Quote: بس بيرفع لي الضغط لامن يطلب اغنية ( كم نظرنا هلال ماشاقنا غيره هلالو.....)
بالله يا هرون تعصبك للمريخ دا ما تورثوا لي لي ولدك دا تقوم تخرب ليهو إضنينو .. لانو كم نظرنا هلال أغنية رائعة وجميلة بالجد ويا حبذا كمان لو سمعتها ليهو بي صوت ترباس اللسانو أطول من عمتو ,, مبالغة عديل والله ..!!
بعدين أحسن ليك يسمع دي من يسمع (صعب .. صعب .. هلالنا غلب) الهابطة البتغنيها نجاة غرزة ديك ..
Quote: قبل مده قال لي يابابا حاارسل ليك اغنية بالبلوتوث ( المهم كانت الطبنجة...) احتراما لرغبته واعترافا بذوقه استمعت للاغنية وحسيت بانوا الراجل ده فنان جمييييييل وصوته طروب ....الكلمات ليس بتلك الدرجة لكن اجبرني شكر الله بصوته واداءه اني احاول اسمعه في حاجة تانية
والله يا هرون أنا شايف الكلمات جميلة جدا ورائعة وكمان لافقة مع كمال ترباس الفاتية .. شوف العذوبية دي :
أنا مخلص ووافي إخلاصي عندي أساس أنا قلبي ربيتو يعيش في الحب حساس اخلاصك إنت براك ما بيقدروك بالماس أنا حبك حواني من القدم للراس
.........
إنشا الله لو خنتك ما أقوم من محلي إنت غرامي وحدك الحاجة البتخلي مقامي بيك عالي هواك البعلي لو سبتني حلفت الريد أنا بخلي ..
في احسن من كدة يا هرون ؟!!
ولو بتصدق الحدثك ,, بتصدق قول الناس أضربني بي مسدسك املاني انا رصاص ..!!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة