|
|
|
 Re: ساطور يا روعه يافنان (Re: الفاتح يسن)
|
الاسبوع الاول من سبتمبر 78 بداية الدراسة بالسنة الاولى معهد الموسيقى والمسرح العمارات شاب بشوش وبداية التعارف بالزملاء اهلا مرحب اسم الكريم الفاتح يسن وانا اسمي احمد محمد عثمان يامرحب سالني الاخ من وين من الشمالية من وين في الشمالية من صواردة ابتسم وعلى طول غير الموجه من العربي للرطانه وابتسامة الطمانينه وبالرطانه ياخي مادام بترطن مالك شابكني عربي ناشف كده وجرت الونسه وطلعنا قرايب وبدات رحلة النغم وساواصل شكرا ساطور صحيت في نفسي الوجود بميلك هذا الصباح وساسرد رحلتنا باستفاضة لنجتر الذكريات وماتبخل علينا وجرابك مليان ابداعات
| |
 
|
|
|
|
|
|
|
|
Re: ساطور يا روعه يافنان (Re: الطيب بشير)
|
الفاتح
تحياتي يا فنان
جات في وقتها و الله
نفتقد هذا القامة بحق هنا بالرياض
ساطور ... أنا حسع قاعد في نفس المكان .. و نفس الملامح و الشبه
تحياتي للأسرة
شكرا الفاتح و تحياتي للأسرة
| |
|
|
|
|
|
|
|
|
|
Re: ساطور يا روعه يافنان (Re: الفاتح يسن)
|
الاخ الفاتح سلام، الفنان ساطور تخرج امامنا من عطبرة الثانويه ، زاملنا لعام واحد فى الداخلية ،كان قمة فى الرقى والتهذيب ، عزف لوردى الصغيربالمدرسة . ان لم تخنى الذاكرة، كان صاحب شعار اليوبيل الفضى لعطبرة الثانوية،(عطبرةالثانوية وفاء وزمان مسرة) .
| |
|
|
|
|
|
|
|
|
|
Re: ساطور يا روعه يافنان (Re: الفاتح يسن)
|
ايه ساتور ؟ازيك يالفاتح
( انا عارفك يافؤادى
طال عذابك واسهادى
وا شقاى انا واعذابى،
يالنسايم احكى الغرام
ودي ليهم منى السلام
قولو ليهم طال الخصام
قل نومى وعز المنام
وين اشوفك وين يا ضنين
يالفراقكم ليهبالسنين؟
لوعرفت حبيبك امين
ما بتمشى تفوت بالسنين )
حبيبنا الفاتح تسلم ومنتظرين حبيبنا ساطور
| |
|
|
|
|
|
|
|
|
|
Re: ساطور يا روعه يافنان (Re: الفاتح يسن)
|
الفاتح يس سلام
اشهد انك من اهل الوفاء
هذا الاحمد لا زال يدهشنا
انه محطه خاصه فى مسيرة عزف الاكورديون فى السودان
فشهادتنا سوف تكون مجروحه لاننا من المعجبين وهو استاذنا
وكنا تلاميذ كورال ننشد خلف الاستاذ وردى
فكان خير معين لنا ويبادلنا الابتسامات والاقتراحات
اظهر يا استاذ والله الواحد اجى اوحكى مشاهدات من داخلية خليل ومحطة سبعه؟
انور عبد الرحمن
ابو غيداء
| |
|
|
|
|
|
|
|
|
|
Re: ساطور يا روعه يافنان (Re: الفاتح يسن)
|
الفاتح يس سلام
اشهد انك من اهل الوفاء
هذا الاحمد لا زال يدهشنا
انه محطه خاصه فى مسيرة عزف الاكورديون فى السودان
فشهادتنا سوف تكون مجروحه لاننا من المعجبين وهو استاذنا
وكنا تلاميذ كورال ننشد خلف الاستاذ وردى
فكان خير معين لنا ويبادلنا الابتسامات والاقتراحات
اظهر يا استاذ والله الواحد اجى اوحكى مشاهدات من داخلية خليل ومحطة سبعه؟
انور عبد الرحمن
ابو غيداء
| |
|
|
|
|
|
|
|
|
|
Re: ساطور يا روعه يافنان (Re: الفاتح يسن)
|
الناس الحلوين بقيادة الفنان الفاتح
تعرفوا لو كنت بعرف إنى عندى جمهور كدة كان نزلت ليكم فى الانتخابات الامريكية ،
وأنا عارف طبعا رفيق الدرب الفاتح داير يرفع من روحى المعدنية وضرب عصفورين بحجر
