الموضوع بتاع اعفاء طلاب دارفور بالجامعات والمعاهد العليا من الرسوم الدراسية دا انا عندى فيهو راى وراى شخصى عشان ما يجى زول طوالى ناطى علينا وعامل لينا (شنكل ) بعد ما يمشى يركب (نضارة ) كراهيتو للحكومة والمؤتمر الوطنى والحركة الاسلامية والمريخ وفريق السهام برابطة ابمده السبيل .. يعنى عاوز اقول .. نعم مفهوم انو فى ظروف بتاثر فى الظروف المتعلقة والمحيطة ببعض الناس اثناء تحصيلهم الاكاديمى واندراشهم فى القراية وفى ناس بتكون ظروفها زفت وفى ناس كتيرة اشتغلت وفتحت للقراية وكدا ، وبتفق تمام انو من اوجب واجبات الدولة انها توفر الغطاء المادى والدعم الكافى والوافى للطلاب من كل السودان عشان ما يقراو على نفقة الحكومة ودا قصور معيب وواحدة من اخفاقات الحكومة الواجب الاعتراف بها التعليم خدمة يجب ان تقدم للمواطن بايسر الطرق واقلها تكلفة ومجانا كمان ، طيب .. الحاصل انو فى كلام كدا داير عن (اعفاء طلاب دارفور ) من الرسوم الدراسية ..السبب .. الشى الحاصل فى دارفور ... طبعا هسة لو الزول قال الكلام دا يا جماعة تعالو نتناقش فيهو يقومو عليك .. يا فعلتك يا تركتك .. ويكتبو فيك صباح ومساء ويطلعو فيك كل نظريات علم النفس ... لكن تعالو نحسبها ... حتة حتة ... نفترض انك طالب جامعى من دارفور ... مولود فى دارفور لكن اهلك هنا جنبك جابتهم مصالح وطبيعة شغل ابوك او اسرتك عايشة فى اى حتة مستقرة خارج دارفور وبتقرا فى كلية اهلية او اى بكالوريس بالقروش يعنى على النفقة الخاصة زول زى دا يدفعو ليهو ليه ؟؟؟ طيب قول انت بتقرا براسك يعنى جبت (نسبة مشرفة ) ونافست فى فرص القبول وخشيت جامعة بكسبك ودرجاتك وبرضو اهلك معاك وجنبك وبره دارفور ... ليه يعفوك من رسوم دراستك .. ولو ... ولو ... حيقولو - جماعة كدا - عشان دارفور مهمشة وفيها ظرف (خاص ) ... طيب ما الجنوب لى هسة ظرفو خاص ليه ما يعفو طلابو ... وياتو يوم مما الله خلق الحرب الفى الجنوب دا فى حكومة عسكرية ولا ديمقراطية الجنوبيين قالو اعفونا ؟؟ و ما فى الشرق اسر واوضاع اقتصادية معلومة للناس ليه ما يتم اعفاء الطلاب البيخشو الجامعات بعد امتحانهم من مدارس كسلا وسواكن وبورسودان ... ما دى مدن زيها زى الفاشر فيها برضو ظروف وفيها مهمشين وناس محتاجة ... ومن الشمالية (الخامة بيض الجدادة ) بعرف طلاب ساكنين جيراننا بيشتغلو فى دكاكين (صناعة الاكياس ) وواحدين من عيال ام روابة شغالين فى (الملجة ) عشان يوفورا ما تيسر من مصاريف اكمال تعليميهم ليه ما يعفوهم يا جماعة المسعلة افتكر عاوز (ضبط ) عشان ما تبقى (خريف ابوسعن ) ومفروض الناس تكون موضوعية شوية يعنى ما تخمونا بالعاطفة ... واووووووووك .. كروروووووووك ... وفى النهاية انا شخصيا مع (الدراسة المجانية ) لاى طالب سودانى وهذا هو المفروض ولغاية دا ما يحصل يا الاعفاء يطال الطلاب من جهات السودان الاربعة يا قصة الاعفاء دى تقيف وعلى طلاب دارفور يبقو زى باقى الطلاب لانو ظروف الطلبة من باقى المناطق الشغالين فى الاسواق وفارشين فى الطرقات ليست افضل منهم وعلى طلاب دارفور - والحق يجب ان يقال - ان يظهروا من انفسهم قدرا من رفع الذات والاعتماد على النفس بدلا عن مشجب ... (الحاصل فى دارفور )
