|
|
|
 Re: سلسلة حوارات صريحة وبلا حساسيّة .. البداية مع (( ميّادة كمال )) فهل تقبلين ؟ (Re: mayada kamal)
|
| Quote: ( إنتو حُمّيدة دا شنو ؟ ) |
حلوة ..
بعد خمستاشر سنة خدمة .. البسألك السؤال دا اديهو تلفوني ..
ما بتمنى انه يوم اجي ألقى بوست ذي دا بأسـمي ..
مشكلة سودانيزاونلاين يا حبوب هي الانحياز للباطل بمثل هذه البوستات ..
اشانة السمعة التي تعرضت لها ميادة من سيف مساعد و مصطفى محمود لا تدخل في باب تعالوا يا جماعة نشوف الغلطان منو ..
الموضوع دا واضح جدا لجميع الاطراف .. ما عداك انت و مصطفى محمود و سيف مساعد ..
يلا حاور ميادة في اي حاجة تانية .. بس ما ليك الحق انك تدخل في موضوع سيف مساعد و مصطفى محمود بدون ادانة قوية لفعلهم .. و الإعتذار بأسم الشعب السوداني البطل عن افعالهم الما بتشبهنا ..
حكاية انك تركبهم كلهم في سرج واحد .. بتنسف فكرة البوست بتاعك دا .. حتي لو كررت كلامك الفوق دا مية مرة ..
و لو في اللقاء بتاعك دا بتستقبل تلفونات علي الهواء مباشرة .. كان ضربت ليك و قلت ليك .. ما رأيك يا استاذ لؤي في اتهام سيف مساعد لميادة انها ( بت ما كويسة ) و قبضوها في وضع مخل في المقرن ..
يا تقول رأيك بصراحة .. يا تقول ( فاصل و نواصل ) .. و تجيب لينا دعاية بيبيسي ..
| |
 
|
|
|
|
|
|
|
 Re: سلسلة حوارات صريحة وبلا حساسيّة .. البداية مع (( ميّادة كمال )) فهل تقبلين ؟ (Re: humida)
|
Quote:
حلوة ..
بعد خمستاشر سنة خدمة .. البسألك السؤال دا اديهو تلفوني ..
ما بتمنى انه يوم اجي ألقى بوست ذي دا بأسـمي ..
مشكلة سودانيزاونلاين يا حبوب هي الانحياز للباطل بمثل هذه البوستات ..
اشانة السمعة التي تعرضت لها ميادة من سيف مساعد و مصطفى محمود لا تدخل في باب تعالوا يا جماعة نشوف الغلطان منو ..
الموضوع دا واضح جدا لجميع الاطراف .. ما عداك انت و مصطفى محمود و سيف مساعد ..
يلا حاور ميادة في اي حاجة تانية .. بس ما ليك الحق انك تدخل في موضوع سيف مساعد و مصطفى محمود بدون ادانة قوية لفعلهم .. و الإعتذار بأسم الشعب السوداني البطل عن افعالهم الما بتشبهنا ..
حكاية انك تركبهم كلهم في سرج واحد .. بتنسف فكرة البوست بتاعك دا .. حتي لو كررت كلامك الفوق دا مية مرة ..
و لو في اللقاء بتاعك دا بتستقبل تلفونات علي الهواء مباشرة .. كان ضربت ليك و قلت ليك .. ما رأيك يا استاذ لؤي في اتهام سيف مساعد لميادة انها ( بت ما كويسة ) و قبضوها في وضع مخل في المقرن ..
يا تقول رأيك بصراحة .. يا تقول ( فاصل و نواصل ) .. و تجيب لينا دعاية بيبيسي .. |
ليك إنت وقتها حأقول ليك أنا منحاز لما فعله مصطفى محمود وسيف مساعد
| |
|
|
|
|
|
|
|
|
|
Re: سلسلة حوارات صريحة وبلا حساسيّة .. البداية مع (( ميّادة كمال )) فهل تقبلين ؟ (Re: لؤى)
|
Quote:
ما رأيك يا استاذ لؤي في اتهام سيف مساعد لميادة انها ( بت ما كويسة ) و قبضوها في وضع مخل في المقرن .. |
Quote: ذلك الذي تتعرّض له النساء في هذا العالم ((الرجالي)) أمر فظيع ومخيف ، وقد أصبح منبرنا هذا صورة مصغّرة لهذا العالم الغريب ، الأمر الذى يدعو للتساؤل والحيرة .. هل هى محاولات لتأكيد ((رجولة)) هذا العالم ؟ ولتأكيد هيمنة الرجال على هذا العالم ؟ وهل لاتكون الرجولة إلاّ بقهر وإضطهاد النساء وتشويه ملامحهن في كل سانحة ؟
الفتاة السودانية شأنها شأن المرأة في كل مكان هي أصل الحياة لو تمعّنا في التفكير في هذا الأمر البسيط ، وقد أثبتت نجاحها وكفاءتها في لعب دورها التربوي ، نجحت في لعب دورها كرفيقة للرجل تسانده وتقف معه في كل عثراته وتخَبّطه الذي صار في الغالب الأعم سمة من سماته ، نجحت المرأة في رفعه ورفع شأنه رغم متانة ((عضالته)) التي لاتقوى على رفعه من سقطاته عندما تتحكم الخمور في عقله ((الفذ)) .
الدعوة لأولئك الذين لا يرون المرأة سوى عنصر خُلق لتلبية مُختَلف رغباتهم ، الدعوة لهم للنظر للحياة بمنظار الواقعية وبنظرة لاتحتاج منّا سوى للقليل من الصدق مع النفس والقناعة والمنطق . المرأة عزيزي الرجل هي أساس هذه الحياة وما انت إلاّ ذاك العنصر الذي خُلق لتلبية رغباتها لتسير الحياة . المرأة تحتاج منّا لتشجيع وحُب واحترام ، لا لقهر وسب واضطهاد ..
الرجل أصبح في أغلب الأحيان شبح مُخيف يهدد أمن المرأة وثقتها بنفسها ، أمر مُحيّر فعلاً ان تنتهي معظم الحوارات التي يختلف فيها النساء والرجال فى الرأي ، "الأمر الطبيعي جدا"ً ، مُحيّر ان تنتهي كل معظم تلك النقاشات بالتعرّض لشكل التربية والشرف والعفاف ، وكأن الشرف والعفاف هما القالبان الوحيدان الذان يشكّلان النساء والوحيدان الذان يصلحان للحُكم عليهن ، وكأن الرجل هو الحكم والقاضي في هذا الكون للحُكم على شرف وعفاف المرأة ، وكأن الشرف والعفاف لهما شكل واحد يحدّده الرجال حسب مفاهيمهم وآرائهم التي أتساءل من يؤكّد رجاحتها ؟؟ ومن يحكُم علينا نحن الرجال وعلى شرفنا وعفافنا ((وطُهرنا)) ؟؟
للذين اعتادوا شتم وسب وقهر واضطهاد وربّما ضرب اخواتهم والنساء من حولهم ، إكتفوا رجاءً بممارسة أفعالكم المريضة هناك حيث نشأتم ، لكن عُذراً أرجو ألاّ تجلبوا لنا هنا في هذا المكان الراقي والنقي تلك المفاهيم والقناعات التي لاتصلح إلاّ للتعامل مع أمثالكم .
ولأمّي وأختي ولكل نساء العالم ونساء بلادي ، شديد إعتذاري لكوني رجل . وإن كانت الرجولة بإعلاء الأصوات وبالسب والشتم والتجريح والتحرُش بمختلف أنواعه والضرب والتحكُم فى النساء وإضطهادهن فانا ليس برجل ومتنازل عن رجولتي التي لا أفخر بها ..
|
إعتراف .. (( انا ماراجل ))
إعتراف .. (( انا ماراجل ))
-
| |
|
|
|
|
|
|
|
|
|
Re: سلسلة حوارات صريحة وبلا حساسيّة .. البداية مع (( ميّادة كمال )) فهل تقبلين ؟ (Re: humida)
|
لؤي
مساء الخير
والله من قبيل متابعة الحوار ورغم تحفظي ..إحترمت ميادة لقبولا المحاورة فدي سماحة نفس تحسب لها ..رغم
أني ما عارفة بديت بيها ليه ؟ ، ميادة رغم إختلافي مع الكتير من أفكارا إلا أنها إتعرضت للهجوم
كان أوفر للحد البعيد ..
ولأني إفترضت فيك الحياد فردك على حميدة ما كان موفق وبنسف فكرة البوست البدت حسنة النية ..
وأنا ما كوت كلامك عشان ما يخرب فكرة البوست فإذا كنت بتمزح يا ريت تستدرك ، وإذا كنت بتعني كلامك
فده شيء تاني ..
| |
|
|
|
|
|
|
|
|
 Re: سلسلة حوارات صريحة وبلا حساسيّة .. البداية مع (( ميّادة كمال )) فهل تقبلين ؟ (Re: mayada kamal)
|
Quote:
تسلمي يا حبوبة مافي شئ بخليني ارفض الحوار حتى مع الشيطان
سلمكم الله
وما تواجدنا هنا الا لتبادل الحوار والافكار والاراء
بدون همز ولمز
ودي كرهتي في الدنيا
لاني وقتها بقول للاعوار انت اعور في عينك |
حلووووووووووو
بس خلّيك لذيذة ورايقة كدا 
وأصبري معاي للآخر بنفس الشّروط
لا تزعلي ولا تتعصّبي ولا تدسّي النّصيحة
إنتي وانا خلّينا رايقين مع بعض عشان نصل
أمّا ناس عماد وحُمّيدة والمهاترين والمهاترات ديل بندقّهم سوا إنتي وأنا 
| |
|
|
|
|
|
|
|
|
|
Re: سلسلة حوارات صريحة وبلا حساسيّة .. البداية مع (( ميّادة كمال )) فهل تقبلين ؟ (Re: لؤى)
|
| Quote: إن كان فهم حُمّيدة عن فكرة هذا البوست حُكم صادر |
ما قلنا ما نحكم علي الناس بالظاهر .. انت بتخالف كلامك مالك ..
يا لؤي .. معليش كان ما اتوفقت انه اوصل ليك فكرتي ..
