كتب الكاتب الفاتح جبرا المتوفرة بمعرض الدوحة
|
مد العِباد ، جَزْر الأسى
|
المد:
المد المارق من زفرات الفجه ماشى وداخل بين شهقات الروح شهيق مجروح ملطخ بالدعا ماخد من سماك الفاضية لون حزنو طامح زى وريدك كلما يوسع يضيق
يا صبحك فات بى ليلو سبعة ضحكات بى ليلو ويا فرحك مات بى ليلو سبعة نجمات بى ليلو يا عمرك طال بى سنينو الرايحه ما لاقيه الطريق يا حالك حال مسجون فى ضلوع الغبشه كاسيهو الرماد يا حليلو جافاهو الرفيق
وأماتك الدافقه الحنان تعبت تفتش فوق جزاير الريح تفتش ليكا فى وعر الدرب تنده تقالد فى رواكيب الزمان تطيب خاطر العمر الكسيح ما عارفه ضلك من رهابك حننت قلب المكان ما فارزه جيتك من غيابك والمويه دساها الحريق
الجزر:
الموج سليل المويه المويه يا دم البحر يجرى جنب العيون الكايسه دمعاتا جوه العروق الودرت فى موتا نبضاتا والواطا بت الكون مرقد الناس المشت بدرى الليل غنوة الخايفين ساكت يعاين فى الودار الموت عديل احسن كتير من الفزع مين البورينا الدرب مين البخت الجمره فى مويه الوجع دربك معلق فى الفضا وفضاك مكتف بالغبار وقلب سفينتك يشتهى الجوه فى خاطر السواحل وبره فى وش النهار
الموج سليل المويه المويه يا ست الروا جيب الكلام مليان عطش والريق يباس المشتهى كبى القصائد فينا ناولينا الدوا
وبين ريحة الملح البتاوق من دمانا حليلا قريفة القعاد فوق الحكاوى الصابه عينه وبين ريحة البن الرمانا قايمة حيشان من وِلف سهرانة نيمات الوداد
بين ريحة الملح السكن جنب القلب قفل دروبك بالسهاد رشرش صقيعة الروح نزِف وريحة الشوق الحمانا نفرد جناحو نبلو فى الضل السمح نعطنو فى النيل النِشِف راقدة كيمان العباد الجاورت نبع الأسى الموية يا السقم القديم الموية يا ست الروا سفن الغريب بايته القوا والشوق حلم فرزع غناويهو الهوا
|
|
|
|
|
|
|
العنوان |
الكاتب |
Date |
مد العِباد ، جَزْر الأسى | أبوذر بابكر | 02-13-08, 06:33 AM |
Re: مد العِباد ، جَزْر الأسى | منى على الحسن | 02-13-08, 10:13 AM |
Re: مد العِباد ، جَزْر الأسى | ibrahim kojan | 02-13-08, 11:02 AM |
Re: مد العِباد ، جَزْر الأسى | أبوذر بابكر | 02-13-08, 11:25 PM |
Re: مد العِباد ، جَزْر الأسى | أبوذر بابكر | 02-13-08, 01:05 PM |
Re: مد العِباد ، جَزْر الأسى | أبوذر بابكر | 02-13-08, 12:02 PM |
Re: مد العِباد ، جَزْر الأسى | ibrahim kojan | 02-14-08, 01:12 AM |
Re: مد العِباد ، جَزْر الأسى | أبوذر بابكر | 02-14-08, 08:06 AM |
Re: مد العِباد ، جَزْر الأسى | أبوذر بابكر | 02-15-08, 10:12 AM |
Re: مد العِباد ، جَزْر الأسى | هاشم أحمد خلف الله | 02-15-08, 01:19 PM |
Re: مد العِباد ، جَزْر الأسى | أبوذر بابكر | 02-15-08, 06:51 PM |
Re: مد العِباد ، جَزْر الأسى | أبوذر بابكر | 02-18-08, 07:59 AM |
Re: مد العِباد ، جَزْر الأسى | أبوذر بابكر | 02-17-08, 06:07 AM |
Re: مد العِباد ، جَزْر الأسى | ابو جهينة | 02-17-08, 07:35 AM |
Re: مد العِباد ، جَزْر الأسى | أبوذر بابكر | 02-17-08, 10:38 AM |
|
|
|