدة وذلك فيه أثراء لجمالية الاداء
وعن المقطع اعلاه بفتكر انو الكلام دا كان زمان, زمن كان العازف هو الموسيقى و يستطيع ان يدلى برأيه فى العمل الفنى ليضيف له و يحزف منه لأنو معظم الفنانين ما كانو متخصصين و بالتالى دا ساهم بلمعان اسماء كبيرة و انا بفتكر انو لمعانهم دا كان من خلال الفنانين كعمنا محمديه لأنو ما عندنا الا قليل من العازفين النجحوا انهم يكونوا شخصياتهم المستقلة امثال الفاتح حسين و مجدى العاقب وبالتحديد داخل السمندل ومع الاسف معظمهم ما موجودين فى السودان لأنو وجودهم كان حيحدث فرق واضح فى ما هو موجود فى ساحة الغنا او الموسيقى السودانيه بشكل عام.
الكلام ده صعب انو الواحد يقولو لكن مع الاسف دى الحقيقه لأنو اذا الفنانين السودانيين ما بطلوا المسألة بتاعة انو يجيبوا اللحن ويعملوا ليهوا بروفه او اثنين بدون توزيع و لا غيروا ما حنقندر نزح من المكان الواقفين فيهو اللى هو مكان متأخر جدا.
ونواصل
هشام كمال
| |
|
|
|
|
|
|
|
|
|
Re: ادونا رأيكم (Re: هشام كمال)
|
هشام يافنان..
انا فخور اني كنت من اوائل الناس السمعوك في مسرح مدرسة امدرمان الاهلية زمان..
والان..
اقول انك ماشي ذي المكوه السيف
..
ملحوظه من سمعي البسيط:
التوزيع في قبر الحبيب وياريتك وشايف القمر وبحبك بحر..رائع.
..
احب قوة صوتك مع العود او البيانو.
..
تحياتي الحارة لاخوي الصافي ومبروك مولوده الاخير.
..
تحيه قلبيه
| |
|
|
|
|
|
|
|
|
|
Re: ادونا رأيكم (Re: محمد بهنس)
|
Quote: بفتكر انو الكلام دا كان زمان, زمن كان العازف هو الموسيقى و يستطيع ان يدلى برأيه فى العمل الفنى ليضيف له و يحزف منه لأنو معظم الفنانين ما كانو متخصصين و بالتالى دا ساهم بلمعان اسماء كبيرة و انا بفتكر انو لمعانهم دا كان من خلال الفنانين كعمنا محمديه لأنو ما عندنا الا قليل من العازفين النجحوا انهم يكونوا شخصياتهم المستقلة امثال الفاتح حسين و مجدى العاقب وبالتحديد داخل السمندل ومع الاسف معظمهم ما موجودين فى السودان لأنو وجودهم كان حيحدث فرق واضح فى ما هو موجود فى ساحة الغنا او الموسيقى السودانيه بشكل عام.
|
الغريبة انا ما كنت بشير لــ "تاريخ الاغنية السودانية" اصلا، انا اقصد فى الغنا بشكل عام..
ولا قصدت رأى الموسيقى الشفاهى او التجريبى ..بقصد الحوار الابداعى ..البيتم اثناء الاداء ..يعنى تبادل الاحساس..الجملة الموسيقة لما تطلع من آلة واحدة ..باحساس العازف الواحد بتختلف بدرجة اقل من الجملة البشاركوا فيها عازفين او اكتر ..اذا اعتمدنا مبدأ المهارة فى كلا الحالتين..
قلت بس اقول التصحيح ده..قبل ما تستمر "فاهمنى غلط"..
انا بسمع موسيقى ..برة السودان حسة ..وبشوف ..
قمنا للاحراجات يا هشام انت قلت لى لى رايك شنو،ولا شنو؟
طيب انا منتظرة الباقى ...
| |
|
|
|
|
|
|
|
|
|
Re: ادونا رأيكم (Re: Tumadir)
|
| Quote: بقصد الحوار الابداعى ..البيتم اثناء الاداء ..يعنى تبادل الاحساس..الجملة الموسيقة لما تطلع من آلة واحدة ..باحساس العازف الواحد بتختلف بدرجة اقل من الجملة البشاركوا فيها عازفين او اكتر ..اذا اعتمدنا مبدأ المهارة فى كلا الحالتين.. |
استاذتى الفاضله الحوار الابداعى البيتم اثناء الاداء وتبادل الاحساس يا سيدتى داكلو بتفق معاك فيهو لكن الكلام دا وين هنا فى السودا اللى قاعدين فيهو و بالمتاح اليوم و لامكان تانى؟ بالاضافة لانو المهاره ما كلو شئى الالتزام وتحمل مسؤلية العمل الفنى وهل المتاح الآ عارفين هم بيعملوا فى شنو؟
مع فائف التقدير
هشام
| |
|
|
|
|
|
|
| |
هشام كمال
خدر
Adil Osman
Yassir Tayfour
Elawad Eltayeb
saif basheer
أبوذر بابكر
Dr. Moiz Bakhiet
Elmosley
محمد سنى دفع الله
nashaat elemam
tmbis
Muna Khugali
Abuobaida Elmahi
Tumadir
منعمشوف
فيس بوك
تويتر
انستقرام
يوتيوب
بنتيريست