هي وليمة..و لكنها ..De Facto..يا صديقي محسن خالد

Quote: لتقديري أنَّه أحد الدوافع الأساسية التي انطلق منها "جُلُّ" المشاركين في الاعتراض على بيان المُبدعين

Quote: ام الدوافع

Quote: بيان المبدعين؟

Quote: هذه الحرب؟

Quote: مجند؟

Quote: (أم الدوافع) و(ماهيتها) في الهجوم غير المستحق على أهلية نفرٍ من المُبدعين

Quote: أن المعترضين على البيان

Quote: تحاربُ شيئاً وهمياً،

Quote: المُبدعون، السريون

Quote: يمكن لرحاب أن تُفسِّر شظاياها كفعل لا بُدَّ له من علاقة ما بها، وبجماعتها، فتأمل

الاستاذ محسن شكرا علي الرد المسهب
لا لا لا لا والله انا كنت حاسه انه في حاجه فايتاني و انا ما عارفاها و انا اشيل و اقرا، وطلعت بره البوست
و قريت العنوان تاني، وسالت لمن لقيت زول وقع لي كلام المبدعين ده شفاهه و انك كنت معاهم
لكن معقوله بس؟

ياخ والله العظيم و ما ليك علي حلفان يا محسن خالد
اولا، انا ما شفت البيان ده او البوست ده, لاني كنت في اجازه طويله عريضه و جميله
تانيا، ما عارفاك معاهم
تالتا، ما عارفاك قائدهم? كمان زي ما قلت في نص مداخلتك دي
بالله انت كنت معاهم؟ هو البيان ده كان فيهو شنو بالظبط.

رابعا، و والله ما نقصان من قدرك او محاوله اني اصغر منك و دونك صفحات المنبر تبين ليك اسلوبي و بشهادتك في مداخله ليك في بوست كبر ده زاتو، اني ما بستخف بالناس، و اقول كلامي ده والله علي ما اقول شهيد، (كتره حليفه هي لكن يا رحاب)- يا محسن خالد انا ما سمعت عنك قبل كده بتاتا، بي خير او بي شر او بعرف عنك اي حاجه، الا مررره مره دينا الله يطراها بالخير بتقول في ونستها العاديه في البوستات دي، يا حليل محسن. عشان كده، ما تفتكرني خاتاك في راسي او بفكر فيك، لاني والله و بمنتهي البساطه، ماااااا بعرفك و ما كنت موجود في دايره شوفي زي ما بقول واحد صديق، المهم في النقطه دي انه ردودي عليك و كلامي في بوست ملاسي ما ليهو اي علاقه بكونك مبدع او زعيم المبدعين

ما قلت ليك استنتاجاتك ما في محلها!

يا النبي نووووووح يا قولك

لا لا لا، و كمان دوافع اساسيه؟ معليش
بس شعور الاهميه و الباباراتزي ده و انه الناس قاصدينك او ساكينك عشان حاجه انت قلتها او عملتها، ارجوك تنزعه من تفكيرك، لانه ما حاصل والله، و حتي لمن رديت في بوست ملاسي، رديت علي اعتبار انه الرساله دي منقوله من عصام، و انا بحب اقرا لعصام, يعني حتي الكريديت الاديته ليك، جاك بنسبتك لعصام بالنسبه لي، عشان اكون واضحه

لكن من دربي ده اوعدك انه اراجع بوست المبدعين عشان افهم الكلام ده في الكونتيكست بتاعه، وافتش البيان البقي عامل للناس تنل فيشن tunnel vision ده, ردك كله مصبوغ بالحكايه دي، لانه شكله زي ما قال Callon و Latour اوبلقاتوري باسيق بوينت obligatory passage point مهمه في تاريخ البورد

بعدين فيها شنو يعني لو طلعتو بيان قلتو فيهو انكم مبدعين علي حسب الروايه الشفهيه؟ ما شايفه فيها اي حاجه انا

و كمان رحاب دايره جزء من الاهميه و العالميه دي عشان كده هي بتتفاوض مع محسن خالد زعيم المبدعين؟ ههههههههههههههههههههها
اسي عليك الله يا محسن خالد امشي قوقل اسمك و قوقل اسمي، كان القصه للشهره وكده، بس ما تكون الشهره دي محصوره علي سودانيز اونلاين او المنتديات السودانيه او الويكبيديا البيكتبوها الناس براهم دي، لاني بخسر


وكان الله ادانا عمر و صبر لي قدام بجيك لي:
دكتوراتي
دكتوراه نجاة
فايدتنا في الدنيا دي
فهمي للنصوص وفهمك و التنظير
شيلك للبطاطس، (ايوه دي انا بعتذر عنها، لانها حاجه شخصيه، لكن الفرق انك اخترت انك تعلنها علينا، برضه اعتذر اذا ضايقتك)
قصتك مع تاج السر
اسلوب و طريقه نقدك و نقاشك وحكايه تشخيص الحاجات دي
مجموعتك و باقي المجموعات

لكن ما بوعدك، لاني بالجد بمل من الكتابات الطويله و الاقتباسات، خصوصا لمن احس انه الناس وصلت لطريق مسدود و مافضل الا قوله تعالي
لكم دينكم و لي دين.





-------
كبر، معليش، ده بيوضح ليك اني ما قريت حتي مداخلاتك الفوق دي الفيها شرح و ربط رساله محسن ببيان المبدعين، و جيت اوضح نقطه للاستاذ محسن منفصله جدا في ذهني، دي طريقتي، تقول شنو
اقتراحك و دعوتك لبوست عن قراءه النصوص فكره جميله جدا، و مع اني علي سفر الايام دي، لكن بحاول قدر المستطاع اشارك معاكم، شكرا علي الدعوه و اسفه للتاخير في الرد، لكن كنت مسافره و مشغوله و حالتي صعبه