سلفاكير يؤكد أن الحركة الشعبية حركة جنوبية !!!

Quote: } امر مضحكـ مايحدث الان في البورد من استغلال و ارهاب للاخرين بمفردتي (جلابي) و (عنصري) منو العاقل البقدر يقول انو في الالفيه التالتة ممكن يكون في زول بحمل فكرة الجلابي النفعي داكـ و لسه شايلها و حايم بيها وسط الناس ؟ معتصم و غيرو كثيرين بحاولوا يقولوا يا ناس البورد كفاية ارهاب بي كلمتي (عنصرية و جلابي ) الكلمتين ديل ممكن يشعلوا حروب ضروس ممكن تشغلنا عن القضية الاساسية .. محاربة الانقاذ , والانقاذ دي هي الزرعت فيكم الافكار دي تحت بند (اللهم اشغل اعدائي بأنفسهم) و انتو بشطارة فايته الكبار و القدرها مشيتو في الاسفلت العبدتو ليكم الانقاذ .. و النتيجة لم ينجح احد . مفردة جلابي مُفردة اصلا شروطها غير متوفرة الان في السودان بإعتبارها بوينتر لي نشاط تجاري عفا عليه الزمن مع دخول التكنلوجيا المتقدمة في فيلد (التجارة) و بالتالي انتفت فكرة الغريب صاحب القدرات الخارقة القادم لاستغلال الموارد و الناس . سمعناوقرينا عن الارهاب الفكري و الارهاب الديني لكني الارهاب العرقي موديل 2007 فيرشن سودانيواونلاين ده .. يطرشنا و يعمي جيراننا .. ما ادونا ليهو لكن اهو شايفنو يمشي علي قدم و ساق و يتعملق كمان فيا شباب لو باريتو فكرة جلابي و اولاد غرب و اولاد بحر حاترجعونا لي مربع صفر الحاصل اسه ده اسمو إفلاس و اختباء خلف اقنعة قديمة . افتكر انو دورنا الليله كمستنيرين انو ننتج وعي جديد لي اجيال قادمة موش نكرس لارهاب فكري نصنع من خلاله سبب لوجودنا و صيرورتنا الافكار الانتو بتقولوا انو بتحاربوها الليله دي ما افكار اصيله .. مشاكل السودان مشت ابعد من قصة جلابي دي ... مشاكل السودان الحقيقية الليله هي في السلطة نفسها موش علي صاحب السلطة حكومة المؤتمر الوطني اقرت الانتخابات ( كان بفضل الضغوط الدولية ولا عشان رغبتها في وضع المساحيق لتجميل وجهها قدام المجتمع الدولي ... و خلونا واضحين الانقاذ اصلا ما بتحترمنا) المهم انها اقرت الانتخابات كنهايه للعبة دي احسن نضيع وكتنا و نهدر وقت القراء في قشراتكم بي قضايا ماعندها معني ولا الانتباه للواجب المُلح ده (الانتخابات) ؟ بعد ما تنتهي الانتخابات حاربوا فلول (الجلابه) في المدارس و ربو اجيال جديده علي محاربة ذهنية الجلابي ذلكـ الشر المستطير.. علي الاقل في الوكت داكـ بكون عندنا براح نتكاتل في جو نحن شاركنا في صنعو .. موش مناخ مفروض علينا و نحن جواهو بنفتش انو نفترس بعض كيف .