أولا استطاع ان يخفف عنى غبار الغربة ، وثانيا جمع كل الاحباء من زملاء الدراسة وأساتذتى الاجلاء وزملاء وزميلات
المنبر فى حوش واحد وإتخيلت نفسى قاعد فى حوش معهد الموسيقى نضرب الفول بالشطة او بالاحرى الشطة بالفول من
اخونا بكرى ، وضحكة من هنا ونكتة من هناك يا لها كانت ايام اتحفرت فى العظام ولنا ذكريات كثيرة سأحاول أن
اسكبها هنا لو لم تخنى ذاكرتى الخربة
الدكتور شهاب
ود المايقوما
الحبيبة عادة وإنشاء الله الدكتوراة يا رب
جنابو الطيب بشير
عمدة الرياض ابو جهينة
ابورزقة المشاغب
صاحب الانامل الرقيقة أزهرى
رفيق الدراسة هجو
كاتبتنا الكبيرة سلمى ومبروك العضوية فى مع الكتبة الامريكان
الاستاذة نهال الطيب
حضرة القاضى زمراوى
الدكتور يس (ابو سامى)
المخرج الذى ضل طريقه لكاليفورنيا سمعة
الصديق حاتم هاشم
استاذى واستاذ جيل كامل من الموسيقيين البارعين (الموصلى) .
لكم حبى وشكرى على كلماتكم التى اثلجت صدرى وربنا يقدرنا على إرضاء سمعكم الراقى والذى سيكون حافزا لى
لتقديم المزيد.
| |
|
|
|
|
|
|
|
|
|
Re: ساطور يا روعه يافنان (Re: ترهاقا)
|
واخيرا ظهرت ابوعلاء كيفك والمدام وبعتذر لعدم الاستئذان قبل كتابة البوست ولكن الاعمال الجميلة يزداد جمالها عندما يستمع اليها اكبر قدر من السميعه وماتبخل واحكي عن تجربتك من تبج حتى كاليفورنيا ولو داير من ينشط ذاكرتك جاهز حتى اخر حفلة كنا سويا جدة 84
| |
|
|
|
|
|
|
|
|
|
Re: ساطور يا روعه يافنان (Re: Elmosley)
|
الفنان للنخاع أنور
وين الحى بيك يا راجل ؟ وإنشاء الغربة ما تكون غيرت إبداعاتك ؟ علمت إنك كنت
فى هولندا تقريبا وتانى قالوا رجعت السودان ينى متابعك ، ومحطة سبعة
خليها ساكت دى فيها شمارات كبار كبار
والله ليك وحشة وسلامى لى غيداء والمدام
| |
|
|
|
|
|
|
|
|
|
Re: ساطور يا روعه يافنان (Re: الفاتح يسن)
|
يسن صواردة
وساطور تبج
ما خلاص كملتو الفرح كلو
تعالوا يا عالم يا هوووووي
وشوفوا قامات النوبة
أرفع قبعتي وانحني تعظيماً لكما
وأنخيخ لجام بعيري لاتزود من معين فنكم
مسكاقجلو
عافيلقو
| |
|
|
|
|
|
|
|
|
|
Re: ساطور يا روعه يافنان (Re: حمد اسماعيل)
|
ألفاتح يسن...تتذكر لا من كسرت ألآة التشيلو...وكان ساتور بيهنس فيك وبقول يافاتح دي ما مشكلة(وبعد داك ترطنو..ويعقوب الـمهبلس..يمسح صلعة ساتور من العرق).. سوف أرجع لهذا البوست ريثما أرتب علب الذاكره
| |
|
|
|
|
|
|
|
|
|
Re: ساطور يا روعه يافنان (Re: abdalla elshaikh)
|
كارلوس وينك يا زميل موضوع الشيلو استعاده دكتور محمد سيف حين زرت المعهد قبل عامين وغرقنا في الضحك واجترار الذكريات الجميلة الموضوع ومافيه انو استاذ الشيلو مستر هام ضغطني ضطة شديدة في مقطوعة شغال فيها اكثر من اسبوع اديت المقطوعة كشر وهمهم اوقفني وقفنا في البلكونة وكانت هناك عمارة قبالة مبنى المعهد اشر ليها وسالنى ماتلك قلت ليهو عمارة ما مشطبة قالي شغلك زي العمارة تشتيب مافي عدنا للمكتب وبدات العزف يبدو اليوم داك كان مزاجو مش كده اوقفني ومسك اصبعي وحكاه مع الحيطة حتى ادمت تالمت وصحت في وجهه ماداير شيلو ورفعت القوس وصادف المروحة وانكسر وطلعت على الحلة الجديده اعتكاف اسبوعين وهناك تدخل ساطور وبعض الاخوة وتحانيس واعتذر لي مستر هام وبرضو تحانيس منو وبعدها نشات علاقة عاطفية بيني والشيلو وتقوى كلما استمع لييوما عازف الشيلو الفذ
