|
|
|
 Re: عندما يسجل أحدهم /هن مكالمتك التلفونية .... (Re: ناذر محمد الخليفة)
|
أقسم لي أحدهم ممن لا يمكن التشكيك في حديثه أنه سمع بإذنيه تسجيلاً لي أتحدث فيه مع أحد الأعضاء/ات المعروفين على مستوى المنابر السودانية .. تم ذلك التسجيل بواسطة الهاتف المحمول لمن تحدثت معه/معها وقد أصابتني الدهشة الشديدة !!
ظننته/ها يمزح ولكنه للدلالة على صدق حديثه أخبرني/تني بفحوى تلك المكالمة وتفاصيل دقيقة لم يكن ليعلمها لو لم يستمع/ تستمع للمكالمة فعلاً رغم أن ما دار بيني وبين من تحدثت معه بالهاتف أشياء تندرج تحت بند (الشخصية جدا) ولم يكن لمن تحدثت معه الحق في تسجيل المكالمة وعرضها على الملأ !!
وقد صعقت أكثر حين علمت بعدها انا عددا من أعضاء المنابر السودانية أدمنو هذه العادة (عادة تسجيل المكالمات) لإستخدامها في الوقت المناسب لأغراض مختلفة لعل أقواها بعد التشهير هعو الإبتزاز !!
صنفرة :
نحتاج لمناقشة هذه الظاهرة وحبذا لو كان معنا طبيبا نفسيا! !!!!
| |
 
|
|
|
|
|
|
|
 Re: عندما يسجل أحدهم /هن مكالمتك التلفونية .... (Re: ناذر محمد الخليفة)
|
لا يغعل هذا الا الذين في قلوبهم مرض
و معتوهي الفكر و ذوي العاهات المزمنة
هنا في امريكا يعتبر مخالفة واضحة للقوانين
التي تعتني بالحريات ولا يمكنك تسجيل اي مكالمة الا بعد اخذ الاذن
من الشخص الذي تريد التسجيل له و أخذ موافقته ....
يجب فضح مثل هذه الافعال الشائنة و التي لا يفعلها الا من خرج من بيئة متعفنة
و تربى في ما يشبه الماخور
| |
|
|
|
|
|
|
|
|
|
Re: عندما يسجل أحدهم /هن مكالمتك التلفونية .... (Re: ناذر محمد الخليفة)
|
160 زائر للبوست في زمن قياسي جداً !!
كنت متأكد الموضوع هام شديد وكتيرين حا يصلم طرف السوط ووحدين الصوت وصل العضم عدييل !!
البوست دا أنا نويت أولعو نار فأي زول متورط أو لدغ من الفعلة دي يقول العندو !
دا غير النماذج الموجودة عندي والحايمة في السايبر وحا أنزلا طبعاً ..
يا غرقت يا جيت حازما !!
صنفرة :
بجي بعدين برد على المتداخلين الفوق فردا فردا !!
| |
|
|
|
|
|
|
|
|
|
Re: عندما يسجل أحدهم /هن مكالمتك التلفونية .... (Re: mulhim)
|
يا صديقى العزيز الامر عادى جدا
قد يكون مسجل المكالمة معجب بصوتك
هو انت اصلا صوتك طاعم وبتتكلم اغانى
مش هو انت فنان؟؟؟؟؟؟معنى كده الامر طبيعى
انا القدامك ده مسجل صوتك وقاعد اسمعو كل ما فاض بى الحنين
وعندى تسجيل كمان للموصلى ولسيف الجامعه مع اننى ما بسمع ليه
بس ديل عبر الكاست وانت عبر التلفون 
بعدين ياخى انت حتى ما قاعد تفلت اثناء المحادثة التلفونيه الجوطه فوق
شنو طيب
| |
|
|
|
|
|
|
|
|
|
Re: عندما يسجل أحدهم /هن مكالمتك التلفونية .... (Re: رأفت ميلاد)
|
دقست لمن دقست ذاتو
أها الليلة النشوف الحزيم كيفن
عافي منك يا السجلت لي ناذر دا
عشان كتابتك في البورد حته حته عامل فيها (ملاسي)
أنا غايتو كان لميت فيك بسجل ليك
مش انت فنان وحق الناس كلهم
أها دي ما زي التوقيع الزمان بسوهو المشاهير
بس هسة مع التطور التكنولوجي بقت تسجيل صوت
| |
|
|
|
|
|
|
|
|
|
Re: مش تحمد الله انهم وروك (Re: AmroKamal)
|
اول شي يا حبيب الجاتك في صوتك سامحتك .....
ياخ زول ذي دا الا يكون شخص مريض
لكن علي مااعتقد اثناء تسجيل المكالمات الهاتفية تصدر
صوت من هاتف الطرف التاني مما يسهل عليك معرفةانه
يقوم بتسجيل المكالمة ...
وعشان ما تدقس تاني انتبه ... ولو في زول معلي صوت المسجل
او التلفزيون وهو بيتكلم معاك اطلب منو يوطي الصوت ...
| |
|
|
|
|
|
|
|
|
|
Re: مش تحمد الله انهم وروك (Re: الشفيع عوض شوشتا)
|
الاخ العزيز نازر انا مررت بشئ من هذا القبيل حيث اكتشفت ان الاخت سارة منصور والتى كنت أكن لها كل تقدير تقوم بتسجيل كل المكالمات التلفونية لتستقلها لشئ فى نفس يعقوب وتقوم بتأويل الكثير من سياق ومعنى الكلام العام لذلك أتمنى من الاخ سارة ومن خلال هذا البراح الاسفيرى ان تكف عن هذه الافعال وان تقوم بوقف هذا العبث والذى ينافى كل الاعراف والقوانين والمثل المتعارف عليها اخلاقيآ.
