|
Re: ** طرائف البورد** 2009 ** (Re: ناذر محمد الخليفة)
|
يا ناذر كل عام وأنت بألف خير كنت فيما مضى من رواد بوستات الطرائف لكين فكت بت الكلب، مريت خلال 2008 بي مواقف طريفة كتيرة لكن ما قدرت أجمع وين وكيف!!! بس للضمان كده بقال في تقديري هو نجم البورد لعام 2008م بلا منازع، وكان قمة تجلياته في آخر بوستين (بوست قندهار+ بوست تراجي لو سمحتي أنا ما طيرة) تحديداً ، ياخي الزول ده أنا معجب بيهو وحالف الاجازة الجاية إلا ألاقيهو في السودان ووصيت محمد الحاج الذي يقضي إجازة الآن في السودان أن يلاقيه ويعزمو في بيتنا ويوثق ليهو ولتجربتو.
ياخي تتصور أنا مرات بصحى من النوم في عز الليل وأقعد أضحك لما أتذكر بوست (تراجي لو سمحتي أنا ما طيرة).
| |
|
|
|
|
|
|
Re: ** طرائف البورد** 2009 ** (Re: ناذر محمد الخليفة)
|
سلام يا نادر ..
Quote: ياخي تتصور أنا مرات بصحى من النوم في عز الليل وأقعد أضحك لما أتذكر بوست (تراجي لو سمحتي أنا ما طيرة). |
والله فعلا البوست دا كان مفروض يترشح ضمن أفضل عشرة بوستات في عام 2008
بس للاسف لرسل لي بكري وحذف البوست ودا براهو بيبرهن على طيرنتو
| |
|
|
|
|
|
|
Re: ** طرائف البورد** 2009 ** (Re: ناذر محمد الخليفة)
|
بوست ملئ بالطرائف :
نقتبس منه :
دكتور أحمد أمين :
Quote: يا اخوي هم فاضين لتنمية ؟...
خليها في سرك يا راجل ..
طن من المودة |
فرد نزار يوسف المغتاظ :
Quote: واليك أطنان من التراب
|
ثم وضع له هذا الرابط الترابي :
http://http://www.sudaneseonline.com/cgi-bin/sdb/2bb.cg...d=180&msg=1227346485
أبو الريش :
Quote: البيرة خيـر من المريسـة، لأن كثيرا من معامل المريسـة البلدبة غير صحى وضـار.. ولو إنتقل الناس من شرب المريسـة البلدية للبيـرة فهـذا خيـر.. لأن البيرة مراقية صحيـا وتخضـع للمعايير الصحيـة.
|
تعقيب هضيبي :
Quote: صح 100%
___________________________________________________ و نسأل الله السلامة |
أبو بكر صالح :
Quote: منظمة الشهيد عندها مصنع للكحول فى بحرى.
الكحول دا ياهو الحكول كان بيرة كان عرقى
الخرطوم كلها بتسكر بالكحول حق منظمة الشهيد، و يتم توزيعه عن طريق محلات العطور. و ناس الشهيد عاملينا نايمين لانو دا الاستهلاك الحقيقى المحرك سوق المصنع
و ناس الشهيد هق هق هقااااق، و اهل الشهيد عايش بى قروش المريسة
ما عندنا اى اٍعتراض
بس عشان نوريك انو الموضوع اكثر من عادى. |
دينق :
Quote: عقبال مصنع بيرة كمان في الخرطوم لأنو هناك في ناس كتااار العرقي شقاهم عديل كده, خصوصا العرقي المخلوط ب حجار حجار البطارية وبنج الحمير. فلنعمل معا من أجل بيرة صحية وسااااقطة كمان. ويا حليل مؤسسة أيبي الوطنية ويا حليل ماركة ابو بت وأبو جمل.
|
دا كلو من هنا :
لمزيد من الـ(ترنح) حكومة الجنوب تدشن مصنع بيره تكلفته 37 مليون دولار
| |
|
|
|
|
|
|
Re: ** طرائف البورد** 2009 ** (Re: ناذر محمد الخليفة)
|
سلام تيسير ..
وكل سنة وإنتي طيبة ..
