بدون ... زعل اولميباد سودانيز أون لاين ..

مرحبا Guest
اخر زيارك لك: 03-19-2024, 07:59 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة علاء يونس(tmbis)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
08-28-2004, 01:22 AM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
بدون ... زعل اولميباد سودانيز أون لاين ..

    قررت اللجنة الدولية للشبكة العالمية قبول طلب سودانيز أون لاين لاستضافة اولمبياد البورد 2004 والتي سوف تقام هنا ده أو في أي مكان يعجبكم علي أن يشارك جميع الأعضاء والعضوات بكل الألعاب المتعارف عليها سودانيا .. ودوليا وبمشاركة نجوم أولمبياد اثينا 2004 وسوف تكون المشاركة تحت بند بدون زعل مع مراعاة الروح الأخوية ومحاولة خلق نوع من التألف والحميمية السودانية والتقارب بين الأعضاء ومحاولة أخرى لتلطيف جو البورد .
    وحتى تكون المشاركة بشكل شمولي يمكن للجميع المشاركة بترشيح المشاركين من عضوية سودانيز حسب رؤيته الشخصية من خلال المشاركات في البوستات المختلفة والمداخلات .
                  

08-28-2004, 01:25 AM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بدون ... زعل اولميباد سودانيز أون لاين .. (Re: tmbis)

    من بورداب الخرطوم . مراسلنا ناجي الزبير الملك الشهير ( بكرور )
    وعن بورداب منطقة الخليج مراسلنا الدكتور عادل الشهير بي ( سجيمان )
    وخفيف الظل .. سريع الهضم ( ابوحراز ) وليهو الحق في ترشيح جكسايته ( ست النفر ) في أي لعبة تجي علي مزاجو .. ويمكن قبول جميع المراسلين من أي مكان ...
                  

08-28-2004, 01:31 AM

ابوحراز
<aابوحراز
تاريخ التسجيل: 06-27-2002
مجموع المشاركات: 5515

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بدون ... زعل اولميباد سودانيز أون لاين .. (Re: tmbis)

    بالطبع سيكون من أجمل الأولمبياد
    وتحقيقاً لرغبتك فليس لي مانع من الاشتراك
    كما يسرني ولأول مرة أن تشترك ست النفر في جميع العاب الأولمبياد
    الا القفز العالي
    وكذلك السباحة
                  

08-28-2004, 01:44 AM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بدون ... زعل اولميباد سودانيز أون لاين .. (Re: ابوحراز)

    في منافسات المصارعة اليونانية أو ( ضربو رماهو) فاز بالذهبية ( العكليت ) العالمي ومصارع بورداب جدة السماني الشهير بي ( اساسي .. وفي بعض المرات رومانسي ) أمام منافسة الحائز علي ذهبية المصارعة اليونانية الرومانية المصري ( كرم .. الفهلوي اجدع واحد فيهم )
    وكان حكم الجولة قد أوقف المباراة لعدم التكافؤ بين الطرفين حيث أن البوردابي اساسي قام ( بخنق ) اللاعب المصري الفهلوي ( كربون ) لمن ( زبَّّد ) وكمان ( طبزو في عينو) وتعالت صيحات اللاعب ( المخنوق كربونا ) في الصالة ( الحقووووني .. ياخرابي .. ده ما بيعرفش يهظر ياجدعان) ... وكانت فرقة التشجيع المصاحبة للفريق المصري مكونة من ( شعبان عبرحيم ) أنا بكره اسرائيل وبحب عمرو موسي أأأأأأأأأهـ.. والراقصة فيفي عبده والممثلة الشهيرة حنان ترك والفنان .. أحمد عدوية السح الدح أمبو .. بينما رفض مشجعين البوردابي اساسي حضور النزال وقالوا ( اساسي ده بتاع شبك وده طرفنا منو) ... وبعد نهاية المباراة قام اللاعب اساسي ( بتمليص ) المصارع المصري ذهبيته من ( رقبته ) قوة عين بس بالإضافة لذهبية الدورة الأساسية وأفاد مراسلنا من هناك أن اللاعب اساسي قد صعد إلي منصة التتويج يرتدي عدد اتنين ميدالية ذهبية وأحدة حقتو والتانية بعدما ( حنكه ) من اللاعب المصري .. ورفض مدرب اللاعب المصري التصريح بعد المباراة لمندوبنا واكتفي بكلمة واحدة بس ( أنتو العفاريت ديت بتقيبوها من فين ؟؟ ) هذا وقد طلب اللاعب اساسي من اللجنة المنظمة اثناء مراسم التتويج الاستماع إلي ( فرمالته ) الشهيرة ( بتقولي لا لي قليب رهيف ما أظنو لالا .. لالا بيحمله) بصوت عبد العزيز المبارك.


