كبوشـــية.. منبع الفن.. وادي عبقر السودان

كسلا الوريفة يحاصرها الموت
الوضع في كسلا يحتاج وقفتنا
مواطنة من كسلا توضح حقيقة الوضع في المدينة و اسباب وباء الشكنغونيا حمي الكنكشة - فيديو
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 25-09-2018, 12:39 PM الصفحة الرئيسية

مكتبة عبد الله عقيد(عبد الله عقيد)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
06-11-2005, 06:58 PM

saadeldin abdelrahman
<asaadeldin abdelrahman
تاريخ التسجيل: 03-09-2004
مجموع المشاركات: 8854

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: عبد الله عقيد)

    ود عقيد

    عمرة مقبولة

    وكل سنة وحلوين السعوديه كلهم بخير

    اختفييتوا..فجأه كده كلكم...شفقتونا..
    التحيه عبرك لتمبس..معتصم..عزاز..دكين...ودالباوقه...
    كل سنه وانتو طيبين
                   |Articles |News |مقالات |بيانات

06-11-2005, 09:08 PM

osama elkhawad
<aosama elkhawad
تاريخ التسجيل: 31-12-2002
مجموع المشاركات: 12405

للتواصل معنا

FaceBook
تويتر Twitter
YouTube


عمرة مقبولة (Re: saadeldin abdelrahman)

    عمرة مقبولة
    وفي انتظارك
    وما زال وعدنا قائما باللزّات والدفرات
    ارقد عافية
    محبتي
    المشاء
                   |Articles |News |مقالات |بيانات

21-11-2005, 07:06 AM

عبد الله عقيد
<aعبد الله عقيد
تاريخ التسجيل: 20-09-2005
مجموع المشاركات: 3728

للتواصل معنا

FaceBook
تويتر Twitter
YouTube


Re: عمرة مقبولة (Re: osama elkhawad)

    Quote: وما زال وعدنا قائما باللزّات والدفرات


    ربنا يتقبل مننا ومنك
    يا أستاذ أسامة
    وما زلنا منتظرين..
                   |Articles |News |مقالات |بيانات

01-12-2005, 11:04 PM

atbarawi
<aatbarawi
تاريخ التسجيل: 22-11-2002
مجموع المشاركات: 987

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: عبد الله عقيد)

    الاخ عبد الله عقيد
    سلامات
    اتابع من فترة هذا البوست الشيق والمثير في آن0 والحقيقة كان من الممكن أن اكتفي بالمتابعة والمتعة ، ولكن00 بعد قليل من التمحيص في بداية البوست وجدت هناك ما يصلح لأن يكون مداخلة نقدية ، أرى أن التطرق لها جدير بأن يضفي بعض التنوع عليه،ويكسر ايقاع المزاج الواحد الذي سيطر عليه اخيرا0

    Quote: كبوشية الحديثة.. تعتبر منبت الفن في السودان، فن الغناء، وهذه حقيقة لا ينكرها عارف.. فالمؤرخين للأغنية السودانية، أكدوا أنها خرجت من رحم الحقيبة، التي خرجت بدورها من رحم أغنية كبوشية.. والتي اصطلح الناس على تسميتها أغاني الطمبارة..


    وردت هذه الفقرة في بداية البوست ، ومما يلفت النظر هو اطلاقيتها وتعميمهاخصوصا عبارة "منبت الفن في السودان"، ولكن هل الأمر بهذه الاطلاقية أم أن شحنة عاطفية طغت على الذهن في تلك اللحظة وخرجت العبارة من اضابير "لغة المشافهة" استلافا لتعبير الاخ اسامة الخواض؟؟ وطالما نحن هنا بصدد الكتابةالتوثيقية اذن هناك مبرر لفحص المعلومة من واقع منهجي حتى تعم الفائدة بعيدا عن التبخيس وباالتالي التهويل0 أرجو أن لا يثير ذلك حفيظة الاخوة بورداب كبوشية، فالتقدير محفوظ لكل من اسهم في صياغة الوجدان السوداني باتساعه، والذي هو بداهة ضد كل اختزال أو احتكار0

    صحيح أن " ود الفكي" بقدومه الى الخرطوم حاملا معه ارث منطقةالجعليين الغنائي "غناء الطمبرة" أو "الحومبي" كما يسمى في مناطق أخرى، قد أحدث ثورة غنائية بالمعنى الدقيقي للكلمة- وأصبح ملك الساحة ونجم زمانه دون منازع، وبلغ من الشهرة أوجاً أن الفتيات كن يصففن شعر رؤوسهن بطريقة يعمدن فيها الى شقه نهرين ، مع الحرص على اظهار مفرق الرأٍس، وكن يسمين تلك التسريحة "شارع ود الفكي"!*
    ولكن لا يعني ذلك بأي حال من الاحوال أنه قبل ود الفكي لم يعرف غناء في أمدرمان، فواقع الحال يقول أن غناء الدوبيت كان هو المسيطر على الساحة، ولا أعتقد أن غناء الدوبيت منبعه كبوشية0 كما كان هناك ايضا غناء "الطنبور" - وهو غير "الطمبرة" في مناطق الشايقية والمناصير، وقد كان ايضا موجوداً على ساحةالغناء بامدرمان قبل قدوم ود الفكي0 هذا فضلا عن "التم تم" الذي كان يغنى على استحياء حتى اقتصر على النساء فقط لفترة من الزمن0 أما لماذا لم يكسر هذا النوع من الغناء الدنيا كما فعل "ودالفكي" رغم تطريبه العالي وشاعريه أهله الفذه؟، فهذا ما سوف احاول التطرق اليه تحليلاً للمزاج العام والثقافة السائدة وقتها في أمدرمان والتي رحبت بغناء ود الفكي الذي انبثقت منه الأغنية الحديثة أو "الحقيبة" -كما هو متعارف- ، وهو انبثاق تم بمقدار وليس باطلاق كما توحي عبارات الاخ عبد الله عقيد0 في الوقت الذي رفضت فيه "الطنبور" و "التم تم"، رغم انتصارهما لاحقاورفدهما للاغنية الحديثة على حساب "الطمبرة" التي تراجع دورها الى حد التلاشي0
    كل هذا وذاك سيكون ملتقانا في المداخلة القادمة0
    فتكم بعافية
    عبد الخالق السر


    هوامش
    * الغناء والموسيقى في السودان ص 79 معاوية حسن يسن
                   |Articles |News |مقالات |بيانات

06-11-2005, 09:52 PM

صديق الموج
<aصديق الموج
تاريخ التسجيل: 17-03-2004
مجموع المشاركات: 19433

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: عبد الله عقيد)

    Quote: وتحازي كبوشية غربا قرية (قوز بدر)، شمال قوز بدر مباشرة توجد
    قرية (الجبلاب ثم طيبة الخواض، المغاوير، الصفر، النوراب، الكمير،
    الجوير، العبدوتاب، السيال، المتمة).


    ود عقيد كل عام وانت بخير

    الحسادة شنو ما تمشى لى قدام شوية تصل اهلى!!

    بالمناسبة انا واقف عند ود الفكى وعبد الله الماحى وما قريت شىء تانى

    لانى انا بعاين على الجانب الايمن من الصفحة واشوف اسم المتداخل وبعد كده

    ابدا اقرآ عشان ما انحرق كما صديقى المحامى الضليع بحى عبد الكريم

    لك النحية واصل ونحن كلنا آذان..لك والاخوة المتداخلون الذين يعجنون خبيزة

    الحوار بايدى نظيفة عميق ودى وتهانى العيد،ولا ازيد ففى عيوننا قلوب وفى قلوبنا

    عيون،،،،
                   |Articles |News |مقالات |بيانات

19-11-2005, 08:57 AM

عبد الله عقيد
<aعبد الله عقيد
تاريخ التسجيل: 20-09-2005
مجموع المشاركات: 3728

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: صديق الموج)

    Quote: بالمناسبة انا واقف عند ود الفكى وعبد الله الماحى وما قريت شىء تانى



    ما زلنا ننتظر مرورك يا ود الموج
    نأمل أن تضيف مما تعرف (وهو كثير)
    عنهذه الفترة.

    مع خالص المودة
                   |Articles |News |مقالات |بيانات

07-11-2005, 05:08 PM

عبد الله عقيد
<aعبد الله عقيد
تاريخ التسجيل: 20-09-2005
مجموع المشاركات: 3728

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: عبد الله عقيد)

    الإخوان الأعزاء
    أسامة الخواض
    منصور المفتاح
    ناذر محمد الخليفة
    ناصر محمد خليل
    عمر علي عمر
    المعز
    يحي عبد الكريم
    فيصل نوبي
    بشاشا
    ريال
    سعد الدين عبد الرحمن
    صديق الموج

    لكم جميعا خالص تحياتي وتقديري، وعيدكم مبارك، والقابلة على أمانيكم..
    ليست مشاكسات بشاشا وحدها هي التي عطلت مسار البوست رغم تحويلها مسار النقاش عن موضوعه الحقيقي.
    ولكن مصادفة نهاية رمضان والعيد مع عدم الاستقرار، إضافة إلى تثاقل سرعة النت في المنزل (أخوكم متعود على الملح بتاع المكتب).. كلها دعت إلى التأخر في مواصلة الحديث عن إبداعات كبوشية وأثرها الثقافي والأدبي..
    في الانتظار حديث مفصل عن شاعر كبوشية الفحل إبراهيم الدسوقي (الداسوقي)
    وعن الشاعر الفارس الطيب ود ضحوية ابن (الضيقة) التي تعتبر ضمن منطقة كبوشية
    كما سنعرج إلى شعراء كلي.. سعد بانقا، دفع الله العسيكري، التوم اللغا، وقبل الجميع
    نتطرق إلى الشاعر الكبير الشيخ ود بشير صاحب قصيدة ((أب عاجات اللحو))..
    وننتظر من الأخوة أبناء منطقة كبوشية دعم البوست بما يحفظونه من إنتاج وسير شعراء المنطقة..
                   |Articles |News |مقالات |بيانات

07-11-2005, 05:32 PM

عبد الله عقيد
<aعبد الله عقيد
تاريخ التسجيل: 20-09-2005
مجموع المشاركات: 3728

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: عبد الله عقيد)

    الشاعر الشيخ ود بشير
    ولد وعاش في قرية الفرحسين غرب كبوشية مجاورة لقرية كلي..
    ولارتباط قرى المنطقة بعضها ببعض قد يشير بعض المؤرخين إلى انه من قرية كلي.. ولكنه في الأصل من الفرحسين..
    والشيخ ود بشير شاعر فكاهي ساخر كما له العديد من القصائد الرصينة وأشهرها بالطبع مناحته التي قالها رثاء لعمدة كلي الشهير العمدة أبو جديري..

    أب عاجات اللحو وكتين يزم وينتر
    إن جاتو الملوك لا بيضِل ولا بيفتر
    حوِّد يا خصيم بي غادي.. دربو كُتُر

    وقد اشتهرت القصيدة بعد أن لحنها وغناها الفنان علي إبراهيم.. ومنها اخذ اسم شهرته (اللحو)..

