|
|
 الجهل يهدم بيت العز والكرم... How to raise a future reader
|
ولدي محمود عمره خمسة سنين في Kg2... لسه شغالين في كلمات صغيرة بالانجليزي والعربي.. وحبّة math.. وشوية فرنسي كده... ده غير الدين والscience والgeneral knowledge...
من أكبر همومي اني ما عايزه ولدي يعتمد علي في دراسته.. عايزاه يكون واعي لواجبه نحو دراسته ويأديه من غير نقه.. والاهم من كده يأديه وهو مستمتع بيه، وشاعر بأهميته.. من خلال تجربة والدتي معانا، عارفه تماماً انه الحاجه دي ما بتجي بالنقة، وانها في احيان كتيره (اي النقه) ممكن تجيب نتايج عكسيه... انا مثلا، لما كنت ممتحنه شهادة، والدتي كانت ناقاني شديد.. فكنت بقعد في غرفة مافيها غير كتبي وكرتونه كبيره بتاعت جرايد.. وعشان ما اقرا كتبي، قريت الجرايد الفي الكرتونه من الغلاف للغلاف.. لحُسن الحظ، نجحت وعديت...
عشان ما اتوّهكم.. انا عايزه اتكلم عن محاور معينه.. وعايزه اقول تجربتي إلى الان مع محمود... لكن بهمني جداً أعرف آراء الناس (الدربهم مرق)... وما عانوا مع اولادهم... والعانوا ولازالوا يعانوا ديل ممكن يستفيدوا ويجوا يفضفضوا... خلونا نكتب الحاجات العايزنها على شكل نقاط.. ولو في زول عنده إضافة، مرحب بيه
- تعليم الطفل كيفية الدراسة لوحده وتحمل مسؤوليتها باشراف قليل...
- تحبيب الطفل في القراية الخارجية في ظل المغريات الكتيرة الموجودة حوله (تلفزيون، لعب، ألعاب إلكترونية).. الامريكان دليل على انه الحاجه دي ما مستحيلة.. شعب بحب القراءة جداً!
- مسألة الفروق الفردية... وممكن الزول يقرا ساعة يستفيد اكتر من البقرا خمسة ساعات... انا مثال حي، لو ما كده كان اكون لحدي حسي مع جرايدي ديك!
كالعادة.. البوست برعاية وفكرة مشتركة وbrainstorming مع فردتي الذكية smart_ana..
منتظرين
|
|
 
|
|
|
|
|
|
|
 Re: الجهل يهدم بيت العز والكرم... How to raise a future reader (Re: مريم بنت الحسين)
|
وده من شنو ده؟!!!!!!!!
| Quote: الدين والscience والgeneral knowledge... |
الدين دي مالا ما خايل فيها التنقليزي.
| Quote: لكن بهمني جداً أعرف آراء الناس (الدربهم مرق) |
يا أستاذه ..
خلي الولد يندرش.
باختصار ..
غالبية الناس العظما ديل كانوا من أفقر الناس وتربوا في ضهر الترع وبيوت القش وصاروا يشار إليهم بالبنان ..
...............................................................
الدلع .. أكبر كارثه كمان.
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: محمد قسم الله محمد)
|
الاخ محمد... من ناحية يندرش، ما تخاف... انا ولدي مدروش والحمدلله...  .. وعندي انه يكون زول هميم وملحلح شي مهم جداً... لكن ما قلت لي! علاقة كلامي الفوق بالدلع شنو!؟
بعدين عشان ولدي يطلع زول رهيب وخطير، نفك بيتنا الرهيب ده ونعيش في الترعة ولا كيف!! ونوقف أكل الجبنه وناكل قش ولا شنو؟!
كوني أهتم بدراسة ولدي ما معناها اني مدلعاه... وKG2 دي في الinternational schools مرحلة ما قبل المدرسة... يعني السنة الجاية حيكون grade 1...
بالمناسبة... احنا كلنا، انا واخواني التلاته ما اتربينا في ترعة... لكن ناجحين خالص... ما تخليني اشرح ليك قدر كيف...
تحياتي
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: مريم بنت الحسين)
|
| Quote: لكن ما قلت لي! علاقة كلامي الفوق بالدلع شنو!؟ |
أرجعي شوفي كلامك تاني ..
هو الدلع ده كيف؟؟
بخيت وسعيد عليك..
| Quote: ونعيش في الترعة ولا كيف!! |
الترعه بيعيش فيها السمك .. وما عنيتُه واضح..
رجائي هنا أن لا تجتزئي المعني.
| Quote: وKG2 دي في الinternational schools |
أيوااااااااااااااااااااااااااااااااااااااااااا.
نحنا ناس ترع ساي.
لكن علي بالطلاق الولد ده أحسن يندرش لزوم اللحلحه و...(إخشوشنوا فإنّ النعم لا تدوم).
| Quote: احنا كلنا، انا واخواني التلاته ما اتربينا في ترعة... لكن ناجحين خالص... ما تخليني اشرح ليك قدر كيف... |
أشرحي ..
لكن النجاح ما مقصور علي ناس القصور..
ناس الترع وبيوت القش فيهم ناس ما ساهلين..
الذي قصدتُه أنّ النجاح ليس صنواً (لأولاد الراحات بس) وفي روايه الحناكيش..
وأنت هنا تصنعين حنكوشاً بامتياز.
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: محمد قسم الله محمد)
|
صحبتى مريوم.....ربنا يوفقك مع محمود....و اخواته و اخوانه الجايين.
موض القراية الاكاديمية ده صعب افتى فيه. امى لو سالتيها بتقول ليك خليهم يحضروا التلفزون و بعدها يذاكروا (كنت ولازلت مجنونة تلفزيون).
حقيقى كل زول عندوا مفتاح معين. فى ناس بتذاكر عشان العلم فى حد ذاته. و فى ناس بتذاكر عشان عاوزين يجوا الاوائل و يبقوا احسن ناس فى الفصل. انا شخصيا كنت بذاكر لانى بخاف من الفضيحة. بخاف اطلع من الخمس الاوائل يقوموا اطفال الاسرة فى عمرى يضحكوا على.
الزمن ده لازم نجتهد نخلى اولادنا يحبوا العلم و الدراسة و التحصيل. و ذى ما قلتى فى عنوان البوست...الجهل فى زمنا ده مصية.
مفروض نفتش مفايح اولادنا و شنوا بيشجعهم على القراية و التحصيل
و يا ريت يجونا الامهات اللى (عبروا خلاص) ناس تماضر و ممكونة و د.نجاة. و الخبراء الاجانب ذي بنت قضيم. و كل الاباء المهتمين بقراية اولادهم.
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: محمد قسم الله محمد)
|
سلام يا مريم
موضوع مهم جدا و منك و من سمارت أكيد حنستفيد إن شاء الله.
الأخ محمد
سلامي و تحياتي
| Quote: غالبية الناس العظما ديل كانوا من أفقر الناس وتربوا في ضهر الترع وبيوت القش وصاروا يشار إليهم بالبنان .. |
في تقديري أن هناك أعداد أكبر كانوا ممكن يكونوا عظماء يشار لهم بالبنان و ما أتيحت ليهم الفرصة لعدم وجود من يعتني بهم و يساعدهم في التخطيط لحياتهم و برضه اتخيل لي لو عملت إحصائية للناس النجحوا حتلقى إنه أعداد النجحوا لأنهم لقوا العناية المطلوبة أضعاف الذين شقوا دربهم لوحدهم. بالمناسبة في بيوت القش دي و ضهاري الترع حتلقى أمهات و آباء وفروا لأبنائهم و بناتهم ظروف النجاح و اهتموا بهم و بتحبيب القراءة لهم على قدر ما يقدروا.
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: Elawad)
|
| Quote: في تقديري أن هناك أعداد أكبر كانوا ممكن يكونوا عظماء يشار لهم بالبنان و ما أتيحت ليهم الفرصة لعدم وجود من يعتني بهم و يساعدهم في التخطيط لحياتهم و برضه اتخيل لي لو عملت إحصائية للناس النجحوا حتلقى إنه أعداد النجحوا لأنهم لقوا العناية المطلوبة أضعاف الذين شقوا دربهم لوحدهم. بالمناسبة في بيوت القش دي و ضهاري الترع حتلقى أمهات و آباء وفروا لأبنائهم و بناتهم ظروف النجاح و اهتموا بهم و بتحبيب القراءة لهم على قدر ما يقدروا. |
أنا معاك ..
لكن ما عملوا ليها توم وشمار ..
والأولاد نجحوا ..
وبالمقابل واحدين من (ناس القروش والكروش) عملوا لأولادهم (السبعه وذمتا) وكتار منهم فشلوا فشل دريع جداً وبرضو بنسبه لا يُستهان بها.
ولو قارنت الإهتمام الذي تبذله الأُسر التي تسعي (للعلم مقابل المال) تجد المحصله النهائيه ضئيله مقارنةً بالجهد المبذول مع التلميذ أو الطالب بالكاد الواحد يتخرج بعد خراج روح مع إنو خسارة أهلو في تعليمو ومن حيث الجقلبه تخليهو علي أسوأ الفروض عالم ذره .
وواحدين بشويييييييييية إهتمام يفوت الكبار والقدرو..
الحكايه وما فيها الإستعداد الفطري هو الأساس..
وهو الذي يصنع النجاح وليس (الكبكبه) التي لن تصنع إلا (ود أمو).
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: محمد قسم الله محمد)
|
Quote: شرحي ..
لكن النجاح ما مقصور علي ناس القصور..
ناس الترع وبيوت القش فيهم ناس ما ساهلين..
الذي قصدتُه أنّ النجاح ليس صنواً (لأولاد الراحات بس) وفي روايه الحناكيش..
وأنت هنا تصنعين حنكوشاً بامتياز. |
بسم الله! وده من شنو يا ربي!!؟
حنكوش عشان بقرا بالانجليزي!!! أي علم موجود حالياً مكتوب باللغة الانجليزية.. والما بعرف انجليزي الزمن ده، ما بمشي لقدّام...
ثانياً.... انت بتفتكر انه عشان انا دخلت ولدي مدرسة international دلعته!؟ يعني ده الطلعته بيه من كلامي! الغريبة انا كتبت كلامي في نقاط ووضحته اني عايزه الولد يكون مسؤول وما محتاج لي اني انبهه لقرايته... وكأم مسؤوله، عايزه اربي ولدي تربية كويسه ويطلع زول عنده مهنة يقدر يعيش منها عيشة كويسه!...
أما تربية "الترع" على قولك، دي تربية فيها عامل الحظ... يا طلع عنقالي (مع احترامنا لشرف المهنة) يا طلع طيّار... لكن عشان انا عايزه اكون عملت واجبي كأم... ما عايزه ارميه للترعه!
| Quote: لكن علي بالطلاق الولد ده أحسن يندرش لزوم اللحلحه و...(إخشوشنوا فإنّ النعم لا تدوم). |
اها... الاقتراح العملي في رأيك شنو؟ عشان بس اشوفك قريت كلامي الاولاني داك بياتو لغة!!!
استغفرتك يا مالك روحي!
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: مريم بنت الحسين)
|
تعرف يا العوض... والدي بفتخر دايماً انه جاي من اسرة عادية جداً في رفاعة... وانه الغنم في بيتهم كانوا مثقفات لانهم اكلوا كتب لما قالوا بس.. بما فيها كتاب الcapital.. لوووووووول... ورغم انه كان حولهم اسباب كتيره انه ما يواصلوا تعليمهم.. إلا انهم جميعا خلصوا الجامعة... بسبب والدتهم... كانت مصره اصرار شديد على انهم يقروا ويوصولوا العلم حدّه... وبفتخر أكتر بالنظام التعليمي في السودان الكان بخلق فرص متساوية مبنية على الكفاءة والقدرة... خلته في النهاية يحضّر في أرقى جامعات العالم... من رفاعة إلى مانشستر.. وهو ابن الاسرة البسيطة....
احنا ناس عايشين غربا في بلاد اولوياتها مختلفة... ما عندنا من يوفر لينا مستوى التعليم ده... لكن ده ما بعني اننا نشوف افضل المتاح... عشان أولادنا ديل يطلعوا ناس عندهم شهادات ومهارات في ايديهم تعينهم على الزمان... وزمان لما ستنا بت المكي وفّرت الاكل السمح لاولادها من كانونها الصغير في مطبخها المتواضع.. كان ده الشي البتعرف تعمله عشان هم ينجحوا، ونجحت نجاح باهر الله يرحمها.. أدت رسالتها تماماً.... انا كأم مواجهة بي تحديات أكبر وهموم اكتر.. عشان كده فتحته البوست ده! بدل ما امشي اقعد لي في مسلسل تركي!
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: مريم بنت الحسين)
|
| Quote: وهو الذي يصنع النجاح وليس (الكبكبه) التي لن تصنع إلا (ود أمو). |
هههههههههههههههههههههههههه... ومالها امّه!!! ما يكون ولدها! يعني ود الجيران! بتقولوها زي المسبّه كده.. أمّه دي الحمدلله خشنه خشونه صح... ! الاب في الغربة ما موجود، الام هي البتربي...
الشي التاني.. يعني عشان يكون زول خطير اتباخل بي القريشات عشان احتمال ما يفلح!؟ والله منطق غريب...
الشي التالت... زي ما قالت ليك اسمارت... ما موضوعنا التربية، وموضوع البوست ما ولدي.. ممكن يكون بتّي ليلى... اها يا سيدي... نتكلم عن ليلى... اها نشيلها نوديها الترعة برضه؟!
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: مريم بنت الحسين)
|
| Quote: الحكايه وما فيها الإستعداد الفطري هو الأساس |
ما اختلفنا. لكن يا سيدى احنا كامهات مهتمات...عاوزين كمان على الاستعداد الفطرى ده نزيد حبة توم و شمار...
انا حاسه ان كلام مريم عن الK2 و المدارس العالمية زعلك. عادى. دى ظروف مريم اختى دى. لكن صدقنى البوست ح يكون مفيد لاى اب او ام مهتم بطفله. لو كان عايش فى قطية او فى قصر. فى النهاية سبل التعليم و التربية ذى بعض لكل البشر.
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: smart_ana2001)
|
أعتقد أن الأخ محمد قد عبر عن وجهة نظره و عبر الآخرون عن رأيهم في كلامه. أتمنى المواصلة في الموضوع و يا ريت لو قدرتوا تجيبوا لينا ممكونة و د. نجاة و كل من له تجربة تفيدنا. بالنسبة لموضوع الاستعداد الفطري دا صاح هو مسألة أساسية لكن برضه الناس ممكن تناقش حاجات مفيدة زي طيب لو كان ما متوفر هل في حاجات الواحد ممكن يعملها عشان ينمي مقدرات طفله أو طفلته؟ شخصيا مقتنع جدا بمسألة الفروقات الفردية لأنه أطفالي توائم و رغم نشأتهم في بيئة و ظروف واحدة لكن مختلفين في حاجات كتيرة جدا من ضمنها مقدار حبهم للقراية.
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: محمد قسم الله محمد)
|
الاخت مريم .
السلام عليكم ورحمة الله.
اولا: اهنئك علي اهتمامك وحرصك علي تنشئة ابنك وتربيته مدركة ان العلم اول الطريق الصحيح لمستقبل ينفعه وينفع امته. الام هي حجر الزاوية في اخراج الاجيال المنتجة .
ثانياً : بالنسبة لابنك بالاضافة لما ذكرتِهِ وهو جيد.
(1) التلفزيون والتكنولوجيا بانواعها مفيدة في غير إسراف, ويمكن ان تُستخدم كوسيلة ترغيب وتحفيز. كان يحفَّز بان تتركيه يحضر برنامجه المفضَّل ان هو ادي واجبه المدرسي , فيتعلَّم منذ الان ان اداء الواجب يقابله اجر او جزاء وعدمه يقابله عقاب. ويعرف المسئولية باكرا.
(2) عدم اغفال التعلُّم السماعي في مايتعلّق باللغة لأن اللغة بنت المحاكاة ,فالطفل يتكلم مايسمع , وساورد لك موقعا مفيدا لتعلُّم اللغة العربية.
عذراً يجب ان اذهب وساعود اليك لاحقا بالمزيد ان شاء الله.
نتمني لك ولابنك التوفيق فهو ليس ابنك وحدك.
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: smart_ana2001)
|
يا جماعة أنا صراحة شاعر نفسي محتاج لنصايح كتيرة في الموضوع دا لكن ما يمنع أن أضيف بعض تجاربي. من الحاجات الناس مفروض تتجنبها إنهم يستخفوا بمقدرات أطفالهم... مدرسة علي و فاطمة عملت مسابقة في حفظ سور من القرآن الكريم و المقرر على فصلهم (سنة أولى) كان حفظ سورة عبس. بصراحة في البداية شعرت إنها كبيرة عليهم لأنه مقررهم يادوب فيه السور القصيرة لكن اتوكلت و شجعتهم يسجلوا و ساعدتهم و فعلا حفظوها. طبعا الحكاية بتحتاج مجهود مشترك لكن في النهاية كانت النتيجة مشجعة لي و ليهم.
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: smart_ana2001)
|
الأخوات مريم بت الحسين ..
وسمارت ..
أمنياتي لكن بالتوفيق والنجاح في تربية أبنائكن وحصولهم علي أفضل الفرص المتاحه.
واختلاف الرأي لا يفسد للود قضيه..
للمتداخلين كذلك تحياتي.
.................................................................................
تخريمه :
ل ست البوست خسوسي..
برضو الإندراشه خليها مع المنهج بتاع الk شنو كده ما عارف.
والترعه عند ناس الترعه أهم من عماره عشره طوابق.
مع كامل حقوقك في الإحتفاظ بالفنجره والفرنجه والفنتره.
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: smart_ana2001)
|
الاخ الفاضلابي.. مرحب بيك معانا في البوست.. وسعيدة بمشاركتك
موضوع التحفيز ده من اكتر الحاجات الساعدتني (إلى الان) في تشجيع محمود على عادات كتيره جداً.. واحده منها الانتظام للقراية في موعد محدد.... وممكن لقدام اشرح طريقتي في الحته دي...
| Quote: (2) عدم اغفال التعلُّم السماعي في مايتعلّق باللغة لأن اللغة بنت المحاكاة ,فالطفل يتكلم مايسمع , وساورد لك موقعا مفيدا لتعلُّم اللغة العربية. |
دي نقطة مهمة جداً.. بالذات لينا في الغربة.. الاطفال بتكلموا متأخر.. بالذات الطفل الاول.. الابحاث بتقول انه الطفل لو اتعرض للغات من هو صغير عنده القدره انه يتعلم لحدي 5 لغات.. الحاجه دي مجرباها مع محمود.. وحسي هو بتكلم عربي وانجليزي بنفس الجوده للغتين... بمجرد اني عرضته للغتين ديل من هو صغير وقبل ما يدخل المدرسة ... منتظره موقع اللغة العربية.. وشكرا مقدماً
الاخ العوض.. معاك ننتظر د.نجاة وممكونه وبت قضيم.. وتماضر.. ماشاء الله علي اولادهم كلهم... واعفي لينا النقاش الجانبي الذي كان لابد منه... احكي لينا عن تجربتك مع التوائم.. دي تجربة مثيرة جداً على ما اعتقد وفيها امكانية مقارنة مباشرة .. خاصة في حتة المفتاح الاتكلمت عنها سمارت وانه كل زول عنده مفتاحه.. وموضوع الاختلافات الفردية الاتكلمته عنه...
سمارت.. وصية مازن اخوي لي لاولادي كالاتي:
1- اعرضهم للغات مختلفة...
2- اعلمهم لغة برمجة من عمر بدري عشان يعرفوا logic..
3- اشركهم في نشاط رياضي في جو تنافسي صحي... مهارات اجتماعية ورياضية..
الشي البعرفه عن بيل قيتس انه من عمر بدري اتعلم البرمجة... وبعدها انشأ أول شركة software في العالم!
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: smart_ana2001)
|
السلام عليكم اخت مريم
موضوع جميل ومهم جدا فاطفالنا هم الاستثمار الحقيقي وأي فشل في تعليمهم وتريبتهم لن يعوضه اي نجاح اخر
الاستعداد الفطري (الشطارة) ليست اهم شئ, الاهم هو الاجتهاد والترتيب, وهو ما يجب ان نعود اطفالنا عليه.
