ايمان يا ممسوخه والله ليك وحشه اسمعى ... احنا طورنا المطعم حقنا يا بت امى بقى عندنا بوتجازات بالطاقه الشمسية وافران بالطاقه الحرارية ومايكروويف بالطاقه النوويه ... ما سمعتى نجادى اثنى علينا كيف فى الخطاب بتاعو .. هو ما من انصار الانشطار النووى .. قال مستعد يمولنا بى خمسه حبات ذره غير منشطره ... رايك شنو النبى ......
يا بروف .. انا كلمت ليك ادارة السجن يحسنو معاملتك ... ح نديك فى وجبة الفطور بيرجر جبنه وفى الغدا جبنه بى بيرجر وفى العشا بيرجر معاهو جبنه .. قصرت معاك ...
02-25-2007, 06:17 AM
lana mahdi
lana mahdi
تاريخ التسجيل: 05-07-2003
مجموع المشاركات: 16049
Quote: يا بروف .. انا كلمت ليك ادارة السجن يحسنو معاملتك ... ح نديك فى وجبة الفطور بيرجر جبنه وفى الغدا جبنه بى بيرجر وفى العشا بيرجر معاهو جبنه .. قصرت معاك ...
رندا و صويحباتها في (جبهة كفاح الجندر) مش كلمتكن؟ البوست دة مع البروف و مساعد البروف مشو في شان الله أين اختفى المدعو سفيان و المدعو لؤي و من لف لفهما؟؟ رأيكن شنو تأمرن بصرف واحد كوتة حلاوة طحينية للمسجون أعلاه و معها عدد 2 رغيف عيش؟؟
انا وصلنى خبر من مصادر موثوق بها انو تم رصد البروف لؤى ومعه المدعو سفيان نابرى فى احد ازقة مايرنو بيسالو عن "فكى ...." وحسب المعلومات انو كان بحوزة البروف ديك وتبدو عليه علامات الانهزام وهو بيتمتم ويقول "بس النلم فى الفكى دا .. والله كان اوريكن .. قال جندر قال" اما سفيان فقالو كان لابس مرقع وشايل مبخر طالع منو بخور تيمان وبيلف ويدور ويقول "حييييييييييييي"
02-26-2007, 05:31 PM
lana mahdi
lana mahdi
تاريخ التسجيل: 05-07-2003
مجموع المشاركات: 16049
الفرهيد و (تم) الريد جيتن ؟!!! بختكن لقيتو البلد مافيها زول وضربتو التقلية والقراريص وكملتو السكر كلو زلابية اها هاكن ده برنامج بتاع (رجيم) اعملنو لانو لو جيناكم بي جنس حالكن ده ما بتقدرن علي الجري
Quote: (رجيم السبعة ايام) هذا الرجيم معمول به في بعض المراكز الطبية من أجل إنقاص وزن مرضى القلب الذي سيخضعون لعملية معينة، وهو جدا فعال يحتوي على جميع الأصناف الغذائية، والهدف منه إنقاص ما بين 4 إلى 7 كيلوجرام (10 إلى 17 باوند) في الإسبوع الواحد! تعتمد طريقته على الإكثار من الإطعمة التي تحرق السعرات الحرارية وبخاصة الشوربة الحارقة (ستجد طريقة عملها في الأسفل) أكثر مما تعطيه للجسم، ومدته اسبوع واحد يمكن أن يكرر أكثر من مرة، علما بأنها لا تحتاج إلى رياضة خلال فترة الرجيم قبل أن تبدأ في ذكر الرجيم: يجب أن تكر أنه يجب الإمتناع خلال الرجيم عن شرب المشروبات الغازية وغيرها، ويجب شرب 10 أكوبا من المائ يوميا!
اليوم الأول: (جميع أنواع الفواكه ما عدا الموز) تناول كثيرا من من الفواكه التي ترغب بها مهما كان نوعها ما عدا الموز، لا بأس من تناول عصير الفاكه الغير محلى بالسكر، وأكثر من الشوربة الحارقة، وينصح بالإكثار من البطيخ أو الشمام حتى تزيد احتمالية نقص كيلو واحد في هذا ال
اليوم الثاني: (جميع الخضار) 1- تناول الكثير من الخضراوات وكثيرا من الشوربة
2- في وجبة العشاء تناول حبة بطاطا واحدة مطبوخة مع الزبدة إضافة للشوربة
3- تناول الخضراوات التي ترغبها سواء كانت معلبة أو طازجة أو مجمدة أو مسلوقة (بدون إضافة أي نوع من الصلصات أو البهارات)
4- ابتعد عن تناول كافة أنواع الحبوب – القمح – الفول – المكسرات بأنواعها .
