ايها الحالمون يا من تتحدثون عن عنصرية زيد وعبيد ، ليتكم كنتم امس معنا فى الخرطوم وسكان مناطق العشرة محاصرون داخل منازلهم وسكان الكدرو ينزلون الى الشوارع حتى لا تكون ميتة وخراب ديار وسكان الكلاكلة شرق ينازعون بعض الاخوة الجنوبيين المصرون على اقتحام المنازل ... ما كنتو قاعدين هنا وما عارفين الحاصل .... التراب فى خشمكم كلكم والزعلان يزعل ... زعلانيين على الدكتور قرنق ... عملتو ليهو شنو ... ما طلع شايل بندقيتو من كم سنة الشارك معاه منكم فى خندق ولا مرقد ولا كمين منو ! ولا واحد .... والجاهر برايهو عشان يدعمو منو منكم ولا واحد ... وخلاص لمن الراجل جنى ثمار قتالو نصبتو ثائر ورفيق سرقة جديدة زى عادتكم فى سرقة اى منجز وتجيير اى مكسب سياسى لصالحكم ... لقيتوها باردة ولمن جابها ليكم فى خط ستة جيتو تغنو ليهو يا حارسنا ويا فارسنا وبكره لو ما بقى زى ما عاوزين كان قلبتو وغنيتو ( لا حارسنا ولا فارسنا وبالجزمة دايسنا ) حاليتن وموقفين قلتوها زمان لنميرى مرة غنيتو ليهو وتانى شتمتوه وعملتوها مع عبود الخشيتو مجلسو وبرلمانو وجيتو بعد داك تاكلو مع الناس فى صينية جبهة الهيئات ... هسة قرنق دا بقى فى ذمة الله ربنا يرحمو ويغفر ليهو ولا شماتة فى الموت لكن لازم تتعلمو انكم تبقو رجال نصيحة وحق البيحصل والحصل امس فى الخرطوم غلط وغلط وغلط وغلط مكلف عارفين ليه لانو كل القبول للحركة الانجزو الفقيد بكاريزما مميزة وبخطاب واعى وكل القدر يعلمو ويوفرو للحركة الشعبية فى الخرطوم والشمال عموما اتمسح امبارح ... اتمسح ... ولو ما عارفين اعرفو هسة ... وسالو الناس خلونى انا والمكاشفى وابو حشيش ... الناس هسة ودى الحقيقة المره يا اخوانا بتلعن فى الجنوب وفى الجنوبيين عارفين ليه لانو فى ناس ابرياء جارية فى رزقها ذبحت ذبح الشياه وفى ناس عرق سنينها راح شمار فى مرقة وفى ناس اموالها نهبت والخوف والذعر الخش قلوب الصغار سنين ما يمرق والكراهية بذورها نثرت وامس سقوها الناس بالدم ، اى كلام غير دا واى حقيقة غير دى حنك ساسة ونفاق منابر وكلام زول منجعص فى طرف الدنيا البعيد وعاوز يعلم الناس الاخلاق ويقدم الحقائق .. هسة وفى الصباح دا امشو قدام - والبره البلد يرسل - قدام قاعة الصداقة وفى مرسى توتى امشو شوفو الحاصل شنو ناس توتى طلعو اى جنوبى من الجزيرة بعفشهم بره وهسة قاعدين فى الشارع رغم انو الاخوة ديل كانوا مستضافين امنين مستامنين لغاية ما حصل الحصل الحصل . الناس الماتت امبارح ذنبها شنو ! زول يجاوب ... وكم منهم زاتو مؤتمر وطنى ولا زول حكومة ... الشافعة هبة (11 سنة ) بتعرف شنو وميتن صوتت للبشير ولا بايعت الترابى ...ولا الحاج بشارة (75 سنة ) امام الزاوية الفى حلتنا الضربوه بعد ما جا يمنعهم عشان ما يكسرو الزاوية ! ... نقول شنو لا وشنو ... يا عالم يا حالمة ... الناس زعلانة ... غضبانة ... يعنى تعمل شنو ... نصلى ونقنت عشان تانى ما يموت اخ وزعيم جنوبى لان الموت دا روشتة بيصرفو الشماليين لناس الجنوب .. و عشان نبقى مستنيرين وما عنصريين لازم ما نقول غلط يا ابو ساندرا وكلامك ولومك لينا دا قولو لزول ولناس ما روعت امهاتهم ولا ضربت اخواتهم وهسة شعورك شنو لو بنتك ولا اختك جرجت من شعرها فى الشارع لمجرد انها شمالية وما جنوبية ... تسكت مش كده ... تعاين وتقعد تعتذر وتقول ليها معليش ... !!! وعشان قلنا غلط خلاص نحن ناس فتنة وناس عفن ... خيبة الله عليكم .... اتكلمو هنا وقولو العاوزنو لكن صدقونى الجرح البقى فى نفوس المواطنين كبييييييييييييير اعرض من اى تهويمات بتاعة رؤى وتصورات ناعمة وباردة قد يدفع بها اى منكم هنا ..
08-02-2005, 01:10 AM
زول ساكت زول ساكت
تاريخ التسجيل: 11-26-2004
مجموع المشاركات: 2907
الجرح كبير وغائر يامحمد حامد لن نقبل ان نذبح ذبح الشياه وننتظر من يبرر ردة فعلنا لن نسكت على اهانة امهاتنا واخواتنا واطفالنا ليكن مايكن ولكن لن نتفرج على القتله المجرمين الذين عاشوا سنين في ظل الحرب وهم اقليه امنه عزيزه مكرمه
بقت في الروح يااخوي
08-02-2005, 01:11 AM
محمد حامد جمعه محمد حامد جمعه
تاريخ التسجيل: 11-26-2004
مجموع المشاركات: 6807
اخي محمد حامد جمعة ... ارجو ان يعود الهدوء الي قلمك .. الان وبعد الذي حدث من الغوغاء ..لا يصح تعميم الحالة علي الجميع .. يجب ان تجيش الاقلام الأن من اجل تهدئة النفوس ..لا اثارة المزيد من الهلع .. يجب تثمين الموقف العظيم الذي وقفه قادة زعماء الحركة الشعبية ..واسرة الراحل جون قرنق في الدعوة الي الالتزام بالهدوء والسكينة ............................................
08-02-2005, 01:24 AM
محمد حامد جمعه محمد حامد جمعه
تاريخ التسجيل: 11-26-2004
مجموع المشاركات: 6807
Quote: هسة وفى الصباح دا امشو قدام - والبره البلد يرسل - قدام قاعة الصداقة وفى مرسى توتى امشو شوفو الحاصل شنو ناس توتى طلعو اى جنوبى من الجزيرة بعفشهم بره وهسة قاعدين فى الشارع رغم انو الاخوة ديل كانوا مستضافين امنين مستامنين لغاية ما حصل الحصل الحصل .
Quote: وهسة شعورك شنو لو بنتك ولا اختك جرجت من شعرها فى الشارع لمجرد انها شمالية وما جنوبية ... تسكت مش كده ... تعاين وتقعد تعتذر وتقول ليها معليش ... !!!
حقا ليضع كل منا نفسه فى هذا الموضع المؤلم ويحكم بعد ذلك ...
الا رحم الله شهداء هذا اليوم الأسود واسكنهم فسيح جناته والزم اهلهم الصبر
ولكن ستبقى الجراح فى النفس ما بقى العمر
لعلنا جميعا لم نحضر احداث المولد فى الخمسينات والتى كانت مشابهة لهذه
ولكن لقتل عزيز لدينا فيها بقيت فى تراث الاسرة بلا انتهاء على مدى امتدادها
انا لله وانا اليه راجعون..
08-02-2005, 01:26 AM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
ويا لها من خيبة يظل قرنق بما فعله في السودان مؤخراً في نظرنا رجل سلام همه السودان وعمل وفعل حتى وصل (الميس) ولكن هؤلاء سيأخذون حسابهم ( وواحدة بواحدة ) . نحن هنا عشنا على أعصابنا طوال اليوم من أن يأتيك خبر بأن أختك أو أخوك ... الخ قد فعلوا به كذا وكذا .... هي ليست نداء للعنصرة ولكن الخوف لن يدخل قلوبنا قط من أي جنوبي أو شمالي حتى ... طالما الحسني بيننا فأهلاً وسهلاً وطالكا الكُره والحقد بيننا فأهلاً أيضاً ولن نرضخ لمحبة تأتي قسراً !!!!!!!
08-02-2005, 01:18 AM
المكاشفي الخضر الطاهر المكاشفي الخضر الطاهر
تاريخ التسجيل: 08-08-2004
مجموع المشاركات: 5644
Quote: الناس هسة ودى الحقيقة المره يا اخوانا بتلعن فى الجنوب وفى الجنوبيين عارفين ليه لانو فى ناس ابرياء جارية فى رزقها ذبحت ذبح الشياه وفى ناس عرق سنينها راح شمار فى مرقة وفى ناس اموالها نهبت والخوف والذعر الخش قلوب الصغار سنين ما يمرق والكراهية بذورها نثرت وامس سقوها الناس بالدم ، اى كلام غير دا واى حقيقة غير دى حنك ساسة ونفاق منابر وكلام زول منجعص فى طرف الدنيا البعيد وعاوز يعلم الناس الاخلاق ويقدم الحقائق
Quote: اتكلمو هنا وقولو العاوزنو لكن صدقونى الجرح البقى فى نفوس المواطنين كبييييييييييييير اعرض من اى تهويمات بتاعة رؤى وتصورات ناعمة وباردة قد يدفع بها اى منكم هنا ..