                  

08-28-2004, 09:36 AM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بدون ... زعل اولميباد سودانيز أون لاين .. (Re: ابوحراز)

    الوجيه أبوحراز
    ااي بعده من السابحة دي . ما تقوم تغرق لينا كمان
    تجيب لينا رقبه ..

    مستني كشوفات اللعيبه ..



    قال العميان والمكسر قال .. قايلني ما لقيته بي هناك
                  

08-29-2004, 01:08 AM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بدون ... زعل اولميباد سودانيز أون لاين .. (Re: tmbis)


    صديقي الجميل تروتسكي
    حاول جمع ليك 30 صيني بس علي شرط ما يكونوا متشابهين ...وعيونهم ما تكون شخيط .. واديني خبر بعد داك بتدخل معاهم انت زاتك المنافسة دي .. واعمل حساب عيونك
    بالمناسبة
    شوت لي هنا ده . لحين اشعار آخر ده بقبل انجليزي بس



    [email protected]
                  

08-28-2004, 01:48 AM

معتز تروتسكى
<aمعتز تروتسكى
تاريخ التسجيل: 01-14-2004
مجموع المشاركات: 9839

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بدون ... زعل اولميباد سودانيز أون لاين .. (Re: tmbis)

    تمبس حبيبى..
    انا مراسل براى فى بلاد الله ديك..
    مشترك فى منشطى السباحه..الطائره..الوثب الطويل..
    تتحدانى..
    وبركز على السباحه..
    تسلم ياقلب..
                  

08-28-2004, 09:39 AM

سجيمان
<aسجيمان
تاريخ التسجيل: 10-03-2002
مجموع المشاركات: 14875

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بدون ... زعل اولميباد سودانيز أون لاين .. (Re: tmbis)



    تمبيس
    Quote: وعن بورداب منطقة الخليج مراسلنا الدكتور عادل الشهير بي ( سجيمان )


    معليش انا اعفيني......انا مرتبط مع قناة الجزيرة
                  

08-29-2004, 01:12 AM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بدون ... زعل اولميباد سودانيز أون لاين .. (Re: سجيمان)

    Quote: معليش انا اعفيني......انا مرتبط مع قناة الجزيرة


    سجيمان ..
    بقيت كضاب كمان ???
                  

08-28-2004, 01:44 AM

قرشـــو
<aقرشـــو
تاريخ التسجيل: 02-05-2002
مجموع المشاركات: 11385

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بدون ... زعل اولميباد سودانيز أون لاين .. (Re: tmbis)


    تمبس الجميل


    دائما افكارك متألقة


    لكن سؤال لابوحراز


    ست النفر دى حقو ترشحها لسباق المسافات الطويلة ..
                  

08-29-2004, 01:15 AM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بدون ... زعل اولميباد سودانيز أون لاين .. (Re: قرشـــو)

    حبيبي العمدة قرشو
    الله يديك العافية دائما ..
    وطالما أنت موجود أكيد كل شي هنا شكلو ح يكون أجمل ..
                  

