|
|
 Re: أُغنيــــــات الإبتهــــــاج ... (Re: عبدالله داش)
|
إنحياز ..؟؟
إدّلي..
كلفّت القمر ينزل معاك
مستني شمسك..
لما يتهاوي المغيب..
منحاً جميلاً ..
عندما يزهو الربيع مُتّجلي..
والندي يعتلي ثغر الصباح ..إتدّلي..
شاخت اُمسيات الليل شخير
يا ملكه هشيتي النحل..
في السكه تاورني الغبار..
تاوقني حُلمك..
إنبهار الشوق طمح ريحة الكمأ..
ياسوده..!!
يا تتدّلي يا خليني أصعد ليك سما..
ما النسمه تختصر التوقع..
لما يستبرق سحاب الغيم هما..
كيفن.. تعداك السؤال..؟
محتاج تجادلني الشكوك..!!
جيت أستخيرك..
شُري ضيمك في هواي..
أصلي محتاجك توجع وأستشيرك..
عن محطات الجدل
تكرار طيوفك..
سر غموضك..
وإنسلاخ الضو خزق طرف العمر..
كسبان رهانك بالحضور.. الإشتهاك
لمحتي للضل شبّهِك..
صهينتي..
ما تناديني .. لو غرق البحر..
غريّتِي ليه..؟؟
كشمتي عارفك إستفزاك الِضحك..
قرقرتي فكرة تلحك روحي وتجيك..
سوده ..ومميزه ..بانحياز...!!
كيفن..تغالطي الإرتباك..؟؟
أنا جيت أبادلك إستراق الشوف جموح..
أهديك ما أملك فداك
أهديك عقديني المعاك
أو باقةٌ.. من كل ما ينضب عبير..
سندياناتي سوامق شامخات
لا الريح تثنيها..
ولا يجدي البكاء..
لا الحزنُ يمتهن الفرح..والأُمنيات
( يا سوده هل لك إشتهاء..؟؟)
الفيزياءُ تفاعلت سراً..
يرتجع البصر ..
كان سوده تتلون..
يا بنيه لما الليل سجعّ..
شوفي النجوم في المويه
في شطك ودِع..واقع
إذا أحصوه ما تعدا..
وشكلك فيني عالم تاني..
منتظرك خطاوي تكرفس المُدّه..
أنا منك ..وريدك كل شراينك ..أريدك
أنا منك..
قليبك كيف يصادر مني ..
ما سويتي بي إيدك..؟
هرجلة الكلام ..
والليل يطشش..إحتمالات الكسوف
والضلام.. كومة عويش الخوف..
فِكّي عضامي.. ودري فيني
حاجات تعرفا العرافه جارتنا..
رتقتّي الفضل..
الشروخ بعد المسافه
غنيتي طار مني النعاس..
جلجلتي ..
آآآه منك بريدك يا مجندل بالأرق يا مُحتمل
غيرتي زمن الصوت صدي..
شريتي دمع الريده..
غنيتك نشيدك..
شن..تستني.. إتلافيّنِي
آآآه منك..
ما تعايني المرق بالسرقه الشوف
إلي مرسي هبوب الريح..
مراكبيه.. وبحر..
والقصه في ترحال قنيص اللحظه..
غيمه ... ومستحيل..
جيتك أصابق إنتظاري الجاي
من عمر لمسافه وسكتك
ما تفسري الليل.. الضلمه العتمه..
كبسولة نعاس مخزونه..
في ضهر الصبح إشراق..؟؟
إحتمال أمسح دموع القمره
بي منديل عقاب الليل..
خيوطك ناسيه تسليط التوهج فيك..
ما تتدلي ..حلفتك صباحك وين..
ولونك فيكِ ممتميز .. وآآآه منك..وأنا منك..
|
|
 
|
|
|
|
|
| العنوان |
الكاتب |
Date |
| أُغنيــــــات الإبتهــــــاج ... | عبدالله داش | 04-23-07, 01:12 PM |
 Re: أُغنيــــــات الإبتهــــــاج ... | نهال الطيب | 04-23-07, 06:52 PM |
| Re: أُغنيــــــات الإبتهــــــاج ... | عواطف الطيب حسن | 04-23-07, 07:31 PM |
| Re: أُغنيــــــات الإبتهــــــاج ... | عبدالله داش | 04-26-07, 10:48 AM |
| Re: أُغنيــــــات الإبتهــــــاج ... | عبدالله داش | 04-26-07, 10:55 AM |
| Re: أُغنيــــــات الإبتهــــــاج ... | عبدالله داش | 04-26-07, 05:37 PM |
| Re: أُغنيــــــات الإبتهــــــاج ... | عبدالله داش | 04-27-07, 11:00 PM |
| Re: أُغنيــــــات الإبتهــــــاج ... | عبدالله داش | 04-29-07, 11:07 AM |
| Re: أُغنيــــــات الإبتهــــــاج ... | تماضر الخنساء حمزه | 04-29-07, 11:19 AM |
| Re: أُغنيــــــات الإبتهــــــاج ... | عبدالله داش | 05-01-07, 07:43 PM |
|
| |
فيس بوك
تويتر
انستقرام
يوتيوب
بنتيريست