Quote: ناذر ازيك وكل سنة وانت طيب والله بوست ساهر بى وقتلنى من الضحك
يديك العافية فرقت علينا حزننا |
أول امبارح كنت داير أنزل مع صلاح وأسلم عليكم في الحدائق بس كان معاي ضيوف والله ...
أقرب واحدة تانية أدونا خبر ..
تسلمي كتير ..
| |
|
|
|
|
|
|
Re: ** طرائف البورد** 2009 ** (Re: Hassan Makkawi)
|
Quote: وشل...شل...شل...كبي لي جالون؟
ولالا ما بديك الطرمبه هديك
الوابر جاز خلي يشغل الشغل بالجاز خلي يشتغل.
ارححححححححححح يلاااااااااااااا
لاهاييييييييييييي نفر ارح يا اخ! |
يا وهبى و ناذر
تراجى فطت ليها اغنية:
حلتكم بعيدة و بخاف من ع.....دة
سلام
| |
|
|
|
|
|
|
Re: ** طرائف البورد** 2009 ** (Re: حمور زيادة)
|
كتبت سارة علي لذو اليد في بوست مطالبته لبكري بعودة تراجي و بقال الذي يقول فيه انهما تم ايقافهما بسبب الشايقي
Quote: ذو اليد..
Quote: الاحباء بمنبر سودانيزاونلاين قراء واعضاء تحياتي تحياتي وتقديري وشكرا على سؤالكم انا بخير اخوتي فقط اعتقد باس وردي مهكور وقد اتصلت ببكري ويبدو انه مشغول ايضا فعلينا بالصبر وايضا باس ورد اخي محمد سليمان مهكور
اما اخي الشايقي فلا دخل له بالموضوع اعتقد هو يمازحني وانا امازحه بيننا مزاح بتلك الطريقه
واقول لاخي الشايقي بعدك تلقى خدود تريانه دهن كندي زي ده عشان تشلخها
دة انا لاطشاهو من هنا.. رسالة من الزميلة تراجي مصطفي
ولو الكلام دة طلع صاح والعهدة علي الراوي..فمطالب باعتذار لي بكري...
مش قلنا ليكم الموضوع هزار.. |
فرد ذو اليد عليها
Quote: معاً لعودة تراجي وبقال |
الفليم ده هنا سحب باسويرد بقال وتراجي ( المجني عليهم ) وترك الشايقي (...دالة هذه يا بكري ؟؟؟
| |
|
|
|
|
|
|
Re: ** طرائف البورد** 2009 ** (Re: ناذر محمد الخليفة)
|
كتب الاخ عثمان رغيم :
Quote: ندوة ادبيه وسباق حمير |
وكتب كيكي محييا اشرف الحلبي :
Quote: وشوق السحاب الراحلة والله.. وعصام حقو يجي للبوست بتاعو ده راجع فعاوزين نساهم معاهو في الحتة دي (ودي طبعا اهم شي) بس لو بجي وبقول لينا مازوم وكلام المثقافتية ده اخير ما يجي البوست محتل من قبل قوات عوام صديقة للتحدث في ورشة اسفيرية عن الاحتقان الاسفيري المنبعج |
ثم ياسر طيفور
Quote: If I were MES, I will print this post and go to the nearest USA embassy |
وبروفايل عصام جبر الله
وعماد عبدالله عمل كاركاتير عجيب
كل هذه الاشياء وغيرها من الكثير والمفيد
تجدونه هااااااااهووووونا
Re: عن الحوارات المازومة,رسالة محسن, كلام في حق تاج السر الملك و محن اخرى
| |
|
|
|
|
|
|
Re: ** طرائف البورد** 2009 ** (Re: ناذر محمد الخليفة)
|
كتب الاخ جني للاخ صبري الشريف:
Quote: بوستاتك كلها الغام! عشان كدة حايم فيها براك! الواحد الا يجى داخل بي كاسحة الغام! من متين بقيت تتمثل بى احاديث الرسول صلعم! والله انا بنتى راجل يدقها لو بقى صحابى جليل ما اخليهو! انا غالبنى اعيشها ولا أديتا ليهو عشان يدقها! جنى |
ورد صبري :
Quote: خلي بجوها الشلقاء وده جمع شليق ناس عثمان دغيس وسيدنا حسن زمرواي
بفكو الالغام ويعم السلام |
والمتعة دي هنا :
Re: العنف ضد المراة بين الشريعة والقانون
| |
|
|
|
|
|
|
Re: ** طرائف البورد** 2009 ** (Re: ناذر محمد الخليفة)
|
اولا يا ناذر الف الف حمدالله على السلامة من الحادث المرورى *** ياخى والله العظيم بوست الأخ معاذ عن المعوز ده الطف بوست فى العام (الماضى) على الإطلاق ياخى ضحكت فيهو كمية مبالغة من الضحك،،،وكمان طريقة معاذ فى الكتابة لطيفة شدييد ودمها خفيف بس مسعول من الخير البوست طار مشى وين،،،فتشت ليهو أصلو ما لميت فيهو....عليك الله لو عندك ليهو لنك الحقنى بيهو،،،عشان أختو فى أرشيفى الخاص...!
