|
Re: مفاجأة العام الجديد : محادثة تلفونية بيني وبين تراجي مصطفى ..! (Re: Kamal Karrar)
|
شكرا اخي كامل كرار وكل عام وانت بخير
Quote: ده شيء جميل ويسعد الإنسان...
يا أخي ما في أجمل من إنو الإنسان يكون على علاقة طيبة مع الجميع..
تعرف يا أخ ناذر الواحد حرم يتكلم في المواضيع الساخنة عشان ما يسمع
كلام ما جميل أو يقول لأنسان كلام غير مريح.. وبرضو ما خلونا من النعوت
بس دي أجمل حاجة مفاجأة وأتمنى أن يدوم الود
|
وربنا يهديء النفوس.
| |
|
|
|
|
|
|
Re: مفاجأة العام الجديد : محادثة تلفونية بيني وبين تراجي مصطفى ..! (Re: ناذر محمد الخليفة)
|
Quote: إستلمت الموبايل وأنا أتوجس خوفاً وهلعاً مما سأسمعه ، ولكن إخترق أذني صوت مرح وطريف كان أول ما قاله : يا ناذر إنت يا خي مش عرست وعندك اولاد!! ياخي ما تخلي بالك منهم وسيبك من البورد المانافع دا ..! ثم أعقبت ذلك بضحكة مرحة طويلة لم أجد بد من مشاركتها أياها ثم تبادلنا حديثا مرحاً ودودا ركزنا فيه أكثر ما ركزنا على البعد الإجتماعي ، ثم اخذ الرجل الشهم ود الزبير الموبايل ثم أعطاه لزوجتي التي كانت حاضرة هذا اللقاء ، وتحدثت معها تراجي حديثا طويلاً نصحتها فيه بان تهتم بي ولا تدعني أشارك كثيراً في تجمعات البورداب خاصة تجمعات قندهار التي تصيب الشخص بالكليسترول من كثرة ما يتناوله من لحوم ..
ثم بعد ذلك قلت لتراجي أننا في إنتظار مولود ، فان كانت بنتاً فإنني قررت ان أسميها تراجي ، إلا انها قاطعتني قائلة بضحكة طويلة : الفائدة شنو لمن تسميها تراجي وتدلعها (ام رشيرش)
|
يا سلااااااااااااااااااام يا ابو النيز ياخ كده نفرين بريدم بقوا اصحاب عديل كده حفظ الله لنا نعمة الموبايل وسلام ليك وللمدام وام حازم و(سيد الكافتريا) زاتا واسياد الشي زاته واي شي
| |
|
|
|
|
|
|
Re: مفاجأة العام الجديد : محادثة تلفونية بيني وبين تراجي مصطفى ..! (Re: يسرى معتصم)
|
يا يسري بقال ده وحاتك لو رجعته الخرطوم ما انزل الا في بيته ايه رايك؟؟؟ واديه لك عضة في نص راسه وما يقدر يقول حاجة.
Quote: الشاف تراجى وبقال وتراجى فى قندهار قريب ماكضب ناذر إن شاء الله تيمان / ياسر ويسرى |
بقال لو انا جنبه ما بيعمل عمايله دي الا اتفرعن من بعد الخيرين عنه لك علي يرجع للصراط المستقيم زي السلام عليكم وحتشوف.
وقتها قندهار ما بعيده.
| |
|
|
|
|
|
|
Re: مفاجأة العام الجديد : محادثة تلفونية بيني وبين تراجي مصطفى ..! (Re: ناذر محمد الخليفة)
|
سلام يا ناذر وتحياتي لم اقابل العزيزة تراجي الا عبر الهاتف ايقنت من عدة اتصالات ان تراجي انسانة وريفة وودودة تراجي تحملت في هذا البورد ما لايحتمله سيزيف لكنها تصمد وتصفح وهذه شيمة لايقدر عليها الا الاقوياء لتراجي قضية مزدوجة شرق وغرب لهذا اشعر بانها مغبونة ويمكن ان يكون هذا سبب كاف لانفعالها الزائد الجارف ولي يقين اذا تراجي روقت اللعب والانفعال فالوطن موعود بمناضلة مكتملة الاركان عقل وثبات سعيد انا بهذا الاتصال واتمنى من قلبي ان يتصالح ياسر طيفور وامونة ولكم كل الود
| |
|
|
|
|
|
|
Re: مفاجأة العام الجديد : محادثة تلفونية بيني وبين تراجي مصطفى ..! (Re: خالد العبيد)
|
خالد العبيد انت ذاتك ارباب ماك هين ومعدنك جيد واعرف ذلك شكرا على كلماتك
Quote: سلام يا ناذر وتحياتي لم اقابل العزيزة تراجي الا عبر الهاتف ايقنت من عدة اتصالات ان تراجي انسانة وريفة وودودة تراجي تحملت في هذا البورد ما لايحتمله سيزيف لكنها تصمد وتصفح وهذه شيمة لايقدر عليها الا الاقوياء لتراجي قضية مزدوجة شرق وغرب لهذا اشعر بانها مغبونة ويمكن ان يكون هذا سبب كاف لانفعالها الزائد الجارف ولي يقين اذا تراجي روقت اللعب والانفعال فالوطن موعود بمناضلة مكتملة الاركان عقل وثبات سعيد انا بهذا الاتصال واتمنى من قلبي ان يتصالح ياسر طيفور وامونة ولكم كل الود |
شكرا لك اخي وربنا يهون القواسي.