المهم جدا ان الطفل يتعلم ان يتقن ما يقوم به سواء دراسة اكاديمية أو غيرها.
علميه كيف يحفظ لوحده, يفهم لوحده, يفعل كل شئ لوحده, مع قليل من المساعده في البدايات.
وفقنا الله واياك والجميع
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: حسن حماد محمد)
|
ذى ما قلت.....موضوع الدراسة الاكاديمية ده ما بقدر افتى فيه. لكن ممكن افتى فى موضوع القراية الخارجية...او الاطلاع معموما.
كيف نحبب اطفالنا فى القراية العامة و الكتب عموما.???
فى زمنا كان فى ميكى و سمير و ماجد بس فى المكتبات. لكن انا كبرت لقيت اخوانى و اخواتى بقروا الالغاز و الكبار بيقروا الجرايد بانتظام. الوالد -عليه رحمة الله- كان عندوا مكتبة عملاقة. و دائما بيقرا فى كتاب. و بصراحة كمان ما كان فى موضوع.....التلفزيون كان بايخ جدا. و كانت القراية هى الموضوع الوحيد.
كنت بقرا المجلات بانتظام. فى الاجازة و فى اول اسبوع فيها والدى-عليه رحمة الله- كان بيسوقنى سودان بوكشوب او الدار السودانية للكتب و يقول لى...اختارى. قبل ما اصل رابعة ابتدائي كنت قريت كل المكتبة الخضراء و كل قصص الانبياء(من عدة سلسلات كتب) و كل كتب( دار العلم للملايين المخصصة للاطفال) عن المشاهير ذى بتهوفن و صلاح الدين الايوبى و مدام كورى و هلن كلر. و طبعا ال 176 لغز و بديت احاول اقرا رجل المستحيل.
My point is ....توفر الكتب فى البيت هو الى خلانى احب القراية و الاطلاع.
عشان كده ...من اهم الحجات اللى ممكن الاهل يعملوها عشان يشجعوا اطفالهم على القراية هى:
1- الاهل نفسهم يكونوا بيقروا. يعنى لما طفلك يشوف انك (الام او الاب) لما تلاقي فرقة فى اليوم بعيد عن الشغل و المجاملات ..لما الطفل بيشوفك بتشيلى كتاب و تقرى فيه ...بيعرف ان القراية حاجه ممتعة و بيحاول يقلد والديه
2- على الاهل انهم يوفروا الكتب المناسبة فى البيت للاطفال.
الاطفال ممكن يبدوا يقلبوا فى الكتب من عمر شهور. و بالمناسبة الاطفال قنوعين جدا. كتاب واحد او اتنين ممكن يكون كفاية للبيبى لحدى عمر سنة كاملة .
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: حسن حماد محمد)
|
| Quote: يا جماعة أنا صراحة شاعر نفسي محتاج لنصايح كتيرة في الموضوع دا لكن ما يمنع أن أضيف بعض تجاربي. من الحاجات الناس مفروض تتجنبها إنهم يستخفوا بمقدرات أطفالهم... مدرسة علي و فاطمة عملت مسابقة في حفظ سور من القرآن الكريم و المقرر على فصلهم (سنة أولى) كان حفظ سورة عبس. بصراحة في البداية شعرت إنها كبيرة عليهم لأنه مقررهم يادوب فيه السور القصيرة لكن اتوكلت و شجعتهم يسجلوا و ساعدتهم و فعلا حفظوها. طبعا الحكاية بتحتاج مجهود مشترك لكن في النهاية كانت النتيجة مشجعة لي و ليهم. |
الاخ العوض... النقطة دي مهمة خالص... عمرك ما تقول لطفلك انه ما بقدر... وفعلا كونك تشجعهم على المحاولة شي بخليهم يحاولوا حتى لو ما نجحوا ما مشكلة كبيرة.. اعتقد في العمر ده اهم شي نعلم الاطفال انهم يتحمسوا للعلم ... يعني على قول الوالد يعني شنو لو جاب C مثلا، هو ما بقرا هندسة!! بمعنى اخر هو بنتقل من فصله ده بكل تأكيد... الواحد لو استغل الفترة دي عشان يعلم الطفل كيف يقرا ويكون مسؤول، عن طريق استغلال المرحلة الما مصيرية في حياتهم دي.. عشان لما يجي للمرحلة المصيرية يكون مستعد ليها.. وما محتاج لنقّة وكلام كتير...
الاخ حسن ... فعلا البطن بطارنه على قول المثل! كل طفل عنده طريقته وكل واحد عنده مفتاحه.. الله يخليهم ليك ويحفظهم.. وفعلا البيت بقى ليه دور كبير في نجاح الطفل ... والواحد بقى محتاج دعم كبير من البيت عشان يقدر يمشي لقدام.. هل آمنة بتحب تقرا كتب خارجية؟ بالمناسبة موضوع قراية الكتب الخارجية ده هو مفتاح العلم كله!
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: مريم بنت الحسين)
|
عشان اكد على نفس الحته بتاعتك يا سمارت... والدتي كانت مشتركة لينا في مجلة ماجد.. كل يوم اربع كنا انا واخوي بنتسابق عليها نسدها من بعض.. كتب المكتبة الخضراء وفيما بعد رجل المستحيل وملف المستقبل والشياطين ال13... كلها كانت جزء من متعتنا في السودان سنة 1995 لما مشينا وحصل لينا عدم موضوع دولي.. تلفزيون مافي.. كهربا زاتو مافي... ووقت كتير في..
في الجامعة، كنت ساكنة في المكتبة.. لازم كل اسبوع يكون عندي كتاب بقرا فيه، على الرغم من الزحمه (طه حسين، السباعي، الطيب صالح.. كتب التاريخ كنت بحبها جداً... ).. بعد ما اتخرجته اشتغلته في شركة امريكية في قطر.. كنت انا العربية الوحيدة.. البقية كانوا امريكان، استراليين، كنديين، ايرلنديين، بريطانيين، جنوب افريقيين... اتعرضته لاي accent حايمه.. في البداية عانيت.. لكن هم لانهم مدرسين لغة اصلا، ساعدوني كتير... معاهم بقيت اقرا كتب بالانجليزي.. كانوا بدوني كتب ضخمة، بقراها Overnight! وكنت بتسلى بيها جداً خلال اليوم وفي الbreak.. حسي المشاغل خلتني اقرا اقل.. لكن فعلا زي ما قلت، لو عايز طفلك يقرا لازم تكون انت بتقرا برضه.. الحاجه التانيه انه تقرا ليه.. صاحبتي rachel بتقول لي.. خلي عادة القراية قبل النوم تبدا من عمر شهر... وعلى قولها Its never too early.. الشي الشفته في ولد rachel دي زاتها انه عنده حب للعلوم.. بحب الكواكب والداينصورات.. وعايز يعرف عنهم اكتر.. ولما امه ساقته لمعرض العلوم العملناه، كان مبسوط جداً... انا عايزه اصل للحته دي.. وما بالضرورة نفسها، لكن عايزه اربّي فيه محبه لعلم يصادف ميوله...
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: مريم بنت الحسين)
|
Quote: موضوع جميل ومهم جدا فاطفالنا هم الاستثمار الحقيقي وأي فشل في تعليمهم وتريبتهم لن يعوضه اي نجاح اخر
الاستعداد الفطري (الشطارة) ليست اهم شئ, الاهم هو الاجتهاد والترتيب, وهو ما يجب ان نعود اطفالنا عليه.
المهم جدا ان الطفل يتعلم ان يتقن ما يقوم به سواء دراسة اكاديمية أو غيرها.
علميه كيف يحفظ لوحده, يفهم لوحده, يفعل كل شئ لوحده, مع قليل من المساعده في البدايات.
وفقنا الله واياك والجميع |
ألف شكر ليك الاخ عمّار... والله فعلا كلامك صح... في ناس بي اجتهادهم وصلوا... حتى لو ما عندهم استعداد.. وفي ناس عندهم الاستعداد بس ما لقوا اليتابعهم.. بعرف زول قالوا كان ذكي جداً.. من هو صغير ممكن يصلح ليك اي ساعة تخرب... زول عنده مخ.. بس مافي حد وجّهه.. استعمل ذكاؤه ده استعامل سيء... وعايش حياة صعبة الان...
شكلك عارف ... يا ريت تساعدنا اكتر في الحته بتاعت كيف نعلمه يحفظ براه ويعمل كل شي براه... لو عندك افكار.. بالذات للراسهم قوي!
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: smart_ana2001)
|
| Quote: .ف ح يتعلم (مثلا) 50 كلمة عربى و 50 كلمة انجليزى. او على حسب اى لغة مستعملة حواله اكتر. المخاصر المفيد...الطفل ح يكون متاخر عن اقرانه اللى بيستعملوا لغة واحدة. لكن -لحسن الحظ- الخبراء بيقولوا ان الموضوع ما بيستمر كده طوالى. لما الطفل يصل 6 (او 5 سنوات) بيحصل رفاقه اللى كانوا زمان احسن منه. و احيانا كتير بيتفوق عليهم كمان. |
ده بالضبط الحصل مع محمود.. لوقت طويل كان ما بقدر يتكلم عربي كويس.... حسي فجأة بقينا في البسكته.. ما شاء الله.. ده غير الانجليزي والحمدلله... الطفل بخزن، وفجأة بجي ناطي ليك بحصيلة من اللغتين...
نواصل في موضوع القراية الخارجية، قلنا:
1- الاهل يقروا عشان الاطفال يقلدوهم
2- من بدري نبدا عادة قراية قصة قبل النوم
3- نجيب للاطفال كتب خاصة بيهم، ونعلمهم احترامها والمحافظة عليها... ما قاعده ارضى ابدا لو لقيت لي كتاب حق محمود في الواطه.. طوالي بنبّهه...
4- نظام المكافآت... حد عنده تجربة أو اقتراحات؟
انا حامشي انوم.. بكره نواصل ان شاء الله..
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: مريم بنت الحسين)
|
من الحجات المهمة برضوا ان الطفل يحب الاطلاع هى ان الاهل يبدوا فى روتين القراية من بدرى. عمر 4 شهور مناسب. فى العمر ده ممكن الام تدى الطفل كتاب تخليه يتفرج فيه. تقلبه معاه ...و فى كتب اطفال بيكون فيها حجات ممكن تتلمس. يعنى يكون فى صورة دب و يكون حزء من الدب عباره عن حاجه ناعمة تحاكى ملمس الدب.
الاهم من ده كلو ان يكون فى وقت معين فى اليوم للقراية. قبل النوم مثلا. و كل ما الام عملت الروتين ده بدرى كل ما بقى اسهل ليها. يعنى بعد العشاء و الحمام و قبل النوم تقرا الام لطفلها كتاب او اتنين.
البيبى غالبا ما ح يكون فاهم حاجه. لكن بيعاين للصور. لما الطفل يصل عمر سنة بيبدا يعرف اسماء الاشياء فى الكتب. فى عمر سنتين بيدا الطفل يحفظ حتى النصوص فى الكتاب.
و ذى ما قلنا الاطفال قنوعين جدا....كتابين تمام شديد ليهم. و هم على استعداد انهم يقروا الكتابين ديل بس لمدة شهور. و الاهل ممكن يزهجوا من الكتاب...لكن الطفل عمر سنة او اتنين بيكون مبسوط جدا من تكرار الكتاب. السبب??? الاطفال فى العمر ده بيحبوا الروتين جدا. و بيكونوا عاوزين يتعلموا اى شيء تماما قبل ما ينتقلوا لشيء تانى.
ده ما معناها ان القراية تكون قبل النوم بس. ابدا...ممكن الاهل يعملوا اى وقت وقت للقراية. القراية الصباح مع اللبن. القراية بعد الفطور...اى شيء. بس قراية قبل النوم همة جدا لانها بتخلى الطفل يبقى رلاكس و يستعد لللنوم ...و برضوا مكن يكون وقت هادى فى البيت و يستفيد الام او الاب بخلق علاقة كويسه مع طفلهم ده. خاصة الاباء اللى مشغولين فى الشغل طوال اليوم. لو الواحد شال كتاب و قعد مع طفله نص ساعة قبل النوم و قرا ليه قصة...ح تقوى العلاقة بينهم جدا جدا
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: smart_ana2001)
|
معليش يا جماعة انا ح ابريكم برى شديد...
ما شاء الله يا مريم على محمود....ربنا يوفقه كمان وكمان و يفرحك دايما بنجاحه....و اكيد تعبك ما ح يقع الواطة.
| Quote: 4- نظام المكافآت... حد عنده تجربة أو اقتراحات؟ |
الخبراء بيقولوا انه لازم نبعد موضوع الجزاء و العقاب من موضوع القراية (القراية الحرة) ده نهائي. ممكن تكافى الطفل بشراء كتاب جديد. لكن زمن القراية لازم نبعده من العقاب او الجزاء...حقيقي ما متذكره قريت الكلام ده وين...و ما متذكره الlogic شنو خلف النظرية دى. لكن بفتشوا ليك ....ان شاء الله
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: smart_ana2001)
|
| Quote: الخبراء بيقولوا انه لازم نبعد موضوع الجزاء و العقاب من موضوع القراية (القراية الحرة) ده نهائي. ممكن تكافى الطفل بشراء كتاب جديد. لكن زمن القراية لازم نبعده من العقاب او الجزاء...حقيقي ما متذكره قريت الكلام ده وين...و ما متذكره الlogic شنو خلف النظرية دى. لكن بفتشوا ليك ....ان شاء الله |
سمارت، انا كان قصدي على القراية الاكاديمية هنا... لكن كويس انك نبهتيني، لاني في الاجازه عامله لمحمود نظام مكافآت لما يقرا.. حأقوم أوقّفه... وفعلا كلامك صحيح... هو ممكن كده يحس انه هو مجبور على القراية.. موش مستمتع بيها...
نرجع للنقطة الاصلية بتاعت البوست... موضوع المذاكرة الاكاديمية...
سناء خالد رائعةفي الحته دي.... يا ريت لو تلقى لينا فرقة تكتب معانا شويه...
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: عبدالعزيز الفاضلابى)
|
الأستاذة مريم
أفضل طريقه تنشئي بها الأولاد على القرايه (و سوف تجمع الأكاديمية و غيرها أوتوماتيكلي)
إنو ألموجودين في البيت يقروا لي روحهم و لي أولادهم (حتى لو ما بيعرفوا حاجه أو حتى لو لسه ما مرقوا للدنيا)
أهم شيء لما تقري ليهم, use voice tones as if you are acting
حتى و لو كانت شرح لنظرية النسبية
و ستتعجبي من النتيجه
(طبعا لست متخصصا في المجال لكن دي التجربة الشخصية فقط)
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: malik_aljack)
|
ممكونه جات ممكونه جات ممكونه جات... ألحقي يا سمارت...
الاخ الفاضلابي... ألف ألف شكر على الموقع... انا الكتب العربية بتاعت الاطفال غايظاني بشكل... الكتب الانجليزية جذابة جداً لما تحيرك... لكن الكتب البي العربي ممله ومكرره وبسيطه!
Quote: أهم شيء لما تقري ليهم, use voice tones as if you are acting
حتى و لو كانت شرح لنظرية النسبية
و ستتعجبي من النتيجه
(طبعا لست متخصصا في المجال لكن دي التجربة الشخصية فقط) |
الاخ مالك.. اشرح لينا اكتر... طمعانين في قصة بالتفصيل وكده.. وورينا النتائج.. والله عينا ما حاره وحنقول ما شاء الله... الله يخلي...
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: مريم بنت الحسين)
|
| Quote: عن ال logic....البرمجة فعلا بتعلم الlogic....و ال math برضوا. |
هههههههههههههههههههههههههههههههههههههههههههههههه...
الحكايه دي ذكرتني بزيكو لاعب الكوره ..
زيكو بتاع المريخ .. مش زيكو البرازيلي..
المهم ..
زيكو أو منتصر الزاكي قال مره في لقاء صحفي متحدثاً عن نفسه:
تخصصي في الرياضيات الإضافيه أفادني في لعب الكوره.
وكان حديثه مثار تهكم ######ريه القراء ..
ببساطه لأنو زيكو رغم تخصصو في الرياضيات التخصص ما احترف ولا حتي في مصر القريبه دي.. يبقي شنو هي فائدة التخصص في الرياضيات التخصص؟؟!!
ياجماعه روقو المنقه ..
logic شنو ..و math شنو؟؟ برا بتيخ برا بامبي ..
خليكم واقعيين..
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: مريم بنت الحسين)
|
اهلييين يا ممكونة....منورنا و الله.
يا زولة خلاص ...ما دام سمعتى بالبوست ما عندك طريقة تتحلى مننا.
ما بنخليك.
الفاضلابى....شكرا على الموقع يا اخى....
بقعد ليه اليوم بالليل و اجيكم
العوض...ربنا يفحظ اولادك و يخليهم...
و ملاحظتك صحيحة تماما عن ان مقدرات الاطفال وم يولهم بتكون مختلفة...حتى لو كانوا تيمان (سبحان الله)
malik aljack مرحب بيك ....و نظريتك دى انا بجربها كل يوم و بندهش بالنتائج (برضو كل وم)
3-الفكرة يا مريم انك ما تقري القصة...بس...تقرى و تمثلى. لو فى زول زعلان فى القصة صرى وشك..لو فى زول مبسوط اضحكى او ابتسمى. لو فى قطر ماشي سريع ...اقرى سريع...لو فى عربية كبيرة بتتملم خشنى صوتك و لو فى عصفور بيتكلم رققى صوتك و كده.
4-و انتى بتقرى لطفلك شيلى الكتاب بيد و استعملى الايد التانية للتاشير على الكتاب. و فى الكتاب القرد قال حاجه,,,,,اشري على القرد بيدك و انتى بتقرى كلام القرد.
5- لو طفلك عاوز يقيف فى صفحة معينة مدة طويلة ...خليه يقيف. لو سالك ردى عليه. او اساليه انتى. القرد بيعمل فى شنو? القرد لونه شنو? وكده.
_________________________
قدر ما اشكر مريوم .....حاسه اننا ما شكرناها كفاية
قبل فترة كنت بتكلم انى ما لاقية كتب عربى ظريفة للاولاد....بعد كم يوم وصلنا طرد كبير جدا فيه عشرات الكتب العربية من العزيزة مريم.
الان الكتب العربية من الكتب المفضلة لطفلى ذو ال 3 سنوات....و بيصر كل يوم يشيل معاه واحد المدرسة. و عارف انه البالعربى "كتاب" و اللى بالنجليزى "book"
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: smart_ana2001)
|
Quote: كما أود أن اضيف أن لكل طفل\ة ذائقة أدبية مختلفة..علينا إحترام ذلك..
أذا كان طفلك يحب السيارات و السباقات...دعيه يقتني كتب تتحدث عن هذا الأمر..
أذا كانت طفلتك تهوى الفن و الرسم مثلاً...دعيها تقتني الكتب التي تصقل موهبتها..
و هكذا... |
ممكونة....و الله احنا ممنونيين بتشريفك.....لينا.
دى حاجه مهمة جدا جدا. و انا طوالى بلقى روحى نسيتها...بمشي المكتبة و بفتش على كتب اطفال تعجبنى انا.
الايام دى ابنى مهووس بالقراصنة.....اليوم كلو "ارر" فينا. قبلها بشهر كانت الديناصورات...قبلها بشهر كانت القطارات و قبلها كانت عربات المطافى و كهذا. انا بحاول اجيب ليه كتب تتماشي مع اهتمامه فى الفترة المعينة...و دى واحده من الحجات اللى بتخلى الطفل يتشجع على القراية و الاطلاع و تبقى fun .
