الــــــزول الفوّت شنبر وبستمو بستف راس المكنــــة ... !!!

مرحبا Guest
اخر زيارك لك: 03-19-2024, 03:35 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الرابع للعام 2007م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
08-01-2007, 09:46 PM

محمد أبوعاقلة الطريفي
<aمحمد أبوعاقلة الطريفي
تاريخ التسجيل: 05-11-2006
مجموع المشاركات: 482

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
الــــــزول الفوّت شنبر وبستمو بستف راس المكنــــة ... !!!

    ياخ شارعك من زحمتو فجّاني علي ... كجّاني أحاول أدخل بي شارع فرعي من عِرقين الطقو في آخر مرة دخلت علي ... دفر النفاج الختيتو اسبير لم تعصلج جواي الفكرة
    تسليك الراس بالزيت الراجع بُكرة ... منها تتفك طلاسم صدت ... البَكرة اللّفت باقي الأيام من كترها عضّت ... عضّت طرف الجلابية ونطّت جوه الروح تُلّب ... وقعت في جب دقيت الدلجة
    شحمّت ا########## عشان ما تعضي الخطوة المارق بيها علي روحي ... انا قرطت الخطوة عليك ... قربت الخطوة ... قررت أشيل للورطة المطوة ... أجنة وشاكوش ... للداخل تووش ...
    ستالين للدنيا الدقت فينا وفكت في الضلعة لحام ... لحام النفس الطالع ونازل منشار رئتين ... مشوار ليلتين والسكة ضلام ... أمرق قوام .. إنت بتفتح فيها وانا بقفل في شارع كلو زحام ...
    دفرت المتوكل قدامي وانا زاتي رميت قدام ... خلينا ورانا الناس تتلفّت ... السيّح مكنة وخفّت ... الفوّت طارة عمرو وواقف لسه مشلهت ... ساكت ضيّع عمرو يتش في الزاوية القاعد فيها ملخبت ...
    تتخيل !! لقيت الكلمة الحتّت مرة بلالي الصوت !! مليانة كلام ... نفس الكلمة الكسرت ركبه في حلق احلام ... بلعتَ سكوتي ... كم فرشة ولون رسمت جواي لوحة وعنوان ... لوحة إنسان ...
    نفس الإنسان الكاسر ركبة ... نفس الزول الشاف بي عينو النكبة ... بعدها صنفّرتَ جفون الخوف من شوف ... وشديتا حبال الصوت الطالع طوف ... لملمت بواقي السيخ الما معروف ... شيدت كباري ...
    فتحت مجاري ... يدخل بيها الدم سدّاري ... وما حاولت أجيك كدّاري ... راكب راس الغربة عِناد ... سلّكت وريد السم الهاري وزيتي الراجع دمو خفيف ... للناس العرفت كيف بتجاري ...
    كيف بتباري الكلمة لغاية توصل جووووه الجوه ... وتسكن فيك ... ما رجعتْ بالحسرة تضاري النقطة الركزت فيها العين وانطبعت صورة ... مفتاح العين للشوف ماسورة ... ماسورة تنقط في الشبكية ضرورة ...
    عفريتة بترفع ضغط الالفة الدخلت في حيص بيص ... في فرقة ومرحلة دايش فيها الراس ... صنقرت امام جوايا مرايا بتعكس نفس الاحساس ...
    احساسك بي
    خلاني أبل الريق بالدهشة
    خلاني أخش جواك أتمشي
    يا سكة وممشي
    مراحل أغرف فيها الشوق بالكُمشه
    أملاها لغااااااية تضايق
    أو تتدشه ...
    والماسورة الحلجت جوايا وفيك خليها تكُب ...
    في باقي الورشة ...
    ناوليني المفتاح البدخل بيهو أفتش عنك جواي ... ناسيهو معاي ... يا طاريكي ورافعك تبحثي عن حبك في راسي ...في راس الزول الفوّت شنبر وبستمو بستف راس المكنة ...
    فتشي ما تخلي مكان ... تحت انفاسك أو في اي سطر من كرّاسي ... فوق الحته الطارت وركت مع إحساسي ... انا دسيتو مخافة عليك ... من الناس القاعدة تعاين وراصه كراسي ...
    عينم حارة ... بخاف النظرة الفي عينيهم تبدانا مآسي ...
    ما ناقصين ... وما رصيت احساسنا كراسي ...
    اقعدي في أي مكان ...

    (عدل بواسطة محمد أبوعاقلة الطريفي on 08-01-2007, 10:01 PM)

                  

08-01-2007, 09:52 PM

معتز القريش
<aمعتز القريش
تاريخ التسجيل: 07-07-2006
مجموع المشاركات: 11343

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الــــــزول الفوّت شنبر وبستمو بستف راس المكنــــة ... !!! (Re: محمد أبوعاقلة الطريفي)

    انت زول مجنون وبس
                  

08-04-2007, 09:01 AM

محمد أبوعاقلة الطريفي
<aمحمد أبوعاقلة الطريفي
تاريخ التسجيل: 05-11-2006
مجموع المشاركات: 482

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الــــــزول الفوّت شنبر وبستمو بستف راس المكنــــة ... !!! (Re: معتز القريش)

    شكرا يا معجب ...
    فالجنون احد محاسن هذا الزمان المبشتن
    ونعيب زماننا ...


    لو فوّت طارة كلتش ما بتقول كلامك دا .
    !!!
                  

08-01-2007, 10:03 PM

haider osman

تاريخ التسجيل: 07-27-2005
مجموع المشاركات: 2357

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الــــــزول الفوّت شنبر وبستمو بستف راس المكنــــة ... !!! (Re: محمد أبوعاقلة الطريفي)

    Quote: ناوليني المفتاح البدخل بيهو أفتش عنك جواي ... ناسيهو معاي ...
    يا طاريكي ورافعك تبحثي عن حبك في راسي ...في راس الزول
    الفوّت شنبر وبستمو بستف راس المكنة ...



    يازول ولا يهمك غير مكنة ....
                  

08-04-2007, 09:07 AM

محمد أبوعاقلة الطريفي
<aمحمد أبوعاقلة الطريفي
تاريخ التسجيل: 05-11-2006
مجموع المشاركات: 482

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الــــــزول الفوّت شنبر وبستمو بستف راس المكنــــة ... !!! (Re: haider osman)



    ودا القدرت عليهو ...

    المكنة من الله ...
    الله بديك مكنة واحدة

    كان عصرتها بتصلب
    وكان رخيتا بتصدي
    ونحن لا قادرين نعصر ولا قادرين نرخي
    المطبات بت لزينا ...

    !!!
                  

08-01-2007, 10:22 PM

خضر الطيب
<aخضر الطيب
تاريخ التسجيل: 06-24-2004
مجموع المشاركات: 9594

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الــــــزول الفوّت شنبر وبستمو بستف راس المكنــــة ... !!! (Re: محمد أبوعاقلة الطريفي)

    ياسلام عليك ياجميل الدواخل

    يا انيق ... واصل

    هو الجنون دا الا يلقطو ليهو السبارس ؟
                  

08-04-2007, 09:22 AM

محمد أبوعاقلة الطريفي
<aمحمد أبوعاقلة الطريفي
تاريخ التسجيل: 05-11-2006
مجموع المشاركات: 482

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الــــــزول الفوّت شنبر وبستمو بستف راس المكنــــة ... !!! (Re: خضر الطيب)

    Quote:
    ياسلام عليك ياجميل الدواخل

    يا انيق ... واصل

    هو الجنون دا الا يلقطو ليهو السبارس ؟
    يا خضر يا طيب
    هههههههههههههههه
    يا جماعة ما تصدقو كلام معتز الفوق دا
    كل ما اتكلم او اكتب حاجة تقولوا كدا
    حيرتوني في راسي
    الواحد ما يكتب ولا شنو !!!


    نخليها تصدي ونرجى الله في الكريبة ...
                  

08-01-2007, 11:49 PM

ثابت محمد
<aثابت محمد
تاريخ التسجيل: 10-17-2005
مجموع المشاركات: 2006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الــــــزول الفوّت شنبر وبستمو بستف راس المكنــــة ... !!! (Re: محمد أبوعاقلة الطريفي)

    أبو عاقلة
    ياربي ده يكون من الكربريتور ؟؟
    ولا كلسترول في البلوف ؟؟
    محتاج نضافة ولا محتاج فرن ؟؟
    فرن عشان يسيّح شحم الرغبة .. ويحذف كراسي الجنبة
    يمكن من الكمساري ماقدر يلقط حق المشوار
    لما كترت عليهو طالع نازل وواقف وجاري


    سِــنة ننزل
    أنا راكب ملح
                  

08-04-2007, 09:11 AM

اساسي
<aاساسي
تاريخ التسجيل: 07-20-2002
مجموع المشاركات: 16468

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الــــــزول الفوّت شنبر وبستمو بستف راس المكنــــة ... !!! (Re: ثابت محمد)

    تعرف يا ابو عاقلة البوست دا ..دق الدنقل قطع قلبو
                  

08-04-2007, 09:45 AM

محمد أبوعاقلة الطريفي
<aمحمد أبوعاقلة الطريفي
تاريخ التسجيل: 05-11-2006
مجموع المشاركات: 482

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الــــــزول الفوّت شنبر وبستمو بستف راس المكنــــة ... !!! (Re: اساسي)

    أساسي

    محمد ابوعاقلة سطّح

    وكان قلت ليك فهمتك اكون كضاب !!!!!!!
                  

08-04-2007, 09:39 AM

محمد أبوعاقلة الطريفي
<aمحمد أبوعاقلة الطريفي
تاريخ التسجيل: 05-11-2006
مجموع المشاركات: 482

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الــــــزول الفوّت شنبر وبستمو بستف راس المكنــــة ... !!! (Re: ثابت محمد)

    Quote:
    أبو عاقلة
    ياربي ده يكون من الكربريتور ؟؟
    ولا كلسترول في البلوف ؟؟
    محتاج نضافة ولا محتاج فرن ؟؟
    فرن عشان يسيّح شحم الرغبة .. ويحذف كراسي الجنبة
    يمكن من الكمساري ماقدر يلقط حق المشوار
    لما كترت عليهو طالع نازل وواقف وجاري

    سِــنة ننزل
    أنا راكب ملح




    يا ثابت كان شفتا ابنصي مكربن للطيش
    وكربون الزعل الفرتق مني وانا بضغط واقف مستني الدنيا تلف
    لفّت ... ما لفّت
    لفّت ... ما لفّت
    لفّت ... ما لفّت
    لفّت ... ما لفّت
    ولمن لفّت ... سيّحت المشوار الخطوة ... وفوّت زمني
    كنت ولوف ... صنفرت بلوف وانقر انقر انقر
    ولفّت تاني ...

    انقر ما وقفت في نص الشارع وحانفه الوش
    حالفة تقيف
    وخليته هناك ...
    بس لو عندك جالون فاضي
    وكرعيك لو عندها قدرة
    الحقني هناك
    انا واقف مقطوع ...
                  

08-07-2007, 01:22 PM

محمد أبوعاقلة الطريفي
<aمحمد أبوعاقلة الطريفي
تاريخ التسجيل: 05-11-2006
مجموع المشاركات: 482

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الــــــزول الفوّت شنبر وبستمو بستف راس المكنــــة ... !!! (Re: محمد أبوعاقلة الطريفي)

    وفيها شنو !!! لو كنتي شكبزوربر ساعدني أشيل الريدة عشانك ... تسندي لي دفرنش الراجع خلف وطالع زيتو ... دوستا ودوستا أبنصي أزيتو ... أضغط في ريز الحال العايزو يفوت الخط الأحمر ... كربون العادم ما بين أسود وأسمر ... كمبرشن مزعج واشتر ... امتصي مطبات الدنيا التحت اللستك ... شارع فرعي مخستك ... كان الاسبير نايم حلمان ... حلم الاسبير النايم كومبريسور ... نسمة تخش غصبا عن بلف الروح ... بلف البوح كان ماسك نفسو شديد ... لمن حنبك ... يا بت !!! لو يملاني هواك ... وأي مسام كركاسة ورقعة ... رقعة نار من شوقي الحار ... رقعة تبنشر مطاط الحيل نص المشوار ... حسب الريز الطّلع روحي ورترت ... فكي بلكات الراس الفترت ... صنفري بلوتين الغربة الحرنت ... والصنفرة غيظ ... ناشفة وخشنة ... يا شرقانة وفاتحة مجاري التنك ماسورة وشلال ... ماسورة تنقط فيني سؤال ... دوس لغاية عادم حسك يدخن ... سلنسر قلبك يبدا يسخن ... انفض وسخ الماضي الكلو معفن ... وغيري زيتي الراجع ليكي قمامة ومدتو فاتت ... صنفري بوبينة قلبك وجرجي بلوتين الروح ... بلوتين مجروح ... يشتاق لى شرزك ... دافع خلاني أسب السي سي العارض ... حصان المكنة صهيلو ضعيف والحدوة تكركب ... ما تقطعي في نص الشارع وانا ختيتك جمبي دِرِب .. نظرة قعر العين غمزة إعجاب ... الغمزة وراها كلام وجواب ... والبال في آمبيري النشّف ريق التنك ... والشارع لسه طويييييل ... فهل ممكن تبقي محطة بنزين متجولة في هوزات إنسان ؟!!!!

    خليني أفك (الكباية) وأشفط من تنكك قبلة
    لو ما فيها حاجة ...
                  

08-08-2007, 12:03 PM

Sidig Rahama Elnour
<aSidig Rahama Elnour
تاريخ التسجيل: 09-01-2004
مجموع المشاركات: 3420

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الــــــزول الفوّت شنبر وبستمو بستف راس المكنــــة ... !!! (Re: محمد أبوعاقلة الطريفي)

    يانازل طالع زي البستم
    ودايس البوري على أطفال الشارع
    لية فكيت الصوفة تنقط في الشاسي
    ورامي إشارة يمين ودواخلك لفت
    لية لية ؟؟؟
    وين موقعك من الإشارة الخضراء ؟؟؟
    لاحظ ليها قلبت حمراء يا ود يا أصفر !!!
                  

08-18-2007, 01:25 PM

محمد أبوعاقلة الطريفي
<aمحمد أبوعاقلة الطريفي
تاريخ التسجيل: 05-11-2006
مجموع المشاركات: 482

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الــــــزول الفوّت شنبر وبستمو بستف راس المكنــــة ... !!! (Re: Sidig Rahama Elnour)

    استعداد ... وانا داخل لفت يمينك ... وفي نص الشارع قلبك واقف
    أشر لي واحدة بتمشي على عجلٍ واحد ...
    واقف في حتة فراغ ممنوع تتجاوز قانون الشارع ...
    والشارع برضو ملخبت بالالوان البيضاء وخطين تحذير بالأصفر
    أصفر زي شدر اتحت تحت رجليك والموسم جاف ...