    والشيخ ود بشير كان رجلا خفيف الظل، وكان وحيدا لا عقب له وقد عاش بين أهل القرى في المنطقة مثل ما يعيشون بالاعتماد على زراعة الجروف وتربية القليل من الماعز، ولكنه كان يكتسب المزيد من المعاش بواسطة لسانه الزرب وهجائه الذي لا يخلو من دعابة لكل من يتأخر عن رفده بالساهلة..
    كما كان يتتبع الطرائف التي تحدث من أبناء المنطقة ويصوغها شعرا، وأشهر هذه الطرائف قصة (جبارة) الشاب الذي اشترى عنزة من سوق السبت بقرية كلي، ليذهب بها إلى أهله في ناحية المكنية، ولكنه عندما مر بالغابة التي كانت موجودة شمال الفرحسين، بقرب قيزان الرمال العالية، قرر أن يرتاح قليلا فربط العنزة في طرف سرج حماره، ونام.. فأتى (البعشوم) وبقر بطن العنز وصاحبها نائم.. فسمع الشيخ بقصته.. وتفاجأ أسرة جبارة بوجود الشيخ في بيتهم.. منتصف النهار وكان الجو حارا.. فتهيبت الأسرة حضور الشيخ وعلموا انه حضر ليأخذ ما يسكته أو انه سيهجو ابنهم.. ولكن شيطان ابداعه كان أسرع من عطاء أهل جبارة..
    فعندما سارعت والدة جبارة بالنداء لابنتها لإحضار الهبّابة للشيخ ليتهبب بها من الحر..
    (يا بت الهبابة وينا؟)..
    وسرعان ما اختطف الشاعر الحديث وقال...
    الهبّابة!؟.. والكبّابة؟
    شالا جبارة.. يتسلابا..
    ود اختي البحسبو لبابة
    طلق العز تحوم بالغابة!!..
    ..
    وواصل حكايته.. مخاطبا أهل البيت..

    أوريكم جبارة وقصتو المحكية؟
    قام من (السبت) الساعة ستة عشية
    مشويم بي عناقو.. وفي ضميرو النيّة
    في حدر القويز ياخد غِميدة هنية..
    في عكف السرج شداها شدة قويّة
    اصلو ولدة نجاحا ما بيربط النيّة!!
    ...
    البعشوم يقرقر من الصباح لي عشية
    كايس لي اللحم .. منطلقة في الناريّة
    وكت شاف العناق مربوطة قال جيد ليّا
    .. إلخ..

    ونسبة لارتباط قصائده الهجائية بأسماء اسر ما زالت موجودة
    فيتعذر علي إيرادها هنا..

    وسنعود..
                   |Articles |News |مقالات |بيانات

07-11-2005, 06:02 PM

osama elkhawad
<aosama elkhawad
تاريخ التسجيل: 31-12-2002
مجموع المشاركات: 12405

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: عبد الله عقيد)

    واصل يا ودعقيد
    ويمكن اجيك للحديث عن عمي لزم الموسيقار الكبير:
    حسن خواض

    وكذلك الشاعر فتح الله ابراهيم كاتب الاغنية المشهورة لمحجوب كبوشية:
    Quote: وحات الله ورسول مكة

    عيونك سمحة يا الملكة


    محبتي

    المشاء
                   |Articles |News |مقالات |بيانات

08-11-2005, 07:20 AM

عبد الله عقيد
<aعبد الله عقيد
تاريخ التسجيل: 20-09-2005
مجموع المشاركات: 3728

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: عبد الله عقيد)

    لك الشكر اخي المشاء
    ولك التحية

    تناولت من قبل طرفا من سيرة شاعر كبوشية العملاق ابراهيم الدسوقي، الشيهر بالداسوقي..
    وذكرت حادثته مع زائراته في الستشفى حيث كتب لهن (بخرة) لكمساري الترماي تحمل ابياته
    الشهيرة..
    دور سِتّة جاب لو حواري
    لابسات قرمصيص ما اتقنعن بي دواري
    لو زوقك يتم قدمت ليك اعذاري
    اخد الزائرات مجاني يا كمساري..
    ...
    وفيهن يقول الداسوقي..

    يوم جنّي العِصير.. زارنّي في الشفخانة
    مسّن جسمي قالن ما عليك سخانة
    نار الحمى وجّت وانكتم دخانا
    عِن رد الجواب تاهت علي الخانة..

    ...

    وقد قال الدسوقي في مرضه الذي مات فيه موصيا
    بإرسال خبر وفاته لمحبوبته..

    يا حاضرين خراج الروح.. الجِتّة إتوصوبا
    الروح أصعدت .. ناجت.. لقت مرغوبـــا
    .. تلغراف يدوي خبرنا لي المحبــوبة
    ما أسفا علي دي الفي الأجل مكتوبة

    والبعض في المنطقة يسمون الداسوقي (شهيد الغرام) استنادا لرواية تسندها هذه الأبيات
    (السابقة) تقول أن الداسوقي مرض بسبب حرمانه من رؤية محبوبته..

    نواصل.. وننتظر مشاركات المشاء
    مع خالص المودة
                   |Articles |News |مقالات |بيانات

08-11-2005, 07:49 AM

osama elkhawad
<aosama elkhawad
تاريخ التسجيل: 31-12-2002
مجموع المشاركات: 12405

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: عبد الله عقيد)

    حاجيك اخي عبد الله,
    بس طبعا انت مايسترو البوست,
    وواضح انك تعرف موضوعك بشكل مدهش ودقيق

    وهذه اضافة لشكل جديد من البوستات الطويلة
    وكنت اتمنى ان يتحدث لنا استاذنا الموسيقار الموصلي عن عمي :
    حسن خواض
    وكذلك مساهمة بقية الكبوشاب من المبدعين في مجال الغناء
    وقد لفت هذا البوست انتباهي الى ان كوكبة من كبار المبدعين السودانيين,
    هم من ابناء كبوشية
    وهسع اذكرت كم واحد
    عندك مثلا محمد تروس ابن خالتي والممثل المعروف
    حسين شندي امه قريبتنا جدا وهي من البجراوية
    وهنالك شخصيات عامة تنحدر من كبوشية
    منهم:
    الفريق الخواض محمد احمد الخواض
    الخواض مفتى السودان
    عمر بخيت العوض
    -احد مؤسسي حركة الاخوان المسلمين في السودان
    وهو ابن خالة امي ,
    ووالد الشاعر المعروف :
    المعز عمر بخيت

    ويبدو ان تأسيس مدرسة كبوشية الاولية ,
    في الاربعينيات من القرن الماضي,
    ساهم في انجاب كوكبة من الانتلجنسيا الكبوشابية

    محبتي
    المشاء

    (عدل بواسطة osama elkhawad on 08-11-2005, 07:54 AM)

                   |Articles |News |مقالات |بيانات

08-11-2005, 09:37 AM

Yahia Abd El Kareem
<aYahia Abd El Kareem
تاريخ التسجيل: 26-02-2005
مجموع المشاركات: 829

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: osama elkhawad)


    الاخ ودعقيد ..تقبل الله منا ومنكم صالح الاعمال وجعلها عمرة مقبولة وتعيش وتشوف
    الحرم مرات ومرات وربنا يوعدنا...
    هذا البوست عالى الايقاع وقد اصابنا فى مقتل حيث نقرأ ونتحسس فى ان واحد لان اى
    حرف يكتب او يحكى عن وادى عبقر واخواته يجرى منا مجرى الدم فى العروق ونعيش
    الحكوة قبل فهمها ونضحك للطرفة بعيد اداركها ....
    بالمناسبة أعرف القليل عن مبدعى منطقتى" المغاوير " وهم كثر ولعل ابن عمى الشاعر
    عمر بشير يكون قريبا فيدركنى بما لديه من تواثيق وتحف فنية ...ولحين لملمة اطرافى
    ساكون منجذبا ومتابعا لاسفار ود عقيد والاخوة المتداخلين...
    طبت مقاما يا عقيد ..ولى قدااااااااام...
                   |Articles |News |مقالات |بيانات

08-11-2005, 08:14 PM

saadeldin abdelrahman
<asaadeldin abdelrahman
تاريخ التسجيل: 03-09-2004
مجموع المشاركات: 8854

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: عبد الله عقيد)

    *
                   |Articles |News |مقالات |بيانات

08-11-2005, 09:07 PM

عبد الله عقيد
<aعبد الله عقيد
تاريخ التسجيل: 20-09-2005
مجموع المشاركات: 3728

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: عبد الله عقيد)

    العزيز ود الموج
    لك التحية مجددا
    وأرجو أن تضيف لنا من مخزونك خاصة حول مرحلة الانتقال من أغنية
    كبوشية إلى أغنية الحقيبة.. وأنت خير من يفتي في هذا الأمر
    لك المودة..



    استاذنا المشاء
    تحية وتقدير
    بالفعل كلما نحت الذاكرة ستجد ان جمهرة من الانتجلنسيا
    السودانية من ابناء (منطقة) كبوشية..
    واذا تحدثت انت عن كبوشية مثلا.. فدعنا نشير إلى (ام علي)
    بجوانبها شرقا وغربا.. والتي انجبت فطاحلة في الطب
    مثلا على رأسهم حسين ابو صالح، وفي الشعر على راسهم الهادي
    آدم ويوسف مصطفى التني، أما في السياسة فحدث ولا حرج..
    ومن قريتي (الحليلة) أسرة العمرابي أبناء اسماعيل العمرابي
    الإعلاميون المعروفون والشاعر الغنائي المعروف محمد يوسف موسى
    ومن المكنية ازهيري محمد علي ومحجوب الحاج، هؤلاء من جيل الشباب
    وفي المكنية نشأت معظم أغاني الدلوكة.. (إلى جانب كبوشية)..
    والأمر يطول..
    لك المودة


    العزيز يحي عبد الكريم
    يسعدني مرورك وكلماتك المشجعة.. وقد عرفت الكثيرين من ابناء المغاوير
    اثناء الدراسة خاصة الثانوية.. والتقيت بالأديب الإعلامي عمر بشير صاحب
    الصوت الشجي وليته كان هنا فهو مؤرخ ملم بتراث المنطقة وخاصة الصوفي
    منه..
    لك المودة

    عزيزي سعد الدين عبد الرحمن
    ما عدمناك أيها النبيل.. اسعد دوما بمرورك وافر تقدير
    ولك المودة
                   |Articles |News |مقالات |بيانات

09-11-2005, 00:45 AM

saifkeli
<asaifkeli
تاريخ التسجيل: 02-02-2003
مجموع المشاركات: 572

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: عبد الله عقيد)


    الأخوان الأعزاء سلام .. والعمرة مقبولة أخي ود عقيد
    ومن روائع المجادعلات التي كان ميدانها قهوة كبوشية الشهيرة ... التقى بعض شعراء المنطقة عند إحدى الحسان التي تصنع القهوة وحسب الروايات كانت الجلسة من الصباح حتى غروب الشمس ومنها :

    اسقيني جبنة تالي وبكري
    وأنا في لجة مو معروف صفاي من عكري
    حرساً ليك قديم مالكة العصري
    يا جامع نور الهدى والبصري

    الجبنة أم بخوراً بالكليت والشاف
    صانعا حكّم القلية ورمى الكشاف
    الخلاني اسنقد ثم زادني نشاف
    فر القاط جوة وبرة ما بنشاف

    جبنة الهنا راق لونها وخاتي عجاج
    فوقها جلسنا زي يوم عرفة للحجاج
    سيدها مجهزها للحبشي مو محتاج
    يحفظوا سيدي ساكن سواكن تاج

    جبنة الحديد أنا عقلي قط ما بطيقها
    داير الحكمولا القلية خاتية حريقة
    على أنغام فُندكها يفوق نقرت المزيكا
    فرّقها صانعا وكباها لاعند زيقا

    جبنة الهنا راق يومها حاضرين إذنو
    صانعا حكّم القلية التقيل في وزنو
    هنأ الجالسين طرب السمع بإذنو
    والفنجان يسوط للشارب يفرح حزنو

    جبنة الهنا راق لونها خاتي غبار
    فوقها جلسنا زي بريطانيا فوق البار
    بُنها الحبشي مو نوع الزِقَي البار
    فرقها صانعا ويسر له يا جبار


    سأعود لكم إن شاء الله
                   |Articles |News |مقالات |بيانات

09-11-2005, 01:30 PM

عبدالله الشقليني
<aعبدالله الشقليني
تاريخ التسجيل: 01-03-2005
مجموع المشاركات: 12004

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: عبد الله عقيد)

    عزيزنا الأستاذ عبدالله عقيد
    تحية واحتراماً

    والتقدير لكل من يكتب عن موطنه بمحبة ،
    يضيئ بالكاشفات على لآلئ أهلنا وإبداعهم .
    إن مسلك الوفاء ، من شيمّ الكبار .
    والشكر لرفدة التُراث ، إغناء للبوست .
    شكراً لكل من يكتب بمحبة ،
    وقد أثرت كبوشية بالكثير الذي يحتاج
    نفير المباحث وصبر الزُهاد.

