كتب الكاتب الفاتح جبرا المتوفرة بمعرض الدوحة
|
شكراً كنار (Re: ناذر محمد الخليفة)
|
الغريبة يوم البوست ده أتفتح كنت ناوية
أجيب النت بتاع سوداني
طوال السنة الفاتت كنت شغالة ولسه لحد الليلة بكنار
طبعا غالي وما سريع لكن المصبرني عليه
أني مشغولة جدا وما فاضية للنت
بالتالي قدر الوقت البلقاه كنار بتمشي الحال
ولمن حسيت بإنفراجة في وقتي قلت أجيب سوداني
لكن طبعا بعد كلامكم ده الله يعلم
وللمفارقة الليلة الظهر
فجأة النت بقى كعب وما بتفتح معاي أي صفحة
طوالي ضربت لخدمة العملاء
رد علي شاب بكل لطافة وريته مشكلتي
سألني كم سؤال بعدهم
قال لي الشبكة كويسة
وإعدادات جهازك برضو كويسة
أعملي ري استارت وإذا المكشلة برضو قائمةإرجع لي
عملت كلامه وبرضو ما في حل
رجعت ليه قال لي أديني أسمك وأستني معاي
أستنيت دقيقتين
قال أديت بياناتك لناس الصيانة وحيشوفوا المشكلة وين
ويضربوا ليك وبالله ما تكوني بعيدة من التلفون
بعد 35 دقيقة ضربت لي شابة ظريفة
قالت لي يا أستاذة نهال
كانت عندك مشكلة في التصفح وصلحناها
وشكراً على إتصالك
وفعلا مشكلتي اتحلت
وأنا أتبسطت جداً من مستوى الخدمة
وبقول ليهم شكراًً كنار
| |
|
|
|
|
|
|
Re: شكراً كنار (Re: نهال الطيب)
|
مافية سوداني
ظلت الشركة السودانية للاتصالات "الطائر اللذي لا يشبع" تتفنن في ابتكار الوسائل اللتي تصل بها لجيوب المواطنين
و لعلكم تذكرون الحملة اللتي سبقت تدشين خدمة سوداني..و كيف أنها ستكون أحدث تقنية في الشرق الأوسط..
و تمخض الجبل فولد فأرا..للان لن يحس مستخدموا سوداني بأي ميزة من ميزات تقنية الجيل الثالث في شبكتهم.وفي الوقت اللذي ينعم فيه مشتركوا زين بالم ام اس و الجي بي ار اس وغيرها من التقنيات..مقارنة بين الشركتين تكشف لك الفرق بين من يبيعك خدمة و من يبيعك "خيالا"
و الأدهي و الأمر هو انهيار خدمة الانترنت اللتي توفرها شركة سوداني علي نحو شبه كامل حيث أصبحت أوقات انقطاع الخدمة أكثر من توافرها..
من المهم جدا في ظروف كهذه أن يعرف المستهلك أن له حقوقا يحميها القانون في ظل عجز موفر الخدمة عن توفير خدمة مستقرة رغم تقاضيه حقها بالكامل و بالزيادة...
أي مبالغ تدخل علي شركة سوداني دون أن يكون مقابلها توفير خدمة للمشترك تعتبر من قبيل الثراء الحرام و يجب عليهلا التحلل منه..
و أتوجه بسؤالي للسيد عماد الدين حسين و يقال أنه رجل علي خلق و دين: هل تقبل أن يدخل هذا المال الحرام علي نفسك و علي شركتك! لقد سبق أن اصدرت ادارة الثراء الحرام فتوي في مواجهة موبيتل انذاك في قضية جبر الثانية و احتسابها دقيقة كاملة و اعتبرت ذلك اثراء حراما أمرتها بالتحلل منه بدفع مليار دينار في ذلك الحين. فما بالك و الحال الان و مشتركيك سيدي عماد الدين حسين يدفعون عشرات الاف مقابل ساعات لا يستطيعون الانتفاع بربعها.
أنه الجشع..
نفس هذه الشركة كانت تطرح جهاز الموبايل من طراز معين بمليون جنيه..بعد شهرين تطرحه نفسه يبخمسمائة ألف ..ثم بمائتي و خمسون ألف..تخيل اي أن كل ما فوق المائتين و الخمسون الف كان ربحا صافيا في جهاز موبايل واحد!!
أدعو الاخوة القانونين للادلاء بارائهم حول ما يمكن اتخاذه من اجراءات قانونية...
و لكم جزيل الشكر
| |
|
|
|
|
|
|
Re: شكراً كنار (Re: نهال الطيب)
|
.. . كلام يفتح النفس ..
Quote: الغريبة يوم البوست ده أتفتح كنت ناوية أجيب النت بتاع سوداني طوال السنة الفاتت كنت شغالة ولسه لحد الليلة بكنار طبعا غالي وما سريع لكن المصبرني عليه أني مشغولة جدا وما فاضية للنت بالتالي قدر الوقت البلقاه كنار بتمشي الحال ولمن حسيت بإنفراجة في وقتي قلت أجيب سوداني
لكن طبعا بعد كلامكم ده الله يعلم
وللمفارقة الليلة الظهر فجأة النت بقى كعب وما بتفتح معاي أي صفحة طوالي ضربت لخدمة العملاء رد علي شاب بكل لطافة وريته مشكلتي سألني كم سؤال بعدهم قال لي الشبكة كويسة وإعدادات جهازك برضو كويسة أعملي ري استارت وإذا المكشلة برضو قائمةإرجع لي عملت كلامه وبرضو ما في حل رجعت ليه قال لي أديني أسمك وأستني معاي أستنيت دقيقتين قال أديت بياناتك لناس الصيانة وحيشوفوا المشكلة وين ويضربوا ليك وبالله ما تكوني بعيدة من التلفون بعد 35 دقيقة ضربت لي شابة ظريفة
قالت لي يا أستاذة نهال كانت عندك مشكلة في التصفح وصلحناها وشكراً على إتصالك وفعلا مشكلتي اتحلت
وأنا أتبسطت جداً من مستوى الخدمة وبقول ليهم شكراًً كنار |
_____________
شكراً ناذر .. شكرا نهال .. فقط لمعرفة تفاصيل التعرفة والاسعار لخدمة كنار الرجاء زيارة اقرب مركز مبيعات ( رئيسي ) او الاتصال بخدمة العملاء 1515..
| |
|
|
|
|
|
|
Re: شكراً كنار (Re: Tabaldina)
|
Quote: فقط لمعرفة تفاصيل التعرفة والاسعار لخدمة كنار الرجاء زيارة اقرب مركز مبيعات ( رئيسي ) او الاتصال بخدمة العملاء 1515.. |
أمااااك .. ده اعلان رسمي كده .. لا لاستغلال المنبر في الاعلان لشركات الاتصالات ..