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: smart_ana2001)
|
مريومة-سمارت وكل المتواجدين هنا
سلامات
طبعا لا يفتى في أمر العيال والبنوتين الفوق ديل قاعدات
لكن من البتذكرو في طفولتي وأنا كنت book worm
دودة كتب
إنو ماما وبابا
used to make a big deal out of going to the book store
يعني كل اسبوعين لما نجي ماشين نجيب كتاب هيلة وهيلمان,,,نتظبط ونتقشط يا يمة التقول ماشين ديك يا الحفلة
والكل لازم يمشي بابا وماما واخواني واخواتي.. وفي درب الرجعة كل زول بيحكي بالدور عن كتابو شنو وعن شنو..حتى بابا وماما
أنا لسة بتذكر لما كنا في مصر...ابوي كان بيسوقني مشوار بالمواصلات قريب الساعة عشان نستلف كتاب من مكتبة القنصلية البريطانية
وبرضو معرض الكتاب ...دا كان ما بيتفوت ..اجباري نمشي كلنا
وكل يوم اربعاء بجيبو المجلات.... وبابا كان بيقطع لي من الجريدة باهتمام عالي صفحة البراعم ولا شنو ما بعرفو
بعد داك ..حقيقة يا مريومة العيال بيقلدو...بعد الغداء...امي وأبوي بيكونو قاعدين في الاوضة كل زول ماسك كتاب...المنظر دا ما اتغير ليوم الليلة
وأمي كانت صبوووورة وأنا بحكي ليها في قصة الكتاب..وكنت ببريها بأي معلومة جديدة يدونا ليها في المدرسة ..زي إنو كان في حيوانات انقرضت اسمها الديناصورات
وتقوم تتخلع ليك وتقول لي أصلو ما معقول وكانو بيسوو شنو...يحليلها والله...ما عندي صبر لجنس دا
لكن ما حصل..أمي ولا أبوي قالو لي أمشي أقري
ولا أمشي ذاكري...كانو بيفتكرو الحكاية دي مسئولية شخصية...والله يا مريومة من انحنا صغار...طبعا في تهزيئة نهاية السنة لو الواحد طين
بعدين حقيقة We're making such a big issue out of school work and homework and the load is getting bigger and bigger with these new educational systems
شغل المدرسة ما كل حاجة...المهم العملية التعليمية في حد زاتها تكون ممتعة...اتكلمو في البيت عن حاجات عجيبة...علمية وأدبية مش بشكل تعليمي في شكل ونسة
يعني اشتركو كلكم في العملية التعليمية
نهائي ما تعاقبو الطفل بالقراية أو المذاكرة...لو الحاجتين ديل ارتبطو للطفل بالعقوبة ياهو الما قرا ليوم الدين
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: Maysoon Nigoumi)
|
سلامات مريم وسمارت ولكل زوار البوست الممتع
من البوستات القلائل مؤخراً الواحد يقراهو حتى النهاية، كلمة كلمة، زنقة زنقة لغاية مشاركة ميسون،،
Quote: 3-الفكرة يا مريم انك ما تقري القصة...بس...تقرى و تمثلى. لو فى زول زعلان فى القصة صرى وشك..لو فى زول مبسوط اضحكى او ابتسمى. لو فى قطر ماشي سريع ...اقرى سريع...لو فى عربية كبيرة بتتملم خشنى صوتك و لو فى عصفور بيتكلم رققى صوتك و كده.
|
فعلاً الكلام القالو مالك ده وعقبت عليهو اسمارت صحيح لاحظتو في محمود لما مرات أقرأ ليهو القصص، بلاحظ انو بندمج جداً وبيسمع بتركيز وبدون ازعاج وتعليقات جانبية لما أقلد الأصوات مع القراية، أو أخفض وأرفع الصوت تبعاً للموضوع، أو زي ما قالت اسمارت صوت ناعم في حالة العصفور بتكلم وخشن وعالي في حالة الأسد أو الدب .... االخ
متعبة وبتلقة نفسك مرات بتعمل في حاجات غريبة خاصة لما تقلد سيارة أو طيارة، أو تتقمص شخصية ميني أو قوفي، لكين بتهون (تشديد الواو) لما تلمس النتائج،،، غايتو أنا تخصص محاكاة صوت العربية، لو في زول عايز يسمع يتصل هههههههه
------------------
بخصوص موضوع ابوست، الفرق بين زمان وبين الوقت الراهن إنو زمان الخيارات محدودة جداً خاصةً للأسر المتوسطة الحال، أبناء العمال والمزارعين والموظفين والمعلمين، بالتالي القراية كانت خيار أكتر من ممتاز، هسع الوضع اختلف جداً والتعقيدات زادت فضاق المجال أمام القراية، عليه لابد من ايجاد حلول لتحبيبها للصغار.
تكمن أهمية القراية (للإطلاع) في انها بتعزز عند الطفل القراية الأكاديمية، والعاوز أصل ليهو في الحتة دي إننا (كسودانيين) اتدهورنا أكاديمياً بصورة ملحوظة، عندنا طلاب بيقروا لغاية الماجستير وأحياناً الدكتوراة لكن أجارك الله (ما عايز أحرف البوست لأنو الحتة دي فيها جدل كبير وكتير بيوصلنا لللتدهور المريع للتعليم في السودان) لكن عايز أقفز وأقول مدنا انحسر، ووجودنا في وظائف مرموقة أصبح شحيحاً، الشركة الشغال فيها كانت تعج بالسودانيين في مختلف المناصب والإدارات (مدراء إدارات ورؤساء أقسام) من حملة الشهادات العليا، الآن أصبح جل السودانيين في الشركة في وظائف هامشية وبسيطة (مع احترامي جداً لهذه المهن والوظائف وشاغليها) لكين (موضوع البوست) عشان نعيد مجدنا الآفل في الأجيال القادمة نعلم أولادنا يقروا، نخصص ساعة أو نصف ساعة في اليوم نساعدم يحبوا القراية عشان يقروا ويتخرجوا من الجامعات بوعي وثقافة كافية وجديرة لنصبح كما نريد وأحسن،،،
تحياتي
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: نادر)
|
نادر ازيك..
Quote: فعلاً الكلام القالو مالك ده وعقبت عليهو اسمارت صحيح لاحظتو في محمود لما مرات أقرأ ليهو القصص، بلاحظ انو بندمج جداً وبيسمع بتركيز وبدون ازعاج وتعليقات جانبية لما أقلد الأصوات مع القراية، أو أخفض وأرفع الصوت تبعاً للموضوع، أو زي ما قالت اسمارت صوت ناعم في حالة العصفور بتكلم وخشن وعالي في حالة الأسد أو الدب .... االخ
متعبة وبتلقة نفسك مرات بتعمل في حاجات غريبة خاصة لما تقلد سيارة أو طيارة، أو تتقمص شخصية ميني أو قوفي، لكين بتهون (تشديد الواو) لما تلمس النتائج،،، غايتو أنا تخصص محاكاة صوت العربية، لو في زول عايز يسمع يتصل هههههههه |
انا من مدة كنت ما بعمل الحركة دي، وكنت بقرا الكتاب اداء واجب، لانهم بصراحة بايخات ياخ لوووووول... لكن لي تقريبا تلاته شهور بقيت بخلي تجربة قراية الكتاب ممتعة... بحاكي الاصوات.. وبسأله اسئلة عن الكتاب... انه ده شنو، وديل قالوا شنو.. ووين professor von drek... وفي كم نوع فاكهة... ومحمود معلق لي في كتاب جنني بيه جن... لما حفظناه.. وبقى يسمعه لي من راسه، وبرضه مصر عليه...
الزمن غيرالزمن... وحسي اي اسرة بسيطة او ثرية بتلاقي مشكلة في انها تنافس التلفزيون والمغريات الكتيرة الحول الطفل... والاسرة بقت مواجهة بي تحدي كبير ...
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: Maysoon Nigoumi)
|
ميسون النجومي، صاحبتي... والله انا سعيدة انك كتبتي هنا، لاني كنت حأمشي افتشك عشان تجي تكتبي....بالمناسبة انا دايره ليك رقم تلفون أو ايميل، لانك لما تقفلي حساب الفيسبوك تاني ما بلم فيك كله كله!وبتغيظني الحاجه دي
العامل المشترك ما بين الناس البحبوا القراية أو الناجحين اكاديمياً انه الحاجه دي كانت بتجيهم من جوه.. لما يتختو في بيئة تشجع الكلام ده... يعني مثلا احنا في البيت بنشوف اهلنا بقروا... ابونا ده كان بقرا اليوم كله... ولازال.... ولحدي حسي مافينا زول بقرا زيّه... بالنسبة لموضوع القراية بتاعت المدرسة دي... انت تاني شخص يأكد انه ما كانوا بقولوا ليه امشي اقرا.. الشخص الاول القال الكلام ده، د.سناء خالد الله يذكرها بالخير... ابوها وامها كانوا معملين .. وكانوا ما بسألوها هي واخوانها من قرايتهم... لكن بحاسبوهم على التقصير لو حصل في اخر السنة... وهي حسي بتعمل نفس الشي مع اولادها، وما شاء الله عليهم.... اتمنى انها ما تتضايق اني حكيت قصتها... لكن متأكده انها حتكون عندها تفاصيل اكتر تجي تقولها لينا...
الشي التاني، هو انه الطفل يشوفك بتقرا.. ويشوف في كتب حوليكم في البيت... ويشوف ابوه وامه بقروا برضه.. لانه فعلا الطفل بتعلم بالتقليد...
اتمنى لو نسمع المزيد من العندهم تجارب..
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: smart_ana2001)
|
| Quote: -فى اطفال (خاصة عمر سنة لحدى 3 سنوات) ما بقدروا يقعدوا فى مكان واحد لزمن طويل. على الام ان تطول بالها. ابدى بكتاب صغير جدا...بياخد حوالى نص دقيقة. لما تخلصوا قولى ليه: {شفتا???خلصنا كتاب كامل!!!}. اليوم التانى...زيدى الزمن شويه اعمليه دقيقة كاملة وكده. |
محمود لما كان بيبي اقل من سنة... بديت معاه موضوع القصص ده... مشينا اشترينا كتب النوع البتحمل داك... لو ما كده، الكتب دي تعبها ليك تعب... مويه واكل وشراب ... الحمدلله الكتاب احتمل الحاله دي كلها! ... ومحمود طور علاقة مع الكتب دي... وكان وقت مهم من اليوم لما ابوه او انا نقرا ليه منهم... قبل النوم..
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: مريم بنت الحسين)
|
كتلخيص للكلام لحدي الآن... بالنسبة للدراسة الأكاديمية
1- الزول ما ينق... يخليهم على كيفهم.. لكن يحاسبهم على التقصير في النهاية... يعني نخلي المتابعة اللصيقة والتفصيلية...
2- نستغل السنوات الاولى من المدرسة (ممكن الابتدائي كله) عشان نعلم الطفل كيف يتعلم يقرا براه ويتابع قرايته من غير اشراف.. ويكون مسؤول من النتيجة في النهاية... لانه الفصول دي ما مصيرية للطفل .. يعني النتيجة لو جا الاول ولا الاخير ما حتأثر كتير في حياته العملية فيما بعد.
3- نشجع على القراية الخارجية عن طريق توفير الكتب المناسبة لعمر الطفل، ده غير انه نعلمه بالقدوة.. يعني الاب والام نفسهم يكونوا مهتمين بالقراية الخارجية...
4- نخلي القراية جزء من عادات قبل النوم للطفل.. ونخليها ممتعة وجاذبة باننا نستخدم التمثيل .. بصورة تخلي الطفل ينجذب ليها... ويستمتع بيها... ونشركه باننا نسأله عن الشي البنقراه... عشان نتاكد انه متابع .. وانه فاهم شنو من القراية دي
5- التحفيز والعقاب ما نستخدمه مع القراية الخارجية.. عشان تكون جزء ممتع زيها وزي التلفزيون.. يعني يكون الحرمان منها عقاب ووجودها تحفيز... مع القراية الاكاديمية ممكن نستخدم العقاب في حالة التقصير او الحرمان من حاجات ممتعة...
ده الوصلنا ليه لحدي الان... عايزه نتكلم في اتجاه تنمية مهارات الطفل.. واهمية الرياضة والنشاطات التانية في انه الطفل يكون شخصية اجتماعية ناجحه.. ونفسيته تكون كويسه... وبرضه نناقش الحته بتاعت تأثير الاهل على موضوع قراية الطفل مستقبلا.. ولأي حد ممكن نأثر فيه ... ونتكلم عن مشكلة انه اي زول عايز ولده طبيب دي... لانه دي في رايي مشكلة
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: مريم بنت الحسين)
|
Quote:
- تعليم الطفل كيفية الدراسة لوحده وتحمل مسؤوليتها باشراف قليل...
- تحبيب الطفل في القراية الخارجية في ظل المغريات الكتيرة الموجودة حوله (تلفزيون، لعب، ألعاب إلكترونية).. الامريكان دليل على انه الحاجه دي ما مستحيلة.. شعب بحب القراءة جداً!
- مسألة الفروق الفردية... وممكن الزول يقرا ساعة يستفيد اكتر من البقرا خمسة ساعات... انا مثال حي، لو ما كده كان اكون لحدي حسي مع جرايدي ديك! |
سلامات يا مريومة
فقد ريلاكس وما تحلي الواجبات للولد كما يفعل كثير من الامهات فترة الابتدائي المفروض يتعلم يكتب ويقرأ ويحسب
ما تنافسي به اطفال الغير .
في بيتنا عمرها ما كانت المدرسة استرس للاطفال على كيفهم مرة فوق ومرة تحت لما دخلوا الجامعة
وبعدهابقوا على طول متفوقين الى ان تخرجن
بنتي الصغيرة عندها صديقة كانت بتقفل كل المواد وشخصيتها تنافسية شديد
لما دخلت الجامعة ما قدرت لانه قاعدة في الداخلية وزمان امها وراها على طول
والان مافي الضغط دا بقت ما قادرة تدرس ذي زمان..
ودي حالة كثير من الطلاب هنا اهلهم مندهشين لسقوطهم على انهم عمرهم كلو كانو طلاب ممتازين
والان لا
الدراسة ما هي كل حاجة في الحياة هناك المسؤولية والاحساس بالواجب
لم قدرتي تغرسي الحاجة دي ولدك العوجة ما بتجيه ربنا يحفظه
ويبقى مسؤول وعارف عايز شنو
مع المودةوكل سنة وانت طيب
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: مريم بنت الحسين)
|
مريم و سمارت كالعادة بوست مبالغة و بالجد Fruitful topic ... ما شاء الله عليكم دايماً Open-minded
فيما يختص بموضوع القراية و التحصيل الاكاديمي يمكن يكون عندي وجهة نظر تانية للحتة دي خصوصاً في زمننا ايام التعليم قبل الجامعي ,
ابوي من اكتر الناس المتحمسين للتعليم و حماسوا دا خلاهو حريص جدا على تعليمنا انا و اخواني,
احنا ما شاء الله اسرتنا كبيرة (4 اولاد و 4 بنات) كل واحد عندو اسلوب مختلف عن التاني في الطباع و في طريقة التعاطي مع موضوع القراية
و الحكاية بتظهر من الكراريس, يعني في النوع المهتم و كراساتو منظمة و شنطتو نضيفة و اقلاموا كيف كيف و كمان في النوع المديها طناش
وما بيبقى جادي الا في ايام الامتحانات بس لكن النصيحة لله ما كان عندنا زول بيسقط
للاسف الحكاية عندنا في البيت كانت منحصرة في المجال الاكاديمي بس و الحالة العامة في البلد في الفترة ديك ما كانت مساعدة لحاجة غير كدة
يعني الكتب و المجلات ما كانت متوفرة و كانت اسعارها غالية نسبياً حتى الالغاز و رجل المستحيل وما شابه ما كانت متوفرة و فين و فين لما يظهر عدد جديد
عشان كدة انا كنت مرضان VIDEO كان جني افلام عربية وافلام كرتون لكن الحمد لله كنت بكره المصارعة الحرة
في حاجة تانية برضو زمان الاهل كانو تقليديين لابعد الحدود بالذات لما يكون التحصيل كويس, معناها مافي مشاكل و كانوا خالين الشعلانة كلها على المدرسة.
بتذكر ايام الابتدائي و المتوسطة انا كنت منظم شديد و ما كان في زول بيقول لي امشي اقرا و للا تعال احفظ و ما كنت بطلع برة من العشرة الاوائل
و في المتوسطة كنت اول فصلي و في امتحانات الشهادة المتوسطة قلبت هوبة و جيت اول المدرسة
تقليدية الاهل البتكلم عليها هي انهم بيشوفوا طالما انك ماشي كويس و متفوق معناها انت ما ناقصاك حاجة
عشان كدة لما وزعونا في الثانوي مدرستنا كانت منتهية شديد كعامة المدارس الحكومية الا العريق منها
مع العلم باننا ظلمنا ظلم بائن في حكاية التوزيع دي لانوا كان مبني على اساس جغرافي بحت ,
و قدر ما نقنقت في للحاج عشان اتنقل من المدرسة ديك ما لقيت عقاد نافع و لما قربت اقنعوا جا واحد قريبنا كدة الله يسامحوا لخبط ليهو راسو 
المهم الحمد لله على كل شي مشينا امورنا و الاهل صححوا المشاكل الحصلت لينا في اخواني الاصغر مني
الحمد لله كلنا اتخرجنا و فينا ناس حضروا دراسات عليا و الشهادة لله ما قام به الوالد و الوالدة تجاهنا ما بنقدر نجزيهم عليه مهما عملنا .... ربنا يخليهم
و جهة نظري الداير اوصلها انو مهما يكون التحصيل فلا بد من المتابعة في حتة المدارس بالذات و كمان في المناشط و تنمية الهوايات و دي حاجيها راجع ان شاء الله
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: غباشي)
|
مرحب يا غباشي في بوستنا ده...
| Quote: عشان كدة انا كنت مرضان VIDEO كان جني افلام عربية وافلام كرتون |
على سيرة الفيديو دي، انا بتذكر لما كنت صغيرة، الوالد كان جايب لينا فيديوهات بتاعت British Cambridge English.. انا كنت بقعد بحضرها لما ما يكون عندي موضوع.. وبعداك بقى يجيب لينا الفيديوهات بتاعت Disney Classics... ناس Cinderella وBeauty and the Beast ولحدي Lion King... الوقت داك ما كانت مدبلجة.. كانت بالانجليزي ومن غير ترجمة.. كنا بنحبها شديد ونحب اغانيها، ونتفرج فيها اليوم كله..... اها انا رغم اني قريت مدارس حكومية عادية جدا في الامارات والسودان والاردن، إلا اني بتكلم انجليزي قريب لزول عاش في امريكا.. بس بسبب متابعتي للفيديو وانا صغيرة والافلام والاغاني وانا كبيرة.. ده طبعا غير القراية البتدي الزول حيصيلة بتاعت vocabulary
| Quote: مهما يكون التحصيل فلا بد من المتابعة في حتة المدارس بالذات و كمان في المناشط و تنمية الهوايات |
مهمة جدا النقطة دي... يعني احنا ما نتابع شديد وننق، لكن ما نهمل كمان.. ونعاقب على الاهمال في الاخر... يعني لو جات النتيجة ما كويسه، يكون في حرمان من حاجات.. او منع من حاجات.. لكن بقولوا ليك، مهما تعمل، ما تمنع الطفل من اللعب بره.. او اللعب بشكل عام.. لانه اللعب من الحاجات البتعلم الطفل حاجات كتيرة... ممكن تحرمه من التلفزيون شوية...
ما حأتكلم عن موضوع الهوايات ده، حأنتظرك تجي زي ما قلت...
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: مريم بنت الحسين)
|
مريم وسمارت وكل الحضور تقبل الله صالح أعمالكم
وعيدكم سعيد
الموضوع شيق وهام
وأكيد حنطلع منو بفوائد كثيرة
وفعلا موضوع القراية ما بجي بالإجبار
تعلمناه من الناس حولنا
ومن تشجيع الوالدين وتحفيزهم لنا نهاية كل عام
وطبعا ما كانوا بسألونا نهائي أثناء العام الدراسي عن واجب أو غيره
كنا بنذاكر عشان نتعلم وبس
فكنا فئران كتب وأذكر أنني قبل دخول الجامعة
كنت أطلب الكتب من الدار القومية للكتب في مصر
ولا أنسى أنني طلبت من والدي 160 جنيه وطلبت بها كتب
وأتتني في كرتونين
الآن للأسف الشديد تغير نمط حياتنا ورغم وجود الكتب في البيت
إلا أننا نادرا ما نمارس عادة القراءة ولكنا نحاول أن نزرع هذه الهواية
لدى ابناءنا فنأخذهم للمكتبة أحيانا ليختاروا ما يقرأون
شكرا مريم مرة أخرى لتنبيهك لنا
ومتابعين عشان الفائدة
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: جعفر محي الدين)
|
Quote: نظام المكافآت... حد عنده تجربة أو اقتراحات؟
|
مريم بنت الحسين وضيوفها الاعزاء...
كل عام وانتم بألف خير...والعيد مبارك عليكم...وأعفوا مننا وعافين منكم لله والرسول...
لاحظنا مبكرا ميول يارا للرسم قبل دخول الروضة...وكل ما نمشي هايبرماركت
او مكتبة...تجي معتلا ليها كراريس رسم وفرش وألوان...وتشخبط...وترسم.,,وتشرط وتلون
لما البيت اصبح عبارة عن كراريس رسم وألوان...لما دخلناها الروضة...ركزت
علي الرسم...وأهملت...المواد المقررة مع ان الرسم ما مقرر...بدوا ليهم
بالحروف العربي...والانجليزي...وشوية رياضيات...وقلنا ما نساعدا في اي شي
من البداية نشوف درجة استعدادا واستيعابا...فقط ننبها لما هو مكتوب في
النوت بوك,,,(وهو عبارة عن مدونه...(اكيد عند محمود) بتكتب فيها مدرسة
الصف رسالة لينا تقول لينا يارا مفروض تكتب من 1 الي 50 وبالعكس..
او تكتب من A _ K بالكابيتال...او تختار ليها بعض الحروف العربية..
اها اكتشفنا انها بتكره كتابة الاعداد...وبتلخبط فيهن...الخمسين
بتكتبها 05...وتجي تلقيها كاتبة 40 صحيحة...ولما امها تنبها للغلط
بترفض تصححوا...اها اشتغلنا معاها بي حوافز كتب تلوين مبهرجة...
باربي...ولولو كاتي...والحاجات الفي عمرهم...يمين هسي ما شاء الله
في الرياضيات ممتازة جدا...ولا بتقبل تغلط فيها...والحافز ما استمرينا
فيه كتير...بس تعدت المرحلة الاولي...وافتكر ارتبطت ليها الرياضيات
بالشي البتحبو اللي هو الرسم والتلوين...
يوم جاءت راجعة من المدرسة...اختها الاصغر منها بي فصل...قالت ليها
مدرستكم قالت لي اقول ليك...بكره لازم تجي عارفة جدول 9..اها فتشنا
كراسا لقينا ما فيه جدول تسعة...قلت ليها انا بكتب ليك الجدول
وانتي امشي احفظيه...قالت لي ما عايزة...جدول تسعة ساهل...ونحن زمان
الجدول دا مطرقونا فيه لما زحينا بالبلاط...يجيك المدرس...فلان
9 في 7 بي كم؟؟؟ وصوت العنج...يهبب فوق رأسك...وانت تقول...بي بي..
وجيو يجيك الصوت فرق اضنيك...(لما كرهونا البلي زاتو) اها نرجع
لي يارا...قالت لي اجابات جدول تسعة لحدي تسعة في عشرة...تكتب
(0-1-2-3-4-5-6-7-8-9 في الخانة العشرية...وتعكس نفس الارقام في الاحاد
بنفس الترتيب) والباقي حافظاه...ومشت تلعب في لعبا
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: nazar hussien)
|
الاخ نزار.. والله انا قايلاك عزابي! ما عارفه ليه.. لكن اول مره اعرف انه عندك امورتين .. ربنا يخليهم ليك ان شاء الله
وما شاء الله تبارك الله على يارا... ربنا يحفظها ان شاء الله... فعلا عرفته مدخلها، وقدرته تنمي فيها حب الرياضيات أم العلوم.. كده انت ضمنت لبنتك الصف الاول بإذن الله.. خاصة وانها بقت تعرف تعتمد على روحها..
انا الايام دي الحافز بتاعي البيضة بتاعت Kinder Surprise..
لو حلا الواجب قبل ما الشمس تغيب.. ومن غير ما انبهه.. بياخد واحده... الحافز التاني، لو عمل الواجب كل يوم الساعة 2 ومن غير ما انبهه طوال ايام الاسبوع، باخده اخر الاسبوع التزلج... الحافز الاولاني لانه مباشر.. كل يوم بحققه.. التاني لانه مؤجل، ما حصل ولا مره عمله.. رغم حبه الشديد للتزلج.. انا عايزه اعلمه ينضبط بي وقت معيّن.. من الحاجات الحأجي أكتب عنها الmotivational charts.. وموقع رهيب لقيته ممكن يخلي العملية أكثر متعة... ده المره الجاية ان شاء الله...
شكرا على مشاركتك لينا بقصتكم مع بناتكم.. وربنا يخليهم ليك ان شاء الله..
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: جعفر محي الدين)
|
Quote: الآن للأسف الشديد تغير نمط حياتنا ورغم وجود الكتب في البيت
إلا أننا نادرا ما نمارس عادة القراءة ولكنا نحاول أن نزرع هذه الهواية
لدى ابناءنا فنأخذهم للمكتبة أحيانا ليختاروا ما يقرأون |
الاخ جعفر...
بقولوا ليك الطفل ما ممكن تطلب منه يعمل شي وانت ما بتعمله... مره في واحد صديق لوالدي أردني، جاه حزين.. قال ليه، الليلة عرفته من المدرسة انه ولدي ليه عشرة يوم ما مشى المدرسة.. واكتر شي مزعلني انه ولدي كان بكذب علي، بطلع من البيت وبشيل شنطته وفطوره كأنه ماشي المدرسة وهو ما بمشي.. قام بابا سأله.. قال ليه، هل حصل ضرب ليك زول في البيت وانت ما عايز ترد على الزول ده، وقلت لولدك يقول ليه انت نايم؟ (الاردنيين عندهم الحركة دي)، قام الراجل قال ليه حصل.. قال ليه خلاص ما تزعل.. انت وريته انه ممكن الزول يطلع من موقف هو ما عايزه بالكذب... انت العلمته انه ممكن نكذب..
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: مريم بنت الحسين)
|
اعيادكم سعيدة ,,,
اسمحوا لي اطرح تجربتي ليس استعراضا ولكن للتقيم والنقد واكتساب مهارة جديدة ,,
اسرتنا أسرة عزابية بامتياز 9 ذكور بالإضافة للوالد (رحمة الله عليه) والاستثناء الوالدة (متعها الله بالصحة والعافية ) ,
ومع الزمن انعم الله علي بان رزقني دعاء السجاد (15) ممتحنة للجامعة وعلي السجاد (11) ممتحن للثانوي وعامر (2) ,
لقد ارتكبت خطأ منهجي في محاولتي ان اربي دعاء السجاد COPY منى ومن والدي وان تكون حياتها تدور في فلك الكتاب
لدرجة اننى قررت ان لا اعتمد على المدرسة وكان شعاري المدرسة حديقة لتلعب مع نددائها فقط لا غير اما القراية فدي شغلتنا ا ,
وبالفعل نجحت في ان احبسها بين اغلفت الكتب لاكتشف بعد سنوات رغم تطورها المعرفي والاكاديمي الا أننى اكتشفت اننى الغيت فيها جوانب طفولية
كثيرة (ضاع كلام الاطفال واهتمامتهم وشقاوتهم ) فتحول مجهودنا الى معالجة آثار هذه الجرعة الزائدة ( ولتكون الصورة اكثر وضوحا
في تقييم هذا التخوف ان اهتمامات الان كبنت تأثرت بطبيعتى كأب تربي بعيدا عن النساء) فالمشترك بينها وبين من هم في عمرها اختفي تماما ,,
وقد تداركت هذه الاشكالية مع اخوها السجاد قبل ان تستفحل بتقليل الجرعة وان يكون ما يريد هو وليس ما اريد انا فتشجيعي له
على اكتساب حب المعرفة والقراءة بطرق غير مباشرة , والحمد لله المسألة متوازنه انعكست في انه طفل اجتماعي مع محيطه ,, ولكن نعاني
منه في اشكالبة عدم التنظيم ,,
أما الولد الصغيرة بنحاول نستفيد منكم ,,
اعيادكم سعيدة وربنا يحفظكم ويحفظ عيالكم ,
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: د.نجاة محمود)
|
مريم والمتداخلين جميعا
كل عام وانتم بخير
في رايي ان اصعب فترة بتواجه الاباء والامهات والمفروض فعلا يكون فيها شوية تركيز مع الابناء هي فترة التاسيس الاكاديمي وبتبدا من مرحلة ما قبل الروضة وبحتاج تركيز شديد لمعرفة المقدرات الاضافية والضعف في جانب معين من الطفل ومحاولة حلها بطرق سلسه بعيدا عن الانزعاج والتوتر
وانا ملاحظ انه كل الامهات والاباء مركزين علي حتة التفوق الاكاديمي منذ البداية ودا ما شرط وما مفروض يجي غصبا عن مقدرات الطالب واهتماماته ( اكبر مشكلة بنقع فيها انه كلنا عاوزين اولادنا يطلعوا دكاترة ومهندسين وبس ) ودا غلط كبير ( لاحظت علي ابني الاكبر فارس اهتمامات مبكرة بالزراعة والاشجار والزهور وانه لما يكبر داير يكون مزارع عشان يخلي الارض كلها خضراء وحاليا عندنا مزرعة صغنتوتة قدام البيت وانا فخور بيهو جدا
لي عودة لموضوع زرع حب القراءة في الاطفال في سن مبكرة
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: بكري عباس علي)
|
سلامات لكل الامهات و الاباء و كل شنة وانتو و اولادكم و بناتكم بالف خير.
صحبتى...ميسون....كلامك صحيح تماما....ربنا يخلى ليك الوالد و الوالدة...و حاولى اتذكرى كل الحجات السمحة اللى عملت ذكريات ظريفة و اعمليها مع اطفالك.
القراية الاكاديمية مهمة جدا جدا...لكن -للاسف - ما بتتعمل بالغصب. لازم الطفل يكون عنده مزاج.
و فى اطفال لو خليناهم تماما ممكن يقضوها كلها قدام التلفزون. انا شخصيا من انصار تخصيص وقت للتلفزيون و وقت للقراية.و(اعصابى و ضغطى) ما بيسمحوا لى انى اشوف طفل قاعد اليوم كلو امام التلفزيون و ما اسله.
القراية ما بتجى بالغصب...لكن.... على الوالدين تهيئة الجؤ المناسب.
انا شخصيا ما فى زول -برضوا- قال لى امشي اقرى. لكن السبب كان انى بمشي اقرا براى قبل ما يقولوا لى.
ذى ما قلت انا من انصار وقت القراية و قت التلفزيون ...خاصة للاطفال الصغار. لكن ما من انصار التسميع و القراية حرف بحرف حتى لناس الثانوى.
(اظن) ان الطفل من صغير ياخد فرصة انه يعمل الواجب لوحده و انه يحاول (على الاقل) براه...و بعد ما يغلبه مكن نحاول نساعده او حتى نديه افكار لحل الواجب.
اكيد فى اكتر من مدرسة فى موضوع التربية و العليم...
و انا من انصار العقاب فى حالة عدم عمل الواجب او النتائج الكعبة فى المدرسة. و وجهة نظرى بسيطة. كيف ح يتعلم طفلى السؤلية? الواجبات المدرسية هى الشيء الوحيد المطلوب منه فى العمر ده. لو ما قام بيها لازم يعرف انه فى عواقب للموضوع ده. العقاب ما ح يكون حرمان من حنان الام و حتى شتائم للطفل. ابدا....لازم الوالدين يحترموا الطفل و يشعروه بحنانهم و عطفهم عليه حتى مع العقاب.
حقيقى ما ممكن طفل السنة كلها رافض يعمل الواجب و فى نهاية السنة النتائج كانت سئية اقوم اجازيه فى الصيف بلعبة ظريفة او سفرة محترمة!!!!!
و لازم الاتفاق يكون من بداية السنة على نوع المكافاءة لو النتائج كويسه. الموضوع ده ممكن يطون مناسب للاطفال الكبار ...سن 7 سنوات فما فوق. الاطفال الصغار ممكن الجزتء يكون بسسيط جدا...ذى...ما فى تلفزيون لو ما عملت الواجب. ممكن تعقد ساى فى وقت الواجب....لكن لما يجى وقت للتلفزيون...برضوا ح تقعد ساى.
المتابعة فى المدرسة مهمة جدا جدا. صحيح على الاهل انو relax شوية...لكن ما relax على الاخر.
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: smart_ana2001)
|
سلامات يا غباشي.....ربنا يدى الوالد و الوالده العافية و طولة العمر
شكرا على اشراكك لنا قصتك و اخوانك....ربنا يحفظكم جميعا.
المتابعة فى المدرسة مهمة جدا. و حتى اختيار المدرسة و الاصحاب.
جعفر محي الدين....شكرا للمرور....
ممكن كلنا (اباء و امهات) نحاول نجعل البوست فرصة اننا نرجع تانى للقراءة....لو ما عشان اولادنا...يبقى بش عشان احنا
مريوم صحبتى بعد ما كتبت عن موضوع العقاب بالتلفزيون لقيتك already كتبتى عنه.
لازم اقول انى متفقه معاك 100 فى المية حوله
سلامات د.نجاة و الف مرحب بيك و شكرا جزيلا على اشراكنا قصة اولادك. ربنا يوفقهم و يفرحك بيهم كمان و كمان
و حقيقى موضوع الدسلكسيا ده من المواضيع اللى عملت لى صدمة فى امريكا. اصلا ما سمعت بيها طوال حياتى فى السودان. فى امريكا سمعت بالموضوع و اندهست جدا من ان كتير جدا من الناس عندها دلكسيا لكن حياتهم ماشه تمام ...(منهم توم كروز). و السبب انه هنا فى وسائل كتيرة لتعليم الطفل الدسلكسك القراية و الكتابة غير الطرق القليدية. الصدمة كانت لما تذكرت كل الاطفال اللى كانوا معاى فى الابتدائي و كانوا ما قادرين يقروا مهما حاولوا و ما كانوا بيلقوا من الاستاذة غير الضرب و الاهانة.
شكرا يا دنجاة انك فتحتى الموضوع ده
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: smart_ana2001)
|
الكرمبا
سمارت و مريم تاني!
يا مريومة شنو أول أمبارح دي كنتي بتتكلمي عن الدايبر
تجي تقولي لينا kkk
طيب
ولدك دا عشان يطلع ناجح و ملحلح جدا لازم تجيبي ليه بت الجيران عشان تقرا معاه
لانو لو خليتيه بدون بت جيران العملية حا تتجهجه جدا لمن يصل Grade12
اللهم علا يكون مسجل في مدرسة مختلطة.
أها تعالي بكرة أكتبي لينا بوست بعنوان:
مساعدة يا الحبان ....إختيار لون بدلة عرس ولدي
أيامكم كلها أعياد
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: Kostawi)
|
يعني يقينا يمكن القول بأنو
There is no hard and fast rule on that
ولكن هل هناك قاريء مستقبلي بالطريقة التي في أذهاننا؟؟؟
وهل الطريقة التقيلدية للقراءة لها مستقبل أيضا؟؟؟
في ظل نحو كثير من المدارس للأنعتاق من التدريس التقليدي..
ووجود المعلومة من خلال منافذ أخرى غير الكتاب التقليدي..
فهل الزمن القادم يحتاج لقاريء نهم أما متابع ذكي.. ومتلقي أذكى...
تجدوني آسف إذا كانت الفذلكة أعلاه خارج الموضوع.. ولكن
كمقدمة أردت أن أشير للمتغيرات التي طرأت على التعليم وعلى معيناته...
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: Kostawi)
|
كل سنة وانت طيب يا كستاوى...
قال بنت الجيران قال ??? مالك علينا? 
انا غايتو ح اكون ام رجعية درجة اولى....ممنوع الكلام مع بنات الجيران. و البنات مدارس ذاتوا ما فى ليهم.....ح اعلمهم القراية و الكتابة فى البيت
بعدين انا -امهم- ما قريت مختلط لحدى ما دخلت الجامعة...حصل لى شنو??? ما كويسه.ده غير ان ابوهم قرا فى خور عمر..... (ما يجونى ناس خور عمر هسي زعلانيين)
تعرف يا كستاوى انا فى اولى جامعة كنت زولة صعبة شديد خلاص. اى ولد يحاول يتظارف كنت بديه على راسه طوالى. بعد ما set the Boundaries بعدين بقيت شويه كده بتفاهم
__________________________
على ذكر بنت الجيران..... اليوم صحيت ابنى (٣ سنوات) للمدرسة بعد ما لبس...عاين لى كده و قال:
{ ما عاوز امشى المدرسة
, can we go and see Jojo, please?1
}
جو جو هى بنت الجيران اللى لعب معاها يوم العيد لما قال كفى. فى الحقيقة ما قال كفى...انا اللى قلت كفى لما الساعة 8 باليل جات
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: smart_ana2001)
|
شوفي يا سمارت أمسكي في جوجو دي شديد بلا مدرسة معاك....القراية ملحوقة.
خلي الولد يتعود على حكاية البنات دي من هسع "عشان الحاجات تبقى عادية"
و عشان ما يبقى زينا لمن كنا في الثانوي العالي بندوك الحصص المتأخرة
عشان نحصل "اللابسة اللبني".....غايتو لو ما الله ستر كان أخوك طلع بياع طايوق عواسة.
أما الجامعة دي فخليها ساكت
ناس جوجو ديل كتار لمن مساخ
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: Kostawi)
|
انت يا كستاوى ما قريت البوست كلو لا شنو????
احنا قلنا نجتهد مع اولادنا قالوا لينا ح يطلعوا حناكيش ...عاوز تدخلنا كمان فى مواضيع بنات و اولاد ???
Kamal Karrar ...سلامات. كلامك صحيح. الكومبيوتر و كل التكنلوجيا الجديدة من اى فون و اى باد بقت وسائل تعلمية مفيده و مبتكرة و جذابة للطفل .
لكن (اظن) ان الكتاب لسه الاهم و الافيد فى حياة الطفل. القدرة على مسك الكتاب فى اليد و تقليب صفاحته و لمس الصور ذات الابعاد الثلاثية ما بيعادله اى تطبيق لكترونى.
انا جربت مع طفلى ال اى باد. بيحبه جدا و بيحب التطبيقات التفاعلية اللى فيها ممكن يلمس مصباح علاء الدين يقوم الجنى سظهر فى الشاشة. و احيانا كتيرة بنقضي وقت كتير نقرا انواع الكتب دى. لكن بالليل و قبل النوم ..لقيت انه اكتر شيء ممكن بيخلى طفلى relax و يقضي معى وقت جميل هو الكتاب الورقى,
مريوم لسه مع خروف الضحية ???
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: smart_ana2001)
|
| Quote: المتابعة فى المدرسة مهمة جدا جدا. صحيح على الاهل انو relax شوية...لكن ما relax على الاخر. |
سلامات يا سمارتي
المتابعة في المدرسة مهمة جدا ولكن ما فقط نشوف نتائج اطفالنا ونفرح بيها المتابعة التانية بتاعة
طفلك وسلوكياته مع الاخرين دي اهم من اي تفوق اكاديمي وانا شخصياافضل ان يترك ولدي الدراسة نهائيا
من ان يكون فقط تراك واحد. الحياة الخارجبة الان فيها كثير من الضغوط
تعرفي انا بشوف الان في نتائج تربية جيلنا البفتكر التعليم هو اهم حاجة ودخلو اولادهم في منافسات ما قدرها..
تعرفي ماهو اكثر ما يصيب الابناء ديل بالياس لدرجة الانتحار في حالات؟
الامتحانات هذه محن لابناء وبنات امهات جيلي..
لان الاهل فقط بيحبو الاطفال ديل حب مشروط بالدراسة وتفوقهم ولذلك عندما لا ينال درجات كويسة ولا يسقط بيكون
في حالة بتاعة دسبريشن ما حصلت. جزء منهم لجاللمخدرات وطمبجها لانه اصلا ما ااتعلم الا بتراك واحد..
قيمتك نتيجتك... اتحدث للشباب ديل دائما خاصة الذين يرسبو في الامتحانات واحس بالضغط من الاسرة كبير قدر شنو لدرجة الولد والبت
بقفل باب التواصل بينه وبين اهلو لانه بحس انهم خجلانين منه..وانه لا يسوى حاجة لانه ما حيبقى مهندس كما تريد العائلة.
دا كلو من الهوس حق القراية وابقوا احسن من اولاد فلانة.. والعجيبة كل الامهات ديل متعلمات تعليم عالي
وهن مشكلة الابناء والبنات ديل بالحب القاتل دا
اي حاجة تفوت حدها تتحول الى ضدها... الدراسة ما هي كل حاجة في الدنيا دي..
الطفل يتعلم يادي وجباته الدراسية والحاجات التانية برضو عشان يبقى مسؤول لانه ما حتباريه لغاية الجامعة عشان يشتغل وجباته
لو الحاجة دي ما من داخله و ما حتقدري تعملي اي حاجة الدافعية تنمى بان يحبب في الدراسة ويختار ما يريده ولا يكون حصان سباق.
ولا تتحول الدراسة الى سبب عقاب او ثواب دا مفهوم خطا تربويا ولا يعزز قدرة الطالب في ادائه وفي ان يكون مسؤول
والمسؤولية هي اكثر حاجة تتفقدها شخصية من رايتهم من ابناء وبنات امهات جيلي.
مافي زلو بتنفس في رقبتك انت ما تعمل اي حاجة. ما نمينا فيهم الرقابة الذاتية والمسؤولية.
من تنظيف وتنظيم غرفهم الى اداء وجباتهم والنجاح في الامتحانات
ولك التحية
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: د.نجاة محمود)
|
| Quote: و حقيقى موضوع الدسلكسيا ده من المواضيع اللى عملت لى صدمة فى امريكا. اصلا ما سمعت بيها طوال حياتى فى السودان. فى امريكا سمعت بالموضوع و اندهست جدا من ان كتير جدا من الناس عندها دلكسيا لكن حياتهم ماشه تمام ...(منهم توم كروز). و السبب انه هنا فى وسائل كتيرة لتعليم الطفل الدسلكسك القراية و الكتابة غير الطرق القليدية. الصدمة كانت لما تذكرت كل الاطفال اللى كانوا معاى فى الابتدائي و كانوا ما قادرين يقروا مهما حاولوا و ما كانوا بيلقوا من الاستاذة غير الضرب و الاهانة. |
سلامات يا سمارتي
تعرفي انا لما عرفتها مرت في ذاكرتي طوابير من الناس كانو يجلدو ويساء اليهم على انهم بليدين ومهملين
وحسيت بالحزن لاجلهم باثر رجعي
القائمة تبدأ من اديسون الى داروين الى ان تصل توم كروز
مشكلة الداسلكسيا هي مشكلة فقط في القراءة والكتابة ولا دخل لها بالذكاء حيث لا تظهر في السلوك
ولذلك لاي شخص عادي لا يرى اي مشكلة ويفتكر التلميذ دا مهمل وبليد
وممكن تكتشف بسهولة جدا في وقت مبكر وتتعدل.في نوع التلميذ يرى الحروف بصورة مختلفة من رؤيتنا لها
ودي بس محتاج لنظارة معينة وبعد ذلك مافي مشكلة.
ولذلك ا اي اب يجب ان ينظر الى كيف يكتب الابناء الحروف ودي الاشارات الاولى
ايضا النزول من السطر بصورة مبالغة فيها وحجم الحروف يختلف من كلمة الى اخرى
يجب الا يحدث بعد ان يصل الطفل الى الصف الرابع حيث في هذه السنة تتحقق الكفاءة اللغوية ويستطيع الطفل القراءة والكتابة
وهي المهارات التعليمية
طبعا في الدول المتقدمة المعلمين مدربين لمعرفة هذه الاشياء ودائما بينادوا الاهل وبيدوهم رسالة
الى المستشفى او المركز ليعرض التلميذ الى فحوصات.. هناك اهل يرفضون نصائح المعلم لانهم يرون ان ابنهم عادي
يعتقدون ان هذا يعني ان ابنهم متخلف ودي المشكلة الكبيرة البواجهوها المعلمين ان الاهل لا يريدون ان يعترفوا بذلك
صعوبات التعلم لا تعني ان الطفل متخلف وحتى لو الطفل متخلف هذا لا يعني ان نحبه اقل او نفتخر به اقل.
اختي متخصصة لديها مركز في السودان لتدخل المبكر وحل صعوبات التعلم رفضت كثير من المدارس الفخمة التعاون معها عشان عارفين نفسيات
الاباء والامهات وقالوا ما عندهم اي طفل عنده مشكلة.فقط لارضاء الزبون.مع انه عدد مقدر في كل مجموعة يعاني من الدسلكيسا
وغيرها من صعوبات التعلم.
مع التحية لك
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: nazar hussien)
|
| Quote: والله عينا ما حاره وحنقول ما شاء الله... الله يخلي |
يا أستاذه مريم
أبدا ما ح أفكر في الموضوع بفكرة العيون الحارة دي و ربنا يلهمنا جميعا لتجهيز أولادنا للجايي
أما في سبيل التجربة (عشان ما تتخمي بي كلامي ساكت كدا)
فهي من جزئين
الجزء الأول إنو تقري معاهم و كتير كمان في البخصهم و الما بخصهم
و الجزء التاني أفرز قرايتي منهم
و النتيجة كانت إنو في فرق كبير في طريقة التفكير و التركيز
أما لو دايره كلام ناسنا الجد....و أنت منهم
الاجتهاد ثم الاجتهاد ثم الاجتهاد في تحقيق الرزق الحلال و لو بي كسره و مويه
و عندها لن نحتاج كثيرا عشان ينجحوا
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: مريم بنت الحسين)
|
سلام يا بت الحسين وجميع المتداخلين
بوست موفق
أنا عندي ولدي (آمن) في Gr1 قبل أسبوع تقريبا كانت المدرسة عاملة اجتماع لأولياء الأمور بخصوص raising a future reader دي ذاتها الاجتماع كان شيق وكان تركيز المتحدثة على نقاط عديدة منها:
إنو الطفل ما مفروض يبدأو معاه موضوع القراية كان ما اتأكدوا من مقدرته على سرد الوقائع بتسلسل the sequence of events يعني مثلا الولد لمن يرجع من المدرسة نحاول نعرف منه الحصل شنو في المدرسة ونخليه يحكي لينا مما ركب البص لحدي مايركب البص عشان يرجع وأنا هنا بقصد إنو يقرأ بي نفسو وهي بتختلف عن إننا نقرا ليه
لازم عشان نحبب الطفل في القراءة ما نتعامل معاه على إنها واجب أكاديمي وزي ما اتفضلوا المشاركين لازم نكن جزء أصيل في مسألة القراءة بالقراءة معهم وإضافة جو من المرح والتحفيز عند القراءة وإنو to point at the words when reading and to correct them gently if they make mistakes before moving on.
الحاجة الكويسة إنو في المدرسة عندهم كل يوم ثلاثاء يخلوهم يدخلو المكتبة يستعيروا كتاب أي كتاب حسب رغبتهم وعندو زي سجل كدة بسجل فيه اسم الكتاب وعلى الأب والأم يتابع معاه يكتب تعليقه على قراءة وفهم التلميذ للقصة وبعدين في جاجة مهمة جدا إنو ما يكون في ضغط على الأطفال لأنو النتائج في الغالب عكسية.
في الجانب الأكاديمي أنا يا المدام(في الغالب) بنقعد مع الولد عشان يعمل الواجب بتاعه قبل 3 ساعات من النوم عشان يكون عندو فرصة يرجع يتفرج تلفزيون ولا يعمل أي نشاط تاني قبل النوم.. والحمد لله ما تعبانين معاه كتير لأنو المدرسة ما بتحوجك إنك تقضي وقت كتير معاه في الدراسة لأنو معظم الواجب بتحل في المدرسة.
بس يا مريم لازم تتذكري إنهم أطفال we shouldnt take them too serious let them enjoy their childhood وما تقعدي تنظري في محمود dont over do things
غايتو إذا الطريقة دي ما نفعت نحن عملنا لينا ترعة هنا عشان الأطفال يخشوشنو شوية ممكن تجينانطلعو ليك ولد حمش!
تحياتي للجميع
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: Ammir Mohamed)
|
سلامات د.نجاةكلامك صحيح ...اكيد التحصيل الاكاديمى ما كل شيء فى الدنيا...هو احد جوانب حياة البنى ادم. الاخلاق (من كرم و صدق و احترام للكبير)و الدين و تحمل المسؤلية من الحجات المهمة فى حياة البنى ادم.
و انا من انصار ترك الاطفال يختاروا المجال اللى بيحبوه و يمشوا فيه....لكن ده ما بيمنع انى (ح احاول) اشجعهم على دراسة العلوم science...كتيرين منكم ما ح يتفقوا معاى فى الموضوع ده(و انا فاهمة وجهة نظركم تماما و مقدراها).... لكن احنا فى عصر التكنلوجيا و العلوم. فى امريكا الان (انا عارفه برضو فى كتيرين هنا ما بيحبوا سيرة امريكا...لكن اعمل شنو? ما بعرف حياة فى غيرها او غير السودان) ..المهم...فى امريكا (برغم اقتصادها العملاق و الفرص المتوفرة فيها ) شفت الناس حولى بتشجع اولادها يقروا القراية العاوزنها...لكن الان و كل يوم بسمع فى وسائل الاعلام الصعوبات اللى بيلاقيها الناس خرجين المجالات الادبية عشان يقدروا يعيشوا بصورة كويسه. نعم...انا عارفة ان:
1-الارزاق بيد الله
2- ما كل الناس ح تبقى مهندسين و دكاترة والعلماء
3- فى ناس فى مجالات غير علمية و عايشين مليون مرة احسن من الدكاترة و المهنسين والعلماء عموما.
4- الموضوع ما بيعتمد على قدرات الطفل بس..بل غلى رغبته برضوا.
رغم انى عارفه ده كلو...لكن (ما ح انكر) انى احاول ترغيب اطفالى فى العلوم من بدرى... لكن لو رفضوا (او بقوا ما قادرين) اكيد ح اخليهم يختاروا المجال الى بينفع معاهم من غير ما اشعرهم انى احبطت فيهم. لكن لازم قبل اختيار المجال المعين يكونوا عارفين نتائج خياراتهم.
سلامات استاذ الطيبQuote: نقطة هامة، قد تكون بعيدة من موضوع التحصيل الأكاديمي، و هي أن يقضي الوالدان، و ليس الأم فقط في ظل إنشغال الأب، وقتآ مع الأبناء و لا يفيد أن يكون الأب "قاعد" في البيت لكن مندمج في سودانيز أون لاين أو ممسك بالريموت، فالــQuality Time الذي أتحدّث عنه هو دخولنا نحن لعالم الطفل و ليس تحويله لمستمع كريم "و خلاث"..يعني نتونس معاهو..و نستمع إليه..
نشاهد جزء يسير جدآ من برنامج الأطفال المحبب له..و نستمع إليه..
و لما يرجع من اللعب نتونس معاهو شوية ....و نستمع إليه.. |
دى فعلا نقطة مهمة جدا...اننا نسمع من اطفالنا و نخليهم يعبروا عن روحهم و نسالهم كمان عن شعورهم عن شيء (او موفق) معين.
التربية ما توفير اكل و شراب و بيت و بس....التربية توفير وقت و اهتمم للاطفال برضو.
سلامات يا امير...و الف مرحب.
ربنا يخلى ليك الاولاد و يفرحك بيهم...
النفطة دى ما صحيحة ابدا:
| Quote: إنو الطفل ما مفروض يبدأو معاه موضوع القراية كان ما اتأكدوا من مقدرته على سرد الوقائع بتسلسل the sequence of events يعني مثلا الولد لمن يرجع من المدرسة نحاول نعرف منه الحصل شنو في المدرسة ونخليه يحكي لينا مما ركب البص لحدي مايركب البص عشان يرجع وأنا هنا بقصد إنو يقرأ بي نفسو وهي بتختلف عن إننا نقرا ليه |
القراية مفروض تبدا مع الطفل من اول يوم....و قلنا ممكن عند عمر شهر و بالكتير 4 شهور.
المقدرة على سرد الوقائع المتسلسلة دى بتبدا فى عمر اكبر من سنتين. و دى نقطة تحول مهمة فى حياة الطفل...كونه يعرف القصة بدت وين و انتهت وين. لكن القراءة مع الطفل فائدتها ما بس فى عضم القصة.
القراءة بتخلى الطفل يعرف اللغة...و حتى فى عمر شهور لما يسمع جمل مكتوبة بصورة صحيحة بتتخزن فى عقله و بتساعده فى المستقبل لما يبدا يتعلم الكلام.
الوقت برضوا اللى بيقضيه احد الوالدين مع الطفل فى كتاب مهم جدا. الطفل (البيبي) بيعرف الحيوانات و للالوان و الاشكال و كل الحجات دى من الكتب. انا ممكن اودى طفلى حديقة الحيوان مرة كل شهر...لكن حصيلتوا اللغوية بتزيد كتير جدا من الكتب.
الكتب فرصة ان الام تحكى للطفل عن المشاعر المختلفة...ذى الحزن و الفرح و الاندهاش و الغضب كمان...و تخليه يعرف انه Ok انه يحس بالحجات دى و انه ممكن كيف يتعامل معاها.
ممكن زولتكم دى قاصده انى ما نلزم الطفل بالتعليق على القصة لو ما كان بيقدر على سرد الوقائع بعد
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: smart_ana2001)
|
Quote: سلامات يا امير...و الف مرحب.
ربنا يخلى ليك الاولاد و يفرحك بيهم...
النفطة دى ما صحيحة ابدا:Quote: إنو الطفل ما مفروض يبدأو معاه موضوع القراية كان ما اتأكدوا من مقدرته على سرد الوقائع بتسلسل the sequence of events يعني مثلا الولد لمن يرجع من المدرسة نحاول نعرف منه الحصل شنو في المدرسة ونخليه يحكي لينا مما ركب البص لحدي مايركب البص عشان يرجع وأنا هنا بقصد إنو يقرأ بي نفسو وهي بتختلف عن إننا نقرا ليه
القراية مفروض تبدا مع الطفل من اول يوم....و قلنا ممكن عند عمر شهر و بالكتير 4 شهور.
المقدرة على سرد الوقائع المتسلسلة دى بتبدا فى عمر اكبر من سنتين. و دى نقطة تحول مهمة فى حياة الطفل...كونه يعرف القصة بدت وين و انتهت وين. لكن القراءة مع الطفل فائدتها ما بس فى عضم القصة.
|
ربمنايحفظ ليك العيال وأبوهم ويوفقهم يا سمارت يا بت الأصول :-)
نرجع لي كلامك الفوق .. يا بطةأنا قصدي إنو الولد يقرا بي نفسو مش يقروا ليه يعني الولد يبدا يقرا بي نفسو لمن يكون قادر على سرد الوقائع بي تسلسل ... مش إنو نقرا ليه وفعلا الطفل مفروض نقرا ليه القصص حتى من عمر شهر.
مع أجمل التحايا لجميع المتداخلين
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: Ammir Mohamed)
|
| Quote: لقراءة بتخلى الطفل يعرف اللغة...و حتى فى عمر شهور لما يسمع جمل مكتوبة بصورة صحيحة بتتخزن فى عقله و بتساعده فى المستقبل لما يبدا يتعلم الكلام. |
سلامات
حيحصل ليه تشتت شديد لان اللغة المكتوبة ماا هي لغة الكلام ولذلك يفضل ان تحكى حكايات بالدارجي
ي الاحاجي لانها بتقوي خيال الانسان وعموما الحكايات بتخلى الطفل يبقى ريلاكس
حينما يخزن الطفل اللغة عادة يخزن اللغة اليومية . لو الزول عايز الطفل يكون متطورا شفويا يتحدث معه
ويدخل معه في حوارات حيث في القراءة يكون متلقى فقط..
جرب اذا كان طفلك اقل من 5 وبدا يحكي في حكاية يمكن ان تاثر على سيرها
مثلا حين يقول كان هناك حيوان يمكن تقول ك.لب سيقول هو ك.لب سلحفاة سيقول لك سلحفاة الخ
الخ. في هذه السن يكون لديه خلط في العلاقة بين السبب والمسبب ولذلك يقولو انه طفل غير مميز
اي لا يميز الاشياء كما هي
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: Ammir Mohamed)
|
والله انا سعيدة جداً بالنقاشات الاتفحت دي... ويا سمارت، شكرا على المتابعة والردود على الضيوف... انا طبعا عملته sign out من الحياة الإلكترونية شوية خلال الفترة الفاتت.. نصيحة ادتني ليها صاحبتي انتصار محمد صالح... وفعلا نصيحة حلوه.. الزول يعمل disconnect شويه كده...
حبيت اعلق على موضوع القراية التقليدية... والله انا اعتقد انه الكتب دي عمرها ما بتبلى... بتظل عندها نكتها الخاصة... واحنا كبلد، ما رجعنا لورا إلا لما اجيالنا وقّفت القراية... زمان لما يقولوا الخرطوم تقرأ، كانوا خريجينا على مستوى عالي من التأهيل... ياخ بعجبوني الخواجات في الحته دي جداً... في مطاراتهم دايما بتلقى المكتبة البتبيع كتب، زحمه... الناس المسافرين بختاروا كتاب ظريف يقضوا بيه الرحلة... واي زمن فايض بتلقى الزول/ه طلعوا كتبهم وقعدوا يقروا...
لقيت الموضوع بتاعنا ده في موقع قاعده اتابعه بصورة مستمره، اسمه Circle of Moms.... وهو واضعين النقاط التالية عشان نقدر نربي طفل بقرا...
Everyone knows how fundamental reading is to your child's success in life, but not all of us are sure how to start our little ones on a path to lifelong learning. What are some of your favorite tips for helping your child to learn to read, and getting them excited about it?