    الشكر لكل مساهم .
    يد تبسط ويد تُعانق من تراث موطننا .

    (عدل بواسطة عبدالله الشقليني on 09-11-2005, 01:32 PM)

                   |Articles |News |مقالات |بيانات

09-11-2005, 08:58 PM

عبد الله عقيد
<aعبد الله عقيد
تاريخ التسجيل: 20-09-2005
مجموع المشاركات: 3728

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: عبد الله عقيد)

    الاخوين الكريمين
    سيف الدين محمد علي
    وعبدالله الشقليني
    أشكركما على المرور والدعم

    وفي انتظار المزيد يا سيف كلي

    ولكما التقدير
                   |Articles |News |مقالات |بيانات

10-11-2005, 03:51 AM

عادل فضل المولى
<aعادل فضل المولى
تاريخ التسجيل: 28-11-2004
مجموع المشاركات: 2165

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: عبد الله عقيد)

    الحبيب ود عقيد
    جايين نقول كل عام وانت بخير
    وعمرة مقبولة إن شاء الله
    يعني اريتك تكون اتذكرت أخوك
    هناك في مكة ولىّ المدينة
    وأديتو حبة دعاء يزيل الغمة كدا
    ...
    والبوست طبعاً لا يحتاج الى تعليق
    يكفي ان هناك بعض الاساتذة الكبار
    يسيرون مع مادته سطراً بسطر
    انتظر عودتك نهاراً
    اخوك أبو محمود ومحمد المقتدى
                   |Articles |News |مقالات |بيانات

10-11-2005, 12:04 PM

saifkeli
<asaifkeli
تاريخ التسجيل: 02-02-2003
مجموع المشاركات: 572

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: عادل فضل المولى)


    من روائع دفع الله العسيكري يرحمه الله:
    ريد الما بريدك ساكت منى وتعليق
    وريد الفي الأرض لى الفي زحل ما بليق
    عميان القلب ما بنفعوا الشــليـــق
    لا تتشابى خوفي عليك من الزليـــق

    الليلة البلد أصبح معاي متقفل
    كل ما أقوم صعيد أنا بلقى روحي مسفل
    عيني سنقدن والنوم بقالي تِـجِـفِـل
    من الميزانو بعد الرجحة جابلو تنِـفِـل
                   |Articles |News |مقالات |بيانات

10-11-2005, 09:07 PM

عبد الله عقيد
<aعبد الله عقيد
تاريخ التسجيل: 20-09-2005
مجموع المشاركات: 3728

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: عبد الله عقيد)

    الحبيب ود فضل المولى ابو محمود
    لك التحية وكل عام وانت بخير
    والله اشتقنا ليك يا شيخ .. وان شاء الله
    من السبت وغادي ح نظهر بالنهار.


    اخي العزيز سيف كلي
    لك التحية والتقدير
    نعم .. زدنا بالله من ابداعات الشاعر دفع الله العسيكري
    وهاك دي من التوم اللغا

    ساقا السريع.. رصّـــــابة
    بالله العظيم يا سايق اتوصّابا
    صلّح هودجا الفوقو الخلوق تتصابا
    واحذر.. من شعاع الشمس.. ما يكون صابا
                   |Articles |News |مقالات |بيانات

12-11-2005, 02:40 AM

saifkeli
<asaifkeli
تاريخ التسجيل: 02-02-2003
مجموع المشاركات: 572

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: عبد الله عقيد)


    مجادعات :

    جروحن نعورن قلب الطبيب خربنلو
    يبقى يجود لي طيف الصايغ مغربلو
    لتيبات الروا الهب النسيم طربنلو
    عيني شوقرن بعد المنام قربنلو

    جروحن نعورن على قدر ما اتناساهن
    يبقى يجود طيف يا خلي علَّ عساهن
    بى حلل الجمال رب العباد خساهن
    عيني شوقرن بعد المنام مساهن
                   |Articles |News |مقالات |بيانات

12-11-2005, 08:03 AM

عبد الله عقيد
<aعبد الله عقيد
تاريخ التسجيل: 20-09-2005
مجموع المشاركات: 3728

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: saifkeli)


    لتيبات الحميسي الـ شاتن
    وجّن فيَّ نيرانِن بعد ما ماتن
    جذبن صحتي.. ولي بي غلط ما لاتن
    شالن نومي.. أخدنو الذوابع وفاتن


    دحين دا مو دفع الله يا سيف كلي!؟
                   |Articles |News |مقالات |بيانات

12-11-2005, 01:16 PM

عبد الله عقيد
<aعبد الله عقيد
تاريخ التسجيل: 20-09-2005
مجموع المشاركات: 3728

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: عبد الله عقيد)

    نواصل..
    للشيخ ودبشير قصيدة أخرى في رثاء العمدة ابو جديري لا تقول روعة عن قصيدته الأولى
    (اب عاجات اللحو)..
    هذه القصدية (المناحة) سمعتها عند والدي يترنم بها إلى جانب مرثية الأغا ود الخواض
    ويقول مطلعها:

    وا شوقي عليك طول الزمـــأن ونّاي
    يا فارس ام دروع والدندر الأواي
    رقد يا شمّة ابوكي المحور الكوّاي
    ..
    (شمة) هي شمة بنت العمدة أبو جديري.. وقد تزوجها العم (عكاشة محمد احمد كوراك)
    وهو تاجر مشهور في جنوب السودان وهو والد السياسي الاتحادي (أمين عكاشة).. ووالد
    قطب حزب الأمة المعروف المرحوم يوسف عكاشة.
                   |Articles |News |مقالات |بيانات

13-11-2005, 02:34 PM

خالد العبيد
<aخالد العبيد
تاريخ التسجيل: 07-05-2003
مجموع المشاركات: 21530

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: عبد الله عقيد)

    العزيز ود عقيد
    لك تحايا الورد
    وانا ابن تلك المنطقة ومن قدو الوديعة هلى وجه التحديد
    مما يحز في النفس بانني لم ارى بلدتي هذه الا مرتين وانا صغير
    والمرة الثالثة في بداية الثانوي العالي
    وبالرغم من طول المدة الزمنية الا ان العقل لا زال يحتفظ بملامح تلك المنطقة
    واثارها التاريخية الضائعة بين الرمال
    وسأعود بالقطع الى هذه البوست الهام للكتابة عن الاثار والطرابيل
    لك ودي
    خالد
    سيدني
                   |Articles |News |مقالات |بيانات

14-11-2005, 07:00 AM

عبد الله عقيد
<aعبد الله عقيد
تاريخ التسجيل: 20-09-2005
مجموع المشاركات: 3728

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: عبد الله عقيد)

    الأخ العزيز خالد العبيد
    لك التحية والود
    مرحبا بك وسط اهلك في كبوشية وقدو والشبيلية
    وكما تعلم فنحن اهل تلك المنطقة متداخلون
    ومترابطون ونعرف بعضنا البعض ونتواصل
    في السراء والضراء ولنا في قدو اقارب واهل
    وعلك تكون منهم..
    أرجو عودتك لتحدثنا بإفاضة عن قدو وما تعرفه
    عن اهلها المقيمين بها او خارجها
    ولك التقدير
                   |Articles |News |مقالات |بيانات

14-11-2005, 08:38 AM

عبد الله عقيد
<aعبد الله عقيد
تاريخ التسجيل: 20-09-2005
مجموع المشاركات: 3728

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: عبد الله عقيد)

    وعن ود ضحوية نحكي

    كتبت مقالا في جريدة القوات المسحلة سنة 92 عن الشاعر الكبير الطيب ود ضحوية
    بعنوان (سياحة في شعر الطيب ود ضحوية) سأحاول البحث عنه، فإن وجدته سيغنيني
    عن نحت الذاكرة التي وهنت وانمحى منها شعر الطيب الذي كنت احفظ الكثير منه..

    وود ضحوية هو الطيب عبد القادر من الجعليين العالياب وموطنه قرية الضيقة شمال
    جبل ام علي.. وقد اشتهر بشعره الذي يصف فيه ممارسته (الهمبتة) مع رفقاء له
    اشهرهم طه الضرير (البطحاني) وأخرون منهم (كيقة) و (عمر) حسب ورود اسماءهم في أشعاره..
    وكانت ممارستهم للهمبتة (نهب الجمال) من بوادي الكبابيش والدندر والبطانة
    نوعا من (الصعلكة) أو ما نسميه اليوم بالـ (شفتنة) فقد كانوا ينهبونها فيختاروا
    الجمال الأصيلة منها لأنفسهم ويبيعون الباقي وينفقون أثمانه على الناس و (ينبسطو)
    وما يهمنا من أفعالهم هنا هو هذه الأشعار البديعة التي حوت على الكثير من مكارم
    الأخلاق رغم ممارسات أصحابها التي المخالفة للقوانين والنظام.

    نعود لأشعار ود ضحوية إن شاء الله
                   |Articles |News |مقالات |بيانات

14-11-2005, 12:36 PM

عبد الله عقيد
<aعبد الله عقيد
تاريخ التسجيل: 20-09-2005
مجموع المشاركات: 3728

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: عبد الله عقيد)


    كان ود ضحوية يدافع دوما عن ممارسته الهمبتة ولا يعتبرها من قبيل السرقة
    بل هي في نظره أقرب إلى الفروسية فهو كما يقول (يقلع) عينك عينك.. ولا يمشي
    بالخفاء ليسرقا عنزة من الجيران..

    ما بتدبى لي عنز الفطيم والشـــاي
    بعرف سوق بُكارا.. جلّهِن.. دادي
    بضرب.. ما بقودِب.. بغلِب الهدّاي
    بعرض.. عن(د) قُراناتِن.. بهِز بي ام ياي

    (بتدبى) أي لا أتدبى (أسير ببطء متخفيا) لسرقة عنزة يسقى لبنها للفطيم ويصنع
    منه الشاي..
    وفي أخرى يقول (ما بتدبى لي عنز الفطيم والجارة)..

    كما قال أيضا معرِّضا بالسجين الذي أخبره أنه سجن لأنه سرق (صفائح زيت)..

    مانــي التمــبل القاعد بقول: ســـوّيت
    و ما زرّوني عِن(د) ساعة السؤال قرّيـــت
    إن بردن نقود.. ماني البخيل .. صريت
    وإن حرّن.. بُكار.. ماهِن صفايح زيـــت!!

