|
Re: تـسـلـط الـزووووجـات ........ إلـي مـتـييييييييي ؟؟؟ (Re: غادة عبدالعزيز خالد)
|
أولاً أعتذر في التاخر علي الرد , في معلومة مهمة جداً يا أخت غادة وهي أن الزوج والزوجة
مهمومين بمستقبل أولادهم ولذلك دائماً الزوجة عاملة من الحبة قبة وبتشيل الهم أكتر من
الزوج وهي دائماً المحرض الرئيسي للزوج من أجل المصلحة العامة , وهي حقيقة لا يمكن لاي
زوج إنكارها طبعاً إلا من رحم . وبعدين أنا ما زائغ من إقتراحاتك التالية
Quote: إلا أن هنالك طرق أخرى, كيف لك أنت و الأبناء أن تساعدوا فى رفع العبْء عنها.. يوم إجازة, بلا طبيخ و بلا مسؤلية ابناء يوم لها و لصديقاتها من النساء |
هذا الأمر والله حاصل , المطلوب هو فقط التوعية والسلام أمان .
| |
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: هاشم أحمد خلف الله)
|
Quote: إلا أن هنالك طرق أخرى, كيف لك أنت و الأبناء أن تساعدوا فى رفع العبْء عنها.. يوم إجازة, بلا طبيخ و بلا مسؤلية ابناء يوم لها و لصديقاتها من النساء او غير ذلك من الحلول |
غادة بت اختى .....يحلحل راسك
والله كان قعدنا معاكم يوم واحد فى البيت مامرقنا من الصباح. لى المساء سمع اضانى تقطعن فينا... والله الراجل قاعد لينا فى البيت زى حلة الاسود لا داير يمرق لا داير يريحنا سولينا القهوة سولينا الشاى... انتن شكيت محنكن ،،،،،
| |
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: طارق ميرغني)
|
Quote: والله يا حبيب انا كتبت في المنبر اليوم عن: (كلبك ينبح وزوجتك تصرخ لمن تفتح الباب) قبل ما اقرا مشلركتك لكن يا صديقي same same |
الأخ طارق ميرغني تحياتي القلبية لك ومشكور علي المرور والحمد لله أن الفهم واحد والمطلوب
في النهاية الحل , وجايك بالمهلة يا طارق اخوي اصلو الليلة الجمعة ومن الصباح مافي دوام
ولا زحمة شوارع .
| |
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: هاشم أحمد خلف الله)
|
Quote: غادة بت اختى .....يحلحل راسك
والله كان قعدنا معاكم يوم واحد فى البيت مامرقنا من الصباح. لى المساء سمع اضانى تقطعن فينا... والله الراجل قاعد لينا فى البيت زى حلة الاسود لا داير يمرق لا داير يريحنا سولينا القهوة سولينا الشاى... انتن شكيت محنكن ،،،،، |
صديق الموج
منو القال ليك عاوزنكم تقعدوا فى البيت . .
عاوزنكم تسوقوا الأولاد و تنكشحوا كلكم برة البيت
سلام يا هاشم ليك و لناس البيت.. أها يوم اجازة المدام متين
| |
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: غادة عبدالعزيز خالد)
|
Quote: سلام يا هاشم ليك و لناس البيت.. أها يوم اجازة المدام متين |
العزيزة غادة إنت عارفة إنو أم أحمد لو أخذت إجازة إلا تكون عيانة لآنها ما شاء الله عليها
حركة دائماً في البيت وجنها وجن الوساخة , لكن بيني وبينك أنا يوم الأربعاء والخميس بكون
سواق العيالة يعني إي مكان عايزين يمشوا ليهو علي طول بدويهم .
أها .... لقيتني كيف ؟؟؟؟
| |
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: حيدر حسن ميرغني)
|
Quote: هاشم
ما معانا كيف
انتا عاوزها تعضي زوجها وللا شنو
ماشايف الزولات ديل ما قالن بغم في العضة الخطرة دي
صدقني لو الزوج هو اللي عضا الليلة بوستك ده كان بقى فراش عديل |
حيدر أخوي كدي جرب كده وأعمل ليك عضة ونشوف صحي البوست حا يبقي فراش ولا لا ؟؟؟؟؟
طبعاً بالهزار لانو بالجد أنا عارفك ما حا تقدر تعملها وبعدين ما يقولوا أنا بحرشك .
| |
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: صديق الموج)
|
سلام من تانى
كيفك يا هشام أخوى و يا ناس صديق الموج و كلكم ؟؟؟؟
Quote: وإعطائنا نحن الأزواج مساحة حرة
نتنفسها ( هرجلتكم مع الأطفال وصوتكم العالي شئي لا يطاق ) |
لمن قريت كلامك دة ضحكت و إتزكرت عندنا صاحبتنا هنا ،، رافعة يدها من العيال و من البيت و من كلو " ما شاء الله" بخدامتها و طباختها ،، بس عليها "تجيه" روحها و كدة ،، أها دى لمن أمها تجيها زيارة بتكون بس قاعدة ليك وصايا فيها ،، كان "كوركت" ساى فى أولادها طوالى بتقول ليها : هوى يا بتى ما تصرخى و تكتلى روحك و يجيك ضغط،، خلى أبوهم يصرخ فيهم !! ،، شفت كيفن ؟؟؟؟
أها ناس ود الموج ديل بقى "ليهم طولة العمر" ،، و خليهم بس كدة "حارقين" دمهم و دم أمهات عيالهم،،
باي باي
سلامات أختنا غادة و نورت الموضوع
| |
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: عبد الدائم سيد أحمد)
|
Quote: كان "كوركت" ساى فى أولادها طوالى بتقول ليها : هوى يا بتى ما تصرخى و تكتلى روحك و يجيك ضغط،، خلى أبوهم يصرخ فيهم !! ،، شفت كيفن ؟؟؟؟ |
العزيزة الغالية نوسة ( أم التومات ) سلامات وطولتي الغيبة إنشاء الله المانع خير وأبو التومات
علي أحسن حال , وأنا كمان بعتذر في تاخير الرد لكن موضوع أرشفة المواضيع والنظام الجديد شوية
كده خلاني أتوقف وأعرف الحاصل شنو بالظبط ؟؟؟ وما عايزين نثقل علي أخونا بكري بالكتابة .