| |
|
|
|
|
|
|
|
|
|
Re: ساطور يا روعه يافنان (Re: حمد اسماعيل)
|
حمد يا جميل نعم احكي فانت رمز من رموز المرح في هذا الوسط كيف الصحة هل مازالت تورنتو غارقة في الثلوج سلامي للشباب مع الصيف رسل لي تاشيرة زيارة على كفالتكم
| |
|
|
|
|
|
|
|
|
|
Re: ساطور يا روعه يافنان (Re: الفاتح يسن)
|
Quote: التحاياالعاطرات لهذا الساطور الساطور
لا زلت احتفظ بهذه الزكريات الجميله والايام الحلوه
التى جمعتنى بهذا الساطور سوى ان كانت فى السودان او خارجه
بسبب ساطور و ود العكام(جيتار) فى حفلة واشنطن لاننا بنقيف فى الخلف
حلقته راسى صلعه زيهم علشان ما اخرب ليهم الرصه
طبعا مافى زول لاحظ الحاجه دى
|
الدليل على صحة كلم الأستاذ حمد أسماعيل ... امشو شوفو شريط الحفلة بتاعت واشنطن ...
LoooooooooooooooooooooooooooooooooooL
الأستاذ الفاتح يسن واصل في الحديث
| |
|
|
|
|
|
|
|
|
|
Re: ساطور يا روعه يافنان (Re: الفاتح يسن)
|
الأخ/ الفاتح
شكرا على البوست
والتحية لقريبى وإبن الدفعه من عبرى إلى عطبرة الثانوية 0
أذكر فى عطبرة الثانوية وفى إحدى المهرجاتات أذهل الحضور بالعزف على (7) آلات موسيقية وضعها أمامه ، وكان يعطر ليالى عطبرة مع فنانيها وكان عازف أساسى فى بدايات ظهور وردى الصغير ( عبداللطيف ) 0 ولا ننسى عزفه على الطمبور فى عبرى 0
لا أدرى لماذا يبخل علينا من إبداعاته ونحن الذين تفائلنا خيرا عند حضوره للرياض وفجأة سمعنا بسفره 0
التحية لك وللأخ ساطور ونأمل أن نسمع المزيد 000
| |
|
|
|
|
|
|
|
|
|
Re: ساطور يا روعه يافنان (Re: عبدالأله زمراوي)
|
الأخ الفنان الفاتح يسن
تحية وود
وللأستاذ ساطور محبة صادقة وإعجاب حد الإحساس..
كنا نتابع حفلات الأستاذ محمد وردى لنملأ الأحساس من جميل الموسيقى وذلك الأكورديو الأنيق..
ولم نلحق بالعمارات ولا داخلية الديم ومحطة سبعه ..
وكنا نغتفى الأثر بإحساس ينمو ويتكون..
لكم التحية والحب
عبدالعزيز خطاب
| |
|
|
|
|
|
|
|
|
|
Re: ساطور يا روعه يافنان (Re: عزيز)
|
| Quote: ولم نلحق بالعمارات ولا داخلية الديم ومحطة سبعه |
العزيز عبد العزيز خطاب
لا إنت وصلت العمارت والديم ومحطةو سبعة من بدرى ، فما هذه المحطات إلا
محطات موسيقية وفنية يحط بها كل موسيقى وفنان
وشكرا للطلة القيمة
| |
|
|
|
|
|
|
|
|
|
Re: ساطور يا روعه يافنان (Re: عبدالأله زمراوي)
|
مره فى حفله من حفلات نادى الضباط وكان فيها
هذا الساطور و المبدع المرحوم عبد العزيز عصفور(رحمه الله)
وعلى كل واحد منهم ان يعزف فاصل,انتهى المرحوم عصفور من فاصل
وجا دور صاحبنا ابو عضلات ولمه فى الاكورديون ( اسكاندالى) بتاع عصفور
وهاك يا نفخ كان بيجر القربه بتاعت الاكورديون للنهايه ويرجعه لما تطقطق
فى نفس الوقت عصفور واقف بجانب المسرح ولانه قريب منى قال لى : اسمع (بكسر الالف)
كلم ساطور قول لو براحه على البتاع دا هو اصلو الحاصل ايه يعنى .