اليوم الثالث: (يوم الخضار والفاكه بدون موز!) تناول كل ما تريد من الخضراوات والفواكه وكثيرا من الشوربة ولا تتناول بطاطا هذا اليوم أو موز.
اليوم الرابع : (الموز والحليب!) تناول كثيرا من الشوربة مع 8 حبات من الموز لتحصل على البوتاسيوم وكذلك ثلاث أكواب من الحليب قليل الدسم للحصول على الكالسيوم اشرب كثيرا من الماء وأضف إليه كثيرا من مسحوق النخالة لتجعل عمليتي الهضم والإخراج طبيعية.
اليوم الخامس: (بروتين وطماطم) تناول كثيرا من الشوربة مع لحم العجل أو السمك المسلوق أو الدجاج بعد إزالة الجلد بعد السلق وتناول البندورة حيث بالإمكان أخذ 560 جرام من لحم العجل وعلبة كبيرة من البندورة أو 6 حبات من البندورة تأكد من تناول 12 أكواب من الماء هذا اليوم لتغسيل أجهزة الجسم الداخلية من بقايا الحم المهضوم.
اليوم السادس: (اللحم والخضار) تناول كثيرا من الشوربة ولحم العجل وكثيرا من الخضروات هذا اليوم عدا البطاطا كما بإمكانك أن تأخذ 2-3 قطع من اللحم الشرائح الستيك إذا رغبت وأي نوع من الخضروات أو الألياف الخضراء . تذكر أن الشوربة هو الأساس في هذه الحمية!.
اليوم السابع: ( الرز البني ، عصير الفواكه والخضار) تناول كثيرا من الشوربة مع كمية غير محدودة من الأرز البني والفواكه والخضروات ما عدا البطاطا حتى تشبع تماما.
ملاحظات هامة : بعد نهاية اليوم السابع إذا اتبعت التعليمات السابقة تماما فسوف تكون قد فقدت 5-7 كغم وإذا فقدت أكثر من 7كغم توقف عن هذه الحمية ليومين فقط قبل العودة مرة أخرى لإتباع الحمية ابتداء من اليوم الأول .
حيث لكل شخص تركيبة خاصة بجسمه فتأثير هذه الحمية يختلف من فرد لآخر ولكن هناك حقيقة ثابته وهي أن هذة الحمية تنظف أجهزة الجسم من المكونات الملوثة لهذه الأجهزة لذلك تعطيك شعورا بالراحة تجعل جسمك نقيا وتشعر بأنك أكثر حيوية .
يمكن متابعة هذه الخطة في الوقت الذي تراه مناسبا لك وستعشر بالفرق ولكن يحبذ أخذ راحة لمدة ثلاثة أيان ما بين كل أسبوع يتم فيه أكل الوجبات بشكل عادي دون اسراف طبعا
يمنع قطعيا خلال هذه الحمية تناول الخبز والكحول والمشروبات الغازية والمشروبات المخصصة للحمية ويمكن تناول أي أدوية وصفها لك الطبيب خلال اتباعك لهذه الحمية بأمان.
Quote: اها وقع ليكم والا لع؟!!! المخطط واضح جداً أنو بين الرباعي ده ، اها هم نزلوا بالتوالي اول شي فكوا رندا بعديها جات لنا عاملة فيها استاذة وفي نفس الوكت عاملة فيها ما شغالة بالبوست كتير ومن ثّم (والله من ثّم دي عجبتني لي) جات ايمان وتحت تحت متكتكين مع ملكة سبأ تخش علي أساس انها (جِن) اها في الوكت ده بالضبط (رندا) تعمل فيها حريصه علي الفصل وتقول قريت اية الكرسي طردته الجنية (ملكة سبأ) وملكة سبأ تعمل فيها انطردت وفي ذات الحين ايمان تقول خلاص ح اهداء وعايزه اتعلم واقرأ وهي الكان (فاكاها) في روحه (دي جيتي من الجامعة وما عارف شنو داك) . اها وقع ليكم التكتيك بتاع (هوانم سودانيز اون لاين) والا اعيدو ليكم.
