كتب الكاتب الفاتح جبرا المتوفرة بمعرض الدوحة
|
|
 Re: ساطور يا روعه يافنان (Re: محمد زمراوي عبدالعزيز)
|
في مرة من الـمرات مشينا مع ساطور حفلة أنا وصديقي (الـمهبلس)يعقوب احمد عبدالرحمن وما كان عندنا غرض غير ما نضرب الويسكي والعشاء.. الحفلة كانت في نـمرة إتنين.. وكان بيغني فيها أحمد الـمصطفي.. فطال الغني لأنو البنات نجف..فذهبنا إلي ساطور خلف الكواليس وقلنا ليهو همزا ولـمزا(ينعل دينك الويسكي إنشطف والعشاء...] فمـا كان من ساطور إلا أن يرفع درجة (التون)التي كان يعزف عليها..فتعب صوت عمنا أحمد الـمصطفي..وإستكان الجمال رابضا..وإستمتعنا نحن مع ساطور بـمقولة(والباقي له)
| |
 
|
|
|
|
|
|
|
|
Re: ساطور يا روعه يافنان (Re: شتات)
|
Quote: الاستاذ الفاتح يسن ..
وكل أصحاب الحضرة الموسيقية ..
كنَّا عندما تصيبنا الأحزان وتفرد ظلالها السوداء ..
أو ..
عندما تعترينا غاشية الأفراح وترفرف حمائمها البيضاء ..
أو ..
عندما نتوَهَّم أننا عشَّاق غرقى في العيون الزرقاء ..
أو ..
عندما تمزقنا نبال الوحدة ..
..
عند احتراق الأشواق ..
أو ..
عندما نتوه وكل الطرق تؤدي بنا إلى الوراء ..
..
عندما تضيع رسائلنا على البريد .. أو أسلاك الهاتف .. أو على أثير الفضاء ..
..
عندها ..
كنَّا نلجأ بلا تفكير إلى أبي علاء .. أحمد ساطور في داره العامرة في مدينة الرياض .. دار من أهم ساكنيها العود والكمان والأورغ .. يستقبلنا أبوعلاء بذراعين كالنيلين الأزرق والأبيض .. يحدثنا عن وردي وابواللمين وموصلي وأبوعركي .. وعن موسيقى الحياة ..
أبو جهينة .. أحمد سعيد قرنفل .. محمد الشيخ .. معتصم .. وتمبس أو تُمبوس كما يحلو لساطور أن يسميه ..
كنَّا نذهب هناك فتذهب الآلام والأحزان في إجازة ..
كان ذلك قبل أن تأخذه بلاد اليانكي بين ليلة وضحاها .. وتحتكره بين المحيط الهادي والأطلنطي .. مثلما تحتكر المفكرين والفلاسفة والمبدعين .. مثلما تحتكر الحرية والعدالة وتبيعها في السوق السوداء ..
كنَّا نجد في صيدليته الموسيقية كل أنواع الدواء ..
كنَّا نلقي عليه اللوم مراراً .. وكان يعدنا دائماً بتسجيل اسطوانة .. لكنه مضى ومضى معه العتاب ..
التحية لك استاذنا الفنان الفاتح يسن ..
التحية لاستاذنا أحمد ساطور ..
والتحية والسلام عبركم للأخ العزيز الكروان يوسف الموصلي ..
صلاح / شتات |
ما هذه السيمفونية يا أبو صلاح؟ والله وشوقى لكم لا يوصف ولتجمعنى الظروف مرة اخرى ببورداب الرياض
| |
|
|
|
|
|
|
|
|
 Re: ساطور يا روعه يافنان (Re: Manar Mahsoub)
|
العزيز الاستاذ الفــاتح يس:
جميل انك قدرت تستنطق لينــا أبو السواطير .. القاعد معاناكم سنة هنــا وما قدرنــا نطلع منو بي حاجة مؤثقة جميلة زي الشغل الفوق ده .. بإستثنــاء بعض الليالي .. واللحظات الجميلة مع الأخـوة القالهم شتات .
لساطــور وسميي عــلاء وأم عــلاء معزة خالصة بداخــلي .. وكانت ايامهم هنــا لاتنسى وستفضل منحوته في ذاكرتي.
أمــا الاحساس العالي ابو السواطير .. فده دنيا براهــو .. كنا بنقعد معاهو وانا تحديدا بشكر اللحظات السعيدة الجمعتني بيهو وجها لوجــه .. مع حكاوي الفرقة الماسية واشياء تخصني عن عمــر منصور شقيقي الذي افتقده منذ سنين طويلة . . فكم اعاد لي ذكرى ايام جميلة قضوهــا معا وقفشات عن البعض ...
حبيت اشارك يا الفاتح بي عمــل بالرغم من إني عارفه ذكراه مؤلمة بالنسبة ليكم .. مع مرور الزمن .. وما اخد معاه من أيام جميلة مع الأخــوة تفرقت بينهم السبل .. وبعدت بينهم الأيام:
حفــلة عـدن .. وهي أجمل ما قدمت الأستاذ محمد وردي من أعمال فنية خارجية ستظل محفورة في مخيلة ووجدان الشعب السوداني .. والشعب اليمني الشقيق والشعب الأثيوبي الذي يحفظ الود كامله للاستاذ محمد وردي ...
