|
Re: لما جات عربية الحكومه تاخدنا للنهود و.... (Re: hameem)
|
الهميم والإخوة الأعزاء ،، لكم التهنئة والتحية والإعجاب وقبلهم بالطبع السلام،،
- لو ما الخوف من النقطة والشولة لكنت حلفت بأني قرات أي نقرة بهذا البوست،، - عبرتم عن ذاتي لدرجة أن خيل لي اني خريج المعهد ومتردد (اس تي اس) لو شنات خطي وجهلي بالغرافيك،، - تلاقيت معكم في الكثير أيام كنا قلة طالعين في الكفر : ود الناظر، ود السواق (أبي)،وود الضابط، - حمت (من الحوامة) مع والدي كل هذه المحطات وكنت بحكم عجلة القيادة محتكراً للتندة بين صندوقي الزوادة، وكنت أفسح حيزاً بقربي لمساعد الحلة بحكم السن وحلاوة الصوت وهو ينشد طول الرحلة لا يغمض له جفن،، - الهارموني المتناهي بين طاقم اللوري ،، (أرح أرح أرح) ، هي إنطلقة البداية ، وصوت البوري (نغممتين صارمتين) توحي بقدوم غصن شوك للراكبين فوق ،، كف تتدلى من التندة على القزاز الأمامي يتبعها صوت الفرامل وتوقف،، - الطاعة الظريفة ووداعة مساعد الحلة وإحساسك بالرأفة عليه يقابلها حنق على المساعد الكبير لتمرده وقسوته على الأول وإنشغاله بالطالبات في تودد مفتعل،، وسب الدين عندما يوحل اللوري موحياً للركاب بأن السبب هو السائق : ((خت ليها السري دا موفرو لي شنو))؟؟ - لن أنسى هيجة الوالد حين علم بأني نسيت هدية نجاح دخول المتوسط ساعة (سيكو فايف) في أحد حمامات أم طجوك) ورحلة العودة 20 دقيقة لأسترجاعها،، - رحلات حلوة وظريفة شكلت وجداننا وعلاقات حميمة مع أخوة في النهود وغبيش(جريبان) وحتى ابكارنكة وبرام والضعين،،
- عن القطار : ذلك فتح آخر لن أفيض فيه حتى لا أقطع عليكم هذا الإبداع ،،
أرح أرح ،،
| |
|
|
|
|
|
|
Re: لما جات عربية الحكومه تاخدنا للنهود و.... (Re: hameem)
|
صديقي عادل الهميم ..
موائمتك الرائعة .. بين التشكيل .. والكتابة ..
جعلت .. هذا البوح ..
غناءً حزيناً ..
يهيج فينا ذكريات .. الزمن المفقود ..
رغم أنني ..
لم أركب اللواري ..
ولم أزر .. النهود ..!
ولم أدرس بطقت ..
إلا أنها ..
تخلد .. فيكم ..
وهذا درس .. مجاني ..
في الغناء.. والرسم بالكلمات ..
ومزاملة الحزن ..
نبيلاً ..
هو ذلك الحزن ..
كنبل وفاءكم .. لشظف الترحال ..
فدعونا .. نرافقكم ..
وأفسحوا لنا .. بينكم ..
لنذهب سوياً ..
إلى .. النهود ..
أو ..
( بحصلكم في تكسي إنت عارف أخوك ما زول تعب )
أعود ..
| |
|
|
|
|
|
|
Re: لما جات عربية الحكومه تاخدنا للنهود و.... (Re: كمال علي الزين)
|
Quote: ( بحصلكم في تكسي إنت عارف أخوك ما زول تعب ) |
يا أخوي كمال يا ود علي الزين زي ماقلنا انو البوست ده شركة مساهمة عامة واللي ماعندو قروش بنديهو أسهم مجانية ، أوكى؟ بس قصة تحصلنا في النهود في تاكسي دي صعبه عليك وعلى سيد التاكسي الا اذا كنت قاصد التاكسي الجوي. ياعزيز في قيزان ووديان وسيول الخ... بس لو خفيت رجلك بتحصلنا قبل أبوزبد. الهميم العطشقي .. شالتك نومه ولاسيل؟
| |
|
|
|
|
|
|
Re: لما جات عربية الحكومه تاخدنا للنهود و.... (Re: محمد المرتضى حامد)
|
Quote: يا أخوي كمال يا ود علي الزين زي ماقلنا انو البوست ده شركة مساهمة عامة واللي ماعندو قروش بنديهو أسهم مجانية ، أوكى؟ بس قصة تحصلنا في النهود في تاكسي دي صعبه عليك وعلى سيد التاكسي الا اذا كنت قاصد التاكسي الجوي. ياعزيز في قيزان ووديان وسيول الخ... بس لو خفيت رجلك بتحصلنا قبل أبوزبد. الهميم العطشقي .. شالتك نومه ولاسيل؟ |
الهميم والمرتضى
غبت عنكم عشرة أيام وقلت يمكن يكونوا وصلتوا النهود
لقيتكم لسع في القيزان والوديان ... وحسب المكتوب هنا
انكم راكبين لواري وقطارات ... هي النهود دي بعيدة قدر
ده ... ولا ده : Suspensive post زي افلام ال suspense ؟
ياخي ما كانش ده سفر .... ولا كانتش دي !!!!!! بلد !!!!!!!!!!!!!
| |
|
|
|
|
|
|
|