بوستات ذي البوست بتاعك دا .. يصلح لمن يكون الجو العام جو نضيف .. يعني و الله لو ابتديت بأي زول غير ميادة كمال كان كلنا استمتعنا ..
بس في حالة ميادة بالتحديد ما بنفع الحياد .. لانه ما اتعرضت ليهو حاجة شينة جدا بكل المقاييس ..
| |
|
|
|
|
|
|
|
|
|
Re: سلسلة حوارات صريحة وبلا حساسيّة .. البداية مع (( ميّادة كمال )) فهل تقبلين ؟ (Re: humida)
|
Quote:
ما قلنا ما نحكم علي الناس بالظاهر .. انت بتخالف كلامك مالك .. |
حديثي كان عنك وليس عنّي
أنت من يحكم على نواياي وليس أنا
Quote:
يا لؤي .. معليش كان ما اتوفقت انه اوصل ليك فكرتي .. |
لا صدّقني إتوفّقت توصّلها
Quote:
بوستات ذي البوست بتاعك دا .. يصلح لمن يكون الجو العام جو نضيف .. يعني و الله لو ابتديت بأي زول غير ميادة كمال كان كلنا استمتعنا ..
بس في حالة ميادة بالتحديد ما بنفع الحياد .. لانه ما اتعرضت ليهو حاجة شينة جدا بكل المقاييس .. |
ليس هناك حياد أو إنحياز
فأنا لا أجالس مجموعتين
أنا أحاور شخص بخصوص أسلوب
ولا أناقش قضيّة الخلاف
ولها أن تذكر أسباب إتّخاذها لهذا النّهج
كما فعلت
ومن هناك يتحدّد رأيّي في نهجها
وإمكانيّة علاجه
أن تتحوّل ميّادة إلى وحش
بفعل فاعل
لا يعني غفراني عن الفاعل
وشنقي لها
لكنّي أحاول الوصول لأسباب تحوّلها لوحش
ومحاولة إيجاد علاج للأمر بعد ذلك
أمّا أمر إختياري لها هي في البدء
بمنتهى البساطة
لأنّي استطيع رؤية الكائن الخيّر النظيف في داخلها
والذي يمكن إنبات أزهاره بيُسر
يجعل الكفّة الأولى من أقطاب المشكلة مستجيبة لفكرة الحل
ممّا يسهّل أمر التّعامل مع الكفّة الأصعب فيما بعد
وإلاّ صرت مترنحّاً بين اليمين واليسار
وأسلوب ( أها شوفها قالت شنو ؟ ) ( أها شوفو قال شنو ؟ )
| |
|
|
|
|
|
|
|
|
|
Re: سلسلة حوارات صريحة وبلا حساسيّة .. البداية مع (( ميّادة كمال )) فهل تقبلين ؟ (Re: لؤى)
|
Quote: أنا أحاور شخص بخصوص أسلوب
ولا أناقش قضيّة الخلاف
ولها أن تذكر أسباب إتّخاذها لهذا النّهج
كما فعلت
ومن هناك يتحدّد رأيّي في نهجها
وإمكانيّة علاجه
أن تتحوّل ميّادة إلى وحش
بفعل فاعل
لا يعني غفراني عن الفاعل
وشنقي لها
|
صدقني مهما نحكي ونقول ونعيد
برضو ما حنصل لنقطة متفق عليها
وكاننا بنحرث في البحر
طالما ما حيتم نقاش الاسباب اللي دفعت للصدور ذلك المسلك مني
ولا النتائج الحتتوصل ليها حتكون منطقية طلما تريد ان تقفز للامام بدون ان تهمك المقدمة
| Quote: أن تتحوّل ميّادة إلى وحش |
كدا إثنين
وتعال قول لي دا مدح دفعك لمحاورتي !!!!!!!!!!!!!!!!!
| |
|
|
|
|
|
|
|
|
|
Re: سلسلة حوارات صريحة وبلا حساسيّة .. البداية مع (( ميّادة كمال )) فهل تقبلين ؟ (Re: mayada kamal)
|
Quote:
صدقني مهما نحكي ونقول ونعيد
برضو ما حنصل لنقطة متفق عليها
وكاننا بنحرث في البحر
طالما ما حيتم نقاش الاسباب اللي دفعت للصدور ذلك المسلك مني
ولا النتائج الحتتوصل ليها حتكون منطقية طلما تريد ان تقفز للامام بدون ان تهمك المقدمة |
بنصل كان قلتي خير
وذاك أمر أناقشه مع من بدر منـ/ـهم/ـن
فصبراً
طوّلي بالك وما تيأسي
Quote:
كدا إثنين
وتعال قول لي دا مدح دفعك لمحاورتي !!!!!!!!!!!!!!!!! |
أحسبي لي دا برضو
(( أمّا أمر إختياري لها هي في البدء
بمنتهى البساطة
لأنّي استطيع رؤية الكائن الخيّر النظيف في داخلها
والذي يمكن إنبات أزهاره بيُسر ))
وحاولي تقري كلماتي بمعاني مقاصدها
لا بمعاني كلماتها
أنا لا اعني أنّك تحملين أنياباً بارزة
وصوف أشعث على جسدك
أنا أعني الوحشيّة في التّعامل بخشونة وعنف
ممّا يفقدك المقدرة على التّصرّف بحكمة
الأمر الذي ينعكس سلباً عليك
فتكوني الخاسرة في الحالين
| |
|
|
|
|
|
|
|
|
|
Re: سلسلة حوارات صريحة وبلا حساسيّة .. البداية مع (( ميّادة كمال )) فهل تقبلين ؟ (Re: لؤى)
|
طيّب يا ميأدة
كدا بديت أفهمك شديد
والحوار أفادني جدّاً في فهمك
بس عندي سؤال يا ميّادة
لو أنا شتمتِك
وردّيتي علي بالشّتيمة
وطاردتك في كم بوست شتمتك
وردّيتي على بالشّتيمة في كم بوست
بعد كم يوم هدنة أو غياب لي من المنبر
رجعت
أو المهم كتبت بوست
لا علاقه له بكِ
عن عمل فنّي مثلاً للأُستاذ محمّد وردي
عاوز بس أعرف لو حاتدخلي لي في البوست وتناكفيني ؟
وتستهزأي بالأُستاذ وردي ؟
ولاّ خلاص ساكت منّك بتسكتي منّي وتكتفي بما حدث بيننا فيما سبق من بوستات ؟
| |
|
|
|
|
|
|
|
|
|
Re: سلسلة حوارات صريحة وبلا حساسيّة .. البداية مع (( ميّادة كمال )) فهل تقبلين ؟ (Re: لؤى)
|
Quote: طيّب يا ميأدة
كدا بديت أفهمك شديد
والحوار أفادني جدّاً في فهمك
بس عندي سؤال يا ميّادة
لو أنا شتمتِك
وردّيتي علي بالشّتيمة
وطاردتك في كم بوست شتمتك
وردّيتي على بالشّتيمة في كم بوست
بعد كم يوم هدنة أو غياب لي من المنبر
رجعت
أو المهم كتبت بوست
لا علاقه له بكِ
عن عمل فنّي مثلاً للأُستاذ محمّد وردي
عاوز بس أعرف لو حاتدخلي لي في البوست وتناكفيني ؟
وتستهزأي بالأُستاذ وردي ؟
ولاّ خلاص ساكت منّك بتسكتي منّي وتكتفي بما حدث بيننا فيما سبق من بوستات ؟ |
سبحان الله
بتسالني شئ انا استقبحته لما مورس معاي
ومن باب اولى طالما انا استقبحته
فما بحب اسلك نفس السلوك
| |
|
|
|
|
|
|
|
|
|
Re: سلسلة حوارات صريحة وبلا حساسيّة .. البداية مع (( ميّادة كمال )) فهل تقبلين ؟ (Re: mayada kamal)
|
Quote:
سبحان الله
بتسالني شئ انا استقبحته لما مورس معاي
ومن باب اولى طالما انا استقبحته
فما بحب اسلك نفس السلوك |
طيّب جميل
يلاّ فهّميني حاجة
في بوست إتسحب أمبارح
كانت عندي فيهو مُداخلة
قام بكتابته زميل إسمه ( ذو اليد )
يسأل فيه الأخ باشمهندس بكري
أن يعيد باسوورد أُخت إسمها ( عواطف أحمد إسحاق )
وتداخل معه الأخ تمبس سائلاً إيّاه من هي تلك العواطف
والتي قال الأخ ذو اليد في صدر البوست :
إنّها أحد أعلام السُّودان
ولعدم إلمامي التّام بكُلّ تفاصيل سيرة الأُخت عواطف
لجأت للقراءة عنها في كم موقع
ووجدت لها سيرة حسنة
ومدح لأنشطتها
ولعبها دور إيجابي جدّاً في الجّانب التوعوي
وقوّة إرادة في تحقيق طموحات تعود بالفائدة على المجتمع
فقمت بإيراد ما قرأته عنها بوضعي لوصلات لتلك المواقع التي وجدت فيها سيرتها
فوجئت بعد قليل بدخولك للبوست
دون أن يتم ذكرك في البوست
وتوجيهك لعبارات حادّة
لا أعلم حقّاً السّبب وراءها
ولو كُنت أنا عواطف
لتضايقت جدّاً ممّا كتبتيه هناك
مستهجنة بحدّة وصفها بالعلم من أعلام السُّودان
نوّريني
| |
|
|
|
|
|
|
|
|
|
Re: سلسلة حوارات صريحة وبلا حساسيّة .. البداية مع (( ميّادة كمال )) فهل تقبلين ؟ (Re: لؤى)
|
مع انو من اسلوبك الاخيرالغرض من البوست وضح لي
Quote: طيّب جميل
يلاّ فهّميني حاجة
في بوست إتسحب أمبارح
كانت عندي فيهو مُداخلة
قام بكتابته زميل إسمه ( ذو اليد )
يسأل فيه الأخ باشمهندس بكري
أن يعيد باسوورد أُخت إسمها ( عواطف أحمد إسحاق )
وتداخل معه الأخ تمبس سائلاً إيّاه من هي تلك العواطف
والتي قال الأخ ذو اليد في صدر البوست :
إنّها أحد أعلام السُّودان
ولعدم إلمامي التّام بكُلّ تفاصيل سيرة الأُخت عواطف
لجأت للقراءة عنها في كم موقع
ووجدت لها سيرة حسنة
ومدح لأنشطتها
ولعبها دور إيجابي جدّاً في الجّانب التوعوي
وقوّة إرادة في تحقيق طموحات تعود بالفائدة على المجتمع
فقمت بإيراد ما قرأته عنها بوضعي لوصلات لتلك المواقع التي وجدت فيها سيرتها
فوجئت بعد قليل بدخولك للبوست
دون أن يتم ذكرك في البوست
وتوجيهك لعبارات حادّة
لا أعلم حقّاً السّبب وراءها
ولو كُنت أنا عواطف
لتضايقت جدّاً ممّا كتبتيه هناك