طبعاً صاحبتك دي ربنا إنشاء الله يسعدها ويسعد جميع الزوجات , لكن بيني وبينك كده , نقة الزوجة
بعد مرات ركزي معاي بعد مرات يعني ما طوالي بتشعر الزوج أنو لسع عائش وعنده عمل وطلبات
لا بد من تنفيذها وصاحبتك في إعتقادي محتاجة ليها ( كم كباية كده وكم صحون كده تتكسر عشان
تصحي من نومها ونسمع صوتها .
دمتي أختي نوسة وما تشوفي شر إنشاء الله .
| |
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: ismeil abbas)
|
Quote: تسلط الجيران لمتين ؟؟؟؟ |
أخوي العزيز الفاضل ( مش الفاضل الملك ) لك مني عاطر التحايا والود
أعتقد أن الجيران تسلطهم لا يقل شأناً من تسلط الزوجات لانو ممكن تصحي
الصباح تلاقي جارك منتظرك وبقول ليك أولادك كسرو لي زجاج العربية أو
اولادك رموا الزبالة جنب بابنا وووووتسلط فايت الحد لكن برضو والحمدلله
في تفاهم ويندر جداً أن تجد وأحد متسلط .
| |
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: هاشم أحمد خلف الله)
|
Quote: إنتهى الربع ألأول وما زلنا مع تسلطهم الحلو الجميل.....
ورحل معنا للربع الثانى وإن دل هذا إنما يدل على حلاوة الموضوع
ونأمل أن يكون معنا ومقيمآ بيننا ودائمآ فوق لنستمتع بمداخلات الحلوين |
العزيز الغالي إسماعيل عباس لك الشكر اجزله علي المتابعة والحمد لله الفكرة
تم إستيعابها من جميع أعضاء المنبر المتداخلين ونأمل أن يستفيد الجميع
من مداخلتكم والتى تضفي علي هذا البوست روعته ورونقه , ولا فخر أنتم جميعاً
أصحاب هذا البوست .
| |
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: هاشم أحمد خلف الله)
|
هاشم ازيك.. اولا انا ما قريت معظم المداخلات.. بس العنوان استفزاني عديييل كدا وجابني داخلة عندك.. النسعلك يا هاشم.. مانحن طول عمرنا مساكين العنز تاكل عشانا.. وصامات خشمنا وخات عليهو طبلة تري سيركل.. بس يومنا اللي يقدر الله ساكت نفتحو.. كب تشبوا لينا في حلقنا وتسموهو تسلط نسوي وجندرة وفندرة وشراية ونقدة.. وما بعرف شنو.. يا اخوانا قولوا بسم الله.. مالكم ؟ نحن لهسع ما لبسنا نعلاتنا بالقلبة وقلنا الثورة انطلقت.. تقوموا تسموهو تسلط نسوي.. بسسسسسسسسسم الله الرحماااان الرحيم.. حيت..حيت..محمد معانا ما تغشانا.. فتك بعافية.. انا منسلة برااااحة مارقة.. الخواف ربي عيالو.. حليمة
| |
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: هاشم أحمد خلف الله)
|
هاشم قالو دق الجراب خلي الجمل يخاف الكوريكه دي مالي الكبايه ولا لي البت دي ليك انت ده والكلام ليك ياالمرخي اضنيك وفكه ليكم مافي عديل بعد الشفع ديل سيك سيك وعلقت فيك واعلنا الحرب عليكم
قالو في واحد مرته ممغساه مغس وكاسره قلبه وكتر عليه شديد جا لقاها قاعده في العنقريب قال ليها اكان اكان قمتي طلقانه واكان قعدتي طلقانه قالت ليه اها رقدته سلامي لي ام احمد وخلونا نشوفكم عفاف ابوحريره
| |
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: محمد على طه الملك)
|
Quote: وفكه ليكم مافي عديل بعد الشفع ديل سيك سيك وعلقت فيك واعلنا الحرب عليكم |
المربية الفاضلة عفاف ابو حريرة ( أم أحمد ) لكي مني ومن أم أحمد زوجتي عاطر التحايا والود
ولك الشكر أجزله , طبعاً يا أم أحمد ماشاء الله وضعكم زي وضعنا بالظبط ولد وأحد والباقي بنات
ربنا يحفظهم لينا وليكم وربنا يرزق كل زوجين بأطفال علشان يكسرو ليهم كباياتهم وصحونهم
ويعلا صراخهم وكواريكهم .
أم أحمد طبعاً بدون قطع شك تاعبة البنات تعب شديد والسيد أحمد مدلع دلع شديد من جانبك إنت
زي زولتي أم أحمد ولو كسر إي حاجة سلامتك يا ولدي وتبرا يا ود أمي لكن المسكينات ديل ليهم
الله عصر شديد , ما غسلتي العدة ليهسع وإنتي عميانة ما بتشوفي والملايات دي لسع ما غيرتيها
أما السيد أحمد يرمي الهدوم في إي مكان وغرفته مامرتبه وطلباته كلها أوامر أنا طبعاً بتكلم
عن زوجتي أم أحمد ( الحور العين ) أمد الله في أيامها , لكن بتخيل كل بيت فيهو أحمد وأخواته
البنات عائش ملك وراسو براس أبوه .