| |
|
|
|
|
|
|
Re: ** طرائف البورد** 2009 ** (Re: ناذر محمد الخليفة)
|
ود البشرى لعبد الوهاب :
Quote: قوم لف عامل كدا زي أب نخرة الفي الكاريكاتير الأول القال ( فاللهم لا اعتراض في حكمك) |
عبد الوهاب :
Quote: دا يا ودالبشرى
والله بالغت عديل كدا دا انت ما عرفتو ولا شنو ؟ دا مااااااا ذا النون |
| |
|
|
|
|
|
|
Re: ** طرائف البورد** 2009 ** (Re: ناذر محمد الخليفة)
|
الرديري :
Quote: أمبارح استلمت الرسالة الآتية : "أنا سارةعمري 20 سنة حابة اتعرف على صديق راسلني على 90138"
والنهار دا استلمت الآتية: "هاي أنا سارة عمري 22 وحابة اتعرف على صديق راسلني على 90138" |
أسامة أحمد :
Quote: سارة دي خطيرة جد .. (الله يرحمك يا مصطفي) في يومين كبرت سنتين .. يعني 24 شهر اذا لاقيتها الليلة الساعة (6) مساء و نكحتها الساعة (9) .. الساعة (6) و عشرة صباحاليوم التالي (تلد) .. و في إحتمال تيمان كمان لو شديت حيلك شوية .. يعني تاني يوم الساعة (9) بيكون عندك مولود عمرو سنة و (3) شهور و اربعين يوم
انت اعقد صفقة مع معتصم ... بيض نيتك وانكح سارة بعد داك اذا حصل الفوق ده .. اكيد معتصم ح يستلم ال(نص مليون) استرليني دي .. و اذا ما حصل الفوق ده تتقاسمو الخسائر (فيفتي فيفتي) . |
هنا :
مساعدة عاجلة من الاخوة في بريطانيا .. يقولون انني ربحت 500.000 استرليني
| |
|
|
|
|
|
|
Re: ** طرائف البورد** 2009 ** (Re: ناذر محمد الخليفة)
|
شكيتك لى الله يا ناذر ود الخليفه
اليشوفك وانت بتسلم على بقال التقول هو اعز اصدقائك والذى يراك وانت
تشر الغسيل فى المنبر يقف حائرا محتارا بقال ده فردتك لكن هو ظاطو
البوديهو محل المثقفاتيه شنو اخير ليهو مع ناس وجع النوايط وام بلباله
عجبنى ليك يا بقال واخر الزمن يسحبوا باسوررردددك كمن يقول لك اتكلم
كان راجل وهو يغلق فمك باحكام .....
| |
|
|
|
|
|
|
Re: ** طرائف البورد** 2009 ** (Re: ناذر محمد الخليفة)
|
سلام أيوب ..
Quote: اليشوفك وانت بتسلم على بقال التقول هو اعز اصدقائك والذى يراك وانت
تشر الغسيل فى المنبر يقف حائرا محتارا بقال ده فردتك لكن هو ظاطو
البوديهو محل المثقفاتيه شنو |
الله يفتى علييييييييييييييييييييييييييييييك ..!!
بس خليهو يختى محل المثقفاتية وتاني العوجة ما بتجيهو من طرفي تب
| |
|
|
|
|
|
|
Re: ** طرائف البورد** 2009 ** (Re: ناذر محمد الخليفة)
|
عماد كيفك ...
Quote: ناذر ياخ واقع ورا الله .