    موقعي شرق الأرض
    في شق الأرض
    وبشق الأنفس جيتك !!!!
                  

08-08-2007, 11:31 AM

فيصل عباس
<aفيصل عباس
تاريخ التسجيل: 03-08-2004
مجموع المشاركات: 1345

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الــــــزول الفوّت شنبر وبستمو بستف راس المكنــــة ... !!! (Re: محمد أبوعاقلة الطريفي)

    كل المداين فرحانه
    بشهــــقة صباك



    وانا (ذاتــــي)((جدا))
    فرحــــــان ,, او كما قيل عند المقيل (بت حمد)

    اوعـــــك (تقطع) تاني ...
                  

08-18-2007, 01:30 PM

محمد أبوعاقلة الطريفي
<aمحمد أبوعاقلة الطريفي
تاريخ التسجيل: 05-11-2006
مجموع المشاركات: 482

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الــــــزول الفوّت شنبر وبستمو بستف راس المكنــــة ... !!! (Re: فيصل عباس)

    خليني أقطع بحرك بطرورة حاجة تبل الريق الناشف
    وكرعيني غباش ...
    كان المشوار اسخف من فكرة سكة على واطة
    تلتوارين تتوازى عشانك
    ودركسون عضّ ... اليد الماسكة وتنده
    ياااااااااااا زول
    فرملتي كمان عضت لستك
    اللستك قام جاري
    تصدق !!!
                  

08-18-2007, 01:38 PM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الــــــزول الفوّت شنبر وبستمو بستف راس المكنــــة ... !!! (Re: فيصل عباس)



    ياخ شارعك من زحمتو فجّاني علي ...
    كجّاني
    أحاول أدخل بي شارع فرعي من عِرقين
    الطقو في آخر مرة دخلت علي ...
    دفر النفاج الختيتو اسبير لم تعصلج جواي الفكرة
    تسليك الراس بالزيت الراجع بُكرة ...
    منها تتفك طلاسم صدت ...
    البَكرة اللّفت باقي الأيام من كترها عضّت ...
    عضّت طرف الجلابية
    ونطّت جوه الروح تُلّب ...
    وقعت في جب دقيت الدلجة
    شحمّت الـواطـة عشان ما تعضي الخطوة المارق بيها علي روحي ...
    انا قرطت الخطوة عليك ...
    قربت الخطوة ...
    قررت أشيل للورطة المطوة ...
    أجنة وشاكوش ...
    للداخل تووش ...
    ستالين للدنيا الدقت فينا وفكت في الضلعة لحام ...
    لحام النفس الطالع ونازل منشار رئتين ...
    مشوار ليلتين والسكة ضلام ...
    أمرق قوام ..
    إنت بتفتح فيها وانا بقفل في شارع كلو زحام ...
    دفرت المتوكل قدامي وانا زاتي رميت قدام ...
    خلينا ورانا الناس تتلفّت ...
    السيّح مكنة وخفّت ...
    الفوّت طارة عمرو وواقف لسه مشلهت ...
    ساكت ضيّع عمرو يتش في الزاوية القاعد فيها ملخبت ...
    تتخيل !!
    لقيت الكلمة الحتّت مرة بلالي الصوت !!
    مليانة كلام ...
    نفس الكلمة الكسرت ركبه في حلق احلام ...
    بلعتَ سكوتي ...
    كم فرشة ولون رسمت جواي لوحة وعنوان ...
    لوحة إنسان ...
    نفس الإنسان الكاسر ركبة ...
    نفس الزول الشاف بي عينو النكبة ...
    بعدها صنفّرتَ جفون الخوف من شوف ...
    وشديتا حبال الصوت الطالع طوف ...
    لملمت بواقي السيخ الما معروف ...
    شيدت كباري ...
    فتحت مجاري ...
    يدخل بيها الدم سدّاري ...
    وما حاولت أجيك كدّاري ...
    راكب راس الغربة عِناد ...
    سلّكت وريد السم الهاري وزيتي الراجع دمو خفيف ...
    للناس العرفت كيف بتجاري ...
    كيف بتباري الكلمة لغاية توصل جووووه الجوه ...
    وتسكن فيك ...
    ما رجعتْ بالحسرة تضاري النقطة الركزت فيها العين وانطبعت صورة ...
    مفتاح العين للشوف ماسورة ...
    ماسورة تنقط في الشبكية ضرورة ...
    عفريتة بترفع ضغط الالفة الدخلت في حيص بيص ...
    في فرقة ومرحلة دايش فيها الراس ...
    صنقرت امام جوايا مرايا بتعكس نفس الاحساس ...
    احساسك بي
    خلاني أبل الريق بالدهشة
    خلاني أخش جواك أتمشي
    يا سكة وممشي
    مراحل أغرف فيها الشوق بالكُمشه
    أملاها لغااااااية تضايق
    أو تتدشه ...
    والماسورة الحلجت جوايا وفيك خليها تكُب ...
    في باقي الورشة ...
    ناوليني المفتاح البدخل بيهو أفتش عنك جواي ...
    ناسيهو معاي ...
    يا طاريكي ورافعك تبحثي عن حبك في راسي ...
    في راس الزول الفوّت شنبر وبستمو بستف راس المكنة ...
    فتشي ما تخلي مكان ...
    تحت انفاسك أو في اي سطر من كرّاسي ...
    فوق الحته الطارت وركت مع إحساسي ...
    انا دسيتو مخافة عليك ...
    من الناس القاعدة تعاين وراصه كراسي ...
    عينم حارة ...
    بخاف النظرة الفي عينيهم تبدانا مآسي ...
    ما ناقصين ...
    وما رصيت احساسنا كراسي ...
    اقعدي في أي مكان ...

    أبو عاقلة ..
    ياخي إنت سمح ..
    أنا ختيت الحاجة الفوق دي كده .. مش على كيفي ؟؟
    أسمعها زي ما عايز .. و أقراها زي ما يكون ..
    كانت كده عندي ..
    عندك كيف ؟؟
    شكرا ياخ ..
    و الله العظيم شكرا .

                  

08-19-2007, 10:27 AM

محمد أبوعاقلة الطريفي
<aمحمد أبوعاقلة الطريفي
تاريخ التسجيل: 05-11-2006
مجموع المشاركات: 482

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الــــــزول الفوّت شنبر وبستمو بستف راس المكنــــة ... !!! (Re: Emad Abdulla)

    Quote: أبو عاقلة ..
    ياخي إنت سمح ..
    أنا ختيت الحاجة الفوق دي كده .. مش على كيفي ؟؟
    أسمعها زي ما عايز .. و أقراها زي ما يكون ..
    كانت كده عندي ..
    عندك كيف ؟؟
    شكرا ياخ ..
    و الله العظيم شكرا .
    يا أسطى عماد ...
    اعتبر الزول الفوّّت تايم كان خالط زيت ... جيت من وين ما عارف لكن بالغت معايا وشذيت ...
    كايس ليك للنم لزيت ... ومشتاقين لممممن نزيت ... لكن حزيت عمود نفسي شديد وهوز الصرخة شِرِق ...
    براك عارف عَرَق المكنة ينقط زيت ... وتستفرغ لم سخانة جوة تفوت الحد المعقول ...
    لمن تبقى المشكلة أوشاش اتهردت بالقلب الحار... ويبقى الممكن حاجة تغيظ .
    والكاظمين الريز ... طافية بلكات والكهربا نامت قبل المغرب لأني نسيت الشوق شغّال ...
    عشان تعرف شرزك حاجة مهمة ونقرة تدور تاني تفووووت خالي محطات ...
    يا السمكرت حروفنا وجيتنا
    يا الهليت بالكلمة غشيتنا ...
    فهل ورد إلى مسامعكم صوت التقسيمة ... وبلف في شكل ولف ... والنظرة بتطلع طوف
    الخوف من مجهول السكة وعارض ... وافرض انو لساتكك في أمنٍ وأمان ... سلنسر ودخان ...
    ياااا لو يبقي العادم طالع منو بخور تيمان ... ويشطف فلترنا دعاش المطرة وتبرد مكنة زول ... وتنقط كأي ندى
    ينقع زفت القلب الأسود وبطن المكنة الطامة الكبرى ...
    أحلب تنك الفكرة ... لليوم الصابح بكرة ... ما معروفة شوارعك وين تلقاها محطة ...
    أوع تفرمل نص السكة ... لو قدر الله وقع