انت يا عمك وكت فالحين كده ما تعملو لينا اليو اس بي وتريحونا .. والله الناس ديل كللهم يجوكم جارين ..
وهناك ناس أم تي ان قالوا نازلين بتقلهم ..
ــــــــــــــــــــــــ
يا شباب ما اتفقنا على زيارة سوداني بكرة الاثنين ونمشي نسمع من الناس ديل ونسمّعهم مباشرة ونشوف آخرتا ..
| |
|
|
|
|
|
|
Re: شكراً كنار (Re: ناذر محمد الخليفة)
|
سلام ناذر وناس السودان يا خوي سين سؤال : الموديومات ( جمع بشتنة لـ موديوم ) البتشتغل في السودان شنو ؟ والحكاية موحدة ؟ ولا كل بلد عندها نوع براهو ؟ يعني الموديوم البيشتغل في الخرطوم , بيشتغل في بورتسودان مثلاً ؟؟؟ مع الشكر .
| |
|
|
|
|
|
|
Re: شكراً كنار (Re: Tabaldina)
|
.. . دا خيط برضو
Quote: انت يا عمك وكت فالحين كده ما تعملو لينا اليو اس بي وتريحونا .. والله الناس ديل كللهم يجوكم جارين .. |
خدمة USB المقدمة من شركة كنار متوفرة منذ شهور مضت بعدين هنا .. مش بتطرح يا معتصم قضية .. تخدم المواطن لاجل اختيار الخدمة الافضل .. ومن حق المواطن او العميل ان يطلع على الحيثيات والبدائل المتوفرة والسلبيات والايجابيات .. وهنا عبر تساؤلات ناذر تناقش هذه التساؤلات عن خدمة معينة تقدم من جهة معينة واتى فى سياق الحوار مقارنات بين هذه الخدمات .. فما هو سبب التعجب من صاحب البوست ؟؟ وسبب المقولة ( عيب ) من حق المواطن والعميل ان يعرف من هنا وهناك ومن حق كل شخص ان يوضح القصور وسبق من نفس الاخ ناذر ان طرح موضوع مماثل هل اتيت انت ولا غيرك واوضح بأن هذا عيب او لا يجوز ..
____________
كمان تعالو قولو لى ليه لتكلمت فى برج سودانى الوقع عموماً ( خليك سودانى )
| |
|
|
|
|
|
|
Re: شكراً كنار (Re: Tabaldina)
|
.. . عودة للاخ ناذر الخليفة .. تسألت ماذا نفعل ؟؟ هل بتعتقد عدم التداخل ليس من حقى او غيرى ام التعقيب على وجهة نظر الاخت نهال .. الاخ محمد عثمان ليس عضو فىالمنبر وكنت اتمنى ان يكون عضوا ليتمتع بحقه فى الرد ةوالتعقيب كما نفعل فهذا شئ طبيعى .. لا ادرى سر الرسالة لمبهمة التى كتبتها له بسبب اعتذاره او لامر اخر .. ولكن فى هذا البوست اين انت بلا مناسبة برابط لشركة كنار .. شركة كنار تبيع الوهم .. وهذا لموضوع منذ سنوات خلت وكانت الشركة فى بدايات عملها وتقديم خدماتها .. لم تمنح الفرصة لانطلاقة او حتى تحسين الخدمة .. هل هناك مبرر منطقى لذلك ؟؟ اليس من حقى التداخل سواء هنا او سابقاً ؟؟ فى تحقيقنا المشترك عن 3D P وفى فترة لاحقه تحدثت عن نشاط عملك واعلنت عن خدماتك للجمهور واستقطبت عبر هذاالمنبر عدد من العملاء ( لا داعى للروابط اعتقد ) هل اخبرناك هذا عيب او لا يجوز ..بل الجميع ينتظر الفرصة ليتعامل معك فتحصل انت على رصيد ويجد العميل خدمة وتخفيض .. فلا ارى مبرر الان لتعليقك والاخ معتصم ..؟؟ هذا حوار يهمنى من نواحى عديدة كما تعلم .. فليس لك الحق او لغيرك فبما تنوى ان تذكره ضمنا او مجازاً ..
لك الشكر ..
__________
يا معتصم ارفع شكوى لاكامبو المنبر فقد تجد اذن صاغية ويطبق لك اللائحة
والايام دول .. يا مان
| |
|
|
|
|
|
|
Re: شكراً كنار (Re: Tabaldina)
|
ناذر وتبلدينا وكل المتداخلين
فى البدء لا بد من التاكيد اننا لانحمل اى شئ فى النفوس تجاه شركة سوداتل / سودانى وكل الاسئلة التى طرحت هنا كانت مشروعة تماما ومن حق كل شخص يريد ان يستمتع بخدمة الانترنت عن طريق سودانى او يفكر بالشراء منها!
لكن اسمحو لى ان اذكر السيد محمد عثمان ان نصف النجاح هو عبر الاستماع والرد على الاستفسارات - وانا اجزم بانه يقرا كل المداخلات التى تتم عبر هذا البوست وغيره وليس المشكلة يا تبلدينا انه ليس لديه باسوورد فقد قام بالرد عن طريق الاخ اشول.
مشكلة سوداتل فى اعتقادى الخاص انها قامت بتركيز كل جهودها عبر خدمة الموبايل ( سودانى ) ولم تقم باعطاء نفس الاهمية لخدمة الانترنت وانشغلت بمنافسة زين و ام تى ان مماانعكس سلبا على ادائها فى خدمة الـــ ام دى اس ال .
وليس المكان بمقام لاعطاء لمحة عن عدد المشتركين الذين قامو بالغاء خدمة سوداتل وقامو بالتحويل لكنار - او الذين قامو بالغاء الخدمة وملاحقة الشركة قضائيا لتضررهم .
