ملاح الويكاب

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 17-11-2018, 07:28 AM الصفحة الرئيسية

مكتبة امانى عبد الجليل(الجندرية)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
02-05-2006, 03:49 AM

domdom

تاريخ التسجيل: 04-12-2004
مجموع المشاركات: 422

للتواصل معنا

FaceBook
تويتر Twitter
YouTube


Re: ملاح الويكاب (Re: الجندرية)

    معليش للتاخير في الرد
    الاخوات الكرام
    انا اقبل كلام الجندرية و الاخت لنا ما محتاجة واسطة يكفي انها انصارية بت انصار و الاخت لنا معزومة معانا حاجات كتيرة الايام دي
    شي ملاح ويكاب شي نعيمية لحمها ناشف من السودان بصلتها محمرة من السودان
    دقيق الذرة من السودان
    الدخن من السودان
    و الله ما فاضل الا نجيب الحطب يعوسو بيهو
    تمام التمام
    لنا مهدي تلفونك كم نخلي المدام تعزمك
    طبعا برضو في فسيخ .
    و دكوة
    اها نشوفك بس ادينا التلفون
                   |Articles |News |مقالات |بيانات

09-05-2006, 02:02 PM

الجندرية
<aالجندرية
تاريخ التسجيل: 02-10-2002
مجموع المشاركات: 9450

للتواصل معنا

FaceBook
تويتر Twitter
YouTube


Re: ملاح الويكاب (Re: domdom)

    الاخ domdom

    تسلم ابوي ، الكرم هيلك ، ولنا فعلاً ما محتاجة واسطة

    فرحتني مشاركتك التانية بتاعت الفتح الويكابي دي
    ربنا يجعلنا قدم خير دايماً
    وتتهنى يابا
    القروش بجن بلا بوست مني
                   |Articles |News |مقالات |بيانات

02-05-2006, 11:14 AM

تيسير عووضة
<aتيسير عووضة
تاريخ التسجيل: 20-12-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: ملاح الويكاب (Re: الجندرية)

    الجندرية ..
    وكل الناس الهنا ..

    والله ونستكم عن الويكاب دي ألذ من الويكاب ذات نفسو ..
    أنا طبعاً من الشمالية (ناس تركين وكدا)
    يعني ماعندنا معاهو أي علاقة
    لكن دا ما بيمنع إنو أكون أكلت الويكاب ..
    مشيت رفاعة زيارة وأكرموني بيهو في فريق القبتاب ..
    كشئ جديد ما استسغتو لأول مرة , لكن كلامكم دا خلاني أغير رأيي
    وأفكر أجربو تاني ..


    *الجندرية البوست الجاي أعمليهو عن كبدة الإبل
                   |Articles |News |مقالات |بيانات

02-05-2006, 12:02 PM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: ملاح الويكاب (Re: تيسير عووضة)

    الجندرية العسللى

    Quote: أن الويكاب " رماد القصب المحروق يعمل منقوعاً بالماء مع اللبن أو الماء



    ويكة ولبن تساوى ويكاب ؟!!

    ويكة ولبن مع بعض؟!!

    ممكن اخت فيهم حبة كريم كارميل ؟!


    حاجة تجنن ياخ !!

    ال ويكاب ال !!


    جيت اعملو الويكاب ده وغلبنى !!!
                   |Articles |News |مقالات |بيانات

02-05-2006, 09:22 PM

doma
<adoma
تاريخ التسجيل: 04-02-2002
مجموع المشاركات: 15894

للتواصل معنا

FaceBook
تويتر Twitter
YouTube


Re: ملاح الويكاب (Re: نادية عثمان)

    اول مره انا اضوق الويكاب دا كان مع عرب من البطاحين المسلميه و انا بت بندر وكدا ومع اني ما حنكوشه باكل النعيميه والكراره وام تكشوا والسبروق ,الورق وحتي الكداد ممكن اكله وبموت في التركين والفسيخ والمرس والويكات بانواعها ام رقيقه .ام شعيفه ,التقيله , ام بربر . اها لما جابن ملاح الويكاب دا ودخلت يدي والله بقيت ابلع فيه ومعدتي تجي مخمومه لي فوق. النصيحه لي الله ما عجبني تب. لكين طبعا هو تقريبا فطور شبه ثابت عند جاراتي المهم بعد فتره بقيت اكله لكين من فارقتهن ما اشتهيتو .
    ويا عجوجه والله ملاح المرس دا حلو شديد والعجب كان ظبتتوا ليك و زوله غرابيه تاكلي اصابعك وراه متل التركين برضو بحبه موووووووووووووووووووت.
                   |Articles |News |مقالات |بيانات