                  

09-03-2007, 11:58 AM

محمد أبوعاقلة الطريفي
<aمحمد أبوعاقلة الطريفي
تاريخ التسجيل: 05-11-2006
مجموع المشاركات: 482

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الــــــزول الفوّت شنبر وبستمو بستف راس المكنــــة ... !!! (Re: فيصل عباس)

    يا فيصل يا عباس

    أقطع كيف والمركب بنشر في دقداق الموج ...
    وكملت المشوار ... خوج
    لقيت ... الحاجة الملفوفة تغني
    وانا زغردت ...
    ليست ايويييييي تلك ...
    وبس
    الباقي اظنك عارفو !!!
                  

08-18-2007, 01:38 PM

سلمى الشيخ سلامة
<aسلمى الشيخ سلامة
تاريخ التسجيل: 12-14-2003
مجموع المشاركات: 10754

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الــــــزول الفوّت شنبر وبستمو بستف راس المكنــــة ... !!! (Re: محمد أبوعاقلة الطريفي)

    يا ود يا جميل
    مشتاقة كتير لقعدة طويلة زى الكانت
    نتكلم ونضحك ونبكى ويفوت الليل
    ويقطع بدر الدين الجلبة ويقول يا زولة محمد شغلو كتير
    علمتنى
    علمتنى علمتنى علمتنى
    علمتنى علمتنى علمتنى ما شوية
    حب الناس (واللقمة الكانت محفوظة لديك)
    كل مااسمع صوت بمضغ اكون دمعة جرت واتذكرك
    يا زول يا جميل
    مشتاقة كتير
    علمتنى وما تنى
    علمتنى معنى الانسان الكامن فينا يطلع ويجيب كل الناس الفاتوا ضحى او نص الليل
    وهسى لقيتك مكينيكى بشر صلح لى فرامل الراس
    وادى القلب (دفرة ) اصلو القلب اضحى عليل
    مشتاقة كتير يا ود يا نبيل
    احبك ياخ

                  

08-19-2007, 12:36 PM

محمد أبوعاقلة الطريفي
<aمحمد أبوعاقلة الطريفي
تاريخ التسجيل: 05-11-2006
مجموع المشاركات: 482

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الــــــزول الفوّت شنبر وبستمو بستف راس المكنــــة ... !!! (Re: سلمى الشيخ سلامة)




    أنا القاك وين عشان أنا زااااتي أفرمل في باركينغ راسك ...
    بتبالغي ... رحلتي وفضّل لي احساسك جايط فيني ملخبط لي يوم الليلة ...
    زي طيف وانداح ...
    يا مليانة محنة ذكرى وأشباح ... هبطت ذات ليالي بتوقيت مشغول ...
    وزمن حرامي سرقنا الاتنين يوم سكينا الغفلة وقامت جارية ...
    غربة وقفلة ...
    وخيالنا الصائع مشي ما خلّ مكان ...
    لمن تحكي عن الزول الشفتو ولاقيتو بلاك ... لمن تضحكي من اعماقك وترمي الدنيا وراك ...
    ولمن تبكي الدمعة المرة ... نتقاسم طعم الدمعة المرة وغصة ...
    قصة إنسان ... خضناها زمان ... جات الإلفة القعدت بينا وتحكي ... عن صوت فنان ...
    عائش جوانا ... خش قلوبنا بأبسط شي ... زي دم شريان ... داخل قلب النيل وبصب في أي أضان .
    مدي مداكِ مسافة شارعين والباقي كلتش ... فضي الجربوكس لأنو الباقي من الشارعين شارع واطي ...
    واطي شديد بين خطوة وخطوة مطب ... بين شدرة وشدرة بتلقي حطب ...
    والكبريت عنصر جوانا مشع .
    وحات الله بريدك ساي من غير تفسير
    من غير أتبسمل للذكري أسير
    وكل ما تنقد راسي الذكري أفرد جنحاتي واطير لى حته بتحمل اسمك ... شكلك .... وغناك
    فهل أتاك ... شوقي الفتّاك
                  

08-20-2007, 06:06 PM

محمد أبوعاقلة الطريفي
<aمحمد أبوعاقلة الطريفي
تاريخ التسجيل: 05-11-2006
مجموع المشاركات: 482

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الــــــزول الفوّت شنبر وبستمو بستف راس المكنــــة ... !!! (Re: محمد أبوعاقلة الطريفي)

    فتحت الوكرة باليد الفاضية وعرقانة لأني ح أقعد في كرسي الفشفاش الأيسر ...
    ياخ لو قلبك يبقى دركسون روحي والفك زي ما عايز ... شمال في يمين ... يسار في شمين ... ومرة ألف صينية غلط
    مرة أقيف في صف وهمي ... وطول ما انتي معايا معاي ... أنا أعشّقك ... واعشقك ... لو جريتي فرامل يدك قبل نخش في حتة لغط ... وانزل

    دي ما طريقة دي !!!
                  

08-20-2007, 06:16 PM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الــــــزول الفوّت شنبر وبستمو بستف راس المكنــــة ... !!! (Re: محمد أبوعاقلة الطريفي)

    .

    ياخي لو أقدر أكتب زيك ..
    بالسهولة الفاحشة دي ..
    Quote: دي ما طريقة دي !!!


    ترسك تقيل ..
    كتر خير الدنيا .. خريف ..
    و انا قومتي مَنَفلة .


    .
                  

08-21-2007, 07:55 AM

محمد أبوعاقلة الطريفي
<aمحمد أبوعاقلة الطريفي
تاريخ التسجيل: 05-11-2006
مجموع المشاركات: 482

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الــــــزول الفوّت شنبر وبستمو بستف راس المكنــــة ... !!! (Re: Emad Abdulla)

    Quote: و انا قومتي مَنَفلة .