لن نسكت لن نقف مكتوفي الأيدي سندافع عن أنفسنا اللهم انصرنا على القوم الكافرين
08-02-2005, 01:31 AM
A.Razek Althalib A.Razek Althalib
تاريخ التسجيل: 12-12-2004
مجموع المشاركات: 11818
محمد شكرا كلامك بالحرقه والله كلامك صاح والفقد جلل...انا شخصيا اتصلت على اختى فى الجامعة وقالت انها بخير فى الداخلية واتصلت على اخوى فى الكلاكلة قال انه قفل محله وسافر الجزيرة عن طريق جبل اوليا التحت..لانه لو مشى عديل كان حصل له ماحصل...واتصلت على ناس عمى فى الحاج يوسف الصهريج..قالو بخير لانهم محاصرين داخل بيوتهم..... هذا كله حصل نتيجة خطاء من الاعلام الذى لم يعلن عن الزيارة ..ولم يحسب حساب الموت عند ضياع الطائرة..وحتى عند اعلانه لم يكن يدرى سوف يحصل الحصل..وكيف لا يدرى وهم يعرفون ان هذا الرجل هو الخلاص لاولئك الغلابة التعابة...الخطاء كان خطاء دولة خطاء امنى خطاء اعلام...حتى سبترات او بالاصح ود ابسدارات..كما يسمونه اهل حلتنا كان مربوك فى رده واعلانه وتلمح الخوف على عينيه حتى شامتوه السودا احمرت.... الحمد لله لم تكن الطائرة سودانية ولم تكن متحركة من الخرطوم..ولم تكن فى اراضى تبع جيش الحكومة عموما الفقد كان كبير ..فى المال والارواح..ونقول الناس تستفيد من الحصل وتقيس مقدرة الفقد وتحسب حساب لحوادث الطائرات الجاية... ولك خالص معزتى
08-02-2005, 01:39 AM
إسماعيل التاج إسماعيل التاج
تاريخ التسجيل: 11-26-2004
مجموع المشاركات: 2514
اتفق معك تماما فى هذه الجزئية ولكن قل اين طرائق ووسائل هذه الايجابية فى ظل هذه الاوضاع بالغة السيولة ان اى خطاب للتعقل توجهه لغير الجنوبيين فهو بمثابة دعوه لهم لمد رقابهم للذبح
08-02-2005, 01:43 AM
إسماعيل التاج إسماعيل التاج
تاريخ التسجيل: 11-26-2004
مجموع المشاركات: 2514
لا حول ولا قوة الا بالله لا حول ولا قوة الا بالله لا حول ولا قوة الا بالله
ما حدث في الخرطوم يوم امس انها تجعل الولدان شيباً يا للفضيحة ويا للعار ما هذا ماذا يريدون هؤلاء القوم فعلوا ابشع ما يمكن فعله على من على ابسط الناس الذين لا حول لهم ولا قوة لماذا دخلوا البيوت وأشعلوا فيها النيران وحرقوا الناس احياء داخل منازلهم ومتاجرهم
أخي محمد حامد الفاجعة كبيرة والله اكبر
08-02-2005, 02:08 AM
Hussein Mallasi Hussein Mallasi
تاريخ التسجيل: 09-28-2003
مجموع المشاركات: 26230
Quote: لانو فى ناس ابرياء جارية فى رزقها ذبحت ذبح الشياه وفى ناس عرق سنينها راح شمار فى مرقة وفى ناس اموالها نهبت والخوف والذعر الخش قلوب الصغار سنين ما يمرق والكراهية بذورها نثرت وامس سقوها الناس بالدم
08-02-2005, 02:36 AM
محمد حامد جمعه محمد حامد جمعه
تاريخ التسجيل: 11-26-2004
مجموع المشاركات: 6807
لكن ما ملاحظ انكـ بتمارس في وظيفتكـ بشكل سالب ؟؟ يعني سياسة حكومتكـ مع السلام و اندماج الشمال و الجنوب وانت هنا بتولع في النار ضد الجنوبيين و بتصورهم علي انهم قتلة و مغتصبين هل هناكـ اوامر للمركز بتاعكم ده انهم يكتبوا ضد الجنوبيين؟؟ لو ده حصل !! تكون حكومة ذكيه جدا و بدت التجهيز للانتخابات من هسة
والله بموضوعك ده شفيت ما بنفسي من داء حل بي بالامس القريب وانا اشاهد ما يدور في شوارع الخرطوم من قتل ودمار من اشخاص لا يستحقون ان يكونو علي ظهر هذا التراب.
مجموعة من الحرامية والنشالين تجوب وتسرق وتحرق بلادي مجموعة من الحاقدين يدمرون ويقتلون اعز من لك في هذه الدنيا
بعد هذا اي سلام نتظر من هولاء اي وحده نتظر من هولاء وجدت بورد نعي لاخ واب عزيز هو الاستاذ سليمان قتل ضمن من قتلوا من الاحباب في هذه الاحداث الوحشية وانا بعيد من ارض الوطن تغمرنا الحسرة واكتست نفوسنا حقدا وكرهية علي هولاء كثير من اعضاء هذا البورد يصفون الشماليين بالعنصرية اي عنصرية اكثر من هذ ونحن لا يخطر علي بالنا من قبل انهم جنوبيين ونحن شماليين هم صنفو انفسهم بانهم كذلك اليوم بداءت العنصرية تمام وهي التي اختاروها .
في الديم وتوتي وغد سوف تعم كل السودان وسوف يعاملون بالمثل الي اشعار اخر.؟؟
08-02-2005, 03:13 AM
ebrahim_ali ebrahim_ali
تاريخ التسجيل: 02-05-2002
مجموع المشاركات: 2968
لابد من الحسم والحسم الفوري لكل من تسول له نفسه بالتعدي على الآخرين لا سلام بعد الآن نحن لها وبها عشرين سنة بنحارب وعشرين سنة تانية حنحارب وفي الخرطوم كمان وبعد كده اي قرد يطلع على شجرته والزارعنا غير الله يجي يقلعنا ما يموت قرنق يعني هو آخر واحد ولاأول واحد يموت أفضل خلق الله محمد توفي بسبب قرنق نقتل ونسلب ونهب ونغتصب كمان والله دا آخر زمن عشنا وشفنا فيك ياخرطوم
الناس هسة ودى الحقيقة المره يا اخوانا بتلعن فى الجنوب وفى الجنوبيين عارفين ليه لانو فى ناس ابرياء جارية فى رزقها ذبحت ذبح الشياه وفى ناس عرق سنينها راح شمار فى مرقة وفى ناس اموالها نهبت والخوف والذعر الخش قلوب الصغار سنين ما يمرق والكراهية بذورها نثرت وامس سقوها الناس بالدم ، اى كلام غير دا واى حقيقة غير دى حنك ساسة ونفاق منابر وكلام زول منجعص فى طرف الدنيا البعيد وعاوز يعلم الناس الاخلاق ويقدم الحقائق
08-02-2005, 03:12 AM
A.Razek Althalib A.Razek Althalib
تاريخ التسجيل: 12-12-2004
مجموع المشاركات: 11818
Quote: هذا كله حصل نتيجة خطاء من الاعلام الذى لم يعلن عن الزيارة ..ولم يحسب حساب الموت عند ضياع الطائرة..وحتى عند اعلانه لم يكن يدرى سوف يحصل الحصل..وكيف لا يدرى وهم يعرفون ان هذا الرجل هو الخلاص لاولئك الغلابة التعابة...
الخطاء كان خطاء دولة خطاء امنى خطاء اعلام...
صدقت با أبوقوته
08-02-2005, 03:03 AM
محمد الامين احمد محمد الامين احمد
تاريخ التسجيل: 08-28-2004
مجموع المشاركات: 5124
Quote: استخسرت حتى ادانة ، و قلبت الموضوع لبسمة و غمز و لمز عن اوامر ليس هذا موضوع ضحك و تبسم
1/اها يا محمدالامين عشان تعرف انكـ ماقاعد تقراء و تشوف الا الانت عاوز تشوفو يا سيدي انا ختيت لنكـ قدر الضربه و قلت معاهو انو موقفي هنا عاكف مُختار ضد العنصريه .. تقبل الله موتاكم و موتانا و بالمناسبه عملت كده عشان عارف انو في نوعكـ ده بجي يقول جنس كلامكـ ده
2/ يا سيدي انت بدل ما تقرعني بأن المقام مقام جد وليس هزل موش احسن تعد لحدي عشرة قبل ما تقيف موقف العميد ؟ وتقراء كلامي كويس السيد العميد ضد التعايش السلمي انت ضد شنو ؟
08-02-2005, 04:01 AM
محمد حامد جمعه محمد حامد جمعه
تاريخ التسجيل: 11-26-2004
مجموع المشاركات: 6807
اقول كما قلت ان ضد التعايش السلمى اذا كان من طرف واحد واذا كان يعنى ان اسردب وامى تروع وعرضى يهدد ومالى ينهب لمجرد ان قدر الله نفذ فى انسان غض النظر عن كونه قائد ام من العامة . خدر يا اخوى المسالة اكبر وادق من قصة لونى ولونك وموقفى وموقفك
08-02-2005, 04:14 AM
خدر خدر
تاريخ التسجيل: 02-07-2005
مجموع المشاركات: 13188
Quote: اقول كما قلت ان ضد التعايش السلمى اذا كان من طرف واحد
يا سعادتكـ ده كلام يا راجل .. شوف الزرزرة الجاية دي منو القال انو جماعه الامس بمثلوا الجنوب كلو ّ؟ منو القال انو جماعه الامس بمثلوا الحركة الشعبيه ؟ منو القال انو جماعة الامس هم طرف ضد التعايش السلمي ؟
يا اخي انت راجل اعلامي يعني مفروض انت تحلل و تشرح لينا ما غاب عننا
وللمرة الالف الناس الخربوا الشوارع و قتلوا الابرياء امس ديل غاضبين و مُحبطين و ده بسموهوا في علم النفس ردالفعل الطبيعي و انت مفروض تكون فاهم ده وتشرحوا لينا ( وده مامعناتو انت مؤيدهم ) يعني الموضوع مافيهو ( ضد ) واسة لو رجعت الحي بتاعكم ( ماتحكي لي قصص عن حيكم ) بتلقا نفس الناس ديل بياكلو فول عااااااادي و بتدينوا من سيد الدكان وآآآآآآخر تعايش سلمي
ملحوظة الليله اجازة ممكن اناقشكـ لاول مرة من تاريخو فقط لان القضية تستحق و دعاوي اثارة الفتنة يجب ان يُرد عليها
08-02-2005, 04:07 AM
محمد الامين احمد محمد الامين احمد
تاريخ التسجيل: 08-28-2004
مجموع المشاركات: 5124
الاخ محمد جمعة في سؤالك عن دورك الاعلامي الايجابي ارجع لهنا وبطل فتح البوستات المتعددة لموضوع واحد .. المرحلة هذه ما عايزه نوعية اعلام زي كدا. ما حدث مؤسف جدا جدا ... ويجب ان يكون الاعلام بناء وانت تمثل السلطة مفروض تكون وحدوية Re: لا لاشعال الحرائق والصيد فى الماء العكر .