02-07-2006, 12:04 PM
jini jini
تاريخ التسجيل: 02-05-2002
مجموع المشاركات: 30716
Quote: والله الزول ينزل غنية لهاجر كباشى ... تقولو دا ( كمين ) ... ناس ملكية كيف
الأمن مالو عيب ولا سرقة جيب!إنت بس قر! بريطانيا وامريكا وفرنسا وألمانيا عندهم أمن! بس فى دول ديمقراطية وقوانين يرعاها دستور تم صياغته من أجل البشر! جنى
02-07-2006, 12:17 PM
Abdulgadir Dongos Abdulgadir Dongos
تاريخ التسجيل: 02-09-2005
مجموع المشاركات: 2609
القاص والدان يعلم نسبة سكان دارفور في السودان، وبعد خمسون عاما من ذر الرماد علي العيون فطن أهل المركز بصنيعهم الذي سيوردهم مورد التهلكة خاصة بعد حقائق الكتاب الأسود والتي أظهرت بجلاء أن نسبة الأقلية ممن يدعون العروبة يستحوزون علي كل مؤسسات الدولة. وهنا لابد وأن أشيد بحصافة من أتي بقرار أعفاء مصاريف الجامعة للكثير من الشباب الحامس، لترغيبهم في الأنخراط في مؤسسات الدولة المكلومة. خاصة وأقليمهم مقبل علي حرب تحررية. لا أدري بأي المعايير تقيس الأشياء، لكن أعلم يقينا أن ما تفضلت به يزيد من رقعة الحرب في بلادنا . قل لي بربك ما الذي سيصنعه شاب طموح حرم من التحصيل الأكاديمي بسبب المصروف وهو يعلم يقينا أن أمثالك أتي بهم الولاء السياسي في مواقع ليسو أكفاء لها؟
دنقس.
02-07-2006, 12:36 PM
محمد حامد جمعه محمد حامد جمعه
تاريخ التسجيل: 11-26-2004
مجموع المشاركات: 6807
القاص والدان يعلم نسبة سكان دارفور في السودان، وبعد خمسون عاما من ذر الرماد علي العيون فطن أهل المركز بصنيعهم الذي سيوردهم مورد التهلكة خاصة بعد حقائق الكتاب الأسود والتي أظهرت بجلاء أن نسبة الأقلية ممن يدعون العروبة يستحوزون علي كل مؤسسات الدولة. وهنا لابد وأن أشيد بحصافة من أتي بقرار أعفاء مصاريف الجامعة للكثير من الشباب الحامس، لترغيبهم في الأنخراط في مؤسسات الدولة المكلومة. خاصة وأقليمهم مقبل علي حرب تحررية. لا أدري بأي المعايير تقيس الأشياء، لكن أعلم يقينا أن ما تفضلت به يزيد من رقعة الحرب في بلادنا . قل لي بربك ما الذي سيصنعه شاب طموح حرم من التحصيل الأكاديمي بسبب المصروف وهو يعلم يقينا أن أمثالك أتي بهم الولاء السياسي في مواقع ليسو أكفاء لها؟
كلامك دا كلو (بره التلات خشبات )
وما يزيد رقعة الحرب هو المنهج المعوج فى التمييز بلا دفوعات تراعى العدل بين كافة الاقاليم يا ناس العدالة ...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد حامد جمعه
jini
فيس بوك
تويتر
انستقرام
يوتيوب
بنتيريست