|
|
|
 Re: ركن المحبطين ـ لبت قضيم (Re: الجندرية)
|
بسم الله الرحمن الرحيم الف يا انصاف
والله يا ختي ما بعرفوا
تكون عدت السحلية من علي قفاي وانا نايمة
الله اعلم
صحيت لقيت نفسي كدا بس
وما قادرة القى سبب واحد للفرح
اجارك الله
ومع ذلك اردد قول رسمي ابو علي
اما انا فاطلق قهقاتي ولا ابالي
| |
 
|
|
|
|
|
|
|
 Re: ركن المحبطين ـ لبت قضيم (Re: الجندرية)
|
| Quote: الا يكفيك يا بت قضيم كل هذا الود و المحبه التي تعلمين اننا نكنها لك |
| Quote: التخزين مضر والتفريغ مفيد و بيريح الزول و حبابك الف كلو ما حبيتي تفكيها في زول يسعدنا و يسرنا انا نكون اهلك و مرافاءك في اي وقت تشائين بتلقينا جنبك و بنسمعك و نشيل همك زي ما عودتينا تشيلي همومناو هموم كل الناس |
الكلام دا برضو بكررو ليك يا جندريه
و ياستي فكي قفلتك فينا ولا يهمك بدا من الكوراك انهتاء بالدلاديم و ما شابه
loOooOoOOoOoOOoOolz
تعرفي يا جندريه الحاله دي لازم الزول يمر بيها كلو فتره والله كريم
كل الود والتحايا
| |
|
|
|
|
|
|
|
|
|
Re: ركن المحبطين ـ لبت قضيم (Re: ايهاب)
|
Quote: اهم اسباب احباطي
متطلبات العيد والميزانية العاملة زي شملة منو مابعرفوا داك الهي تلاتية وقدها رباعي
والله معضلة لو جا انشتاين ما حيلها |
اذا هو النفس الفلم تاني يا جندريه
| |
|
|
|
|
|
|
|
|
|
Re: ركن المحبطين ـ لبت قضيم (Re: الجندرية)
|
أنا اتخيل لي يا الجندرية ما في زول محبط أكتر مني
شعور مدمر بالوحدة و الشوق لناس بيتنا البعييييدين بهناك مني
ده غير روح الحزن الساكنانني و ساكناها ، ليها سنين ما دايره تفارقني
ده كله كوم و الشعور بفراغ الأشياء - حتى الأكثرها جمالا- و هشاشتها و عدم جدواها ، بل حتى عدم جدوى الحياة نفسها كوم تاني.
الله يستر من الاكتئاب و توابعه من أفعال مجنونة.
أها يا الجندرية بعد ده كللللله ، المحبطة أكتر منو، أنا و لا أنتي، مش قلت ليكم ما في زول بفوتني في الدبرسة و الحزن و الاحباط!
| |
|
|
|
|
|
|
|
|
|
Re: ركن المحبطين ـ لبت قضيم (Re: الجندرية)
|
لا لا بالجد يا راوية أنا حالتي تحير و زادت زيادة بعد رحلت براي، كان أحسن الأسرة الأمريكية الكنت قاعده معاهم ،بنقتهم الكتيرة ديك أهي برضها حركة
قايتو بالجد كده عندي كل أعراض الاكتئاب اللازمة لتصنيف الحالة"كمستعصية".
| |
|
|
|
|
|
|
|
|
|
Re: ركن المحبطين ـ لبت قضيم (Re: الجندرية)
|
الجندرية وايهاب
احمدو الله انو عندكم عيد
الناس الصايمين رمضان بلا عيد يسو شنو
والله ياجندرية كنت داير انزل ليك حاجة هنا الا خفت عليك وعلي المحبطات الفوق ديل من زيادة الدبرسة والاكتئاب
شكرا ليك ورمضان كريم
عبدالله جعفر
| |
|
|
|
|
|
|
|
|
|
Re: ركن المحبطين ـ لبت قضيم (Re: Abdalla Gaafar)
|
يا جندرية
دايما لما ادخل بوست ليك
بشعر بحس امومى
واتفيأ ظلال الشلوخ الماخمج
واظن بعد كدى مافى احباط
ويا ندى
حقيقى احزنتينى وقلبى معاك
المنافى تلد منافى
وكل سمحا شين ومافى
والزمن خطواتة
ماسخة ودائرية
تحياتى
| |
|
|
|
|
|
|
|
|
 Re: ركن المحبطين ـ لبت قضيم (Re: HAMZA SULIMAN)
|
الله في ياجندرية ..ويم بكره جميل .. بس الله يصبرنا
معليش ياندي كل عيد بيكون عامل كده .. لكن مواسم الدبرسه دايما مهما كانت طويلة بيجي بعديها موسم خير
انا شخصيا متعشم خير ..رغم الاحباط المعشش وعنكبوت الدبرسه البينسج جواي
| |
|
|
|
|
|
|
|
|
|
Re: ركن المحبطين ـ لبت قضيم (Re: tmbis)
|
دي احساسان قبايل العيد
في الغربة.....