وراجعين ليكم تانى
| |
|
|
|
|
|
|
Re: شكراً كنار (Re: Tabaldina)
|
طيب يا شباب كويس انو في ناس من كنار ظهروا... دعاية واعلان وكدة ما مشكلة زي ما قال تبلدينا... المهم الزول يناقشنا برضو المهم عندي أولا واخيرا انو شركات الاتصالات البتوفر خدمة الويرلس دي ما تخم المواطن ساي
طيب هل تعتقدوا يا ناس كنار انو اسعاركم ارخص؟؟ الفلات ريت نفسه سعر سوداني يعني من ناحية اسعار مافي فرق يذكر الا في خدمة Go5 لانها شريحة مختلفة عن باقي الخدمات المقدمة من باقي الشركات لانها بالقيمة المضافة بتعمل 72 الف اللهي ما بطالة مقارنة بالسعة 5 قيقا اذا كان انا فاهم صاح. وبعدين القيمة المضافة الفي الاعلان دي تحت بخط صغير ياريت الشركات توضحها بشكل افضل من كدة يعني الفلات ريت 100+20 قيمة مضافة ودي زي تاريخ الاسبير البختوها في المعلبات في مكان عشان تفتشه يجيك وجع قرنية واللي قامت وقعد ليها حماية المستهلك في دول كتيرة عشان يكون قاعد بصورة واضحة...المهم للمواطن انو بدفع 120 وليس مية لانو المواطن البسيط في الغالب بكون مفتكر نفسه انو بدفع السعر الموجود في الاعلان وبتفاجأ تماما بالزيادة لانو بفكر ليها بعد يتورط في الخدمة.
انا شأشهد لكنار انها تمتلك خدمة IVR متطورة تسعي من خلالها لارضاء العميل والمتابعة لديهم جيدة بل ممتازة لكن بالمقابل أول شي عشان الزول يدفع فاتورة الويرلس دي يوم الزول بضيع بالاضافة يعني البلنق سيستم عندكم تعبان مقارنة بباقي الشركات. تاني شي الخدمة نفسها ما استيبل مية مية ...يعني بالعربي البسيط برضو بتقطع لكن ما زي سوداني.
في عيد رمضان ونحن في اجازة العيد الفاتورة طلعت وقطعوا الخدمة...افتكرت انو الموضوع بتحل مشيت الحج والعمرة قلت اقلاها في موظف واحد بكون قاعد..تصادف وجودي ايضا حضور احد الاخوة من رئاسة الجمهورية يعاني من نفس المشكلة...تحدث الينا احد الموظفين(كما صرح هو) وكان مع الحرس انو ما بنشتغل الا بعد اجازة العيد وياريت لو سكت علي كدة...قال لينا انا موظف في كنار والخدمة عندي قاطعة..الزول بتاع رئاسة الجمهورية قال ليه هل انت بتعتقد انو شغلك في كنار بديك ميزة انك تكون احسن من الزبون؟؟
يا ناذر...عليك اقترح لبكري انو يغير ليك عنوان البوست الي (السادة شركات الاتصالات). الواحد فينا عنده تلاتة كونكشنات منجضنه نجاض.
| |
|
|
|
|
|
|
Re: شكراً كنار (Re: GamarBoBa)
|
اها يا جماعة قصتي مع كنار وسوداني ما مسخنة شديد
الايام دي انا داير ناس زين كنكت.. المنبر ده ما فيه ...عالم جميل؟؟؟ علينا جاي يا زين كونكت
| |
|
|
|
|
|
|
Re: شكراً كنار (Re: GamarBoBa)
|
قمرنا
كل ما ذكرته عن الخدمة ودفع الفاتورة وماتعرضت له قد تمت مراجعته, وساوافيك بالنتيجة - ولكن لكى لايخرج البوست عن مبتغاه الذى بسببه افتتح - نترك الحديث الان عن كنار وفى انتظار مداخلات السادة بسوداتل - او ان ياتي ناذر بخبر مبين.
اذا كان لديك اى استفسار بخصوص كنار يمكنك المراسلة مباشرة على ايميلى فى البروفايل او الاتصال مباشرة .
| |
|
|
|
|
|
|
Re: شكراً كنار (Re: Mohamed Ibrahim Ahmed)
|
Quote: ولكن لكى لايخرج البوست عن مبتغاه الذى بسببه افتتح - نترك الحديث الان عن كنار وفى انتظار مداخلات السادة بسوداتل - او ان ياتي ناذر بخبر مبين. |
اخونا محمد ابراهيم والله بالغت انا عندي مشكله كبيره مع انترنت سوداني لكن بما اني عاوز اغير يهمني اعرف اغير لمنو ده بالاضافه لانه لو الحديث عن كنار حا يخرج البوست من مبتغاه (حسب تعبيرك) ما كان في داعي تنزل الموقع الرسمي وتتكلم عن (كنار) باسلوب دعائي ولمن يسال زول عن (كنار) يخرج البوست من مبتغاه غايتو بناء علي مداخلتك دي انا برجا ناس (زين) سااااااااااااااااااااااي الفيكم انعرفت
| |
|
|
|
|
|
|
Re: شكراً كنار (Re: naeem ali)
|
Quote: ده بالاضافه لانه لو الحديث عن كنار حا يخرج البوست من مبتغاه (حسب تعبيرك) ما كان في داعي تنزل الموقع الرسمي وتتكلم عن (كنار) باسلوب دعائي ولمن يسال زول عن (كنار) يخرج البوست من مبتغاه
|
نعيم اشكرك كفيتني حق الرد...
الاقتراح ده انا قلته لناذر وبكرره
الرجاء تحويل العنوان الي كل شركات الاتصالات بالتنسيق مع بكري...
| |
|
|
|
|
|
|
Re: شكراً كنار (Re: naeem ali)
|
اخوى النعيم على شكرا لمداخلتك لكن ماقصدته ( حتى لايخرج البوست عن مبتغاه) فى ردى لاخونا قمر فى سؤاله عن ناس زين - وليس معنى هذا القول اننى لااريد الكلام فى مايختص كنار . فى الجانب الدعائى اعتقد ان تبلدينا افتى فى المسالة.