08-02-2005, 03:08 AM
محمد حامد جمعه محمد حامد جمعه
تاريخ التسجيل: 11-26-2004
مجموع المشاركات: 6807
Quote: عاوزة اعلام غش النفس وانو الامور تمام وكلنا اخوان وانو وانو وانو ... دا كلام نظريا ممكن لكن عمليا بعد الليلة .... اشك
دا الرأي الرسمي؟؟؟؟؟؟ والحل شنو؟ تشيل سلاح وتنظم الفرق المسلحة وتنزل الشارع؟ زيك زي الانت بتنتقد فيهم؟ ويكون فرقك منهم شنو؟ ما الجهلة منهم زاتهم بقولوا عملوا لينا وعملو لينا عشان كدا طلعوا الشارع يكسروا. وبعدين ليه التعميم؟ لمصلحة منو؟ وانت عارف كويس انوا في كثير من اخوانا الجنوبيين رافضين للعنف والشغب واولهم قياداتهم اللطلعت في التلفزيون والراديو ونزلوا الشارع بالعربات يهدوا الناس. وليه ما بتلوم الحكومة في عدم القدرة على تصريف الامور؟ هل المواطن العادي مسئول عن الامن في شارع؟ وين التدابير الاحترازية والصغير قبل الكبير كان عارف انه ردة الفعل حتكون كبيرة جدا؟ لو تتعب نفسك شوية بس كاعلامي صاحب قلم مفروض يفكر ويبحث قبل ما يكتب كان تمشي تتشاور من "القيادة" وتجينا هنا بخطوات واجراءات بدل تحميل الصور والممكن اي زول يعملها وما ضروري يكون لا عنده إمكانيات ولا رسالة. العنف والتخريب مرفوض ... والجريمة مرفوضة ودولة حكم القانون والتساوي بتعاقب عليها. ضمانك لو تعرف ان تكون من الداعين لدولة سيادة حكم القانون والمساواة وليس التشكيك فيها وفي ضرورتها. ارجو ان ارى راجل اعلامي مسئول في مداخلاتك.
08-02-2005, 04:21 AM
محمد حامد جمعه محمد حامد جمعه
تاريخ التسجيل: 11-26-2004
مجموع المشاركات: 6807
والجريمة مرفوضة ودولة حكم القانون والتساوي بتعاقب عليها. ضمانك لو تعرف ان تكون من الداعين لدولة سيادة حكم القانون والمساواة وليس التشكيك فيها وفي ضرورتها. ارجو ان ارى راجل اعلامي مسئول في مداخلاتك.
يا سيد كلنا مع سيادة القانون والنظام وشوف وعاين مين الخرق دا ولاى سبب هذه ابتداء عشان يعرف اى شخص منطلقات تقييمه لما حدث والان لا تستطيع بحديثك هذا اقناع اى شخص فى الخرطوم ان يمتثل وينصاع وهو بنته قتلت امامه واخته اغتصبت خلفه لن يأبه بك هذه واحدة ثانيا عندما نشدد على استنكار هذه الافعال انما نؤكد بذلك ان رفضها هو احد اهم اسباب محاصرتها لان من قبل - لحظة استقبال الراحل قرنق - وقعت ذات الاحداث ولو بصورة اقل فكان الصمت بل والاشادة والتبرير من البعض بدعوى (افريقية الخرطوم ) فماذا حدث ان الجناة خرجوا بالامس وهم مدعومين من ذات التوجهات السابقة التى برر العنف . اما الراى الذى ادلى به هنا فهو راى الشخصى لانى هنا (محمد حامد جمعه ) بشخصى وراى الخاص وان سالتنى عن الراى الرسمى فاقول لك اننى حانق على والى الخرطوم وقادة الشرطة النائمون كالعادة وبارك الله فى (الحارس مالنا ودمنا ) ناس الجيش وهم ينزلون الى الشوارع وتستقبلهم جموع المواطنين بالهتاف
08-02-2005, 03:47 AM
المكاشفي الخضر الطاهر المكاشفي الخضر الطاهر
تاريخ التسجيل: 08-08-2004
مجموع المشاركات: 5644
من اصدق الاقلام التي تعكس الواقع يا محمد جمعة بالرغم ما يقلون عنك ... اخى اكتب ولا تبالي من احد مادام تعكس الواقع بصدق....
فاما عن الاحداث التي وقعت امس فكلاهما شريكان الحكومة والجنوبين.... الحكومة عليها الامن للمواطنين وتحسباتها لكل طارئة فمقتل د. جون قرن اي كان ما بالشي الساهل حتى الحكومة يمنعها تدبير حالها بفرض الامن للمواطنين.
فالاخوة الجنوبين عندهم احقاد دفينة على كل شمالي وممتلكاته فتصرفاتهم الهوجاء امس دلت على ذلك والتي راح ضحيتها من لا زنب لهم في الامر وممتلكات راحت سودى ،، اخي شغال في الخليج لمدة عشرين سنة حصاده لهذه السنين امتلك حافلة ركاب ليؤمن بها توفير العيش لابنائه فامس في ظرف 10 دقائق راحت سودى ربنا يعوضة تفتكر ما ذنب اخي هذا لا اشتراها من مال الحكومة ولا من مال الدولة حتى تكون نهايتها في ايدي الحقدة الجنوبين... والله هذا اذا اكان العكس شمالي لجنوبي سوف يكون حقوق انسان وتصفية عرقية والى اخره...... فانا اقول لكل شمالي ان من الحين تعرف انك مضهد اذا اكنت في الشمال او الجنوب ... فسوال يطرح نفسه فلماذا يريدون الانفصالين من الجنوبين من الانفصال بما ان كلمتهم صارت على الشمال والجنوب فاصبحنا نحن المضهدين واصبح الكلمة للجنوبين....
08-02-2005, 04:43 AM
حاتم الياس حاتم الياس
تاريخ التسجيل: 08-25-2004
مجموع المشاركات: 1981
أخى محمد حامد جمعة...ماكتبته هنا حقيقة عايشناها كلنا..ولم تزد أو تنقص فى حرف
لنك نسيت أن تخبرهم بان الشباب فى أحياء الخرطوم بدؤا فى تكوين فرق (دوريات) وحماية للأحياء والممتلكات...
شخصياً لن أكون ضمن هذه المجموعات التى أعتقد بأنها ربما تصبح مشروع مليشيات شمالية أذا ما ساءت الأحوال ولسبب رئيسى أخر هو أننى ديمقراطى أنسانى اؤمن بالأخر والتعايش السلمى ومثقف (أبن لذينا)
سأحلل الظاهرة تحليل موضوعى وسياسى..(لكن دون أن تزعجنى جارتى بصراخها المسغيث) وأستعين بمقولة غاندى عن الرياضة(حينما يضيق الأمر على فى زقاق خرطومى صغير وخالى) وتجرب رجولتى محك صعب..التفسير السريع هو أن رياضة الركض تساعدنى فى هذه السن ضد امراض القلب والشرايين...
ياراجل أنته بتناقش فى منو....نحنا (مقنطرين) فى السما..ومهددين فى وجودنا وحياتنا.........وناس قريعتى راحت ديل ينظروا لينا
مبدئياً عكاز وساتر...لغاية بكره نشوف فهمم ماشى لووين....والأيدو فى النار مازى الأيدو فى فى الموية.....
08-02-2005, 04:28 AM
Abdulla Ageed Abdulla Ageed
تاريخ التسجيل: 07-31-2005
مجموع المشاركات: 803
الأخ محمد حامد تحية طيبة ما يحدث أمر مؤسف، ولكنه كان متوقع، انه احتقان شهد به الكثيرون ولاحظه الكثيرون، وكنانتوقع حدوث مثل هذا الأمر المشين، الذي كان ينتظر مناسبة. كانوا ينتظرون مناسبة ليعبروا عن حقدهم الدفين. ليس لقيادة الحركة الشعبية يد في هذا، وهو أمر واضح. ولكن الكثير من الأخوة الجنوبيين يحملون في داخلهم حقدا وخاصة الجهلاء منهم وقد تبين هذا الأمر الآن.. ليست دعوى عنصرية.. ولكنها تبيين لحقائق كان الناس يلومون من يصرح بها في الماضي، ولكنها الآن ظهرت للعيان. وقد اتضح ذلك منذ أحداث سوبا الأراضي. المأمول هو أن ينتصر صوت العقل وأن يتمكن قادة الحركة من السيطرة على منسوبيهم وأن تتمكن الحكومة من بسط الأمن.. والأهم ألا يثور المعتدى عليهم ويسعوا لرد ما وقع عليهم فالفتنة يوقظها الثأر.. فلتأخذ السلطة بأيدي المخربين وتعاقب المعتدين ليشعر كل من وقع عليه ظلم أن حقه أعيد إليه.. لتموت الفتنة في مهدها. والله نسأله أن ينعم علينا بالسلام. ولك مودتي
08-02-2005, 04:31 AM
Abdulla Ageed Abdulla Ageed
تاريخ التسجيل: 07-31-2005
مجموع المشاركات: 803
أخي ود جمعة ما جاء في البوست السابق كتبته بالأمس.. قبل أن تظهر هذه المقولة "خيبة الله عليكم".. أما الآن فأستعير ما قاله أخي نشأت الإمام، فهو يعبر عن رأيي
الليله الدهر اثقل علينا نوايب والفرح البدا.. الليله اضحى خرايب بعد ما قلنا بكره جرحنا يصبح طايب انفتق الجرح ودكتورنا اصبح غايب
يا ناس من الحرب والدمار ده كفانا البلد موجعه وكل الفيها اضحو حزانا النار العوت زي الكلاب سعرانا خلت كل قلوبنا محروقه بي نيرانا
حالفين ناسو ديل مننا نحنا ياخدو التار بي فهماً وضيع عملونا نحنا ستار ذنبنا نحنا ايه ان كان حرق او طار والنار للبيفهم ما بتنطفي بي نار
طولنا الصبر مدينا ليو في حبالو وان كمل الصبر احسن تراعو وبالو حكمو للعقل وانسو قلنا وقالو والدم ان دفر ما اظن يقيف وشالو
08-02-2005, 04:54 AM
saadeldin abdelrahman saadeldin abdelrahman
تاريخ التسجيل: 09-03-2004
مجموع المشاركات: 8857
يا ملاسيي (جيم) دى إختصار جمل شيل آخوي? بسألك جد والله ويا ريت تورد لينا التصنيفات في فايل الخدمه الوطنيه وسبب لعنهم ده للفائده العامه.