مستهجنة بحدّة وصفها بالعلم من أعلام السُّودان
نوّريني |
لا اعتقد انو بكري ابو بكر محدد معايير معينة لدخول بوست ما
ولا اعتقد من ضمنها انو الزول يخش في البوست الاسمه فيه
ايوا دخلت واستنكرت كلام الاخ ذو اليد
خاصة بي وصفه لها بعلم من اعلام السودان
فمع احترامي للاخت عواطف
الا انو وصف علم من اعلام السودان لا ينطبق عليها
بالذات في مجال الاعلام ما ممكن نوصف لينا زول كتب ليه كم جريدة حائطية كدا (وبرضو مع احترامي لما قامت بيه من مجهود) انها علم من اعلام السودان
يعني ناس شمو واستاذ محجوب واستاذ عروة ديل يمشوا وين
لانو الدرجات دي الزول بوصل ليها بعد تراكمات خبرات طويييييلة
ودي ليها كم سنة لا يتعدوا باصبع اليد
يجي يقولوا لينا علم من اعلام السودان
*** تخريمة
شايفاك قلت البوست اتمسح
هل لي يد فيه
| |
|
|
|
|
|
|
|
|
|
Re: سلسلة حوارات صريحة وبلا حساسيّة .. البداية مع (( ميّادة كمال )) فهل تقبلين ؟ (Re: mayada kamal)
|
Quote:
مع انو من اسلوبك الاخيرالغرض من البوست وضح لي |
يا ميّادة
إنتي ما سامعة الأُغنية الفي الخلفيّة دي ؟
بابا بيقول ( نخلط الجّد بالهزار )
Quote:
لا اعتقد انو بكري ابو بكر محدد معايير معينة لدخول بوست ما
ولا اعتقد من ضمنها انو الزول يخش في البوست الاسمه فيه |
ما في زول قال ممنوع دخولك للبوست
ولا في زول قال ما مفروض تعلّقي
أنا سألتك قبلها لو شتمتك وشتمتيني وخلّيتك بعد داك
ورجعت فتحت بوست ما عندك علاقة بيهو
حاتطارديني وتناكفيني ؟
قلتي إنّك مستحيل تعملي حاجة إنتي شخصيّاً عانيتي منّها
ودا الخلاّني أسأل
ليه دخولك كان حاد ومستفز ؟
Quote:
ايوا دخلت واستنكرت كلام الاخ ذو اليد
خاصة بي وصفه لها بعلم من اعلام السودان
فمع احترامي للاخت عواطف
الا انو وصف علم من اعلام السودان لا ينطبق عليها
بالذات في مجال الاعلام ما ممكن نوصف لينا زول كتب ليه كم جريدة حائطية كدا (وبرضو مع احترامي لما قامت بيه من مجهود) انها علم من اعلام السودان
يعني ناس شمو واستاذ محجوب واستاذ عروة ديل يمشوا وين
لانو الدرجات دي الزول بوصل ليها بعد تراكمات خبرات طويييييلة
ودي ليها كم سنة لا يتعدوا باصبع اليد
يجي يقولوا لينا علم من اعلام السودان |
طيّب يا ميّادة
السُّؤال المهم
هل ما كان ممكن الكلام يتقال بشكل لطيف ورايق ؟
بدون ما يكون بنبرة جارحة وحادّة ؟
لفتت نظري أنا ؟
والسُّؤال التّالي له
هل كان في سبب للحدّة غير موضوع البوست ؟
يعني لشيء له علاقة بكاتب البوست ؟
أو عواطف ؟
أو لشيء مرتبط بشيء قاما به لم يعجبك ؟
Quote:
*** تخريمة
شايفاك قلت البوست اتمسح
هل لي يد فيه |
لا
لا أعتقد
أعتقد إتمسح لنفس السّبب الذي أعتقد حُذفت به بوستاتك
وهو أمر كتابة بوست للأخ بكري
بدل مكاتبته عن طريق الإيميل
مجرّد ظن
| |
|
|
|
|
|
|
|
|
|
Re: سلسلة حوارات صريحة وبلا حساسيّة .. البداية مع (( ميّادة كمال )) فهل تقبلين ؟ (Re: mayada kamal)
|
ضمير المتحدّث
Quote:
ما عندي سابق معرفة
ولا سمعت بيها قبال كدا
ولانو زي ما قلت ليك دا مجال اعلام
فما ممكن يجوا يلصقوا لينا اسم كعلم
انا جني وجن المبالغة |
السُّوال كان
( لماذا الحدّة ؟ )
( ما الدّاعي لها ؟ )
لم يكن السُّؤال ( لماذا الإعتراض ؟ )
Quote:
والغريبة شايفاك قلت تمبس جاء من قبلي وانتقده
اها مالك ما مسكت فيه
ولا ميادة حيطتكم القصيرة |
بالضّبط كدا
رغم عدم إلمامي بمعى إشارة صيغة ضمير الجّمع في ( حيطتكم ) هنا
| |
|
|
|
|
|
|
|
|
|
Re: سلسلة حوارات صريحة وبلا حساسيّة .. البداية مع (( ميّادة كمال )) فهل تقبلين ؟ (Re: humida)
|
Dear Luai
salamat
ميادة رغم احتلافي معها اراها واضحة جدا
تدافع عن افكارها بقدر ما تسمح ليهاالمساحة المتاحة في المنبر
افضل بكثير من ناس بي شنباتا ومن غير شنب لا هم لهم الا في الفارغة
اختلافها مع اخوانها في الضفة التانية ليس بالامر الجلل لو كان هناك مراعاة لاصول الاختلاف
هم يخطئون وهي تخطئ وفي النهاية بشر وخيرهم من يقر بالخطأ
محاكمة ميادة على خلفية الخلافات التي وقعت مؤخرا اراها في غير مكانها
| |
|
|
|
|
|
|
|
|
 Re: سلسلة حوارات صريحة وبلا حساسيّة .. البداية مع (( ميّادة كمال )) فهل تقبلين ؟ (Re: حيدر حسن ميرغني)
|
Quote:
Dear Luai
salamat
ميادة رغم احتلافي معها اراها واضحة جدا
تدافع عن افكارها بقدر ما تسمح ليهاالمساحة المتاحة في المنبر
افضل بكثير من ناس بي شنباتا ومن غير شنب لا هم لهم الا في الفارغة
اختلافها مع اخوانها في الضفة التانية ليس بالامر الجلل لو كان هناك مراعاة لاصول الاختلاف
هم يخطئون وهي تخطئ وفي النهاية بشر وخيرهم من يقر بالخطأ
محاكمة ميادة على خلفية الخلافات التي وقعت مؤخرا اراها في غير مكانها |
أخي حيدر
وأنا وحتماً غيري كذلك
صرنا نعرف ميّادة أكثر اليوم أعتقد
فقط تأكّد من شيء
ليس هذه بمحاكمة على الإطلاق
تحاياي وتقديري
| |
|
|
|
|
|
|
|
|
|
Re: سلسلة حوارات صريحة وبلا حساسيّة .. البداية مع (( ميّادة كمال )) فهل تقبلين ؟ (Re: humida)
|
Quote:
احي انا ياخي .. عشان كدا قلنا الناس لمن تبدأ ليها بوست ما تبدأهو بالحكم و المواعظ .. لانه الغريق قدام ..
وين يا عمك ضبط الاعصاب .. و تحلي بالصبر .. و المروءة .. و اغاثة الملهوف .. و اكرام الضيف .. |
ما هو أنا لو عارفك إنت بتدخل
كُنت استعنت بصديق 
Quote:
يا حليلك يا حبوبتي بتول .. قالت لي يا محمد يا ولدي كرهتني لعب البلي زاتو .. |
صدقت حبّوبة بتول
أعانها الله
| |
|
|
|
|
|
|
|
|
|
Re: سلسلة حوارات صريحة وبلا حساسيّة .. البداية مع (( ميّادة كمال )) فهل تقبلين ؟ (Re: لؤى)
|
| Quote: الدّكتور مصطفى محمود |
سلامات يالؤى
ياخ لىّ زمن بباصر لىّ فى وقت لحوار مفتوح مع د. مصطفى محمود
وعندى اسئلة استراتيجية تخص الكيفية اللى ممكن نهزم بيها {الكيزان}
تداخلت فى واحد من البوستات خاصتو ومالقيت اجابة
ونفسى اعرف برضو , كيف ممكن نهزم هؤلاء الجماعة
ونفسى برضو اعرف كيفية النضال المؤسس اللى مابيفصل فى انحيازو بين الوطن والمرأة كانسان
فلو سمحت يالؤى تدينى فرصة معاك,
لو لحدى الوكت داك مالقيت لىّ زمن فاطرح ليهو كلامى ده
كاحد افراد الجمهور الكريم المتابع
| |
|
|
|
|
|
|
|
|
 Re: سلسلة حوارات صريحة وبلا حساسيّة .. البداية مع (( ميّادة كمال )) فهل تقبلين ؟ (Re: Ishraga Mustafa)
|
Quote:
سلامات يالؤى
ياخ لىّ زمن بباصر لىّ فى وقت لحوار مفتوح مع د. مصطفى محمود
وعندى اسئلة استراتيجية تخص الكيفية اللى ممكن نهزم بيها {الكيزان}
تداخلت فى واحد من البوستات خاصتو ومالقيت اجابة
ونفسى اعرف برضو , كيف ممكن نهزم هؤلاء الجماعة
ونفسى برضو اعرف كيفية النضال المؤسس اللى مابيفصل فى انحيازو بين الوطن والمرأة كانسان
فلو سمحت يالؤى تدينى فرصة معاك,
لو لحدى الوكت داك مالقيت لىّ زمن فاطرح ليهو كلامى ده
كاحد افراد الجمهور الكريم المتابع |
سلامات يا دكتورة
كيفك وكيف العيال ؟
تدفعي كم ؟
| |
|
|
|
|
|
|
|
|
|
Re: سلسلة حوارات صريحة وبلا حساسيّة .. البداية مع (( ميّادة كمال )) فهل تقبلين ؟ (Re: عمران حسن صالح)
|
ـــ
كتب حميدة زاجاً بإسمي مما جعلني لتداخل مرة أخري
| Quote: و اديك مثال بسيط .. رد ميادة علي عماد .. مفهموم لدينا جميعا .. لانه عماد بطارد ميادة ليهو زمن .. باسلوب الهمز و اللمز .. |
وحتي لا أتسرع وأصف حميدة بأقذع الأوصاف بناءً علي هذا الإتهام أريد أن يرد علي الأتي وأتمناه خارج هذا البوست
ماهو تعريفك للمطاردة ؟! ومتي وأين طاردة ميادة كمال ؟! وهات الإثبات ؟! وماهو هدفي من المطاردة ؟!