    منفلة أوستن صارّي وجيهو ... لمن خير الدنيا طفح ... كان وحلان في حتة ليان .
    في الزمن داك كان حبل الصبر طويل ... أطول من سلبت عشرين روح ... واسهل من جرح العازة السكتت لم أمحمد دق الباب ... شايل دبلة فري سايز ...
    وشوف الناس قنديل .. كان ضوها خيط مبلول ... حلو مر مبلول ... وسؤال محلول ...
    زي صبر الناس على غيمة ... غيمة بتتدسّ ورا الغيمة ... والشحتفة ترجف ... يديها بترجف مرفوعة بتنده لى الله ... والدعوة مِرِق مسنود بى دعوة ... لمن روحن طلعت وكانت روحن أطول سلبة ... سلّيت ضيق أخلاقي لسان الحال الواقف ... يا منفلة
    وهل تعلم أن البوري مركب للغنم القاطعة شوارع ونوق ... ناس بتجر بكل بساطة ... ومنفلة تلف ... تتلِف حافة دايرة حديد والملمس ناعم ... أيادي تصنفر وطرف اللهفة وصول . وتلِف مرة واتنين لغاية ما تدوّر ...
    وزي الزول الحارقو كلام... وفجأة رصيدو يصفر ...
    قبلِ قطار الشوق الخالف رجلو وفجأة يصفّر ...
    كوراك الناس ... الناس العندها باقي قروش ... الناس الفارشة رصيف الفلسة بروش ... الحاجّة الرجعت تاني تنخس سعف الحسرة ... رتوش ونقوش ... الزول الشايل كفتيرة شاي بتحضن في كانون متحرك ... الجمر الفقّّع هبود... النار الحارة بتخرا رماد الشايلو قدود ... وحمّاد حايم قايل نفسو بشيل الحارة البردت ... ويتكرر تاني الشاي لنفس المشهد في القطر الجاي الساعة تمانية ... قبل الناس ما تنوم بشوية ... والدقسة اللبست عراقي السلطان مرت بهناك ... لاقت حمّاد في زقاقاً ضيّق ... أنقر ما نام !!! وشبع ... وقطر الساعة تمانية إتأخر والناظر لابس نضارتو ونام ... راسو الميّل أكتر من خمسين درجة ... الراس القرّب يدق الدلجة ... وفجأة يطفر ... ما بتسمع غير غاغ غاغ وجندب يكسر صمت الليل بى صوتو المزعج ويسكت تصحى كلاب الليل ... النام جيعان ... النام في بالو عشا الضيفان ... وفيهم واحد خلّ هموم الدنيا وراهو ونام ... نام مسنود بالفاتحة ... ويعوذُ برب ...
    واحد ... اتنين ... تلته وكُُف ... جُر يا زول ما تخلي المكنة تبطّل تاني ... الشوق لابسنو فلايت ... الفرج الجانا شوية وفايت ... والحظ ود كلب ... الحظ الهوهو ضال ... صوت سامعنو بعيد ... الصوت الشقّ الليل نصين ... أوهام واحلام ... او باقي كلام ما دقش الريق ...
    وكانت ساعات الليل منفلة ... والمكنة صباح الدنيا الأبيض ... المكنة تعصلج طول الليل ... حتى الناس النايمة تسب ... والصباح إن لاح .. شن فايدة المصباح
    هوي انا سرحت !!!


    عماد ذكرتني بالزول الكايس ربنا يرفعو ...
    فتواضع.
                  

08-23-2007, 11:38 PM

محمد أبوعاقلة الطريفي
<aمحمد أبوعاقلة الطريفي
تاريخ التسجيل: 05-11-2006
مجموع المشاركات: 482

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الــــــزول الفوّت شنبر وبستمو بستف راس المكنــــة ... !!! (Re: محمد أبوعاقلة الطريفي)

    يا طاريك ورافعك تبحث عن .........
                  

09-01-2007, 08:09 AM

محمد أبوعاقلة الطريفي
<aمحمد أبوعاقلة الطريفي
تاريخ التسجيل: 05-11-2006
مجموع المشاركات: 482

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الــــــزول الفوّت شنبر وبستمو بستف راس المكنــــة ... !!! (Re: محمد أبوعاقلة الطريفي)

    سين إنسان وصاد إنسانة ... إحداثي النشوة يوم تتلاقي الروح بمعدل ثابت في كل شهيق أربعة مرات ... في كل مرة تجددي دم العودة لأجمل لحظات وأصعب لحظات ... لو ما إنتي !!! ما كانت إزعاج ... وما كان زمن الإلفة لفّ سباتة عمرو وفات ... تفتكري الفات أربعة لفات ... والا الذكري الفرشت روحا رصيف ورفات ... وهل تتوقعي إنو زمانك يسرق جلسة بوح في أي وكت ... أنا متوقع إنو زمانك يسرق جلسة بوح في أي وكت ... عشم الحارس عشم إبليس ... العشم الفاتح قلبو تكية قصاد الميس ... وادخلي يا روح من أوسع باب ...
    درب الأحباب ما فيهو إياب ... لو خطواتك وضهر السكة يباب ... لو الزمن الجائر رشحك كف في شكلِ عتاب ... اعملي نفسك نايمة وقومي في نص الليل أطري الأحباب ... لو عشرق فيك الشوق ببقالك بُقه ... لو إحداثي النشوة مجهجه خطّو وزادت نِقّه ... نقنقي ما تخلي الكلمة تبيت في سدرك حُرقة ... ما تخلي عزيمتك تكتل حيلك وتابي المرْقه ... فضفضي عنك أس الغائب وامرقي منك أف الفرقة ... أنا أقرب منك لي لو خليتي حروفك طرف الورقة ... عرموس إنسانك زي بنيانك مالي الفَرَقه ... إنسانة بتمشي مباريه الخيط ... وانا يا خيط ... يا الماشي معاك مدماك مدماك ... في ناصية وبيت ... لا مرة أبيت ... لكن إتهور قدح الغربة وقطع الخيط ... يا المتماسكة وماسكه في يد الحاجة أظنها كبري ... أكبر من وكت الحوجة وأصغر من صبري ...

    أنا وانتي زي ترســــين ...
    نلف في وش الزمـــان الشــــين ...
    وقـــدر ما نـــلف !!!
    بنتلاقى.

    ويا ... زي وطناً وكت اشتاقلو ...
                  

09-01-2007, 08:39 AM

Masoud

تاريخ التسجيل: 08-11-2005
مجموع المشاركات: 1623

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الــــــزول الفوّت شنبر وبستمو بستف راس المكنــــة ... !!! (Re: محمد أبوعاقلة الطريفي)

    عماد أداها صنفرة تمام وهي قصيدة جميلة و صعبة التوالف و مكانيكية في التصوير. جدع يا أبو عاقلة و العقل خليه لمعتز المتعاقل وخليك مع الشعر يا جميل:بدون مساعدات!!!!
                  

09-01-2007, 04:26 PM

Masoud

تاريخ التسجيل: 08-11-2005
مجموع المشاركات: 1623

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الــــــزول الفوّت شنبر وبستمو بستف راس المكنــــة ... !!! (Re: محمد أبوعاقلة الطريفي)

    فوق
                  

09-02-2007, 09:41 AM

محمد أبوعاقلة الطريفي
<aمحمد أبوعاقلة الطريفي
تاريخ التسجيل: 05-11-2006
مجموع المشاركات: 482

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الــــــزول الفوّت شنبر وبستمو بستف راس المكنــــة ... !!! (Re: Masoud)

