|
|
|
 Re: النــشــــيشيـــــــــــبه (Re: اشرف السر)
|
| Quote: : بوست النشابة دا في الصفحة الاولي وبس اصلو ما ينزل وحقو يكون ورديات صباح وظهر وليل |
الاعزاء النشابة جميعاًُ ودون فرز تحية اليكم جميعا ..
وفى هذا البوست هياج للذكرى ولجمال الايام والناس بالجزيرة ( الجامعة - الحياة - المعلمة )
| |
 
|
|
|
|
|
|
|
|
Re: النــشــــيشيـــــــــــبه (Re: عبدالعظيم محمد أحمد)
|
ايوب سلام
عارف انا حاسي انو عبد العظيم ده اياهو زولنا ظاااتو بتاع الصحافة ولا شنو يا ( زميل )
بعدين شايفك مسجل من سنة 2005 لييييييييييييييييييه ما عملت تمام من زمان
واهو شايف الشباب بدو يظهرو وناس الاستراليا قربو يعملو رابطة قرقرقرقر حقو يسوو مبادرة الاسر والروابط الاسترالية لووووووووووووول وين قريب الله
| |
|
|
|
|
|
|
|
|
|
Re: النــشــــيشيـــــــــــبه (Re: اشرف السر)
|
سلامات ايها الرائعون
حسين يوسف
اشواق شديدة وكثير من المياه مرت تحت الجسر
ي ليت تعود تلك الايام الخوالي
لك السلام ولمن تحب وترضى
ود العمدة
بيننا 100 كيلو
لك مني المودة والاحترام
النش
كافتريا تكنو
قريب الله
| |
|
|
|
|
|
|
|
|
|
Re: النــشــــيشيـــــــــــبه (Re: عاصم احمد محمد أبوحجل)
|
الي كل الاعزاء بهذا البوست
تحيه وود عميق
سوف احاول عبر هذا البوست ان اوثق لتجربة جماعة شهيق الثقافية
بجامعة الجزيرة واتمنى ان يشارك في هذا التوثيق كل ما من يعرف عن هذه التجربة
اولا : تأسست جماعة شهيق الثقافية في فبراير 1996م بمبادرة من مجموعة طلاب الدفعة
(1 اقتصاد وكانت البداية عبارة عن اصدارة حائطية متواضعة امام كلية الاقتصادولكن
سرعات ما توسعت التجربة وتم تكوين اول لجنة تنفيذية وكان ذلك في ابريل 1996م
ونواصل
| |
|
|
|
|
|
|
|
|
|
Re: النــشــــيشيـــــــــــبه (Re: ايوب عبدالرحيم)
|
النشيشيبة....
كل ما ابدتدي اكتب في البوست دا...القي نفسي سرحت..
راكبة في دفار النش من الاعدادية ومعاي هبوية..وشبو..
ماضي ومجدي وعبير وفي انتظارنا هناك سيف عبدالرحيم..وبازمبا
ومرات مرات عبدالعظيم(دايما بيكون في الخرطوم  )...
نقعد نتونس ونمشي المشتل..ونكاوي يحيي ود خالي وصاحبه
اللذيذ التاج..وابراهيم يوسف الطويل وصاحبتهم الغتيتة ديك..
كانت النشيشيبة فسحتنا ..يعني بالنسبة لينا زي دبي..
لو فرحانيين بنمشي ليها..
لو في احداث في الجامعة بنحج ليها...
لو مدبرسيين بنرجع منها آخر ابتسام..
انا ما رجعت بعد التخرج للجامعة لاني خايفة الخبط الصورة الجواي..
عليكم الله ما تقلبوا لينا الذكريات وتخلونا نبكي..
اهي اهي اهي اهي ..الحي الله يا اولاد امي والدايم الله...
سلام يغشاكم من حد الاعدادية لحد اخر بلوك في النش..
| |
|
|
|
|
|
|
|
|
|
Re: النــشــــيشيـــــــــــبه (Re: رشا سالم)
|
كانت النشيشيبة فسحتنا ..يعني بالنسبة لينا زي دبي..
لو فرحانيين بنمشي ليها..
لو في احداث في الجامعة بنحج ليها...
لو مدبرسيين بنرجع منها آخر ابتسام..
انا ما رجعت بعد التخرج للجامعة لاني خايفة الخبط الصورة الجواي..