وبعدين سيك سيك معلق فيك , ما خلاص ده قدرنا ورضينا بيهو يعني نعمل شنو ؟؟ بس حلقومكم ده
والله يوم بتطق عديل كده أعملو حسابكم .
| |
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: عفاف أبو حريرة)
|
Quote: صحي ود جباره قولو الحرب قامت |
ود الملك أخوي قـلـبـك أبـيـض صاحبك عادل جبارة الليلة دي اولأده وصلوا للسعودية - الرياض
الساعة الحادي عشر والنصف صباحاً وطبعاً هو رافـع الـرايـة وقال لي (I LOST MY PASS WORD)
وده كله عشان خائف من الحور العين حقتو , لازم يعمل إحتياطته كويس وبيني وبينك هو هسع دي
فاضي من غسيل العدة وكنس البيت .
| |
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: هاشم أحمد خلف الله)
|
ألأخ/هاشم
الحمدلله على سلامة أولاد أخونا عادل جبارة...ولفد حادثتهم وهم فى المطار أم أحمد وأمنية وألآ وهيفاء وأحمد ربنا يحفظهم ويقضو إجازة سعيدة بيننا..........
أما قصة الباس ورد دى........أنا عرفتها من أمس بس ما حبيت أجيب سيرتها لكن ما دام جا منك يا هاشم............ده شكلو تكتيك إستراتيجى...
أولآ:كيف فقده وهل هذا الكلام صحيح؟ ثانيآ:لماذا أمس فقط فقده؟
ووالله فعلآ دى ألأيام المفروض يضيع فيها الباس ورد...
وياجماعة بمشيئة المولى أنا الباس ورد تبعى سوف يضيع ألأسبوع القادم مافى حد أحسن من حد...
أنا بقترح ياأخ هاشم أن يكون العنوان تسلط الزوجات بدون إلى متى؟؟؟عشان يكون بلاحدود.
تحياتى ..........إسماعيل محمد أحمد عباس............
| |
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: ismeil abbas)
|
Quote: أولآ:كيف فقده وهل هذا الكلام صحيح؟ ثانيآ:لماذا أمس فقط فقده؟ |
تعرف يا سمعة أخوي ليه أنا كاتب ليك باللون الأحمر عشان تعرف أنو
صاحبك عادل جبارة كتب علي باب شقته ممنوع الإقتراب أو التصوير . تخيل
أمبارح بالليل مشينا نسلم عليه وعلي أولاده كل مرة يعاين في ساعته لحدي
ما خلاص زهج وقال لينا يا هاشم أخوي شايف أولادك ديل نعسوا شديد الظاهر
الليلة دي ساهروا .
هع قال فقد الباسورد بتاعو قال علي منو يا خفيف .
| |
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: هاشم أحمد خلف الله)
|
سمعة .. هي كياشة ساكت ؟؟ بنسداها .. والله أنا الأسعد بمعرفتي لمجموعتكم الرائعه دي .. والفضل للنسو.. اقصد اخوي الحبوب مبتدع هذا البوست الاجتماعي الهادف ..
دقيقة: هاشم قالوا زرت الراجل .. اها قابلك كيف ؟ يعني كان مبتسم وللا كاضم .. مبتسم ! يبقي إنت زيارتك كانت بدري قبل ما ست البيت تفتح دولاب المطبخ وتشوف الكبابي الراصيهن مع الحلل ..
| |
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: هاشم أحمد خلف الله)
|
ألأخ/هاشم
تحياتى, والله لو جيت للجد مفروض إدوكم أنتو كرت أحمر...........
يعنى خلاص الشوق كاتلكم..........إنتوا ممكن تصبروا لكن البصبروا هو شنو...........
ما كويس إنو إستقبلكم..ده تسلط أصحاب كمان............
تسلط ألأصدقاء ................إلى متى؟؟؟؟؟؟؟؟؟؟؟؟؟؟
ألأخ/الملك الظريف ...بنديك فرصة إسبوع عشان تتسده وإلا تكون مهزوم واحد صفر.......نحن السعداء بمعرفتك........وبارك الله فى تسلط الزوجات .ودى من ألأيجابيات.......
الله إديكم ألعافية جميعآ..........إسماعيل محمد أحمد عباس...........
| |
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: ismeil abbas)
|
Quote: تسلط ألأصدقاء ................إلى متى؟؟؟؟؟؟؟؟؟؟؟؟؟؟ |
طبعاً يا سمعة بكتب ليك أنت بالأزرق لاني عارفك مريخابي وزي ما المثل بيقول
خير وسيلة للدفاع الهجوم وطبعاً كلامك الفوق ده حرفنة منك عشان أولادك جايين الأسبوع
القادم وعايز تعمل لينا فيها مصدات لكن علي منو يا خفيف وراك وراك وكمان حايكون هناك
تسلط الأطفال يلا شد حيلك .
| |
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: عماد محمود علي)
|
Quote: في عالم جبانات بي شكل الواحد مرته تكون جنبه يكتب بالانجليزي لو حدرت ليهو ساكت يكتب مثل الكلام ده . |
إنت الليلة الجابك بيجاي شنو ؟؟؟ خلاص رفعوا عنك الحظر بعد ما خلاص غسلت العدة وحميت ولدك الصغير
يا عماد أخوي أنا لا جبان ولا حاجة وعلي فكرة زوجتي بتعرف إنجليزي أحسن مني كمان , و ما بخاف
والدليل آل لو لو .