كن بخير.
| |
|
|
|
|
|
|
Re: مفاجأة العام الجديد : محادثة تلفونية بيني وبين تراجي مصطفى ..! (Re: ناذر محمد الخليفة)
|
دي غايتو يا ناذر بالغته فيها وقلبت الهوبه وضحكتني ضحك فاق ضحكك على اغنية خدر
Quote: ود محجوب وعمر صديق ..!!
Quote: أدين واسننكر بشدة مواقف بعض الجلابة المتخاذلين |
إنتو شفتو لسع حاجة ؟!!
كان ما شفتوني عما قريب في دبابة مع خليل حايم بيها في قندهار تعالوا أسألوني ..!
|
ان شاء الله يا ناذر انت في الدبابه ودكتور مجدي يكون نزل يشتري الموز للتموين!
دي عليك الله ما قلبنا فيها الهوبه التقول البيع الاقترحته لناس واشنطون يوم تنصيب اوباما مش كده؟؟
| |
|
|
|
|
|
|
Re: مفاجأة العام الجديد : محادثة تلفونية بيني وبين تراجي مصطفى ..! (Re: ناذر محمد الخليفة)
|
شكرا ود العم خالد العبيد ..
Quote: سلام يا ناذر وتحياتي لم اقابل العزيزة تراجي الا عبر الهاتف ايقنت من عدة اتصالات ان تراجي انسانة وريفة وودودة تراجي تحملت في هذا البورد ما لايحتمله سيزيف لكنها تصمد وتصفح وهذه شيمة لايقدر عليها الا الاقوياء لتراجي قضية مزدوجة شرق وغرب لهذا اشعر بانها مغبونة ويمكن ان يكون هذا سبب كاف لانفعالها الزائد الجارف ولي يقين اذا تراجي روقت اللعب والانفعال فالوطن موعود بمناضلة مكتملة الاركان عقل وثبات سعيد انا بهذا الاتصال واتمنى من قلبي ان يتصالح ياسر طيفور وامونة ولكم كل الود |
ياسر وامونة في الطريق إنشاء الله ...
| |
|
|
|
|
|
|
Re: مفاجأة العام الجديد : محادثة تلفونية بيني وبين تراجي مصطفى ..! (Re: Yassir Tayfour)
|
الحق يا المك عيالك اتلحسوا
Quote:
Quote: ياسر وامونة في الطريق إنشاء الله ...
الطريق إلى "القفِس" الزهبي __ منعاً لإضعاف الجبهة الداخليّة، أدعوا لعقد إجتماع طارئ للمكتب السياسي لمحاسبة عضوي خليّة قدّو، أم علي، المحميّة، وسقادي( ناذر الخليفة وخالد العبيد) لتقصيرهم في أداء الواجب الوطني، ولا نامت أعين ناس الحامش |
بنات الحامش طلعوا خطرات وروضا عتاة الجلابه اعمل ساتر ياسر طيفور قواتنا تحاصركم من كل ناحيه سلم تسلم!!عاش الحامش وعشات نسائه الخطرات!
اثميم بس بالله منهن وقوف ا لك منبر الجلابه على فت رجل!
| |
|
|
|
|
|
|
Re: مفاجأة العام الجديد : محادثة تلفونية بيني وبين تراجي مصطفى ..! (Re: ناذر محمد الخليفة)
|
الاخ ناذر الخليفه..
كل عام وانت بخير والاسره الكريمه وعقبال احتفالك بالمولد ان شاءالله..
كنت فاكر الموضوع زي بتاع تراجي في الخرطوم وكده .. لكن يظهر انو الموضوع فعلا تمت محادثه تلفونيه بينكما..
ام حازم اخت واموبت بلد اصيله لها طيبه وقلب يسع الجميع لا تخلط الامور ببعضها واختلاف الراي عندها لايفسد للود قضيه..
انسانه متسامحه اردالله غربتها وحفظ ابنائها في الغربه اللعينه..
ورزقك الاخ ناذر بالابن الصالح واذا كانت بنتا وسميتها تراجي ان تختار لها كنيه لطيفه ..
ادام الله الود بيننا جميعا واتمني ان تكون المهاتفه بينكما متواصله ..
تقديري
| |
|
|
|
|
|
|
Re: مفاجأة العام الجديد : محادثة تلفونية بيني وبين تراجي مصطفى ..! (Re: ناذر محمد الخليفة)
|
ناذر سلامات وكثر خيرك انت و المدام الاسمها سمح على تشريفي بالاتصال من خلال الخطوة الطيبه من بوردابينا بنيو سودان ود الزبير.