لكن لقيتك ختري أنا عامل فيها عندي ماستر في نظرية المؤامرة و التحليل الإستراتيجي طلعت إنت بروف عديل كان كدا أنا حوارك يا شيخي من يوم الليلة صعب و الله
02-25-2007, 02:13 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
سفيان عنوان العرفان البروف و ليك القومة بمناسبة يوم المعلم الفات أمس العم حسن الالفة الدمقراطي العريس متوكل النفض اكياس العم سام المقدودة رندا حاتم يا أصيلة و بت الأجاويد لنا أميرة الأميرات السياسيات إيمان بت صالح أيتها البنفسجة ملكة سبأ و النبا العظيم أبو الشموس سيد الفهم و الناس محمد البشرى يا بشرانا بك
مشتاق ليكم. إلا الظروف ابعدتني منكم.. و عاوز أخت حلقة ضغيرونة في اضان جماعة هنا دا: أنا دا لا جندري و لا يحزنون.. لكن البنات ديل ما بقبل فيهن أيّتها حاجة. سمعتوا و للا أفسر؟ كان غلطانات ذاتو كلامهن ما غلط. ديل قوارير الحياة و الحب و الحنان.. شفتوا الحاءات دي كيف؟ ما جاية من حواء ام الناس و العالمين.
حب ليكم كلكم لامن مدفق
02-25-2007, 03:48 PM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
Quote: و عاوز أخت حلقة ضغيرونة في اضان جماعة هنا دا: أنا دا لا جندري و لا يحزنون.. لكن البنات ديل ما بقبل فيهن أيّتها حاجة. سمعتوا و للا أفسر؟ كان غلطانات ذاتو كلامهن ما غلط. ديل قوارير الحياة و الحب و الحنان.. شفتوا الحاءات دي كيف؟
خُد
02-26-2007, 06:17 PM
lana mahdi
lana mahdi
تاريخ التسجيل: 05-07-2003
مجموع المشاركات: 16049
Quote: و عاوز أخت حلقة ضغيرونة في اضان جماعة هنا دا: أنا دا لا جندري و لا يحزنون.. لكن البنات ديل ما بقبل فيهن أيّتها حاجة. سمعتوا و للا أفسر؟ كان غلطانات ذاتو كلامهن ما غلط.
إنتا يايابا يا دراج العاطلة يا دخري الحوبة تتبارك ما تتشارك يعني بإختصار يا سيد سفيان نصيرنا و مناصرنا أبي عسل قال ليك إنتا و من لف لفك وبالمفتشر قضي الأمر
02-26-2007, 07:40 PM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
سفيان أخوي ازيك طبعا طالع من الحراسة هسع بعدماالجماعة شبعوا فيني شلاليت عشان أعترف ليهم بمكان وجودك واخيرا مضوني اقرار بعدم المشاركة فى المظاهرات وكتر خيرك يا سفيان لاني ما بنسي وقفتك مع ناس بيتنا فى فترة غيابي وبي كده اثبت لي فعلا انو نحن اصحاب مصير مشترك.. وان شاء الله نردها ليك فى يوم اعتقالك
بالمناسبة قول للاستاذ الحكاية ما محتاجة فكي عشان كل واحد يطلع شجرتو لاني احتطت للأمر وجبت معاي كجور عديل قاصد بيهم رندا وايمان وكان انت قلت علي حسب تحليلك الاخير نضيف الاميرة و ملكة سبأ ما عندى مانع
مع حبي للجميع
02-26-2007, 09:43 PM
ابوعسل السيد احمد
ابوعسل السيد احمد
تاريخ التسجيل: 12-12-2005
مجموع المشاركات: 3416
Quote: سفيان أخوي ازيك طبعا طالع من الحراسة هسع بعدماالجماعة شبعوا فيني شلاليت عشان أعترف ليهم بمكان وجودك واخيرا مضوني اقرار بعدم المشاركة فى المظاهرات وكتر خيرك يا سفيان لاني ما بنسي وقفتك مع ناس بيتنا فى فترة غيابي وبي كده اثبت لي فعلا انو نحن اصحاب مصير مشترك.. وان شاء الله نردها ليك فى يوم اعتقالك