| |
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: هاشم أحمد خلف الله)
|
أخي هاشم
تحية
عندما يعلو صوت الزوجة فهذا يعني أن وراء الأكمة ما وراءها وأن لها طلب يمثل عبئاً- أياً كان - قد رفض وانه ليس له علاقة بالموضوع الذي فيه علا صوتها وإنماكلمة حق يراد بها باطل وذريعة للتحرش لفتج جبهة تصفية حساب الطلبات المرفوضة .. وعندما تصمت فور هذه المشكلة فعلا الزوج أن لا يطمئن لأن الموضوه ( إستراحة محارب ) فقط وإنها هدنة للبحث عن تكتيك آخر يجبر صاحبنا بالتسليم وإجابة الطلبات لأن العرض الذي قدمته لم يحقق النتائج التي كانت تتوقعها لأن الزوج لم يستجب ولم يقم برد الفعل الذي كانت تتوقعه لتصعيد الأمر .. أو أنها ستلجأ لضرب البوز الذي سينعكس سلباً على الأولاد وذلك حتى يتم تلبية الطلب ليتم التصالح .. الأولاد مش مهم المهم الطلبات!! .. المرأة الذكية هي التي تشعر الرجل بأنه الآمر الناهي ومتى رفض لها طلب وغستجابت للرفض برضى وكياسة ، عليها أن تتأكد بأنه سيلبيه لها لأنه سيعاتب نفسه ويقول ( حرام يكون نفسها في حاجة وما أوفرا ليها طالما أنا قادر) ولأنها كانت إيجابية في ردة الفعل ولم تتسلط وتصر .. هل من العقل أن يلبى طلبها بطيب نفسٍ وخاطر أم قسراً؟!.. إن المرأة التي تشعر زوجها بأنها تحصي عليه أنفاسه وتحسب خطواته هي زوجة فاشلة.. زوجة بدرجة سجان!! وإن كان الزوج يمثل لها السجين فلا بد أن يأتي يوم ويستعيد حريته عندها ستسمع نشيد وردي ( أصبح الصبح فلا السجن ولا السجان باقي)!! ويبدأ الندم !!.. لأن لكل سجين محكومية تنتهي بأجل أو ثورة تكسر الأغلال.. فاحذري أختي من التسلط .. اجعلي بيتك مكاناً للمودة والرحمة والتراحم!!
| |
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: ابوبكر يوسف إبراهيم)
|
Quote: أخي هاشم
تحية
عندما يعلو صوت الزوجة فهذا يعني أن وراء الأكمة ما وراءها وأن لها طلب يمثل عبئاً- أياً كان - قد رفض وانه ليس له علاقة بالموضوع الذي فيه علا صوتها وإنماكلمة حق يراد بها باطل وذريعة للتحرش لفتج جبهة تصفية حساب الطلبات المرفوضة .. وعندما تصمت فور هذه المشكلة فعلا الزوج أن لا يطمئن لأن الموضوه ( إستراحة محارب ) فقط وإنها هدنة للبحث عن تكتيك آخر يجبر صاحبنا بالتسليم وإجابة الطلبات لأن العرض الذي قدمته لم يحقق النتائج التي كانت تتوقعها لأن الزوج لم يستجب ولم يقم برد الفعل الذي كانت تتوقعه لتصعيد الأمر .. أو أنها ستلجأ لضرب البوز الذي سينعكس سلباً على الأولاد وذلك حتى يتم تلبية الطلب ليتم التصالح .. الأولاد مش مهم المهم الطلبات!! .. |
دكتور ابوبكر تحياتي لك وللاسرة , والله يا دكتور أصبت كبد الحقيقة وكلامك ده فعلاً هو الحاصل في
كل بيت تقريباً والمشكلة إنهن لا يصدقوا كلامك ولو حلفت برب الكعبة , يعني لو هي وضعت تصور معين
في راسها الله يعينك والله لو جبت مفردات اللغة العربية كلها ما تعمل ليها إي حاجة .
سؤال يا دكتور ليه دائماً الزوجة بيكون في خيالها واحدة تانية مشاركها في زوجها ؟؟؟؟؟؟؟؟؟؟
| |
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: غادة عبدالعزيز خالد)
|
Quote: اخونا هاشم
و الله بقيت حريييييف...
الخواف ربا عيالو
سؤال اخر...
المدام لسة متسلطة؟؟
كل التحية |
غادة
العزيزة الغالية غادة عبدالعزيز تحياتي لك ولاسرتك الغالية
أولأً من ناحية بقيت حريف أكيد حريف والإ ما إستمرا هذا البوست كل هذه المدة
Quote: سؤال اخر...
المدام لسة متسلطة؟؟ |
السؤال ده أنا بوجه ليك إنت يا غادة , وبعدين عليك الله في زوجة في الدنيا دي ما متسلطة
هو تسلط وبس كمان معاها سلبطة , يعني قلنا شريكة الحياة مافيها حاجة لكن إي حاجة حقت
الزوج بقدرة قادر تبقي حقتها هي ؟؟؟ عليك الله الكلام ده حاصل ولا ما حاصل , منتظر ردك .
| |
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: هاشم أحمد خلف الله)
|
Quote: يعني قلنا شريكة الحياة مافيها حاجة لكن إي حاجة حقت
الزوج بقدرة قادر تبقي حقتها هي ؟؟؟ عليك الله الكلام ده حاصل ولا ما حاصل , منتظر ردك . |
الأخ العزيز هاشم
و الله كلامك اضحكنى تعرف, أحد اصدقاء معز (زوجى) كان رافضا الزواج.. و كان يقول "أنا امشى براااااااى, أجيب وحدة تشيل منى اى حاجة.. بالله حتى البطانية ما يخلوها ليك" اما معز, حتى اكلو ما خالاهو ليهو علشان كدة هو ضعيف...