في عرضك إنت و وهبة .. ما تفتحوا لينا نفاج بي هنا كمان .. الله قال بي قولك إن لمّ في بوستينك ده .. تاني إلا حمار الوادي يهنق .
|
اول حاجة معليش عشان ما إستأذنتك في صورة البروفايل الرسمتها إنت ..!!
لكن وحاتك أبو ساندرا أداني الإذن أمبارح بالليل الساعة واحدة ونص صباحا لمن طرحت عليهو الموضوع وقال لي إذنك معاك في أي شي بيختص رسومات عماد عبد الله وأنا طوالي إعتمدت كلامو وختيت كاريكاتوريك في بروفايلي عشان عجبني شديد والله
Quote: الله قال بي قولك إن لمّ في بوستينك ده ..
|
جراداية في بوست ولا بيعضي ، إلا قعادا ولا حلو
| |
|
|
|
|
|
|
Re: ** طرائف البورد** 2009 ** (Re: ناذر محمد الخليفة)
|
أخونا عبد الوهاب فتح بوستا نظام مغرزة وكدة للحبشي بعنوان :
ياسـر طيفـور ( 3 )
وكتب عليه :
Quote: حجزت الـ 3 نظام تقفيل وكدا نشوفو تاني بيفتح بشنو |
فعلقت سارة علي :
Quote: بيفتح.. ياسر طيفور 3 (مشترك).. |
فعقب عماد عبد الله :
Quote: للضمان كده .. انا بجيب " حمار وادي " .. أول ما يشبك هو في ( تلاتة مشترك ) .. أقوم أنا أعضي أضان الحمار .. يقوم الحمار يهنق .. يقوم " هو " يرخي اللصقة .. ياسر طوالي يتفكفك و يقوم صووووف .
|
فكتب كيكي :
Quote: تكتيكك اطور يا عمك.. بس انكرب للمغالطة وحقوق البث الدولية..
طبعا ممكن نشوف ياسر طيفور 3 بدون اقواس او ياسر طيفور ثلاثة اوياسر طيفور ستة علي اثنين او تسعة علي ثلاثة
الدرب ده طويل يا وهبة ولو داير تقفلو الا تجضم وتقفل كل الطرق الفي الدنيا المودية الي 3
|
فكتب بلة موسى :
Quote: ياوهبة
أى واحدة ما كاتبا أستاذE
تعتبر عرفى أو مسيار.. |
من هنا :
ياسـر طيفـور ( 3 )
| |
|
|
|
|
|
|
Re: ** طرائف البورد** 2009 ** (Re: ناذر محمد الخليفة)
|
Quote: أخونا عبد الوهاب فتح بوستا نظام مغرزة وكدة للحبشي بعنوان :
ياسـر طيفـور ( 3 )
وكتب عليه :
Quote: حجزت الـ 3 نظام تقفيل وكدا نشوفو تاني بيفتح بشنو
فعلقت سارة علي :
Quote: بيفتح.. ياسر طيفور 3 (مشترك)..
فعقب عماد عبد الله :
Quote: للضمان كده .. انا بجيب " حمار وادي " .. أول ما يشبك هو في ( تلاتة مشترك ) .. أقوم أنا أعضي أضان الحمار .. يقوم الحمار يهنق .. يقوم " هو " يرخي اللصقة .. ياسر طوالي يتفكفك و يقوم صووووف .
فكتب كيكي :
Quote: تكتيكك اطور يا عمك.. بس انكرب للمغالطة وحقوق البث الدولية..