    ياي... تلك التي يطلقها الحناكيش الناطقين بالعربية وليست لها مكان هنا ما دام ذلك المساعد يشيل وينهز بأعباء ثقيلة جدا ... وياي هنالك فيما ورد (إسبرنغ) يطلع وينزل على قدر الحاجة الفي راسك ... (طبعا في ناس راسا خفيف ) مثل هؤلاء ... الياي راضي بيهم وهم راضين بالياي ومساعدو الذي ينطط اليوم كلو ولا هاميهو دقداق... الذين لا يتقنون فنون العشق ... يتجولون في طرقات شتى ... قراية الاعلانات واللافتات القبيحة في المحلات العتيقة حتى يزدادوا قبحا على قبح ...وعندما يمر ذلك الراسو خفيف ومعاهو حبيبتو وشاقي بيها سوق الجلود ... فبأي رومانسية يتحدث .
    الهم الذي يشهد يوميا دقداق في ظروف غير معبدة على الإطلاق ... في شوارع لا تكترث للمحطات كثيرا ... ولو اكترث !!! بتقيف بعد مسافة ليست بالقصيرة والتي من اللا ممكن أن تمشيها كداري ... بحكم رد الفعل المتأني بعض الشئ لطبيعة ما يحدث في رصيف الحياة والزول السائق ... زخم ما منو أي فايدة ... ناس بتقيف عشان توصل ... وناس تنزل عشان وصلت ... وناس لا واقفين ولا نازلين ... محلك سر ... فيا مساعدات نططي بقدر ما عندك من لياقة ... ان شوارع الروح لا تخلو من دقداق وكم حفرة ... فإذا طقطقت ... خفّت ... وإذا خفّت ... تأكد سوف تصفعك الحياة ولامحالة بردلب ... بأي وضع كان ... فالياي وحدة لا يكفي كما ليس بالخبز وحدة يحيا الإنسان ... طنبور وسيور ... اديتر وكربريتر ... دركسون موزون ... ومركز خدمة يفتح ابوابة يوميا ليهبك قليلا من الشرز وكثيرا مما نبحث عنه عند أي منعطف خطير ...
    فرامـلـك ... ثم مـاذا ... فرامـلـك ... ثم مـاذا ... فرامـلـك ...
    عشان ما تكون زول دايش ساي ... وما تعرف وين تقيف ...
    ومتين تقيف ...
    وليه ؟؟؟

    أستاذي د. مسعود ... الشوق قنبلة موقوتة ... بتوقيت يملطش .
    وطمنّا عليك ...
                  

09-03-2007, 06:55 PM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18581

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الــــــزول الفوّت شنبر وبستمو بستف راس المكنــــة ... !!! (Re: محمد أبوعاقلة الطريفي)

    أصل الحكاية
    أبكرونا عايز يعبر عن نفسوا
    الشوق صامولة عاضة
    والحنين مفتاح أنقليزي وقاري في الكمبوني
    كجنكي مفتاح الزنكي
    وشلة يخسي
    وناس الضللة
    والراكبين الفيل العمرو ما كان ظالم
    زي سلمي!
    كدي ياعم شل
    كب لي جالون
    عشان أعمل ليك دور بي حبيبي دور بي
    تيستة كدة عشان أم العروس تعرف حاجة
    ومافي داعي نخش عليها بي أسطوانة حسي ووزعي الببسي!
    عليك الله يا هفصة مالك أهرجتينا مع المجتمع
    يعني مافي بلوزة غير بلوزة عشة مشاكل شيالة الحال دي ؟؟؟


    والشوق طرمبة!!!


    شكرن كتيرن!
                  

09-04-2007, 05:19 PM

محمد أبوعاقلة الطريفي
<aمحمد أبوعاقلة الطريفي
تاريخ التسجيل: 05-11-2006
مجموع المشاركات: 482

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الــــــزول الفوّت شنبر وبستمو بستف راس المكنــــة ... !!! (Re: حبيب نورة)

    قبل شكرن كتيرن ...
    الطرمبة ... الفيها لمبة ... الطرمبة الماخدة زمبة ... داخلة شافطة وطالعه بمبة ... الطرمبة تكشح الشوق وفيها رُمبا ... فأي نوع من الطرمبات تقصد ... للسيارة بلهجة غير محلية هنالك طرمبتان ... تعملان بكل جهد ... زمنن دا كلو يشفطن ويودن ... يوم ما شكن ... الا أبيدا قوية يقوليها كوني ... وتحرن عارف متين ... لم المشتاق يبل الشوق لغاية ما يصفر (يصفر هنا رقم صحيح) وأي فراق جديد كفيل بضخ المزيد من الأشواق في نفس الطرمبة ... ثم تشيل وتودي ... هذا فيما يخص طرمبتين بنزين وموية في عربية تتزود بالسوائل الضرورية ... أي موديل ما مشكلة ... ثم الطرمبة التي تشفط من بحر ... عيييييك ... زي الشوق دا لا بستحملو ولا حاجة واذا جيت اردو علي الأقل مفروض تكون عندي طرمبتين قيد الاستخدام الآدمي ...
    وفي طرمبة بنزين في حتة ناصية ... تشيل منها لى تنكيك ... ثم الى طرمبتك ... ثم إلى زول واقف مقطوع راجي شوقك على أحر من الجمر ... فهل له ما أراد .
    لا أعرف تحديدا وجه الشبة بين طرمبة البنزين وبين تلك التي يحملها (دفع الله طرمبة) وحايم بيها من تمغرب لغاية الساعة (الزمن داك كانت مفتوحة) يزمبر ويزمبع بجضوم مليانة هوا ... يشيل وينفخ والناس تبرطع وتميل سوا يا جميل ... زمن المزيكا كانت بعد الناس تتعشى ضلع والحاجات التانية ديك (يعقوب ما خلّ لي حاجة أقولا) ...

    أمنياتي بطرمبات شغالة شديد وما تقيف بيك في نص سكة من سكك الدنيا البقت زي محطة قطر ...

    بالمناسبة ... ايميلك راح مني ... اصلي عملت فورمات لسودانيز اونلاين بالغلط ... وراحت أي حاجة ..
    لو متّ بى شوقك ... ح أعرف إنو طرمبتك ما كانت شغالة ... ودا عيب فرعي .
    بعد شكرن كتيرن ...
    شوقن لزيزن ...
                  

12-01-2007, 07:39 PM

محمد أبوعاقلة الطريفي
<aمحمد أبوعاقلة الطريفي
تاريخ التسجيل: 05-11-2006
مجموع المشاركات: 482

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الــــــزول الفوّت شنبر وبستمو بستف راس المكنــــة ... !!! (Re: محمد أبوعاقلة الطريفي)

    وبالأمارة .. واقف في الاشارة ... ولسه الروح بتقسم بعد زحيت رجلي من البنزين ... الشعللة جوة بتحصل والشمعة تولع وتطفي ...
    ومن منطلق الطالع زيتو وقلبو مسخّن ... يا دوستك ... يا اقطع قلبك وفي العرف مخالف ... يعني شنو الاحمر يولع والماشي يقيف ...




    يعني شنو الاحمر يولع والماشي يقيف ...
    ويعني شنو الورد الأحمر لو قاليكي تعالي ... وطعم الإلفة سخيف !!!
    وأقول ليها شنو الأحضان السألت عنك ... برضو تقيف والألف أحمر ؟

    ثم غور ... ما تقيف .. ياشائل روحك والشارع أسفلت
    زي الزفت ... وكل الحولك أسمنت ومباني ...
    وشدر ... امبارح كان مافيش ...
    وكنتي بتسألي عن الزول والفرناغة النطت في الوش ... وتكنكش
    وتعب ...
    طعم الراحة مميز واحساسك بيها بقسم والعادم نسمة ...
    رترتي لم بتقولي الزمن إتأخر ... وانا جابني الشوق أسأل عنك ...
    ورميتي ترسك ... شايلو حسك ... وانا حسي بطّل
    ادفريني بكلمة منك ...

    يقرف اليوم الجابنا ندوّر ساي !!!
                  