محمد جمعه ياخى فرق بين المهني وإحساسك الشخصى...خليك إعلامي مسؤول.. كده بتزيد الموت والفتنه الحاصله دى والأولى أن تعتذروا كإعلاميين عن تقصيركم إنتو ووزير إرباكم ده ياخي. سيببو العاطفيه وخليكم قدر الموقف.
ربي إجعل هذا البلد آمنا وأرزق أهله من الثمرات!
08-02-2005, 05:06 AM
محمد حامد جمعه محمد حامد جمعه
تاريخ التسجيل: 11-26-2004
مجموع المشاركات: 6807
المهنى فى اعلام الحادثة شنو ... الفقيد مشى يوغندا فى زيارة غير معلنة - على الاقل لغاية طلوع البيانات - والترتيبات للعودة من اوغندا تمت وفق اجراءات الرئاسة فى كمبالا وكل هذا لم يتم الاعلان عنه قط لا من جانب الحكومة حيث لم يقل شخص فيها انو يا اخوانا قرنق سافر يوغندا وجاى راجع منها على الحتة الفلانية وحتى ناس الحركة فى الخرطوم ولا نيروبى ما قالو حاجة لغاية يوم السبت والاحد وبقينا فى كان فى يوغندا والقصة المعروفة ! طيب انا كاعلامى كيف لى ان اعرف ان قرنق ذهب الى اوغندا وكيف لى ان اعلم ان طائرته فقدت - حدث مثل هذا يحتاج لاخراجه لمصدر معلوم لانه خبر خطير- ولم يقل احد مسئول ما ان الحاصل شنو بالضبط طيب نخلى دا كلو قرنق توفى فى حادث تحطم طائرة واعلن ذلك فهاج البعض بدعوى العاطفة وكيت كيت واندفعوا فى سفك الدماء وهتك الاعراض المطلوب منى اذن ان اكون مهنيا وادفع للمطبعة بكمية كتابات توجد الاعذار للجناة ! هل هذه هى المهنية المقصودة كان كدا انا عنقالى يا جماعة ....
اخى محمد جمعة ادعوك صادقا هذه المره ان تستمر فى الكتابة وان تتخلى حتى عن الموضوعية والعقلانية يكفينا غربة وعذاب يكفى ان اتصل باسرتى لاعلم ان اخوتى مساجين بحكم الواقع فى مكاتبهم ولايستطيعون الوصول الى والدتى الكبيرة فى السن انا اسال عنها وهى تسالنى عنهم وهم يقولون هى بخير مجرد اطمئنان وانا ابعد عنهم الاف الكلم اصبح حلقة وصل بينهم اين الامن واين الطمانينه دكان عم ""الذى لايتجاوز المتر المربع ومحتوياته لاتتعدى قدرة فول وثلاجة بارد خرقوه ثم بعد اخذوا نصيبهم من البارد والفول اخبار ترد على مدار الساعة تجعلنى اموت حزنا .. لا ياشباب ماهكذا تاكل الكتف تبا لهم جميعا تبا لمن ازعج صغيرتى وابكى امى وروع اخوتى واقلق غربتى تبا لهم جميعا اولئك الذين ينظرون بغير اعين اكتب اخى محمد وقل الحقيقة ولا خير فيك ان لم تقلها
08-02-2005, 05:44 AM
محمد حامد جمعه محمد حامد جمعه
تاريخ التسجيل: 11-26-2004
مجموع المشاركات: 6807
النضمى والكلام المغطغط زمنو فات .. والموضوعية فى ستين كان بقت فى انو الزول يلمس ويقعد فى الكلام وهسة برضو اعرفو دا .. الناس فى الاحياء نزلت الشارع والعميان شايل المكسر والنفوس فايرة وغضبانة وما عندهم استعداد لاى مفاهمة مع اى زول حكومة ولا شيطان ... الفتح الباب دا اليقدر على سدو
08-02-2005, 05:49 AM
Elmosley Elmosley
تاريخ التسجيل: 03-14-2002
مجموع المشاركات: 34683
صدقنى يا موصلى الحدث كبير والسواد جلل نهارات الخرطوم امس ... ذعر .. رعب ... حيرة ... القاسم المشترك بينها (لماذا ) ... سمعتها كثيرا ... ولو انك تجولت فى العاصمة واطرافها امس لدخلك شعور عظيم من الحنق ضد اى شى واول هذه الاشياء الحكومة - العنها اليوم وانا منتمى لحزبها - وكذا الحال كل اتفاقية السلام . يا موصلى انا احدثك عن اطفال صغار هاموا فى الطرقات بعد ان اقتحمت روضتهم احدثك عن اغتصاب احدثك عن قتل احدثك عن نهب اموال من اصحابها رجالة وقلع احدثك عن مطعم وفوال ابو العباس الذى سوى بالارض - ما دخل ابو العباس بموت قرنق - احدثك عن نساء وشفع اغلقو على انفسهم البيوت ودخلو الغرف والمطابخ بل والحمامات وقبعو فيها بالساعات مخافة كل ما سبق كيف اكون مسئولا حيال وضع كهذا وبعض الاخوة هنا يمارسون عادتهم الاثيرة فى التدليس والمجابدة وتضليل الراى العام - خاصة لمن هم بالخارج - حين يرمون فقط بالتبريرات ويعجزون عن مجرد الادانة
08-02-2005, 06:33 AM
Elmosley Elmosley
تاريخ التسجيل: 03-14-2002
مجموع المشاركات: 34683
وانا لي في الصحافة و اركويت وجبره سبعه اخوان واخوات اشقاء وشقيقات ولكل منهم ابناء بمثل هذا العدد واكثر وعلي اتصال بهم وهم في حالة من الغضب مثلك وعلي استعداد للدفاع عن انفسهم بكل ماهو ممكن نعم صدقني ولكن انني القي باللائمة علي الحكومة الان وبشدة وهي التي فرطت في هذذا السلام بهذا الخوف وهذا التراخي وجون قرنق هو بشر مثلنا وكلنا للموت وهذه هي المشيئة ولكن المحير هو هذا الارتباك الذي اصاب من يدعون انهم عقلائنا فليرحم الله كل الذين دفعوا ضريبة الوطن في اليومين السابقين وقد ازددنا حزنا علي حزن.
ونرجو ان تعود العافية للوطن جميعها
08-02-2005, 06:35 AM
محمد حامد جمعه محمد حامد جمعه
تاريخ التسجيل: 11-26-2004
مجموع المشاركات: 6807
أخي محمد حامد يسألونك عن الإعلام.. والمهنية.. ما دخل المهنية في مثل هذه الحالة نحن يا أخي إعلاميون، وأهل خبرة.. ومع ذلك، فلا أرى مجالا لمثل هذا التساؤل؟ هل من المهنية أن تغطي على ما يحدث؟ هل من المهنية أن تجامل وتتحاشى التطرق للنقاط الحساسة؟ حدث قتل.. بل ذبح، حدث اغتصاب، حدث عدوان. من قام بذلك؟ (الأخوة) الجنوبيين ضد من ؟ ....... على الإعلامي أن يقول ذلك للناس. أنت على حق واصل.. فنحن نحترق
ود عقيد
08-02-2005, 05:57 AM
Abdulla Ageed Abdulla Ageed
تاريخ التسجيل: 07-31-2005
مجموع المشاركات: 803
لا يا أستاذ موصلي دوره أن يسرد لنا ما يحدث دوره أن ينبهنا دوره أن ينقل لنا الحقيقة نعم هناك من هو مسؤول عن هذا الانفلات ولكن محمد حامد وغيره من الإعلاميين المشاهدين لما يحدث مسؤولون أن ينقلوا لنا الحدث بكل صدق نحن بعيدون..في غربة، كنا وما زلنا نخشى على أهلنا من هذا الحقد الذي كان يضطرم في قلوب النفوس كنا نشاهده في الوجوه، ونلمسه في كل تصرفاتهم كانوا ينتظرون فرصة لينكلو بنا وها قد جاءتهم الفرصة نعم لصوت العقل ولكن العقل يجب أن يأمر بما يناسب ما يتقضيه الحال نعم للحل.. الشافي.. ولو تطلب ما تطلب دعونا .. نفكر بواقعية، دعونا من التمنيات دعونا نواجه الحقائق إنها الحقائق
ود عقيد
08-02-2005, 06:39 AM
Elmosley Elmosley
تاريخ التسجيل: 03-14-2002
مجموع المشاركات: 34683
تحياتى ... ناصر البطل ____________________ عندما يموت قرنق .. أتفهم معنى أن يثور الجنوبيين و لهم الحق ايضا و لكن عندما تغتصب بنت أحد ما أو تسرق أمواله أو يقتل أفراد عائلته لا أستطيع أن الا أن أتفهم رد فعله ايضا .. أو أكفر بكل ما فى الوجود .. فهذا خيار ايضا فليس كل البشر انبياء ورسل
08-02-2005, 07:33 AM
Elmosley Elmosley
تاريخ التسجيل: 03-14-2002
مجموع المشاركات: 34683
بل خيبة الله على حكومتكم التي لم تستطع أن تحمي إلا نفسها ،،، كيف وهي تعلم بوفاة قرنق منذ منتصف ليلة الأحد ولم تحتاط للأمر ، أتظن أن الأمر سيعدي هكذا بسهولة ، إن لسذاجة ،،، هناك من القوات النظامية من يستطيع حماية كل باب في العاصمة ، ماذا يفعل هؤلاء إن كانوا حتى اليوم لا يستطيعون السيطرة على الموقف ،، إنها خيبة كبيرة ،،، وين دفاعنا الشعبي ، وين ساحات الفداء ، وين معسكرات الخدمة الإلزامية ،،، وين عضويةالمؤتمر الوطني ... جاتكم خيبة ،،، حكومة لا تستطيع أن تحفظ أمن مواطنيها ليست جديرة بالبقاء .. فلتذهب الحكومة ولتبق للناس عصيهم وسكاكينهم ،،، والحشاش يملأ شبكته... أنت والمكاشفي ووليد 500 ومن لف لفكم لا أعين لكم ترون بها ، الرؤية لديكم معتمة ،،، من المسئول عن أمن المواطن ، إذا كان كل مواطن مسئول عن توفير الأمن لنفسه ، إذن لماذا قامت الأجهزة الأمنية ،،، لتحافظ على سلطة لا تستطيع فرض الأمن ،،، هذه من أولى مسئوليات الحكومة ومن أول يوم ظهرت فيه الحكومات ،،،، لتذهب الحكومة إلى الجحيم إن كانت لا تستطيع توفير الأمن ..