سيف الدين جبريل
| |
|
|
|
|
|
|
|
|
|
Re: مش تحمد الله انهم وروك (Re: Saifeldin Gibreel)
|
Quote: Author: Saifeldin Gibreel
الاخ العزيز نازر انا مررت بشئ من هذا القبيل حيث اكتشفت ان الاخت سارة منصور والتى كنت أكن لها كل تقدير تقوم بتسجيل كل المكالمات التلفونية لتستقلها لشئ فى نفس يعقوب وتقوم بتأويل الكثير من سياق ومعنى الكلام العام لذلك أتمنى من الاخ سارة ومن خلال هذا البراح الاسفيرى ان تكف عن هذه الافعال وان تقوم بوقف هذا العبث والذى ينافى كل الاعراف والقوانين والمثل المتعارف عليها اخلاقيآ.
سيف الدين جبريل |
الاخ فاضل سيف جبريل ...
اعرف الاخت ساره منصور معرفه وثيقه واتحدث معها اكثر من ثلاث سنوات ... الشهادة لله لم يحصل وان سجلت لي ...
واليك يا ابن عمي تجربتي المريره ... سوداني ومناضل .. وبوردابي معروف ... سجل لي مكالمة من ثلاث اجزاء ... وحاول ان يستخدمها كشهاده في المحكمة ضد اخت سودانية ... تابع معي .. سوداني في الغربة رافع ليهو قضية علي سودانية ... القاضي رفض التسجيل ... لعدم الاذن بالتسجيل ..
تخريمة ... اخي سيف ... لماذا تنزعج من امر التسجيل اذا كان انت واثق انو التسجيل لا يوجد فيهو ما يسيء لك او لغيرك ؟؟؟؟؟
لو مرت الاخت ساره من هنا عندي ليها سؤال ... يا سروره ما بتسجلينا نحن ليه ؟؟؟؟ نحن يار بي ما مشاهير ولا مناضلين ولا مناتلين ...؟؟؟
| |
|
|
|
|
|
|
|
|
|
Re: عندما يسجل أحدهم /هن مكالمتك التلفونية .... (Re: ناذر محمد الخليفة)
|
واسبة ..
Quote: إنت يا منعم من صحك ولا عايز تقول نكتة ?
|
الجاب سيرة منعم هنا شنو يا زول ؟؟!!
Quote: ولقتل الظاهرة في مهدها وبغض النظر عن الدوافع المفروض يكشف
عن من هو وراء هذا التصرف الغريب .
|
الظاهرة ما جديدة يا صلاح عشان يكتلوها في مهدها .. قبل ساعة بس عرفت إنو الظاهرة دي قديمة في المنابر السودانية وحتى أبطالا معروفين !!
وهسي عندنا مشكلة في أبطال جداد ظهرو اليومين ديل !!
| |
|
|
|
|
|
|
|
|
|
Re: عندما يسجل أحدهم /هن مكالمتك التلفونية .... (Re: ناذر محمد الخليفة)
|
أحمد عبد الله ..
Quote: هنا في امريكا يعتبر مخالفة واضحة للقوانين
التي تعتني بالحريات ولا يمكنك تسجيل اي مكالمة الا بعد اخذ الاذن
من الشخص الذي تريد التسجيل له و أخذ موافقته ....
|
يعني قصدك ما في أي زول في أمريكا ممكن يسجل مكالمات بينو وبين زول تاني ؟!
مثلا أنا لو إتصلت بيك وإنت سجلت المكالمة الدارت بيني وبينك .. ممكن أقاضيك ؟!!
وضح لي النقطة دي لو سمحت ..
| |
|
|
|
|
|
|
|
|
|
Re: عندما يسجل أحدهم /هن مكالمتك التلفونية .... (Re: Ahmed Abdallah)
|
Quote: Virginia
Va. Code Ann. § 19.2-62: Despite the fact that it is generally a felony to intercept or disclose the contents of any wire, oral or electronic communication under state law, the recording or disclosing of communications by a party, or with the consent of a party, is specifically permitted.
Under the statute, consent is not required for the taping of a non-electronic communication uttered by a person who does not have a reasonable expectation of privacy in that communication. See definition of "oral communication," Va. Code Ann. § 19.2-61; Belmer v. Commonwealth, 553 S.E.2d 123 (Va. App. 2001).
Criminal penalties for violations of the law include imprisonment of not less than one year, but not more than five years, or imprisonment for not more than 12 months and a fine of up to $2,500. Va. Code ann. § 18.2-10. Civil actions are authorized for recovery of actual damages, $100 for each day of violation or $1,000 — whichever is greater. Punitive damages, attorney fees and litigation costs can be recovered as well. Va. Code Ann. § 19.2-69.
|
| |
|
|
|
|
|
|
|
|
|
Re: عندما يسجل أحدهم /هن مكالمتك التلفونية .... (Re: ناذر محمد الخليفة)
|
وليد المبارك ..
Quote: يا ناذر خوت المنتديات دي خوه ضعيفة في اغلبها .. وغالبا ما بكون ليها غرض او مصلحة .. فما تعول عليها الا بعد تختبر الشخص المعني في الحياة الحقيقية
|
واله ما قلت إلا الحق .. ودا الحصل لي بالضبط ..
وثقت في ناس ما شفتهم في حياتي وما عرفتهم إلا من خلال المنبر دا وطقطقة الكيبورد دا وكنت خاتيهم أصحابي جدا وبيني وبينم إتصالات متواصلة لكن في النهاية لقيت إني كنت موهوم ساي !! والله ما ضراني وما جاب لي إشقدي إلا نوعية ناس زي ديل !!
صنفرة :
طبعا ما كلهم والحمد لله ربنا رماني في ناس تختهم في الجرح يبرا والمشكلة ديل قلة جدا !!
| |
|
|
|
|
|
|
|
|
|
Re: عندما يسجل أحدهم /هن مكالمتك التلفونية .... (Re: ناذر محمد الخليفة)
|
ملهم ..
Quote: تحياتى ... ياخ فى زول يسجل مكالمة صحبه !!
|
وأنا العرفني شنو إني صحبو ياخ !!