12-03-2007, 06:45 PM

محمد أبوعاقلة الطريفي
<aمحمد أبوعاقلة الطريفي
تاريخ التسجيل: 05-11-2006
مجموع المشاركات: 482

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الــــــزول الفوّت شنبر وبستمو بستف راس المكنــــة ... !!! (Re: محمد أبوعاقلة الطريفي)

    الرترتة خافت ورجفت ... كراسي المكنة النشفت ... زي الريق بالضبط وأكتر حبة ... نشاف الزول الفوّت تاني محطة ... محطة بص ... بَصّ وشاف الشارع جايط ... ناس بتغايض حس الإلفة بقبلة وبوسة ... بوسة سريعة وكان الود مستعجل ... والبت الماسكة فرامل اليد منجرفة وتبكي ... طعم القبلة مسيخ مالو ... حس الناس اتغير حالو ... وتنك الشوق يا دوبو مستف ... أظني شِرقت ... والخشم الناشف دشر الشفطة ... وطعم التنك والقدرة الفيك اتقلبت شطّة ... حاااارة وخشمك ناشف ... وحيح وفصيح الحرف مخير ... سال الزيت الليهو زمن ما اتغير ... خرخر وكان الوش المهري مسير ... وفاااااات مستعجل مالو ... خلّ المكنة تنقط وعِرِق الدم في الجبهة سلنسر ... المس راسي مسخن وبطني اديتر فاير فورة ... وأحييييييي ما بتاخد بالك مالك ... الحفرة الدقشت بالك وكنت مسهي وسااااايق سااااي ... دقيقة اشوف اقدار الشارع وريزك واصل وين ... ياخ ما تسوق براحة وخليني اقول الحاجة الواقفة هنا ... هنا دا ... ما شايفني... يا بت اصبري حبة ... قدامي مطب .. وخليني اواصل مشواري البايخ ... انا زاتي زهجت ومزنوق بول ... طيب اقيف ... نفسي اقول الحاجة الخلتني اجيك ... نفسي افلّس طبلة راسك واشوفك ناوي على شنو ... عاين ليها وقعر العين بس حبة وينشف .. وطاااااااخ .. كروروب
                  

12-03-2007, 08:47 PM

الشفيع عوض شوشتا

تاريخ التسجيل: 10-24-2006
مجموع المشاركات: 1655

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الــــــزول الفوّت شنبر وبستمو بستف راس المكنــــة ... !!! (Re: محمد أبوعاقلة الطريفي)

    كتاحه وريحة سليسيون
                  

12-03-2007, 09:31 PM

Siddig A. Omer
<aSiddig A. Omer
تاريخ التسجيل: 04-06-2005
مجموع المشاركات: 3818

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الــــــزول الفوّت شنبر وبستمو بستف راس المكنــــة ... !!! (Re: الشفيع عوض شوشتا)

    أبو عاقلة...الله ما عقلك.....

    عقل الطرف...العلق فيك.....

    و زمن..."البستم"...ال...بدور ...بغير ..زيت

    زيت "الراجع"....كم..و كم..عمر..بيت

    وشبع الناس..."ضبة"...و "محبة"

    وشبح "الهم" الفينا و"فيك"

    بس.....نحنا...دائماً نبحث...بدل "الضمة"...ضبة

    و بدل البنزين..... "لمبة" ....زيت

    منعول أبوك....بلد....و منعول أبوك...طلعتى...الزيت......


    صديق - الدوحة....المجنون الآخر......
                  

12-04-2007, 07:30 PM

محمد أبوعاقلة الطريفي
<aمحمد أبوعاقلة الطريفي
تاريخ التسجيل: 05-11-2006
مجموع المشاركات: 482

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الــــــزول الفوّت شنبر وبستمو بستف راس المكنــــة ... !!! (Re: Siddig A. Omer)

    Quote: كتاحه وريحة سليسيون


    غمّض ... وقفّل نخريك ...

    بتشمشم مالك ...

    (ضحكة خبيثة)
                  

12-06-2007, 09:12 PM

Siddig A. Omer
<aSiddig A. Omer
تاريخ التسجيل: 04-06-2005
مجموع المشاركات: 3818

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الــــــزول الفوّت شنبر وبستمو بستف راس المكنــــة ... !!! (Re: محمد أبوعاقلة الطريفي)

    الــــــزول الفوّت شنبر وبستمو بستف راس المكنــــة ... !!!

    يازول...مالك بستمك....."فوت" و لا شنو؟؟؟

    أوع أكون "سليسيون".... والله مشكلة!!!

    نصف عاقل
                  

12-08-2007, 01:21 AM

محمد أبوعاقلة الطريفي
<aمحمد أبوعاقلة الطريفي
تاريخ التسجيل: 05-11-2006
مجموع المشاركات: 482

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الــــــزول الفوّت شنبر وبستمو بستف راس المكنــــة ... !!! (Re: Siddig A. Omer)

    الكتابة حالة مزاجية تدخل من ضمن أشيائي الخاصة جدا
    قبل أن تفوح ... وقبيل أن أبوح ...
    لذا لن أرد عليك الآن !!!
    كما أعلنت عليك لآن ... الود

    و
    و
    و
    ممكن تلف لي معاك
    انا عندي حباسة
    وتعبااااان وممكون


    تلاتة وتلت صباحا بتوقيتك
    انا جوه والليل بره
                  

12-08-2007, 06:35 PM

محمد أبوعاقلة الطريفي
<aمحمد أبوعاقلة الطريفي
تاريخ التسجيل: 05-11-2006
مجموع المشاركات: 482

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الــــــزول الفوّت شنبر وبستمو بستف راس المكنــــة ... !!! (Re: محمد أبوعاقلة الطريفي)

    الضبة بتصبح كضبة اذا زيتك بقى مويه ساي ... والموية الفارت ما موية شاي ... لكنو سخانة المكنة بتبرد لو بليت من صبرك راي ... هو شنو الطّلع زيتنا وسال اهمال .. هو شنو الخلانا نباري السكة ونمسك في طرف البال ... ونسرح لم المكنة تسخن ... وصوتا الطالع جانا يحنن ... انا عطشاااانة واسقيني اذا عندك بُقه .. وشوف آمبيرك اذا سهيت بوريك الحاصل بي ... والحاصل بي انا دمعي كبّه ... وخرّ سااااائح ...

    الزيت الراجع دا يا صديق هو الطّلع زيتنا ... خلانا نحاحي دروب الشوق البمشن بيتنا ... وفجأة يركن .. وقبل يفكن قشات الشوق الشافع كورك من غير ما يقصد وجهجني معاهو شديد ... طارن تاني وأبن ما يركن ... والطيرة حتفضل طيرة ... والطيرة الادا الشوق لى خشم الطيرة بقى طيرتين ... واحدة معشعشة فوق الراس والتانية مزرزرة فوق رايين ... والشوق اتشتت في كم شدرة .. الضل الرامي مرقرق .. الشوق الفينا يشفّق ... القمر الزار ليلاتنا يصفق .. ومغيوظييييييين كان شفته ... وشقانا الغيظ ... انسى الرترتة ودوس الريز ... هي بتدور !!!!!
    زي ما دورك عدم الرد في تلك الحال ...
    هو الحال ناقص !!!!!
    لكن ما تتحسس لو فطيتك وانا ويحيد ومزمبع ...

    مزمبع بمزاااااااج منقطع النظير ... 
                  

12-08-2007, 06:46 PM

Siddig A. Omer
<aSiddig A. Omer
تاريخ التسجيل: 04-06-2005
مجموع المشاركات: 3818

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الــــــزول الفوّت شنبر وبستمو بستف راس المكنــــة ... !!! (Re: محمد أبوعاقلة الطريفي)

    الشماسى...يغسل راس المكنة....و يعمر "فيهو"

    قال: الجماعة "خلطوا موية"

    قلتو ليهو منو؟؟؟

    قال: عمر و "الترابى"....