08-02-2005, 06:54 AM
محمد حامد جمعه محمد حامد جمعه
تاريخ التسجيل: 11-26-2004
مجموع المشاركات: 6807
وين دفاعنا الشعبي ، وين ساحات الفداء ، وين معسكرات الخدمة الإلزامية ،،، وين عضويةالمؤتمر الوطني ..
قاعدين يا ود قاسم وبركة الجات منكم عشان بكره لمن العصر يحصل ما تجو تشبكونا بنقة حقوق الانسان والحرية والديمقراطية بعدين يا راجل شنو شابكنى الحكومة الحكومة افرض الحكومة دى منتهية وعدمانة النفس وما منها رجا وكل صفات الدنيا الشينة فيها دى كلو بس الشافتو عينك فى الحاصل هسة . لكن بقول ليك حاجة ... تشوف عينك ... ادب المدايح قريب ... بساليوم داك ما تجى ناطى زعلان ....
بالمناسبة (الله ينعل ابو الحكومة الناعمة دى )
08-02-2005, 07:10 AM
ودقاسم ودقاسم
تاريخ التسجيل: 07-07-2003
مجموع المشاركات: 11146
محمد حامد يا أخي الحكومة التي لا فائدة منها وتغفل أو تتقاعس عن أولى واجباتها عليها أن تذهب ،،، وعلينا نحن - أنا وأنت وغيرنا - أن نقول لها أنها قصّرت ، وعلينا أيضا أن نقول لها اذهبي غير مأسوف عليك ،،، لا أن نلعنها ونظل جزءا منها ،،، إلى متى تنتظر الحكومة لتهب هبتها المنتظرة ، ما هو سقف الموت والنهب وانتهاك الأعراض الذي سيحركها ؟ وهل حفظ الأمن مزاجي عند الحكومة ، تحفظه يوما وتطلق يد المجرمين يوما آخر ؟ وهل حفظ الأمن يقتضي بالضرورة خرق حقوق الإنسان ؟ هو حضراتكم إما على هؤلاء وإما على هؤلاء ؟
08-02-2005, 07:16 AM
محمد حامد جمعه محمد حامد جمعه
تاريخ التسجيل: 11-26-2004
مجموع المشاركات: 6807
المسالة وموضوع هذا البوست يا عزيزنا ود قاسم ان المسالة اكبر من حجية التبرير التى يود البعض ان يجر اليها ما جرى ( مات قرنق الناس زعلت واحبطت قامت قالت تتفش فى الشماليين ) ، الحكومة مقصرة وغلطانة طيب ، ماذا بعد ذلك .... نقعد زى فتحى البحيرى نلعن الانقاذ بس
08-02-2005, 07:25 AM
المكاشفي الخضر الطاهر المكاشفي الخضر الطاهر
تاريخ التسجيل: 08-08-2004
مجموع المشاركات: 5644
Quote: أنت والمكاشفي ووليد 500 ومن لف لفكم لا أعين لكم ترون بها
الخال ود قاسم الحكاية شنو ؟
انت الليلة ما بارك ولا شنو اسي انا مالي
انت ياود قاسم داير تعمل حجر على راي الاخرين انتلو انا راي ما عجبك ما تتقبلوا بصدر رحب ذي ما نحن فى كثير من مقالاتك رايك ما بعجبنا لكن ما قاعدين نجي نقول ليك لا عين لك او من لفه لفك حقو يكون فى احترام واهو نحن بنحترمك خاصة انا بحترمك وما داير اخش معاك فى نقاش وجدل انا عندي راي مخالف ليك حقو ما تجي تقول لي ما عندي عين ولفه لفكم وحاجات تحرق
ولا كلامي غلط
08-02-2005, 07:44 AM
ودقاسم ودقاسم
تاريخ التسجيل: 07-07-2003
مجموع المشاركات: 11146
المكاشفي وأنا أحترمك ، وأقف مع حقك في أن تقول رأيك ، لكن رأيك هذا عندما يكون رأيا متعلقا بالوطن فإن الوطن ملك مشترك لنا ، وهذا الرأي لم أعترض عليه لأنه لا يعجبني ، فالمسألة ليست عجبا أو عدم عجب ، المسألة أن أقول أن رايك ومن لف لفك _ ومعناها من تبعك أو رأى رأيك - هو رأي خاطئ ، لأن الفيل يا سيدي هنا في هذه الحالة هو الحكومة ،،، فلابد من الطعن فيها ، والسكوت عن ذلك هو سكوت عن الحق ، والساكت عن الحق شيطان أخرس ،،، وأنا لا أريد لك ذلك ،،، وفي رفضي لرأيك - وليس لدي اعتراض على أن تقوله - أرى أن هناك مصلحة مشتركة لنا كلنا ، فأنا أطالب الحكومة بتحمل مسئوليتها تجاه أمن المواطنين ، وأنا وأنت منهم ،،، ودعوة الأفراد لحماية أمنهم فيه فتنة كبيرة ، لأن المواطن في هذه الحالة سيأخذ القانون بيده ، وربما ينتج عن ذلك عقوبات غير قانونية وغير إنسانية كما أن في ذلك فتح لفرص الانتقام بحجة حماية النفس ،،، وحماية النفس محدودة بقدر الحاجة ،،، ونحن في عصر الدولة الحديثة يا مكاشفي القوم ،،، والمعروف أن قوات الأمن والشرطة والجيش في السودان تأكل ما لا يأكله بقية السودان ، وتصلها رواتبها قبل المعلمين والأطباء االامتيازات ما ليس لغيرهم ،،،، وعندما تجئ الحاجة إليهم ، نعود إلى عصينا وسكاكيننا ،،، قل رأيك ، وأنا أدافع عن حقك في قول رأيك ،
08-02-2005, 07:50 AM
المكاشفي الخضر الطاهر المكاشفي الخضر الطاهر
تاريخ التسجيل: 08-08-2004
مجموع المشاركات: 5644
يا محمد حا نعلمك شغلك وإنت أبو العارفين?.. إنفعالاتك دى أكثر الناس تحملا بل وأكثر...ومما سمعنا إنو الغوغاء ديل طلعوا ختينا إيدنا في قلوبنا وقلنا يا رب جيب العواقب سليمه. لكن ما هكذا تورد الإبل يا جمعه ياخي وأنت مهني محترف والرساليه مفترضه فيك..نعم أنقل الأحداث ن وأرفع الصور لكن لاتؤجج نار العنصريه وشهوة الإنتقام والإنفصال لأنو مفروض فى حكومه وإن قصرت كثيرا أمنيا وإعلاميا فلها واجب أن تعيد الأمور إلى نصابها ومحاكمة كل من تلوثت يداه وإعدام ذلك المغتصب المجرم لتفرض هيبة القانون...ولا هي حكومة مصاطب? أنقل..أسرد... حلل لينا أسباب الإنفلات الأمنى...ديل غوغاء وموضوعهم منتهى. عايزين نعرف برنامج الحكومة..أطرح لينا حلول...العنقلة دى بتخلينا مكانك سر..ماهم اتعنقلوا...إنت زيهم...عايزه غابه?
08-02-2005, 08:13 AM
محمد حامد جمعه محمد حامد جمعه
تاريخ التسجيل: 11-26-2004
مجموع المشاركات: 6807
أنقل الأحداث ن وأرفع الصور لكن لاتؤجج نار العنصريه
اين هى العنصرية فى سردى وفى ما عرضته ، الجناة جنوبيين والضحايا شماليون هل لديك كلمات ابدل بها لفظ جنوبى وشمالى حتى لا اكون عنصريا ؟ التحليل الذى تتحدث عنه سينحو بالمسالة والقضية تجاه الظلم الترايخى والغبن وكلام كتير ومستهلك
08-02-2005, 08:47 AM
alfazia3 alfazia3
تاريخ التسجيل: 02-24-2003
مجموع المشاركات: 202
Quote: عندما نشدد على استنكار هذه الافعال انما نؤكد بذلك ان رفضها هو احد اهم اسباب محاصرتها
وانا اتفق معك على "استنكارها" ومحاسبة كل من يخرق القانون ولا يوجد عاقل لا يستنكرها ويعرف ما يمكن ان ينتج عن هذا الوضع لذلك اقول ان خطابك في هذا المنبر لا يستنكر هذه الافعال وانما يدعو لافعال اكبر منها وبدل احتوائها بالطرق المشروعة والمعروفة لاي دولة قانون انما يدعو لان ياخذ الناس القانون بيدهم وبهذا لا فرق بينك وبين من ندين افعالهم.