صدقت يا رشا... لأني رجعت وحصلت لخبطة... بس بسيطة... ومسكت دموعي جعلنه سااااي
| |
|
|
|
|
|
|
|
|
|
Re: النــشــــيشيـــــــــــبه (Re: اشرف السر)
|
عموم النشابه
سلاااااااام حاااااااااار
بقدر حرارة الشوق الى النشيشيبه
العزيز عاصم سلامات
اعدتنا الى زمن شهيق ونحن نشهق مع ابداعها
اعدتنا الى زمنك وزمن الرائعون
معتصم وافقير وكاركولجى وغيرهم
تخريمه:
ودالعمده والله الواحد مشتهى ليه لعلعه فى نشاط
النش عليك الله ما خرمان ،،،؟؟؟
ولكم ودى جميعا
مونتى
| |
|
|
|
|
|
|
|
|
|
Re: النــشــــيشيـــــــــــبه (Re: اشرف السر)
|
أشـرف صباح الخير ..
| Quote: ليه ما حصل فتحت جامعة الجزيرة أبوابها أثناء شهر رمضان؟؟ |
إنت ناسي يا أبو الشوش إنو أجمل
حاجة في النش قهوة الصباح ..
وقعدة الخور ولا شنو ؟؟
طيب لمن تفتح في رمضان وين نلقى
الحاجات دي ؟؟
رودي زاتها بتبقى مسيخة !!!
| |
|
|
|
|
|
|
|
|
|
Re: النــشــــيشيـــــــــــبه (Re: عبدالعظيم عثمان)
|
Quote: هلا بحسين
اكيد النش من غير قهوة الصباح وشاي الصباح ومناكفة عم عوض
ح تكون مسيخه..
بس كنت بتخيل لو اتوفرت فرصة زي دي
اكيد (الليت) حيكون مع اذان الصبح..
ولا ما كدا؟ |
الله يا اشرف ..
صدق عم عوض لا زال ينشر الفرح
والفضيحة وسـط الجامعة ..
والغريبة لا زال يتمتع بذاكرة قوية
جدا ..
بس للاسف فقد كيسـو بتاع التمباك ..
وكذلك عم ابراهيم اختفى ..
الليت ..
وما أدراكما الليت ؟؟
عايزو للصباح يا طماع مش كدا
طيب تجكس ولا تسـحر ؟؟؟
| |
|
|
|
|
|
|
|
|
|
Re: النــشــــيشيـــــــــــبه (Re: اشرف السر)
|
| Quote: حصل يا اشرف فى سمستر 10 الدفعة 19 و كان اجمل سمستر |
نهلة عمر حظكم والله.. انا متأكد انه كان سمستر مميز..
بس ا قادر اتخيل النش في رمضان مساء شكلها كان كيف..
- كانت ايام سعيدة
وربي مناي تعيدها_
| |
|
|
|
|
|
|
|
|
|
Re: النــشــــيشيـــــــــــبه (Re: Mubarak Eltayeb)
|
عزيزي مبارك ..
حبي وتقديري ..
| Quote: إفطار رابطة أمدرمان جامعة الجزيرة غاب عنه الكثيروووووووووووووون ...... لماذا؟؟؟ |
يا الله على افطار أمدرمان !!
كان حدث والله ..
وكلنا كنا نتوقعه ونحضر له من مدني
والغريبة إنو اليام ديك ما كان في
تلفونات والناس برضو بتعرف الحاصل
وبتتواصل ..
ويعلم الله لم نكن نعرف مواعيده
أتذكر كان يوم عشرة رمضان فهل
تغيرت مواعيده أم لا زالت ..
ولا زلت أتذكر افطار الدفعة 15 يوم
15 رمضان ..
نعوضها رمضان الجاي إن شاء الله ..
مع الحب ..
.
| |
|
|
|
|
|
|
|
|
|
Re: النــشــــيشيـــــــــــبه (Re: اشرف السر)
|
(كانت هناك أخطاء كبرى
تُرتكب عن حسن نية. فلقد بدأت التغيرات بالمصانع، والقرى الفلاحية والمباني
والمنشآت الضخمة، وترك الإنسان إلى الأخير.