08-28-2004, 01:50 AM

حمزاوي
<aحمزاوي
تاريخ التسجيل: 10-10-2002
مجموع المشاركات: 11622

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بدون ... زعل اولميباد سودانيز أون لاين .. (Re: tmbis)

    الكوماندز تمبس
    حلو وافكارك حلوه
    انا ما حاتنازل يا ابوحراز الا وست النفر تشترك في السباحة والمسافة من شندي لي حلفا
    وانت الحكم تمشي معاها على الشاطئ
    قرشو
    عمدتنا
    انا قاعد اعاين ليك من الشباك
                  

08-28-2004, 02:04 AM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بدون ... زعل اولميباد سودانيز أون لاين .. (Re: حمزاوي)

    وفي منافسات رمي ( السفروق ) و(القنيص) فاز البوردابي المحنك ( أهل العوض ) بذهبية الأرنب المزدوجة ( Double Rabbit ) علي منافسه الإماراتي ( بن حشرآل قندولي ) الحائز علي ذهبية الحفرة المزدوجة ( Double Trap ) في منافسات اثينا 2004.
    وضم منتخب البورداب لعيبة مميزين من سهوب ( البطانة ) وخيمة الحردلو من بينهم ( شنتير ) ( وابوذر المطر ) .. وقيسان بقيادة المدرب الهلالي المعروف ( سيف كلي ) وكان للوجود الجماهيري والتشجيع المستمر اثر كبير في فوز اللاعب حيث قدم شاعر البطانة الفذ يوسف البنا مقاطع من الدوباي وشعر الحماسة وفروسية البطانة .. تفاعل معه الحضور ( وركزوا ) و( اتباطنوا ) لحدي ما صبحت الواطة وسط دهشة المشاركين وزغاريد وشبالات النسوة. وكانت اللجنة المنظمة قد رفضت الشكوى المقدمة من الإتحاد الإماراتي بالطعن في قانونية الهدف المتحرك المستعمل في النزال علي أنه ( أبوالقدح ) متنكر في شكل ارنب بري .. وبعد الفحص علي الهدف محور الشكوى أتضح أنه ارنب كامل المواصفات إلا أنه فاقد شوية سوائل.


    خيــيمة الحــردلو - العمارات
                  

08-28-2004, 02:25 AM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بدون ... زعل اولميباد سودانيز أون لاين .. (Re: tmbis)

    ستقام اليوم المباراة النهائية علي تحديد المركز الأول والمنتخب الفائز بذهبية كرة القدم النسائية بين منتخب بوردابيات سودانيز أون لاين للسيدات ومنتخب الولايات المتحدة الأمريكية ومن المتوفع أن تكون المباراة ( عجيبة جدا ) بين المنتخبين نسبة لفوز الأخير بالمركز الأول وتصدر الولايات المتحدة لقائمة الدول الحائزة علي الميداليات الذهبية بعد فوزه علي منتخب البرازيل للسيدات 2/1 ويتوقع جميع المحللين أن تشهد المباراة مستوى عالي من المنافسة واللمسات الفنية و( القتاتة ) الشديدة مع العلم أننا كسودانيين ( مكجنين ) لي أمريكا علي الصعيد الشعبي والحكومي بدليل ما يبث عبر قنواتنا الرسمية من خطب واناشيد حماسية وجهادية ( الطاغية الأمريكان ليكم تدربنا ) وقس علي ذلك..
    تشكيلة منتخب بوردابيات سودانيز تتكون من :

    1. أشراقة مصطفي في حراسة المرمي .
    2. سودانية ( ألفين ) ظهير أيمن.
    3. بنت الأحفاد ( بالأنجليزي ) ظهير أيسر.
    4. دكتورة أماني السني سيردباك.
    5. دكتورة بيان استوبر.
    6. أماني الجندرية ( كابتن المنتخب ) في خط الوسط.
    7. تماضر شيخ الدين في خط الوسط .
    8. توما في خط الوسط.
    9. شيري في الجناح الأيسر.
    10. بت قضيم في الجناح الأيمن.
    11. رودا مردا راس حربة.

    تشكيلة المنتخب الأمريكي :
    نفس التشكيلة التي لعبن بها أمام منتخب البرازيل.