طبعا ممكن نشوف ياسر طيفور 3 بدون اقواس او ياسر طيفور ثلاثة اوياسر طيفور ستة علي اثنين او تسعة علي ثلاثة
الدرب ده طويل يا وهبة ولو داير تقفلو الا تجضم وتقفل كل الطرق الفي الدنيا المودية الي 3
فكتب بلة موسى :
Quote: ياوهبة
أى واحدة ما كاتبا أستاذE
تعتبر عرفى أو مسيار.. |
ناذر صدقنى إنت مجنون رسمى والله
إتضرع ساى آآآآزول
شول اشوانق دينق
| |
|
|
|
|
|
|
Re: ** طرائف البورد** 2009 ** (Re: أسامة الفضل)
|
Quote: جبرالله فلا اعتقد أنك تسيئ له بقدر ما تسيئ لنفسك بهذا الرسم السخيف. أنا لا أعرف عصام إلا بالقدر الذي أعرفك به ولكن أن تنحدر إلي هذا المستوي فهذا يعني أن تقييمك لنفسك ضعيف جدا رجاءا اعرض عن هذا و امسح هذا الكراكتير لو تكرمت |
أرجو أن تكتب كلاما واضحا بدل هذا التهويم !! ما الذي تنكره في الرسم تحديدا ؟ وما هو معيار السيء والحسن عندك ؟ كما أرجو منك أن تتحدث لغة مهذبة
| |
|
|
|
|
|
|
Re: ** طرائف البورد** 2009 ** (Re: Mohamed E. Seliaman)
|
محمد سليمان إذا كنت لا تفرق بين علافة واحد من الشرق بالسيد الحسن وعلاقة عصام وناهد جبرالله فهذا يوضح تماما ما أنت فيه الآن أنت تتساقط يا سيدي و ليس بفعل فاعل فلا يعيبك أن يهاجمك هذا أو ذاك بل العيب أن لا تعرف على من ترد و كيف ترد أنت تتساقط إنتحارا كل حرف تكتبه هنا يا عزيزي يخصم من إنسانيتك الكثير لقد نجحوا في أن يحولوك إلى مسخ و قد قدمت لهم المساعدة طائعا مختارا على فكرة طولة لسان المنبر و رجالته ساهلة جدا لكنها يا سيدي خطيرة جدا لأن من يعرفك لا شخصيا يقييمك من خلال ذلك والله يا سيدي لو تعرف ماذا جلب عليك ذلك لتوقفت و راجعت نفسك أو حتى طبيبك على فكرة أيصا عصام جبرالله يخسر كثيرا بسبب ما يكتبه من سخافات مجانية هنا ولكن ما دعاني لمخاطبتك ذكر أمهات و أخوات و زوجات من نختلف معهم في الإطار العام الدونجوانية لن تنفعك أو تنفع غيرك إلا بالقدر الذي تخصم منه من مجموعة القييم التي تجسدها و تحرص عليها إذا كان لديك ما تحرص عليه حتى الآن. أرجو ألا تأتيني بأي شرح أو إقتباس لأنني أعرف ما قام به عصام أو غيره تجاهك و منكر له ولكنك يا عزيزي تجاوزت الخطوط الحمراء ناذر تحيات محب يا عزيزي الإيحاء الذي يصلني من هذا الرسم غير لائق بناذر إبن الناس و الإنسان و الصحفي دمت
| |
|
|
|
|
|
|
Re: ** طرائف البورد** 2009 ** (Re: أسامة الفضل)
|
Quote: ولكن ما دعاني لمخاطبتك ذكر أمهات و أخوات و زوجات من نختلف معهم في الإطار العام الدونجوانية لن تنفعك أو تنفع غيرك إلا بالقدر الذي تخصم . |
جابت ليها كضب وعوارة كمان
Quote: منه من مجموعة القييم التي تجسدها و تحرص عليها إذا كان لديك ما تحرص عليه حتى الآن |
اعتبرني من غير قيم وليس لدي ما أحرص عليه إن كان ذلك يرحيك
Quote: هذا هو محمد سليمان الحقيقي الذي يحاول التخفي خلف صورة العالم |
شاطر برافو عليك
Quote: واركب خيل ليه ما الحمير أرخص |
فقط عشان نميز الراكب من المركوب وقع ليك
| |
|
|
|
|
|
|
Re: ** طرائف البورد** 2009 ** (Re: ناذر محمد الخليفة)
|
والله يا أسامة الفضل ما عرفت قصدك شنو ..
Quote: ناذر تحيات محب يا عزيزي الإيحاء الذي يصلني من هذا الرسم غير لائق بناذر إبن الناس و الإنسان و الصحفي |
لو قاصد الرسم الفي صورة بروفايل الحبشي فدا ما عندي بيهو علاقة البتة ..! أما الفي بروفايلي فوضعتو لمجرد إنو الرسم عجبني جدا ومعبر وهو لأحد الامثال الشعبية في دارفور ..
دي كل الشغلانية ..!!!
تيك إت إيزي مان !!
| |
|
|
|
|
|
|
|