كل التحية غادة
| |
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: غادة عبدالعزيز خالد)
|
هشوم المهموم بهمومنا،،
تحية تسلط برئحة كبابي عصير ليمون
والله أنا قلته الولد ده بقي كمال عبدالوهاب في زمن بشاره
يلقطه قبل ما تصل حامد بريمه والله يكون في عونك من تلسط عماد
وعادل بالمناسبة التحية لك ولهم الأتنين أحبتي النسوان ديل
في وووب مافي وووبين!! الله يخليهم بي تسلطم وتظليتم لجيوبنا كمان
عمر مديد وربع سعيد لكل التسليط الفي الكون ده ويارائع بنرد ليك
الزيارة عليك الله في كباية بتتكسر اليومين ده بيني وبينك كده؟
أبوقـ مجدي عبدالرحيم ـصي،،
| |
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: حبيب نورة)
|
Quote: و الله كلامك اضحكنى تعرف, أحد اصدقاء معز (زوجى) كان رافضا الزواج.. و كان يقول "أنا امشى براااااااى, أجيب وحدة تشيل منى اى حاجة.. بالله حتى البطانية ما يخلوها ليك" اما معز, حتى اكلو ما خالاهو ليهو علشان كدة هو ضعيف... |
غادة والله منورة البوست وعلي فكرة زوجتي ( أم أحمد معجبة بيك جداً ونفسها تتعرف عليك ) عارفة ليه ؟
عشان تقول ليك والله هي ما متسلطة لكن علي منو . العبي غيرها يا متسلبطة .
| |
|
|
|
|
|
|
تسلط الزوجات (Re: هاشم أحمد خلف الله)
|
الأخ / هاشم تحياتي والحمد لله إنو (تسلطكم) طلع ونسه وها أنت ما زلت علي قيد الحياة مما قابلتك مع د. كرم الله كنت ناوي المداخله لكن الزحمة حاصله عموما..... صاحبك كان ماسك الورق والعشره حريق علي وشك النهاية يا غالب يا مغلوب في اللحظة ديك الوليه قامت تنادي أبو محممممممد..تعال!!!!!!! تصدق انو صاحبك دك الورق وقام وعلي كل حال لإن تتكسر الكبابي في البلاط فهو اقل ضررا من تكسرها علي الرؤؤس المحبة لك وأسرتك والله يحفظكم
| |
|
|
|
|
|
|
Re: تسلط الزوجات (Re: علي الكرار هاشم)
|
Quote: النسوان ديل
في وووب مافي وووبين!! الله يخليهم بي تسلطم وتظليتم لجيوبنا كمان
عمر مديد وربع سعيد لكل التسليط الفي الكون ده |
ابو قصي والله أنا سعيد جداً جداً بمرورك من هنا وما عندي تعليق أضيفه لكلامك ده لكن نقول هن رحمة
لنا بتسلطهم وسلبطتهم الما عندها أول ولا أخر .
| |
|
|
|
|
|
|
Re: تسلط الزوجات (Re: هاشم أحمد خلف الله)
|
Quote: يا أخوي انت لسة مزرزر؟؟ عاد لا حولا لا قوة يحلك الحلّ بلة
وينك مشتاقين
شكرن كتيرن! |
حبيب نورة قول لي عليك الله الحلة بلة منو عشان أمشي ليهو , شكراً جزيلاً علي المرور يا مسخوت .
| |
|
|
|
|
|
|
Re: تسلط الزوجات (Re: هاشم أحمد خلف الله)
|
Quote: صاحبك كان ماسك الورق والعشره حريق علي وشك النهاية يا غالب يا مغلوب في اللحظة ديك الوليه قامت تنادي أبو محممممممد..تعال!!!!!!! تصدق انو صاحبك دك الورق وقام |
اولاً سلامات يا علي الكرار وربنا يكتب سلامة الدكتور كرم الله ومشكور جداً علي المرور في هذا البوست
لكن صاحبك بتاع الكوتشينة ده طلع مستهبل تلاقيه لا كان قافل ولا حاجة وحبه بس يدك الورق وبيني
وبينك الغلب حار خاصة لو كان العدد كبير , علي فكرة إنت معزوم معانا عشرة كوتشينة في دار
رابطة أبناء الصحافة بالرياض يوم الخميس الجاي ده لكن أقفل جوالك عشان بعدين ما تتصل عليك
المدام وتدك لينا الورق .
| |
|
|
|
|
|
|
Re: تسلط الزوجات (Re: هاشم أحمد خلف الله)
|
كتب نذار حسين الأتي
Quote: يا هاشم... عندي الحياة كلها مسرحية كبيرة جدا...والحياة الزوجية مشاهد من المسرحية الكبيرة
والحيلة انطلت علي زوجتي...لما بقت مسكييييييييييييييييييييييييييييييييييييييييينة....
تقوم يا سيدي ليك...تسترجع من ذاكرتك...الحريم كسأرات العدة...والكوراكات...والبزعلن سريع...
والبحرّقن الصاج...والبجيبن الشاي مقرّض...والبقهّن في المسلسل...والرجال الكشاتين...وناس اب غازيه وام فتفت...ديل كلّهم كان فتشت عليهم بتلقاهم...يلا تقوم لامن تحصل مواقف فيها شوية ماس أو كهرباء...نوع ( أحذر هنا ضغط عالي) تقوم تمسرح الشغلانة علي حسب الموقف...المسألة عايزة تمرين تمرينين... يعني اقلب اللحظة الحرجة دي الي مسرحية...وأحيانا كلمة واحدة...بتزيل الغضب...