فكيف يمكن لإنسان بائس فارغ، وغارق في مشكلات يومية تافهة، ذي عقلية متخلفة عن
العالم بعشرات السنين، أن يبني وطناً، أو يقوم بأية ثورة صناعية أو زراعية، أو أية
ثورة أخرى؟
لقد بدأت كلّ الثورات الصناعية في العالم من الإنسان نفسه، ولذا أصبح اليابان (ياباناً)
وأصبحت أوربا ما هي عليه اليوم.
وحدهم العرب راحوا يبنون المباني ويسمّون الجدران ثورة. ويأخذون الأرض من هذا
ويعطونها لذاك، ويسمّون هذا ثورة.
الثورة عندما لا نكون في حاجة إلى أن نستورد حتى أكلنا من الخارج.. الثورة عندما
يصل المواطن إلى مستوى الآلة التي يسيّرها.))
احلام مستغانمي- روائية جزائرية
| |
|
|
|
|
|
|
|
|
|
Re: النــشــــيشيـــــــــــبه (Re: اشرف السر)
|
النادي الثقافي بجامعة الجزيرة صرحٌ منحوت في القلب والزاكرة فهو صرحٌ ثقافي وفكري نفتخر به. تم تشكيل اول لجنه تنفيذية سنة 1999 وكلفت برئاستها واهداف النادي الثقافي تنظيم انشطة ثقافية بجامعة الجزيرة و رصد الحركة الأدبية والثقافية والتعرف على معطياتها بتقديم عروض غنائيه-تشكيلية - ادبيه-تراثية
وندوات وكان الانتساب إلى النادي الثقافي متاح لجميع طلبة جامعة الجزيرة. تمكن النادي الثقافي بجامعة الجزيرة من تنظيم اسبوع ثقافي وقد كان عملا ناجحا قام بمشاركات الطلاب. تضمن الاسبوع الثقافي سلسلة انشطة ثقافية واجتماعية و ترفيهية و معارض تشكيليه و ليالي غنائيه ومسرحيه وادبية و تم تغطية هذه الاعمال بالاجهزة المسموعه و المرئية. فتلفزيون السودان كان مشاركا لنا بالتغطيه ببرامجه المشهورة انذاك أسمار وقد تم تخصيص سهرة كاملة لاعمال النادي الثقافي بجامعة الجزيرة, و في هذه الفترة انتزع النادي الثقافي مكانة مرموقة بين الاندية والجمعيات الطلابية في جامعة الجزيرة. و لعل شئ اخر منحوت في زاكرتي عندما رفضت أدارة جامعة الجزيرة استقبال بعثة تلفزيون السودان باستراحةالجامعه!!! ففتحت لهم منزلنا بحي الابحاث الزراعية بمدني وقد كانوا في غاية الاستمتاع و ربطتني بهم علاقات طيبة. و اول مابدأت الحلقة بتجوال الكاميرا لمعالم ودمدني و كانت معها اغنية ود الامين ياروحي ليه مشتهية ودمدني.
وياشباب خريجي جامعة الجزيرة الريدة و الرابطة البينكم دي ليس سرها في جامعة الجزيرة و لا النــشــــيشيـــــــــــبه ولا غيرهما
وانما سرها في ودمـــــــــــدنى
وقد صدق احساس العملاق محمد الامين عندما طلبوا منه بمسرح الجزيره
ان يغني لهم مالوا اعياه النضال فهي الاغنيه الوحيده التي لم يغنيها في الحفل فرفض بشده
ولكن اشتدت عليه الضغوط فبدأ يغني ..
مالوا اعياه النضال..
ثم انهار تماما وقال ياروحي ليه مشتهيه ودمدني..
ثم توقف وبكي بشده وبكي معه كل من في المسرح..
وياروحي ليه مشتهيه ودمدني
و قد كانت ايام لاتنسي
وكانت مغالتني اسألو مونتي ده (منتصر الامين)
انور احمد
| |
|
|
|
|
|
|
|
|
|
Re: النــشــــيشيـــــــــــبه (Re: اشرف السر)
|
Quote: النش افتكر محطه مفروض تكون مهمه جدا مش في حياتناكنشابه قدامى بس.. لكن في تاريخ السودان .. والله ما فاكها فيها .. لكن التجربه ثره وضخمه وتاثيراتهافي الوطن عموما بدت تظهر .. هسه بس البورد ده ما مثال .. اعتقد انو النش ختت بصمه في حياتنا انو ما نكون سلبيين وانو نتفاعل مع الحولنا... والحلو والما حلو فينا بنتناغم فيو زي ما ما فروض نتناغم كبشر
وزي ما كان يومنا بيكون ايام النش الجميله اعتقد انو يومنا بيكون وين ما تلاقينا... حتى ولو على صفحات الانترنت .. في حاجه بتعود .. نفس الروح و الاحساس
|
صح لشانك يا زهرة... وتسلم ايدك
فقد عبرت عما عجزت عن رصه في احرف..