انتا لوسالتنى داير ياتو مزود خدمة ح اسالك طوالى انت نوعية عملك شنو - تصفح عادى - عندك دوونلوود قدر كيف - عشان اقدر احدد ليك الحزمة المناسبة معاك , ولو داير اعدد ليك محاسن ومساؤى كل خدمة من التلاتة شبكات برضو بوريك - واخليك تختار. لكن ح اقدر اقنعك بمستوى خدمة كنار.
وتانى لوعندك اى استفسار والله مرحب بيك
| |
|
|
|
|
|
|
Re: شكراً كنار (Re: Mohamed Ibrahim Ahmed)
|
الاخ محمد ابراهيم... تحياتي...
Quote: مشكلة سوداتل فى اعتقادى الخاص انها قامت بتركيز كل جهودها عبر خدمة الموبايل ( سودانى ) ولم تقم باعطاء نفس الاهمية لخدمة الانترنت وانشغلت بمنافسة زين و ام تى ان مماانعكس سلبا على ادائها فى خدمة الـــ ام دى اس ال .
|
ان كانت هذه مشكلة سوداني ام دي اس ال في تقديرك الذي احترمه يجب عليهم الرد والتوضيح علي هذه النقطة... يعني الام دي اس ال عندهم ما Key Product عشان يهتموا بزبونه مثلا...
بالنسبة لكنار.. سبق ان قلت انها تعي تماما معني الزبون وتحترمه ولكن (بعض وسائلها) كما ذكرت يجب ان تتطور منها(مثلا) طريقة الدفع عن طريق الموقع الالكتروني او التغذية عن طريق الاي في ار نفسه او باي طريقة تمكن الشخص من الاستمتاع بخدمته حتي في الاعياد او انصاص الليالي دون الذهاب او دفع فواتيرها بهذه الطريقة.
خالص الود ولنا عودة
| |
|
|
|
|
|
|
Re: شكراً كنار (Re: GamarBoBa)
|
Quote: غايتو بناء علي مداخلتك دي انا برجا ناس (زين) سااااااااااااااااااااااي الفيكم انعرفت |
نعيم ما تستعجل لزين كونكت برسل ليك ايميل توريك تاخد ياتو لفة... اللفة اللسة حتتها ماجات في البوست
البوست ده يادوب في ريعان شبابه....ناس الاتصالات ديل في اسعار كدة ما بحبوا الكلام فيها... شييل ايميلي من البروفايل وكلكله لي بايملك بس...
| |
|
|
|
|
|
|
Re: شكراً كنار (Re: GamarBoBa)
|
قمر بوبا
Quote: برسل ليك ايميل توريك تاخد ياتو لفة... |
رسلته الايميل وراجي اللفه لكن بيني بينك (في حالة ولف) مع السوداني بخلقنته دي يعني بعد جوطتي دي لو قالوا لي بيتصلح وشنو وشنو وحنكوني كويس كده اظن ببتسم وامشي اظن كده لانه شكل البديل ما واضح وجن تعرفه ولا جن (يتعرف بيك)
| |
|
|
|
|
|
|
Re: فضلت كنار وزين اها النشوف نغير لشنو؟ (Re: Mohamed Ibrahim Ahmed)
|
الاخ محمد شكرا علي ردك المهذب
Quote: نتا لوسالتنى داير ياتو مزود خدمة ح اسالك طوالى انت نوعية عملك شنو - تصفح عادى - عندك دوونلوود قدر كيف - عشان اقدر احدد ليك الحزمة المناسبة معاك , ولو داير اعدد ليك محاسن ومساؤى كل خدمة من التلاتة شبكات برضو بوريك - واخليك تختار. لكن ح اقدر اقنعك بمستوى خدمة كنار. |
طيب خلينا في (كنار) نوعية الخدمه : حسب (قمر بوبا) هي برضو بتقطع لكن مازي سوداني الاسعار : ودي برضو مهمه عندي , يعني انا في سوداني بدفع 120 جنيه وبدون تحديد للداونلود لمن اكون عاوز اغير عاوز اعرف نفس المبلغ ده في (كنار) بديني خدمه لمدة شهر وبدون تحديد سقف للداونلود ولا لا؟؟؟ (ده سؤالي الاول) ولو لاء بديني كم..؟؟ طبيعة شغلي (متعدده) مرات بتصفح ومرات بنزل ومرات كتيييره بحمل حاجات ارسلا واكون بتصفح في نفس الوقت وفاتح اغنيه في اليوتيوب مثلا... الحزمه المناسبه معاي شنو وبكم..؟؟ في انتظار ردك ياحبيب وجزيل شكري مقدما
| |
|
|
|
|
|
|
Re: فضلت كنار وزين اها النشوف نغير لشنو؟ (Re: naeem ali)
|
Quote: طيب خلينا في (كنار) نوعية الخدمه : حسب (قمر بوبا) هي برضو بتقطع لكن مازي سوداني |
الاساس ان لايكون هناك انقطاع فى الخدمة الا لظروف خاصة كما حدث من قبل عند انقطاع الكيبل البحرى - او قطع داخلى لاحد كوابل الفايبر داخل المدينة
لو احسست باى تدنى فى مستوى الخدمة او انقطاع فيها بصورة مستمرة - وعند اخذ اليو اس بى لمنطقة اخرى لتجد الخدمة مستقرة - على الفور تقوم بعمل بلاغ وذلك بالاتصال بخدمة المشتركين مع تحديد المنطقة الجغرافية التى تتواجد بها .
ماسيحدث اولا ان الموظف بخدمة العملاء سيحاول معك وعبر الهاتف مباشرة ان يقوم بحل المشكلة ان وجدت فى الكومبيوتر - او بالاعدادات للمتصفع .
ان لم تجد سياخذ كما زكرت مكان السكن وشرح كافى للمشكلة ويقوم بتصعيدها لقسم التكنلوجى - وسيقومو بمراجعة المنطقة المزكورة لمعرفة سبب تذبذب الخدمة ومن ثم عمل اللازم .
| |
|
|
|
|
|
|
Re: السادة / شركة سوداني للإتصالات (خدمة الـ MDSL ) ..!! (Re: ابراهيم سائحون)
|
سلام نهال ..