وقلت:
Quote: من قبل - لحظة استقبال الراحل قرنق - وقعت ذات الاحداث ولو بصورة اقل فكان الصمت بل والاشادة والتبرير من البعض
واقول لك لماذا كان الصمت؟ ولمصلحة من؟ ومن اعطاكم الحق في الصمت وانتم الاعلام؟ ليس لكم الحق في "التغطية" على اي سلوك عنف وانحراف بما في ذلك المناداة بمجابهة العنف بعنف والانحراف بانحراف. دولة القانون تقدم المجرم للعدالة وكدذلك تقدم المحرض والداعي للعنف للقانون. اخطأتم حينها وتخطيء الان. كما ان موت قرنق وقبلها استقباله ليس مبررا لاي عنف وقتل للابرياء كذلك ليست احداث العنف المؤسفة هذه مبررا لكم لارتكاب المزيد منها ووقوع المزيد من الضحايا الابرياء. بل الواجب وقف هذا العنف.
وقلت:
Quote: وان سالتنى عن الراى الرسمى فاقول لك اننى حانق على والى الخرطوم وقادة الشرطة
واقول لك كلنا يسأل عن الرأي والموقف الرسمي. واول مرة اراك بحياء تتطرق للسلطات المسئولة. ما حدث كان اكبر من ان تحتويه ولاية الخرطوم وقادة الشرطة. انت تعلم ذلك واي شخص صغير السن والخبرة يعلم ذلك. ما حدث كان متوقعا. ما حدث ليس في الخرطوم فقط. اللوم يقع على القيادة السياسية والامنية والاعلامية من اعلى المستويات لانها تمتلك كل الخيوط. الحرص على استقرار البلد كان يستوجب ان تتحلى القيادات السياسية والامنية باعلى درجات المسئولية في حفظ الامن. وحفظ الامن كما اعنيه ليس "القمع" وانزال الجيش في شارع لمطاردة الناس كما تفهمه موروثات هذا النظام وانما الامن بمعناه اتخاذ الاجراءات الازمة "لمنع وقوع العنف" والتنسيق مع الحركة الشعبية وبقية القوى وتعبئة العضوية لتنظيم مظاهرات الحزن السلمية ...الخ. لا اعتقد بذكائك اخي محمد غائب عنك هذا ولا اعتقد انك فعليا تحصر المسئولية في والي الخرطوم فقط. قلت:
Quote: كاعلامى كيف لى ان اعرف ان قرنق ذهب الى اوغندا وكيف لى ان اعلم ان طائرته فقدت - حدث مثل هذا يحتاج لاخراجه لمصدر معلوم لانه خبر خطير- ولم يقل احد مسئول ما ان الحاصل شنو بالضبط
لا ادري صراحة بماذا ارد عليك. من تنتظر انت كاعلامي ان يخبرك؟ اليس الاعلامي من يسعى وراء معرفة ما لا يعلمه عامة الناس؟ ام انحصر دورك في ظل النظام الحالي في ان تاتيك الاخبار بالفاكس وتتولى انت بنشرها؟ لا اعتقد ان هذا دور الاعلام ... ثم من تعتقد عرف خبر الوفاة اصلا؟ الم تكن الـBBC؟ ومِن من؟ اليس من مسئول في الدولة؟ هم اعلام وانت لا؟ في هذا انت صادق. تسالت انت:
Quote: المطلوب منى اذن ان اكون مهنيا وادفع للمطبعة بكمية كتابات توجد الاعذار للجناة ! هل هذه هى المهنية المقصودة
وارد عليك بانه منذ الحادث وانا لا ارى لك اعلام .. انت فقط تنشر وبالمناسبة النشر ليس هو الاعلام. طالبتك اكثر من مرة بان تترك مكتبك (او تجلس فيه اذا بتجيك تقارير) وتجري البحوث والمقابلات .. ابذل كل ما تستطيع وفي يدك حرية الحركة كموالي للنظام في السفر ومقابلة المسئولين وانا اكيد من انك ستنجز اكثر مما انجزته الـ BBC
Quote: كان كدا انا عنقالى يا جماعة ....
وكعنقالي او غيره انت مسئول عن كل كلمة تقولها وتكتبها. لا نقبل باي تصرف خاطيء لذا ندين احداث الامس وندين دعواتك لاحداث اكبر غدا يروح ضحيتها اهلنا واطفالنا اضعاف من خسرناهم بالامس. انت وغيرك لا مبرر لكم في خرق النظام والامن وترويع الابرياء والمدنيين والعزل. صدقت حين قلت انت:
Quote: النضمى والكلام المغطغط زمنو فات
لذا لن نسمح لمن يدعوا لان نرجع لما قبل السلام.
Quote: الناس فى الاحياء نزلت الشارع والعميان شايل المكسر والنفوس فايرة وغضبانة وما عندهم استعداد لاى مفاهمة مع اى زول حكومة ولا شيطان
الا تأسف انت لهذا؟ لماذا تريد لهذا الوضع ان يستفحل ويفلت اكثر واكثر؟ هل كإعلامي سلطة وعضو حزبهم لم تكن بقناعة كاملة بإتفاقية السلام التي وقعتومنها وبشرتم الناس بانكم وشريككم الحركة الشعبية ماضين فيها رغم العدا؟
Quote: لدخلك شعور عظيم من الحنق ضد اى شى واول هذه الاشياء الحكومة - العنها اليوم وانا منتمى لحزبها - وكذا الحال كل اتفاقية السلام .
هل هذا تغير في المواقف؟
Quote: حين يرمون فقط بالتبريرات ويعجزون عن مجرد الادانة
ادين معك التبرير للعنف حتى لو كان مثل تبريرك له
Quote: بالمناسبة (الله ينعل ابو الحكومة الناعمة دى )
قل عنها اي شيء الا ناعمة من قتلت اعداد لم تقتلهم اي حكومة تانية فاتت ولا جاية. وما اراه هنا دعوة منك "للشدة" و"القسوة". قلت لك في غير هذا المكان (ولم ترد عليه) بانكم ليس رجال سلم ودولة قانون. يا اما "نعومة" او "كتائب مسلحة" سياسة "اركان النقاش" خلوها.
08-02-2005, 09:01 AM
ebrahim_ali ebrahim_ali
تاريخ التسجيل: 02-05-2002
مجموع المشاركات: 2968
الحبيب محمد حامد شكراً لسردك القيم في الأحداث الجارية واشعر تماماً بما يعتريك من غضب تجاه حكومتكم ولكن ما ذنب أصحاب المحلات وسائقي العربات ذكرت عرضاً في حديثك (احدثك عن مطعم وفوال ابو العباس الذى سوى بالارض - ما دخل ابو العباس بموت قرنق ) ما ذنب هذا المطعم الشعبي الأول في شارع السيد/عبد الرحمن كنا ناتيه من شارع البلدية لفوله المصلح وطيبة وحسن تعامل عماله كيف يستوى بالأرض ماذنبهم الردع الردع الحسم الحسم لا للفوضى نعم بسط هيبة الدولة وفرض القانون ولو بالقوة
08-02-2005, 09:04 AM
Abureesh Abureesh
تاريخ التسجيل: 09-22-2003
مجموع المشاركات: 30182
وحقيقة اننى محتار فى المهنية التى تطالبنى بها ، وترى لو اننى وصفت على استحياء - وهذا ما يحدث الان لاننى لو تحدثت بصراحة لمات البعض ذعرا وغضبا - ولو اننى قلت ان ما حدث له علاقة بالمصطلح الفلانى فى التاريخ والعلانى فى الاجتماع والبرتقالى فى السياسة والازرق العاتى فى الاقتصاد . لا ... ثم لا .. ما حدث كان امرا مقصودا ومتعمدا وربما لا علاقة له بموت قرنق والذى اتخذه البعض مشجب ونفقا للخروج ... يا هذا من قبل وفى حوادث كثيرة يحدث ان يضرب - فى حادث حركة - مواطن ما مواطن جنوبى فيندفع اهل الضحية الى صاحب العربة ويعتدون عليه حتى صار تقليدا ، ومثل هذا امور كثيرة
واما مسالة علمى بزيارة قرنق الى كمبالا فقد قلت لك ان الزيارة لم تكن معلنة - حتى للحكومة - ولا املك فى ما لدى من علم وامكانيات قدرة لان اتسلل خلف سكرتارية الفقيد لاعلم اين ذهب ولماذا وصحيح اننى اعلامى ولكن هذا لا يعنى ان اكون محيطا بدقائق التفاصيل . بالمناسبة جهات كثيرة اعلامية وغيرها فؤجئت بزيارة قرنق الى كمبالا ولم تعلم عنها شيئا الا بعد هبوط الرجل لمقابلة موسفينى وربما بعد فقدان الطائرة .