1. Start Early and Be Wary of Phonics Programs
"Hi, I'm a primary school teacher and a mother. These are my best tips: - Start reading to your child from the very start and surround your child with books. Try to read to your child as much as you can. A book before bed is a good routine. Pick books that children will want to read again and again (eg: anything by Mem Fox, the Hairy Maclarey books, fun rhyming/repetitive texts). - As others have already recommended, Reading Eggs is a fantastic program. My 4 year old son loves it and his reading progressed phenomenally after he started it. - Magic 100 Words (check online or in your local bookstore) is something I use in the classroom and have also been using with my four year old. It focuses on teaching children the most commonly used words. They start with Golden words (eg: the, and, was) and once they learn those words, they start on the next level. I make up different ways to reinforce the level words he's doing eg: flashcards, letter magnets, foam letters in the bath. For instance, before he gets in the bath I'll put 'the' and 'is' on the tiles and ask my son to tell me what they say when he gets in the bath. For him it's like a fun game to see what words are there today. The golden words alone (12 words) make up 1/4 of all reading! Just knowing those 12 words gives them a good head start. - Be wary of phonics programs. Make sure they're not just teaching one letter=one sound, as this can become confusing later when they come across words like circus or phone. A good phonics program to look into is THRASS. It's another program I use in the classroom and teaches that sounds can be made from different letters, not just one letter/one sound. I would start this once your child is starting to get the basics of reading. - Point out words to your child, eg: 'stop' on a stop sign or 'milk' on a milk carton." - Jo-anne Hart
2. Use Websites like ReadingEggs.com
"Websites like starfall.com and readingeggs.com at great sites. I have a 4yr old who reads and we use those sites and the leapfrog videos. I also started using a book called "Teach Your Child to Read in 100 Easy Lessons." Great book! It helps with sounding out words as you read them something that has helped my daughter tremendously. At 4 she call read almost any word. " - Brandi McAnally
3. Encourage the Love of Books
"I was an avid reader from a young age, and by the age of 8, had completed the entire primary school reading curriculum, and that was from being read to and a love of books encouraged from a young age. i have read to my daughter from a young age, and she loves books, even picking out favourites from age 1! now i read a book to her at bedtime, then she likes to 'read' the book herself. if i sit outside her room and listen i can hear her telling the story as she sees it from the pictures. she is only 2 and is very forward in her speech" - Stephanie Roberts
4. Read Yourself in her Presence
"I started reading to my daughter when she was an infant because I knew that was the great start she needed. My hubby and I, at a time always had to hide some books from her at bed time because if she found 5 books, you have to read all five before she sleeps..so funny that if she picks on the bible, she would expect that you read it all in one night! That set her off well and now she is well above her peers in reading and all, she even won spelling bees at her grade level last year spelling all 1st and 2nd grade words! Coupled with reading to her, we used starfall, very great site indeed. We are doing same with her brother who is just 3 years old too and has started picking on some sight words and with the influence of the sister picking some amazing science terms and telling us the meaning. We also read in their presence, because seeing your love for books helps to stimulate and encourage them. We have a study at home, with books including theirs, magazines around that they can pick on, take them to barnes and noble once a month and also the library. We play sight words bingo games and the likes, leapfrog leapster and the tag reading system are also helpful. I believe all of this has helped to create the interest in reading and learning." - Oluwaseyi Ademola-Oyerokun
5. Read Every Night to Your Child
"We read to our kids every night before bed since they were babies. We taught our daughter to read by using Hooked on Phonics. She is an excellent reader and reads about 2 grade levels above her grade. For my son, we started sight words during the summer before he started Kindergarten. We also had him do the Hooked on Phonics and he picked it up quickly. His teacher recommends the starfall website. I looked there but haven't had the chance to use it yet. I definitely think that kids must be taught phonics as this will help them later on with sounding out words they do not know. My friends' son wasn't taught phonics in a private school and by 2nd grade he was struggling. She had to use a tutoring company to remedy the situation." - Brandi Franklin
فيه تكرار لمعظم الحاجات القلناها... بس في اضافات للحته بتاعت المواقع والتكنولوجيا البتساعد على تعليم الطفل القراية.. حأجي وقت تاني اكتب عن leap frog، لانها من الحاجات الناوية اجيبها في الفترة الجاية لمحمود.. اعتقد انه وصل لعمر يقدر يستخدمها... لكن عايزه اناقش فايدتها... ما دايما الاعتماد على التكنولوجيا مفيد...
ضحّكني تعليقك يا سمارت على الحنكشه هههههههههه وتعليقك يا امير على الترعه لوووووووول....
بالمناسبة، عمّنا كوستاوي ده عنده point يا سمارت، ما تناقريه زي ما بناقرك ياخ... احنا اتربينا في بيوت ما عندها عقد ومشاكل... لكن في بلد زي السعودية بنين دي، المسألة دي مشكلة .. ...حمودي في مدرسة مختلطة يا عمو... وعنده صاحبات عسولات... صحي مرات بتقوم عليه جعليه كده بقعد يقول البنات شينات وعويرات وما عارف شنو... لكن بلعب معاهن وبنسى الكلام ده كله...
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: مريم بنت الحسين)
|
سلامات يا د.نجاة. كلامك صحيح 100 فى المية حول ان الكلام مع الاطفال بطور مقدراتهم الخطابية.
لكن حقيقى ما بتفق معاك حول ان القراءة بالفصحى (او حتى بلغة اخرى) ممكن تلخبط الطفل او تشتته.
كل اخصائيين الكلام بيوصوا بالقارءة لاطفال. حتى اطباء الاطفال (خلال الكشف الروتينى الشهرى "فى اول سنة" و السنوى "بعد عمر سنة") بيسالوا الام اذا كانا بتقرا لطفلها.
اذا كان الطفل قادر على استوعاب اكتر من لغة (ست لغات) ...ما معقول القرلءة بنفس اللغة تكون ممكن تشتته.
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: smart_ana2001)
|
سلامات يا سمارت
في لغات مافيها مستوين تخاطب
لكن اللغة العربية فيها ولذلك يفضل في الفترة الاولى حكي حكايات شفوية
حتى لا يكون الطفل ما عارف يتكلم شنو
في اي مشكلة بتاعة كلام مـتأخر بعد ان يتم فحص الطفل اكلنكيا ويثبت سلامته
بيكون في مشكلة البيئة التي يعيش فيها واذا كان هناك لغات مختلفة
يخاطب بها. ولذلك يطالب بالاهل ان يوحدوا اللغة وبعد ذلك ينتظروا فترة
| Quote: اذا كان الطفل قادر على استوعاب اكتر من لغة (ست لغات) ...ما معقول القرلءة بنفس اللغ |
من ياتو سن الطفل ممكن يعرف 6 لغات؟
من الميلاد الى ان تتكون الكفاءة اللغوية الشفوية لطفل وهي 5 سنوات الى 6 سنوات
اي طفل يتعرض لاكثر من لغة سيتشتت في الاستخدام..خاصة في السنتين الاوائل
ولذلك نجد ان هناك كثير من الاطفال لا يتحدثون ويكون ذلك نتجية لاستخدام لغتين او اكثر
في تلك الفترة.
كما قلت ليك يمكن القراءة من كتاب وبمكن قص قصص وحكايات
ولكن تتوحد اللغة. في اللغات التي بها مستويات مختلفة تستخدم الدارجة.
مع التحية
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: د.نجاة محمود)
|
سلامات يا د. نجاة و شكرًا علي طولة البال.
| Quote: اي طفل يتعرض لاكثر من لغة سيتشتت في الاستخدام..خاصة في السنتين الاوائل |
أنا برضوا كنت خائفة من الموضوع ده. في البيت بنتكلم عربي و في المدرسة (لطفلي اللي عمره 8 شهور) الكلام بالانجليزي.
و لأني كنت بالجد مهمومة بالموضوع ده، عملت مواعيد مع أخصائية كلام وحكيت ليها عن قلقي. ردها كان واضح. اذا كان الطفل طبيعي، ما في اي مشكلة في ان يكون في حياة الطفل لغتين.
و قالت لي حتي اذا قررتي تطلعيه من المدرسة و قررتوا تقعدوا في البيت لكن لسه عاوزين طفلكم يتعلم لغتين، مفروض أنا و زوجي نتفق، كل واحد فينا يختار لغة و يتكلم بيها ( و يتعامل بيها) مع الطفل في البيت.
و حقيقي أنا شفت الموضوع ده في أطفال كتار حولي،صديقتي اليابانية و زوجها الامريكي كل واحد فيها بيتكلم لغته مع الاطفال من عمر يوم واحد. أطفالهم الان عمرهم 5 و 7 سنوات و بيتكلموا اللغتين كويس جداً.
الحالات الوحيدة اللي سمعت فيها ان متخصصين الكلام طلبوا من الاسرة توحيد اللغة هي الحالات اللي كان فيها الطفل عنده مشاكل تانية بتاعت تواصل اجتماعي.
http://www.accreditedonlinecolleges.com/blog/...0-tips-tools-tricks/
دي وصلة أتمني ان اي ام او اب عايش في دولة ما عربية يمر عليها و أكيد ح يستفيد.
| Quote: Introduce your child to his or her second language as soon as possible. Immediately after birth is not too soon! Don’t be discouraged, though, if you are introducing your child to a bilingual environment at a later age. Any linguistic input you are able to provide your child in a second language will propel him or her on the path to successful communication and contribute to his or her enthusiasm for learning about the world as a larger global community. |
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: smart_ana2001)
|
Quote: من الميلاد الى ان تتكون الكفاءة اللغوية الشفوية لطفل وهي 5 سنوات الى 6 سنوات
اي طفل يتعرض لاكثر من لغة سيتشتت في الاستخدام..خاصة في السنتين الاوائل
ولذلك نجد ان هناك كثير من الاطفال لا يتحدثون ويكون ذلك نتجية لاستخدام لغتين او اكثر
في تلك الفترة. |
انا برضه اسمحي لي يا دكتوراه اختلف معاك في الحته دي... مثال بسيط هو انا ... اهلي في البيت بتكلموا سوداني.. في الحضانه كنّا في بريطانيا، انجليزي.... بعد فترة تشويش .. طلعت بتكلم اللغتين... موش بس كده.. اتربيت في الامارات والاردن... بتكلم اللهجات دي لدرجة مرات بفتكروني منهم... لولا الشنا طبعا...
الطفل البتعرض لأكتر من لغة بتأخر صحيح فيهم كلهم... يعني بمر بمرحلة بتاعت تشويش، ما بكون متقن اللغة زي طفل معرض للغة واحده بس.. لكن مرحلة التشويش دي ما بتستمر... وبعد شويه الطفل بطلع منها وهو متقن اللغتين... والطفل عنده قدره يحصّل لحدي خمسة لغات ...
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: مريم بنت الحسين)
|
Grade: PreK–K
Subject: Oral Language Development, Communication and Language Development
Introduction
In the early childhood classroom, silence is not golden. Spoken words are opportunities for learning that should take place throughout the day - especially during conversations between children and between teachers and children.
Human language is a remarkable way to communicate. No other form of communication in the natural world transfers so much information in such a short period of time. It is even more remarkable that in three short years a child can hear, mimic, explore, practice, and finally, learn language.
Language Learning
There is no genetic code that leads a child to speak English or Spanish or Japanese. Language is learned. We are born with the capacity to make 40 sounds and our genetics allows our brain to make associations between sounds and objects, actions, or ideas. The combination of these capabilities allows the creation of language. Sounds come to have meaning. The babbling sound "ma - ma - ma" of the infant becomes mama, and then mother. In the first years of life children listen, practice, and learn. The amusing sounds of a young toddler practicing language (in seemingly meaningless chatter) is really their modeling of the rhythm, tone, volume, and non-verbal expressions they see in us.
Language -with all of its magnificent complexity- is one of the greatest gifts we give our children. Yet, we so often treat our verbal communication with children in a casual way. It is a misconception that children learn language passively. Language acquisition is a product of active, repetitive, and complex learning. The child's brain is learning and changing more during language acquisition in the first six years of life than during any other cognitive ability he is working to acquire. How much easier this learning process can be for children when adults are active participants!
Adults help children learn language primarily by talking with them. It happens when a mother coos and baby-talks with her child. It happens when a father listens to the fractured, rambling, breathless story of his 3-year-old. It happens when a teacher patiently repeats instructions to an inattentive student.
Working With Language Delays
It is very common for teachers in early childhood classrooms to have children with speech and language delays. The process of learning language can be impaired in many ways. These can include difficulties in hearing, problems in making associations between sight and sound, attention deficits, and a limited background of experience. A child's language skills are directly related to the number of words and complex conversations they have with others. In order to learn the relationship between sounds and objects- a child must hear. And then make the association between the sound and what it symbolizes. If a child hears few words, if a child is rarely read to, sung to, or talked with, he will not have normal language development. Children growing up in verbally and cognitively impoverished settings have speech and language delays. In more extreme situations, children neglected by their caregivers and rarely spoken with can have completely undeveloped speech and language skills.
Fortunately, the parts of the brain responsible for language are very malleable. Given opportunities to hear, talk and have complex conversations, these children can catch up. The challenge for the early childhood teacher is to make sure that these children have many developmentally appropriate language activities. It is important that concerns about delayed language skills are shared with the family and other school personnel in order to properly diagnose potential causes. Many parents are inexperienced and may not be aware of what is "normal" language development at any given age. Early childhood classrooms are one of most important settings for early identification of language problems.
What You Can Do
reate conversation buddies. Talk with children and encourage them to have conversations with each other. Several times during the day, help children "discuss" various topics with their conversation buddies. Topics might include what they did during the weekend, what they thought of a story, who they know that reminds them of a character in a book you just read to them.
Introduce words by theme. Use word games to help the children learn to rhyme, understand opposites, find as many words to describe an object as possible, and learn the names of new objects. You can make this more interesting by picking a theme to guide this. For example, cook up a delicious snack in the classroom and explore words such as ladle, strainer, colander, and cutting board.
Engage children in listening exercises. We often forget that language is both receptive and expressive. Make sure that children don't just mimic words and learn to say things. It is essential that children are listening, receiving accurately and processing effectively what they hear. Introduce exercises where children are asked to repeat back what they heard you say (you will often be amazed at how varied and inaccurate their interpretations can be). Have children relate key elements of a story or an activity. And emphasize to children the importance of listening to their conversation buddies.
http://www.scholastic.com/teachers/article/ho...ldren-learn-language
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: د.نجاة محمود)
|
| Quote: .. والطفل عنده قدره يحصّل لحدي خمسة لغات ... |
في حياتي وعشت في ثلاثة قارات في اماكن تعليم
ما شوفتا زول بعرف 5 لغات غير اثنين بروف خالد دوران وبروف الامين ابو منقة
في ناس عندهم موهبة في تعلم اللغات بتعلموها بعد لغتهم الاصلية
لازم يكون عندك لغة اساسية .. ودي البتتعلمها وانت بي بي
الاسمها اللغة الام..
بعد ذلك انت واجتهادك.
مع المودة
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: د.نجاة محمود)
|
This is one case
How many languages does your child speak?
Being the kind who jabbered in three languages before I was out of my diapers, learning a language wasnt something I really thought about. We heard languages all around us, living in a metropolitan city like Mumbai and had, at various points in our life, neighbours who were Gujarati, Maharashtrians, Tamilians, UPites, and Bengalis. Naturally, I grew up picking up bits and pieces of every language, and strangely enough could understand most languages and speak a few sentences of each, but wasnt too fluent in Hindi, despite the fact that it was a language I watched news (Doordarshan era child, yup, dinosaur me!) and movies primarily in Hindi as well as the Ramayan, Mahabharat, Hum Log and Buniyaad serials in Hindi. At home, my father's native tongue was Hindi/Urdu and my mother's English, and by default we spoke English. I struggled a bit to polish my Hindi when I got married, because I needed to communicate with my mother in law on a day to day basis in Hindi, and I'm ashamed to say my Hindi was very Anglicised. I solved this by watching Doordarshan news every single day. And didnt really give much thought to language development and picking up languages until I had the brat. Who refused to speak, and had us running helter skelter getting assessments, and opinions from neurologists, and speech therapists and psychologists and infinite others I cant recall right now. The child was not speaking, and the one piece of consistent advice I got from the development psychologists and the speech therapists was that we should expose him to one language for him to pick up speech. Because I got this advice from specialists, I took it seriously. I even tried to implement it. I've already written about the Baby Einstein DVDs and the other speech development DVDs I was suggested I use to get his language skills up and going. Implementing a one language exposure was easier said than done. I also didnt agree. Wouldnt exposing him to multiple languages make language easier for him? I wasnt a trained professional but I reckoned that hearing a language constantly puts it into your head in a way that learning it formally doesnt.
So the brat grew, getting exposed to Hindi, English, Marathi, Bengali. He was in a multilingual home. I spoke with him in English, the grandmother in Hindi, the maids in Marathi, as did the neighbours. He replied back to the best of his ability, and made up his own language for a while, with a smattering of words from different languages before finally, now, at the age of six, having no language confusion at all.
Today the brat speaks fluent English and Hindi, and can think in both languages, which makes them both his native language. He understands Marathi and Bengali, thanks to my maids, and is slowly but surely picking up Kumaoni from his grandmother. He is amazingly good at Hindi which he has just begun as a subject in first grade, despite the fact that he missed out almost two months at school (July and August) due to constant hospitalisations and ill health, and that was when Hindi was being introduced to the children. He shifts between both languages easily, in conversation. And not for a second now, would you ever imagine this was a child with a speech delay, and zero language development at appropriate milestones.
Read this at utbt's blog. She has done an interesting study on language development in child, and conducted an exhaustive poll to come to her conclusions.
How many languages does your child speak, and do you ensure that you try to expose your child to multiple languages? This could be interesting.
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: مريم بنت الحسين)
|
شكرا د.نجاة على الموضوع.
اكيد التخاطب مع الاطفال و اعطائهم فرصة يعبروا عن روحهم مهم جدا جدا جدا. و دى هى الوسيلة الوحيده عشان الطفل يتعلم كيف الناس بتتكلم. كيف الناس بتسال سؤال (كلاما) و كيف بتعبر عن فرحها و حزنها و غضبها كمان باللغة.
ما اختلفنا فى كده.
اختلافنا فى موضوع "التشويش" من استخدام لغتين. الاطفال حقيقى ما بحصل ليهم تشويش. كل البيحصل ان ال Vocabulary بتنقسم بين اللغتين. و الطفل بيبقى شكله متاخر. يعنى.... اذا كان عقل الطفل بيستوعب 100 كلمة فى الشهر....وكان بيستعمل لغتين. مقدار ال 100 كلمة ده ح يتقسم بين اللغتين.
Quote: لازم يكون عندك لغة اساسية .. ودي البتتعلمها وانت بي بي
الاسمها اللغة الام..
بعد ذلك انت واجتهادك. |
و التجارب الان اثبتت ان الطفل ممكن يكون عنده اكتر من native language...او لغة اساسية.
| Quote: The process of learning language can be impaired in many ways. These can include difficulties in hearing, problems in making associations between sight and sound, attention deficits, and a limited background of experience. |
الفوق ده كوت من الموضوع اللى نزلتيه.....
و فعلا اى طفل ما بيعانى من اى واحده من المشاكل اعلاه ...ما فروض يكون عنده مشكلة يتعلم اكتر من لغة من اول يوم.
وده بيرجعنا لموضوعنا الاساسى. القراءة للاطفال مهمة مهمة مهمة (طبعا بالضافة للكلام معاهم).
موضوع ان القراءة للاطفال مهمة و مفيدة موضوع اتفق عليه اطباء الاطفال و اخصائيين الكلام و (اظن) ال Common sense....
شكرا د.نجاة تانى لطولة بالك
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: smart_ana2001)
|
سلامات يا مريوم و ضيوفها من الامهات و الاباء ....
مع انى وعدت انى ما ح انظّر فى موضوع القراية اللاكاديمية...لكن فى حجات كان بيقولها و يعملها الوالد -عليه رحمة الله- اظن انها كانت مفيده جدا.
اهم شي ان الاب و الام يعرفوا انو ما ممكن نجبر اطفالنا على القراية ...و ان القراية (لاغلب الاطفال) حاجه ما ظريفة و ما بيعملوها بحماس شديد. و انها فى النهاية مشكلة الطفل. هو الى ح يتعاقب فى المدرسة لو ما عمل الواجب
من الوصايا المفيده جدا:
ان الوالدين ما يقولوا للطفل...ده وقت "عمل الواجب". من الافضل ان نقول...ده "وقت القراية". لو قلتى الواجب...ح يجيك يوم يقول ليك : ما عندى واجب اليوم.
مهم جدا ان الوالدين يقرروا وقت معين للقراية. و ممكن تخلى الطفل يشارك فى اختيار الوقت ده. بعد المدرسة على طول...او بعد الغداء...او قبل العشاء. المهم انكم تتفقوا على المواعيد و فيها يمنع الطفل من عمل اى نشاط اخر. لو عاوز يقعد ساى فى غرفته (ما فى تلفزيون او العاب او قراية كتب خارجية و مجلات) هو حر. لكن ده و قت القراية بس.
روتين القراية لما يكون بسيط بيكون مفيد للاهل و الطفل. مثلا ممكن الام تنبه طفلها لمواعيد القراية قبل 5 دقايق من المواعيد. انا بعمل الحركة دى مع الحمام برضوا. قبل مواعيد الحمام بخمس دقايق كده بفتح للجماعة اظنينهم ان مواعيد الحمام و النوم بقى ليها 5 دقائق.
من المهم برضوا ان الام او الاب يخلوا الطفل يحاول عمل الواجب وحده و يساعدوه لو طلب مساعده. و حتى لما يطلب..لازم نخليه يحاول براه شوية فى البداية. ممكن نسال الطفل اسئلة ذى: انت فاهم شنو? طيب ما فاهم شنو? ممكن تدينى مثال? وكده.