Quote: طوالي ضربت لخدمة العملاء
رد علي شاب بكل لطافة وريته مشكلتي
سألني كم سؤال بعدهم
|
نظام الكول سنتر بتاع شركة كنار متطور جدا وجميع العاملين فيه غاية في التهذيب والفهم الراقي .. تعاملت معهم كثيرا عندما كنت أستخدم هاتف كنار في أيامه الاولى .. وقد علمت فيما بعد ان جميع مكالمات العملاء مراقبة ومسجلة لضمان الجودة ..
مش زي الناس الخاتينهم في طوارئ هيئة الكهرباء .!!
ناس فاتوا القطامة واللئامة بي غادي ..!! يوم قريبتي إتصلت عليهم بتشكو من قطع متكرر في كهرباء منزلها .. الموظف اللئيم قال ليها : يعني نعمل ليك شنو هسي !! عندنا مشاكل حاصلة .. مستعجلة للكهرباء في شنو ؟! إتحملي السخانة شويييية وحسي بي معاناة الناس الغلابة والمفلسين !!
إتخيلي !!
قريبتي زعلت من كلامو قالت ليهو : عشان كلامك دا لمن الكهرباء تقطع عندنا بنعاين للسماء ونقول : يقطع رقبتكم ؟!
داك بي كل برود قال ليها : وعشان كلامك دا لمن لمن نجيب ليكم الكهرباء بنعاين للسماء وتقول : جاتكم .. جاكم بلا يخمكم !!
| |
|
|
|
|
|
|
Re: السادة / شركة سوداني للإتصالات (خدمة الـ MDSL ) ..!! (Re: ابراهيم سائحون)
|
تبلدينا ومحمد ..
بما إنكم هنا
عندي إستفسار ..
كنت من أوائل من تعاملوا مع شركة كنار عندما طرحت خدماتها .. أخذت منهم داتا كارد وإستخدمته لفترة .
بعد ذلك إضطررت لتغيير اللاب توب بموديل أحدث ولكنه للاسف لا يدعم الداتا كارد القديم ..
ذهبت لمركز كترينا .. وأخبرتهم بمشكلتي وأنني الان غير مستفيد من الكارت تبعهم .. وإذا ما كان بالإمكان تغييره إلى يو إس بي حتى أستطع الغستمرار معهم .. فوجئت حين ذكروا لي بأنه ليس هنالك تبديل !! وإن كان لا بد من جهاز جديد فعلي شراء واحد جديد ..ّ!
يعني بي كل بساطة الداتا كارت القديم (أبلو وأشرب مويتو) !!
وأكيد المشكلة دي ما واجهتني براي .. واجهت كتيرين غيري قبل كدة ..!!
فكيف تغامر شركة كنار بخسارة عدد مقدر من زبائنها بدلا من إستبدال أجهزتهم القديمة باخرى جديدة ودون مقابل ؟!!
صنفرة :
شركات السيارات لمن ينزلوا موديل جديد بيغيروا للزباين سياراتم القديمة ولو حتى بدفع فرق بسيط !!
ولا ماكدة ؟!!!
| |
|
|
|
|
|
|
Re: السادة / شركة سوداني للإتصالات (خدمة الـ MDSL ) ..!! (Re: ابراهيم سائحون)
|
شكرا محمد إبراهيم ..
Quote: لكن اسمحو لى ان اذكر السيد محمد عثمان ان نصف النجاح هو عبر الاستماع والرد على الاستفسارات - وانا اجزم بانه يقرا كل المداخلات التى تتم عبر هذا البوست وغيره وليس المشكلة يا تبلدينا انه ليس لديه باسوورد فقد قام بالرد عن طريق الاخ اشول.
مشكلة سوداتل فى اعتقادى الخاص انها قامت بتركيز كل جهودها عبر خدمة الموبايل ( سودانى ) ولم تقم باعطاء نفس الاهمية لخدمة الانترنت وانشغلت بمنافسة زين و ام تى ان مماانعكس سلبا على ادائها فى خدمة الـــ ام دى اس ال .
|
| |
|
|
|
|
|
|
Re: السادة / شركة سوداني للإتصالات (خدمة الـ MDSL ) ..!! (Re: ناذر محمد الخليفة)
|
شكرا ياسر مصطفى ..
Quote: و أتوجه بسؤالي للسيد عماد الدين حسين و يقال أنه رجل علي خلق و دين: هل تقبل أن يدخل هذا المال الحرام علي نفسك و علي شركتك! لقد سبق أن اصدرت ادارة الثراء الحرام فتوي في مواجهة موبيتل انذاك في قضية جبر الثانية و احتسابها دقيقة كاملة و اعتبرت ذلك اثراء حراما أمرتها بالتحلل منه بدفع مليار دينار في ذلك الحين. فما بالك و الحال الان و مشتركيك سيدي عماد الدين حسين يدفعون عشرات الاف مقابل ساعات لا يستطيعون الانتفاع بربعها.
أنه الجشع..
|
فهل سيقرأ السيد عماد الدين حسين هذا الاسطر ؟!!
| |
|
|
|
|
|
|
Re: السادة / شركة سوداني للإتصالات (خدمة الـ MDSL ) ..!! (Re: Hala Hassan)
|
الأخ ناذر و جميع المتداخلين،،،
فعلا البوست دة مهم جدا للتوثيق و مناقشة خدمات جميع شركات الإتصالات،،،
لكن أنا شايفة كدة الكورة (حقيقة) فى ملعب كنار الان،، مع إنه هى أكتر شركة (مظلومة) ، ما قادرة (إلى الان) تنافس فى السيار،،،
و الحقيقة التانية إنو خدمات الإتصالات فى السودان، من نوعية خدمة العميل، و جودة الخدمة و تنوع الخدمات و الباقات، و فن الإعلان، و.....الخ،،
قد تحسن كثيرا فى السودان منذ ولوج شركة كنار إلى الخدمة،،
و هذه حقيقة لا ينكرها إلا مكابر،،،،
و يا ناذر، زى ما أديتوا ناس سودانى، و من بعدهم الباب مفتوح لزين، للدفاع عن خدماتهم، حتى إنكم سوف تقومون بزيارة موقعهم للوقوف على وجهة نظرهم،،
لا أرى غضاضة من إتاحة الفرصة لكنار للتعريف بنوعية الخدمات المتاحة،،، شكرا لكم،،،
| |
|
|
|
|
|
|
Re: السادة / شركة سوداني للإتصالات (خدمة الـ MDSL ) ..!! (Re: Hala Hassan)
|
Quote: عندي إستفسار ..