    ضوابط يجب مراعاتها من جانب منتخب بوردابيات سودانيز:
    1. منع ( الزغاريد ) عند تسجيل أي هدف حيث أنها مسؤولية المشجعات.
    2. عدم شيل الأطفال و(هدهدتهم للنوم ) أثناء مجريات المباراة في حال اللاعبة متزوجة وأم لي أكثر من طفل ، مع الامكان ترك أي شافع من النوع البكاي في كنبة الاحتياطي مع المدربة ..
    3. عدم ( توريق ) الخدرة ( الملوخية ) مابين الشوطين.
    4. ما تجي واحده تقول ماشة ( تعزي ليها واحدة في نسيبته ) ، أو عندهن ( دق ريحة ) يا سماية ، يا طهور، يا ( فتح خشم ) بت جيرانهم ، يا ماشة السوق تشتري ملايات.
    5. يمنع منعا باتا ( السكلبة ) والاستعانة باي من ( أبوشراء ، أبورنات ، دقليش ... إلخ..).
    6. يمنع رمي (الودع) ما بين الشوطين .. ويسمح به فقط قبل بداية المباراة.
    7. يسمح باستخدام زيت ( الكركار ) كون اللاعبة ممشطة ( السودان قفل ).
    8. ما تجينا واحدة ( مخمخمة ) ولابسة توب (جارات) يا توتل سويسري .. ويمكن لبس الكعب العالي ابومسمار وكان واحدة وقعت ( انبرشت ) بطريقته.
    9. يمكن شراب ( الحلو مر ) ما بين الشوطين أو ( الموص ).
    10. عدم الدخول إلي أرض الملعب باي ( كنش ) أومفراكه .. حيث إنها من أسلحة الدمار الشامل مصرح بعدد وأحد شنطة يد لكل لأعبة.

    تحذير للاعبات المنتخب الأمريكي :
    1. سجم أماتكن .. البلعبكن مع ديل شنو؟؟
                  

08-28-2004, 02:42 AM

خضر عطا المنان
<aخضر عطا المنان
تاريخ التسجيل: 06-14-2004
مجموع المشاركات: 5191

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بدون ... زعل اولميباد سودانيز أون لاين .. (Re: tmbis)

    خـــــــلاس أنـــــا بــــجــــيـــب ليــــكم الكـــورة من برا !! وبقعد اتفرج على أم الخير لو تكرمتو عليها واعطيتوها
    فرصة المشاركة في أي لعبة ان شاء الله لو تشغل ليكم الحكم عشان
    تقدرو تجيبو ليكم ولو نص قون في البرازيل !! خاصة ما تنسو
    انو نحن لينا زمن ما شفنانصر وكلو وكتنا هزائم في هزائم منذ
    يوم 30/6/1989 .. وبارك فيكم جميعا وربناينصركم على المابشبهكم !!

    خلاس العصر نتقابل هناك ..تعالو بدري عشان تحيو الجمهور الكبير
    دا القاعد راجيكم من صباح الرحمن !!!.

    سلام

    خضر عطا المنان
                  

08-28-2004, 02:30 AM

Habib_bldo
<aHabib_bldo
تاريخ التسجيل: 04-04-2002
مجموع المشاركات: 2350

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بدون ... زعل اولميباد سودانيز أون لاين .. (Re: tmbis)


    تمبس يا راياضي يا فنان فكرتك جميلة
    وقابلة للتنفيذ وأنا أرشح حبيبنا صديق الموج ليمثل بورداب الرياض في جميع المنافسات ما عدا الوثب الثلاثي لفشل بطلتنا في أثينا وكمان لضعف النظر
                  

08-29-2004, 01:18 AM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بدون ... زعل اولميباد سودانيز أون لاين .. (Re: حمزاوي)


    حمزاوي ابو النسب
    أنت الأحلي .. يا وجيه
    وين اراضيك ؟؟
    ست النفر ياحمزاوي .. قالو في معسكر مقفول .. نظام لياقات
                  

08-28-2004, 04:03 AM

walid taha
<awalid taha
تاريخ التسجيل: 01-28-2004
مجموع المشاركات: 4198

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بدون ... زعل اولميباد سودانيز أون لاين .. (Re: tmbis)

    تمــبــس..










    غايتو احسن من القعاد ساكت،،

    وانا زعلان
                  

08-28-2004, 04:22 AM

حمزاوي
<aحمزاوي
تاريخ التسجيل: 10-10-2002
مجموع المشاركات: 11622

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بدون ... زعل اولميباد سودانيز أون لاين .. (Re: tmbis)

    أها يا اشراقه حتعملي شنو
    واصل
    قال حيشجع معانا الخواجيات
    أنا غايتو حاشجع في فريقكم يا ام واصل
    الظهير الايمن
    بس
                  

08-28-2004, 04:34 AM

saifkeli
<asaifkeli
تاريخ التسجيل: 02-02-2003
مجموع المشاركات: 572

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بدون ... زعل اولميباد سودانيز أون لاين .. (Re: حمزاوي)

    تمبس يا روعة .. مودتي
    يا أخي فكرة تستاهل براءة اختراع .. بس عندي سؤال:
    هل الحلو مر والموص وتلك المشروبات خالية من المنشطات .. لأنه الزمن دة أي لاعب يكشفوا يلقى ايجابي الفحص للمنشطات يشيل ويختها فوق المدرب .. ؟؟ أفيدنا طالما سويتني مدرب .. محبتي
                  

08-28-2004, 06:05 AM

ابو جهينة
<aابو جهينة
تاريخ التسجيل: 05-20-2003
مجموع المشاركات: 22443

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بدون ... زعل اولميباد سودانيز أون لاين .. (Re: saifkeli)

    تمبس يا فنان
    يعني شنو عملت نايم الويك إند ؟

    غايتو في واحدة في الخرتوم قالت لى عاوزة تشترك في البورد دة .. لو إشتركتْ فعلا .. دي ممكن تلعب مش راس حربة .. دي ممكن تلعب راس غليس ذاتو
                  

08-28-2004, 09:08 PM

ود عقاب
<aود عقاب
تاريخ التسجيل: 03-10-2003
مجموع المشاركات: 869

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بدون ... زعل اولميباد سودانيز أون لاين .. (Re: tmbis)

    تمبس صباح الخير

    كان فى شليل او كمبلت او شاديت انا معاكم


    وافدينا باخر نتائج المنافسه
                  

08-28-2004, 09:54 PM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بدون ... زعل اولميباد سودانيز أون لاين .. (Re: ود عقاب)

    خبر عاجــــــــــــــل :
    أعلن فريق التغطية المتابع للاولمبياد المكون من رجاء العباسي ومعتصم دفع الله وراكوبة انتهاء المباراة قبل قليل بنتيجة ( درون تلاتة اتنين )
    فاصل إعلاني ونعود لكم ... ما تنوموا انتظرونا

     

    الآن بالأسواق ..

     معجون ابوصفقة في عبوته الجديدة المميزة

    معجون أبوصفقة

    لتكشيرة تدوم طويلا

    معجون أبوصفقة

    يطمم بطنك ويمنعك الأكل

    معجون ابوصفقة ..

    خلاصة عجينة حجارة البطارية

    معجون أبوصفقة

    فخر الصناعة الوطنية.

     

     

    (عدل بواسطة tmbis on 08-28-2004, 10:13 PM)

                  

08-28-2004, 10:08 PM

garjah
<agarjah
تاريخ التسجيل: 05-04-2002
مجموع المشاركات: 4702

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بدون ... زعل اولميباد سودانيز أون لاين .. (Re: tmbis)

    تمبس

    ختني في فريق

    رمي الجلة

    ولو امكن مدرب لفريق الكرة الطائرة بتاع كـــــوبا
                  

08-28-2004, 10:10 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بدون ... زعل اولميباد سودانيز أون لاين .. (Re: tmbis)