في حالة لما تأتي بدليل يحق لي أن أسامحك إن شئت ويحق لي أن أصف ما يليق بك
.
| |
|
|
|
|
|
|
|
|
 Re: سلسلة حوارات صريحة وبلا حساسيّة .. البداية مع (( ميّادة كمال )) فهل تقبلين ؟ (Re: emad altaib)
|
Quote:
وحتي لا أتسرع وأصف حميدة بأقذع الأوصاف بناءً علي هذا الإتهام أريد أن يرد علي الأتي وأتمناه خارج هذا البوست |
أخي عماد
لو تسمح لي
نحاول كما ترى درء الفتن
والتّقليل ما استطعنا من حدّة الخلافات
وأسلوب الشّتم والتّنكيل والإحتقار
وهو ما لا يرضاه شخص في نفسه
لذا آمل أن نحاول الوصول لأغراضنا عبر حوار هادئ
دون حاجة لاستخدام أدوات الوصف بأقذع الاوصاف وما شابه
لا خارج هذا البوست ولا في غيره أو فيه
ومعك في إنتظار رد حُمّيدة عليك
تحاياي وتقديري
| |
|
|
|
|
|
|
|
|
|
Re: سلسلة حوارات صريحة وبلا حساسيّة .. البداية مع (( ميّادة كمال )) فهل تقبلين ؟ (Re: mayada kamal)
|
الأخ لؤي
لقد كنت في السابق احترمك
كبوردابي محترم
كشخصية سودانية
هادئة ورزينة
وعاقلة
واتابع كل ما تكتبه قبل ان أحط رحالي هنا
ولكنني اليوم
بلا شك احترمك أكثر
متابع لهذا الحوار الجاد والمفيد جدا
وقيل رحم الله إمرئ أهدى إلي عيوبي
ولا يخلو كل منا من عيوب هنا وهناك
وأشكر هنا سعة صدر ميادة كمال لتقبلها هذا الحوار
وأكيد اكيد سوف تستفيد منه أكثر لأنه بمثابة المرآة التي تعكس آراء البورداب
ولا أعتقد بوجود ضرر فيه لميادة كمال أو غيرها
والإنسان دائما يقيَم بواسطة محيطه ومجتمعه الذي يعيش فيه
والأغلبية لاتجتمع على الباطل مطلقاً
وأرجو أن تفتح في الختام فرصة لمشاركة الأعضاء في الحوار الجاد
حتى نستفيد كلنا من ذلك...
والمشكلة ليست متعلقة بالتربية ولكن لها دوافعها الخاصة في هذا البورد
اقــــــول هذا ونحن كسودانيين وفي ثقافتنا وتربيتنا على امتداد هذا الوطن الميل ميل مربع
عندنا الراجـــل البشاكل النســــوان أكيد راجل ما كويس وباطل...
وبرضو المرة البتشاكل الرجال برضو المجتمع عنده فيها نظرة ما كويسة
وحوارك ده الشــــــاهد منه أننا لا بد لنا من تعلم آداب الحوار
وكذلك آداب الإختــــــــلاف
كل الود لكم
بالجنبة:
أقف من الجميع على مسافة واحدة ... وأحترم كل من يحترمني
يعني محايد
| |
|
|
|
|
|
|
|
|
|
Re: سلسلة حوارات صريحة وبلا حساسيّة .. البداية مع (( ميّادة كمال )) فهل تقبلين ؟ (Re: لؤى)
|
ميّادة
أكتفي بهذا القدر من الاسئلة
شاكراً لكِ ومقدّراً على إجابتك على أسئلتي
ومعتذراً إن عكّرت صفوك
أو أشعرتك أيّ شعور غير مريح
كُلّ قصدي من هذه النّافذة
لو تصدّقين
هو فهم طريقة تفكيرك
نسبة لملاحظتي للصّراعات الدّائرة هنا
ومن هناك الإنطلاق في محاولة لرأب صدع التّعامل في هذا المنبر الجّامع
( جامع الخليفة )
وعادةً لا أتدخّل في شؤون النّاس
لكنّي توسّمت فيك الخير
ودائماً ما أرى جوانب مُشرقة
في أيّة فئة أو افراد فئة أختلف معها
قد أختلف 99% مع شخص أو جماعة
وهذا أمر غير وارد بهذه النّسبة العالية
لكن هناك دائماً على الاقل نسبة متبقّيّة لجانب مُشرق في الشّخص
يجعل التّعامل ممكناً
وعادة ما أناصح شقيقتي الوحيدة
إن رأيت ردود افعالها عنيفة تصيبها هي في البدء بالتّوتر
وتنعكس أحياناً على صغارها
غرضي ليس التّسبّب في ضرر على الإطلاق
أسعى فقط لما هو عكس ذلك تماماً
فعل الخير فقط لا غير
ومحاولة عكس صورة للشّخص
قد لا يراها بنفسه
وقد لا يجد الفرصة ليراها في حالة العراك والغضب والإحساس بالإمتهان
كما قد تفشل الفئات المتناحرة
في الاستماع لبعضها البعض أثناء التّناحر
ولكن في حوارٍ كهذا
قد تمر الأعين بهدوء
وتسمع منك ما لا يمكن سماعه عادةً في ظروف مختلفة
نصيحتي ليك لو بتقبليها
حاولي تفكّري في روحِك
حتّى وإنتي زعلانة وبتصارعي
الزّعل الكتير
والهموم بتقصّر العمر
أطال الله عمرِك
ودثّرك بالصّحّة والعافية
وصدّقيني
بحث المشاكل والتّفكير فيها
يزيد من حجمها
ويصيب النّفس بإحساس الإحباط
بينما التّفكير في حلول للمشاكل
يفتح مدارك الذّهن
ويساعد في حلّها
لكِ فائق إحترامي وتقديري
وشُكري الجّزيل
والعفو والعافية
| |
|
|
|
|
|
|
|
|
|
Re: سلسلة حوارات صريحة وبلا حساسيّة .. البداية مع (( ميّادة كمال )) فهل تقبلين ؟ (Re: لؤى)
|
Quote: ميّادة
أكتفي بهذا القدر من الاسئلة
شاكراً لكِ ومقدّراً على إجابتك على أسئلتي
ومعتذراً إن عكّرت صفوك
أو أشعرتك أيّ شعور غير مريح
كُلّ قصدي من هذه النّافذة
لو تصدّقين
هو فهم طريقة تفكيرك
نسبة لملاحظتي للصّراعات الدّائرة هنا
ومن هناك الإنطلاق في محاولة لرأب صدع التّعامل في هذا المنبر الجّامع
( جامع الخليفة )
وعادةً لا أتدخّل في شؤون النّاس
لكنّي توسّمت فيك الخير
ودائماً ما أرى جوانب مُشرقة
في أيّة فئة أو افراد فئة أختلف معها
قد أختلف 99% مع شخص أو جماعة
وهذا أمر غير وارد بهذه النّسبة العالية
لكن هناك دائماً على الاقل نسبة متبقّيّة لجانب مُشرق في الشّخص
يجعل التّعامل ممكناً
وعادة ما أناصح شقيقتي الوحيدة
إن رأيت ردود افعالها عنيفة تصيبها هي في البدء بالتّوتر
وتنعكس أحياناً على صغارها
غرضي ليس التّسبّب في ضرر على الإطلاق
أسعى فقط لما هو عكس ذلك تماماً
فعل الخير فقط لا غير
ومحاولة عكس صورة للشّخص
قد لا يراها بنفسه
وقد لا يجد الفرصة ليراها في حالة العراك والغضب والإحساس بالإمتهان
كما قد تفشل الفئات المتناحرة
في الاستماع لبعضها البعض أثناء التّناحر
ولكن في حوارٍ كهذا
قد تمر الأعين بهدوء
وتسمع منك ما لا يمكن سماعه عادةً في ظروف مختلفة
نصيحتي ليك لو بتقبليها
حاولي تفكّري في روحِك
حتّى وإنتي زعلانة وبتصارعي
الزّعل الكتير
والهموم بتقصّر العمر
أطال الله عمرِك
ودثّرك بالصّحّة والعافية
وصدّقيني
بحث المشاكل والتّفكير فيها
يزيد من حجمها
ويصيب النّفس بإحساس الإحباط
بينما التّفكير في حلول للمشاكل
يفتح مدارك الذّهن
ويساعد في حلّها
لكِ فائق إحترامي وتقديري
وشُكري الجّزيل
والعفو والعافية |
يازول ما بتمشي ساي
اديني نتيجتي
| |
|
|
|
|
|
|
|
|
 Re: سلسلة حوارات صريحة وبلا حساسيّة .. البداية مع (( ميّادة كمال )) فهل تقبلين ؟ (Re: الامين موسى البشاري)
|
Quote:
الأخ لؤي
لقد كنت في السابق احترمك
كبوردابي محترم
كشخصية سودانية
هادئة ورزينة
وعاقلة
واتابع كل ما تكتبه قبل ان أحط رحالي هنا
ولكنني اليوم
بلا شك احترمك أكثر |
أخي الأمين موسى
تحيّة طيّبة
يا عزيزي لك منّي أجزل آيات الثّناء والإحترام
وربّنا يقدّرنا على التّعامل بتآخي وروح محبّة
أو أضعف الإيمان
السّيطرة على ردود الافعال والغضب
Quote:
متابع لهذا الحوار الجاد والمفيد جدا
وقيل رحم الله إمرئ أهدى إلي عيوبي
ولا يخلو كل منا من عيوب هنا وهناك
وأشكر هنا سعة صدر ميادة كمال لتقبلها هذا الحوار
وأكيد اكيد سوف تستفيد منه أكثر لأنه بمثابة المرآة التي تعكس آراء البورداب
ولا أعتقد بوجود ضرر فيه لميادة كمال أو غيرها
والإنسان دائما يقيَم بواسطة محيطه ومجتمعه الذي يعيش فيه
والأغلبية لاتجتمع على الباطل مطلقاً
وأرجو أن تفتح في الختام فرصة لمشاركة الأعضاء في الحوار الجاد
حتى نستفيد كلنا من ذلك...