كنت من أوائل من تعاملوا مع شركة كنار عندما طرحت خدماتها .. أخذت منهم داتا كارد وإستخدمته لفترة .
بعد ذلك إضطررت لتغيير اللاب توب بموديل أحدث ولكنه للاسف لا يدعم الداتا كارد القديم ..
ذهبت لمركز كترينا .. وأخبرتهم بمشكلتي وأنني الان غير مستفيد من الكارت تبعهم .. وإذا ما كان بالإمكان تغييره إلى يو إس بي حتى أستطع الغستمرار معهم .. فوجئت حين ذكروا لي بأنه ليس هنالك تبديل !! وإن كان لا بد من جهاز جديد فعلي شراء واحد جديد ..ّ!
يعني بي كل بساطة الداتا كارت القديم (أبلو وأشرب مويتو) !!
|
العزيز ناذر فعلا هناك عديد من العملاء طلبو تغيير الداتا كارد باليو اس بى - والموضوع الان قيد الدراسة فى الادارة !! وفى الغالب سيصدر قريبا قرار بهذا الشان - وسنقوم بنشره هنا مباشرة .
مثل هذه التعليقات مفيدة للغاية لمعرفة كل الامور التى تهم المستخدم للخدمة وتهمنا نحن بالمقام الاول لمعرفة اوجه القصور ان وجدت .
هالة - فعلا اكتر شركة اتصالات ظلمت, كانت كنار - وخاصة فى البداية - - مع ان المعروف ان كل عمل جديد يكون به بعض الهنات - ولكن العبرة بتجويد الخدمة والاستفادة من الاخطاء وهو ماقامت به كنار.
| |
|
|
|
|
|
|
Re: السادة / شركة سوداني للإتصالات (خدمة الـ MDSL ) ..!! (Re: ناذر محمد الخليفة)
|
سلام محمد إبراهيم ..
Quote: والموضوع الان قيد الدراسة فى الادارة !! وفى الغالب سيصدر قريبا قرار بهذا الشان - وسنقوم بنشره هنا مباشرة .
|
على السادة في إدارة الشركة إنصاف عملائها بهذا الخصوص ، ويجب عليها عدم تحميلهم أعياء مالية إضافية حين إستبدال الداتا كارت بال يو إس بي ، يجب أن تتم تلك العملية دون أي رسوم مالية ، بل يجب عليها تعويضهم بأيام مجانية إضافية مكافاة لهم على صبرهم على كنار وعدم ذهابهم لمزود خدمة اخر ... وإنتظارهم الطويل لما سيصدر من قرار ..
بهذه الكيفية وحدها يقاس إحترام الشركة وتقديرها لعملائها يا محمد .
| |
|
|
|
|
|
|
Re: السادة / شركة سوداني للإتصالات (خدمة الـ MDSL ) ..!! (Re: ناذر محمد الخليفة)
|
طيب يا ناس كنار ما دام بقيتوا تناقشونا بشكل مفتوح وسلس...في حاجات فوق بتخصني راجعوها بالله ...دي اولا
ثانيا انتو ما اتظلمتو.. بالعكس انتو اكتر شركة اتوفرت ليها دعم اداري وفني وانتو الوحيدين الما بديتو الشغل From Scratch بل كان عندكم رصيد معرفي وتقني ممتاز جدا لانو اتصالات الامارات بضخامتها هي الاسست الشغل...يمكن ظلموكم في سوق البزنس بتاع المحمول او ظلمتو روحكم..لكن ابدا كنتو اقرب الناس للتمام.
سؤال جديد كدة عرضكم للشركات في موضوع الويرلس انترنت ياهو نفس عرضكم للافراد في حالة الاجابة بنعم للسؤال الفوق ده ...هل بتعتقدوا انو اسعاركم هي ارخص اسعار في السوق؟؟
شاكرين لكم حسن استماعكم لنا
| |
|
|
|
|
|
|
Re: السادة / شركة سوداني للإتصالات (خدمة الـ MDSL ) ..!! (Re: GamarBoBa)
|
Quote: و الحقيقة التانية إنو خدمات الإتصالات فى السودان، من نوعية خدمة العميل، و جودة الخدمة و تنوع الخدمات و الباقات، و فن الإعلان، و.....الخ،، قد تحسن كثيرا فى السودان منذ ولوج شركة كنار إلى الخدمة،،
|
هالة تحياتي.. ليه بتعزي تحسن الخدمة وتنوعها بولوج كنار لسوق الاتصالات...ده حق كبير ما المفروض تصادروه من باقي الناس...في فهمي انا المنافسة هي الخلت الخدمات تتحسن وتتنوع ناس الكستمر كير الفي زين ولا سوداني الكل يوم شابكننا مرحب بيك واهلا بيك واي استفسار آخر والصوت الناعم الشغال ده نتيجة حتمية للمنافسة...زمان كان بمسكو الزول يذلوه...كان في ناس بقولوا للعميل ما تقدنا ياخ وما تتصل بينا تاني.. ده لو رفعوا السماعة...
اما فن الاعلان وسوقه والله العظيم يا هالة انا اخجل من سماع الاف ام خوفا من النشاز البجي اضان الزول وبوتره... كدي قارني اي اعلان من اعلاناتنا باي اعلان في مصر القريبة دي السوق الاتصالات فيها زي سوق سنة 2000 هنا. لو عايزة نماذج بنمش اليوتوب ونجي نقارن...لانو سوق الاعلان وتكنيكه بالجد عندنا تعبان تعب السنين المرة... شركات بسيطة هي البتبدع في الاعلان وهي ما شركات اتصالات ...بتصاحب معاها الانترناشونال دايمنشين وتمزجها بالواقع المحلي.