هسي انا بعرفك لي كم سنة بي إسم ملهم وما بعرفو دا إسمك ولا إسم الدلع بتاعك ولا إسم حبيبتك .. إحتمال زيك دا يكون مرازيني بالتلفون 24 ساعة على حس المداخلات الظريفة البيني وبينو في المنبر وإنت تكون بتسجل في تلفوناتي وتجرجرني في الكلام الفارغ زي نوع فلانة طلقوها وفلانة عرسوها وفلانة دخلتا الليلة وعلان طهروهو وفرتكان عندو وجع ضهر .. وأنا أسرح معاك سااااااي وإنت تسجل سااااي ومفتكر إنها وسيلة إبتزاز أو تهديد عشان تطلعا في الوكت المناسب !!
| Quote: بجيك يوم الاحد احكى لى القصة كلها ..اوكى |
أحكي ليك ؟!!!
حلاة لكلك !! أنا شفنك وين ولا قابلتك وين عشان أحكي ليك !!
والضمان شنو ما تكون داسي ليك جهاز تسجيل صغير في جيبك وبتسجل كلامي برضو !!
صنفرة :
أختاني يا زول !! تعال عرس عرسك وإتخارج .. أنا جاي أغني ليك فاصل وإتعشى عشاي .. خشمي دا ما بفتحو إلا لمن أجي أقول ليك مع السلامة !!
| |
|
|
|
|
|
|
|
|
|
Re: عندما يسجل أحدهم /هن مكالمتك التلفونية .... (Re: ناذر محمد الخليفة)
|
وليد 500
Quote: يا صديقى العزيز الامر عادى جدا
قد يكون مسجل المكالمة معجب بصوتك
هو انت اصلا صوتك طاعم وبتتكلم اغانى
مش هو انت فنان؟؟؟؟؟ |
في التلفون صوتي بيكون فارق زمن وسلم !!
لو معجب بي صوتي يقول لي رسل شريط او يتفق معاي على عداد ، مش يسجل مكالمات بيني وبينو تعتبر خاصة جدا ويمشي يقشر بيها قدام الناس التانين !!
عشان يصل لي شنو يعني !!!
| |
|
|
|
|
|
|
|
|
|
Re: عندما يسجل أحدهم /هن مكالمتك التلفونية .... (Re: ناذر محمد الخليفة)
|
قرض سلامات ..
Quote:
ناذر ..
أخوك مبتدئ شديد ..
كيف الواحد يسجل مكالمة لشخص آخر ؟؟؟
بمعنى كيف يتم ذلك ؟ هل يكون ذلك الشخص
(الجاسوس) متواجدا معك عند اجراء المكالمة ؟؟
فهمونا يا جماعة ... |
أها نوعية المسكين الزيك دا هسي بيكون عندو فايل بي صوتك 2 قيقا في كمبيوتر الزول الما بتعرفو ويكون عندو معاك كونتاكت بصورة مستمرة ، ولا بد ليك تفرفر كدو ولا كدة عشان يختها ليك ويعمل ليك مشاكل قدام الناس وإنت ما بينفعك بعد داك تقول دا ما صوتي ولا دي ما نمرتي ولا دا ما خطي !!
البيحصل يا سيدي في بعض من ضعاف النفوس عندها تلفون بي ذاكرة كبيرة وبيسجل المكالمات الصادرة والواردة في التلفون زي شريط الكاسيت .. يعني أنا يكون عندي التلفون دا واضرب ليك وانبز ليك رافت ميلاد وأجرجرك في الكلام لحدي ما إنت تقول رأفت دا تافه ورأفت دا ما بيستاهل خير وتقول فيهو ما لم يقله تاج السر في جمعية الصداقة الإسرائيلية ديك !! وبعد داك أنا أحفظ الكلام وأمشي أسمعو لي رأقت عشان أعمل ليك فتنة أو أوديهو لي بشاشا عشان أقشر بيك وأقول ليهو قرض دا صحبي والدليل تلفونو دا ..
دي كل القصة .. حصلت ليك قبل كدا ولا لا !!؟؟
| |
|
|
|
|
|
|
|
|
|
Re: عندما يسجل أحدهم /هن مكالمتك التلفونية .... (Re: ناذر محمد الخليفة)
|
معروف سند ..
| Quote: انت كنت وين يا ناذر قبل كدا القصة دي حصلت , حتى أسأل اخونا العميد جمعة وآخرون باعتبارهم شهود على تلك الحادثة |
براك شايف انا زول ما قديم في المنبر دا وما عارفا حصلت وين ويا ريت تديني لينك نعرف الحاصل فيهو شنو لأني في الصقط دا ما بقدر أمشي أفتش لي محمد جمعة عشان يوريني الحاصل وما بقدر أضرب ليهو تلفون يقوم يسجل مكالمتي برضو وأكون زدت الطينة بلة !!
| |
|
|
|
|
|
|
|
|
|
Re: عندما يسجل أحدهم /هن مكالمتك التلفونية .... (Re: ناذر محمد الخليفة)
|
الرفيق محمد عادل :
Quote: الشليق ناذر
انا لمن قلت ليكك انت شليق واشتر ماكذبت اها ياخوى انت قلت شنو فى التلفون
وخلاك خائف كدة |
لا خايف لا بطيخ !! بس أنا زعلت على الأسلوب الخسيس دا .. التقول دا الموساد ما منبر عام !!
بالمناسبة أوعك تفكر تضرب لي تلفون بي جنس تحشرك دا .. والله لي قدام بتنكرو وتاباو وببقى ليك ضيق !!
| |
|
|
|
|
|
|
|
|
|
Re: عندما يسجل أحدهم /هن مكالمتك التلفونية .... (Re: ناذر محمد الخليفة)
|
عمرو كمال ..
Quote: مش تحمد الله انهم وروك
|
هم ما وروني .. وراني زول إبن حلال سمع الكلام دا وما رضاهو لي !!