يظهــر في العمل إن لم تخني الذاكرة:
الاستاذ ساطــور على الأورغ في صولو جميل مع الأستاذ شاكــر عبد الرحيم
صاحب البوست .. الفاتح يس  على الجيتــار .
والأستاذ حمد إسماعيل على الباص جيتــار .
عوض رحمـة على الكمان
الراحــل عبد العزيز عصفــور على الأكورديون ..
وعبد الهــادي .. على الفلــوت .
وأحمد عثمــان ( أحمد ( دو) ) على الترامبت ..
هاشم هريدي .. على الإيقــاع ..
وعمر ميشيــل على الكمــان ..
عمر منصــور + عمر فتح الله .. على الكمان ..
وكويس انو الواحد قدر يصطاد تلاتة عصافير بي حجــر .. ( الفاتح يس + ساطــور + حمد إسماعيل )
( كنــت عامل لينا فيهــا ( مخنفس ) يا ســاطور ؟؟
يا استاذ أزهــري ازيك ياخي .. والله مشتاق ليك تحياتي للمدام .. وللصغنطوته الكنت قاعد اشيله ايام بيت المورده الورى نادي الفنــانين طبعا نسيت اسمه 
لكن الما بنساهـو .. انكم كنتو حقارين خالص بترسلوني اجيب السجاير من ماثيــو في شارع الظلط بتاع المورده .. البفتح كــدا على الحديقة .. وانا الوكت داك بكون عايز ( أخرمج ) في البيانـو الكلاسيك الكان في الغرفة البي جــاي متذكـــر والا كمان نسيت ؟ 
| |
|
|
|
|
|
|
|
|
 Re: ساطور يا روعه يافنان (Re: tmbis)
|
سوووري يا جمــاعة
الظــاهر لي الفــاتح يس على الباص جيتــار .. ما حمد اسماعيل ..
حمد الظاهــر لي في حفلة الكويت .. والا وين متذكــر .؟!
المهم لفحــتو من مكان لكن ما متذكر ..
صححوني لو في خطــأ.. علشانما اكون قاعد اخرمج ساكت..
| |
|
|
|
|
|
|
|
|
|
Re: ساطور يا روعه يافنان (Re: tmbis)
|
شكرا تمبس ياعزيزي صحيت فينا ذكريات حلوة الفرقة الموسيقية بقيادة الاستاذ عمر ميشيل عوض رحمة رياض صديق الطيب عمر فتح الله عمر منصور كمنجات الراحل عبدالعزيزعصفور اكورديون هاشم هريدي ايقاع احمد دو طرمبه عبدالهادي فلوت ساطور اورغ شاكر جيتار وشخصي الضعيف على الباص جيتار وقريبا نزود بصور الرحلة
| |
|
|
|
|
|
|
|
|
|
Re: ساطور يا روعه يافنان (Re: الفاتح يسن)
|
الاستاذ الفاتح يسن سلام.. بلهى احمد ساطور عجوز كدة الزول قالى عمرى 37 سنة
| Quote: الاسبوع الاول من سبتمبر 78 بداية الدراسة بالسنة الاولى معهد الموسيقى والمسرح |
| |
|
|
|
|
|
|
|
|
|
Re: ساطور يا روعه يافنان (Re: ترهاقا)
|
| Quote: بلهى احمد ساطور عجوز كدة الزول قالى عمرى 37 سنة |
شنو يا ابو السيوف داير تطلعنا عجايز ما تقلب الحقايق ده إنت القلت لى
ليك فى امريكا 37 سنة وعندى شهود (عبد المنعم قاعد )
ووين طلاتك يا راجل ؟
| |
|
|
|
|
|
|
|
|
 Re: ساطور يا روعه يافنان (Re: الفاتح يسن)
|
سلام أستاذ الفاتح ..
وشكراً على هذه الإستراحة الحلوة مع الزول الفنان ساطور ..
وكويس إنك قدرت تطلع لينا المستخبي منه ..
لقد قضيناً معه فترة جميلة هنا في الرياض وغيابه ترك فينا أثراً كبيراً ..
نتمنى ليهو التوفيق وأسرته وأن نلتقي على أرض الوطن إن شاء الله ..
لكما التحية مجدداً وكل الحب ..
| |
|
|
|
|
|
|
|
|
|
Re: ساطور يا روعه يافنان (Re: اساسي)
|
السيد اســــــــاسى الاساسى
تشكر يا ملك
طلة ذات أشجان
ادونا اضانكم نملاكم حنان
من عبرى لى جدة لى امدرمان
وكمان سلامنا للبنية وللمدام
وأرقد عافية
| |
|
|
|
|
|
|
|
|
|
Re: ساطور يا روعه يافنان (Re: الفاتح يسن)
|
سيد البوست ود يس و عازفنا الروعة الفنان ود ساطور لا محال دافعين يعنى دافعين عليكم غرامة الف دولار و مقطعين .. ابو علاء حتى لو دندنه على خفيف نحن موافقين بدل ما ترد على الناس بالكلمات رد عليهم بالموسيقى و لكل زول مقطع ... اعملو حسابكم البوست ده حيشفط الوراكم و القدامكم ... قولتو شنو ؟؟؟
| |
|
|
|
|
|
|
| |
abdalla elshaikh
الفاتح يسن
ترهاقا
شتات
tmbis
Saifeldin Gibreel
معتصم دفع الله
اساسي
فيس بوك
تويتر
انستقرام
يوتيوب
بنتيريست