بجيكم راجعة بعد شوية...ان شاء الله
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: smart_ana2001)
|
| Quote: بالمناسبة، عمّنا كوستاوي ده عنده point يا سمارت، ما تناقريه زي ما بناقرك ياخ... احنا اتربينا في بيوت ما عندها عقد ومشاكل... لكن في بلد زي السعودية بنين دي، المسألة دي مشكلة .. ...حمودي في مدرسة مختلطة يا عمو... وعنده صاحبات عسولات... صحي مرات بتقوم عليه جعليه كده بقعد يقول البنات شينات وعويرات وما عارف شنو... لكن بلعب معاهن وبنسى الكلام ده كله... |
Have you ever seen an uncle kalamo bigh3 wata?
Ya 7aboba smarti
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: Kostawi)
|
سمارت.. الطريقة دي انا بعملها.. وقت القراية عندنا الساعة 2 ظهر.. محمود بصل البيت الساعة 12.. محددينها في الساعة تحت التلفزيون طوالي... بنقفل التلفزيون، طبعا دي مما كان عمره 3 سنين قاعدين نعملها.. ما ممكن نقرا والتلفزيون مفتوح.. قد يكون ده كلام بديهي بالنسبة لناس، بس ضروري ننبه ليها.. صعب جداً القراية مع التلفزيون... مشكلة حقيقة، لانه الطفل ما حياخد القراية بصورة جاده.. وما حيكون مركّز... وحتاخد منه وقت طويل عشان يخلص.. وممكن يكلفتها ليك... لازم من بدري تتعودوا انه مافي تلفزيون اثناء القراية... اها الساعة 2 دي بكون ارتاح، واكل وشاف حاجاته في التلفزيون.. ولاحظته برضه انه الرسوم خلال الساعة دي ممله وما جاذبة.. بالتالي بالنسبة ليه احسن يعمل الواجب في الوقت ده... قبلها بوقت بنبّهه... ومرات بستخدم الtimer عشان يرن لما يجي وقت القراية... (حأكتب عن الtimer ده، لانه انقذني من اصعب وقت في اليوم، وهو الصباح للاستعداد للمدرسة)... الحاجه الجميلة انه امس انا كنت في المطبخ.. وما نبّهته محمود للواجب.. جيت عشان انبهه.. لقيته قافل التلفزيون، وقاعد يعمل في الواجب براه... والله فرحته فرح شديد... وقررته اني اديه مكافأة كبيرة... .. لانه مفيد جداً...اتفقته مع نادر ناخده سباحة...
حأكتب عن نظام المكافآت ده وقت تاني...
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: smart_ana2001)
|
Quote: سلامات يا مريومة
انا عندي 4 اطفال 3 منهم ولدو والدهم طالب دراسات عليا في خلال 4 سنوات
يعني كمية من الكتب في كل مكان في البيت الحاجة التي كانت تلفت نظر الناس فيهم انهن ناهئيا ما بشرطوا اي كتاب
وفي تلك الفترة انا كنت متفرغة 100% كام
الحاجة البعملها ليهم اني بتكلم معاهم كثير جدا وبقص ليهم قصص على طول من سن صغيرة جدا ونعيد ونكرر هذه القصص
لدرجة اذا غيرتي جملة طوالي بقولو ليك لا يا ماما المرة الفاتت ما قلت كدي.ووبمثل ليهم ولدي مقدرة في تقليد الاصوات
وظفتها لحكي تلك الحكايات من فاطنة السمحة الى الاميرة النائمة . وما مشو روضة او حضانة الا بعد 4 سنوات
عندما بدأت ان التحضير بعد عودتنا مباشرة من امريكا كانوا مع امي وكان والدي رحمة يعلمهم ويقص لهم القصص
ر يعني تاكدت ان لهم طفولة سعيدة ما فيها اي ضغوط و مدرسة ولا نظام حرية تامة
كما حدث لنا في طفولتنا التي قضينها متنقلين في ربوع السودان المختلفة..
كل العائلة قراء ممتازين .. اي الكتب المختلفة متوفرة لهم بدأت من الكتب البتقول سيك سيك من البلاستيك
بناتي دخلن السستم وهن في الخامسة من العمر ثم بدأن تعليمهن النظامي في السنة السادسة
بتوصية من الوالد رحمة الله عليه انه يخلوهم في البيت لما بصلوا خمسة يمشو روضة ما تاخد زمن طويل وهذا ما حدث
لكل اطفالنا ..
عاشوا طفولة سعيدة جدا وهن الان شابات لطيفات مرحات محبوبات جدا من الجميع
في حياتي لم اقارنهن باي انسان اخر مهما كان نجاحهم في الابتدائي كنا ممتازات جدا في الفورم منعا من ان يوصفن "بنيرد"
وعايزات يبقن "كول" بقو ما مجتهدات وللابنةالفي نص قصة ترددها معلمة الكمبوبتر التي كادت ان تموت بالصدمة
حينما قالت لها تعالي راجعي الاجابات حقتك في الامتحان لانه انا متأكدة ممكن تجيبي اعلى من كدا
سالتها ضحى حتديني كم قالت ليها 74 من 100 ردت اوكي شكرا ليك على الفرصة انا ما طماعة
دي كفابة وانطلقت من الفصل.. اها دي شخصية لا تحب المنافسة ولا تقارن نفسها باي شخص
في الاسرة زوجي رجل ريلاكس جدا في موضوع اجبارهم على المذاكرة كان يدرسهم التوحيد
من سن صغيرة جدا افتكر التوحيد مهم جدا لاي طفل يعيش خارج العالم الاسلامي
ويدخل معهم في نقاشات عن معرفة الله والايمان وعن الاحسان والبر وكل شعب الايمان
الحاجات دي اثرت عليهم جدا دائما الحمدلله لم نجد اي صعوبة ولم ندخل معهن في اي محنة الى الان
اخترن دراستهن وحدهن ما اثرنا عليهن. تذكري انني اخترت ان ادرس مسرح سنة 1980 وافق والدي
الحمدلله في الجامعة تغيرت كثير من عاداتهن الدراسية . ابنتي الكبرى لديها مايلد "دسلكسيا" و
اكتشفنا ذلك للاسف وهي في الفورم حيث كنا نظن مشكلة الكتابة عندها لانها تعرضت لنقلات كبيرة في حياتها
من اللغة الانجليزية الى العربية والى الانجليزية كان السبب في ان اترك كل شيئ واتفرغ لحل هذه المشكلة
بالمناسبة لكل الاباء يجب ان تعرف لماذا لدي طفلك مشكلة في التاخر الدراسي حيث يظن البعض انه فقط بلادة وكسل واهمال
هناك مشاكل دراسية تحدث لاطفال سببها مشكلة في تركيبة عقل الطفل حيث لا يظهر عليه اي اثر في السلوك
يمكنه ان يكون برايت ومتطور لغويا شفويا وعنده مهارات كثيرة ولكن هناك مشكلة مثل "الدسلكسيا"
كم من طفل مسكين يتعرض للضرب والتوبيخ والحاجة ما بيده هناك علاج لكل حاجة هذه من تجربتي
الحمدلله الان تخرجت وتعمل وانا هنا احيها على اجتهادها وصبرها وانا راضيةعنها تماما
وفخورة بيها جدا لانها قدرت تتغلب على الصعاب وتمشي لقدام وتنفع روحها
ابنة معارف لنا تعمل الان دكتوراه وهي لديها مشكلة مايلد" دسلكسيا".ز اذا ابنك او ابنتك لديهم مشكلة في كتابة الحروف
(في سن صغيرة كل الاطفال يكتبون الحروف بالقلبة ) ولكن بعد الصف الرابع يجب الا يحدث هذا واذا كان يجد صعوبة في قراءة الكلمات
حتى يحدث تدخل مبكر ويحل المشكلة اعرض طفلك على متخصص في صعوبات التعلم
واعمل كل الاختبارات . التدخل المبكر يجعلك تحدد كيف يمكن ان تساعد ابنك اوابنتك ولا شيئ يستدعي
الخجل من ان لطفلك مشكلة وتذكر لا سبب يخليك تنافس باولادك اولاد الاخرين وتضعهم في حتة ما حتتهم
اي طفل حلو وعنده مقدرات في حاجات محددة بس فتشها. الحمدلله الان بناتي اتخرجن بتقديرات عالية
لانهن دخلن تخصصات مناسبة مع قدراتهن..
ولدي فجاة من طالب شاطر قرر يبقى لاعب باسكت الناس في الفصل وهو في الفيلد رغبته الاساسية يكون صحافي
حينما كان عمره 16 سنة ذهب ليحضر ورشة فيها اكثر من 300 متشرك عملتها اكبر صحيفة هنا وتم اختياره
كجونيار رايتار ولكن بعد ذلك غير وبقى عايز يبىقي لاعب باسكت. والان عائد السنة
هو شخصيته ممتازة جدا ومرح جدا وينفع ان يكون كومديان وبالفعل قد فاز مرة في مسابقة استاند كوميديان
تركناه على كيفه الان لاننا نؤمن بانه يمكن ان توصل الحمار الغدير ولكن لا يمكن ان تجبره على الشرب
ولذلك اتمنى من كل الاباء والامهات يبقوريلاكس وما يفتكروا لو ولدهم ماعايز يقرأ دي فضيحة ليهم
لانه الموضوع كلو بس خيارات والعيال ديل عندهم خياراتهم. وتحول الاطفال الى حاجة للتباهي كذيا وصدقا حاجة بطالة
وما تربوية..
كما تقول امي التربية كد حجر هذا ما عرفته في 25 سنة من كوني ربة منزل.هناك لحظات فرح ولحظات
حزن ولحظات غضب ولحظات ياس.الحاجة المحزنة الما اتعلمناها انه ما مستعدين لاي طفل يطلع من الرصة
العيال ديل ممكن يقعوا في كثير من المشاكل منها القانونية فقط نصبر ونصابر ونبحث عن النصح
ومهما يكون الا يوجد انسان مجرد من اي حاجة نافعة
لديه قصة طريفة يوم ذهب مع والده لمقابلة بروف امريكي درس زوجي في امريكا
سال البروف ولدي ماذا يقرا وهو لا يقرا الا المغامرات ودائما ابوه يقرعه على ذلك
قيس وات 1؟ طلع البروف دا بقرا السلسلة دي وقعد طول الوقت يتناقش معاه فيها
اها من وصل البيت قالي يا حاجة طلع استاذ الحاج ذاتو بقرا كتبي الانتو بتقولو كتب ما مفيدة.
اتمنى لكل اولادكم التوفيق والصلاح في الدارين..والدراسة ما هي اهم حاجة في الطفل
الجانب الانساني وتطوره هو اهم شئ لا احد يقدم نفسه في الحياة العامة بشهاداته بل بشخصيته
ولذلك يجب ان نركز على بناءالشخصية السوية المتصالحة مع نفسها والعالم من حولها
ودا النجاح الحقيقي للابوين |
مداخلة قوية ومفيدة وممتعة
شكرا يا خية
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: الخير محمد عوض)
|
سلامات يا سمارتي وكل سنة وانت طيبة
ابدا يا زولة مافي مشكلة في الاختلاف ونحنا هنا بنتبادل في وجهات نظر وتجاربنا كأمهات
Quote: من المهم برضوا ان الام او الاب يخلوا الطفل يحاول عمل الواجب وحده و يساعدوه لو طلب مساعده. و حتى لما يطلب..لازم نخليه يحاول براه شوية فى البداية. ممكن نسال الطفل اسئلة ذى: انت فاهم شنو? طيب ما فاهم شنو? ممكن تدينى مثال? وكده.
بجيكم راجعة بعد شوية...ان شاء الله |
موضوع الواجب دا موضوع بالجد يحتاج لوقفة كبيرة من الاهل
تعرفي انا شوفتا ام بتحل الواجب لولدها نوع اكتب اربعة هنا اكتب 8 هنا الخ الخ
الواجب هو تطبيق على ما درس في الفصل يجب على الطالب ان يجيب على كل الاسئلة
ولكن اذا جاب اسئلة غلط ما نصلحها ليه نخليه يمشي لمعلمة الصف عشان تشوف ليه جاب غلط وتشوف
هل في طلاب تاني ارتكبوا نفس الخطا وتعيد شرخ الدرس,,
دورنا بيكون على اشراف انه الطالب دا كمل الواجب كله..
ممكن الطالب لو عنده حاجة ما فاهمها تشرح له وخليه بستمر في حل الواجب
افتكر الاسئلة دي اسئلة ممتازة
برضو شوفتا امهات الواجب دا بعذبوا بيه الاطفال في اي وقت عايزنهم يقرو
حتى الاطفال بفتكرو انه الواجب دا نوع من العقاب..
نحنا الوقت البتعمل فيه الواجب هو بعد العودة من البارك والاكل ( الخديعة كما يقولن البنات)
ودي قبل المغرب الى العشاء. بقعد معاهم اشوف ياتو واجب بس بتأكد انه خلصوه
ولا اراجعه صاح ولا غلط لانه د مهمة المعلمة ولكن لو في سؤال بجاوب عليه وبشرح الحاجة وبخليهم بعملو
براهم اي زول بعد يخلص تماما يدخل الكراسات في الشنطة
بعدها اي زول يحضر هدوم المدرسة لبكرة.
بيجو من المدرسة الساعة 2 ونصف بيستحمو وياكلو ويتفرجو في التلفزيون ويتشاكلو
ويبكو ويشتكو ويرسمو بعداك بنعمل كوب كيك للمدرسة بكرة تجي الساعة 6 بنمشي الحديقة
وبفرح شديد لو المطرة صابة لانه معنها حديقة مافي ,,( انا ام موسوسة ما بقدر اخليهم يمشو براهم خشية يتخطفو)
بعداك ابوهم بيصل نأكل ونبدا الواجبات الدراسية .مرات بخليهم يقروا درس بكرة
مرات بس لانهم بزهجو شديد ..
لا مكافاءات عينية في اداء الواجب لانه حيفتكروا انه عملوا حاجة شاذة تستحق المكافأة
يوم السبت نأخذهم الى سكشن 14 ونجارى انا و ابوهم بين ماكدونالد الفيه واحدة مع اخيها وكنتكي الفيه بت تانية
بتزا هت الفيه بت تالتة الى ان ينتهي الموضوع دا فشلنا تماما في انه نخليهم بتفقو على انه كل اسبوع
نمشي محل..عشان كدا فك الاشتباكات والنزاعات دا بيضيع نص عمر الزول
مرات تلقى نفسك في مفترق طرق يا تكتلهم يايعملو العايزنو (لووووووووووووول)
افتكر موضوع فض النزاعات دا برضو موضوع مهم جدا لازم الناس تعرض تجاربها فيه
لانه بالجد مشكلة كبيرة خاصة لو الطفل الكبير دائما بجبر على التنازل للاصغر
واثر ذلك على حياتهم مع الاخرين..ودا سبب غالبية المشاكل في شخصية السوداني
حيث لا حق ولا عدل في العلاقات الاسرية بل فقط صمت من باب من فشى غبينته خرب قيبلته
مع التحية
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: د.نجاة محمود)
|
غايته الزول ده زي الرابطيني منّه.. كل ما اكون عايزه اكتب فيه بتحصل حاجه.... تحياتي لكل المشاركين.. ولسه عندنا كلام في الموضوع... ما كمل
أحب أعلّق على الحته دي من واقع تجربتي مع محمود....
| Quote: لا مكافاءات عينية في اداء الواجب لانه حيفتكروا انه عملوا حاجة شاذة تستحق المكافأة |
عمل الواجب في حد ذاته ما بكافيء عليه، لكن بكافي على حاجتين... انه الواجب يتعمل قبل ما يجي وقت الغدا، وقت الغدا بتاعنا متأخر.. محمود بجي من المدرسة الساعة 12 الظهر... وبنتغدى بعد الساعة ستة مساء... اها خلال الستة ساعات دي محمود مفروض يعمل الواجب بتاعه قبل ما الشمس تغيب، لانه النوم الساعة 8.... لو عمله قبل الغدا، بياخد البيضة بتاعت كيندر النزلته صورتها قبل كده... ده بضمن انه بعد يجي نادر ونتغدى ما نكون مزنوقين ومتضايقين.. بنكون ريلاكس خالص.. وبكون وقت بتونس فيه محمود مع ابوه لحدي ما يجي وقت نومه....
الشي التاني البكافيء عليه هو انه يعمل الواجب من غير ما انا اقول ليه... يعني يتحرك براه للواجب بتاعه... المكافأة ما ليوم واحد.. في المرحلة الأولى طلبته منّه يلتزم بإنه يعمل الواجب براه لمدة خمسة أيام (اسبوع دراسي)... والنتيجة اني حآخد سباحة... وto my surprise.. محمود إلتزم تماماً بالشي ده... وفاجأني جداً... يعني بكون مرات في المطبخ، بجي ألقاه براه قفل التلفزيون وطلع كتبه وبدأ يحل.... وفعلا خلص الفترة الأولى واستحق الجائزة، لكن للأسف الجو برد شديد، قمته قررته أعوّضه بإنه يشمي يشتري لعبه من toys r us... وفعلا امس مشى.... ما بقدر اوصف فرحتي كيف لما أجي ألقاه براه قاعد يحل الواجب... وبقى يقرر الحاجه دي لما في وقت التلفزيون بكون ما ظريف شديد.. بقوم يقرر يستفيد من الوقت في عمل الواجب بتاعه... المرحلة التانية حأطلب منّه يلتزم فترة أطول، تقريباً شهر... وحأتابعه بي الchart (فرصة حأحكي ليكم عن موضوع الcharts ده).... وفي النهاية برضه حأديه مكافأة أكبر شويه...
بالنسبة للcharts... ده من أحسن الحاجات الاكتشفتها في التعامل مع محمود... قريت قبل فترة كتاب اسمه 123 magic... لو في زول عنده رغبة يقراه عندي منّه softcopy... الكتاب رائع عشان نقدر نفهم أطفالنا أكتر.. وبعتمد على حاجتين... كيف نوقف السلوك الماعايزينه وكيف نعزز السلوك العايزينه.. الكتاب ده انقذني من النقة والكواريك بتاعت الصباح لاستعداد للمدرسة... محمود كان برفع لي ضغطي الصباح لدرجة 1000... وانا طبعا محكومة بي وقت الباص... بكون مستعجلة ومتوتره... وهو ممكن يكون في الحمام فاتح الماسوره عشان يتسوّك وبعاين بازبهلال للموية وهي نازلة... وما اعرف اقعد معاه اتابعه ولا اعمل الفطور... ولا اصحّي نادر ونبقى الاتنين وراه!! اها الكتاب ده ورّاني كيف اتحّكم في نفسي... وفيه هو زاتو... وفعلا بعد عشرة ايام فقط من قرايتي ليه... بقينا بنستعد للمدرسة في وقت ممتاز.. وهو بكون براه بستعد وانا بعمل في الفطور... بستحمى ويتسوك ويلبس بدون كواريك.. ويجي يفطر ويطلع مرتاح للبص لما يصل... الحاجه دي عملتها بي الcharts... حأشرح عنّها بعد شويه... لكن عايزه انوّه لأهمية قراية الكتاب نفسه.. لانه بفهّمك حاجات كتيرة.. وبوريك حاجات عن نفسية الطفل قد تكون غايبه عنّكم....
ده مثال للchart... بجيكم بعدها اشرح
حأوريكم برضه عملتها كيف الchart ده.. الموقع براه اكتشاف...