يا الجندرية...
عــــــــــــــــــــــــــــــــــــــــــــادي
ندي امين... احباطك ده جد جد والله عايزة تهوني علي الجندرية
بوزن من شاف احباطات الناس هان عليه احباطه.... سافـــــري
هسي دي... مالك ومال البشتنة
| |
|
|
|
|
|
|
|
|
 Re: ركن المحبطين ـ لبت قضيم (Re: الجندرية)
|
الجندرية سلامات
وكل سنة والجميع بخير
هذه الايام بالتحديد يتعاظم الشعور بالغربة فهذه مواسم (اللمة)
رمضان والعيد علي الابواب ونحن شعب نتعامل مع هذه المناسبات
بخصوصية ومذاق حلو ولكن الغربة خشم بيوت قلبي معكم سكان أمريكا
حتما لاطعم ولا لون ولارائحة لمثل هذه المناسبات فصبرا راوية وندي
وربنا يرد غربتنا جميعا لنستمتع بدفء (ناس الحلة)
ولكم مودتي
| |
|
|
|
|
|
|
|
|
|
Re: ركن المحبطين ـ لبت قضيم (Re: Abd-Elrhman sorkati)
|
لاحول ولا قوة الا بالله
يا الجندرية واخواتها/نها(كدة صاح؟؟)
مالكم مقلبين علينا المواجع؟
انا عاملة فيها ناسية وشاردة حتي من مواجهة نفسي
رمضان عد ما عارفة كيف لاطعم ولا ريحة-اكل عادي او في الشغل
وعندما سألني من هو قريب لنفسي كيف بفطر
ساعتها إتذكرت وسالت ادمعي وواجهت نفسي الهاربة من نفسي وبعدها استغفرت
الغربة حااارة خاصة لو كنت وحيد وبخاصة رمضان والعيد في الشتاء البارد اللي هو اصل الاكتئاب
لكن برضو عايشة بالامل في انه بكرة احسن
وان غدآ لناظره قريب
ويا تمبس ما دام بقيت فكي كااارب
سوي لينا حجابات ضد الدبرسة..وتبدا من الجندرية
وانت ذاتك..بتتذكر البوست دة يا تمبس
بتهدي في الناس وانت داير اليلحقك؟؟؟؟؟
عاينو يا ناس لتمبس العيد الفات...شوفوا الجرسة
هاكم الوصلة وتعالوا نعزي بعض
الناس تعيد .. انا اشخبط الحيطه
| |
|
|
|
|
|
|
|
|
|
Re: ركن المحبطين ـ لبت قضيم (Re: الجندرية)
|
الناس الطيبة
الجات هنا
كتر خيركم كلكم
تعرفوا انا خليت اي حاجة
ووقعت ليك في عجين الكعك
دق وخبت
غايتو شوية نفست
وبركة في شوفتكم
كل سنة وانتو طيبين / ات
نتلاقى يوم العيد
امشى اتم الخبيز
| |
|
|
|
|
|
|
|
|
|
Re: ركن المحبطين ـ لبت قضيم (Re: الجندرية)
|
يا جندرية
لي كم يوم شايفة البوست ده وأهرب منه يمين وشمال... ومن البورد كله. وأخيرا قررت وفتحته.
هوني عليك، واتعلمي الملاكمة... يمكن تنفع!!!
كلنا حالنا زفت، ربك كريم
والغربة دي خلي همها براه
كل سنة وانتي طيبة!
إيمان
| |
|
|
|
|
|
|
| |
الجندرية
ايهاب
Rawia
HAMZA SULIMAN
tmbis
nazar hussien
Abd-Elrhman sorkati
haneena
Tumadir
لؤى
إيمان أحمد
فيس بوك
تويتر
انستقرام
يوتيوب
بنتيريست