    وقد كان يدعو الشباب (للنهيض) والسفر والبحث عن الرزق خارج القرى وبعيدا
    عن الناس، وكان يعير الشاب الذي يبقى في (الحلة) ويسخر منهم قائلا:

    ناس (قدر الله) في الحِلّة مِكبريـــن عمّامُن
    قطعو (الطلّة) والزول اب عوارض لامـــُــن
    ...
    إندرجو الصناديد.. والضرير قِدّامٌـــن
    نوو العودة لي الماسكات عِداد أيامُن

    فهو يقارن بين ناس قدر الله وبين الصناديد الذين اندرجو من اجل الرزق
    وهؤلاء اللذين تلومهم النساء لعدم الزيارة (الزول اب عوارض لامُن - لامهم)
    ..
    نعود إن الله هوّنِِ
                   |Articles |News |مقالات |بيانات

15-11-2005, 02:59 AM

saifkeli
<asaifkeli
تاريخ التسجيل: 02-02-2003
مجموع المشاركات: 572

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: عبد الله عقيد)


    من روائع الدوبيت الذي نظمه الطيب ود ضحوية والهمباتة اليك أخي ود عقيد هذه النمات:

    الدرب البجيب كمش النقود مو هيـّن
    وما بمشيهو ديك بيتو اب جليدا لين
    الولد البقوم من ام رشوم متدين
    غصبا عنو يا الساحر يسوقهن بين

    كم شديتا فوق أسد الخلا التغيان
    وكم قرَّن لقاح لاعند جبال أسوان
    مشيت الوحدة خيراً من جنين الآن
    نهرت أب زِرّة يقول: معايا فلان

    باتع في الدحيح يا الغول متيلك وين
    ما تستاهل العورة وخسار العين
    كتير مين فارق النزهة ورُضا الوالدين
    الباقي الله .. يا هجام فريق أم زين

    رايق لى البرايقني إن لقيت مُِن راق
    حنباق ما بعذر الروحو في الطقاق
    عرّاق عِلا عرقاً يقعلو الخلاق
    أنا متهوم في جرايماً أضعفن سرّاق

    بعد سوق الردايف ولى السدر حِزامتي
    دقيت المُقد ثروة ونقل فوق هامتي
    دابي مسكت في الدرب البفرِّع شامتي
    عدم النقدي فرق المنو رابطة قيامتي

    ود المسمى الحوري
    عوم براحة لا تكسِّر علي باصوري
    الزول البدور ليمو وبيطفي حروري
    بانت دارو يا أب فكاً بشابه اللوري

    الليلة القرد أصبح محارب السوط
    حر تريرو والكور سوى فوقو هيوت
    على ال ما جالسن عيل يسولو شبوت
    مرق مجحودو قال الليلة يوم الموت

    الليلة السجن جابلو انكتامة وحرّّة
    نحن جرارقو حدّث للجنين البرة
    نحن البدور يكافينا الـ يعتّي الجرة
    يخبر لي مراح حسب الله وين ما فـرَّ

    الخبر البجي الصديق مقفل جوة
    وأنا حالف ما بفوتو حت كان بقيت في هوة
    عند كبس الدرق ما بنسى شرط الخوة
    كباس في الدُهم فوق البقول يا مروة

    جبدنا الحُقق من الدّمك سفينا
    يابسين باسرر من اللحم خفينا
    مكية بشير يا كيقا بتسلينا
    مي مواحشانا وقعت حِفلة فوق كرعينا

    الليل أمسى والنعسان جرايدو يدحن
    كبس الهم علي السلّط قلوبن وحن
    كضم الجرة سحار الغروب اتمحن
    نعود سلمانة يا عمر الظروف إن صحن

    أكل الشلخة لامن سنامه اتعتّى
    شبح الحوري بى دقداق ربيلة وشتا
    البرد النزل أنا منو كيف اتغتى
    الجيل كله من سلمانة فرقاً شتى

    (عدل بواسطة saifkeli on 16-11-2005, 05:38 AM)

                   |Articles |News |مقالات |بيانات

15-11-2005, 06:50 AM

عبد الله عقيد
<aعبد الله عقيد
تاريخ التسجيل: 20-09-2005
مجموع المشاركات: 3728

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: saifkeli)

    أكل الخِلفة لامِن كمّل البــــاكريّة
    شمخ الحوري.. لي كتلة عِريب بِت ريا
    اكان ما اسكت الباكيات.. واخلف الكيّة
    قولة (ابو فاطنة) يا الصادق خسارة عليَّ

    حباب سيف كلي

    وشكرا لهذا الدعم من اشعار ود حضوية
    ولا نستغني عن المزيد
                   |Articles |News |مقالات |بيانات

15-11-2005, 10:20 AM

عبد الله عقيد
<aعبد الله عقيد
تاريخ التسجيل: 20-09-2005
مجموع المشاركات: 3728

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: عبد الله عقيد)

    ما تنقطع يا سيف كلي
    زيدنا من مدد ود ضحوية


    الليل أمسى.. والكور حرّكنو مشيهن
    عقبن (موية) والجبل اب قرود في وشيهن
    حرّت جالستِن ود يُمّة ما بباريهن
    لا (بلّاس) ولا عقُب (الجعيدي) بِجيهن

    (عدل بواسطة عبد الله عقيد on 16-11-2005, 09:13 AM)

                   |Articles |News |مقالات |بيانات

15-11-2005, 01:41 PM

عبد الله عقيد
<aعبد الله عقيد
تاريخ التسجيل: 20-09-2005
مجموع المشاركات: 3728

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: عبد الله عقيد)

    تأخر عنّا الأستاذ المشاء
    نرجو أن تعود
    لاستكمال ما وعدت به
    ولك المودة
                   |Articles |News |مقالات |بيانات

16-11-2005, 10:24 AM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19063

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: عبد الله عقيد)

    قال

    دردرنى الفقر لامتين بقيت شنكيب
    ودنى الغباين لى جبال فرتيت
    إمن جبت مالا فرح أم سوميت
    وإمن فوق جبال تقلى إنجدع ما جيت

    وقال
    مانى الخايب البقول سويت
    وما نهرونى عن ساعة السعال قريت
    إن بردن قروش مانى البخيل صريت
    وإن حرن بكار ماهن صفايح زيت


    وقال
    مى حاجاجه مى لاجاجه فوق شرك التهم هباره مى ولاجه
    فرع الخيدران أم طلعة وجاجه
    دى أم بيتا خريف للجاره والمحتاجه
    شن برضيها غير البل جدية الباجه ما برضيها غير البل جدية الباجه

    (عدل بواسطة munswor almophtah on 16-11-2005, 10:38 AM)

                   |Articles |News |مقالات |بيانات

17-11-2005, 08:27 AM

عبد الله عقيد
<aعبد الله عقيد
تاريخ التسجيل: 20-09-2005
مجموع المشاركات: 3728

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: munswor almophtah)

    منصور المنصّر
    كيفك حالك
    فقدتناك في كبوشية
    تشكر للإضافة من معين ود ضحوية
    وراجين رجعتك.. ويا ريت لو ندهت لينا
    المغواري يحي

    تسلم
                   |Articles |News |مقالات |بيانات

17-11-2005, 11:20 AM

Balla Musa
<aBalla Musa
تاريخ التسجيل: 30-12-2004
مجموع المشاركات: 15238

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: عبد الله عقيد)

    الأخ عبد الله عقيد
    تحياتى واحترامى
    رغم أن هذا البوست يتحدث عن كبوشية المغنى والمعنى والإنسان إلا أننى لم أر أى شئ عن خالد محمد خالد ود المك نمر.
    أليس هو من أعلام كبوشية?
                   |Articles |News |مقالات |بيانات

17-11-2005, 12:35 PM

عبد الله عقيد
<aعبد الله عقيد
تاريخ التسجيل: 20-09-2005
مجموع المشاركات: 3728

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: عبد الله عقيد)

    مربحا بالدكتور بلة موسى
    لك التحية والتقدير

    Quote: كبوشية المغنى والمعنى والإنسان

    والله لخصت لينا فكرتنا تماما..

    وبما أني لست من أبناء (قرية) كبوشية
    وإنما من القرى المجاورة لها..
    فهناك الكثيرون من أعلام كبوشية
    الذين لم أتشرف بمعرفتهم..
    ومنهم خالد محمد خالد
    فلتيك تحدثنا عنه أو.. يحدثنا عنه
    أحد أبناء كبوشية في المنبر


    ولك التقدير
                   |Articles |News |مقالات |بيانات

17-11-2005, 12:53 PM

osama elkhawad
<aosama elkhawad
تاريخ التسجيل: 31-12-2002
مجموع المشاركات: 12405

للتواصل معنا

FaceBook
تويتر Twitter
YouTube


مقصر معاكم كلكم (Re: عبد الله عقيد)

    عزيزي ود عقيد
    والله انا مقصر معاكم كلكم
    لكن تعرف انشغالاتي في بوستات كثيرة في هذا المنبر

    وهسع عندنا بوست في سودان للجميع

    سارجع اليك بالتاكيد
    بس اديني ,
    أو قل ادوني فرصة

    واصل
    محبتي
    المشاء
                   |Articles |News |مقالات |بيانات

19-11-2005, 06:20 AM

عبد الله عقيد
<aعبد الله عقيد
تاريخ التسجيل: 20-09-2005
مجموع المشاركات: 3728

للتواصل معنا

FaceBook
تويتر Twitter
YouTube


Re: مقصر معاكم كلكم (Re: osama elkhawad)

    عزيزنا المشاء
    أتابع بوستاتك
    لاهوت الوردة.. و (البيان) الذي
    تراودني نفسي على دخوله
    وتقصر خطواتي خشية (التشويش)

    وأعلم أن متابعتها تشغلك
    ولكنّا نحتاجك هنا
    فما مِن متحدث عن كبوشية
    أبرع من أبنائها وأنت منهم
    وليتك تدعو لنا الدكتور معز
    يحدثنا عن ما يعرفه عن بلد آبائه

    لك محبتي
    ولك الشكر
                   |Articles |News |مقالات |بيانات

20-11-2005, 07:14 AM

عبد الله عقيد
<aعبد الله عقيد
تاريخ التسجيل: 20-09-2005
مجموع المشاركات: 3728

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: عبد الله عقيد)

    ما زالت تردني رسائل عبر الإيميل
    من الأخ كمال الدين
    يطالب فيها أبناء كبوشية بمواصلة الكتابة عن بلدهم
    كما يدعو إلى الإسراع في إنشاء موقع كبوشية على الإنترنت
                   |Articles |News |مقالات |بيانات

21-11-2005, 02:16 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29121

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: عبد الله عقيد)

    الأخ ود عقيد ..

    بما أن الأمن مستتب عندك الان دعني أسرد عليك شيئا من أولاد أعمامي وخالاتي في مناطق الحليلة وقدو وجبل أم على وقدو والشبيلية ..
    أخبرك اولا أن أمي هي إبنة خال والدي وأنت تعلم ان العللقات العائلية في القرى والبلدان الشمالية متداخلة للغاية .. لذا فكل ما سأذكرهم الأن من أسماء هم بالضرورة أبناء أعمام وخالات أمي وأبي وبالضرورة أنا ..
                   |Articles |News |مقالات |بيانات

21-11-2005, 02:56 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29121

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: عبد الله عقيد)

    في الحليلة اخي عبد الله عقيد توجد أسرة أولاد عثمان بن عوف ..

    محمد أحمد وهو نسيب عثمان بن عوف وإبن اخته ومتذوج إبنته ..

    وحاليا يتواجد في الحليلة قريبي وإبن عم والدي المعز محمد أحمد إبراهيم ..

    كما توجد أيضا عائلة محمد مختار محمد واولاده أنور وسليم وهم اولاد أعمامنا وبالتاكيد قد تكون تعرفهم بحكم علاقة الجوار بين ام علي والحليلة ..

    أما وإذا جئنا للشبيلية فهناك سليل أهلنا النوراب وهم عائلة أبو القاسم محجوب وأبنائه العوض ود سليمان وصديق ود سليمان وأيضا اولاد مالك (بلة وعبد المنان وميرغني)..