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: مريم بنت الحسين)
|
اللنك بتاع الdownlaod حق الكتاب للعايزينه
http://www.4shared.com/document/2AZZfOX6/1_2_...fective_Discipli.htm
طيب بالنسبة للcharts... ببساطة زي ما شفتو في الصورة فوق هي عبارة عن جدول مهام للطفل .. حاجات مطلوب منّه يعملها او ما يعملها خلال الاسبوع... لو عملها بياخد star.. ممكن تتشروها من السوق، او حتى ممكن تكون smiley face... او اي حاجه الطفل بحب.. ورود للبنات .. كورة للأولاد.. او حتى لو اتحيرتوا شديد، ممكن بي قلم عادي ترسموها... وتتعلق في مكان واضح في للطفل... انا قاعده اعلقها بي مغناطيس في غرفة محمود، عنده زي سبورة كده بعلق ليه فيها الحاجات.. طبعا اول اتفاق لازم يكون انه ممنوع الطفل يهبش الchart... لو طفلكم ما التزم بي الشي ده، ختوه في مكان ما يقدر يصله.... الهدف انه الام زاتها بتنسى مرّات انه عمل الحاجه ولا لأ... وانه الطفل لما يشوف انجازاته قدّام بتحمّس يواصل فيها، ولما يشوف الحاجات الناقصة منّه بعملها... الكتاب بقول ليك اختار اربعة أو خمسة حاجات عايز طفلك يعملها... ما تكتر الطلبات، وجدد الجدول كل فترة... لما تحس انه إلتزم بي حاجات شيلها من الجدول دخّل غيرها... ضروري جداً تلتزم بمكافأة طفلك زي ما هو إلتزم بي الشي المطلوب منّه... والاهم ده كله، ما تجامله... يعني لو ما عمل الحاجات المطلوبة منّه ما تكافؤه... يا ريت المكافأة ما تكون أكل ولا شراب (حأتكلم عن الحته دي في بوست خاص بموضوع اكل الاطفال... فترقبوه)... للناس الشايفين الكلام ده كتير وبياخد زمن، عن تجربة بقول ليكم حترتاحوا جداً لما تعملوا القصة دي... المشاكل والكواريك والدق والحاجات دي كللللللها حتتوقف تماماً... الشي التاني الساعدني مع محمود، الkitchen timer مع الchart... انا اشتريته من ايكيا، رخيص خالص، لكن ريحني راحه... شكله زي ده، انا عندي الاصفر
الحاجه الصغيرة دي او اي شي ممكن ينبه للوقت، مهمة جدا وفعلها كبير.. الطفل (خاصة لما يكون صغير وولد) بحب يتحدّوه، حددي ليها خمسة دقايق للسواك (ضروري نتهم بجودة السواك طبعا)... مفروض خلال الخمسة دقايق دي يكون خلص.. طبعا اطباء الاسنان بقولوا السواك نفسه يكون لمدة دقيقتين أقل شي(حتى للكبار).. انت اديه خمسة دقايق.. يخلص خلالها السواك.. لو قدر شجّعيه وياخد نجمة في ال chart، لو ما قدر حتكوني حصرتي السواك في مدة ستة سبعة دقايق بالكتير (بدل الربع ساعه مع الازبهلال)... والمره الجايه شجّعيوه يخلص خلال الخمسة دقايق... ربع ساعة للاستحمام... خمسة دقايق للبس... بكده ممكن تخلصوا ده كله في فترة بتاعت 20-25 دقيقة .. وخلال الفترة بتاعت الانتظار دي بتكوني بتعملي في الفطور...
انا طبعا كنت شايله هم الموضوع ده، عشان بقي عندي ليلى، ولو كنت استمريت بي اني اجهز كل شي واقيف معاه، ممكن ليلى تصحى واتمقلب.. حسي لو ليلى صحت مافي اي مقالب... ده غير انه هو بمشي المدرسة بي احساس عالي بانه بقي يعتمد علي نفسه في حاجات كتيرة...
بالنسبة للموقع البعمل فيه الcharts لمحمود.. اسمه www.handipoints.com... الموقع اصلا فكرته انه الطفل يدخل يشوف الchart اونلاين.. وفيه حاجات كتيره جدا.. لكن انا ما عاملاه كده مع محمود.. يمكن السنة الجاية اعمله كده.. حسي انا بطبع الchart كل اول اسبوع وبعلّقه.. ميزة الموقع انه بوفر عليك الكتابة الحاجات جاهزة.. وفيها صور ومنظرها جميل ومحبب للاطفال...
المره الجاية (الله يبعد العوارض) حأكتب عن موضوع القراية الالكترونية.. عايزه اعرف آراءكم
| |
|
|
|
|
|
|
|
|
|
Re: الجهل يهدم بيت العز والكرم... How to raise a future reader (Re: smart_ana2001)
|
منذ فترة ابحث عن هذا الموضوع كتبته شيري وجدته بعد نجاض
فيه هترشاتها عن تربية العيال وفك الاشتباكات
كم اتمنى ان تعود شيري مرة اخرة للكتابة في البورد
اول الحكي
أضيفُ شيئا للبرق
لم يكن عادلا وهو يشع
لم يكن طبيعيا وهو يتجشأ
لو تمادى قليلا عن دوره
لاشعل وجه الحاكم العسكري
الكلام لـ موسي حوامدة
عندما نفضت يدي من قشر البامية_ التي لشد ما اكرهها ، اكرر طباختها اربعة ايام في الاسبوع وفي الثلاثة الباقية اعيدها في شكل اطباق بائته مع قرونها _ كدت ان ادعسهما ببقايا قرون البامية ، وهما يحاولان الالتحاق بي في المطبخ ، كانا في حالات جدال يصعب معها التنبؤ بمآال نهايته ، ومع ذلك تركتهما يضجان باختلافاتهما ومضيت الى حيث انوي ان اودع سري الغامض ، فانا لا اقول لهما هلموا لتأكلوا البامية التي ستأكلوا صوابعكم وراها مثل تفعل الامهات غالباً .. فهما دوما يطالبونني بخيارات كثيرة اذا ما حانت ساعة الاكل ومع ذلك يمكنكم القول انني أم صالحة و حريصة على توفير هذه الخيارات لهم ، مثل ما تفعل الانقاذ قدس الله سر سائقها ..
فهي بدلا من ان تقول ان الوحدة كانت في الاساس خيار استراتيجي لها، تخبرنا ان الذين ماتوا في الجنوب شهداء ثم تتنكر لذلك وتقول انهم لم يكونوا كذلك ، لاسباب تحاول جاهدة ان تقنعنا بها ، اذ ترجح شهادتها فيهم ان الفطايس اعني القتلي وعلى حد قولها كانوا مجرد انفصاليين لذلك هم شهداء الانفصال وليس الوحدة فالوحدة كافرة ومفردة فصل تعني مسلمة كما جاء في كتاب الترابي غضب الله عليه ولعنه فالوحدة ليست لها حقوق لذلك هي بنت غير شرعية للانقاذ اما مفردة الفصل هي عين الحلال وكرشه الذي ليس حرام فذلك في حد ذاته يعني ان البشير لم ياكل الا حلالا طيبا حتى وان كانت الـ 9 ميليار التي ضبطت وهي طايره في بلاد العجم فهي عين الحلال اذ هي اخذت من الجنوب والجنوب اقليم غير شرعي اي يعني كافر ، وأموال الكافرين مكانها جيوب الانقاذين وليست بيت المال، ومع ذلك كله انا امرأة تحب ان توفر الخيارات لعيالها فهم يطلبون وانا من جهتي احاول ما استطعت ان اتوفر لهم وليست الخيارات فانا واعوذ بالله من كلمة انا "خيار" استراتيجي في مرحلة حرجة من حياتهم ، كأن اضع البامية التي اكرهها جدا في ثلاث اطباق مختلفة فانا احاول ان اقنعهما انها خيار جاذباّ وجيدا للتغذية في الوقت نفسه وبعد وأثناء الاكل حتى اذا ما رشقوها بعيونهم واستيقنتها بطونهم نزلت فيها ذما وشتيمة وتقريعا وقلت فيها ما لم يقله مالك في الخمر .. ونكاية فيني يزدادون حباً لها وأتخم انا بنهارها العطن ، هما يتلذذان بطعمها بالطريقة نفسها التي يراها ويتلذذ بها والدهما ، وانا اكرهها لانني اراها سمجة ، وما بين فوضوية العشق ونظرية مؤامرة البامية اقضي يومي خنق في المطبخ ، لذلك لم ينتظروني ان اخرج اليهما ليعرضا عليّ مشكلتهما ، فهما يعرفان ان فرصتهما لايجاد حل مني ستقل فرصه اذا ما خرجت اليهما خارج عالمي ومع ان المطبخ لم يكن في يوم من الايام عالمي ولا نيلة انما اقنعت نفسي انها عيشة والسلام ..
.......ماما انا المفروض اطعم العصفورة ، لاني انا الـ حممتها ، ..
...... ماما انا حممتها اول مفروض تنام معاااااي انا ..
لـ حد هنا ، لم اكن قد تخلصت بعد من خيباتي وهزائمي الطبيخية رغم الهواء البارد الذي لطش جضومي المعفصة، ومع ذلك واصلت في طنطنتي ونقتي ، ابوكم نايم ولا جايب خبر ، فاكيكم تنتهكوا في حقوقي وحقوق الطيور وانا الذي قضيت يومي كله في طبيخ اعرف انكم ستشتمونه بعد اول لقمة ، وستستمرون في طحنه باسناكم التي ارهقتها الشوكولا والايسكريم وانا التي طبخته ساكتفي فقط بالحديث عن نظرية زوربا بتكرار الاشياء التي نحبها مرارا وتكراراً حتى الاستفراغ بغرض ان نشفى منها .. وانتم كما انتم باميين وويكيين (من ويكة) بطبعكم ، ما علينا لماذا انا تاعبة روحي معاكم كلما وضعت نقطة لابدأ سطر جديد اذ اجدني اتحدث عن جدلية الجزر طمبجة البامية لم يتبدأ لي ان هنالك بوادر حل لازمتي معكم ولا مع الانقاذ ، فهي تمرر الاشياء التي تحبها الي مواعينها وتكتفي فقط باقصاء وتشريد المعادين لها في وادي عبقر مع اني لا اعرف ان لبعقر وادي باق لـ حد الان لكني اكيدة جداً من انها ستخلق وادي شبيه بذلك .
في الحقيقة ليس هذا ما يقلقني واعني الانقاذ وليس عيالي وابوهما أيضاَ ، فهما يحبان ما اكره ويكرهان ما احبه مع انني احب الجزر والخيار والخس فهم يرونها رمز للارنبية التي تعني لهم فوبيا المطبخ ومع انهم لا يعرفون صراحة ماهي الفوبيا ومع ذلك يكرورنها لمجرد ان والدهما لقنهما اياها ..
مرة اخرى اعود لما يقلقني و ليس سري الغامض بالطبع هو ما يقلقني ولا حتى جلد فتاة اليو تيوب فهما قد حذرونا من الكتابة في هذا الموضوع حتى انهم لم يمرروا ما صاغته بناننا في صحفهم ، ليس لانهم (شفوت) ويقرأون ماوراء السطور وانما فقط لانهم يعلمون اننا نعرف انهم مجرد منافقين يتاجرون بديانة لا يدينون بها ، فما يميزهم تلك الاحترافية التي يلعبون بشروطها اذ يفعلون ذلك بحرفة مدربة تجعلك قادرا لامساك خيوط اللعبة والرهان على الجياد الرابحة ، يلعبون لعبة "التكوزن" و التكوزن في حد ذاته امرا احترافي ولدرجة تساوي اكثر من 9 مليار ، وميزانية عاصمة بحالها تسمى ولاية الخرطوم ، ونادي احمر يسمي الوالي ، وكراكيب كثيرة نحسبها كذلك وهم يعتبرونها بقرات حلوب ، مايقلقني ليس هؤلاء الذين يتجاورون فينا ويبيعوننا في سوق الله اكبر ويقبضون اثماننا في واضحة النهار ..
انما يقلقني اكثر من ذلك ذاكرة شعبنا السوداني الخربة ، فهي ما ان تنفض يدها من خيباتها ونكساتها حتى تنسي انها سبق لها وان دخلت في نفس النفق ولم تخرج منه بعد .. فتعود لترتكب نفس الحماقات في اول تقاطع بعد النفق مباشرة ..
قتل نميري ما قتل ونهب ما نهب طوال سبعةعشر عاما ومع ذلك تعاملنا باحترام ومودة مع سدنته .. كوركتم وتصايحتم ا ملء حناجركم يوم اقصاءه وبعد بضع سنين استقبلتموه بحميمية حبيب لشد ما اوحشكم بعده .. اشتري المريخ لاعبا خردة باكثر من اربعة ملايين دولار كانت كافية لان تنقذ عشرات الالاف من مرض الملاريا وعاد ليكرر نفس الاخطاء مع لاعبين عرب من تونس .. في الوقت الذي يرفض فيه الوالي ان يعترف بفشله بسياسته تلك وغسل غسل يديه من كل اخطائه السابقة عاد واشتري لاعبا عمره اكبر من غواردويولا مدرب برشلونه واصر على موقفه من عدم الاعتراف ، فكيف يفعل ذلك وهو في الاصل تلميذ عتيد لاكبر اساطنة دولة الدجل والشعوذة .. لدولة كانت تسمي بلد المليون ميل ، الله وحده من يعلم الى امتار ستتنتهي اليها رقعتها الجغرافية !!!!
أ الي دولة شعبها مسلم وحكامها يلبسون عباءة التدين فيهربون اموال ابناءها للخارج أم الى دولة مساجدها للضعفاء والمغلوبين على امرهم واموالها وهويتها في لحى تجار دين ، كل ما يمنحونه لهذا الشعب من عطاء هو تحريض الـ عسعس فيهم لجلد فتياتهم في واضحة النهار ..
ايدك من على الرموت
اكيد ح اجــي
ثم تفل على يمينه وفي الكوز وقال لي اشربي
...
...
..
ما يقلقني ان تتكرر تلك القهقة البلهاء لـ عسعس الانقاذ وكل تلك المهانة والاذلال لفتاة اخرى..فلا مطالب اولادي ولا شقاوتهما هي من تقلقني ، فهما في العادة يفعلون ذلك لانهما يستذلذان بالشوكولا وطاقاتهما تزداد كلما قلت مساحة تحركاتهما وليس لاني اطعمهما البامية ، فانا اريد ان اتخلص من البامية ، والبشير يريد ان يتخلص منا وسيكون من العبط بمكان اذا ما ظن الجنوبين انهم المعنيين وحدهم بهذا التهميش ففي الاصل كل الذين يقفون في الجانب الاخر من الكيزان غير مرغوب فيهم في دولة المشروع الحضاري .. فحتما ان جمال الوالي سيخسر مع المريخ ، حتى وان جلب حسن شحاته ذات نفسه، ليس لانه يحب الخسارة وأعني الوالي وانما لان تجربة اللاعب والمدرب المصري الاحترافية لم يشهد لها ان نجحت لا في بلاد العجم او بلاد العربان ، والذي يغيظ اكثر من كل ذلك ان شعبنا سينسي كميات الاحباطات والهزائم المهولة التي اصابته .. فالهلال كرر الاخطاء نفسها لاكثر من مرتين في اقل من ثلاث سنوات، وخسر مرة بالخمسة ومرة بالواحد وسيخسر مرة اخرى اذا ما عاد صلاح ادريس ، فصلاح وجمال وجهان لعملة واحدة اثنياتهما يلعبان باموال ليس اموالهما ..فجلدا ماهو جلدك مسحوا بالبامية ، فالاول ياكل من اموال الهلال والثاني يأكل من بيت مال المسلمين.
فما يقلقني ليس كل ما قلته وانما ما يقلقني ان كثيرا منا لا يزال يؤمن بان البشير متدين وجماعته متمسكة بالدين ،
ليس لاننا من كوكب اخر ولا نسمح للحقد ان يتوازع اجسادنا وضمائرنا وانما لاننا هكذا درجنا ، فسريعا ما تخدعنا الشعارات ونصدق الذين تمسحوا بالدين ..
ليس ما يقلقني حقا ان اولادي (حمموا) العصفورة المسكينة وصلبوها في البلكونة لاكثر من نصف ساعة منتظرين لريشها ان يجف ولو انهما استطاعا ان يضعونها في النشافة لفعلوا ومع ذلك لايزالان يفرطقان اذني باحقية احدهما لايجاد ساعات من الوناسة معها واعني العصفورة وليس البامية فهما يهتفون ملء حناجرهم للمريخ وأنا اكره المريخ ونكاية في المريخ احب فرناندو توريس وكراهة في ميسي اساند كريستيانو في تويتر والفيس بوك ومنعت عيالي وابوهما من الاحتمال ليلة سقوط الريال بالخمسة .. وحتى لا يحتلني اللون الاحمر ويحاصرني في بيتي دهنت الجدران كلها بالازرق حتى الستائر والارضيات ليست فيها نقطة واحدة تشير الى احدهم سيتجرأ ويستخدم الاحمر في وجودي ومع ذلك هم يغافلون حملاة تفتيشي المستمرة ومصادرتي كل نقطة حمراء في البيت .. حتى الاطباق تقدم اليهم وهي ترفل في زرقتها التي تحاكي البحر .
حتى انجح في ذلك كان لابد لي من ورقة لاضغط بها ، وانا ما بين مقاطعة اللون الاحمر ، وتكرار طبيخ البامية اعود لاضغط عليهم التخلى عن البامية نهائيا او المقابل لذلك تكثيف حضور سلطة الباتنجان فانا اكرهها جدا وهما ووالدهما يكرهونها بدرجة اكثر حدة .. لذلك انا استخدمها لامرر خياراتي وجنوني ، مثل ما تستخدم امريكا مع الانقاذ سياسة العصى والجزرة ومع انني لا افهم في السياسة الا كما يفهم البقر في البرسيم ..الا انني عادة ما افعل..
فالذي يقلقني حقا ، كيف يمكنني ان اكون مثل البشير أقتل اكثر من ثلاثين ضابطاً في شهر فضيل واسرق تسعة مليارات دولار ينطح دولار وعندما يسالونني عن قضية فتاة اليوتيوب اسخر ملء بجاحتي من المعارضين لهذا العقاب الرباني ، طالباً منهم ان يغتسلوا ويدخلوا الاسلام من جديد..
فشخص فاشست مثل نافع او عبد الرحيم محمد حسين او احمد هارون او حتى رامبو او البشير نفسه ، ماذا يتوجب عليه أن يفعل ليعود مرة اخرى للاسلام .. مع كل هذه الدماء للابرياء التي سالت في الجنوب وفي الغرب .. والجياع الذين قضوا في الصحاري من العوز والفقر والتشرد والملايين الذين قطعت ازراقهم لمجرد انهم لا يتفقون مع الانقاذ .. والملايين التي نهبت ؟؟
لا اعتقد ان شريعة الاسلام _التي يهددنا رئيسهم بتطبيقها فينا كانما هو من انزل كتابها او نحن كارهين لها ، ومكرهين على اعتناقها_ سوف ترضي منهم الاغتسال انهم فعلوا ليعودوا للاسلام بلا ذنوب ولا خطيئة.. فهم حينما فعلوا ذلك كانوا دخلوا من بوابة الدين وهم قد خرجوا منها..
.. ستعود القدس التي يتاجرون بقضيتها فينا ، ليس كراهة في القدس او لاننا لا نهتم لامرها وانما لاننا في الاصل لم نكن نطئ جمرها في يوم من الايام لسبب بسيط لانها بعيدة بعد المليون ميل عنا ، ستعود القدس يوما ولن تعود جوبا وتوريت وغيرها يوما ما الى حظيرة الوطن الواحد الذي اصبح مع هؤلاء القوم أمصار لقلوب شتى ..
اخر الحكي
قل للذين مازالوا على بوابات الوقت ينتظرون
ان يتركوا على عتبات القلب اعتذاراتهم
ويشتتوا
يكفيهم فقط ان يخعلوا قبعات زيفهم
ليعرفوا كم هي سمجة تلك
الاختيارات المعلقة على حائط
الظروف .
لم يكن بيدي ان احتفظ بمقعدي على مدارات الغياب
| |
|
|
|
|
|
|
| |
مريم بنت الحسين
محمد قسم الله محمد
smart_ana2001
Elawad
عبدالعزيز الفاضلابى
Ammar Elyas Babiker Hassan
حسن حماد محمد
mamkouna
malik_aljack
غباشي
جعفر محي الدين
nazar hussien
عمار عبدالله عبدالرحمن
بكري عباس علي
Kostawi
Kamal Karrar
الطيب بشير
الخير محمد عوض
بت قضيم
فيس بوك
تويتر
انستقرام
يوتيوب
بنتيريست