مثلا في موضوع تكسير الكبابي دي: عندنا حبوبتنا مشهورة بي كسير العدة: طوالي بنحاكيها لما تنكسر كباية...(البلاء اليبلاق ويكقسر كلاك...) ولاحظ انو حبوبتنا ما عندها سنون...الكاف بتجي حاجة ما بين الكاف والقاف والخشم مكفوف لي جوة...(انت بس جرّب) وشوف كان تاني يتسلطوا عليك...المسأله حا تعدي كمزحة... |
اولاً مشكور علي المداخلة يا نذار لكن مداخلتك دي شفتها هسع دي وبالصدفة لانها لم تكن ضمن التسلسل
المتبع ومشكور جداَ لطرحك مثل هذه المواضيع .
| |
|
|
|
|
|
|
Re: تسلط الزوجات (Re: هاشم أحمد خلف الله)
|
Quote: حبيب نورة قول لي عليك الله الحلة بلة منو عشان أمشي ليهو |
هشومي !! كُرْ عليك .. مالك ماشي ليهو بي رجليك !!! إنت ماعارف أنو بله حلاهو الموووووت ؟؟؟
| |
|
|
|
|
|
|
Re: تسلط الزوجات (Re: عادل جبارة)
|
Quote: علي فكرة إنت معزوم معانا عشرة كوتشينة في دار
رابطة أبناء الصحافة بالرياض يوم الخميس الجاي |
هييييي !! بختنا هاشم جايييي يوم الخميس أدوهو الأذن ؟؟؟
| |
|
|
|
|
|
|
Re: تسلط الزوجات (Re: عادل جبارة)
|
Quote: هييييي !! بختنا هاشم جايييي يوم الخميس أدوهو الأذن ؟؟؟ |
أنا إنشاء الله بجي يوم الخميس لكن إنت كيف ؟؟؟ بتجي ولا غيرو ليك قفل الباب
وبعدين إنت مسجل غياب طويل من المنبر مافي زول سألك , مالك ومال المشاكل .
| |
|
|
|
|
|
|
Re: تسلط الزوجات (Re: عادل جبارة)
|
بيت التسلط أهلي وأحبابي،،
قايتوا ياهشومي ! أتسلطنا عليك جنس سلطة مره بعادل جبارة ومره مرقة عمادمحمود الواحد لما بقي يجي توش خاشي المطبخ عديل كده وأم أحمد تشيل شيلته العده الغالية تدكنه لجوه وتخلي الرخيصه نعوس فيها وبعد ما نمشي أنا قايتوا السوق ما بيمرقك كان لود جبارة أناشايف كراتين كبابيهو من جده هنا في دفار عديل ومعاهو هدية لعماد محمود كبابي شربات ومعاها ترامس شاي كل مطبخ بما فية ينطخ من الكسير وتحياتي لكم أحبابي عشان أم قصي متسلطه علي أوديها العمره الليله بديكم دعوه كاربه تسكر الفي الرفوف والمدكن جوه الكراتين وبعاود ليكم تاااااااااااني ،، أبوقـ مجدي عبدالرحيم ـصي،،
| |
|
|
|
|
|
|
Re: تسلط الزوجات (Re: مجدي عبدالرحيم فضل)
|
العزيز هاشم لك التحيةولام احمد ضعفها الزوجات ديل ما عندنا ليهن اي لوم..ياخي عليك الله
ما كفاية التسلط التاريخي الواقع عليهن ..والظلم الواقع عليهن من المجتمع المتوارث
وكمان عايزين نصادر منهن حقهن في السلطة في البيت ..هسة انت لو زهجت ساكت كدة بدون سبب
بتروح تفرق مع العزابة أو اي مكان تجدد روحك وتفك زهجتك ..ده لو اصلا ما صدّرت الزهج ليها
من خلال انتقادك لاي شئ يقع في عينك ..ولو ما لقيت حاجة تشيل شوفك وتختو في الاكل ..السلطة
دي ماله مقطعة كباره ..الملاح ده ملحو زايد انت دايرة تجيبي لينا الضغط..وشنو شنو ماعارف..
وده كلو كوم ..والكوم التاني انو المؤسسة الزوجية انا رايي فيها جاهرت بيهو كم مرة ولحد
هسة النقاش حول الراي ده مااتناقش بشكل جيد..وتاني بطرحو هنا في هذا البوست بعد ما "كباية
اتكسرت" عايزين نكسر الحاجز ونتناقش في حقيقة هذه المؤسسة والرأي ما عايزين مرجعتو دينية
عشان المؤسسة الزوجية سابقة للاديان ..عايزين نعرف الظرف الموضوعي الذي اوجدها بهذه الشروط
المفروضة للطرفين..وما مدى فاعلية هذه المؤسسة وصمودها في المستقبل مع جملة المتغيرات التي
حدثت عليها تأريخيا ..انا رائي فيها انها متخلفة ومو وشروطها تقليدية ..وأرى فيها مهزومة
في المستقبل البعيد..وعايزين نشوف الناس رأيها شنو؟
| |
|
|
|
|
|
|
Re: تسلط الزوجات (Re: عبد المنعم ابراهيم الحاج)
|
هشومي شفته الكلام دخل الحوش !!