والمشكلة ليست متعلقة بالتربية ولكن لها دوافعها الخاصة في هذا البورد
اقــــــول هذا ونحن كسودانيين وفي ثقافتنا وتربيتنا على امتداد هذا الوطن الميل ميل مربع
عندنا الراجـــل البشاكل النســــوان أكيد راجل ما كويس وباطل...
وبرضو المرة البتشاكل الرجال برضو المجتمع عنده فيها نظرة ما كويسة
وحوارك ده الشــــــاهد منه أننا لا بد لنا من تعلم آداب الحوار
وكذلك آداب الإختــــــــلاف
كل الود لكم |
كلام عين العقل
وتحليل منطقي لحالنا
سلمت يا عزيزي
| |
|
|
|
|
|
|
|
|
 Re: سلسلة حوارات صريحة وبلا حساسيّة .. البداية مع (( ميّادة كمال )) فهل تقبلين ؟ (Re: لؤى)
|
نختلف أو نتّفق
نختلف أو نتّفق تقنَيعني وأقنَعِك
نختصم أو نصطلح تسمعيني وأسمعِك
المهم إنُّه الحوار يستمر ما ينقطع
المهم إنُّه الجّدار ما يعلو أكتر ويرتفع
المهم تبقى المودّة في التّصافي وفي الزّعل
المهم إنُّه الولف ما يبقى وحلان في الملل
***
الحياة زيارة وفوات والعمر إطلالة واحدة
تفضل أجمل ذكريات والمواسم الحلوة شاهدة
نحرس الأمل الموات والظّروف الما مساعدة
ولاّ نتحدّى السُكات بأغاني جديدة واعدة
نختلف أو نتّفق الأمل في الإنتظار
نختصم أو نصطلح نخلط الجد بالهزار
***
الحياة العاديّة أجمل الحياة العاديّة أحلى
لو من خيال أو مستحيل الزمان الفيها عادل
موسم المُر والجّميل
وقت للشّوق والمحبّة ووقت للصّبر الطّويل
ووقت للفرح المعربد ووقت للحُزن النّبيل
نتّفق أو نختلف .. نختلف أو نتّفق
كلمة منّك وكلمة منّي نختصم أو نصطلح
بحنانك وحُسن ظنّك
***
ومرّة نتوتّر سوا في لحظة والمنطق يغيب
وفجأة يبقى نفسنا حار والكلمة بتودّي وتجيب
وما نبرّد لبعض ومرهقين واليوم عصيب
ما نحن في الآخر بشر والبشر يخطا ويصيب
نختلف أو نتّفق
تفهميني وأفهمك
نختصم أو نصطلح
تكتبيني وأرسمك
| |
|
|
|
|
|
|
|
|
|
Re: سلسلة حوارات صريحة وبلا حساسيّة .. البداية مع (( ميّادة كمال )) فهل تقبلين ؟ (Re: لؤى)
|
ــــ
كتبت الاخت ميادة كمال أيضاً زاجةً أسمي
Quote: الاخ لؤي
الامر ليس مجرد مرور على بعض الحروف
ولا من حقي ان احكم على نوايا الناس
وبالنسبة لما ترونه غلظة او مخاشنة مني للاخ عماد الطيب وغيره
فله عندي من المبررات ما اراها كافية لسلك ذلك السلوك معه
وبالتالي ردي هذا ليس من فراغ
وهو يعلم ذلك جيدا |
وقد كانت مداخلتي التي من قبل هي كالأتي :
مع الشكر لك علي تلك المساحة ..
نص البنود لوائح وقوانيين المنبر واضحة جداً أنظر إلي البند رقم
12- لا يسمح لأي عضو الإعلان عن استقالته بطريقة فيها تشهير بالمنبر أو إدراته أو أعضائه، ويجوز للإدارة سحب العضوية من ذلك الشخص فورا وطلب/موضوع الاستقالة من المنبر فورا. ولكن يجوز لأي شخص أن يعلن بأسلوب هادئ بعيد عن الإثارة عن توقفه أو غيبته لأي سبب من الأسباب ..
هل بعد ذلك يسأل بكري لماذا قام بحذفها ؟!
لدي قناعة تامة المشكل الحقيقي هوالجهل باللوائح , فالذي أستغرب وأتعجب له كيفية عدم معرفة آي عضو باللوائح , من هنا ياتي بعدنا عن ثقافة القوانين لم نكتسبها في حياتنا بالرغم من أهميتها وبالتأكيد للدولة تأثير سلبي (ما علينا) ,
والجهل بالشيء في ذاته ليست عيب ولكن هو عدم وعي تام, فالذي يحب يفهم يسأل ويثابر علي المعرفة , ولكن الإصرار علي عدم المعرفة هو الفشل الحقيقي والكارثي . إنتهت مداخلتي
ومرة ثانية شكراً لك ..
ردت الأخت ميادة كمال
Quote: شكرا على اللمز والهمز المغلف
كفاية انتو ابو الفهم زاتو ..... ومكملينه |
والأن وبعد أن إنتهي الحوار معك وقد سامحتك في الفهم الذي توصلتي له ولكن أريد أن أسالكِ
أين همزت ولمزت لك ؟! ألم تقرئي ما تحت خطه فهو يحمل (آي عضو) بما فيهم شخصي فقد كنت لا أعرف القوانيين , فلماذا أهمز لك وألمز لك أنت شخصياً ؟! هل بيننا معرفة سابقة وشخصية ؟! هل أسئت لكِ في مداخلاتي لك سابقاً ؟! وعندما طرتيني بالتداخل من بوستك هل أسئت ليك ؟! أم أحترمت نفسي كما تداخلت خرجت بكل آدب وإحترام ليس من أجلك ولكني هكذا , وكان بمقدوري أن أواصل ولكني لا أستخدم الخبث ..
هل تعرفين الأساءة التي قلتيها في حقي وحق غير من الذين (حسب فهمك) لم يتضامون معك فهم علي قولك غير مربيين ولا عندهم أصل ؟! لم أردها لك ولا أريد أن أردها وحتي ولو بالإمكان ذلك ,
كيف عرفت إني إطلعت علي مادار بينك وبين الذين حسبما تقولين أساؤا لك ؟! ولماذا تضعين الناس في خيارين إما معكِ أو ضدك ؟! ألم يكن للذين لم يتضامنو معك حق , في عدم معرفة أيكم عي حق فيذهب بنفسه بعيداً كل هذا وذلك ؟!
هات تلك المبررات التي إشرتي إليها ؟!
(عدل بواسطة emad altaib on 11-08-2009, 07:47 PM)
(عدل بواسطة emad altaib on 11-08-2009, 07:55 PM)
| |
|
|
|
|
|
|
|
|
 Re: سلسلة حوارات صريحة وبلا حساسيّة .. البداية مع (( ميّادة كمال )) فهل تقبلين ؟ (Re: emad altaib)
|
Quote:
والأن وبعد أن إنتهي الحوار معك وقد سامحتك في الفهم الذي توصلتي له ولكن أريد أن أسالكِ |
ميّادة
سلام تاني
آمل أن تقومي بالرّد على تساؤل الأخ عماد الطّيّب
وذلك حتّى نتدرّب على الحوار
دون خصام وغضب وصراع
كما أرجو نفس الشّيء
من حُمّيدة الما بيترجي
وللأخ عماد
أرجو أن تنتظر الرّد
دون عجلة وإعتقاد بنيّة في تجاهلك
فلرُبّما هناك ظروف لا تسمح بدخول حُمّيدة أو ميّادة الآن
ومعك في الإنتظار
من أجل حوار راقي
أعشم على الأقل فيه
| |
|
|
|
|
|
|
|
|
|
Re: سلسلة حوارات صريحة وبلا حساسيّة .. البداية مع (( ميّادة كمال )) فهل تقبلين ؟ (Re: emad altaib)
|
صباح الخير عليكم جميعا
الاخ عماد الطيب
سلامات
اولا لا شئ شخصي بيني وبينك
إصرارك على تذكرينا بلوائح بكري وقوانينه.... مع انو التذكير مفيد للمؤمنين
ولكنك تصر فقط بالجزء الذي يديننا
وياريت عشان تكون حقاني اكتر كان تجيب الجزء الذي يلينا
اي يصب ويدينا الحق في مطالبتنا لي بكري
يعني ما معقولة انا لو ما شايفه اني عندي حق ما كان لاحقت بكري واصريت على طلبي كان ...