بالمناسبة قول للاستاذ الحكاية ما محتاجة فكي عشان كل واحد يطلع شجرتو لاني احتطت للأمر وجبت معاي كجور عديل قاصد بيهم رندا وايمان وكان انت قلت علي حسب تحليلك الاخير نضيف الاميرة و ملكة سبأ ما عندى مانع
مع حبي للجميع
اوووووووووووووووو ابو الشموس سلـــــمات والف الف مبروك الاعتقال يازول بيقوي بقوي بس عليك الله شوف جنس مغصة الاعتقال ده يعتقلوك عشان انت مع تعليم البنات ديل وهن كل همهن يعملن التقلية والقراصة والزلابية ووين!!! في الفصل !! ما مشكلة تب برضو وراهن وراهن
ياشمس موضوع الاستاذ ده انساهو لانو صراحة كده نحنا ح نجيب (اسطاف) تاني (اسطاف دي سمعتها في واحده من الحلال المجاورة بي هنا) ايوة نجيب اسطاف (كرت كرتونه) بعدين بيني وبينك استاذك ده هو زاتو دقه قديمة ده ياخ من زمن (بيجدعو البدلة في الكتف)
02-26-2007, 11:47 PM
Shams eldin Alsanosi
Shams eldin Alsanosi
تاريخ التسجيل: 12-18-2003
مجموع المشاركات: 2135
يعني الرسالة ما وصلت يا أبو عسل؟ ياخي انا عشان ما اواجهك جيت محتمي بالكجور تقوم تستفرد بي براي فى السهلا وهسع فى داعي تضحك البنات علي وتخليني اتجرس زي ده!!
مع حبي
02-27-2007, 01:49 PM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
Quote: يعني الرسالة ما وصلت يا أبو عسل؟ ياخي انا عشان ما اواجهك جيت محتمي بالكجور تقوم تستفرد بي براي فى السهلا وهسع فى داعي تضحك البنات علي وتخليني اتجرس زي ده!!
أبو عسل ده أمرو قضي لكن يا شمس مافي كجور يجرسنو بنات غايتو إلا كان كجور (ضارب تلوج كندا)
02-27-2007, 05:43 AM
حسن الطيب يس
حسن الطيب يس
تاريخ التسجيل: 10-09-2005
مجموع المشاركات: 1322
Quote: سفيان عنوان العرفان البروف و ليك القومة بمناسبة يوم المعلم الفات أمس العم حسن الالفة الدمقراطي العريس متوكل النفض اكياس العم سام المقدودة رندا حاتم يا أصيلة و بت الأجاويد لنا أميرة الأميرات السياسيات إيمان بت صالح أيتها البنفسجة ملكة سبأ و النبا العظيم أبو الشموس سيد الفهم و الناس محمد البشرى يا بشرانا بك
مشتاق ليكم. إلا الظروف ابعدتني منكم.. و عاوز أخت حلقة ضغيرونة في اضان جماعة هنا دا: أنا دا لا جندري و لا يحزنون.. لكن البنات ديل ما بقبل فيهن أيّتها حاجة. سمعتوا و للا أفسر؟ كان غلطانات ذاتو كلامهن ما غلط. ديل قوارير الحياة و الحب و الحنان.. شفتوا الحاءات دي كيف؟ ما جاية من حواء ام الناس و العالمين.
يا سفيان الحق العشر قام ليهو شوك قول للعوين ديل العندا العصمة في يدها ترفع صوتها تسمعنا
02-27-2007, 02:04 PM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
بيان هام من القياده العامه لقوات "الفصل"المسلحه....
بيان رقم (1) بلدا ما فوقا تمساح يقدل فيها الورل ....
بيان رقم (2) هووووى يا ناس كنبة ورا .... سكتنا ليكم من زماااان وقلنا نحترم حق الزماله ... الواحد يغيب يجى يلقى البوست بقى زى طاولة مفاوضات ابوجا ... هى ابوجا كان جابت فايده مفاوضاتكم دى بتجيب .... اسمعو بعد دا الكلام النجيض مو نى .....
بيان رقم (3) اى واحد يلزم كرسيهو... بلا مولوتوف بلا بومبان بلا طيره ميته .... اسالو شمس الدين دا من المعتقل شكلو شنو واكان قال ليكم مقدور عليهو واصلو فى البتسوو فوقو دا .......