    أما سقادي فحدث ولا حرج فبها أفتخب بأن أهلي الجعلية النوراب كانت مسقط رأسهم ولا اعتقد بأن أسماء الحاج عبد الرحيم والمهدي خلف الله (منازلهما جوار الجامع وتحت شجرة الدومة المشهورة في سقادي والتي قامت عليها عدة أساطير أو حقائق) خفية عليك وأيضا من ابناء خالاتي واعمامي هناك العبيد ود اللمين ، أولاد عبد المنطلب حول الدومة (أحمد ومحمد) ..


    بالمناسبة ايضا والدتي هي إبنة خال أبي مما يجعل جميع الأسماء الواردة أعلاه بمثابة القرابة أبناء أعمامي أو أبناء أخوالي ...


    صنفرة :

    هسي يجي بشاشا يطلعم لي جايين من سيرا(ليون) أو سيرا (لبوة)
                   |Articles |News |مقالات |بيانات

21-11-2005, 03:20 PM

Ahmed Abdallah
<aAhmed Abdallah
تاريخ التسجيل: 12-08-2005
مجموع المشاركات: 5193

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: ناذر محمد الخليفة)

    Quote: في الحليلة اخي عبد الله عقيد توجد أسرة أولاد عثمان بن عوف ..





    Quote: وحاليا يتواجد في الحليلة قريبي وإبن عم والدي المعز محمد أحمد إبراهيم



    Quote: علاقة الجوار بين ام علي والحليلة ..



    هوي يا ناذر ...كلوا عرفناهو كمان عاوز تتسلبط في أهلنا ...
    كل حاجة ولا جبل أم علي دي أو الحليلة ... أسال ودعقيد وهو بقول ليك ......
                   |Articles |News |مقالات |بيانات

22-11-2005, 00:10 AM

osama elkhawad
<aosama elkhawad
تاريخ التسجيل: 31-12-2002
مجموع المشاركات: 12405

للتواصل معنا

FaceBook
تويتر Twitter
YouTube


عن العازف :حسن خواض (Re: Ahmed Abdallah)

    عزيزي ود عقيد
    حقيقة الوقت يسرقنا
    وهنالك بوست في سودان للجميع ,
    وبوست لاهوت الوردة فيه شغل كثير لم افرغ منه بعد
    ومرحبا بك في بهو انقلابات

    ساحاول ان اعد مداخلة عن علاقتي بعمي العازف المعروف:
    حسن خواض
    وهي ستكون أدخل في باب السيرة الذاتية منها في باب الحديث عن انجازه الموسيقي

    وكنت افضل ان يتحدث عنها موسيقي عارف مثل:
    يوسف الموصلي

    واذا قبلت ذلك ساعود حتما
    محبتي
    المشاء
                   |Articles |News |مقالات |بيانات

22-11-2005, 07:38 AM

عبد الله عقيد
<aعبد الله عقيد
تاريخ التسجيل: 20-09-2005
مجموع المشاركات: 3728

للتواصل معنا

FaceBook
تويتر Twitter
YouTube


Re: عن العازف :حسن خواض (Re: osama elkhawad)

    عزيزي المشاء
    لك المودة

    أنا في مقام الامتنان لكل ما تضيفه هنا
    ولست في مقام من يقبل أو لا يقبل
    فالمكان مكانك..
    بل أنت أكثر اهلية مني للحديث عن كبوشية
    وأهلها.. فأنت ابنها الذي ولد فيها
    أما أنا فمن (ضواحيها).. واتحدث عنها
    حديث الممتن لبلد أنجب كل هذا الجمال
    ...
    يا ريت يجينا الموصلي يحدثنا عن
    الموسيقي حسن الخواض
    وتجد أنت وقتا لتضيف
    فنحن لا نستغنى
    ولك التحية والتقدير
                   |Articles |News |مقالات |بيانات

22-11-2005, 08:13 AM

عبد الله عقيد
<aعبد الله عقيد
تاريخ التسجيل: 20-09-2005
مجموع المشاركات: 3728

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: ناذر محمد الخليفة)

    اخي العزيز ناذر
    لك خالص التحية
    وأشكرك على استجابتك وتعريفي بصلتك بهذه الأسر الكريمة التي
    تجاوِرنا وتعاشِرنا وبيننا وبينهم علاقات قربى ومودة..
    بالفعل كل من ذكرتهم ينتمون إلى أسرة (النوراب) بالشبيلية
    فأسرة عمنا محمد مختار، وأسرة عمنا عثمان ابن عوف
    وجميع أهلهم هم احبابنا واخوتنا وجيراننا وأنسباءنا
    ومنذ أن ربطت أنت بين الحليلة والشبيلية وسقادي
    برزت في خاطري صورة عمنا ابو القاسم محجوب
    فشخصيته ارتبطت لدينا بهذه القرى الثلاث
    حيث كان يسكن الشبيلية، ويؤم صلاةالجمعة بمسجد سقادي
    وعند رحلته الأسبوعية بين سقادي والشبيلية يمر بالحليلة
    وله فيها أخوات..
    جميل أن نعرف عنك كل هذا.. وبالفعل تزوج المعز عيد الأضحى
    الماضي وأظنك ذهبت إلى هناك لحضور زواجه.
    أشكرك على هذه المعلومات الثرة
    ولك خالص تقديري
                   |Articles |News |مقالات |بيانات

22-11-2005, 06:28 AM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29121

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: عبد الله عقيد)

    !!!!!!!!!!!!!!!!

    الأخ أحمد عبد الله

    Quote: هوي يا ناذر ...كلوا عرفناهو كمان عاوز تتسلبط في أهلنا ...
    كل حاجة ولا جبل أم علي دي أو الحليلة ... أسال ودعقيد وهو بقول ليك ......


    يعني الأسماء دي يا أخوي وبي كل الوصف والإتجاهات أنا قاطعا من راسي ولا شنو

    يا أخوي أنحنا أصحاب ودي قبلت بيها لكن ما تبالغ كمان توصلا لي أهل وصلة رحم

    صنفرة :

    كدي قول العنب في عفراء تلاتة مرات عشان أصدقك
                   |Articles |News |مقالات |بيانات

22-11-2005, 12:46 PM

عبد الله عقيد
<aعبد الله عقيد
تاريخ التسجيل: 20-09-2005
مجموع المشاركات: 3728

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: ناذر محمد الخليفة)

    Quote: يا أخوي أنحنا أصحاب ودي قبلت بيها لكن ما
    تبالغ كمان توصلا لي أهل وصلة رحم



    يا ناذر يا خوي احمد عبد الله دا عمرابي ود شيوخ
    جدو حامد اب عصا صقر الغبيشا
    دحين الراجل مو داب صُحبة الزول قريبك تب

    لك ولاحمد خالص التحايا
                   |Articles |News |مقالات |بيانات

22-11-2005, 01:47 PM

Ahmed Abdallah
<aAhmed Abdallah
تاريخ التسجيل: 12-08-2005
مجموع المشاركات: 5193

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: ناذر محمد الخليفة)

    Quote: يا أخوي أنحنا أصحاب ودي قبلت بيها




    ومنوا القال ليك أنا قبلان ... بالانجليزي you wish

    Quote: كمان توصلا لي أهل وصلة رحم



    ده يكون يوم سعدك وهناك ....

    ده كلوا ما بحلك من كودي !!!!!!!!!
                   |Articles |News |مقالات |بيانات

23-11-2005, 07:11 AM

عبد الله عقيد
<aعبد الله عقيد
تاريخ التسجيل: 20-09-2005
مجموع المشاركات: 3728

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: Ahmed Abdallah)

    احمد عبد الله
    كيف حالك
    ياخوي ناذر دا طلع ولدنا
    وبعد دا ما بنلعب فوقو
    ما بنخلي براهو
    ولا رايك شنو؟
                   |Articles |News |مقالات |بيانات

24-11-2005, 03:05 AM

saifkeli
<asaifkeli
تاريخ التسجيل: 02-02-2003
مجموع المشاركات: 572

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: عبد الله عقيد)


    مواصلة لأشعار الهمباتة :

    أكسر الهُربة سيلاً داوي
    قلبك طفشو الصرّيع من العنجاوي
    حلف يا الهايف أب كوراً بيرطن عاوي
    اتح بك يوت على الفدعة أم حسيساً تاوي

    ماني دغور بيوت بعقب بحل الصُرّة
    ماني الخاين الـ بتبدك اخون الحرة
    بختر ديمة في وسط الهجايم برة
    داخرو ضراعي لي يوما حديدو مشرّا

    يوماً بي مجالس أمات عروض بنفرّّق
    ويوماً نحنا في العقبة اللهيبة بحرّّق
    يا مسيكة البدِف من الدميرة مشرّّق
    برضيك بي ردايفاًّ قلبي ليهن جرّق

    من زمن الخليفة الحال بقت مرهونة
    عضّام ناسنا راقدات في المشانق شونة
    بالقيد والسجن يا احمودة ما بيهدونا
    نحنا أخوان بريريبة الجزو..الدرفونة
                   |Articles |News |مقالات |بيانات

24-11-2005, 07:04 AM

عبد الله عقيد
<aعبد الله عقيد
تاريخ التسجيل: 20-09-2005
مجموع المشاركات: 3728

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: saifkeli)

    شكرا سيف ود العقاب
    على هذا التجلي
    وهذه الروائع من كلمات ود ضحوية
    لا يزال مطمعنا في المزيد من الإثراء
    لهذا البوست والمزيد من مدد هذا الفارس

    وقد بحثت في ذاكرتي عما كنت احفظه
    من أشعاره، ولم أجد غير القليل
    ومن ضمنه (أنصاف) رباعيات مثل هذه:

    الليل بوبا يا (اب تقزي) النعايم غزّن
    والناس نامو يا (اب شنشون) عيوني بـ عزّن
    ......
    ........

    وهذه:
    .........
    ........
    يعزل ام دانقس الريشا الهبوب بتلفّو
    يصبح سيدا يخمِش في التراب ويسفّو
                   |Articles |News |مقالات |بيانات

24-11-2005, 07:33 AM

Yahia Abd El Kareem
<aYahia Abd El Kareem
تاريخ التسجيل: 26-02-2005
مجموع المشاركات: 829

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: عبد الله عقيد)


    ود العقيد...

    السيف البضوى فى كلى....

    التحية والانحناءة لكما ....وانتما تنثران دررا تضىء هذا البوست النضاح بقيم

    الجمال والعشق والفروسية والمروءة والنخوة والكرم و..و..

    ساظل قارئاالى ان تسمح لى العدة والعتاد لدخول هذه اللجة مشاركا ...

    دمتما فى نعيم وهناء وانتما تنشران زخم التراث وعبق الماضى ....
                   |Articles |News |مقالات |بيانات

24-11-2005, 01:34 PM

عبد الله عقيد
<aعبد الله عقيد
تاريخ التسجيل: 20-09-2005
مجموع المشاركات: 3728

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: Yahia Abd El Kareem)

    Quote: ساظل قارئاالى ان تسمح لى العدة والعتاد لدخول هذه اللجة مشاركا ...