08-02-2005, 09:29 AM
عثمان فضل الله عثمان فضل الله
تاريخ التسجيل: 03-22-2005
مجموع المشاركات: 529
الاخ الكريم ود جمعه تجولت امس واليوم فى الخرطوم العاصمه زرت كل المواقع دخلت اكثر من سرداق عزاء جالست اسر الضحايا اخى محمد ان النفوس مشحونه فلنعمل على تهدئتها زرت عددا من الحراسات وعلمت من الشرطه ان اعداد المعتقلين فاقت الخمسممائه فلنترك الامر للقضاء ولنبعد الشحن ان لان الامر امر وطن اخ محمد اننا جميعا مفجعون ومحزنون واذا ما انقدنا لعواطفنا لفعلنا ما فعله بعض الاخوه اليوم وطاردنا الجنوبين فى الشوارع بالسيارات ولحرقنا معهم مكاتب الحركه الشعبيه وصيواناتها كما تم اليوم عزيزى محمد ان الخطاء لايعالج بالخطاء والامر يترك لاهل القانون ليحاسبو من اجرم فى حق السودان والجنوبين انفسهم اخى محمد ان كثير من الاخوه الجنوبين مستنكرين لهذا الفعل وانت تعلم فبريال العامل معنا بالمكتب تحدث عن هولاء باقذع الالفاظ وهو البسيط الذى لايدرى اخى محمد لاتزيدوا الجراحات لان درجة الشحن لاتحتاج الى المزيد من الغليان
ونسال الله اللطف
08-02-2005, 09:41 AM
Abureesh Abureesh
تاريخ التسجيل: 09-22-2003
مجموع المشاركات: 30182
الاخ/ود جمعه لك عبق التحايا لم تكلمهم بان الناس قنعت من الحكومه ومن خيراً فيها واصبح الشباب كل يحرس حيه ويحرس بيته وعرضه. والله يهدى النفوس الشافتو والحصل لايمكن تصوره. ومعا وباي اسلوب نحاول ان نوقف النزيف ونضمد الجراح وتخرج خارج انفعالاتنا اذا استطعنا. وربنا يحفظ هذه البلاد والعباد ويقينا شر الفتن .
مجدى الماحى
08-02-2005, 10:34 AM
عمر ادريس محمد عمر ادريس محمد
تاريخ التسجيل: 03-27-2005
مجموع المشاركات: 6787
واجب الحكومه ان تحمى الناس وتكون مستعده على الدوام لمجابهة الظروف الطارئه, وواجبها ان
توعيهم وتملكهم المعلومات الكامله
طيب حكومتك ماعملت كده
ليه؟؟؟؟؟؟؟؟؟؟؟؟؟؟؟؟؟؟؟؟؟؟
ده كان نتيجته هذه الاحداث المؤسفه التى أدت الى خساتر فى ارواح وممتلكات بعض المواطنين
العقل والمنطق يقول علينا ان نبذل كل الجهد لايقاف ذلك عند حده ومطالبه الناس بالتروى حتى لاتستمر موجه الانتقام لان الخاسر الوحيد فى هذا الحاله هو السودان .
حديثك اعلاه محاوله لتأجيج الفتنه بين الناس واستمرار المواجهه والعنف .
حديثك اعلاه محاوله لتأجيج الفتنه بين الناس واستمرار المواجهه والعنف .
عمر ادريس محمد
وين وكيف ..... يعنى اتكلم واقول الحصل كان ضغائن تاريخية وغيرها من الحذلقات وما اقول ان هناك اعتداءات وهدم للزوايا وان الاسر كانت مطمئنة نامت ليلتها فى كامل الراحة والهناء ...
08-02-2005, 11:46 AM
محمد حامد جمعه محمد حامد جمعه
تاريخ التسجيل: 11-26-2004
مجموع المشاركات: 6807
ايها الحالمون يا من تتحدثون عن عنصرية زيد وعبيد ، ليتكم كنتم امس معنا فى الخرطوم وسكان مناطق العشرة محاصرون داخل منازلهم وسكان الكدرو ينزلون الى الشوارع حتى لا تكون ميتة وخراب ديار وسكان الكلاكلة شرق ينازعون بعض الاخوة الجنوبيين المصرون على اقتحام المنازل ... ما كنتو قاعدين هنا وما عارفين الحاصل .... التراب فى خشمكم كلكم والزعلان يزعل ... زعلانيين على الدكتور قرنق ... عملتو ليهو شنو ... ما طلع شايل بندقيتو من كم سنة الشارك معاه منكم فى خندق ولا مرقد ولا كمين منو ! ولا واحد .... والجاهر برايهو عشان يدعمو منو منكم ولا واحد ... وخلاص لمن الراجل جنى ثمار قتالو نصبتو ثائر ورفيق سرقة جديدة زى عادتكم فى سرقة اى منجز وتجيير اى مكسب سياسى لصالحكم ... لقيتوها باردة ولمن جابها ليكم فى خط ستة جيتو تغنو ليهو يا حارسنا ويا فارسنا وبكره لو ما بقى زى ما عاوزين كان قلبتو وغنيتو ( لا حارسنا ولا فارسنا وبالجزمة دايسنا ) حاليتن وموقفين قلتوها زمان لنميرى مرة غنيتو ليهو وتانى شتمتوه وعملتوها مع عبود الخشيتو مجلسو وبرلمانو وجيتو بعد داك تاكلو مع الناس فى صينية جبهة الهيئات ... هسة قرنق دا بقى فى ذمة الله ربنا يرحمو ويغفر ليهو ولا شماتة فى الموت لكن لازم تتعلمو انكم تبقو رجال نصيحة وحق البيحصل والحصل امس فى الخرطوم غلط وغلط وغلط وغلط مكلف عارفين ليه لانو كل القبول للحركة الانجزو الفقيد بكاريزما مميزة وبخطاب واعى وكل القدر يعلمو ويوفرو للحركة الشعبية فى الخرطوم والشمال عموما اتمسح امبارح ... اتمسح ... ولو ما عارفين اعرفو هسة ... وسالو الناس خلونى انا والمكاشفى وابو حشيش ... الناس هسة ودى الحقيقة المره يا اخوانا بتلعن فى الجنوب وفى الجنوبيين عارفين ليه لانو فى ناس ابرياء جارية فى رزقها ذبحت ذبح الشياه وفى ناس عرق سنينها راح شمار فى مرقة وفى ناس اموالها نهبت والخوف والذعر الخش قلوب الصغار سنين ما يمرق والكراهية بذورها نثرت وامس سقوها الناس بالدم ، اى كلام غير دا واى حقيقة غير دى حنك ساسة ونفاق منابر وكلام زول منجعص فى طرف الدنيا البعيد وعاوز يعلم الناس الاخلاق ويقدم الحقائق .. هسة وفى الصباح دا امشو قدام - والبره البلد يرسل - قدام قاعة الصداقة وفى مرسى توتى امشو شوفو الحاصل شنو ناس توتى طلعو اى جنوبى من الجزيرة بعفشهم بره وهسة قاعدين فى الشارع رغم انو الاخوة ديل كانوا مستضافين امنين مستامنين لغاية ما حصل الحصل الحصل . الناس الماتت امبارح ذنبها شنو ! زول يجاوب ... وكم منهم زاتو مؤتمر وطنى ولا زول حكومة ... الشافعة هبة (11 سنة ) بتعرف شنو وميتن صوتت للبشير ولا بايعت الترابى ...ولا الحاج بشارة (75 سنة ) امام الزاوية الفى حلتنا الضربوه بعد ما جا يمنعهم عشان ما يكسرو الزاوية ! ... نقول شنو لا وشنو ... يا عالم يا حالمة ... الناس زعلانة ... غضبانة ... يعنى تعمل شنو ... نصلى ونقنت عشان تانى ما يموت اخ وزعيم جنوبى لان الموت دا روشتة بيصرفو الشماليين لناس الجنوب .. و عشان نبقى مستنيرين وما عنصريين لازم ما نقول غلط يا ابو ساندرا وكلامك ولومك لينا دا قولو لزول ولناس ما روعت امهاتهم ولا ضربت اخواتهم وهسة شعورك شنو لو بنتك ولا اختك جرجت من شعرها فى الشارع لمجرد انها شمالية وما جنوبية ... تسكت مش كده ... تعاين وتقعد تعتذر وتقول ليها معليش ... !!! وعشان قلنا غلط خلاص نحن ناس فتنة وناس عفن ... خيبة الله عليكم .... اتكلمو هنا وقولو العاوزنو لكن صدقونى الجرح البقى فى نفوس المواطنين كبييييييييييييير اعرض من اى تهويمات بتاعة رؤى وتصورات ناعمة وباردة قد يدفع بها اى منكم هنا ..
08-02-2005, 11:52 AM
خدر خدر
تاريخ التسجيل: 02-07-2005
مجموع المشاركات: 13188
Quote: عمر ادريس محمد وين وكيف ..... يعنى اتكلم واقول الحصل كان ضغائن تاريخية وغيرها من الحذلقات وما اقول ان هناك اعتداءات وهدم للزوايا وان الاسر كانت مطمئنة نامت ليلتها فى كامل الراحة والهناء ...
لا يا سعادتكـ انت صحفي ,, يعني مفروض يكون درسوكـ في كلية الصحافة انكـ احد ( حُراس البوابات ) عارف حُراس البوابات يعني شنو !!
منتظر اجابتكـ عشان اوريكـ انو الصعلقه ماصعبة
08-02-2005, 11:54 AM
محمد حامد جمعه محمد حامد جمعه
تاريخ التسجيل: 11-26-2004
مجموع المشاركات: 6807
انت قلم مهاب وبامانة ودا اعتراف فى (الفضاء الفسيح دا ) انا بعمل ليك الف حساب لانك كاتب عشان الواحد يقارعك لازم يكون محضر كويس وطقسو النفسى بحر ابيض متوسط
08-02-2005, 12:15 PM
خدر خدر
تاريخ التسجيل: 02-07-2005
مجموع المشاركات: 13188
صعلكة (2) حُراس البوابات هُم نوعكـ ده الناس الفي ايدهم القلم امثلة إمام الجامع / المعلم المدرسي / شيخ القبيلة / الحكامة محمد حامد جمعة .. الخ اي هم الاشخاص البارزين في المجتمع المُناط بهم الحفاظ علي قيم و اخلاق المجتمع المحدد بحيث يعملوا علي تماسكة من خلال سيطرتهم علي البوابات البوابات طبعا واضحة بعد كده !! البوابات هي المعرفة من المعلم للتلاميذ النُصح و القياده من شيخ القبيلة للمواطنين القصيده هجاء او مدح من الحكامة الي مستمعيها
بحبث يُُسهم نقل هذه المعلومات في تماسكـ المجتمع المعني
08-02-2005, 12:20 PM
محمد حامد جمعه محمد حامد جمعه
تاريخ التسجيل: 11-26-2004
مجموع المشاركات: 6807
طيب دقيقة يا ابو بوابات تلفون من قريب ساكن اطراف العاصمة بيقول ان منطقتهم فايرة والناس غاضبة فقلت ليهو معليش يا عم دا احتقان وظلامات تاريخية هسه هى فى طور التمظهر وكدا وعشان كدا لازم يتحلى واخوانو بالصبر لدعم متانة النسيج الاجتماعى وتقويته ... وحنك زى دا ... تعرف الزول زعل وقفل الخط فى وشى !