ويا ناذر ما بقول اندهشت بك لاني بعرف انه السودانين عموما طيبين وبتسغرب لما القى زول متوقعني (غولة)!!
لاني وحياة وليداتي عارفه مافي اي ( غولة) بيننا لكن يوجد جهل كثير ورواسب تسبب كل هذه المشاكل من تمييز سلبي تجاهنا كنساء اولا وككتاب متصدين لقضايا الهامش ثانيا.
ثانيا: حدتنا يا ناذر هنا ايه من ارتفاع نسبة الوعي وبالتالي الحلم لابناء شعبنا بكل الخير. يعني دوس البعض على كرامة البعض لا نقبله ان يتم امام اعيننا.ظلم البعض للبعض ان كان ديني او عرقي او نوعي او من ناحية القدرات.
الاتصال كان طيب وحرشت عليك المدام وما ليها براها لو لقيت فرصه لكل زوجات البورداب انه مفروض يرافقوكم في كل طلعاتكم وشمات الهواء بتاعتكم ليه (دافسين النسوان في البيوت وهاجين بتشموا هواء براكم)؟؟؟
وسالتك طبعا انه يا اخي المدام دي ما بتززمر من قاعدك الكثير في المنبر ووضحت لي انها متابعه برضو؟؟فضحكت وقلت لك ييبقى نطالب لها بباس ورد. ولما عرفت انكم منتظرين مولود قلت لك اليجيب بكري حق اللبن باس ورد برضو للمولود/ه
اشكرك على عبارة العفو و العافيه لانها حنينه وفعلا العفو و العافيه لله و الرسول.
اها بطل مكاواة يا ناذر وبطل حقارة وما بتجيك العوجه مننا.
وكلنا كبرنا يا ناذر وعيب شكلتنا دي قدام برالمتنا ولا ما كده؟؟!!
اها الجلابه ود محجوب وخدر وعمر صديق وكل الما عاجبهم ديل اديهم قروشهم ينزلوا.
ويا ود محجوب وخدر وغيرهم العاملين كانوا مؤدبين وراضين من مكاواة ناذر لي وحركاته نحن كاشفينكم,وعارفين كثير ما بنقطع انا وبعضهم لما نشوف المطالبات بعودة فلان او علان من طويلي اللسان بنكون عارفين انهم باسطينكم,ولكنكم مشيلنهم وش القباحه وعاملين مؤدبين؟؟
الحمد لله ان الله ينير بصيرة بعضهم كما انار بصيرة ناذ اليوم
فشوفوا لكم وجوه جديدة لتنفذ لكم اداوركم المريبه.
شكرا يا ناذر و التحيه للرجل الفاضل ود الزبير وبالله عمروا له مطعمه (سيدي بيه) ده فهو رجل فاضل.
وبانتظار المولود ربنا يحلكم بالسلامه ونشوف المدام معانا هنا باذن الله وبكده بس بنضمن انضباطك اكثر.
ربنا يديم الاخوة وصدقني لا احد يحلم بالشر لاحد.
كونوا بخير.
معليش دخلت متاخره للبوست لانه بكره المدارس بعد اجازة الكريسمس وكنت مشغولة بالحلاقة للاولاد وتجهيزهم للمدارس وآخير لقيت فرصه ودخلت البورد.
| |
|
|
|
|
|
|
Re: مفاجأة العام الجديد : محادثة تلفونية بيني وبين تراجي مصطفى ..! (Re: Tragie Mustafa)
|
Quote: سلامات وكثر خيرك انت و المدام الاسمها سمح على تشريفي بالاتصال من خلال الخطوة الطيبه من بوردابينا بنيو سودان ود الزبير.
ويا ناذر ما بقول اندهشت بك لاني بعرف انه السودانين عموما طيبين وبتسغرب لما القى زول متوقعني (غولة)!!
لاني وحياة وليداتي عارفه مافي اي ( غولة) بيننا لكن يوجد جهل كثير ورواسب تسبب كل هذه المشاكل من تمييز سلبي تجاهنا كنساء اولا وككتاب متصدين لقضايا الهامش ثانيا.
ثانيا: حدتنا يا ناذر هنا ايه من ارتفاع نسبة الوعي وبالتالي الحلم لابناء شعبنا بكل الخير. يعني دوس البعض على كرامة البعض لا نقبله ان يتم امام اعيننا.ظلم البعض للبعض ان كان ديني او عرقي او نوعي او من ناحية القدرات.
الاتصال كان طيب وحرشت عليك المدام وما ليها براها لو لقيت فرصه لكل زوجات البورداب انه مفروض يرافقوكم في كل طلعاتكم وشمات الهواء بتاعتكم ليه (دافسين النسوان في البيوت وهاجين بتشموا هواء براكم)؟؟؟
وسالتك طبعا انه يا اخي المدام دي ما بتززمر من قاعدك الكثير في المنبر ووضحت لي انها متابعه برضو؟؟فضحكت وقلت لك ييبقى نطالب لها بباس ورد. ولما عرفت انكم منتظرين مولود قلت لك اليجيب بكري حق اللبن باس ورد برضو للمولود/ه
اشكرك على عبارة العفو و العافيه لانها حنينه وفعلا العفو و العافيه لله و الرسول.