Quote: عشان المؤسسة الزوجية سابقة للاديان ..عايزين نعرف الظرف الموضوعي الذي اوجدها بهذه الشروط
المفروضة للطرفين..وما مدى فاعلية هذه المؤسسة وصمودها في المستقبل مع جملة المتغيرات التي
حدثت عليها تأريخيا ..انا رائي فيها انها متخلفة ومو وشروطها تقليدية ..وأرى فيها مهزومة
|
العزيز عبدالمنعم إبراهيم والله يأخي الشراكه دي بين الصاروخ والقمر وأنت شوف الفجوة
دي قدر شنو والمعالجات والتكنيك حتي أن تصبح علي ظهر القمر وهالاتوه والتلآلآ بنجيماته،،
آه مشوار يحفذ الطيار ولنا أن نطير ولنا أن نهبط بمظله وكل الطرق متاحه الي الجميع
وكل من له معيناته وأفضل المعينات هنا ما يزكي الروح وهو الحب ما يحلق بنا نحو هذا
الفناء الشاسع ومطباته الجوية ناهيك عن الأحوال المناخية والعثرات المختلفه هي ذات
ممتع لهذة الرحلة الفضائية الماكوكية وأنا أملك عابر القارات لتلك الرحلة ووصولي كان
بسرعة الضوء وأثمرة النتائج المكتشفه بشهاب أسميته ،،قصي،، أبوقصي
| |
|
|
|
|
|
|
Re: تسلط الزوجات (Re: مجدي عبدالرحيم فضل)
|
Quote: عشان أم قصي متسلطه علي أوديها العمره الليله بديكم دعوه كاربه تسكر الفي الرفوف والمدكن جوه الكراتين وبعاود ليكم تاااااااااااني ،، أبوقـ مجدي عبدالرحيم ـصي،، |
يا سلام عليك يا أم قصي والله ده التسلط ولا بلاش . يعني المسالة جابت ليها عمرة وكده.
| |
|
|
|
|
|
|
Re: تسلط الزوجات (Re: هاشم أحمد خلف الله)
|
العزيز هشومي أبوأحمد،،
عمر مديد وشهر سعيد عليكم وعلي الأسرة الرائعة التي أتت لنا ببقعة النور هذة
لكي نطل عبرها بقبس يهدينا الي السبيل وبكم نسعد أم أحمد سبب هذا الأشعاع المتكثر
حياة والعمره أديناكم حقكم منها نرجوه من الله القبول وأنت ناس عادل وعماد ديل نشوفم
متين إلا في الحرم رياضكم دي بعيده تتور الننننننننفس ودمتم أحبتي .،،أبوقصي ،،
| |
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: هاشم أحمد خلف الله)
|
Quote: سؤال يا دكتور ليه دائماً الزوجة بيكون في خيالها واحدة تانية مشاركها في زوجها ؟؟؟؟؟؟؟؟؟؟ |
وانا بوجه ليك نفس السؤال القال ليك انت انو دايما الحكايه خيال ابدا مرات مابتكون خيال والمراه بصفه عامه عندها مراكز استشعار عاليه جدا قلبها بحسسا ذى مابيقولو والتحسيس بتاع القلب ده بيكون عنده اسباب عديده ومؤشرات كلها بتوري انو فى حاجه ماطبيعيه حاصله غير كده ماتنسى المثل البقول الحرامي على راسو ريشة تلقاه حبيبى براه مقلق ومايرتاح الايكشف نفسه بنفسه وعلشان الجماعه مايهيجو فينى ساكت انا مابعمم الكلام ماكل الرجال كده وماكل السيدات كده وحتى الكدا ديل مااظنهم كتيرين لكن برضو ماشويين وبالتاكيد فى من الزوجات حقيقه مريضات عديل بالغيرة ومابيكون عندهم الامكانيه انهم يفرزو بين العلاقات الانسانيه بين الناس والعلاقات دى عندها مسميات كتيرة ومابتكون عندهم القدرة البتخليهم يفهمو انو الزوج مانزل من القمر او كان قاعد فى جزيرة معزولة من الطبيعى انو يكون بيعرف سيدات وعلى علاقه طيبه بهم جمعتو بيهم دراسه اوعمل او اى مجال اخر وكلامى ده كله برضو بينطبق على بعض الازواج تحياتى لك هاشم
| |
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: محمد على طه الملك)
|
Quote: العزيز عبدالمنعم إبراهيم والله يأخي الشراكه دي بين الصاروخ والقمر وأنت شوف الفجوة
دي قدر شنو والمعالجات والتكنيك حتي أن تصبح علي ظهر القمر وهالاتوه والتلآلآ بنجيماته،،
آه مشوار يحفذ الطيار ولنا أن نطير ولنا أن نهبط بمظله وكل الطرق متاحه الي الجميع
وكل من له معيناته وأفضل المعينات هنا ما يزكي الروح وهو الحب ما يحلق بنا نحو هذا
الفناء الشاسع ومطباته الجوية ناهيك عن الأحوال المناخية والعثرات المختلفه هي ذات
ممتع لهذة الرحلة الفضائية الماكوكية وأنا أملك عابر القارات لتلك الرحلة ووصولي كان
بسرعة الضوء وأثمرة النتائج المكتشفه بشهاب أسميته ،،قصي،، أبوقصي |
العزيز ابوقصي
لك التحية ..حكاية الصاروخ دي طبعا اصدق تعبير عن الحالة بتاعت الزواج واستكشاف
هذه المؤسسة ..قبل الزواج تري "يعني قبل الرحلة الي القمر" تري القمر من علي البعد
ساحر ومضئ ..وتحرسه هالة ذهبية مغرية بتوجه صاروخك نحوها ..وتعاني ماتعاني من ضغط
وانعدام وزن..وويلات ..حتي تحط ركابك علي سطحه ..فتكتشف الصخور والنتوءات والجدب
وانعدام الاكسجين..ثم تنظر الي الخلف الي حياة العزوبية..مكان انطلاقك الاول نحو الارض
فتراها بزرقتها مثل زمردة منضوضة زرقتها تشحنك بالحنين ..ولكن لا خيار لك للرجعة
عليك ان تكيف وضعك ان تكابد لتوفير مناخ صالح علي سطح القمر وما اصعب ذلك ..الوحيد
الاستفاد من هذه العلاقة "هو ابوالدرداق" ظل محبا ومعجبا لكن لم يدخل التجربة..لم يحلق
صوب القمر بعد ليترك عادة التنظيف ..هذه المؤسسة دخلناها وفي معيتنا المحبة ولكنها
خذلت كل صروف المحبة بشروطها التي تحد من حرية الشركاء تجاه عرفها ، تجاه المحيط
الاجتماعي الذي تتحرك فيه، لا سيما محيطنا الشرقي وهو افضل حالا من التجربة في الغرب
التي يقيدها قانون الدولة، ليس هنالك نموذجا اخلاقيا لا يخضع الا شروط الحب التي تتبادر
في اول العلاقة..ثم في منتصفها تتحول الي نمط قاسي..وفي آخرها اجترار الذكريات.
