You know what? I'm too happy to care

جيتكم يا ناسي العزاز...

مشاعر الفرحة تجتاحني منذ الأمس حيث استقلبت الدوحة نوّراة اضاءت لنا سماء قلوبنا جميعاً.. اسمحوا لي أن أحتفظ باسمها .. فقط أضاءت لي طريق الفرح ... فصرت أكتب دون هُدى... بالطبع صديقي النادر ساعدني كثيراً بأن أزال عني هم الأيام السابقة.. وزادت فرحة اللقيا لهذه الرائعة بفيض من الفرح والسعادة أتمناه أن يغمركم جميعاً ويقتلكم غرقاً.. وهذا تهديد بالإغراق في السعادة..

بمناسبة الأغنية الجميلة التي أهديكم إياها جميعاً.. سمعتها لأول مره في فلم جوليا روبورتس The Step Mom... ومن بعدها (علّقته فيها)... أمس الساعة تلاته صباحاً بتوقيت الدوحة، لما كتبته البوست ده.. قلبته عليها Yahoo! launch Music ما لقيتها كله كله..


معتز


السعادة يا معتز هبه والله العظيم هديه من فووووق... انا حأقول ليك كلام غريب عن الأغنيه الكتبتها دي.. انا أمس كنت بسمعها على أساس إنها تطمين لي.. قلت انه الله لما يحب عبده براعيه... شايف كلمات الأغنيه؟ بتقول انه مافي مستحيل.. حأصل ليك حأصل ليك.. دي زي رحمة ربك .. من فوق الجبال الشواهق وعبر الأنهار العريضة.. والوديان السحيقة... when you need me call me... موش دي زي أدعوني أستجب لكم؟


راني

... أشكرك على السطرين الذين يقولان كل شيء.. انا بحمد من الله، أفاض الله علي بالفرح فجر امس.. فأحاط بي من كل جانب.. أتمنى لك كل السعادة...


علي الحسن

... صدّقني.. كلمتي دي بالذات .. أنا بعتبرها ثبااااااااات على المبدأ.. وثقة في الله... ما محتاجه أضيّع وقتي أقنع الناس انا شنو... الحمد لله.. لو ان الناس بتميّز لوحدها مافي داعي للنقاشات.. واحمد الله..كل هذه الردود بالنسبة لي قبول من الناس .. واحساس انه الناس دي كلها قريبه منّك وبتحبك.. دي نعمه والله اكثر من كنوز الدنيا كلها


عجب

... تحياتي "لها" من بعيد... ان شاء الله تكون سامعاك .. قصدي قارياك... وربنا يخليك ليها.. اها يا عجب يا اخوي..كمان المشاعر البتتكلم عنها دي برضها نعمه... لما تلقى النصف الآخر البشبهك وبكمّل عيوبك.. ربنا يجمعكم على الخير.. ويوفقكم... ويديم نعمة المحبة بينكم


سناء خالد

.. العزيزة الراقية.. اسعدتني كلماتك جداً مع صباح هذا اليوم.. شعرت أنني بدأت أشدك معي إلى قاع محيط الفرح.. فاغرقي يا عزيزتي.. اغرقي...


نادر

.. صديق الأيام الشينة والسمحه... غايته انت الإحتملته من (نقتي) ما احتمله ايوب... لكن بس تقول شنو، ربنا بلاك فاستحمل... بالمناسبة.. انا زي ما قلت للجماعة ديل كلهم، انا في مهمة لإغراق الناس في بحر السعادة.. شكرا على النصيحة الغاليه.. أقصد، النصائح كلها... ويوم شكرك يا يجي

أحمد الشايقي

هدي جبتها ليكم بالصوت كمان من برنامج أمريكا ادول American Idol.. لكن كنت عايزه الاغنيه الأصليه ما لامه فيها.. ما عجبتني حركة الremix الفيها دي.. لكن.. اهو .. في طريق الأغنيه برضه..