تراجى .. جراقسة .. نعم

مرحبا Guest
اخر زيارك لك: 05-09-2024, 07:52 AM الصفحة الرئيسية

منتديات سودانيزاونلاين

مكتبة الفساد

ابحث

مدخل أرشيف اراء حرة و مقالات

News and Press Releases

اتصل بنا

Articles and Views

English Forum

ناس الزقازيق

مكتبة محمد حامد جمعه(محمد حامد جمعه)

نسخة قابلة للطباعة من الموضوع ارسل الموضوع لصديق اقرا المشاركات فى صورة مستقيمة

« | »
اقرا احدث مداخلة فى هذا الموضوع »

05-08-2008, 08:59 AM

محمد حامد جمعه

محمد حامد جمعه
تاريخ التسجيل: 11-26-2004
مجموع المشاركات: 6807

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

تراجى .. جراقسة .. نعم

قالت العزيزة تراجى مصطفى فى رد عريض باحد البوستات

Quote:
Quote: محمد انت رجل ود قبائل لا تجعلهم يستغلونك هكذا
الطراطير البيجيوا يقولوا لك اكتب الكلام ده قول لهم
ابقوا رجال واكتبوه باسمائكم انتم
حرام يا ود الناس بحق نفسك ان يكون هذا حال ارشيفك!!!!!!!!
كله قلنا وقالوا ومطاعانات وتهديدات....وغيرها.

اصحى لنفسك يا محمد
كلاب الانقاذ هؤلاء نعلم انهم لهم هنا اكثر من عين غيرك
لماذا يوكلون لك انت فقط مهماتهم القذرة؟؟؟
وحتى متى تسمح لهم باستغلالك؟؟؟؟

محمد انت في النهاية زول هامش ومحسوب علينا
خليهم يعتمدوا على جعليهتم وشايقيتهم وحلفاوينهم وشكريتهم و...الخ
من اهل السودان الشغالين معاهم زيك و القاعدين هنا

ومتجدعين وبيقبضوا ماهيه زيك واحتمال احسن منك ومشيلينك انت وش القباحة.

وكلمتي لهم
يا كلاب الانقاذ انتم نعلم ان لكم عيون كثيرة هنا
ومن كل قبائل السودان كفوا عن استغلال هذا الدارفوري ,وكفاكم قذارة واستغلال
تقبولوا لاقربائكم ومن تعتقدونهم لا يليق بهم ان يعلنوا انتمائهم لاجهزتكم القذرة بالتخفي
وتضعوا محمد حامد جمعه ود دارفورالمسكين البيقبض منكم ملاليم في وش المدفع وتماسيحكم
الآخرين يقبضوا الملايين ويعملوا لينا فيها ناس ظراف وجاين المنبر للونسه وتشتيت الكور عن الامور الهامة اما المهمات القذرة فتوكلونها لمحمد حامد جمعه,ويمكن نجحته في غشه وصورتوا له ان هذا بطولة!!
قبحكم الله من جلابة لعينين,وقبح الله من يسمح لنفسه بان يصير جرقاس للجلابة.