Quote: ياخوى البلد دى كلها بتاعين تسجيلات...........
قصدى تسجيلات صوتية ومرئية ورياضية وكده
(عشان ما تمشوا بعيدياخوانا) |
أنا هسي بتهمني التسجيلات الصوتية التلفونية الباقي لسع ما جربتو ولا داير أجربو !!
إنت مش محامي ؟!!
ما تشوف لي حل لي مشكلتي دي !! واقف لي زي كاس سجاير البرنجي كدا !!
| |
|
|
|
|
|
|
|
|
|
Re: عندما يسجل أحدهم /هن مكالمتك التلفونية .... (Re: ناذر محمد الخليفة)
|
شوشتا ...
Quote: لكن علي مااعتقد اثناء تسجيل المكالمات الهاتفية تصدر
صوت من هاتف الطرف التاني مما يسهل عليك معرفةانه
يقوم بتسجيل المكالمة ...
|
وأنا شنو عرفني ياخ !!
أنا زول بتكلم مع الطرف التاني بي إفتراض إنو صحبي وكدة ..
البيخليني شنو إفترض أساسا إنو الزول دا حا يسجل مكالماتي عشان يمشي يقشر بيها أو يعتبر نفسو بيهددني بيها أو بيبتزاني بيها !!
Quote: وعشان ما تدقس تاني انتبه ... ولو في زول معلي صوت المسجل
او التلفزيون وهو بيتكلم معاك اطلب منو يوطي الصوت ... |
المشكلة انا ما كنت عارف المعلومة دي واي زول إتكلمت معاهو في الفترة الأخيرة كان يا معلي التلفزيون يا صوت المسجل وأنا ما ناقش حاجة وقاعد (ألغلغ) ساااااااااي !!
| |
|
|
|
|
|
|
|
|
|
Re: عندما يسجل أحدهم /هن مكالمتك التلفونية .... (Re: ناذر محمد الخليفة)
|
سيف الدين :
| Quote: الاخ العزيز نازر انا مررت بشئ من هذا القبيل حيث اكتشفت ان الاخت سارة منصور والتى كنت أكن لها كل تقدير تقوم بتسجيل كل المكالمات التلفونية لتستقلها لشئ فى نفس يعقوب |
يا زول إنت بي صحك ؟!!
واثق من كلامك دا ولا تخمين ساكت ؟ وإتصرفت كيف بعد دا ؟ والحصل شنو ؟
شنكل :
عشان كدة أنا من الأول قلت للناس المرو بي تجارب يجو يكتبو تجاربم في البوست دا ..
| |
|
|
|
|
|
|
|
|
|
Re: عندما يسجل أحدهم /هن مكالمتك التلفونية .... (Re: ناذر محمد الخليفة)
|
رأفت ..
Quote: الله يسـتر
نحن بنخت العبار ونجعجع بالسـاعات
بس بسـجلوها كيف ?
بالكمبيوتر شـفتهم بعملوها فى البال توك وإتعملت لى
بس بالتلفون كيف ? |
بيسجلوها ليك بي تلفون فيو خاصية التسجيل ولو معاهو كاميرا يصور ليك نوعية عبارك ظااطو شنو .. لو كان أصلي أبو حصان ولا تقليد أم نعجة !!
وبعد داك تقل أدبك عليهو ولا تحاول تفرنب في مواضيعك معاو .. الله قال بي قولك !!
| |
|
|
|
|
|
|
|
|
|
Re: عندما يسجل أحدهم /هن مكالمتك التلفونية .... (Re: ناذر محمد الخليفة)
|
الأخ/ سيف جبريل
تحية طيبة.
لاحظت لك دائما وانا موقوف قد درجت على هذا السلوك غير الأخلاقى وغير الرجولى، فى أن تذكر اسم وسيرة الأخت سا ره منصور، بكل سوء وهى لا تشارك على هذا المنبر، ولم الاحظ الى اى عضو يرفض منك مثل هذا السلوك غير اللائق.
الاخ العزيز نازر انا مررت بشئ من هذا القبيل حيث اكتشفت ان الاخت سارة منصور والتى كنت أكن لها كل تقدير تقوم بتسجيل كل المكالمات التلفونية لتستقلها لشئ فى نفس يعقوب وتقوم بتأويل الكثير من سياق ومعنى الكلام العام لذلك أتمنى من الاخ سارة ومن خلال هذا البراح الاسفيرى ان تكف عن هذه الافعال وان تقوم بوقف هذا العبث والذى ينافى كل الاعراف والقوانين والمثل المتعارف عليها اخلاقيآ.
سيف الدين جبريل
لعلمك على هذا المنبر من هم على سوء اخلاق لا يتصور وقبح واساءة للنساء بل يعتزون بتسجيلهم مكالمات الأخرين، لكن ما ان نلاحظ ايقافهم أو ابتعادهم، مباشرة نتوقف من التحدث عنهم بسوء، وقد كان هذا التصرف منا سبب تقدير وانهاء خلاف مع رجل قدر مثل هذا التصرف وهو عدم التعرض لشخص لا يستطيع الدفاع عن نفسه.
اتمنى ان تسحب كلامك غير اللائق هذا، وليتك لو اضطررت ان تتحدث على نحو عام لا يشير لشخص بعينه، خصوا والدليل صعب أن تاتى به.
| |
|
|
|
|
|
|
|
|
|
Re: عندما يسجل أحدهم /هن مكالمتك التلفونية .... (Re: ناذر محمد الخليفة)
|
أحمد خضر وأحمد عبد الله ..
بالضبط المشكلة في الإثبات ودا ما بيتم إلا أركب لي أقرب طيارة وأمشي للزول دا في البلد القاعد فيها و أداهمو في بيتو فجأة وأقلع منو الموبايل الفيهو التسجيل وأجري جري على المحكمة مش ؟!!
هسي زولي دا بيكون لمن قرا البوست دا قلبو وقف وإحتمال يكون باع موبايلو الحديث وإشترى واحد تلاتين عشرة عشان ما فيهو خاصية التسجيل ويقدر ينكر قدام القاضي !!!
شنكل :
قانونكم دا في أمريكا .. أها لو زولي برة أمريكا (الخليج مثلاً) تفتكرو الحل شنو ؟
| |
|
|
|
|
|
|
|
|
|
Re: عندما يسجل أحدهم /هن مكالمتك التلفونية .... (Re: Salwa Seyam)
|
العزيز ناذر .... أشعر بوجعك تماما .... ربنا يعينك .... وشكرا علي اثارة الموضوع المقزز دة
عشان الناس ما تندلق ساي ... وتعرف مبسوط منك لانو العملها او العملتها حسي بيكون داخل في
ضفوروا وكمان كسرت ليهو الدش في ايدو ... لانو او لانها بتخيل او بتتخيل انك اخر واحد ممكن
تثير الموضوع ... يا للوضاعة ... شكرا علي شجاعتك وكامل تضامني معاك ....
| |
|
|
|
|
|
|
|
|
|
Re: عندما يسجل أحدهم /هن مكالمتك التلفونية .... (Re: ناذر محمد الخليفة)
|
طيفور ..
Quote: بطل غتاته يااااااخ
ؤفك للزول اللاعب المكنترو عندك
وما بتجيك منو التكتح
|
أنا بالبوست دا قلت قبل ما أكشف إسمو أحسن ؟أعريو شوية شوية للناس عشان أكتل ليهو الدش في يدو والناس تعمل حسابا منو بغد دا ..
شنكل :
زولي أصلو إتصالاتو كتيرة وعلاقاتو التلفونية بي ناس البورد متشعبة وكلها مسجلا عندو بالتواريخ !!
التقول شغال بت في محل إتصالات !!
| |
|
|
|
|
|
|
|
|
|
Re: عندما يسجل أحدهم /هن مكالمتك التلفونية .... (Re: ناذر محمد الخليفة)
|
أحمد عبد الله ..
| Quote: Criminal penalties for violations of the law include imprisonment of not less than one year, but not more than five years, or imprisonment for not more than 12 months and a fine of up to $2,500 |
السجن ما أقل من سنة وما أكتر من خمسة سنوات مش دا القانون ؟!!
زولي لو طلع في أمريكا كان ما قفلتو في الحراسة أربعة سنوات وحداشر شهر وتلاتة أسابيع وستة أيام وتلاتة وعشرين ساعة تعال اسألني !!!
| |
|
|
|
|
|
|
|
|
|
Re: عندما يسجل أحدهم /هن مكالمتك التلفونية .... (Re: ناذر محمد الخليفة)
|
سلوى صيام ..
| Quote: ايوا ياناذر القانون يمنع تسجيل المكالمات الا باذن رسمى .. يعنى من حقك تشتكي اى زول يسجل ليك مكالمة بدون اذنك او اذن جهة رسمية. |
المشكلة في الإثبات يا سلوى !! التسجيل بيكون جوة تلفون الزوول البيسجل الكلام وأنا ما أفتكر إنو أي شركة في العالم بتاعت تلفونات ممكن تثبت إنو حصل تسجيل لي أي من مشتركيها !!
يعني إذا بس الزول السجل الكلام دا مسح التسجيل من تافونو معناتا خلاص الدليل حا يضيع !!
ولا شنو ؟!!
| |
|
|
|
|
|
|
|
|
|
Re: عندما يسجل أحدهم /هن مكالمتك التلفونية .... (Re: ناذر محمد الخليفة)
|
تسلم يا أسعد ..
Quote: لانو او لانها بتخيل او بتتخيل انك اخر واحد ممكن
تثير الموضوع ... يا للوضاعة ... شكرا علي شجاعتك وكامل تضامني معاك .... |
والله فعلا الزول العمل كدة ما كان متخيلني حا أثير الموضوع .. مشكلتنا في المنابر السودانية إنو في ناس كدة (نافذ فيهم قدر ربنا) ماشين بي قاعدة تقول (عدو عدوي هو صديقي) ودا ما صحيح إطلاقا بالذات معاي انا ...
أي صاح ممكن انا إختلف مع الزول وأتخابت معاو في البورد من بوست لي بوست لمن واحد فينا يقوم جاري لكن دا ما معناتو يجيني زول يستغل الوضع ويصطاد في الموية العكرة عشان يعملني درقة أصد ليو الضربات ولا مخلب قط يضرب بيهو الزول المختلف معاو !!..
إذا أي زول مفتكر إنو أنا حا أعمل كدة أحسن ليهو يمشي بوست يسرى معتصم عشان يعمل كشف طبي قبل ما يكتب حرف في المنبر !!
| |
|
|
|
|
|
|
|
|
|
Re: عندما يسجل أحدهم /هن مكالمتك التلفونية .... (Re: ناذر محمد الخليفة)
|
!!!!!
مش فوق قلت ليكم :
Quote: البوست دا أنا نويت أولعو نار فأي زول متورط أو لدغ من الفعلة دي يقول العندو !
|
أها تاج السر شرف بي مداخلة هنا وبوست كامل عن الموضوع غير دا !!
أحسن الناس تقول العندها !!
تاج السر ..
إذا سيف الدين عندو كلام داير يقولو خليهو اليكتبو .. بدون ما الموضوع يتشعب ..
| |
|
|
|
|
|
|
|
|
|
Re: عندما يسجل أحدهم /هن مكالمتك التلفونية .... (Re: هاشم نوريت)
|
أعترف يا ناذر إنى عملتها مرة ووقعت فى شر أعمالى ...
كنت فى عطبرة يوم , ضرب لى صاحبى دكتور شغال فى إبراهيم مالك قال لى : ما بتصدق جانا منو فى الحوادث قبل شوية ..
قلت ليهو منو ؟ قال لى : حميد !
ده أيام حميد ما رجع السودان لسه وما بقى ظاهر زى هسع !
قلت ليهو غير مصدق : يا زول ؟ الجابو شنو؟أنت بتهظر !
وللتدليل على كلامه أعطانى حميد شخصيا لأتكلم معاه..
بعد السلام ويا أستاذ والذى منو , أكرمنى حميد بقراءة مقطع شعرى ..
فجأة تذكرت إنو موبايلى بسجل , قلت ليهو : لحظة يا استاذ , عايز أسجل , ممكن تعيدو من البداية ؟
الراجل ما قصر , بدا من البداية وسجلت المقطع , وفى خلال كم يوم ( قشرت بيهو ) على الجماعة , (قبضت بيهو) الجو ...
بعد كم يوم جاتنى رسالة فى الموبايل من صاحبى زااتو :
( القبض على حميد المزيف فى مستشفى أم درمان ) !
| |
|
|
|
|
|
|
|
|
|
عندما يسجل أحدهم /هن مكالمتك التلفونية .... (Re: ناذر محمد الخليفة)
|
الأخ / ناذر
سلام واحترام ،،،،
كل عام وأنت والاسرة الكريمة بخير
اقدر شجاعتك على طرح هذا الموضوع الهام جداً
ومثل هذه الافعال القبيحة تجعل الواحد يشك في اي
أخ يتحدث معه ومعظمنا هنا لم نتقابل او نتعارف من قبل
بل جمعنا هذا الحوش العامر فلماذا هذا السلوك القبيح
أخي ناذر لا تحزن فالذي عمل هذا العمل هو الخاسر الوحيد
واتمنى ان يسود الود والاحترام جميع الاخوة في هذا الحوش الجميل
ونقوى اخوتنا وصداقتنا اكثر فاكثر والله الموفق
تقبل تحياتي
أبو كريم
| |
|
|
|
|
|
|
|
|
|
Re: عندما يسجل أحدهم /هن مكالمتك التلفونية .... (Re: ناذر محمد الخليفة)
|
هاشم نوريت ..
Quote: ياداقس افندى.
يادوب عرفت الحاصل شنو؟
|
طيب إنت وكت عامل فيها حافظا ومنقطا ما كنت تنورني من زمان وإنت سنيري في البورد دا وعارف الفيها والمافيها بدل تخليني أخت رقم تلفوني في البروفايل وأتكلم مع أي زول يضرب لي وأنا ماسكاني أم فريحانة بنات زي خدمات مشتركين موبيتل !!
ما فيكم فايدة أصلو إنتو.. عرفتي معاكم حدها الكيبورد دا بس تاني !!
| |
|
|
|
|
|
|
|
|
|
Re: عندما يسجل أحدهم /هن مكالمتك التلفونية .... (Re: ناذر محمد الخليفة)
|
سير إبراهيم !!
| Quote: العزيز ود الخليفة .... الحمد لله الما طلع ليك جكس بي شنب يرك فيهو الصقر ؟؟؟؟ |
لا لا والله العظيم طلع لي لمن كنت ساكي لي بت من بنات المنبر وواعدتها ولمن إتقابلنا في محطة الشهداء لقيتا ولد يمين شنبو دا يربط بيهو أعتى عجل في يوم صبحية !!
من الزعل والله قربت أواصل في مشروعي معاهو للنهاية بدون وضع إعتبار لي بت ولا ولد .. بس في أخر لحظة كظمت الغيظ وكسبت الأجر وإستغفرت ورجعت تاني إندمست قدام الكيبورد الناشف دا !
| |
|
|
|
|
|
|
|
|
|
Re: عندما يسجل أحدهم /هن مكالمتك التلفونية .... (Re: ناذر محمد الخليفة)
|
عزان ..
Quote: أعترف يا ناذر إنى عملتها مرة ووقعت فى شر أعمالى ...
|
ما أظنك وقعت في حاجة لأنو نيتك كانت سليمة وأي زول معجب بي حميد كان ممكن يعمل نفس عمليتك دي !!
الزول السجل كلامي دا ونشرو أكيد ما من المعجبين بي ونيتو ما سليمة .. دا الفرق بين تسجيل داك لي صوتي وتسجيلك لي صوت حميد !!
| |
|
|
|
|
|
|
|
|
|
Re: عندما يسجل أحدهم /هن مكالمتك التلفونية .... (Re: ناذر محمد الخليفة)
|
حيدر ..
Quote: ناذر
البركة فيكم
طبعاً خدمة تسجيل المكاملة تختلف من موبايل لآخر
في الموبايلات الحديثة بامكانك تسجيل المكاملة بعد انتهائها حيث يعرض عليك الموبايل خيارات
للتسجيل في شكل سؤال:
هل تريد تسجيل هذه المكالمة
وبعد ذلك تضغط على ... نعم او... لا
|
تسلم على المعلومات يا حيدر ..
وأهو فهمنا حاجة ..!!
| |
|
|
|
|
|
|
|
|
|
Re: عندما يسجل أحدهم /هن مكالمتك التلفونية .... (Re: ناذر محمد الخليفة)
|
هجو ..
| Quote: ناذر سلام ، المشكلة مافى التسجيل بس ، الان ممكن يكون شفط كل الارقام الخاصة ، والرسائل الخاصة برضو . لانو الان مع التسجيل فى امكانية سحب معلومات طورت اخيرا |
يا زول !!! من متين الكلام دا !! دا ما إختراق وهكر عديييل كدة !!
| Quote: الزول فى امريكا. رايك شنو احوطو ليك عند ناس الشيخ نعيم |
يا زول منو القال ليك الزول في أمريكا !! أنا لحدي هسي ما حددت مكانو لكن لمن سألت أحمد عبد الله عن القوانين الأمريكية كنت داير أقارن بينا وبين القوانين في مناطق تانية ..
زي الخليج مثلاً !!
| |
|
|
|
|
|
|
|
|
|
Re: عندما يسجل أحدهم /هن مكالمتك التلفونية .... (Re: ناذر محمد الخليفة)
|
كيفك يا أمير ...
Quote: عايز تولعه والاتناقش ظاهرة
التانية عملتها
لكن الاولي عايزه اسم ... اسم الزول السجل ليك
دغري ياناذر
|
الإتنين سوا .. لانو هي فعلا ظاهرة وما حالة خاصة بي أنا ..
المشكلة يا أمير هسي أجيب إسم الزول نبقى في دليلك شنو ؟ وجيب الشهود ؟ والقال ليك منو ؟ ووالله الدليل في الحالة دي صعب خلاص إلا يجي الزول القال لي الكلام دا ومعاهو شهود ويشهدو بي كدة ..
وهو وافق إنو يجي ويقول شهادتو بس بعد ما نشوف الموضوع دا ما شي لي وين وراي الناس فيهو شنو وتجارب الناس كيف ؟
ألزم الصبر ..
شايف أخونا سيف جبريل وثق لي تجربة حصلت ليهو وكمان ذكر فيها إسم !!
عثبال الناس كلها تقول الفي راسا بدون ما تلاوز !!
| |
|
|
|
|
|
|
|
|
|
Re: عندما يسجل أحدهم /هن مكالمتك التلفونية .... (Re: ناذر محمد الخليفة)
|
لا حوللاااااااااااااااااه !!!!!!
Quote:
تسجيل زي ده كده؟
حأدي مية جنيه جديده لمن يتعرف علي صاحبة الصووت
|
من وين التسجيل دا يا ناصر يا بطل ؟!!
دا أكبر دليل على الخساسة والنذالة الأنا إتكلمت عنها !!!
Quote: ليس أنا من قام بتسجيل هذه المحادثه
و لكني وجدتها علي الأنترنت من البورد جيرانا في أحد أزقة الإنترنت |
في الإنترنيت كماان !!!
شفتو يا أخوانا !!!
الحمد لله ما في زول جا قال لي أنا موهوم أو بتوهم أشياء ما حقيقية ؟!! معناها فعلا الحصل لي دا قمة جبل الجليد و (اليشوف مصيبة غيرو تهون عليهو مصيبتو) على الاقل مصيبتي محفوظة في موبايلات مش في مواقع إنترنت !!..
بالمناسبة صوت المتحدثة واضح جدا وأنا عرفتو بس ما عارف السجل التسجيل دا منو ولا الزول البيقول (هوو) دا منو أو هي مني !! لكين أنا بدين وبشجب جدا الإسلوب دا لو إتضح إنو صاحبة (الخطبة العصماء) دي ما راضية عن التسجيل دا أو ما سمحت بيهو !!
عندنا هسي شهادتين بخصوص الموضوع دا بال إضافى لي شهادتي يبقو تلاتة حوادث حول القصة دي .. على الأقل واحدة موثقة والناس سامعنها !!
نسأل الله السلامة !!
| |
|
|
|
|
|
|
|
|
|
Re: عندما يسجل أحدهم /هن مكالمتك التلفونية .... (Re: ناذر محمد الخليفة)
|
تسلم يا أبو كريم ..
Quote: الأخ / ناذر
سلام واحترام ،،،،
كل عام وأنت والاسرة الكريمة بخير
اقدر شجاعتك على طرح هذا الموضوع الهام جداً
ومثل هذه الافعال القبيحة تجعل الواحد يشك في اي
أخ يتحدث معه ومعظمنا هنا لم نتقابل او نتعارف من قبل
بل جمعنا هذا الحوش العامر فلماذا هذا السلوك القبيح
أخي ناذر لا تحزن فالذي عمل هذا العمل هو الخاسر الوحيد
واتمنى ان يسود الود والاحترام جميع الاخوة في هذا الحوش الجميل
ونقوى اخوتنا وصداقتنا اكثر فاكثر والله الموفق
تقبل تحياتي
أبو كريم |
تسلم كتير على الكلمات الطيبة ..
وأنا بس حبيت نشر الموضوع عشان الناس تعمل حسابا .. نحن في عالم فيهو أكتر من أربعة ألف عضو وأضعاف من الزوار ومعانا ناس محترمين وخاتين أرقام تلفوناتم بي كل طيبة في البروفايل ..
حقو الناس تنتبه للحتة دي وتعيد النظر فيها !!
| |
|
|
|
|
|
|
|
|
|
Re: عندما يسجل أحدهم /هن مكالمتك التلفونية .... (Re: ناذر محمد الخليفة)
|
عثمان فضل الله ..
Quote: السؤاااااااال الماليهو اجابة............... (انت خايف كده ماااااااااااااااالك)
ناااااااااااااذر خلييييييييييك مع عوووووووووووووودك ... غنى بس
الكلامممممممممممممممم بجييييييييييييييييب الهوااااااااااا
|
الله لا جاب الخوف .. ما شايفني أمبارح كيف في الجلسة فرحان ومسرور وما مقلق وما بردان !!
| |
|
|
|
|
|
|
|
|
|
Re: عندما يسجل أحدهم /هن مكالمتك التلفونية .... (Re: ناذر محمد الخليفة)
|
لا حوللااااااااااااااااااااه !!!!!
الفاتح شخصيا ومن تورنتو كمان !!
Quote:
ناذر اللذيذ
والله مشتاقين
بعدين ولا يهمك
انت زول عسل وشخصية محبوبة
والله ما اكتر الا الحساد
تحياتي اليك من تورنتو
الفاتح |
يا زول حمدلله على السلامة كنت تدينا خبر نقوم بالواجب !!
تسلم كتير والحساد ديل أنا بعد دا فضيت ليهم !
| |
|
|
|
|
|
|
|
|
|
Re: عندما يسجل أحدهم /هن مكالمتك التلفونية .... (Re: ناذر محمد الخليفة)
|
| Quote: الدايرني يرسل لي جواب عادي مكتوب في الظرف بتاعو (شكرا لرجال البريد) |
يازول كلامك الفوق دا ذاتو بدخلك فى شبك,
إنت يازول ليه بتميز ضد المرأة??
لماذا رجال البريد وليس العاملين بالبريد (رجال ونساء)??
فى أوروبا كان قلتا كلامك الفوق دا
بغرموك ويسجنوك ويكفتوك
وممكن يقلعو أضافيرنك
مخرج
إنتو تقولو الكلام وبعدين يبقى ليكم حااااار
| |
|
|
|
|
|
|
|
|
|
Re: عندما يسجل أحدهم /هن مكالمتك التلفونية .... (Re: ناذر محمد الخليفة)
|
الجيلي ..
Quote: لماذا رجال البريد وليس العاملين بالبريد (رجال ونساء)??
|
من انا شافع كنت بحب أرسل الجوابات والمشاركات لي مجلات سمير وماجد وميكي جيب وباسل وأكتر حاجة مجلة ميكي جيب عشان فيها صفحة (تبادلني) برسل ليهم بقول عندي دفتر طوابع والعدد التاسع من ميكي وباكو لبان سندباد داير أبدلم بي شريط لي أم كلثوم وكتاب تعلم طريقة عمل (لقمة القاضي) وفي خلال إسبوعين بستلم الرد ..
طوال الفترة دي كل مظاريف الجوابات مكتوب فيها من برة (شكرا لرجال البريد) ما قابلني ولا واحد مكتوب فيهو (شكرا لحريم البريد) !!
أنا ذنبي شنو !!
| |
|
|
|
|
|
|
|
|
 Re: عندما يسجل أحدهم /هن مكالمتك التلفونية .... (Re: ناذر محمد الخليفة)
|
ناذر..
أنا كنت قايلك تفتيحة أكتر من كدة !!
في بوستك بتاع الدكتوراة إتكلمت عن الأستدراج للمسنجر و تسجيل ما يدور بغرض استعماله عند
اللزوم !! تصدق انا من كلامك دا عملت حسابي ما بتكلم في المسنجر الا عن الطقس !!
تقوم تقع إنت ظـــــااااطك !!
دي طيبة السودانية !!
لكن طلعت جدع برضو بفتحك البوست دا !!
و في النهاية لما تقول إسمو بتكون مسحت بيهو الارض رغم أي كلام بتكون قلته و إتسجل !!
خليهو يبلو ويشرب مويتو بعد دا !!
عافي منك !!
| |
|
|
|
|
|
|
|
|
|
Re: عندما يسجل أحدهم /هن مكالمتك التلفونية .... (Re: yasiko)
|
شفته يا ناذر المستويات؟؟؟؟
انت بتشكي من تسجيل مكالمه لك..
ساره منصور لم تكتفي بتسجيل مكالمه لي كما قال عنها سيف الدين جبريل
بل بترسل فيها بالبلاد
عشان ينزلها ناصر البطل كمان في مواقع الانترنت!!
ولاجل هذا اخذ تحذير من بكري ابوبكر
| Quote: this is warning ya Ustaz Nasir |
شفتى مثل هذا؟؟؟؟
وتقول لي شنو؟؟؟
الغريبه البارح كتبت لك يا ناذر عن هذا,ولاني كنت نعسانه
وحسيت الكتابه فيها اخطاء كثيره ارجأتها للصباح
..وانشغلت لافجأ بتلفون يبلغني ان ناصر البطل نزل
لي تسجيل لمكالمه سجلتها لي ساره منصور؟؟؟؟
الغريبه تكلمت معها مجبره بعد ان اتصلت هي وكانت تحرص
على ان تقول ساره فقط ولكنها لا تريد اكمال اسمها
المهم رغم كده عرفتها ,وكنت حذره معها,ورغم كده اعتقدت بانها حصلت على صفقه.
ويا ساره يا عبيطه كل ما حصلت عليه انا كنت عايزاك تنشريه
عشان كنت عارفاك بتسجلي,ويكفي رسالتك الاخيره التي اسمعتيها
لناس احدهم وهي تسجيل لنور تاور صديقتك
وانت ادرى ماذا قالت.
وعندما حدثوني عنها قلت لهم هذه رسالة ساره ارادت لكم ان تخبروني بذلك لاعتقد انها طيبه
ولكن قلت لهم من تسجل لصديقتها,لايمكن ان اثق بها وتأكدوا ان مكالمتكم نفسها مسجله.!!
قالوا معقول ,قلت لهم انها تسجل اي مكالمه...هل تفهمون اي مكالمه..فاي نوع من البشر هذه
وعارف يا ناذر يقال ان اغلب المدافعين عنها هنا هم مجبرين لانها تبتزهم بمكالماتهم معها
فيضطروا ان يصيروا مطبلين لها,وهي اسوء خلق الله.
ربنا يهديك يا ساره منصور
فقد اذيت كثيرا من اهلك.
تراجي.
| |
|
|
|
|
|
|
| |
ناذر محمد الخليفة
رأفت ميلاد
Salah Waspa
Ahmed Abdallah
وليد محمد المبارك
mulhim
waleed500
معتز القريش
Marouf Sanad
محمد عادل
AmroKamal
Saifeldin Gibreel
ahmed khidir
يسرى معتصم
طيفور
عبدالكريم الامين احمد
ASAAD IBRAHIM
تبارك شيخ الدين جبريل
هاشم نوريت
عزان سعيد
حيدر حسن ميرغني
هجو الأقرع
امير عبد الماجد
Yassir Tayfour
ناصر البطل
الفاتح خليل الفكي
osly2
عثمان فضل الله
الجيلى أحمد
Adel Sameer Tawfiq
yasiko
Tragie Mustafa
فيس بوك
تويتر
انستقرام
يوتيوب
بنتيريست