02-05-2006, 10:32 PM

nazar hussien
<anazar hussien
تاريخ التسجيل: 04-09-2002
مجموع المشاركات: 10205

للتواصل معنا

FaceBook
تويتر Twitter
YouTube


Re: ملاح الويكاب (Re: doma)

    Quote: غايتو الما عارف يقول ويكاب ..
    نزار ودعمي دا بتاع .. القطر قام .. النوع البيكب الحاجات كلها مع بعض
    يعني عادي جدا تغرفي ليك .. جردل يا طشت من جوه الحلة
    ولا بيهمو حاجة



    يا تمبس والله جبت الحكاية من آخرها...يا راجل انا لي تلتاشر سنة
    باكل في المطاعم...القطر ان قام هسي دي تلقاني قاعد جنب ست الطعمية...
    والقطر يقوم ويتدفق ويتحتحت حتة حتة...لامن حديدو يتلصق في الفلنكات
    حتين اجي من جملة الجماعة الطفائين...غايتو اكيش مني الله ما خلق
    لكن النصيحة لي الله جارتنا هنا ملكة الويكاب...لكن بس في رمضان
                   |Articles |News |مقالات |بيانات

02-05-2006, 11:05 PM

الجندرية
<aالجندرية
تاريخ التسجيل: 02-10-2002
مجموع المشاركات: 9450

للتواصل معنا

FaceBook
تويتر Twitter
YouTube


Re: ملاح الويكاب (Re: الجندرية)

    يا اهلنا معليش
    استثناء تاني

    ما شايفين بدر الدين حلا دا قاعد يومي لي باستيكتو الكبيرة دي ؟

    طلبتك بالرسول يا البدري زيد لي مهلة الاربعة وعشرين ساعة شوية
    برد ليك بعدين لما ارجع من الشغل
                   |Articles |News |مقالات |بيانات

03-05-2006, 00:02 AM

بدرالدين شنا
<aبدرالدين شنا
تاريخ التسجيل: 30-07-2002
مجموع المشاركات: 3514

للتواصل معنا

FaceBook
تويتر Twitter
YouTube


Re: ملاح الويكاب (Re: الجندرية)

    Quote: طلبتك بالرسول يا البدري زيد لي مهلة الاربعة وعشرين ساعة شوية
    الرسول عزيز وكريم
                   |Articles |News |مقالات |بيانات

03-05-2006, 01:25 AM

Omar Elshowaya

تاريخ التسجيل: 18-12-2004
مجموع المشاركات: 55

للتواصل معنا

FaceBook
تويتر Twitter
YouTube


Re: ملاح الويكاب (Re: الجندرية)

    الجندرية إزيك

    أنا لي تلااااااااتة يوم بقرا عنوان البوست ده وأزوغ منو !!! ما عشان ما باكلو لكن بس منتظر الملاح يمرق والكسرة تكون بقت بايتة ومجهز شطتي الخدرا الما خمج.

    الواحد جاي من برا خشمو يمطق ، هسع التقول عاصرين ليمونة في خشمنا!!! الله لينا نحنا العزابة

    نقول ملاح الويكاب نلقاها مرقت في السلج ... وفي الأم كرم كرم تخصصنا نحنا ناس سنجة وناس النيل الأزرق زي ما قال أخونا عصام جبرالله. وأخونا الفوق ما قصر في الفهم والقعدة وجو المطرة والسمنة وااااااااااااااااااع... غايتو ما عارف لكن إنشاء الله باكر دي أنا صابح شبعااااااااااااااااااااان كده ملاحات (والفاتنا في البوست ما بفوتنا في حلمنا) والحمد لله مقدماً .
                   |Articles |News |مقالات |بيانات

03-05-2006, 02:24 AM

newbie

تاريخ التسجيل: 04-02-2002
مجموع المشاركات: 797

للتواصل معنا

FaceBook
تويتر Twitter
YouTube


Re: ملاح الويكاب (Re: Omar Elshowaya)

    سلام يا جندرية
    Quote: ونحن جلوس نغسل في العدة ونرجئ قدر الامكان غسيل حلة ملاح الويكاب

    هذا ما يسمى بالموكأ , وهوما كثرت ويكته وكانت في كامل لياقتها ولم تكن عاولة
    والله ده اجمل إرجاء سمعته منذ زمن بعيد
                   |Articles |News |مقالات |بيانات

03-05-2006, 02:28 AM

محمود أحمد أبوشرا
<aمحمود أحمد أبوشرا
تاريخ التسجيل: 18-09-2005
مجموع المشاركات: 131

للتواصل معنا

FaceBook
تويتر Twitter
YouTube


Re: ملاح الويكاب (Re: الجندرية)