08-02-2005, 12:21 PM
خدر خدر
تاريخ التسجيل: 02-07-2005
مجموع المشاركات: 13188
صعلكة (3) يعني يا جمعه يا اخوي بدل كل اللطم الحايم بيهو في البورد و القوالات السلبيه البتدعو للحرب البتنقل فيها دي موش كان احسن ( وانت الصحفي صاحب القلم المهذب بشهادتي ) انو تستدعي كل معارفكـ التاريخيه و كل الكتب القريتها في حياتكـ عشان تساهم في تضييق رقعه المصيبة بدل توسيعها.. من اجل لم الشمل لا الفرقة و توليع النيران وده طبعا لانكـ حارس بوابة
اظنكـ حارس مرمي يا اخوي
08-02-2005, 12:23 PM
خدر خدر
تاريخ التسجيل: 02-07-2005
مجموع المشاركات: 13188
Quote: طيب دقيقة يا ابو بوابات تلفون من قريب ساكن اطراف العاصمة بيقول ان منطقتهم فايرة والناس غاضبة فقلت ليهو معليش يا عم دا احتقان وظلامات تاريخية هسه هى فى طور التمظهر وكدا وعشان كدا لازم يتحلى واخوانو بالصبر لدعم متانة النسيج الاجتماعى وتقويته ... وحنك زى دا ... تعرف الزول زعل وقفل الخط فى وشى !
تستاهل لانكـ مُصر تغبش وعييكـ بي نفسكـ و تتظارف في الفارغة و المليانة ده كلام بقولوهو ؟؟
دقيقه اوريكـ كان تقول و تعمل شنو
08-02-2005, 12:27 PM
خدر خدر
تاريخ التسجيل: 02-07-2005
مجموع المشاركات: 13188
في الاول مفروض تأخد الخبر كلو و تكتبو و تشكر الراجل علي تعاونو و تشيل الخبر و تمشي علي رئيس تحريركـ و تديهو الخبر و تدرع ليهو المسؤلية في رقبتو ينشر / ماينشر / بدون او بي تعليق هو حُر
اها نطبق المثال في حالة كون سعادتكـ رئيس تحرير في البوست الجاي
08-02-2005, 12:30 PM
خدر خدر
تاريخ التسجيل: 02-07-2005
مجموع المشاركات: 13188
في الاول كلمة العدد 2 اغسطس يجب ان تتضمن ادانة للاحداث الاخيرة و شرح لمسبباتها ادانة القوات النظاميه في التأخر في احتواء المشكل مطالبة تقديم وزير الداخليه لاستقالتة و استعراض لمكتسبات السلام من امن اجتماعي و تعايش سلمي تنبية الي المخاطر المُهددة بمثل هذه المسلكـ سواء ان كانت من شماليين او جنوبيين تنبية الي قيمة التعايش السلمي في وطن مثل السودان متباين عرقيا التحذير من ردة فعل الشماليين و تبعاتها علي النسيج الاجتماعي
اها اكان ده كلو كتبتو قبل ما الزول داكـ يتصل بيكـ انشر الخبر واكان ماكتبتو انت مارئيس تحرير .. انت بتاع بطيخ
08-02-2005, 12:36 PM
محمد حامد جمعه محمد حامد جمعه
تاريخ التسجيل: 11-26-2004
مجموع المشاركات: 6807
الحاصل ده كارثه حقيقية تمر بالسودان ( موش فبركة ) لكن بس عاوزة ليها صحفي واعي عشان يختها في صالح شعب السودان كلو وده مامعناها انو يغمض عين و يفتح عين لا يقول الحقيقه لكن لازم يقول معاها فهمو ليها الموضوع يا جمعه ما احداث و ننقلها الموضوع القرايه القريناها عمرنا كلو دي دة وكتها حاتساعدنا انو نتعامل بحكمة مع المصايب الجاية علي راسنا دي
اترحموا علي موتانا و ابحثوا عن حلول غير الرد بالمثل
08-02-2005, 01:03 PM
محمد حامد جمعه محمد حامد جمعه
تاريخ التسجيل: 11-26-2004
مجموع المشاركات: 6807
شنو يا سعادتكـ ؟؟ بترد مرتين لية مارديت عليكـ و قلت ليكـ
Quote: لا يا خفيف
الحاصل ده كارثه حقيقية تمر بالسودان ( موش فبركة ) لكن بس عاوزة ليها صحفي واعي عشان يختها في صالح شعب السودان كلو وده مامعناها انو يغمض عين و يفتح عين لا يقول الحقيقه لكن لازم يقول معاها فهمو ليها الموضوع يا جمعه ما احداث و ننقلها الموضوع القرايه القريناها عمرنا كلو دي دة وكتها حاتساعدنا انو نتعامل بحكمة مع المصايب الجاية علي راسنا دي
اترحموا علي موتانا و ابحثوا عن حلول غير الرد بالمثل
08-02-2005, 01:10 PM
محمد حامد جمعه محمد حامد جمعه
تاريخ التسجيل: 11-26-2004
مجموع المشاركات: 6807
الحاصل ده كارثه حقيقية تمر بالسودان ( موش فبركة ) لكن بس عاوزة ليها صحفي واعي عشان يختها في صالح شعب السودان كلو وده مامعناها انو يغمض عين و يفتح عين لا يقول الحقيقه لكن لازم يقول معاها فهمو ليها
طيب يا ظريف ما تنورنا بحكمتك دى وتبادر وتفتح بوست بالخصوص دا ....
08-02-2005, 01:03 PM
kamalabas kamalabas
تاريخ التسجيل: 02-07-2003
مجموع المشاركات: 10673
الأخ خدرتحياتي أعجبتني هذه المداخلةللدكتور المعز عمر بخيت ...فالرجل نقل لنا صورة خبرية حارقةومؤلمة ومن دون" دسدسة وغطغطة" ولكنه ذيلها وتخللها ببصيرة وحكمة نافذة وعمق في الرؤية وأستقراء ما ستؤول اليه الأمور أذا نعق طائر الخراب وعمقت الفتنة وأشتد أوار النارفي عاصمة يغلب عليها التبائن العرقي والجهوي... .شددالرجل من الحرص علي النسيج الأجتماعي لبلادنا وسمي وأرتفع فوق الامه ...القلم مسؤولية والعلم مسؤلية ...
Quote: بالأمس فقأووا عين خالي بعد أن أدخلوا فيها سيخة وضربوه في الثانية وهو طريح مستشفى الشعب بعد أن فقد عينه والثانية لا زالت متورمة ولا ترى..
قتلوا اثنين من أصدقائي.. أحدهم بسكين في عنقه والآخر بعصا في رأسه
وهشموا رأس زميلتي
وذبحوا خال صديقي وكسروا يد زوجته
زرت المستشفيات ورأيت العجب
عشرات القتلى والجرحى
زرت الأحياء البعيدة وهشموا زجاج سيارتي ونجوت بأعجوبة
ولكن اليوم الهجوم معكوس خاصة في منطقة الكلاكلات
وفي مناطق أخرى يحدث مثل ما حدث بالأمس والدولة تحرس ما تود حراسته وتترك ما تود تركه
الشباب الآن في الأحياء يقفون بالمرصاد للمخربين وهذه محمدة بعد أن تخلت الدولة عن حماية مواطنيها،
لكن يجب ألا يبادر أحد بالإعتداء وألا ندعوا للإنتقام لأننا عندها لن نستطيع إيقاف سيل الدم خاصة عندما يختلط الحابل بالنابل..
وما يترسب في النفوس سيصبح كارثة علينا.. معتدوا الأمس ليسوا كلهم من أبناء الجنوب فهناك الغوغائيون والفقراء والمحرومون من كل أبناء الوطن .. وهناك وهناك..
والوضع جداً خطير..
لا بد لنا ونحن نقود حركة الوعي أن نتجرد من عواطفنا وننظر لمصير هذه الأمة ونحميها من الفتنة والقتل والتشريد.
نحن نمر بلحظات حرجة الخاسر الوحيد فيها هو الوطن ..
نعم لنقل آرائنا بصراحة لكن دون أن إساءات ودون تجريح ودون إثارة الفتنة والكراهية بين أبناء الوطن الواحد،
أفاد مراسل الجزيرة في الخرطوم نقلا عن منقو أجاك الأمين العام للهيئة الإسلامية لجنوب السودان أن متظاهرين غاضبين أحرقوا مسجد السوق الشعبي بمدينة الرنك في ولاية أعالي النيل، كما اعتدوا على مسجد ثان بالولاية نفسها.
وطالب أجاك في حديث للجزيرة الحكومة المحلية في جنوب السودان بتحمل مسؤوليتها في الحفاظ على المساجد والأماكن الدينية.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد حامد جمعه
زول ساكت
محمدين محمد اسحق
Al Sunda
Hussein Mallasi
قرشـــو
عمران حسن صالح
المكاشفي الخضر الطاهر
A.Razek Althalib
abuguta
إسماعيل التاج
nashaat elemam
ملكة سبأ
خدر
ebrahim_ali
محمد الامين احمد
alfazia3
حاتم الياس
Abdulla Ageed
saadeldin abdelrahman
Elmosley
nasiradin
ودقاسم
Abureesh
عثمان فضل الله
عمر ادريس محمد
kamalabas
فيس بوك
تويتر
انستقرام
يوتيوب
بنتيريست