بيان رقم (4) التعليمات صرفت لينا باستخدام العنف المضاد من القائد العام "لنا" .... ملكة سبا حشدت كل الارواح السفليه والجنباوية لدعم قواتنا ودحر فلول المتمردين والخوارج .... الاخت سوميتا ح نستخدما خرزه فى عين الحسود الما صلى على النبى .... ايمان بت صالح تعكف حاليا على شطر الذرتين الاتبرع بيهم "نجادى" فردتنا ......
بيان رقم (5) اعتقد بعد التوضيح الفوق دا كل واحد يعمل حسابو ويلزم مكانو... المى حار مو لعب قعوى .... وقع ليكم ولا نعيدو ليكم .....
صدر تحت اسمى وتوقيعى ...... عن القياده العامه لقوات "الفصل" المسلحه... والله اكبر .... ولا نامت اعين الجبناء..
ملحوظه هامه: اى محاوله تمرد بعد دا ح نحول الملف كاملا الى محكمة لاهاى!!!!!!!!!!
02-28-2007, 07:01 PM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
بيان هام من القياده العامه لقوات "الفصل"المسلحه....
بيان رقم (1) بلدا ما فوقا تمساح يقدل فيها الورل ....
بيان رقم (2) هووووى يا ناس كنبة ورا .... سكتنا ليكم من زماااان وقلنا نحترم حق الزماله ... الواحد يغيب يجى يلقى البوست بقى زى طاولة مفاوضات ابوجا ... هى ابوجا كان جابت فايده مفاوضاتكم دى بتجيب .... اسمعو بعد دا الكلام النجيض مو نى .....
بيان رقم (3) اى واحد يلزم كرسيهو... بلا مولوتوف بلا بومبان بلا طيره ميته .... اسالو شمس الدين دا من المعتقل شكلو شنو واكان قال ليكم مقدور عليهو واصلو فى البتسوو فوقو دا .......
بيان رقم (4) التعليمات صرفت لينا باستخدام العنف المضاد من القائد العام "لنا" .... ملكة سبا حشدت كل الارواح السفليه والجنباوية لدعم قواتنا ودحر فلول المتمردين والخوارج .... الاخت سوميتا ح نستخدما خرزه فى عين الحسود الما صلى على النبى .... ايمان بت صالح تعكف حاليا على شطر الذرتين الاتبرع بيهم "نجادى" فردتنا ......
بيان رقم (5) اعتقد بعد التوضيح الفوق دا كل واحد يعمل حسابو ويلزم مكانو... المى حار مو لعب قعوى .... وقع ليكم ولا نعيدو ليكم .....
صدر تحت اسمى وتوقيعى ...... عن القياده العامه لقوات "الفصل" المسلحه... والله اكبر .... ولا نامت اعين الجبناء..
ملحوظه هامه: اى محاوله تمرد بعد دا ح نحول الملف كاملا الى محكمة لاهاى!!!!!!!!!!
رندا لو ده بيانكم والله (لاهاي) لاهاي ما بتتقدمو بس اوعه تكوني بعد (تليتيهو) غنوا ليك :- النار ولعت
02-28-2007, 02:36 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
كدي يا ود البشري هن انساهن (لائق) لي الكلام الفوق ده باقي لي مخي تخن وكلو كملتو في التحليل الفوق العجبك داااك انا ذاتي كان قايلهن بي جنس (الهوان) ده ما كان تعبته قدر ده احدى ما يجونى معجبين
02-28-2007, 08:11 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
Quote: عامل فيها عندي ماستر في نظرية المؤامرة و التحليل الإستراتيجي
ساعدني ياخ واعرف لي Soumeta (شِن نفره) اصلاً جيته متاخره دي ما لي خير تب اصلاً مرات مرات البجوا متاخرين ديل منهم خوفه تتذكر (زويلك) داك دحين ماقال للزول (ده) :- انت أمش القصر رئيس وأنا بمشي السجن حبيس اها أنا قدر الفضل لي في رأسي ده جيهتك بيها يلا كمل وشوف لي نفره
03-01-2007, 09:13 PM
ابوعسل السيد احمد
ابوعسل السيد احمد
تاريخ التسجيل: 12-12-2005
مجموع المشاركات: 3416
تحية خاصة من أستاذ لؤي إلى فصل المشاغبين ....و بالمناسبة أنا إتصلت بالأستاذ لؤي فهو مسافر بعيد عشان كدة ما بقدر يرد ليكم و هو بسلم عليكم و قال ليك يا سفيان خلي بالك من المهرجلين شمس الدين و رندا.... أما بمناسبة سؤالك عن الحفلات في القوز زمان يبدو إنك ما شفت الرد في صفحة 3 ... والله يا سفيان الزمن داك حفلاتنا كانت رابة لأنو القوز كانت مليانة فنانين قبل ما يرحلو أمثال الطيب مدثر و عمار السنوسي و الخالدي و شداد و قاسم الأسمراني و عبدالجليل ابو حراز ... كان بنمشي نتعشى في ديم سلك و من هناك نشوف الحفلات وين ... و يا حليل ناس عماد و محي الدين لوفا و احمد برعي و وليد كوكو و قاقارين اخوان (سيكو فايف) و عوض قرب و فيصل جقود الظريف ... ياااخ القوز و الحلة الجديدة دي دنيا تاني زي ما قلت...