اها بطل مكاواة يا ناذر وبطل حقارة وما بتجيك العوجه مننا.
وكلنا كبرنا يا ناذر وعيب شكلتنا دي قدام برالمتنا ولا ما كده؟؟!!
اها الجلابه ود محجوب وخدر وعمر صديق وكل الما عاجبهم ديل اديهم قروشهم ينزلوا.
ويا ود محجوب وخدر وغيرهم العاملين كانوا مؤدبين وراضين من مكاواة ناذر لي وحركاته نحن كاشفينكم,وعارفين كثير ما بنقطع انا وبعضهم لما نشوف المطالبات بعودة فلان او علان من طويلي اللسان بنكون عارفين انهم باسطينكم,ولكنكم مشيلنهم وش القباحه وعاملين مؤدبين؟؟
الحمد لله ان الله ينير بصيرة بعضهم كما انار بصيرة ناذ اليوم
فشوفوا لكم وجوه جديدة لتنفذ لكم اداوركم المريبه.
شكرا يا ناذر و التحيه للرجل الفاضل ود الزبير وبالله عمروا له مطعمه (سيدي بيه) ده فهو رجل فاضل.
وبانتظار المولود ربنا يحلكم بالسلامه ونشوف المدام معانا هنا باذن الله وبكده بس بنضمن انضباطك اكثر.
ربنا يديم الاخوة وصدقني لا احد يحلم بالشر لاحد.
كونوا بخير.
معليش دخلت متاخره للبوست لانه بكره المدارس بعد اجازة الكريسمس وكنت مشغولة بالحلاقة للاولاد وتجهيزهم للمدارس وآخير لقيت فرصه ودخلت البورد. |
| |
|
|
|
|
|
|
Re: مفاجأة العام الجديد : محادثة تلفونية بيني وبين تراجي مصطفى ..! (Re: Saifeldin Gibreel)
|
سيف جبريل كيفنك؟؟؟ وعساك بخير ويا سيف لك علي نخلص من دارفور ابدأ معاك المطالبه باراضي الخرطوم اصلا يا جماعه ناس سيف ديل هم اهل الخرطوم الاصلين وموجات النازحين من كل السودان همشوا ناس سيف ديل من حواكيرهم اها معا من اجل حواكير جموعية الخرطوم
Quote: الاخت تراجي مصطفى قد نختلف وقد نتفق معها فى الكثير من القضايا ولكن هي صاحبة قضية ومرارة مفقوعة على البلد غير ذلك فهى ذات قلب يسع آمة وشعب بأكمله اتمنى لها من صميم قلبي الصحة وكل شئ جميل فى هذه السنة الجديدة، كما أتمنى لك اخى نازر ان يرزقك الله بالزرية الصالحة. |
والهل يا سيف ثقضيتكم دي لو قمنا عليها اوكامبو ذاته تحيروا,تحياتي.
وشكرا لكلماتك الطيبه. وعقبال عرسك وذريتك ونختار اسامي العيال معاك من خلال هذا البورد.قول آمين.
| |
|
|
|
|
|
|
Re: مفاجأة العام الجديد : محادثة تلفونية بيني وبين تراجي مصطفى ..! (Re: ABUHUSSEIN)
|
Quote: صدقني يا وهبه هي كلها يومين و بتلقى الكترابه قايمة |
ابوحسين حمد لله على السلامة غايتو انا ما داير الكترابة تاني تقوم لكن ناذر دا من الليلة دي مسحت ليك تلفونو عندي معاهو حسابات قديمة ادقو ليك دق في المنبر دا وبعدين اضرب ليهو اعتذر في مثل بتاع جعليين كدا بيقول ليك :
(........ السافل ولا جعلي الصعيد )
___________ انا هسه مارق على الشغل القاك بعدين يا ابوحسين تحياتي للعيال
| |
|
|
|
|
|
|
Re: مفاجأة العام الجديد : محادثة تلفونية بيني وبين تراجي مصطفى ..! (Re: عبدالوهاب علي الحاج)
|
وهبه لقيتك كعب لكن يا اخي ما تبقى محضر خير زي اخوك العوض المسلمي؟؟؟
Quote: الاخ ابورشيرش تدقك قدام الناس وتعتذر ليك في التلفون لقيتك فارة لكن قال صوت عذب قال دا كمين ياعمك وبعدين يا ابو رشيرش تلفونك ما قاعد في البروفايل لو كانت عايزة تتصل بيك ما كان اتصلت اول مرة في حياتي اشوف لي زول بخش في مكالمة اوتوستوب
________________________ ناذر ودالخليفة انهزم يارجالة ( وش ما قادر يعمل شنو ذاتو ) |
يازول الدقوهوا منو؟؟؟ كدي اسال ناذر ده من مغارزوا مافي زول بعرفها زيه وشوف الدقى الثاني منو؟؟
وبعدين انت تتصل بي وتضحوك وعايز تحرم ناذر من معرفتي؟؟ما عارفها كنز ليه تحرمه؟؟
| |
|
|
|
|
|
|
Re: مفاجأة العام الجديد : محادثة تلفونية بيني وبين تراجي مصطفى ..! (Re: ناذر محمد الخليفة)
|
اخي ناذر واختي تراجي
لكما كل الود والتقدير ,,,,
بصراحه وبدون ان اخصكما بهذا الحديث بل هو عام اقول ,,,,
اشعر كثيرا بان ما يحدث من وراء كثير من الكيبوردات نوع من الاستهبال والضحك علي القراء ليس غير ,,,
وسبب شعوري هذا بان وجدت ما يكتب شئ وما تتخلله تلك الجلسات مما حضرت شئ اخر ,,,
ولو اردتم مثالا لوجدتم الكثير ويكفينا بقال وناذر ,,, وكثير مثلهم ,,,
وفي اول لقاء او مشاهده تسمع الضحك باعلي صوت وكاننا كنا نلعب بمشاعر الاخرين ,,,,
وفي راي البعض قد يكون له شخصيتان اسفيريه وواقعيه ولهذا يحدث هذا الالتباس ,,, والبعض يريد المنبر اظهارا لبطولات او شخصيته
خدمة لاغراض قد تكون سياسيه او اجتماعيه او غيره ,,,
والان نشاهد نهاية حلقه من صراع استعملت فيه كل انواع الالفاظ والعنصريات وما لا يرضي الله في شئ ,,,,
صراع ينتهي بمكالمه !!! ستقول لي هكذا السودان وطيبته وووووووووو,,,,
اقول هكذا نحن نسئ لبعضنا بلا سبب وناتي في النهاية لنقول انه شخص مسالم وودود ,,,
ولو حكمنا عقولنا من البداية لما وصلت بنا العلاقات لهذه المرحله ,,,
وحديثي هذا ينسحب علي السياسين والاحزاب بلا استثناء ,,,,
مرحبا بعودة العقول للجميع ,,,,
| |
|
|
|
|
|
|
Re: مفاجأة العام الجديد : محادثة تلفونية بيني وبين تراجي مصطفى ..! (Re: العوض المسلمي)
|
جمد عبد الغفار عمر سلامات
وحياتك ده قون احرزه ربنا وليس انافي مرمى الاخوات خوجليQuote: في الدقيقة قبل الاخيرة
احرزت تراجي هدف التعادل في مرمي بنات خوجلي |
عارف ليه؟؟؟؟
لاني لم اسعى ولم يخطر ببالي ولا اعرف صلة وصل مع ناذر
من وين جاء ود الزبير وكيف فكر فيها دي تسال منها ربنا؟؟؟
اما بنات خوجلي البعرف حركاتهن جيدا ولهن وصيفات ومساعدات ياي وشلل انس وحركات فكل شيئ مطبوخ بحياتهن وطبعا اخياتك اسياد الشيئ زاتا في عالم الطبيخ! سمعوا تراجي شاكلت بقال طوالي فكروا في الصيد في الماء العكر؟؟!!
والا لماذا لم يفكر احدهم مصالحتهم بمحمد ناصر الفاتحتين فيه قضايا؟؟؟
وماذا قال فيهن محمد ناصر اكثر مما قاله بقال!!
يازول ديل عاملات حكومة و الناس اهالي الا كل جبار وليه يوم وديل جبرهم لا يقل عن البشير لو لقوا فرقه فينا.
لكن الله في وبيسجل اقوان على كيفه لاحبائه.
| |
|
|
|
|
|
|
Re: مفاجأة العام الجديد : محادثة تلفونية بيني وبين تراجي مصطفى ..! (Re: Tragie Mustafa)
|
العوض اخوي كلامك صاح
انا شخصيا يعلم الله لم اخاصم احد وامثل معه امام الناس لكن حصلت لي تجاهي ومن اكثر من جلابي/غرابي تلقى لسانه هنا طويل ولما يقابلني يعمل صحبي؟؟؟فاستحي حقيقة واجاملهم! ولكني صادقه في خصامي وبزعل فعلا رغم قلبي الابيض لانه فعلا في كلام هنا بتقال بفقع المرارة. قول يا معين؟؟؟
Quote: اخي ناذر واختي تراجي
لكما كل الود والتقدير ,,,,
بصراحه وبدون ان اخصكما بهذا الحديث بل هو عام اقول ,,,,
اشعر كثيرا بان ما يحدث من وراء كثير من الكيبوردات نوع من الاستهبال والضحك علي القراء ليس غير ,,,
وسبب شعوري هذا بان وجدت ما يكتب شئ وما تتخلله تلك الجلسات مما حضرت شئ اخر ,,,
ولو اردتم مثالا لوجدتم الكثير ويكفينا بقال وناذر ,,, وكثير مثلهم ,,,
وفي اول لقاء او مشاهده تسمع الضحك باعلي صوت وكاننا كنا نلعب بمشاعر الاخرين ,,,,
وفي راي البعض قد يكون له شخصيتان اسفيريه وواقعيه ولهذا يحدث هذا الالتباس ,,, والبعض يريد المنبر اظهارا لبطولات او شخصيته
خدمة لاغراض قد تكون سياسيه او اجتماعيه او غيره ,,,
والان نشاهد نهاية حلقه من صراع استعملت فيه كل انواع الالفاظ والعنصريات وما لا يرضي الله في شئ ,,,,
صراع ينتهي بمكالمه !!! ستقول لي هكذا السودان وطيبته وووووووووو,,,,
اقول هكذا نحن نسئ لبعضنا بلا سبب وناتي في النهاية لنقول انه شخص مسالم وودود ,,,
ولو حكمنا عقولنا من البداية لما وصلت بنا العلاقات لهذه المرحله ,,,
وحديثي هذا ينسحب علي السياسين والاحزاب بلا استثناء ,,,,
مرحبا بعودة العقول للجميع ,,,, |
يعني يا العوض عايز تقنعني انه انا وبنات خوجلي لو اتقابلنا خناخذ بعض بالاحضان؟؟؟!! يا راجل!!
| |
|
|
|
|
|
|
Re: مفاجأة العام الجديد : محادثة تلفونية بيني وبين تراجي مصطفى ..! (Re: Tragie Mustafa)
|
اها يا ناذر كان صحيت انا ماشه انوم بس بالله امشي لخضر حسين للوبست بتاعه وقدم اعتذار لاخونا مصطفى محمود فانه لم يكن يستحق منك ما فعلت.
وكذلك خضر اجبر بخاطره واعتذر للقراء فصدقني يا ناذر ما حدث منك كان جريمه بحقي وحق مصطفى محمود وحق اي واحد عملتها له.
وخلونا نبدا عام جديد من عمر المنبر وكما قال المسلمي للا القراء بيستحقوا ما يحدث ولا الاعضاء وخلونا نكون مسؤلين فعلا وقدر ما ينتظره مننا الوطن.
الوطن يا ناذر انت عارف وانا عارفه سيمر بمرحلة خطرة تستحق تضامننا كلنا حتى لا نرى اثنين اسود آخر ولا بنفسجي فالننذر اقلامنا للخير وكيف نجمع الصف الوطني بدلا عن فرزعته بالجهويه و القبليه وغيرها.
يلا تصبحوا على خير وياريت يا ناذر ان تقدم على الخطوة الطلبتها منك. وبكدده بتثبت لي انك فعلا ناوي بنيه صافيه نبدأ اخوة منبريه.
| |
|
|
|
|
|
|
Re: مفاجأة العام الجديد : محادثة تلفونية بيني وبين تراجي مصطفى ..! (Re: Tragie Mustafa)
|
شوفي كلامك ده يا تراجي
Quote: يعني يا العوض عايز تقنعني انه انا وبنات خوجلي لو اتقابلنا خناخذ بعض بالاحضان؟؟؟!! يا راجل!! |
ده لو ما استقبلوك في المطار او نزلتي عندهن في البيت ,,,,
شوفي كلامي ده وقولي العوض قال ,,,,
ما بين الجميع هنا حسب راي الضعيف نقاش مهما عظم لارقي لمستوي الحرب او القطيعه ,,,,
تحياتي لاخواتي بنات خوجلي مني وماجده منال ولكي اختي تراجي ,,,
| |
|
|
|
|
|
|
Re: مفاجأة العام الجديد : محادثة تلفونية بيني وبين تراجي مصطفى ..! (Re: Tragie Mustafa)
|
تراجي سلامات
اولا يا كمنضالة انت ما تجمديني كدا الدنيا براها برد من الصباح ( حمد العسل الجمد) مع وش مبتسم
تانيا: نحن مرات بنجي المنبر بمزاج رايق من الصباح بنحاول نضفي جو من المرح خصوصا في بوستات الالفة و المحبة بس انت شلت جلابي عتيد
ثالثا ليس في نيتي علي الاطلاق اثارة كوامن فتنة بينك و بين بنات خوجلي مجرد مزحة صباحية فقط
رابعا لك و لبنات خوجلي و الجميع كل الاعزاز
يا ناذر صباحاتك فل
| |
|
|
|
|
|
|
Re: مفاجأة العام الجديد : محادثة تلفونية بيني وبين تراجي مصطفى ..! (Re: Tragie Mustafa)
|
.. .
Quote: وخلونا نبدا عام جديد من عمر المنبر وكما قال المسلمي للا القراء بيستحقوا ما يحدث ولا الاعضاء وخلونا نكون مسؤلين فعلا وقدر ما ينتظره مننا الوطن.
الوطن يا ناذر انت عارف وانا عارفه سيمر بمرحلة خطرة تستحق تضامننا كلنا حتى لا نرى اثنين اسود آخر ولا بنفسجي فالننذر اقلامنا للخير وكيف نجمع الصف الوطني بدلا عن فرزعته بالجهويه و القبليه وغيرها.
يلا تصبحوا على خير وياريت يا ناذر ان تقدم على الخطوة الطلبتها منك. وبكدده بتثبت لي انك فعلا ناوي بنيه صافيه نبدأ اخوة منبريه. |
يا ريت يكون الكلام دا من القلب.. والإساءات الجارحة البتطلع ذى الدراب تقيف يا ريت الناس تعرف قيمة الوطن .. منتظرين الخطوة الطلبتك منك دى !!
______________
عمر الود لا يأتى مشروطاً
| |
|
|
|
|
|
|
Re: مفاجأة العام الجديد : محادثة تلفونية بيني وبين تراجي مصطفى ..! (Re: ناذر محمد الخليفة)
|
ناذر،
Quote: المهم ... كانت هذه أول مرة إتحادث مع تراجي مصطفى بعيدا عن الكيبورد وحقيقة خرجت بإنطباع جيد وأعتقد أنها خرجت بذات الإنطباع عن شخصي الضعيف .. |
دة أكبر دليل، على إنو الحاصل فى البورد دة من وراء القلب، و تبقى النفوس السودانية محملة بكل ما هو طيب،،
الأخت تراجى،
Quote: بقال لو انا جنبه ما بيعمل عمايله دي الا اتفرعن من بعد الخيرين عنه لك علي يرجع للصراط المستقيم زي السلام عليكم وحتشوف |
. إنتى بس تعالى شاركينا، و نشوف منو ح يدل التانى على الصراط المستقيم،،
هنيئا لكما تطايب النفوس،،،،،،،،،،
| |
|
|
|
|
|
|
Re: مفاجأة العام الجديد : محادثة تلفونية بيني وبين تراجي مصطفى ..! (Re: ناذر محمد الخليفة)
|
Quote: اها يا ناذر كان صحيت انا ماشه انوم بس بالله امشي لخضر حسين للوبست بتاعه وقدم اعتذار لاخونا مصطفى محمود فانه لم يكن يستحق منك ما فعلت.
وكذلك خضر اجبر بخاطره واعتذر للقراء فصدقني يا ناذر ما حدث منك كان جريمه بحقي وحق مصطفى محمود وحق اي واحد عملتها له.
وخلونا نبدا عام جديد من عمر المنبر وكما قال المسلمي للا القراء بيستحقوا ما يحدث ولا الاعضاء وخلونا نكون مسؤلين فعلا وقدر ما ينتظره مننا الوطن.
الوطن يا ناذر انت عارف وانا عارفه سيمر بمرحلة خطرة تستحق تضامننا كلنا حتى لا نرى اثنين اسود آخر ولا بنفسجي فالننذر اقلامنا للخير وكيف نجمع الصف الوطني بدلا عن فرزعته بالجهويه و القبليه وغيرها.
يلا تصبحوا على خير وياريت يا ناذر ان تقدم على الخطوة الطلبتها منك. وبكدده بتثبت لي انك فعلا ناوي بنيه صافيه نبدأ اخوة منبريه. |
يا جماعة
دي تراجي مصطفى الكتبت الكلام ده
ولا ده هكر
| |
|
|
|
|
|
|
Re: مفاجأة العام الجديد : محادثة تلفونية بيني وبين تراجي مصطفى ..! (Re: ناذر محمد الخليفة)
|
Quote: إستلمت الموبايل وأنا أتوجس خوفاً وهلعاً مما سأسمعه ، ولكن إخترق أذني صوت مرح وطريف كان أول ما قاله : يا ناذر إنت يا خي مش عرست وعندك اولاد!! ياخي ما تخلي بالك منهم وسيبك من البورد المانافع دا ..! ثم أعقبت ذلك بضحكة مرحة طويلة لم أجد بد من مشاركتها أياها ثم تبادلنا حديثا مرحاً ودودا ركزنا فيه أكثر ما ركزنا على البعد الإجتماعي ، ثم اخذ الرجل الشهم ود الزبير الموبايل ثم أعطاه لزوجتي التي كانت حاضرة هذا اللقاء ، وتحدثت معها تراجي حديثا طويلاً نصحتها فيه بان تهتم بي ولا تدعني أشارك كثيراً في تجمعات البورداب خاصة تجمعات قندهار التي تصيب الشخص بالكليسترول من كثرة ما يتناوله من لحوم .. |
أم حازم وناذر تحية لكما كم أنا سعيد بهذا الذي جري وشكرا خاصا لك اخي ودالزبير هذا هو السودان ... ولذلك كنا نقول دائما ان ما يجمع الناس في البورد أكثر بكثير مما يفرق بينهم.
ام حازم ... تحياتي لك وللاسرة
ناذر ... الف مبروك مقدما .. ياأبوتراجي !!
| |
|
|
|
|
|
|
Re: مفاجأة العام الجديد : محادثة تلفونية بيني وبين تراجي مصطفى ..! (Re: الكباشى البكرى)
|
Quote: ويا ود محجوب وخدر وغيرهم العاملين كانوا مؤدبين وراضين من مكاواة ناذر لي وحركاته نحن كاشفينكم,وعارفين كثير ما بنقطع انا وبعضهم لما نشوف المطالبات بعودة فلان او علان من طويلي اللسان بنكون عارفين انهم باسطينكم,ولكنكم مشيلنهم وش القباحه وعاملين مؤدبين؟؟
|
ما تفرحى بناذر دا اصلو أرباب نص كم ((من ارباب لندن))
وجلابى قليل الدسم .
اؤيد دعوة الفارس ياسر طيفور . وحسم هذه التفلتات بصورة حاسمة وفورية حتى لا تتكرر هذه المهازل.
وانا أشم رائحة مؤامرة خطيرة تقوم بها قوى الهامش العميلة ويؤيد نظريتى ما قامت به بعض الجلابيات أخيرا.
ولا نامت أعين الجبناء.
| |
|
|
|
|
|
|
Re: مفاجأة العام الجديد : محادثة تلفونية بيني وبين تراجي مصطفى ..! (Re: ود محجوب)
|
الكرام ، ام حازم ، شيخ العرب ناذر ، و الله انا اسعد الناس بهذا الخبر المفرح ، و لقد سعيت مرات كثيرة ولعلى حظى العاثر حال دون نجاحى ، المهم الان المراد تم ، فعلا يتبقى لنا ياسر و الاخت امونه ، و بنات الخليفة خوجلى و ام حازم ، و الله الدنيا ما بتستاهل يبيت منك فيها زول زعلان عليك. التواصل الاجتماعى بين الناس فعلا يزيل الاحتقانات ..... المهم شكرا للاخ ود الزبير قام بالواجب وزيادة .
| |
|
|
|
|
|
|
Re: مفاجأة العام الجديد : محادثة تلفونية بيني وبين تراجي مصطفى ..! (Re: ناذر محمد الخليفة)
|
تعرف يا ناذر يا صديقي... دي أحلى هدية للبورد في العام 2009م...
الأُخت الكريمة أُم حازم "الله يحفظها" عندي معاها صولات وجولات... خصوصاً لمن تقرِّب من ناس سيدي ولة الشايقية... قيامتنا تقوم... وبعد شوية تلقانا سمن علي لبن... لكن بيني وبينك... هي إنسانة جميلة بشكل... ربنا يديها الصحة والعافية ويحفظها وأولادها ياااااااااارب..
لك ولها وللمرور الكريم وأيضاً الطاعنين في هذا التصالح الخليفة ود محجوب وياسر طيفور قواسيب مودتي...
أبو الحُسين...
| |
|
|
|
|
|
|
Re: مفاجأة العام الجديد : محادثة تلفونية بيني وبين تراجي مصطفى ..! (Re: ناذر محمد الخليفة)
|
Quote: يعني يا العوض عايز تقنعني انه انا وبنات خوجلي لو اتقابلنا خناخذ بعض بالاحضان؟؟؟!! يا راجل!! |
أستطيع أن أقسم على ذلك .. ياتراجي بنات الخليفة ذي النسمة ، ماتشوفي كلامهم الجاف الهنا ده .. أها انت براك شفتي ناذر كلامه هنا كيف وفي الموبايل شيء آخر ... بنات الخيلفة يتختن على الجرح يبرأ والله عسل عديل كده ... وانت قلبك أبيض وضميرك نقي وهي صفات مشتركة بينكم فما وجه الاستغراب هنا !!! صدقيني إنشاء المولي عز وجل ستجدي إن ذلك من أول الممكنات وليس المستحيلات .. صفاتكم المشتركة ستكون عامل أساسي في هذا الصلح وبيننا الايام .. وما بقصة ناذر ببعيد ....
لك ولهم وله الســـــــــــــــــــــــــــلام .....
| |
|
|
|
|
|
|
Re: مفاجأة العام الجديد : محادثة تلفونية بيني وبين تراجي مصطفى ..! (Re: ناذر محمد الخليفة)
|
شكرا ليك يا أسامة ..
Quote: الاخ ناذر الخليفه..
كل عام وانت بخير والاسره الكريمه وعقبال احتفالك بالمولد ان شاءالله..
كنت فاكر الموضوع زي بتاع تراجي في الخرطوم وكده .. لكن يظهر انو الموضوع فعلا تمت محادثه تلفونيه بينكما..
ام حازم اخت واموبت بلد اصيله لها طيبه وقلب يسع الجميع لا تخلط الامور ببعضها واختلاف الراي عندها لايفسد للود قضيه..
انسانه متسامحه اردالله غربتها وحفظ ابنائها في الغربه اللعينه..
ورزقك الاخ ناذر بالابن الصالح واذا كانت بنتا وسميتها تراجي ان تختار لها كنيه لطيفه ..
ادام الله الود بيننا جميعا واتمني ان تكون المهاتفه بينكما متواصله ..
|
بس دي فيها إشكالية :
Quote: ادام الله الود بيننا جميعا واتمني ان تكون المهاتفه بينكما متواصله .. |
أنا عرضت على أم حازم إني بس الحا اتصل بيها وهي ما تتصل ، عشلن نقوم لا سمح الله نختلف لي قدام تقوم تشيل حالي قدام البورداب وتقول دايرا قروش الفاتورة
| |
|
|
|
|
|
|
|