    الجندرية سلام
    ملاح الويكاب هو أول ملاح كيماوي في العالم. وأنا شاهدت أماكن تصنيعه زي ما قالت بت الحسين في قرية(عد الخضر) بالقرب من رفاعة وهي مصانع أشبه بالمفاعلات النوويةبس المصيبة يقوموا يضربوها صواريخ.
                   |Articles |News |مقالات |بيانات

03-05-2006, 02:39 AM

منصوري
<aمنصوري
تاريخ التسجيل: 28-09-2003
مجموع المشاركات: 2366

للتواصل معنا

FaceBook
تويتر Twitter
YouTube


Re: ملاح الويكاب (Re: الجندرية)

    جندريتنا إزيك...
    يقول ليك فلان ده(عربي جزيرة ساكت) ليه ماتراهو عشان الحاجات دي..قصب ورماد.. وإنت ماك بعيدة من هذه المركب..
    ...........
    لكن اقول ليك حاجة؟ جربتو والله.. بجد يستحق إفراد بوست.. وفعلاً غسيل عدتو يكره الحياة زي ما لاحظتي إنت ملاحظتك الدقيقة خاصة الحلة العملوهو فيها... وغسيل العدة هذا الشهر على أنا..حسب القائمة المطبخية الجديدة ومشاركة ومؤازرة في الحياة.. وجربناه هذا ال.. ويكه..اب.. شكري
                   |Articles |News |مقالات |بيانات

03-05-2006, 03:43 AM

nile1
<anile1
تاريخ التسجيل: 11-05-2002
مجموع المشاركات: 2747

للتواصل معنا

FaceBook
تويتر Twitter
YouTube


Re: ملاح الويكاب (Re: منصوري)

    السلام للجندريه....البنيه الفنجريه
    Quote: والويكاب من الرماد

    ناس البندر بخموا الرماد وإنتو هناك بتاكلوه؟؟..طيب دا برضو بتاكلوه قبل رمضان بيوم؟؟
    خم الرماد معروف حرام..بس أكله داير ليهو فتوى...ودي مابقدر ليها إلا الشيخ بدر الدين شنا
    تحياتي

    الزاكي
                   |Articles |News |مقالات |بيانات

03-05-2006, 05:07 AM

أحمد الشايقي
<aأحمد الشايقي
تاريخ التسجيل: 08-08-2004
مجموع المشاركات: 14385

للتواصل معنا

FaceBook
تويتر Twitter
YouTube


Re: ملاح الويكاب (Re: الجندرية)

    أنا بصراحة منتظر متين ينتهي بوست ملاح الويكاب



    عشان نبدأ موضوع

    مـــلاح النعيميـة,



    يسـوى كتير ملاح النعيميـة,


    يلا سلام


    أحمـد
                   |Articles |News |مقالات |بيانات

03-05-2006, 12:18 PM

EL fahal Abdelatif

تاريخ التسجيل: 04-12-2004
مجموع المشاركات: 1082

للتواصل معنا

FaceBook
تويتر Twitter
YouTube


Re: ملاح الويكاب (Re: أحمد الشايقي)

    شكرا للجندرية ...
    اخيرا الواحد لقى common ground تفتح النفس

    الويكاب ياسادة هو ملك اللايوق بدون منازع
    Wake up is the king of lay oooooogh
    وسمى الويكاب..لان انواعه العديدة تنتمى لقبيلة الويكة..وهى القبيلة المسيطرة على مائدة اهل السودان
    وافضل انواعه ويكاب الدخن ..يعنى المعمول من قصب الدخن.والويكاب من غير سمن بلدى زى المكشن بلا بصل
    الويكاب رفيق العصيدة الازلى...الاستثناء الوحيد ..هو الرهيفة الجاية حارة من الصاج...
    وطوبى لمحبى اللايوق فلهم فى الويكاب مثلا اعلا....
                   |Articles |News |مقالات |بيانات

08-05-2006, 02:40 PM

Siddig A. Omer
<aSiddig A. Omer
تاريخ التسجيل: 06-04-2005
مجموع المشاركات: 3818

للتواصل معنا

FaceBook
تويتر Twitter
YouTube


Re: ملاح الويكاب (Re: EL fahal Abdelatif)

    Quote: * الويكاب : جاء في قاموس اللهجة العامية لبروف عون الشريف قاسم ، أن الويكاب " رماد القصب المحروق يعمل منقوعاً بالماء مع اللبن أو الماء وكلاهما يضاف له البامية الناشفة مسحوقة او اللوبياء فيصير إداماً . وهي مكونة من مقطعين ويكة والمقطع البجاوي آب الدال على المفعولية . قال العبدلابي : ويكابو في السوايب مكمد ". قاموس اللهجة العامية في السودان ، ص 1065.


