|
|
 قريعتى راحت !
|
يحكى ان ... كان فى ... اكان فى ... ودى قالو ( ام جلكلك خلقّّ المحنة ) والخلق - بالتشديد - الثوب البالى ... و(ام جلكلك ) ثوب قيل ان لابسه يتخبط فيه .. كلو قدود ... مشرط ... ان لبستو .. كل خطوة منك .. تتعثر فى الثوب البالى ... مرة رجلك تجى فى شرطة ومرة راسك يجى من فتحة .. ومرات كتيرة ... تدق الدلجة ... وتكسر رقبتك ... تخ ..
والزمن العلينا التوب دا بقى مفصل بالمقاس على ناس ... ناس بس ... توب اسمو القانون الدولى .. والشرعية الدولية .. والعدالة .. ادالتى قانوكا - زى ما بقول ود الفاروق - .. ناس يلبسوها ( ام جلكلك ) ترميها وترميهم ... وناس ماشية (ميطى ) من العدالة ... ترزيها ما بفصل حاجة ....
هسة شوفو جنس نضمى (الهيومان واتش ) دى ... المنظمة دى ومعاها الامم المتحدة وامريكا وكل عالم الاستنارة ودنيتها واقفين همبول قدام اقدم ابادة وتهجير وعفص وكسير فى تاريخ الدنيا وما سمعنا يوم عدالة وما شفنا بيان وحقيقة .. كشكرة مافى .. كافى البلا ... شارون لم مثلا فى الفلسطينين ديل جز وضبح فى صبرا وشاتيلا سنة 82 وتلاتة ايام ...جخ .. ضبح .. ومافى راجل قال بغم فى كل الدنيا دى وحتى قبال كم سنة لمن الضحايا مشو بلجيكا - مجلس الامن طبعا عامل ميت - واشتكوا شارون الشكوى المساكين ديل بلوها وشربتو مويتها ومنظمات حقوق الانسان والحيوان .. مطنشين .. .. ولسه الحكى .. ونمشى بعيد ليه الشيخ الشهيد احمد يسن .. مقعد ومعذور .. وشيخ فانى .. ضربو بصاروخ .. ضاروخ .. دل .. والضربة متلفزة .. ومافى زول قال بغم والرنتيسى لحقو بنفس الطريقة وما فى زول قال غوغ ... لكن لمن تجى على (ناس قريعتى راحت ) .. هيع .. جيبو حى .. كوفى عنان يبقى راجل .. ومجلس الامن ينشط .. وامريكا يمسكها اسهال قرارات ..شى الكونغرس .. وشى رابطة مين ما عارف وتجمع ايه .. حمرة وزرقة ..
العراق .. دقوهم .. ديل اولاد لذينا .. اى اضربوهم ضرب غرائب الابل .. سوريا اعصروها خلوها تجيب الزيت ... ايران ... WAWW ... ديل بالذات قطعو ليهم اى حنك تسوية لملفهم النووى ... مصنع مربى ما يشتغل .. فنزويلا ... اعصروها .. شفتو كيف ... فى المساكين .. طوالى يفصلو ليك (ام جلكلك ) تقوم وتقع بيها
حسنا :
ما تبقى من الشيخ الشهيد يسن
الشهيد الرنتيسى ...
ما الذى يجعل العدالة غائبة بحق من فعلوا هذا ...
|
|
 
|
|
|
|
|
| |
محمد حامد جمعه
فيس بوك
تويتر
انستقرام
يوتيوب
بنتيريست