شكرا وتحياتي
| |
|
|
|
|
|
|
Re: السادة / شركة سوداني للإتصالات (خدمة الـ MDSL ) ..!! (Re: GamarBoBa)
|
قمر بوبا،، سلام،
Quote: ليه بتعزي تحسن الخدمة وتنوعها بولوج كنار لسوق الاتصالات...ده حق كبير ما المفروض تصادروه من باقي الناس...في فهمي انا المنافسة هي الخلت الخدمات تتحسن وتتنوع ناس الكستمر كير الفي زين ولا سوداني الكل يوم شابكننا مرحب بيك واهلا بيك واي استفسار آخر والصوت الناعم الشغال ده نتيجة حتمية للمنافسة...زمان كان بمسكو الزول يذلوه...كان في ناس بقولوا للعميل ما تقدنا ياخ وما تتصل بينا تاني.. ده لو رفعوا السماعة... |
(من غير تحيز)، كنار للإتصالات هى (فعلا) الأدخلت مفهوم خدمة العملاء بالأسلوب الحالى و الراقى لخدمة الإتصالات بالسودان، و لحدى (الان) نقدر نقول إنو باقى اللركات (حاولت) تحسن فى خدمتها و لم تستطع مجاراتها،،،
أتحدى أى زول بتصل على 123 -زين ، و بلقى رد فى محاولة واحدة،،،
و ناس سودانى من الشايفا فوق دة، حدث ولا حرج،،،،
و الامثلة و المقارنات موجودة،،،
Quote: اما فن الاعلان وسوقه والله العظيم يا هالة انا اخجل من سماع الاف ام خوفا من النشاز البجي اضان الزول وبوتره... كدي قارني اي اعلان من اعلاناتنا باي اعلان في مصر القريبة دي السوق الاتصالات فيها زي سوق سنة 2000 هنا. لو عايزة نماذج بنمش اليوتوب ونجي نقارن...لانو سوق الاعلان وتكنيكه بالجد عندنا تعبان تعب السنين المرة... شركات بسيطة هي البتبدع في الاعلان وهي ما شركات اتصالات ...بتصاحب معاها الانترناشونال دايمنشين وتمزجها بالواقع المحلي. |
أما عن نوعية الإعلانات دى، فمعاك حق مية فى المية، ياخى دى إعلانات و لا شكل؟؟؟ أنا فى أى لحظة بكون متوقعة لى كف ( أثناء الإعلان)،،،،،
أنا كان قصدى أشير لنوعية البروموشنات (العروض) البتتقدم، و برضو من رأيى قصب السبق فيها لكنار،،،
و لنا عودة،،،،
تحياتى،،،،
| |
|
|
|
|
|
|
Re: السادة / شركة سوداني للإتصالات (خدمة الـ MDSL ) ..!! (Re: GamarBoBa)
|
Quote: عرضكم للشركات في موضوع الويرلس انترنت ياهو نفس عرضكم للافراد في حالة الاجابة بنعم للسؤال الفوق ده ...هل بتعتقدوا انو اسعاركم هي ارخص اسعار في السوق؟؟
|
قمرنا - معليش على التاخير - لكن والله مشغوليات وشغل بره كمية
الويرلس زاتو هو خشم بيوت - ولما تجينى انتا كشركة وداير انترنت - بشوف اول احتياجك للنت قدر شنو - وعندك كم جهاز - وياتو البخش انترنت - وعندك كمية وحجم شغل قدر كيف - حتى اديك العرض - يعنى فى ناس بديهم الداتا كارد او اليو اس بى وهو بنفس الاسعار . ولو بقيت داير دديكات لين - برضو بديك ودى قيمتا اعلى - يعنى بالمختصر بتجينى وبتقول داير 2 ام بى - بقوم بربط ويرلس اكويمبت فى المكتب او الشركة بتاعتك وبديك منها الباندودث العاوزه انتا - وطبعا دى اغلى عشان دديكات ما شار زى الداتا كارد او اليو اس بى. لو اسعارى غالية - برضو برجع وبقول ليك انا بقنعك بمستوى ونوعية الخدمة بتاعتى وانتى ليك الحق تحدد داير راحة البال ولا راحة الجيب.
| |
|
|
|
|
|
|
Re: السادة / شركة سوداني للإتصالات (خدمة الـ MDSL ) ..!! (Re: Mohamed Ibrahim Ahmed)
|
هالة ومحمد تحياتي وشاكر لكم متابعتكم والردود
بالنسبة لانو ادارتكم لخدمات العملاء بشكل قوي وجميل اتفقنا فيه بدري بس ما تنسو عدد عملاؤكم بشكل عشرة في المية من عملاء زين او سوداني لو اخدناها ككوتة كاملة
بالنسبة للاسعار كلامي كان محدد لكن كلمة ويرلس ما كانت دقيقة (فعفوا)وكان هو هل اليو اس بي بالنسبة للافراد والشركات سعرها واحد ويبدو من مداخلتك انها سعرها واحد اذا كان فهمت كويس... يبقي في فجوة لازم تقروها كويس وانا ما بوضح اكتر من كدة لانو لو وضحت حتزعلوا مني..او بكون بعمل في دعاية لجهة انا شخصيا متضرر منها حاليا..
تحياتي
| |
|
|
|
|
|
|
Re: السادة / شركة سوداني للإتصالات (خدمة الـ MDSL ) ..!! (Re: ناذر محمد الخليفة)
|
!!!
الصورة أعلاه قبل دقيقتين !!
انا الان أمام الكمبيوتر منذ اكثر من ساعة ..
حدث خلالها هذا القطع وهذا (الصفر الكبير) أكثر من عشرة مرات !!
هل يعقل ذلك ؟!!
ألا يحق لنا أن نسأل .. أم فقط يتوجب علينا أن ندفع وندفع !!
بالنسبة لي شخصيا فلن أدفع قرشاً بعد اليوم يدخل على خزنة شركة سوداني دون وجه حق !! ففي يوم 14 من هذا الشهر ستقطع عني الخدمة ومن جانبي سأقطع علاقتي تماماً بهذه الشركة التي لا تحترم مشتركيها وعملائها ..!
وجهاز الإم دي إس سيكون هديتي لاول من أقابله صبيحة 14 فبراير !
سلاح المقاطعة هو فقط الذي تبقى لي فقد أسمعت إذ ناديت حيا ولا حياة لمن تنادي !
| |
|
|
|
|
|
|
Re: السادة / شركة سوداني للإتصالات (خدمة الـ MDSL ) ..!! (Re: ناذر محمد الخليفة)
|
سلامات يا ناذر ..