ثانيا موش حضرتك عماد الطيب اللي تجادلنا انا والاخ وليد المبارك في البوست اياه
واصرارك الدائم على كوبي اند بست للوائح بكري تلك
طيب انا غلطانة
معقولة وليد يكون برضو غلطان
او يجي يناصرني وانا غلطانة
للاسف البوست اتحذف من قبل بكري
وما حاقدر اجيك بالكوتات
وكمان سياتك في بوست الشابة اللي وقعت من كوبري كوبر
شابة تلقي نفسها من أعلى كوبري شمبات وتتوفى في الحال
دا كان كلامك لي
Quote: emad altaib
تاريخ التسجيل: 27-12-2007
مجموع المشاركات: 4203
Re: شابة تلقي نفسها من أعلى كوبري شمبات وتتوفى في الحال (Re: mayada kamal)
ــــ
Quote: نحن نتكلم عن الوازع الديني بين العبد وربه
مافي شئ دخل الانقاذ هنا
ميادة كمال ,,,
ما عارفك بالتمام إنك كوزة ولا حتي متأكد إنك مؤتمر وطني , إلا أن تعترفي بنفسك حتي أصفك بها..!
لكن العاوز أقوله ليك كان ما عندك قدرة علي المدافرة في الأشياء الفكرية والسياسية أو إنت لديك مصالح مع المؤتمر الوطني والإنقاذ, ما تكتبي كلام ما بيدخل العقل , وأحسن تهتمي بمصالحك بعيد بعيد , وتجدي وقتها كل إحترام وتقدير هنا بالمنبر .
|
هل دي الطريقة والاسلوب الاملائي البتكتب بيها لاي زول او زولة هنا
وكمان هاك دي
Quote: لدي قناعة تامة المشكل الحقيقي هوالجهل باللوائح , فالذي أستغرب وأتعجب له كيفية عدم معرفة آي عضو باللوائح , من هنا ياتي بعدنا عن ثقافة القوانين لم نكتسبها في حياتنا بالرغم من أهميتها وبالتأكيد للدولة تأثير سلبي (ما علينا) ,
والجهل بالشيء في ذاته ليست عيب ولكن هو عدم وعي تام, فالذي يحب يفهم يسأل ويثابر علي المعرفة , ولكن الإصرار علي عدم المعرفة هو الفشل الحقيقي والكارثي . إنتهت مداخلتي
ومرة ثانية شكراً لك ..
|
الاقتباس الفوق دا ورد منك في البوست الاحنا فيه دا زاته
سياتك جيت نزلت بعض لوائح المنبر ومعاه الشرح بتاعك
وموضوع بوست لؤي واضح انه بيشرح حالتي المنبرية
فيبقى اي زول يقرا كلامك دا قطع شك حيجد انه موجه لينا
والا كان تكتب نفس الكلام في بوست تاني
وعندها انا لو جيت ورديت ليك بي رد الزعلك قبيل
كنت انا اكون غلطانة ومحقوقة ليك
Quote: هل تعرفين الأساءة التي قلتيها في حقي وحق غير من الذين (حسب فهمك) لم يتضامون معك فهم علي قولك غير مربيين ولا عندهم أصل ؟! لم أردها لك ولا أريد أن أردها وحتي ولو بالإمكان ذلك ,
كيف عرفت إني إطلعت علي مادار بينك وبين الذين حسبما تقولين أساؤا لك ؟! ولماذا تضعين الناس في خيارين إما معكِ أو ضدك ؟! ألم يكن للذين لم يتضامنو معك حق , في عدم معرفة أيكم عي حق فيذهب بنفسه بعيداً كل هذا وذلك ؟!
|
دا حكم مسبق منك علي
كوني قلت على الايدوني وناصروني انهم عملوا كدا من اصلهم
دا ما بينقص من قدر الاخرين.... ولا ينفي عنهم تلك الصفة
Quote: ألم يكن للذين لم يتضامنو معك حق , في عدم معرفة أيكم عي حق فيذهب بنفسه بعيداً كل هذا وذلك ؟!
|
واصلا لو في عدم معرفة ... الجاي خاشي ليها شنو
موش الزول المفروض يعرف الحاصل شنو ويجي يحكم الناس
عشان حكمه يكون حقيقي ومنطقي
كان تعطوا انفسكم فرصة فهم الحاصل وقراءته
ومن ثم التفضل بالحضور والقاء الراي
او من الاول مافي شئ بلزم للدخول.......
| |
|
|
|
|
|
|
|
|
|
Re: سلسلة حوارات صريحة وبلا حساسيّة .. البداية مع (( ميّادة كمال )) فهل تقبلين ؟ (Re: لؤى)
|
ــــ
Quote: وللأخ عماد
أرجو أن تنتظر الرّد
دون عجلة وإعتقاد بنيّة في تجاهلك
فلرُبّما هناك ظروف لا تسمح بدخول حُمّيدة أو ميّادة الآن
|
شكراً لك مراراً وتكراراً الأخ لؤي :
سوف أنتظرهم لكي يدافعوا عن أرآئهم أو اقوالهم وإن صحت كتاباتهم ويجبوا علي أسئلتي .
بالتأكيد أخي لؤي واضع كل الإعتبارات المعرقلة من تقنية ... وإلي النفسية (المزاجية في الكتابة)
مافي عجلة خلاص .
وتحياتي .
| |
|
|
|
|
|
|
|
|
|
Re: سلسلة حوارات صريحة وبلا حساسيّة .. البداية مع (( ميّادة كمال )) فهل تقبلين ؟ (Re: مصطفى عكر)
|
Quote:
الاخ لؤى ... تحياتى..
من خلال الجزء الذى تمكنت من متابعته "من غير ترتيب" تبادر لى سؤال ارغب فى اجابته "حتى لو كان سؤالا اشتر"
باى صفه؟؟؟ |
الأخ مصطفى عكر
تحيّة طيّبة
بصفة من يهمّه فهم شيء في مكان يجمع مجموعة متزاملة
مكان يضمّنا ونحاول الاستفادة منه ومحاولة إعطاء بعض الفائدة له كذلك
شخص يحاول تقريب وجهات نظر بين ومع بنات وأبناء وطن واحد مزّقته الخلافات
فيحاول بأضعف الإيمان حتّى وإن فشل
يستأذن قبل بدء فكرته
فإن وجد القبول من الأطراف المعنيّة
يسعى لغرضه
وإن لم يجد القبول
ترك الأمر متفرّجاً كما كان طيلة فترة الصّراع المؤثّر نوعاً ما عليه كعضو في المجموعة
وبتلك الصّفة فقط وتوجيه الدّعوة لطرحها
وقبولها من ميّادة كطرف
حاورت
لك التّحيّة والإحترام
| |
|
|
|
|
|
|
|
|
|
Re: سلسلة حوارات صريحة وبلا حساسيّة .. البداية مع (( ميّادة كمال )) فهل تقبلين ؟ (Re: emad altaib)
|
لؤي ازيك
بعيدا عن موضوع ميادة
اسه احنا فهمنا شنو من البوست ده؟؟؟
داير الجد يا اخوي ومع احترامي الانت بتعرفه ليك بس يااخوي ميادة دي "اكلتها حنك عديل كدة" ميادة متسرعة في ردودها وانفعالية لكن يحمد لها انها واااااضحة ومباشرة ودوغري في كلامها البتقوله، والاستهداف الاتعرضت لي مؤخرا والكلام السخيف الاتقال ليها ما رضى اي زول.
بوستيك الفتحته ده يا اخوي مافهمت قاصد بي شنو؟؟؟؟؟ وعندك ردود رديت بيها على ميادة حيرتني فيك يا لؤي!!!!!!!!!! حيرتني شديد وفيها بكل وضوح استفزاز لي ميادة لا يمكن ان يندرج في باب الهظار او الهزار " اختار الأصح".
انا بقول ليك كلامي ده وانت عارف انا بحترمك قدر شنو... بس بالجد مارضتني انك تخت ميادة في كورنر زي ده؟؟؟ معليش اقبلها مني.. كل الاخوان المرو هنا وايدو ليك البوست ده مع احترامي بوجهة نظرهم بس البوست ده بي طريقته الشافتها عيني دي ,,,,,, بوست مامرضي.
والود في محله
| |
|
|
|
|
|
|
|
|
|
Re: سلسلة حوارات صريحة وبلا حساسيّة .. البداية مع (( ميّادة كمال )) فهل تقبلين ؟ (Re: حنين للبلد)
|
Quote:
لؤي ازيك
بعيدا عن موضوع ميادة
اسه احنا فهمنا شنو من البوست ده؟؟؟ |
أهلين حنين للبلد سلامات
ما عارف طبعاً طالما بعيد عن موضوع البوست
لم يكن في بالي أن يفهم النّاس كُلّ حاجة
Quote:
داير الجد يا اخوي ومع احترامي الانت بتعرفه ليك بس يااخوي ميادة دي "اكلتها حنك عديل كدة" ميادة متسرعة في ردودها وانفعالية لكن يحمد لها انها واااااضحة ومباشرة ودوغري في كلامها البتقوله، والاستهداف الاتعرضت لي مؤخرا والكلام السخيف الاتقال ليها ما رضى اي زول. |
أكيد عاوز الجّد
وغيره كذلك
فكُلّها آراء أحترمها
بس ما فهمت أكلتها حنك عديل كدا في شنو طبعاً
Quote:
بوستيك الفتحته ده يا اخوي مافهمت قاصد بي شنو؟؟؟؟؟ |
قصدت به ما أعلنته مراراً هنا
محاولة الاستماع فقط في هدوء لطرف من أطراف صراع
منّي أنا كشخص راغب في مناقشتها
ورُبّما جني الفائدة إن تمكّنت الأطراف الأُخرى من الاستماع لها في حوار قد يوفّر فرصة استماع دون اساءات وصراعات لا تمنح فرصة استماع ولا رغبة فيها
Quote:
وعندك ردود رديت بيها على ميادة حيرتني فيك يا لؤي!!!!!!!!!! حيرتني شديد وفيها بكل وضوح استفزاز لي ميادة لا يمكن ان يندرج في باب الهظار او الهزار " اختار الأصح". |
بالطّبع أحترم رأيك جدّاً
فتقييم الأمور يختلف بين النّاس جميعاً
ومن الصّعب الإتّفاق على بصمة محدّدة يجتمع عليها كُلّ النّاس
فما يضحك مجموعة ليس من الضّروري أن يضحك الكُل
وما يبكي مجموعة ليس كذلك من الضّروري أن يبكي الكُل
هي بساطة في التّعامل وأريحيّة لا يتمّ دراستها قبل إطلاق خلاصاتها
Quote:
انا بقول ليك كلامي ده وانت عارف انا بحترمك قدر شنو |
هذا الأمر لا يحتاج إلى إشارة بالنّسبة إليّ
فالإختلاف في الرّأي لا يعني عدم الإحترام
ونختلف في أذواقنا
وفي إختياراتنا وخياراتنا
وحتّى مع أقرب النّاس ومع من نحب نختلف
ويظلّ الإحترام والقرابة والحُب وما إليه مكانه لا يحرّكه ولا يضعفه الإختلاف في رأي وفكرة
Quote:
بس بالجد مارضتني انك تخت ميادة في كورنر زي ده؟؟؟ معليش اقبلها مني.. كل الاخوان المرو هنا وايدو ليك البوست ده مع احترامي بوجهة نظرهم بس البوست ده بي طريقته الشافتها عيني دي ,,,,,, بوست مامرضي. |
لم أنزو بميّادة على رُكن
جلست معها أمام الجّميع هنا
وكون البوست غير مُرضي فهذا أمر طبيعي
أكتب وأعزف وأعمل وأصادق
وليس من المعقول أن أنجح في كُلّ ما أفعل
هو فشل يُضاف لقائمة ما أفشل فيه من ضمن ما أفعل في مسيرة حياتي
تماماً كما يحدُث أن أنجح في بعض الأمور
فتُضاف كذلك بعض تلك النّجاحات لرصيد ما أفعله في حياتي
لا شك مُطلقاً
ومنّي لكِ أعمق منه
مع إحترام وتقدير ودُعاء من القلب لكِ ولمن في محيطك بالسّعادة والتّوفيق وراحة البال
تحاياي وإمتناني
| |
|
|
|
|
|
|
|
|
|
Re: سلسلة حوارات صريحة وبلا حساسيّة .. البداية مع (( ميّادة كمال )) فهل تقبلين ؟ (Re: السيد المسلمي)
|
الاخ لؤي
سلام
فكرة البوست حلوة
وتعرفت علي جانب من ميادة غاب او مغيب نتيجة لحروب داحس والغبراء المنبرية.
لدي ملاحظة :
كان يجب التنويه في مقدمة البوست ، ان هذا البوست ليس لمناقشة او الحكم علي
عضو المنبر ،المدعو للحوار، في قضية محددة او معركة مشهودة،بل القصد النظر
لتلك المشاحنات في جو خالي من التوتر وبعيد عن الحدية .
والدعوة للحوار ليست اتهام مبطن للعضو ، بل تاكيد ان العضو المدعو عضو فعال
والهدف تجويد الفعالية . لانه يبدو ان البعض ربط البوست وفكرته بحادثة معينة
ولك الود
| |
|
|
|
|
|
|
|
|
|
Re: سلسلة حوارات صريحة وبلا حساسيّة .. البداية مع (( ميّادة كمال )) فهل تقبلين ؟ (Re: MAHJOOP ALI)
|
محجوب يا حبيبنا سلام إتخيل لي ما قريت ليك رأي في المنبر و إختلفت معاه غير ده !
أخونا لؤي ده من أكتر الناس قبولا و إحتراما لنفسه و للناس في المنبر ، لكن فكرة بوستو ده ما حلوه علي الإطلاق ...
أول حاجه بتدي إحساس بالوصايه و الاستعلاء - و أنا متأكد مليون في الميه إنو أخونا لؤي ما منتبه للحته دي - لكن أول حاجه جات في راسي لمن قريت فكرة البوست : ياخي إنت منو جاي تزرزر الناس في سويتو و تركتو ؟!!
الشي التاني مهما كنت محايد ، حا يكون عندك رأي مسبق في الزول الجاي تزرزرو ده ، بدليل تحديدك لناس معينين عشان تزرزرهم ، بمعني آخر أخونا لؤي عندو - هو في عضمتو - رأي سالب في الناس دي و إلا ما كان جابهم يزرزرهم .
تالتا و ده ألاهم في نظري : قصه إنك تجيب ليك ناس في اسافير بكري أبو بكر ده و تزرزرهم : ليه عملتو كده يوم كده و ليه ما عملتو كده ، بتطلب إنك تكون عارف أي مداخله في أي بوست من ما العضو إتسجل و سبب أي خلاف أو مشكله حصلت ليهو و ده المستحيل ذات نفسو !
الناس اللي لؤي ناداهم ولا حا يناديهم عشان يزرزرهم في تقديري حا يجو بس لانو المنادي هو أخونا لؤي : أخ محترم و من قلايل الناس هنا اللي الناس ما شافتو بيهاتر ولا في مشكله مع زول ! لكن البوست و فكرتو والله يا محجوب يا أخوي تعيسه تعاسه وهبه في رمضان ، و غير ما يزيد المشاكل ما حا يعمل شي .
مودتي لك ولاخونا لؤي ..
| |
|
|
|
|
|
|
|
|
|
Re: سلسلة حوارات صريحة وبلا حساسيّة .. البداية مع (( ميّادة كمال )) فهل تقبلين ؟ (Re: أمين محمد سليمان)
|
الأخوان لؤي وميادة ..
الأخ حميدة
تحياتي.
يا حميدة إذا أنا فهمت البوست صحيح، فلؤي بيناقش القيمة، وليس موقفاً بعينه. يمكن أكون وجدت نفسي متفهّماً لما أراد لأني لم أتابع الصولات في البوست أو البوستات التي تحدّثتم عنها، وتعاملت مع فكرة البوست ده كشئ مجرّد وعام.
ويا لؤي .. أجدها (فكرة البوست) جميلة لدرجة صعوبة تنفيذها. (الفكرة عموماً يا ناس ... وليس الأشخاص الذين اختارهم لؤي للحوار).
لكم جميعاً التحية والإحترام،،
| |
|
|
|
|
|
|
|
|
|
Re: سلسلة حوارات صريحة وبلا حساسيّة .. البداية مع (( ميّادة كمال )) فهل تقبلين ؟ (Re: emad altaib)
|
ــــ
Quote: ثانيا موش حضرتك عماد الطيب اللي تجادلنا انا والاخ وليد المبارك في البوست اياه
واصرارك الدائم على كوبي اند بست للوائح بكري تلك
طيب انا غلطانة
معقولة وليد يكون برضو غلطان
او يجي يناصرني وانا غلطانة
للاسف البوست اتحذف من قبل بكري
وما حاقدر اجيك بالكوتات |
تماما أنا حضرتي عماد الطيب اللي إنت في نفس البوست وبنفس كوبي بسيت بتاعتي الخاصة بالقوانين , وإنت زاتك ميادة كمال مش رديت في البداية بكلام مقبول ومعقول وكمان معاه (إقونة) ضاحكة ,
طيب السبب الغيرك إسلوبك شنو ؟!
وليد المبارك أنا رفضت أتجادل معاه حتي يغير الخطاء وقد طلبت منه قبل ذلك بعد أن كررها كم مرة فقد قبلت منه أنه أخطاء بغير قصد حينما كتب (عاد) بدلاً من عماد فهو خطاء مطبعي وارد أما (الطالب) فلم أعتقد خطاء فقد نبته من قبل أنه الطيب وليست الطالب ,
أعتقد دخول وليد هو كان السبب في تغيرك أو تغير الجو عليك , فالبوست يا سيدة يا فاضلة عنوانه لم يكن تضامن بل هو كان ( شكوي عاجلة إدارة المنبر لـ بكري).. وقد كان دخولي محدداً حول مضوع الشكوي , التي فحواها أن الشكوي تتم عن مراسلة بكري عن طريق إيميله , بغض النظر عن التضامن ولكن آيها شكوي هي طريقها المنظمة هي المراسلة فقط المراسلة ,
وليد المبارك فرض أشياء ليست لها واقع , وعندما سألته عن كل شيء لم يجاوب حتي أفهم منه شيء وقد شككني في أصحابي فكانه يعرفني ويعرف أصحاب , وهل تعتقدين كان علي حقك ؟!
وليد المبارك يريد أن يحاكم النوايا ويريد أن يكون عليّ وصي .. هذا لم أقبله منه ولا من نهائياً , وهو ينظر إلي الأشياء بسطحية ففي فهمه أنني لم أتي باللوائح التي لم تدين زيد وعبيد , فقد أوضحت لك في أول مداخلة في نقل القوانين ومفهومي لها ..!
ثالثاً :
(عدل بواسطة emad altaib on 11-09-2009, 04:59 PM)
(عدل بواسطة emad altaib on 11-09-2009, 05:15 PM)
| |
|
|
|
|
|
|
|
|
|
Re: سلسلة حوارات صريحة وبلا حساسيّة .. البداية مع (( ميّادة كمال )) فهل تقبلين ؟ (Re: emad altaib)
|
الاخ لؤي
الاخ عماد الطيب
انا سوغت مبرراتي اللي خلتني ارد عليك بهكذا طريقة
ولك مبرراتك اللي تجعلك ترى انك صح
ولاني شايفة نقاشك جابت ليها فلان عمل وقال ووووو
يا سيدي اعتذر لك.... انا استاااهل ضرب بالجزمة
واسمح لي ليست لي رغبة في المجادلة في هذا الموضوع
فرجاء لا امر اعفي لي.... واقبل عذري
واحترم رغبتي ... (اذا ما عندك مانع طبعا) لاني شايفه اني ليست لدي الرغبة في تكملة الحوار
وهذا بمثابة اعلان للجميع
اتوقف عند هذا القدر
واسمحوا لي لن ادخل هذا البوست مرة اخرى
وأستغفر الله لي ولكم
والعفو والعافية من الجميع
| |
|
|
|
|
|
|
|
|
|
Re: سلسلة حوارات صريحة وبلا حساسيّة .. البداية مع (( ميّادة كمال )) فهل تقبلين ؟ (Re: mayada kamal)
|
ـــ
الأخت ميادة كمال ,,, مساء الخير
ياخي والله الموضوع ما أعتذار , بقدر ما هو توضيح ونقاش , ولكن علي كل حال لك الشكر والتقدير والإعتذار أيضاً , وما في آيها إشكال في عدم المواصلة فهذا من حقك , ولكن إنت التي ذكرتي سيرة وليد , ولم يكن من حقي أن أضربك لا بالحروف ولا بالحزمة فالله أكرمك وأكرمنا , فمهما إختلفنا فالإنسانية تجمعنا ..