    قلت لي درون؟
    وانا كابتن الفريق ؟؟
    كان كدا سجم ام منتخب امريكا فعلا
    اسمع
    ناس تراث بيتهم جنب استاد المريخ
    لكن ولا زول فيهم بتاع كورة مافي
    اها يوم الكترابة والقيامة قايمة بعد نهاية الكورة
    فقام اخوهم قال ليهماانتو اللاعب منو ؟
    قالوا ليه ما عارفين
    قالوا طيب اسألو الناس المارقين من الاستاد ديل
    قالوا ليه ياخ دا استفزاز عديل لانه الناس دي بتكون جاية من الكلاكلة ونحن هنا ما عارفين اللاعب
    قال ليهم اسالوهم من النتيجة
    فقام صديق قال ليهم : يا شباب النتيجة كيف ؟
    قالوا ليه : درون واحد واحد
    قال ليهم : واحد لمنو واحد لمنو ؟
    لوووووووووووووووووووول
                  

08-28-2004, 11:26 PM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بدون ... زعل اولميباد سودانيز أون لاين .. (Re: الجندرية)

    أفادنا فريق التغطية المتابع للمنافسات الاولمبية المقامة حاليا تعادل فريقي منتخب بوردابيات سودانيز أون لاين مع نظيره الأمريكي 3 / 2 بعد مباراة قوية من جانب الفريق البوردابي وقد أظهرت اللاعبات مهارة عالية في اسلوب اللعب المفتوح واتباع الخطط التكتيكية من مدربة الفريق ( حبوبة دوما ) وكانت البوردابيات قد (أرهبن) لاعبات المنتخب الأمريكي بالهجوم المتواصل طيلة زمن المباراة والتهديف من زوايا مختلفة والجري بهن لحدي ما قطعن ( نفسهن ) وبالمقابل لم تستطع لاعبات المنتخب الأمريكي الصمود أمام الهجمات المرتدة من البوردابيات نسبة لتمتع البوردابيات بلياقة عالية جدا نتيجة الردحي ما بين البوستات المختلفة وترابط خطوط الفريق وسط وهجوم ودفاع .
    لقطات من المباراة:
    لعب خط دفاع المنتخب بخطة محكمة woman to woman مع التركيز علي بناء الهجمات المرتدة من العمق الدفاعي والتي ظهرت فيه بصورة شرسه دكتورة أماني السني الشهيرة بأماني ( سيخة ) وقد كتمت أنفاس مهاجمات المنتخب الأمريكي وكانت اللاعبة الأمريكية ( مايا هام ) قد تعرضت لمراقبة لصيقة جدا لمنعها من التقدم والتهديف من خارج منطقة خط طمنطاشر او الأنفراد بالمرمي ومحاولة المراوغة نجحت اللاعبة عدة مرات من الهروب من الرقابة اللصيقة المفروضه عليها من العمق الدفاعي .. الذي لعب ايضا بخطة دفاع المنطقة وكانت كلما تجري اللاعبة الأمريكية تلقي دكتورة أماني في طرفه .. ( وشنكلته ) بالسيخة التي تحتفظ بها في ( شنطة اليد ) عدة مرات بحرفنة عالية ، وهذا النوع من (السيخ 8 ملم ) المعدل يمكن تطبيقة وحمله في شنطة اليد وكانت قد اضطرت اللاعبة لاستعمال هذا النظام السيخي المتطور بعد تعرضها للتهديد من راس حربة المنتخب الامريكي بمسدس ( Ladies Gun عيار 9ملم ) كانت دافناهو بالقرب من راية الكورنر. وبالمقابل لعبت دكتورة بيان بخطة ( البتمشي منك زعمطيها من شعرة وخربشيها ) وكبي فيها موية ( تلج ) ساااااااااااااقطة .
    لعب خط الظهر مباراة كبيرة بمبدا اللعب من لمسة واحدة والاوت طوالي وعدم الاحتكاك بلاعبات المنتخب الأمريكي. اجادت سودانية ألفين هذه الطريقة وبت الأحفاد بالانجليزي وقد تم تغيير بت الأحفاد بناء علي طلبها وقالت ما دايره معاكم ..وتاني نزلت الميدان وتاني طلعت وعند خروجها من أرض الملعب في المرة الأخيرة ودعت اللاعبات بشكل حضاري جدا يغلب عليه الطابع الايماني البحت .. ( في أمان الله ).