| |
|
|
|
|
|
|
|
|
|
Re: النــشــــيشيـــــــــــبه (Re: اشرف السر)
|
أبناء وبنات جامعة الجزيرة
كل سنة وانتم طيبين.. ايام معدودة تسبق عيد الفطر المبارك..
اوجه التهنئة لكل الاخوة والاخوات...
والخلف الصالح الموجود الآن بجامعة الجزيرة حتى الدفعة 29
الدفعة 29 ولا 30 يا ربي؟؟
كلهم كل سنة وانتو طيبين
| |
|
|
|
|
|
|
|
|
|
Re: النــشــــيشيـــــــــــبه (Re: اشرف السر)
|
الاحبة من جامعة الجزيرة
لعلكم طيبين ورايقين...
ظروف عابرة وعدنا لهذا البوست..
كمال طماطم مبرووك الوظيفة..
ياريت لو اديتنا عنوان مكتبو دا عشان نداهمو فجأة كدا.. ونخلص القديم والجديد كمان..
لكم المعزة
| |
|
|
|
|
|
|
|
|
|
Re: النــشــــيشيـــــــــــبه (Re: محمد حسن العمدة)
|
Quote: حسين الوغد
لسع ما رجعت ولا شنو ؟؟
ما تكون ي بلوك ناين بس |
العريس يا وغد ..
والله رجعت ومعايا كمية من الصور
الجميلة للنش ..
لكن للاسف الشديد واحد أخونا شال
الكمرا وتلاعب بالذاكرة فمسح كل
الصور ..
لكن وعدي ليكم بعد العيد أصور
كل ركن في النش الجميلة وبالذات
بلوك ناين !!!!
محبتي ..
| |
|
|
|
|
|
|
|
|
|
Re: النــشــــيشيـــــــــــبه (Re: محمد حسن العمدة)
|
كان... كانت... وكنا...مبتدئ الحكايه...ونوافذالذكري
علاقه الالفه بالمكان...الشخوص بالحنين...
...والذاكره نديه...
بها...وبكم...احتفى
....واتــــــــــشــــــــــــرف......
يقول رئع شيلي نيرودا قبل التجربه كل الناس مناضـلون....وربما ابطال.....لكن تبقي التجربه)
...الجزيره تجربه رائعه ومدهشه... تجربه ساقت وسبقت معظمنا بملمح شديد الخصوصيه...وشكلت معلم وربما مفرق فى حيواتناالعام منها والخاص...ربما كان للمكان(النش, الاعداديه,حنتوب,ابوحراز, الحصحيصا)القه الخاص...دفئه...والفته....او ربماهي قلت التجربه....وينعان الشباب... بحماسه... رعونته....صدقه..وعفويته.... وربما لمليون سبب اخر....
ولكن يقيني ان انعكاسهاالاكبر علي شخصي...والاعظم على الاطلاق... كان في عشرات الوجوه الحميمه لشباب وشابات ....شكلو...وبدون فرز...مساحه ضخمه من شخصيتي .... ووجـــدانـــــي ...
....فلك يااشرف ...المجد...وانت تذكرنابها...وماغابت.... ولكن للصقيع وهموم ابنت الكلب الحياه فعلهما...ولضيوفك بدون فرز ....مليون باقه ياسمين....وذاكره نديه...
ودوما بيننا الود ...وحسن الظن
ناصر علي
14 اقتصاد
| |
|
|
|
|
|
|
| |
نيازي عبدالله مرحوم احمد
اشرف السر
ايوب عبدالرحيم
حسين يوسف احمد
منتصر الامين
عاصم احمد محمد أبوحجل
رشا سالم
Mubarak Eltayeb
نهلة عمر
عبدالعظيم عثمان
Asma Ali
زهرة حيدر ادريس
gamal elsadig
NASIR ALI
فيس بوك
تويتر
انستقرام
يوتيوب
بنتيريست