    عزيزنا يحي عبد الكريم
    لك التحية والتقدير
    نشكرك على المرور ونأمل أن يكتمل عتادك قريبا
    لتعرفنا بالمبدعين من المغاوير وما جاورها

    ولك المودة
                   |Articles |News |مقالات |بيانات

24-11-2005, 02:01 PM

osama elkhawad
<aosama elkhawad
تاريخ التسجيل: 31-12-2002
مجموع المشاركات: 12405

للتواصل معنا

FaceBook
تويتر Twitter
YouTube


المبدع الشاب :ايهاب ابا سعيد (Re: عبد الله عقيد)

    عزيزي ود عقيد
    اهو جيتك صادي واتذكرت مبدع شاب ,ابوه من ديم القراي,
    وهو واحد من الجيل الحديث من المبدعين في الاسرة الخواضية
    الا وهو :
    ايهاب ابا سعيد
    وهو ابن عمي
    وابوه من ديم القراي
    وهو يحاول في محاولته الموسيقية تقديم موسيقى شبابية تستفيد من الراب
    كما انه يغني باللهجة الخليجية ,لانه تربي هنالك,
    وامه مصرية
    يعني هو خلاسي ومتعدد الانتماءات الثقافية
    وهو يعيش في ولاية فرجينيا ولديه معمل صوتي
    واصلا هو مهندس معماري
    أدناه موقعه على الشبكة:
    http://www.addistewlid.com/ehab/
    محبتي
    المشاء
                   |Articles |News |مقالات |بيانات

24-11-2005, 02:19 PM

osama elkhawad
<aosama elkhawad
تاريخ التسجيل: 31-12-2002
مجموع المشاركات: 12405

للتواصل معنا

FaceBook
تويتر Twitter
YouTube


Re: المبدع الشاب :ايهاب ابا سعيد (Re: osama elkhawad)

    سبق للاخ وورروووك ان نشر نصا غنائيا لايهاب اباسعيد
    وهنا الرابط للاستماع الى تجربته في المزج بين اللهجة السودانية والخليجية والمصرية,
    وكذلك الاستفادة من اسلوب الراب الموسيقي:
    http://67.15.64.119/cgi-bin/sdb/2bb.cgi?seq=msg&board=1&msg=1035354775

    محبتي
    المشاء
                   |Articles |News |مقالات |بيانات

24-11-2005, 04:03 PM

osama elkhawad
<aosama elkhawad
تاريخ التسجيل: 31-12-2002
مجموع المشاركات: 12405

للتواصل معنا

FaceBook
تويتر Twitter
YouTube


الأجيال المبدعة في العائلة الخواضية (Re: osama elkhawad)

    ساعود اخي ود عقيد بمناسبة الحديث عن الشاب المبدع:
    ايهاب ابا سعيد
    للحديث عن علاقتي بعمي الموسيقار الكبير:
    حسن خواض
    ومحاولة اجراء مقارنة بين وضع المبدع و الفنان في العائلة الخواضية في تاريخها
    الابداعي الحافل
    محبتي
    المشاء
                   |Articles |News |مقالات |بيانات

26-11-2005, 06:46 AM

saifkeli
<asaifkeli
تاريخ التسجيل: 02-02-2003
مجموع المشاركات: 572

للتواصل معنا

FaceBook
تويتر Twitter
YouTube


Re: الأجيال المبدعة في العائلة الخواضية (Re: osama elkhawad)


    وهذه مجادعات بين المرحوم دفع الله العسيكري والتوم اللغا

    أم فراً متل برق الدجي المساوي
    نيران أم خدود إتلبسني كساوي
    حكلية التراية الحارسا النمساوي
    دوّر فوقا خلاني الضفادع أساوي

    شتلة وادي شبرا الما بنوم نحاتا
    حُراتا الفرانسة ومبدرين حشاتا
    طقسها الليلة منها ما بفش كشاتا
    من عين الحسود يسرلو ساكن شاتا

    شتلة وادي شبرا الفي الزرع مفروقة
    حُراتا الفرانسة وبالجلاد ماروقا
    طقسها الليلة منها في التُقل والروقة
    في جنات عدن يا خِلي ماسكة عروقا

    شتلة وادي شبرا الزارعا إتعنالا
    حُراتا اليهود عصفوري ما اتدنالا
    من بدري الوكيت هبَّ النسيم هنالا
    زادت نار أم لهيب العاشق إن غنالا

    الليلة البريق فوق شبرا واتحالا
    هيجت مقلتي والكبدة زاد إنحالا
    آلاف السلام مني يوت يوحالا
    يغشى مساء وصباح ويأتيني شيء من حالا
                   |Articles |News |مقالات |بيانات

26-11-2005, 07:16 AM

عبد الله عقيد
<aعبد الله عقيد
تاريخ التسجيل: 20-09-2005
مجموع المشاركات: 3728

للتواصل معنا

FaceBook
تويتر Twitter
YouTube


Re: الأجيال المبدعة في العائلة الخواضية (Re: osama elkhawad)

    أستاذنا العزيز أسامة الخواض
    لك التحية والتقدير
    وتشكر على المرور رغم الزحمة
    وقد حاولت الاستماع من الوصلة التي
    وضعتّها للمقطع الخاص بإيهاب أبا سعيد
    ولكني لم أستطع السماع
    وأرجو أن تتاح فرصة لنا للاستماع
    لهذه الموهبة الموسيقية التي جمعت
    بين مختلف الثقافات..
    كما سنظل ننتظر حديثك عن الموسيقار
    حسن الخواض وعلاقة الأسرة الخواضية
    بالفن.. وبالشعر
    حتى وإن طال الغياب

    ولك المودة
                   |Articles |News |مقالات |بيانات

26-11-2005, 07:55 AM

عبد الله عقيد
<aعبد الله عقيد
تاريخ التسجيل: 20-09-2005
مجموع المشاركات: 3728

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: عبد الله عقيد)

    عزيزنا الأرباب ود العقاب
    تشكر يا ود كلي المعروفة
    المنصورة مي مكسوفة

    وليتك تمدنا بما قيل عن كلي
    من رصين الكلمات

    ولك التحية
                   |Articles |News |مقالات |بيانات

27-11-2005, 06:33 AM

saifkeli
<asaifkeli
تاريخ التسجيل: 02-02-2003
مجموع المشاركات: 572

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: عبد الله عقيد)

    مواصلة لتوثيق أشعار الهمباتة

    ود المُـرّة والشراد تركة الفايق
    حد راحتك كِمِل الكرامات التلاتة وسايق
    على بلد الخدودا رتينة حظّها رايق
    عشرين ميل تكيلن في تمانية دقايق

    يا ستار على ركب الجنين القفو
    يلقوا الغدرة في إبل البدان يتشفو
    يعزلو ام دانس الريشا الهبوب بتلفو
    يصبح سيدا يخمش في التراب ويسفو

    ((الأخ ود عقيد هذه بداية البيتين الذكرتهم أعلاه))

    يوماً نركب البَكرة ونمصرو ثديها
    ويومً بنشق عتاميراً بعيدة وتيهـا
    يا نفس الرماد المتعة كملتيها
    أبقي لزومة وكت القرعة وقعت فيها

    (يروى أنها أبيات الطيب ود ضحوية وهو على فراش الموت)

    الليلة القعود سوى السفر في نيتو
    طِِـرا ناس النِّقينق وزوّدن جنيتو
    البهم البتيتل بى فريق مكنيتو
    هو اليعمل جناية أنا مستعد لى ديتو
                   |Articles |News |مقالات |بيانات

27-11-2005, 10:29 AM

عبد الله عقيد
<aعبد الله عقيد
تاريخ التسجيل: 20-09-2005
مجموع المشاركات: 3728

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: saifkeli)

    أخي سيف كلي
    أشكر لك إضافاتك الثرية
    ولا زلنا نطلب المزيد من مخزونك الثر

    وسنعرج على دفع الله العسيكري وما قاله عن كلي

    إن شاء الله بسطا دايم
    يا كلينا ام ريلا عايم

    القبلي جاب لي نسايم
    خاتي العجاج وسمايم
    حويتك الله الدايم
    يا كلينا ام ريلا عايم


    والتي أعجبني فيها هذا الوصف أيما إعجاب:

    سايق الوضيب مِتّاقي
    ولابس الحِشم عراقي


    وفي روياة (لابس الحسُُن عراقي)

    ليتك تتطرق لها
    ولنا عودة بإذن الله

    لك التقدير
                   |Articles |News |مقالات |بيانات

28-11-2005, 06:55 AM

عبد الله عقيد
<aعبد الله عقيد
تاريخ التسجيل: 20-09-2005
مجموع المشاركات: 3728

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: عبد الله عقيد)

    ..........
                   |Articles |News |مقالات |بيانات

30-11-2005, 06:05 AM

saifkeli
<asaifkeli
تاريخ التسجيل: 02-02-2003
مجموع المشاركات: 572

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: عبد الله عقيد)

    أخي ود عقيد والأحباء أبناء المنطقة الرائعة كبوشية وأهلها شمالا وجنوباً .. شرقاً في وادي الهواد وغربها من الحرة لى ود ضبعة ...
    كنت أود أخي عبد الله أن أواصل في كتابة أشعار منطقة كلي .. لكن دائماً أجد الزحمة في العمل والمجاملات نهاية الأسبوع .. ولدي الكثير الذي يحتاج لزرعه هنا .. فقط يحتاج مني لطباعته وقبل ذلك فرزه من كومة أوراق أحتفظ ببعضها في السودان .. وسأكون حاضراً بما لدي الآن بما استرق من وقت في العمل .. ونشكر للجميع اهتمامهم بتراث المنطقة والتوثيق له .. فهو نبع أصيل .. ومولود مؤصل لهذه البقعة المباركة .. أرض الحضارات والتميز

    ولكم بعض أبيات الهمباتة من باب التوثيق .. والمعذرة للأخوان في عدم ذكر رواتها لأنني بصراحة كان لدي هواية في جمع التراث وأشعار البادية من جميع أنحاء السودان دون الحرص على تدوين رواتها .. ولكن أرى أن للأخ ود عقيد المقدرة بالشرح وتبيان أصحاب الأشعار رغم أنني أحياناً أقرأ أبيات أحس فيهابصمة الطيب ود ضحوية .. فهو أكثر شعراء البوادي الذي يشحنون المعاني الكثيرة في أبيات أو كلمات قليلة وتأتي معبرة جزلة قوية .. موزونة .. ومعاً إن شاء من أجل جعل هذا البوست كافياً شافياً مطرزاً بكل إبداع ومتقناً خالي من أي شائبة .. فلكم الود كله:


    ضربولنا الجرس متل العساكر جينا
    نتّالب على الحاكم .. وليد ما فينا
    قول للتاية و الرعنا أم شلوخاً زينة
    عكيناها بالهاري السقايتو سنينة

    يا هجام فريق اللى الوشاة ما لفّق
    ترير عجلك على الكور اب نواصل شفق
    يا طير الزرازير أب جناحا صفق
    شيشك خسّر العاج حِبرك الإتدفّق

    الليل حيلو روح وحس سروجنا يبنِّن
    جدع النمة وداب زيد وصوتو يحنن
    نحن الكسر النظرة عيونا تجنِّن
    ديمة درقنا بي دم الرجال متحنِّن

    حجار المقانص جيتو ناجع بارى
    تلعب في هيوتك وجم قفاك متجارى
    كان يا عاصى ما تسوى السفر قنجارى
    ما بتسلى بى مكلوف على الدينارى

    هبار الكفوف القاجّة دودو طافر
    تر مسارعو هيّق فيها سالو مسافر
    أكان ما يبقى خبك يا المفزّع وافر
    بيش بدانى عابدات الشباب يا الكافر

    عقب العقدة سحار الغروب الكافر
    ناطح الما بقول جيبولى ولّا بعافر
    الما قالو يا تيس قُنّة جنو ازافر
    دنيت دوارو زندية وخبيبا وافر

    (عدل بواسطة saifkeli on 30-11-2005, 06:38 AM)
    (عدل بواسطة saifkeli on 30-11-2005, 07:35 AM)

                   |Articles |News |مقالات |بيانات

01-12-2005, 08:12 AM

عبد الله عقيد
<aعبد الله عقيد
تاريخ التسجيل: 20-09-2005
مجموع المشاركات: 3728

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: saifkeli)

    لك وافر الشكر والتقدير أخي سيف
    فأنت تسعفنا دائما بالرائع الناصع
    من أبيات الهمباتة، وأكثرها أشعار
    الطيب ود ضحوية..
    لك وافر التقدير
    وفي انتظار المزيد متى سمح لك وقتك بذلك
                   |Articles |News |مقالات |بيانات

02-12-2005, 00:15 AM

atbarawi
<aatbarawi
تاريخ التسجيل: 22-11-2002
مجموع المشاركات: 987

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: عبد الله عقيد)

    الاخ عبد الله عقيد
    سلامات
    اتابع من فترة هذا البوست الشيق والمثير في آن0 والحقيقة كان من الممكن أن اكتفي بالمتابعة والمتعة ، ولكن00 بعد قليل من التمحيص في بداية البوست وجدت هناك ما يصلح لأن يكون مداخلة نقدية ، أرى أن التطرق لها جدير بأن يضفي بعض التنوع عليه،ويكسر ايقاع المزاج الواحد الذي سيطر عليه اخيرا0


    Quote: كبوشية الحديثة.. تعتبر منبت الفن في السودان، فن الغناء، وهذه حقيقة لا ينكرها عارف.. فالمؤرخين للأغنية السودانية، أكدوا أنها خرجت من رحم الحقيبة، التي خرجت بدورها من رحم أغنية كبوشية.. والتي اصطلح الناس على تسميتها أغاني الطمبارة..