بربك كيف تنظر الي هذه المؤسسة لا كحالة خاصة ناجمة من بنية وعينا التناسلي في
انجاب الابناء والبنات..ولكنها كمؤسسة خلاقة تساهم في فعاليتك كفرد وكمجتمع ..وتجعل
منك أكثر عطاءا بعيدا عن اكتناز الابيض للاسود او ماشابه ذلك؟
| |
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: عبد المنعم ابراهيم الحاج)
|
Quote: العزيز هشومي أبوأحمد،،
عمر مديد وشهر سعيد عليكم وعلي الأسرة الرائعة التي أتت لنا ببقعة النور هذة
لكي نطل عبرها بقبس يهدينا الي السبيل وبكم نسعد أم أحمد سبب هذا الأشعاع المتكثر
حياة والعمره أديناكم حقكم منها نرجوه من الله القبول وأنت ناس عادل وعماد ديل نشوفم
متين إلا في الحرم رياضكم دي بعيده تتور الننننننننفس ودمتم أحبتي .،،أبوقصي ،، |
العزيز ابو قصي أولاً مبروك الصفحة الثالثة والتي تمت علي يديك وهذا إن دل علي شئي فإنما
يدل علي إيمانك بهذا الموضوع وإنشاء الله نتقابل عما قريب ونملي عيوننا بمشاهدة
أسرتك الصغيرة وربنا يديم عليكم نعمة السعادة والهناء .
| |
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: ismeil abbas)
|
Quote: وانا بوجه ليك نفس السؤال القال ليك انت انو دايما الحكايه خيال ابدا مرات مابتكون خيال والمراه بصفه عامه عندها مراكز استشعار عاليه جدا قلبها بحسسا ذى مابيقولو والتحسيس بتاع القلب ده بيكون عنده اسباب عديده ومؤشرات كلها بتوري انو فى حاجه ماطبيعيه حاصله غير كده ماتنسى المثل البقول الحرامي على راسو ريشة تلقاه حبيبى براه مقلق ومايرتاح الايكشف نفسه بنفسه وعلشان الجماعه مايهيجو فينى ساكت انا مابعمم الكلام ماكل الرجال كده وماكل السيدات كده وحتى الكدا ديل مااظنهم كتيرين لكن برضو ماشويين وبالتاكيد فى من الزوجات حقيقه مريضات عديل بالغيرة ومابيكون عندهم الامكانيه انهم يفرزو بين العلاقات الانسانيه بين الناس والعلاقات دى عندها مسميات كتيرة ومابتكون عندهم القدرة البتخليهم يفهمو انو الزوج مانزل من القمر او كان قاعد فى جزيرة معزولة من الطبيعى انو يكون بيعرف سيدات وعلى علاقه طيبه بهم جمعتو بيهم دراسه اوعمل او اى مجال اخر وكلامى ده كله برضو بينطبق على بعض الازواج تحياتى لك هاشم |
الأخت العزيز ماجدة أنا بقول ليك الموضوع ده والله خيال , يعني الواحدة فيكم
أفكارها دائماً تجاه زوجها سلبية خاصة إذا كان زوجها مشغول بالعمل وأحياناً
هم المعيشة وما بتخليهو علي راحتو وطوالي تدخل فيهو شمال ( الشالت عقلك
تتهنابو ) عليك الله هسع ده ما خيال , وأقدر فهمك إنو المسألة دي فعلاً
بتختلف من زوج إلي أخر . مشكورة علي المداخلة .
| |
|
|
|
|
|
|
Re: تـسـلـط الـزووووجـات ........ إلـي مـتـييييييييي ؟؟؟ (Re: ابن الرشيد)
|
Quote: هاشم أخوي .. مبروك التالته حتي لوكانت اسفيرية ..
دقيقه: والله إشتقت لأصحابك ديك اللزموهم بيوتم . |
ود الملك والله في شوق شديد جداً إليك وبيني وبينك كده البوست ده دخل الجزء الثالث بدون ما أشعر
لكن ده كان كله بسبب تواجدكم الدائم وأفكاركم الحديثة .
أما اصحابي فحدث ولا حرج ( عادل جبارة الظاهر مرته جابت معاها مفاريك جديدة من السودان وغسيل
العدة كاسر ليهو ظهره ) أما سمعه عمل بالمثل الحي يفرفر .
علي فكرة يا ود الملك إنشاء الله يوم الخميس القادم عندنا تجمع أسري لبورداب الرياض وباذن الله
تشوفنا كلنا مع أسرنا في هذا المنبر ,
| |
|
|
|
|
|
|
|