فكوني بخير
والشكر موصول للأخ العزيز لؤي
فشكراً لكما جميعاً
| |
|
|
|
|
|
|
|
|
|
Re: سلسلة حوارات صريحة وبلا حساسيّة .. البداية مع (( ميّادة كمال )) فهل تقبلين ؟ (Re: emad altaib)
|
Quote:
أولاً: كلمة إصرار هذه من عندك إنتِ , وكويس جداً أنو كان (إصراري) حسب زعمك كان في قوانين بكري ولم يكن في شيء أخر..! أما عن (الإدانة) فلم أضع أنا تلك القوانين .. والذي يدين حقيقة ليست القانون , أنما هي الأفعال _ الكتابة التي تدين وفقاً للقانون والفارق شاسع ومن هنا فهمي يقول أن الغاية العظمي لفهم القانون هي تجنبنا الوقوع في المحظور فهو أفضل بدرجات من تطبيقه .. وبهذا يكون إصراري الذي تقولينه في مصلحتك قبل أن يكون خصماً عليك ..! |
متابعة ...
لكما التّحيّة
| |
|
|
|
|
|
|
|
|
|
Re: سلسلة حوارات صريحة وبلا حساسيّة .. البداية مع (( ميّادة كمال )) فهل تقبلين ؟ (Re: محمد أبوالعزائم أبوالريش)
|
Quote:
الأخوان لؤي وميادة ..
الأخ حميدة
تحياتي.
يا حميدة إذا أنا فهمت البوست صحيح، فلؤي بيناقش القيمة، وليس موقفاً بعينه. يمكن أكون وجدت نفسي متفهّماً لما أراد لأني لم أتابع الصولات في البوست أو البوستات التي تحدّثتم عنها، وتعاملت مع فكرة البوست ده كشئ مجرّد وعام.
ويا لؤي .. أجدها (فكرة البوست) جميلة لدرجة صعوبة تنفيذها. (الفكرة عموماً يا ناس ... وليس الأشخاص الذين اختارهم لؤي للحوار).
لكم جميعاً التحية والإحترام،، |
أخي محمّد أبو العزائم
مساء الخير
أنت فهمتني تماماً كما تفعل عادةً
مودّتي
| |
|
|
|
|
|
|
|
|
|
Re: سلسلة حوارات صريحة وبلا حساسيّة .. البداية مع (( ميّادة كمال )) فهل تقبلين ؟ (Re: أمين محمد سليمان)
|
Quote:
محجوب يا حبيبنا سلام
Quote: فكرة البوست حلوة
إتخيل لي ما قريت ليك رأي في المنبر و إختلفت معاه غير ده !
أخونا لؤي ده من أكتر الناس قبولا و إحتراما لنفسه و للناس في المنبر ، لكن فكرة بوستو ده ما حلوه علي الإطلاق ...
أول حاجه بتدي إحساس بالوصايه و الاستعلاء - و أنا متأكد مليون في الميه إنو أخونا لؤي ما منتبه للحته دي - لكن أول حاجه جات في راسي لمن قريت فكرة البوست : ياخي إنت منو جاي تزرزر الناس في سويتو و تركتو ؟!!
الشي التاني مهما كنت محايد ، حا يكون عندك رأي مسبق في الزول الجاي تزرزرو ده ، بدليل تحديدك لناس معينين عشان تزرزرهم ، بمعني آخر أخونا لؤي عندو - هو في عضمتو - رأي سالب في الناس دي و إلا ما كان جابهم يزرزرهم .
تالتا و ده ألاهم في نظري : قصه إنك تجيب ليك ناس في اسافير بكري أبو بكر ده و تزرزرهم : ليه عملتو كده يوم كده و ليه ما عملتو كده ، بتطلب إنك تكون عارف أي مداخله في أي بوست من ما العضو إتسجل و سبب أي خلاف أو مشكله حصلت ليهو و ده المستحيل ذات نفسو !
الناس اللي لؤي ناداهم ولا حا يناديهم عشان يزرزرهم في تقديري حا يجو بس لانو المنادي هو أخونا لؤي : أخ محترم و من قلايل الناس هنا اللي الناس ما شافتو بيهاتر ولا في مشكله مع زول ! لكن البوست و فكرتو والله يا محجوب يا أخوي تعيسه تعاسه وهبه في رمضان ، و غير ما يزيد المشاكل ما حا يعمل شي .
مودتي لك ولاخونا لؤي |
الأخ الكريم أمين
مساء الخير
طبعاً في بالي مسألة فشل الفكرة
وكما ذكرت في ردّي على بعض المُداخلات هنا
هي مجرّد محاولة
لجعل بعض أطراف بعض الصّراعات تخرج ما لديها
في جو أهدأ نسبيّاً من جو بوستات الصّراعات نفسها
فقد يصل رأي للطّرف الآخر في حالة الاستماع في هدوء
بينما قد لا يصل في حالة الشّد والرّد بتعجّل قبل التّفكير برويّة
لكن صدّقني أخي
لم يكن القصد الزّرزرة أو الوصاية والاستعلاء
فلست أنا من ينصّب نفسه لزرزة أحد لأيّ غرضٍ كان
ومن إخترت من ضمن ممّن إخترت
إخترت بدون حصر أو ما شابه
إخترت فقط محاولاً الوصول لبعض ما يعتمل في صدور البعض هنا
وعكس بعض الآراء في جو هادئ
ولم يكن في النّيّة تعميق الخلافات أو زيادة المشاكل
بل على العكس
كان القصد تخفيف حدّتها
وفد تفشل الفكرة بالطّبع
تقديري ووُدّي
| |
|
|
|
|
|
|
|
|
|
Re: سلسلة حوارات صريحة وبلا حساسيّة .. البداية مع (( ميّادة كمال )) فهل تقبلين ؟ (Re: MAHJOOP ALI)
|
Quote:
الاخ لؤي
سلام
فكرة البوست حلوة
وتعرفت علي جانب من ميادة غاب او مغيب نتيجة لحروب داحس والغبراء المنبرية. |
أخي محجوب علي
تحيّة طيّبة
إذن جميل كون فكرة البوست أفادت البعض كما أردت
Quote:
لدي ملاحظة :
كان يجب التنويه في مقدمة البوست ، ان هذا البوست ليس لمناقشة او الحكم علي
عضو المنبر ،المدعو للحوار، في قضية محددة او معركة مشهودة،بل القصد النظر
لتلك المشاحنات في جو خالي من التوتر وبعيد عن الحدية .
والدعوة للحوار ليست اتهام مبطن للعضو ، بل تاكيد ان العضو المدعو عضو فعال
والهدف تجويد الفعالية . لانه يبدو ان البعض ربط البوست وفكرته بحادثة معينة
ولك الود |
أشرت للأمر
لكن بالطّبع بطريقة مختلفة
هكذا :-
أقرأ لبعض الأقلام هنا بعض البوستات
وقد تساءلت كثيراً بيني وبين نفسي حول بعض محتوياتها
ولم أجد إجابات لتساؤلاتي
لذا رأيت أنّ الحوار هو أحد وسائل التّفاهم
والرّد على التّساؤلات قد يكون فيه استيعاب كبير على ما لا نفهمه عادةً
فالغاية هُنا هي محاولة الفهم فقط لا غير
لا أحكام ولا آراء مُسبقة ولا نوايا مُستترة
نوّهت كما ترى ولكن بشكل مختلف
وهذا أمر طبعاً مفهوم
فلا يمكن أن أكتب بالضّبط ما قد يراه غيري بأسلوب محدّد
قد تختلف الاساليب
لكن صدّقني
ما ذكرته هنا هو ما جال بخاطري عند فتح البوست
لكن إختلفت صياغة التّنويه في مقدّمة البوست
لك التّقدير والوُد
| |
|
|
|
|
|
|
|
|
|
Re: سلسلة حوارات صريحة وبلا حساسيّة .. البداية مع (( ميّادة كمال )) فهل تقبلين ؟ (Re: السيد المسلمي)
|
Quote: الله يدينا طولت بالك ياميادة
غايتو صبرتي كيف ماعارف ؟
حيرتيني والله ! |
ازيك يالؤي
مشتاقين ياخ
وماشايفنك في الشتات
تعرف يا لؤي ميادة فعلا طباعها حادة جدا
لكن كمان المنبر ده لازم يكون فيه توازن
ميادة واحدة من الناس العاملين توازن في المنبر ده
وانا بجد لامن بكري وقفها شعرت ان المنبر مسيخ جدا بدونها
لانها صريحة وجريئة وما بتخاف
وتساوي امكن 1000 عضو في المنبر ده
او يزيد
انسانة مثقفة ومتعلمة وبنت اصول
وانا والله ما عايز اشوفها في شتائم ومهاترات
لكن كمان هي انسانة
عندما يهتك عرضها ويتكلم البعض في شرفها ماذا تفعل؟؟؟
اها الحمد لله الحديث بينكم تم علي خير
وميادة طلعت متألقة دون ان تخسر انسان راقي مثلك
لكن كمان الحق يقال يا لؤي اخوي
انت كمان اتكلم مع الناس البجيبوا سيرة شرفها
وسنتابع ايضا معك بقية اللقاءات القادمة
خالص الود والتقدير
ملحوظة:
انا فعلا اتوقعت ميادة ما تفقد اعصابها معاك
لانك معروف في المنبر باتزانك وابداعاتك
لكن امكن لو كان زول غيرك
كان الموضوع يكون مختلف
| |
|
|
|
|
|
|
| |
لؤى
humida
mayada kamal
داليا حافظ
حيدر حسن ميرغني
عمران حسن صالح
Ishraga Mustafa
emad altaib
الامين موسى البشاري
محمد عبد الماجد الصايم
سارة علي
MAHJOOP ALI
أمين محمد سليمان
محمد أبوالعزائم أبوالريش
ASHRAF MUSTAFA
فيس بوك
تويتر
انستقرام
يوتيوب
بنتيريست