    وردت هذه الفقرة في بداية البوست ، ومما يلفت النظر هو اطلاقيتها وتعميمهاخصوصا عبارة "منبت الفن في السودان"، ولكن هل الأمر بهذه الاطلاقية أم أن شحنة عاطفية طغت على الذهن في تلك اللحظة وخرجت العبارة من اضابير "لغة المشافهة" استلافا لتعبير الاخ اسامة الخواض؟؟ وطالما نحن هنا بصدد الكتابةالتوثيقية اذن هناك مبرر لفحص المعلومة من واقع منهجي حتى تعم الفائدة بعيدا عن التبخيس وباالتالي التهويل0 أرجو أن لا يثير ذلك حفيظة الاخوة بورداب كبوشية، فالتقدير محفوظ لكل من اسهم في صياغة الوجدان السوداني باتساعه، والذي هو بداهة ضد كل اختزال أو احتكار0

    صحيح أن " ود الفكي" بقدومه الى الخرطوم حاملا معه ارث منطقةالجعليين الغنائي "غناء الطمبرة" أو "الحومبي" كما يسمى في مناطق أخرى، قد أحدث ثورة غنائية بالمعنى الدقيقي للكلمة- وأصبح ملك الساحة ونجم زمانه دون منازع، وبلغ من الشهرة أوجاً أن الفتيات كن يصففن شعر رؤوسهن بطريقة يعمدن فيها الى شقه نهرين ، مع الحرص على اظهار مفرق الرأٍس، وكن يسمين تلك التسريحة "شارع ود الفكي"!*

    ولكن لا يعني ذلك بأي حال من الاحوال أنه قبل ود الفكي لم يعرف غناء في أمدرمان، فواقع الحال يقول أن غناء الدوبيت كان هو المسيطر على الساحة، ولا أعتقد أن غناء الدوبيت منبعه كبوشية0 كما كان هناك ايضا غناء "الطنبور" - وهو غير "الطمبرة" في مناطق الشايقية والمناصير، وقد كان ايضا موجوداً على ساحةالغناء بامدرمان قبل قدوم ود الفكي0 هذا فضلا عن "التم تم" الذي كان يغنى على استحياء حتى اقتصر على النساء فقط لفترة من الزمن0 أما لماذا لم يكسر هذا النوع من الغناء الدنيا كما فعل "ودالفكي" رغم تطريبه العالي وشاعريه أهله الفذه؟، فهذا ما سوف احاول التطرق اليه تحليلاً للمزاج العام والثقافة السائدة وقتها في أمدرمان والتي رحبت بغناء ود الفكي الذي انبثقت منه الأغنية الحديثة أو "الحقيبة" -كما هو متعارف- ، وهو انبثاق تم بمقدار وليس باطلاق كما توحي عبارات الاخ عبد الله عقيد0 في الوقت الذي رفضت فيه "الطنبور" و "التم تم"، رغم انتصارهما لاحقاورفدهما للاغنية الحديثة على حساب "الطمبرة" التي تراجع دورها الى حد التلاشي0
    كل هذا وذاك سيكون ملتقانا في المداخلة القادمة0
    فتكم بعافية
    عبد الخالق السر

    هوامش
    * الغناء والموسيقى في السودان ص 79 معاوية حسن يسن
                   |Articles |News |مقالات |بيانات

03-12-2005, 01:47 AM

saifkeli
<asaifkeli
تاريخ التسجيل: 02-02-2003
مجموع المشاركات: 572

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: atbarawi)

    تكلمة لأشعار الهمباتة ومواصلة للمشاركة الأخيرة:


    قول لى طـه سيبك من نعاج وعمارة
    الناس في بسِـط والقبلـة توقـد نارهـا
    شاحد الله الكريم تكتَل حبش نُـقارة
    من عدو لى صليح نبسط بريريب جارة

    ما بتبّع لساني ولا رفيقو بعيقو
    يا ستار على الفضحة الجنينا يضيقو
    السجن البنسّي الزول تملّي رفيقو
    نحن جرارقو والحار فوقو كلو نطيقو

    ما يهمِّك فزع ناسا كُُتار منهدّّة
    زوزي ونسِّفي اللاعند الفنايد نــدّّا
    يعجبك عوسنا وكتين الضراع ينمـــدَّّ
    عودي الرقصة عقبان السما الينقــدَّّ

    مطيمير سِعدة ايدك جاتو حامي تريرة
    ناطح البى غراما مجرِّعاني مريرا
    فوسيبة الترى الاتمايحت فى قريرا
    بينك وبينا يا العنافي قلعة ريرة

    دهاريب الظلام والليل
    أنا ما بهمني .. يا تيس انتبه في شليل
    الدمّاعو جدول بالدكاكر سيل
    قِرِب يا داوي فضل منو واحد ميل
                   |Articles |News |مقالات |بيانات

03-12-2005, 02:58 AM

atbarawi
<aatbarawi
تاريخ التسجيل: 22-11-2002
مجموع المشاركات: 987

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: atbarawi)

    قبل أن نواصل في تحليل المزاج العام والثقافة السائدة لأمدرمان وقتها مما كان سبب في تسيد أغنية ود الفكي للساحة، يجب أن اتوقف هنا قليلا أمام عبارة "فن الغناء السوداني" وهي عبارة مقصود بها الأغنية السائدة اليوم أو أغنية امدرمان كما اصطلح عليها0 وهي عبارة اطلاقية بلا شك، وقد باتت تثير حفيظة الكثيرين في سودان اليوم "المقر" بالتعدديةالثقافية - طوعاً أو كراهة- ، ويكفي هذا الصدد الاشارة الى بوست الاخ عزت الماهري "درمنة السودان000"،ورغم اختلافي في معنى مصطلح "اغنية أمدرمان" وذلك شأن آخر مكانه بوست منفصل باذن الله، الا أن المقصد أنه لم يعد بالامكان تقبل هذا الوصف الاطلاقي وبتلك الاريحية التي جبلنا عليها0 فالاغنية المعاصرة مهما كانت عظمتها وثقل نصيبها في تشكيل الوجدان السوداني، الا أن ذلك لا يجب أن يعمينا عن توسدها كتف المركز وآلياته لتلغي أو تضعف التنوع الابداعي الثر الذي كان من الممكن في ظل المنافسة العادلة أن يعبر عن نفسه بشكل أفضل مما هو الآن.

    سيقودنا هذا التنويه ويساعدنا في الكشف عن ملابسات تسيد أغنية "الطنبرة" ممثلة في اشهر مغنييها " ود الفكي" وتلاميذه من فتية أمدرمان أمثال سرور والامين برهان، قبل أن يجهز الأول على هذا النوع من الغناء بميلاد الأغنية المعاصرة.

    يمثل غناء الطمبرة - بشكل ما- انعكاس لثقافة مجتمعات الجعلية المحافظة ، وحتى ينجح في اكتساب وضعيته كان لا بد أن يستبطن المعايير القيمية لهذا المجتمع والذي يشكل مفهوم "الرجالة" بكل دلالاتها وتعقيداتها محور القيم في هذه المنظومة0 وفق ذلك، اذن لا بد للاغنية لحنا ومضمونا واداءاً أن تتسق مع هذا المنظور للرجالة0 ورغم ذلك كان من الصعب على الفنان أن يحظى بالاحترام مهما كانت درجة التفاني والانصياع للمنظومة القيمية للمجتمع0 في اعتقادي كان هذا هو واقع الحال في مجتمع "امدرمان المهدية" المحافظ والمغالي في محافظته حيث كان التأثير المهدوي ما زال في أوجه رغم زوال الدولة نفسها. اذن كان المزاج العام مهيئاً لقبول أغنية ودالفكي، من واقع أنها نسخة أكثر تطورا للدوبيت من زاوية التطريب والآداء الفني، ولكنها في ذات الوقت تحمل في جوفها كل دلالات الانصياع لمعايير القيم والاخلاق في المجتمع المحافظ لأمدرمان.
    لا شك أن واقع كون الفنان دوما متهم في رجولته- لمجرد أنه فنان- خلق جوا من الابتزاز النفسي جعله لا يألو جهداً في ابراز كل ما في وسعه لدحض هذه التهمة المدمرة ان كان ذلك غناءاً أم سلوكا، ولعل اسباب اعتزال ودالفكي للغناء وقتها وهو في عنفوان مجده ما يؤكد ذلك:
    Quote: "اعتزل ود الفكي الغناء كلية بعد ما ضاقت نفسه بما ابتدعه المجتمع في ذلك الوقت من احتفاء متكلف بالمطربين على قلة عددهم. وكان يقول لمن رافقوه ابان تلك الفترة انه لن يقبل مطلقاً أن يغني مقابل أجر، وكان يتضايق غاية الضيق من الأسر التي تدعوه الى احياء حفلاتها وترسل اليه سيارة لتقله الى دارها(1)"!!.
    ، ومن هنا نستطيع أن نفهم لماذا اعتزل سرور "أبو الاغنية المعاصرة" الغناء عندما غنت الفنانة عائشة الفلاتية على الاذاعة كأول امراة تنال هذا الشرف(2)!!.

    كان هذا هو الجو العام الذي سمح لأغنية ود الفكي القادمة من كبوشية أن تتربع على الساحة لفترة من الزمن، وهو جو في مجمله يتعلق بالمزاج العام المحافظ كما ذكرنا0 كما أنه في ذات الوقت كان حجر عثرة لانطلاق الوان أخرى من الفن وجدت عنتا ومشقة لتعبر عن نفسها0 من تلك الألوان أغنية "الطمبور" القادمة من ديار الشايقية والمناصير، استوطنت الخرطوم منذ تاريخ قديم، ولكن الشاهد انها لم تجد رواجا في تلك الفترة، ربما لأن ايقاعها الحار وتطريبها الأخاذ وكلماتها الموغلة في العاطفية كانت أكبر مما تحتملها النفس المحافظة فتخشى أن تخرج من وقارها0 وربما استطال الأمر فبلغ تخوم الحزازات القبيلة والعنصرية التاريخية التي تسم علاقات هه القبائل، مما كان سببا اضافيا في تجاهل هذا النوع من الفن وقتها0

    هناك ايضا غناء "التم تم" الذي تقول المطربة عائشة الفلاتية ان توأماً من مدينة كوستي تسميان "أم زوايد" و "أم بشار" هما اللتان ابتدعتاه"(3) ، قد واجه حربا ضروس من مجتمع امدرمان المحافظ "ووصف بشتى النعوت والاوصاف السيئة للقضاء عليه"0 واتهم بأنه يؤدي الى تمييع أخلاق سكان البلاد"(4)!!!!0

    الطريف في الأمر أن الذين كانوا على راس المحاربين للتم تم هم المطربون والشعراء ، وربما يعود ذلك الى جو الابتزاز والتلويح بسيف الرجالة المسلط على الرقاب.