و بالمرة أنزل ليكم أُغنية تتعلم من الأيام لحدي ما يجي أستاذ لؤي و نتعلم منو...
03-02-2007, 05:35 PM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
Quote: تحية خاصة من أستاذ لؤي إلى فصل المشاغبين ....و بالمناسبة أنا إتصلت بالأستاذ لؤي فهو مسافر بعيد عشان كدة ما بقدر يرد ليكم و هو بسلم عليكم و قال ليك يا سفيان خلي بالك من المهرجلين شمس الدين و رندا....
ياخي دكتور ده اتمثل فيهو قول الشاعر العربي النحرير:- اطغاث احلام وشهود زمان غدت ذكرُ عنقاءٍ وخِلٍ وفي نقولي قاليك أنا ابقي اللفة لابلاااي ايوه انت ود حلتي وكل شي لكت انت (ما تفكها قدر ده)
اها يا هيثم بمناسبة الحفلات قاسم الاسمراني ده يازول اليوم والتاني نحنا ساكنو نمشي سينما النيلين ونجي نباري ليك الحفلات بعد ما نكون اتصلحنا كوارع من لفة الرميلة (شفته المشوار كيف) تحت تحت كان في جزء مننا بيمشوا (شارع الكلاب) هاهاهاهاهاها اما صاحبك عمار السنوسي ده هو كان عندو عربية سزوكي وبجي يومي ماشي في شارعنا وبكونو معاي شباب تاكلينا اؤل ما يجي ماشي بنكورك ليهو :- عماااار (شنو كده ما عارف) بيوقف العربية ويجي يسكنا غايتو (جهل شديد) لكن بيني وبينك كنا بنحبو وبنحب غناهو وكنا مبسوطين انو هو انسان في حالو ودود ومسكين لكن نحنا كنا الشر ذاتو في ذاتو . ياخي اولاد عمك لوفا (وطبعاً دي نكته زي نكتة يا عم القوز عاطف وين) محي الدين وعماد كانو فلته في كل شي كل شي رياضة ومساعدة للمحتاج ومعاهم عوض عيسي اما قاقرين اخوان سماحة اخلاق عديييييييل كده وجعفر العجيب ومسربع وطيب ياسلاااااااااااام عليهو وعليهم الاتنين . مالك علينا ياهيثم ياخي عندنا مظاهرات ما تفشله لينا بالذكريات ثم تانياً ياخي انا لسع طالب وما بقيت لجنس الذكريات والتحسرات دي لسع بدري علي بس حاجة صغيره هسي والله في جنس غنايات في الحله والقوز يالطيف يالطيف غناء جد السطر الفوق ده سري
ياخى انت لو بتعرف تنزل نزل لينا الاسمراني بيغنى لابوداود
يا هيثم لسع مصر انو قالك انا ابقي مسؤل من الفصل
03-04-2007, 05:14 AM
حسن الطيب يس
حسن الطيب يس
تاريخ التسجيل: 10-09-2005
مجموع المشاركات: 1322
دي بيقولوا عليها (الجاتك في ضميرك سامحتك). بالمناسبة دي عندي قريبتي حنينة كدا لما تقول ليها السلام عليكم ترد تقول و عليكن السلام و رحمة الله) و كله ( أم الكلب بعشوم)
03-04-2007, 04:00 PM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
دي بيقولوا عليها (الجاتك في ضميرك سامحتك). بالمناسبة دي عندي قريبتي حنينة كدا لما تقول ليها السلام عليكم ترد تقول و عليكن السلام و رحمة الله) و كله ( أم الكلب بعشوم)
غايتو يا ابو عسل يا اخوي انت بي لطفك ورقتك مع البنوت ديل بتضيعنا تب آزول الشي شنو حالتنا قلنا بعد شفته بوست الطلاق والعصمة داك عقلته وجيتنا راجع علا كلامك ده بيخوف تب يازول اقول ليك شي امشي معاهم تب ياخي عفيناك ليهم لله والرسول بس ما تقعد (تزاولنا)