    ثم شفط نفس طويل من سجارته العظيمة...وصاح باعلى صوته:

    " لو أختلفت الافيال.....فؤيلً للحشائش".....

    فصارت حكمة ...اسميها.......حكمة الشماسى...المسطول...

    صديق البعيد
                  

12-08-2007, 07:23 PM

Khalid Saeed
<aKhalid Saeed
تاريخ التسجيل: 12-12-2005
مجموع المشاركات: 2605

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الــــــزول الفوّت شنبر وبستمو بستف راس المكنــــة ... !!! (Re: محمد أبوعاقلة الطريفي)

    أبوعاقلـــــــــــه ..
    كشافاتك ضوت طرقات الروح ..
    خلتنا نتحسس زيتنا .. مايكون حرقان ..
    تعرف أنا بعد كلامك ده ..
    راجعت كهربت الذات ..
    وتميت المويه حنين ..
    وربطــه سبت الحب ..
    وناديت العيال وأمهم ..
    قلته ليهم طالعين رحلــة ..
    ياخي أسمع
    صوت بوري تلاتــه ..
    طالع من الجوف ..
    يضرب أحلى النغمات ..
    عشان تآمن زاتــو ..

    ياخي انت مبدع عديل كده ..
    تحياتي ،
    أخوك/ خالد الأرباب
                  

12-09-2007, 01:17 PM

محمد أبوعاقلة الطريفي
<aمحمد أبوعاقلة الطريفي
تاريخ التسجيل: 05-11-2006
مجموع المشاركات: 482

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الــــــزول الفوّت شنبر وبستمو بستف راس المكنــــة ... !!! (Re: محمد أبوعاقلة الطريفي)

    Quote: الشماسى...يغسل راس المكنة....و يعمر "فيهو"


    خلي الشماسي يغسّل راسو الاول ... افتح ليو الشارع جدول ... جدول موية وجدول ضرب اتنين X اتنين والباقي شنو ... ويا ريت لو عندك حيل !!! تفتح ليهو الشارع ماهل ... خليهو يعاين للمستقبل ... منها يعرف حاضراً ساهل ... وتقول لي راس المكنة خفيف ... والعمرة بتنفع ... الراس البنفع سيدو ويرفع شأنو مفترك ... الود الخشّ مناطق ... البنجوز الطاير جوز ... البنجوز الراكب لوري الموز ... البنجوز الما عندو قضية بخاسر وفوز ... والحالة شلش من أمسك وأقطع ليك ... من مفتاح اطناشر وتبدا تعد للفرتكة عدة ... امكن تاخد ساعتين أو مدة ... والعرق يتكلم عن نفسو وساكت ... النفس الطالع ونازل كان ما ساكت ... زرارو الفاتح باب قرّاش ... والدنيا برد ... أقول ليك الجابرو شنو ... المدرسة عندنا ما مجان ... الصحة عندنا ما مجان ... ونص السوق واقف سجّان ... سجّان سجمان ...
    وما خلط .. غلطٌ غلط ... الزول خلط يوم باللبط ... وقعد هناك في حتة جنب ليستر بحر ... شفاط شفط ... مكنتو جاز .. وربط ربط ... كان شفتو ما بتقول دا هو ... طار ما هبط والجو جميل ... الا اللساتر فيها تِك ... كان الكلام ما فيهو سر ... الخلطة سحرية خلتنا نقيف بعيد ... شايفنو خالط دمعتين ... بكاي وشائل حالو وين ... قاعد كأنو الدنيا دين ... يقلع من المخلوطة سر ... دي البنيه العصلجت ... صامولة عاصية وعكلتت ... وحيلو كان آخر النهار واااااااقع ... وما فتح شارع وصل .. اللكة طين ... وجدّع حروفو على وحل ... هوووي يا جنا ... امسك عليك خاطرك فرامل ... وفكنا
    واتنفضت نفضت زعل ...
    قامت على الحيل الفضل ...
    والغبينة تشق



    خليني من راس الشماسي ... ميتينو طالع
    راس غاز كيف معاك ...
    يا تولّع ... يا تديني أولع
    يا نطفيها!!!
                  

12-12-2007, 10:02 PM

محمد أبوعاقلة الطريفي
<aمحمد أبوعاقلة الطريفي
تاريخ التسجيل: 05-11-2006
مجموع المشاركات: 482

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الــــــزول الفوّت شنبر وبستمو بستف راس المكنــــة ... !!! (Re: محمد أبوعاقلة الطريفي)

    Quote: أبوعاقلـــــــــــه ..
    كشافاتك ضوت طرقات الروح ..
    خلتنا نتحسس زيتنا .. مايكون حرقان ..
    تعرف أنا بعد كلامك ده ..
    راجعت كهربت الذات ..
    وتميت المويه حنين ..
    وربطــه سبت الحب ..
    وناديت العيال وأمهم ..
    قلته ليهم طالعين رحلــة ..
    ياخي أسمع
    صوت بوري تلاتــه ..
    طالع من الجوف ..
    يضرب أحلى النغمات ..
    عشان تآمن زاتــو ..

    ياخي انت مبدع عديل كده ..
    تحياتي ،
    أخوك/ خالد الأرباب



    حرقان الزيت حيرقان ... وكهربت الذات مقياسا ري آكشن في جواك ... وحنينك طمج ضهر الواطة ... واللستك صلّع وخش مسارب الروح الطرشق فيها وما بنشرتو ... خليهو منفس وانفخ حيلك ... كب ... ما تخلي روايش الناس تدخل تنكك ... صنّفر قلبك لو حسيت بالحقد تجاه الزول الطعنك وفات ... وخلي المكنة تلف .. زي ما الدنيا بدونّا وبيك بتلف ... تتلف حاجة وتصبح هايجة ومرة ترووووووق ... ونحنا نفوق ... فرامل ما بتحوق لو حاولت تقيف في اي مطب ... وهدّن... سردب .. لو عالي شوارعك صنقع راسك ... لو هينو القدرة الراجع داسك ... وكتم انفاسك بتوريك الشهقة متين ... افتح بابك ... وانزل براحة ... واختا الرملة ما تقع المكان الهش ... شششششش صوت الريح وبابك فاتح ...
                  

12-17-2007, 08:31 AM

محمد أبوعاقلة الطريفي
<aمحمد أبوعاقلة الطريفي
تاريخ التسجيل: 05-11-2006
مجموع المشاركات: 482

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الــــــزول الفوّت شنبر وبستمو بستف راس المكنــــة ... !!! (Re: محمد أبوعاقلة الطريفي)

    وطااااخ ... طاااااخ ... طراااااخ ... طخ
    وكل الأماكن بنشرت ...
    وباقي الأمل سيّييييييّح
    وسرسوبك يا قلب ...

    ناااااااااااااااااشف .
                  

12-21-2007, 01:13 AM

serenader

تاريخ التسجيل: 01-14-2003
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الــــــزول الفوّت شنبر وبستمو بستف راس المكنــــة ... !!! (Re: محمد أبوعاقلة الطريفي)

    قررررررررررررربت أدخل يدي معاك أديها قلّة.. لكن خفت على أصابعيني من المنفلة..
    يا صعب.. يا كعب.. يا منقطها، ومكفكف بنطلونك فوق الركب!!
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de