    في خط الوسط .. تلاحظ غياب اللاعبة تماضر شيخ الدين وخروجها عن الجو العام للمباراة وفي المقابل لعبت ( توما ) الشهيرة بي ( توما كتاكت ) أو ( توما نقه) لعبت مباراة قوية وأكثرت من ( الباصات ) ( والركشات ) البينية ودعمت خط الهجوم بقفشات حيرت ليك خط الدفاع الأمريكي ( وونست ) خط الدفاع الأمريكي ( وفردتن كلهن لي حدهن ) مما سهل من مهمة خط الهجوم البوردابي وبعد تسجيل هدف بوردابي من انفراد تام بحارسة المرمي نسبة لإنشغال خط الدفاع الأمريكي مع توما صاحت قلب الدفاع الأمريكية مندهشة
    (.. Wooop Aali Ya Toma Lakin Ma Btbalgi Aamlteha Zaahra )..
    كابتن المنتخب البوردابي أماني الجندرية عملت علي توجيه اللاعبات بشكل جيد مع اللعب النضيف وإذا في أي واحد / ة حاول / ة اللعب الخشن مع لاعبات المنتخب .. صرحت أنها سوف تقوم بتشخليهه / ها علي الطريقة الشايقية المعروفة تلاتة خطوط لي وراء.. وكانت كابتن الفريق تقوم بالتوجيه أحيانا بصوت مرتفع وتصيح لمن ( انقرش ) حسها( يا بنات أمي هوي الرسول فيكن .. كان تبطلن المحاورة الكتيرة دي .ختن الكورة في الواطه والباصات الطويلة البتقطع النفس دي بتقوم علينا (الظار) وبتشحتف لينا روحنا ساكت بلا فايده ).
    في خانة الجناح الأيسر لعبت شيري مباراة كبيرة وقامت بعكس العديد من الكرات الخطرة وقد تلاحظ عبورها للظهير الأيمن بكل سهولة بعد أن قامت بالانفراد باللاعبة عدة مرات وتسميعها شريط ( ندي القلعة ) بواسطة مسجل هيدفون أحتفظت به في شنطة اليد الخاصة بها .. وكانت قد أصرت اللاعبة الأمريكية علي الاحتفاظ بالشريط إلا أن شيري وعدتها بطباعة نسخه منو وبترسلو ليها مرة تانية لانو ما حقها وشاداهو من أم مازن.. وفي مشهد فريد من نوعه ولأول مرة في الاولمبياد قامت فردة الباك الأيمن وبعد تسجيل منتخب البوردابيات للهدف الأول قامت اللاعبة الأمريكية ومن دون ما تشعر باداء رقصة ( القرد ) وسط دهشة الجميع وعند تنبيهها من قبل كابتن الفريق الأمريكي انتبهت لي نفسه وخجلت وقالت
    (Alla Ejazeek Ya Shiry Klo Mnik )..
    وفي الجزء الأيمن من الملعب لعبت بت قضيم مباراة قوية واستطاعت أن تقنع الظهير الأيسر بضرورة أن تأتي جدة عمرة وتشوف باب شريف وتشتري ليها توب توبين وبالمرة تلقط ليها معاها هتش من هناك.. وبعد المباراة قامت اللاعبة بت قضيم بتبديل شعار الفريق مع نفس اللاعبة بدستة من الملايات الأمريكية .. لزوم الذكرى وكده ..
    لم تجد رودا راس حربة البوردابيات أي صعوبة في تسديد الضربات الراسية من الضربات الركنية والتهديف من خارج المنطقة وتهديد مرمي المنتخب الأمريكي وممارسة الضغط علي حارس مرمي .. وكان حكم المباراة قد قام بلفت نظر اللاعبه رودا بعدما ( عفصت ) استوبر المنتخب الأمريكي في ( الأنكل ) من دون كورة وساله :
    ليه يارودا ( شللتي ) الزولة دي من غير كورة ؟
    ردت رودا :
    أنا قلت احتمال تكون بتشبه لي أخت واحد ( معولق ) كده رافع لي ( ضغطي ).
    تمكنت حارس مرمي البوردابيات اشراقة مصطفي من الحفاظ علي شباكها نظيفة بعد تصديها لضربة جزاء في الدقيقة الأخيرة من المباراة وبعد صدها للركلة هتفت أنا أمك ياواصل ..
    كان للتشجيع أثر كبير في دعم منتخب البوردابيات .. حيث شاركت كل من الفنانة حواء الطقطاقة بي طقم دلاليك من جلد النمر .. والفنانة تغريد جبرة .. وسميرة دنيا وهاجر كباشي .. وقد وعدت الفنانة هاجر كباشي مراسلتنا باحياء حفل مجاني في أقرب ( صبحية ) يا أي ( قيدومة ) يا أقرب مناسبة لي أي من البوردابيات يا قرايبهم.




    ركن المحبطين
    حمـادة بـت يتغني داخل ركشـه
    في حضرة شلوخن يطيب البكاء
    لــــون رودا
    بص امدرماني
    المسلمون خير الأمم، والمسلم الحقيقيّ أفضل من غيره ومفلح لا شكّ في ذلك
    هنا يباع الثلج البارد
                  

08-28-2004, 11:37 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بدون ... زعل اولميباد سودانيز أون لاين .. (Re: tmbis)

    دا اخر الجزاء يا تمبس ؟
    بتخت ليك الغنوة بدون لنك الحفظ ؟
    والله انت قاصد عديل تقوم علي الظار
    يكونن الامريكيات ديل مقبضاتنك ؟
                  

08-29-2004, 03:17 AM

walid taha
<awalid taha
تاريخ التسجيل: 01-28-2004
مجموع المشاركات: 4198

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بدون ... زعل اولميباد سودانيز أون لاين .. (Re: tmbis)

    تمبس كده لكن حتكون ال chepchpa اكتر من اللعب،،،


    حلوة شديد
                  

08-29-2004, 00:18 AM

صديق الموج
<aصديق الموج
تاريخ التسجيل: 03-17-2004
مجموع المشاركات: 19433

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بدون ... زعل اولميباد سودانيز أون لاين .. (Re: tmbis)

    Quote: وأنا أرشح حبيبنا صديق الموج ليمثل بورداب الرياض [/QUOT

    كتر خيرك يا حبيب بلدو على حسن ظنك بى حبيبك صديق الموج
    لكن ما ممكن تخلوا عودنا فى السباحة عود مرة وتشركونا
    سباحة ظهر مع الحريم...والله لفيت ومطاردة ساكت اجى الاول لوووول
                      

08-29-2004, 01:40 AM

ميادة

تاريخ التسجيل: 05-13-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بدون ... زعل اولميباد سودانيز أون لاين .. (Re: tmbis)

    تمبس مافي صفرجت؟؟؟
                  

08-29-2004, 03:27 AM

بدرالدين شنا
<aبدرالدين شنا
تاريخ التسجيل: 07-30-2002
مجموع المشاركات: 3514

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بدون ... زعل اولميباد سودانيز أون لاين .. (Re: tmbis)

    Quote: حاول جمع ليك 30 صيني بس علي شرط ما يكونوا متشابهين ...وعيونهم ما تكون شخيط
    قالوا لو عايز تعذب الصيني شتِّح ليهو عيونوا
    حبي وتقديري وعيوني الجاحظة
                  

08-30-2004, 09:25 PM

ود عقاب
<aود عقاب
تاريخ التسجيل: 03-10-2003
مجموع المشاركات: 869

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بدون ... زعل اولميباد سودانيز أون لاين .. (Re: tmbis)

    فوق

    فوق

    فــــــــــــــوق
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de