واقول ..
الاخت (تراجى ) تحياتى وتقديرى
شوفى يا استاذة .. انا ما كتبت ما كتبت باملاء احد ولو عندك مصادر مطلعة - ومفروض يكون كدا - اسالى عن محمد حامد جمعه ، انا كوز نعم ، مريخابى ايوا ، بلعب كورة ممكن ، مرضان كوتشينة يس ، فينى سلبيات زى اى بشر وانسان دا مؤكد لكن كون زول يجى يملى على موقف ولا راى دى ما عندى ، بكتب الفى راسى وفى قناعتى وزى ما شايفة انى بقسو عليك اسالى كويس عشان تعرفى انى بقول اسخن من دا لناسنا وقدام اتخن تخين بالنسبة لحال ارشيفى فالحمد الله يمكن لاى انسان يقراه دون الحاجة لاستخدام منديل لسد انفه ودون الحاجة للتلفت قبل المطالعة ، لا هاترنا زول لا اثرنا حقد تجاه شخص حتى الذين شتمونا بما فينا وما ليس فينا تصدقنا عليهم بالصمت والعفو وسماحة السودانيين المقيمة وشوفى كلام ود قبائل وود نبلاء ودماء زرقاء ودماء بنفسيجة دا انا ما شغال بيهو لانى اتربيت على انى محمد حامد جمعه انسب نفسى لاهلى لاغراض التعريف ( عند اللزوم والحاجة ) وينتهى الامر بعدها لاذوب فى هذه الامة لا يضرنى عرق تقدم فيها او جماعة تاخرت منها لان الرؤية عندى واضحة اننا لادم وادم من تراب ولان الانتساب لعرق ما ولقبيلة ما لا يعنى ان اهلها ملائكة ولا يعنى بذات القدر انهم (شواطين ) والله والله انا عندى اخوان صغار ما عارفين هم هبانية ولا رزيقات ولا انجلو سكسون لانو المسالة دى نغمةما بنسمعها لا محل ساكنين لا اتربينا ولان دا اتجاه فى ارض الواقع هسة بين الاجيال الجديدة مافى الا هنا فى المنبر دا بدليل انو انا امبارح القريبة دى حاضر عقد وزواج بين اسرة زغاوية واسرة من الحمر وقبلها كنت فى افطار عقيقة لطفل اباه من احبابنا الفور وامه من جعافرة الدويم ، البلد دى الله نسج الود بين ناسها وما ممكن بكتابة فطيرة من شاكلة نصوص الفرقة والتجريح البتنشريها هنا دى تقطعها لان (السودانية ) دى سر الزيك ديل ما بفكو شفرتو ما بغيرو معادلاتو
اصلو ما تتخيلى للحظة انى بكتب ما اكتب عشان انصر زول لقاء حافز او لانو الحكومة مريحانى ، انا القدامك دا مفلس لدرجة انى ساكن بالايجار وابوى زول عادى وامى مواطنة بسيطة واخوانى فيهم الطاشى وراء اكل العيش بره جنبك وفيهم الشغال صنايعى فى المنطقة الصناعية وفيهم الفارش فى عرض الطريق كراويش عشان يلقى اخر اليوم حق السخينة ولعلمك لغاية هسة انا لا ملك بيت ملك ولا قطعة ارض ، وازيدك من الشعر بيت شفتى القرون الفى البلد ديل منى الملكية للعسكريين وناس القروش والكروش فيهم لغاية اكبر كبيرهم بعرفهم وبعرفونى لكن ما حصل زول منهم قلت ليهو جر لى قلم فى ورقة ولا اعمل لى وسوى لى
لازم تعرفى انو فى حاجات اسمها قناعات شينة زينة عفنة كويسة المهم بتبقى قناعات وانا دا وقودى قصاد الناس الزيك مع وافر احرامى ليك البعلمو من اى موقف راكوبة للبكا والنواح وانا ضد اى زول مصر يقسم البلد دى لاهلى واهلك انا يا تراجى ربونى الدناقلة والمحس فى الكلالكات وربونى اهلك الدباسيين فى العزوزواب ولو قالو لى تموت وانت بتكاتل عشان تحمى عبرى وارقين وارتقاشة ولا تموت وانت بتكاتل عشان شندى وقندتو ومريخ ولا تمشى تعيش ملك وسلطان فى دار الكلكة - الما ليها ملكة - اقول ليك بختار الاولى والثانية لانهم كانوا اهلى ، الجلابة القاشراهم ديل شالونى فى المرض ووقفو معانا ودخلنا بيوتهم وكانوا رفقة الصبا والله لغاية الليلة جلسة ونسة جنب حبوبة مياسة ولا خالة هجرة - بضم الهاء - ولا لحظة حديث عابر مع عمنا وابونا عبد العزيز كنه تسوى عندى بريق السنين والعمر
والله جرقاس جلابة دى وسام على عنقى ما املصو الا يدخلونى التراب .. اها رايك شنو
ومثلما قال الراحل ابو امنه حامد ناصريون نعم اقول جراقسة جلابة نعم

[رد على الموضوع] صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]