انا شكلي كده ح اكون معاك طوالي .. وناس سوداني ح يخسروا وراي كتير والله لانو انا مشتري منهم اكثر من 5 اجهزة mdsL باسمي ( معتصم محمد صالح ) لبعض افراد اسرتي وبعض اصدقائي الذين خيبت ظنهم بعد ان استشاروني في اي شركة افضل وتركوا لي امر شراء الاجهزة وتوصيلها لخبرتي في هذا المجال وبعضهم يراعي حقوق الاخوة لكن احدهم انفجر في وجهي قبل ايام وقال لي بالحرف الواحد دي شنو الماسورة الجبتها لينا دي .. ساتحمل النتائج وسآخذهم معي حيث اذهب ..
وادناه صورة ثبل دقائق ..
ـــــ انت يا ناذر ما ترش لينا الموضوع ده في جريدة جريدتين عشان الناس المساكين التانين يعرفوا .. وممكن ما تشير لاسم الشركة يعني ممكن تقول شركة اتصالات تاخذ اسمها من اسم اكبر بلد بتاع مواسير في افريقيا والوطن العربي وعلى الرغم من انها تاخذ اسمها من اسم مواطن ذلك البلد الا انها لم تدفع له حق الاسم حتى .. وبعد ده كلو ساكاهو في اكل اولادو وبدون مقابل كمان.. ده مش اسمو اكل اموال الناس بالباطل ؟؟ انت اكتب وانا بعقب عليك في جريدة تانية ..
| |
|
|
|
|
|
|
Re: السادة / شركة سوداني للإتصالات (خدمة الـ MDSL ) ..!! (Re: naeem ali)
|
سؤال لكنار اشتركت بالخدمة فلات ريت وكانت خدمات المشتركين عبر الهاتف في غاية التهذيب و المصداقية و لا زالت لكن الخدمة غالية جداً بالنسبة للحزم المحددة حدث هذا عندما وجدت انني لا احتاج للفلات ريت لتعدد مصادر الانترنت عندي
فاتجهت لخدمة المشتركين و دفعت فاتورتي يوم 29 ديسمبر و 2008 وحولت لحزمة 5 قيقا في نفس اليوم يوم 31 يناير قطعت عني الخدمة ذهبت لخدمات المشتركين فوجدت انه قد تمت محاسبتي بفاتورتين بقيمة 152 جنيه اي انهم حسبو ا مساء 29 ديسمبر و 30 و 31 ديسمبر شهر كامل رغم انني في الاصل دفعت الايام الثلاثة ضمن الفلات ريت في اشتراكي الاول هذا بالاضافة لدفع مبلغ امنية 100 جنيه عند تغيير نوع الاشتراك من مفتوح لمغلق و لم اجد مبرر منطقي مقنع لهذا الامر زين كونكت بالمقارنة نظامهم الحسابي متقدم جداً فقط قاموا بحساب الايام التي اشتركت بها بالاضافة للشهر الجديد
انا اعتقد ان المستهلك السوداني مظلوم مظلوم
ولا توجد حماية له عند شراء اي سلعة او خدمة و تبخس نقوده رغم انه قد تعب فيها اكثر من ما تعب او صرف مقدم الخدمة او بائع السلعة وفي غياب الحماية القانونية للمستهلك سيتدهور الاقتصاد وتهتز الثقة
جمعية حماية المستهلك لا تدري و ظيفتها وهي تركز علي حماية البيئة اكثر من حماية المستهلك رغم وجود جمعية تهتم بالبيئة
لا بد من حماية حقيقية للمستهلك ولابد ايضاً من توفير خدمات انترنت اخري منافسة
عشان كده سؤالي هو في زول من سودانيز اونلاين عارف ليه انترنت عن طريق الستلايت رخيص و موثوق و بعيد عن اعين الشركات و المؤسسات السودانية الجشعة ؟
| |
|
|
|
|
|
|
Re: السادة / شركة سوداني للإتصالات (خدمة الـ MDSL ) ..!! (Re: Abureesh)
|
اولا سلام للجميع سوداني، كنار، زين وباقي الشركات واكيد سلام لصاحب الدار ناذر الخليفة عندي استفسار واللهو عندي SONY W200A بيشتغل مع GSM 850 / 1800 / 1900 فهل في اي من الشركات في السودان بتستخدم اي من GSM 850 / 1800 / 1900
السؤال التاني ما هي شركة MTN هل تابعة لشركة سوداني ولا شركة اخري
مع شكري راني السماني
| |
|
|
|
|
|
|
Re: السادة / شركة سوداني للإتصالات (خدمة الـ MDSL ) ..!! (Re: rani)
|
سلام قمر بوبا ..
Quote: ما تديه لزول هديه خلينا نلمها كلها ونصورهم ونرجعها ليهم بخطاب فيه اننا كعملاء واحتجاجا علي الخدمة الغير جيدة والاهدار لمالنا نقوم بارجاع هذه الاجهزة لكم |
إتصل بي العديد من الأشخاص من أعضاء المنبر ومن خارجه معترضين على منح الجهاز لمستخدم أخر ، وطلبوا التنسيق مع كل من يريد إرجاع الجهاز بالتجمع في مكان واحد وجمع الاجهزة وتصويرها ومن ثم التحرك كمجموعة نحو رئاسة سوداني في برج سوداتل ووضعها أمام المدخل مع وجود تغطية إعلامية بواسطة الصحف وتصوير الامر بواسطة الفيديو وبثه هنا في الموقع وفي المواقع المشابهة ليعي الناس بحقوقهم ويعلمون حجم ما أصابهم من ضرر وإمتلاكهم أليات الرد الموجع ..
وأنا صراحة أدعم هذا الإتجاه إن أراد الأخرون التنسيق ..
| |
|
|
|
|
|
|
Re: السادة / شركة سوداني للإتصالات (خدمة الـ MDSL ) ..!! (Re: rani)
|
نعيم ..
Quote: عازمك فطور يا ابو النيز يوم 14 الساعه ثمانيه ونص صباحا
(شان اصمهم الاتنين) بواحد زين
|
للأسف راحت عليك ..
وزولك الكنت داير تبدلو بي زين مفروض برضو تروح عليو ..
فقد قررت دعم الإتجاه القائل بضرورة تجميع الأجهزة وتصويرها وإرجاعها كحملة مقاطعة شاملة ..
| |
|
|
|
|
|
|
| |