    المنحى الآخر في هذا المقال، هل الأغنية الحديثة انبثقت من غناء كبوشية ممثلة في ود الفكي "كما يقول ود عقيد" أم كانت مفارقة لها؟ ليس من السهل الجزم باحدى الاجابتين، وكا نوهت من قبل فالامر قد تم بمقدار وليس باطلاق0 ورغم ان الأمر قد تم صدفة فيما عرف باضراب "الطنابرة" المصاحبين لسرور، الا أنه من المؤكد ان المحاولة الجديدة التي ابتدعها سرور كانت مفارقة من حيث الشكل والنوع لأغنية "كبوشية"، الا انها لم ترقى لمرحلة الهدم، بقدر ما انه كان تنوع في التلحين وأساليب الآداء0 ان أغنية سرور دون شك كانت نقلة، كما كماكانت أغنية ود الفكي مقارنة مع أغنية الدوبيت0 وفي كلا الحالتين ما تم كان مفارقة للسائد ، حتى وان كان يحمل بعض سماته، وليس تطورا منبثقا منه0

    ختاما ، كانت تلك محاولة متواضعة للتواصل مع طرح البوست من زاوية تحليلية تحتمل ، بالطبع، نسبية الصحة0

    خالص المحبة
    عبد الخالق السر

    هوامش:
    (1) الغناء والموسيقى في السودان، معاوية يسن، ص 83
    (2) المصدر زاته ص 553 بتصرف
    (3) المصدر زاته ص 99
    (4) المصدر زاته ص 99
                   |Articles |News |مقالات |بيانات

03-12-2005, 06:07 AM

عبد الله عقيد
<aعبد الله عقيد
تاريخ التسجيل: 20-09-2005
مجموع المشاركات: 3728

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: atbarawi)

    الأخ عطبراوي
    لك التحية والتقدير

    أمتعتني مداخلتك الغنية
    واطمئنك أن الفوارق بين رؤيتينا ليست كبيرة
    وحول عبارة "منبت الفن في السودان" وعموميتها
    فربما أتفق معك في الرأي إلا أنني كنت أقصد
    بالتحديد فن الأغنية الحديثة.. وقد اطلعت
    على (جمعة جابر - الموسيقى السودانية) ومن خلال
    ما تراكم من استماعي لبرنامج حقيبة الفن
    وغيره من المرجعيات الإعلامية التي لا أستطيع التوثيق
    لها.
    وأراك أشرت إلى أن أغنية كبوشية (ود الفكي) ربما لا تعتبر
    مرجعا للحقيبة نفسها.. وهنا أختلف معك..
    أما عن التمتم فقد برز للوجود بعد أو مع ازدهار الحقيبة
    وهو من ضمن الإيقاعات التي لم تكن (معتمدة) وقد أشار
    جمعة جابر إلى أن زنقار و ابراهيم عبد الجليل هما الذان
    جعلا من إيقاع التمتم إيقاعا (محترما) إذا صحت الكلمة.
    ولنا عودة معك بإذن الله
                   |Articles |News |مقالات |بيانات

03-12-2005, 05:42 AM

gessan
<agessan
تاريخ التسجيل: 05-02-2002
مجموع المشاركات: 746

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: عبد الله عقيد)





    ود عقيد
    وكل المتداخين
    عذراً للغيبة ..
    واليك ما طلبته يا ودعقيد

    "حِميرا" نموذج من تراث كبوشية



    مع التحايا لكم جميعاً



                   |Articles |News |مقالات |بيانات

03-12-2005, 07:11 AM

عبد الله عقيد
<aعبد الله عقيد
تاريخ التسجيل: 20-09-2005
مجموع المشاركات: 3728

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: gessan)

    أخي العزيز قيسان
    لك الشكر والتقدير
    على استجابتك ومدنا
    بنموذج لأغنيات كبوشية
    (الدلوكة) وأرجع
    أن يستمع الجميع
    بأداء حميرا

    ولك كامل المودة
                   |Articles |News |مقالات |بيانات

04-12-2005, 08:00 AM

عبد الله عقيد
<aعبد الله عقيد
تاريخ التسجيل: 20-09-2005
مجموع المشاركات: 3728

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: عبد الله عقيد)

    الأخ عبد الخالق السر

    لك التحية مجددا
    وأشكرك على إثراء البوست بهذا الطرح التوثيقي المتقن
    وقد رددت سابقا على مداخلتك الأولى (فقط) قبل اطلاعي
    على المداخلة الثانية التي اكملت بها ما بدأته هناك.
    وبالنسبة للجدل حول إطلاق عبارة (أغنية السودان) على
    أغنية المركز كما سميتها.. فرأيي أن أغنية المركز
    هي التي جمعت (بصفة غالبة) كل إبداعات الأطراف.
    وتداولها شعرا ولحنا وأداءا صوتيا وموسيقيا كل
    أبناء السودان، كما اشترك الجميع في الاستماع والاستمتاع
    بها.. خلافا لأغنية الأطراف التي ظلت حتى الآن تراوح محلها
    ففي منطقة كبوشية (الجعليين) توجد أغنية الحماس (الدلوكة)
    وقد أورد الأخ قيسان عاليه نموذجا لها مشكورا.. وهي
    تظل أغنية الجعليين ولا أستطيع أن أطلق عليها اسم أغنية
    السودان، وهذا أيضا ينطبق على أغنية الطمبور عند الشايقية
    أو البجا أو غيرهم، وكذلك أغنيات الغرب والجنوب والأنقسنا.
    وإيقاعاتها ورقصاتها..
    وسأعود بإذن الله
    لك التقدير
                   |Articles |News |مقالات |بيانات

04-12-2005, 07:47 PM

atbarawi
<aatbarawi
تاريخ التسجيل: 22-11-2002
مجموع المشاركات: 987

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: عبد الله عقيد)

    ود عقيد سلامات

    Quote: وأراك أشرت إلى أن أغنية كبوشية (ود الفكي) ربما لا تعتبر
    مرجعا للحقيبة نفسها.. وهنا أختلف معك..


    حقيقة انا في مداخلتي لم انفي ولم أوكد، وكل ما عنيته أن التأثر تم بمقدار واشرت الى الفوارق بين الانماط الثلاث التي كانت سائدة، الدوبيت، الطمبرة والحقيبة0 ولو شئنا استلاف معيارك مع الامعان في الدقة وبالحساب الزمني يمكن ان نقول الدوبيت هو الاساس، هدا ان لم نرعى الفوارق البنائية في كل تجربة0 ولدلك قلت أن التأثر تم بمقدار ولكن كل لون كان مفارقا للسائد وليس تطويرا له0

    عن أغنية المركز، لا خلاف لي على أنها حاولت في سرورتها ان تستلف من كل الالوان الفنية لمختلف ثقافات السودان التي كانت متوفرة حين داك في امدرمان0 ولكن تنويهي على دور الاعلام الرسمي كحامل ثقافي واصراره على رسم شكل معين للهوية الابداعية ساهم في انتشار اغنية الحقيبة دون سواها، وهدا ليس قدحا في التجربة نفسها بقدر ما أنه حقيقة يجب الاقرار بها0 أقول مجددا ان هدا الاصرار حرم التنوع اللابداعي والثقافي ان ينمو في ظروف صحية كانت من المؤكد ستكون اكثر اشراقا0
    سلامي
    عبد الخالق
                   |Articles |News |مقالات |بيانات

05-12-2005, 08:29 AM

عبد الله عقيد
<aعبد الله عقيد
تاريخ التسجيل: 20-09-2005
مجموع المشاركات: 3728

للتواصل معنا

FaceBook
تويتر Twitter
YouTube


Re: كبوشـــية.. منبع الفن.. وادي عبقر السودان (Re: عبد الله عقيد)

    الأخ عبد الخالق السر
    لك التحية والتقدير

    عندما قلت إن أغنية كبوشي (الحمبي) أو اغنية (ود الفكي والحسن ود سالم)
    تعتبر الأساس لأغنية ام درمان التي سميت بالحقيبة والتي اعتبرت أساسا للأغنية
    السودانية الحديثة التي يشترك في إدائها كل السودانيون (كما ذكرت سابقا)
    استندت إلى (الواقع) حسب أجهزة الإعلام والباحثين الذين أرخوا للأغنية السودانية
    ما نناقشه الآن هو صحة هذا الواقع، وتسلط أجهزة الإعلام المركزية وفرضها
    لهوية محددة للأغنية السودانية وعدم أتاحة الفرصة لنمو لونية أخرى من مناطق
    أخرى لتصبح هي الأغنية السودانية أو جزء من لونيات الأغنية السودانية..
    إذا أتعمدنا المفهوم العام السائد واعتبرناه (ثابت) فأغنية كبوشية
    وليس (الدوبيت) الذي لا يعتبر أغنية بأي حال، هي الأصل الذي انطلقت
    منه الأغنية الحديثة..
    وهناك خطأ وقع فيه الكثير من الباحثين والمؤلفين حول تاريخ الأغنية السودانية
    وهو عدم استماعهم لأغنية كبوشية، لندرة ما هو مسجل منها، أو تقييمهم لها
    باعتبارها نوعا (ضعيفا) من الفنون كما فعل (جمعة جابر).
    أنا شخصيا أتيحت لي فرصة الاستماع والاستمتاع بأغنية كبوشية كما كانت تؤدى
    بالضبط، بنوعيها (التقيل، والخفيف) بمعايشتي للفنان (السايح ود حمد)
    وهو من القلائل الذين وثقوا لأغنية كبوشية في الإذاعة إلى جانب عبد الله الماحي
    وبشير الراطابي وربما قليلين غيرهم.
    وعلى هذا استندت في حديثي حول (أبوة) أو (أمومة) أغنية كبوشية للأغنية
    السودانية (بشكلها الحالي).. إضافة إلى المصادر التي ذكرتها سابقا.
    وللتدليل (الفني) أو (التكنيكي) حول هذا الادعاء يمكننا أن نعدد
    جوانب (التطور) والارتقاء التي صاحبت الأغنية الحديثة، التي يعتبرها عطباروي
    (مخالفة) أو (مختلفة) وأراها متطورة عن الاصل.. من حيث النموذج الشعري
    واللحني وتقنيات اللحن (التقيل، الخفيف) الإيقاع..
    فأغنية الحقيبة الأولى، كانت عبارة عن استبدال كرير الطمبارة وضربات العصا
    بـ (الصفقة) فقط.. وقد كانت الأغنية هي نفس أغنية ود الفكي، ثم جاء التطور
    بعد ذلك بأن طرق الشعراء بحورا وأوزانا جديدة في نظمهم، مما تطلب دخول
    إيقاعات جديدة، أعقبها استخدام آليات ضبط الإيقاع وكان أولها (الرق)
    الذي استمر استخدامه زمنا طويلا ومن ثم دخلت وسائل أخرى لضبط الإيقاع..
    وسنواصل بإذن الله
    ولك المودة
                   |Articles |News |مقالات |بيانات


[رد على الموضوع] صفحة 2 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de