بس اوريك شي انا تب عرفته سبب شواكيشك شنو
03-04-2007, 03:38 PM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
Quote: هوي يا رندة هوي السلام خليناهو انتي ما شايفة الفصل ده تبع سياسة التاليم العاني!!! ومؤسس بطريقة الفصل بين الجندر !!! شنو جاية توش (وياوالله كمان فاتحه نفسك):-
يا سفيان ناس الفصل قالوا الفصل ده يشكوه من جديد يعني أختلاط اقول ليك حسن خطك و البس موضة و إتشيك و الرجالة ختها للطواري الفصل بين الجندر وفره شوية روق المنقة يا حبة الريحة مهمة شديد عشان الاستاذ ما يديكم قفاهو
03-04-2007, 06:01 AM
ابوعسل السيد احمد
ابوعسل السيد احمد
تاريخ التسجيل: 12-12-2005
مجموع المشاركات: 3416
دي بيقولوا عليها (الجاتك في ضميرك سامحتك). بالمناسبة دي عندي قريبتي حنينة كدا لما تقول ليها السلام عليكم ترد تقول و عليكن السلام و رحمة الله) و كله ( أم الكلب بعشوم)
حسن الطيب يا اخوي!!!!! اركز اركز لا تجيب رخوة
مالو نضمك بقي لي زي زولنا ابو عسل
03-04-2007, 09:56 AM
ملكة سبأ
ملكة سبأ
تاريخ التسجيل: 06-18-2003
مجموع المشاركات: 3855
يا سلام يا سلام يا سلام يا سلام ياملكة يا سلااااااااام
اها يا ملكة انا مع صوت زي ده وكلام زي ده وغناء زي وتطريب وتسبيح زي ده ما عندي اي فرقه غير اقول :- طوع أمر وطاعة جلالتكم
يا سلام عليك وعلي معاوية والف رحمة ونور علي سلطان العاشقين ابو داود صناجة الافراح والحب فنان السماوات والارض * يا سلام يا سلام يا سلام
__________ هي مقولة سمعت انه كان الراحل الفنان والمبدع خضر بشير (رحمه الله) يطلقها علي نفسه . صرت اطلقها علي خضر بشير وعلي ابو داود. لهم الجنة مقاماً ومرقد
سكر السُمار سكر سكر السُماروالخمار في حان الغرام وأنا الصاحي يا سلاااااااااام يا سلام ياسلام
03-04-2007, 04:54 PM
Shams eldin Alsanosi
Shams eldin Alsanosi
تاريخ التسجيل: 12-18-2003
مجموع المشاركات: 2135
Quote: سفيان اخوي والله أبوعسل ده حيرني وحيدني كلما أشمر ضراعي واخش علي البنات يقوم يمد لي كورية العسل وطبعا فى العسل انا نحلة
وبعدين كان جيت للجد الخطورة ما فى ابوعسل وانما صحبك هيثم فى زمتك في زول نصيح يخت فى لستة المهرجلين شخصي الوديع مع قائد الانقلاب رندا
مع حبي
شمس الدين
يا شمس يا اخوى كلامك ده كنت بناقشك فوقو تب علا هسي وحياتك الملكة دى جابت لي فنان السماوات والارض وهسي وحياتك انا (طربان بشير) وهسي وحياة الله لو كنت (مجرم حرب) عادى ممكن يقبضونى ويودونى لاهاي
03-04-2007, 05:22 PM
ابوعسل السيد احمد
ابوعسل السيد احمد
تاريخ التسجيل: 12-12-2005
مجموع المشاركات: 3416
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة