جبال النوبة...ضمير السودان الغائب..

Quote: نور سلامي، حاشي، ماحصل هاجمتك شخصيا او ايا من خصومي، ولكني هاجمت وبعنف مواقفك، وهذه حقيقة. اسلوبنا مباشر اوقاسي جدا جدا وذلك لقناعة راسخة كيف ده المخرج الوحيد، اوكيف ده هوالحد الادني المطلوب من الوفاء لدماء الملاييين من الضحايا. يستحيل يانور في بلد الدم فيها فات الركب بي غادي، التناول لي قضايا جبال الظلم الفي بلدنا يكون علي شاكلة اجواء حفلات الكوكتيل، الفرائحي الناعم، الدبلوماسي الرومانسي المرطب! ابدا! ده مستحيل لوالناس صادقة في مواقفا في احاسيسا. الانسان الرافض المتفجر غضب من الحاصل، لابد كقـــــاعدة من انعكاس بعضا من ظلال غضبو علي كلامو، مواقفو. نرجع لي موضوعنا: العزيزة نور، يلاحظ انك وعن عمد بتخلطي مابين النظام والحركة الشعبية، بل بتضعيهم في كوم واحد، او ده مش خاطئ اوبس وانما خطر جدا، من انسان في موقع مسؤولية اوليهو اتباع. انا بتكلم عن خطك مابالضرورة شخصك. اقلاهو يانور تكوني واعية بي مواقع اطراف الصراع في خارطة الصراع في بلدنا. كلامك ده ماكلام زول ملم بالحد الادني، او ملم ولكنو يلجأ لي تغبيش الرؤية اوخلط الاوراق، حتي لايتبين الاخرين مواقفه. خلاصة الامر، الحركة غير الجبهة الاسلامية، بغض النظر عن المواقع والادوار السياسية البتحكما نصوص اتفاق بعينه. ذي كلامك ده وبغض النظر يصب في خانة النظام لانو ذي ماقلنا المعادلة صفرية، واي موقف لابد له من التقييد في دفتر الحركة اوالنظام، ولاجود لكوم اودفتر ثالث. ده جبر رياضي مافيهو خيار خالص. عشان كده وبغض النظر عن نواياكي، اوكراهيتك للنظام، المحصلة النهائية لي مواقفك الفعلية للاسف، صابة في خانة النظام الانتي مكجناهو حسب كلامك، اوده اكثر ايلام

(عدل بواسطة nour tawir on 07-18-2006, 01:28 AM)
(عدل بواسطة nour tawir on 07-18-2006, 02:06 AM)