    انتظرهــا كل عام.....تاتى الينــا تحمــل خيرات بلادى...و تقول "جبته ليكم معاى دقيق كسرة" بالرغم من أننى الح على أخوانى" رجاءاً... لا أريد أى شىء من السودان أى حاجة متوفرة هــنا" بالرغم من ذلك تاتى الينــا محملة بالخيرات , أفاجــأ فى أول "جمعــة" من حضورهــا بأن الفطور جـــاهز الساعة 8 بالضبط يزينه الويكــاب...فهى تعرف باننى أحبه كمــا احبهــا...ربنــا أمد فى ايامك واديك العافية يا أعظم والدة......

    شكراً الجاندرية على المعلومة...كنت أظنه حجراً مجهول الهويـــة...

    صديق-الدوحــة
                   |Articles |News |مقالات |بيانات

09-05-2006, 00:48 AM

domdom

تاريخ التسجيل: 04-12-2004
مجموع المشاركات: 422

للتواصل معنا

FaceBook
تويتر Twitter
YouTube


Re: ملاح الويكاب (Re: الجندرية)

    الجندرية
    سلام عليكم
    شوفي يا بت الناس مما فتحت البوست بتاع الويكاب ده انا حصل لي فتح ويكابي
    يعني لو ما فطرت بي ويكاب اتعشي بيهو
    عليك الله افتحي ليك بوست بتاع قروش كتيرة و لا بيوت فخمة نقوم نشارك فيهو يحصل لينا فتح نملا جيوبنا و لا نسوي لينا ضظل لي ولديتنا
    اها رايك شنو و شيخك منو
    سلام
                   |Articles |News |مقالات |بيانات

09-05-2006, 10:41 AM

saif massad ali
<asaif massad ali
تاريخ التسجيل: 10-08-2004
مجموع المشاركات: 19127

للتواصل معنا

FaceBook
تويتر Twitter
YouTube


Re: ملاح الويكاب (Re: domdom)

    الجندريه

    الويكاب اكل الشيوخ عندنا في السودان

    اخر مره اكلت الويكاب مع شيخ عبدالرحيم البرعي عليه رحمة الله
    في المانيا قدمه لنا الشيخ عفيف الشيخ المبارك من ابناء مدينة طابت


    بس لم اكل ويكاب مضاف الي مكوناته بصل
                   |Articles |News |مقالات |بيانات

09-05-2006, 02:53 PM

شادية عبد المنعم

تاريخ التسجيل: 24-08-2005
مجموع المشاركات: 1298

للتواصل معنا

FaceBook
تويتر Twitter
YouTube


Re: ملاح الويكاب (Re: الجندرية)

    اسة يا الجندرية يعني ملاح الويكاب ده ملاح رماد؟؟
    أسة أنا أقول بسم الله وأقوم آكل لي ملاح رماد؟؟

    بشهد الله ما في اي استعلاء طعامي نحنا من مناطق مهمشة لكن سمعت بيهو لي سنة وأنا أقدم من الكسرة المرة
    وبعد داك اتمنيت من باب السودانوية اضوقوا واتعرف على الأخ
    يطلع ملاح رماد؟؟
                   |Articles |News |مقالات |بيانات

09-05-2006, 04:26 PM

Imad Khalifa
<aImad Khalifa
تاريخ التسجيل: 26-11-2004
مجموع المشاركات: 4385

للتواصل معنا

FaceBook
تويتر Twitter
YouTube


Re: ملاح الويكاب (Re: شادية عبد المنعم)

    الأخت/ أماني وضيوف ملاح الويكاب الكرام
    السلام جاكم

    جابتنا ريحة الويكابة قلنا ندخل. أتمني ان تواصلي ايها الجندرية في تعريف الحناكيش و الحنكوشات بثقافة الملحات (بكسر الميم) التي تعج بها مناطق وسط السودان بصفة عامة والجزيرة بصفة خاصة.

    هناك أيضا ملاح التمليكة وملاح البصارة من الملحات التي تحتاج شيئا من الوصف ومن ثم اضافتها الي قواميسنا العامية ان لم تكن مضافة.

    Quote: وبعد داك اتمنيت من باب السودانوية اضوقوا واتعرف على الأخ
    يطلع ملاح رماد؟؟


    الأخت شادية الشي مو كلو رماد، الرماد يعني لزوم الطعم وتحديق الملاح. وبعدين ما تنسي انو رماد مصفي ومنقي بعناية فائقة.

    أرجو ان يستثني هذا البوست الظريف من الأرشفة.

    تحياتي

    عماد خليفة
                   |Articles |News |مقالات |بيانات


[رد على الموضوع] صفحة 2 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de