ساطور منسجم و الصلعه عرقانه وفجأة السير بتاع الاكورديون انقطع طوالى ساطور
خته الاكورديون بتاع عصفور وشال حقه الكان خاتيه جنبه واستمره يعزف .
لما خلص الفاصل عصفور بزعل شديد جاء وشال الاكورديون وبدا يصلح فيه استعدادا
للفقره الجايه وهو يطنطن وقال لى : هو ساطور دا تعبان كده ليه يعنى راح ياخد دبل عداد .
يا عمو ساطور ربنا يديك الانته عاوزه وبعدين ما تشيلش هم اسله كله زى بعضه وبس انته
تتلب من ربنا وتنتزر وهوالراح يقوم بكل الواجب .
تانى بجى بس اتذكر
------------------
| |
|
|
|
|
|
|
|
|
|
Re: ساطور يا روعه يافنان (Re: ترهاقا)
|
Quote: وجا دور صاحبنا ابو عضلات ولمه فى الاكورديون ( اسكاندالى) بتاع عصفور
وهاك يا نفخ كان بيجر القربه بتاعت الاكورديون للنهايه ويرجعه لما تطقطق
فى نفس الوقت عصفور واقف بجانب المسرح ولانه قريب منى قال لى : اسمع (بكسر الالف)
كلم ساطور قول لو براحه على البتاع دا هو اصلو الحاصل ايه يعنى .
|
الف رحمة على حبيبنا وصديقنا عصفور ، فهو كان السبب الاساسي فى علاقتى بالاكورديون
| |
|
|
|
|
|
|
|
|
|
Re: ساطور يا روعه يافنان (Re: سعد الطيب)
|
حبيبنا الموسيقار الكبير الجميل سعدالدين الطيب اهلا بالطله كيفك والاسرة الكريمه وداير اذكرك وساطور بموقف طريف ومضحك بسكن الحلة الجديدة مع المغيرب كنت قد سبقتكما انت وساطور في اخراج سريري من الغرفة للحوش والهمبريب ضارب وعملت نفسي نايم واذا بك وساطور تحملان سرير احدكما وانا محضر حيلة انو اقوم بحركة ودقشتم سريري ونطيت من سريري وقمت جاري صوف وانتو جارين وراي الفاتح قول بسم الله وقعدنا نضحك الليل كلو كانت لنا ايام اما عن دفرة عربية ساطور اعاني منها حتى الان وتسلم ياسعد ياطيب وواصل لك بصمة جميلة ومميزة في الاعمال التي تشارك فيها وزي ما قال ساطور متابعنك بشغف وشراهة وربنا يحفظ الجنيات وامهم
| |
|
|
|
|
|
|
|
|
|
Re: ساطور يا روعه يافنان (Re: الفاتح يسن)
|
الفاتح يس انت الاكثر روعة لانك زعفت ساطور زعيفة العيد و اتمنى ان تدوم التلميعة و لا تدى فرصة تانية عشان يتكدس العنكبوت بين احاسيسه الفنية و حنكون نحن الكسبانين عشان حنسمع المزيد من الدررالساطورية .... شكرا ليك كثير ..
| |
|
|
|
|
|
|
|
|
|
Re: ساطور يا روعه يافنان (Re: Manar Mahsoub)
|
| Quote: سلام الفاتح وكل الاحبه وياساطور عندى ليك صوره ونحن بدنفر فى البيجو بتاعتك المهببه بمليون دولار يلا ادفع سعد الطيب |
واخيرا وصل سعد إحساس
والله الشوق مطر لكن شايفنك فى التكنلوجيا كل يوم
وبعدين مالك داير تفضح عربيتى (صفيحة الجبنة) بس اوع الصورة تكون بالالوان
وعليك الله كان ما رسلتها لى
سلامى الكتير للعيال والمدام
| |
|
|
|
|
|
|
|
|
|
Re: ساطور يا روعه يافنان (Re: ترهاقا)
|
حبـــيبنا إسماعيل وراق
والله الشوق مطر لكن المعايش جبارة وزى ما بيقول صاحبى الفاتح (من بلاد النفط جينا لى بلد الشفط)
مع تحياتى للعائلة وجميع بورداب الرياض
| |
|
|
|
|
|
|
|
|
|
Re: ساطور يا روعه يافنان (Re: Manar Mahsoub)
|
تعرفت بالمبدع احمد ساطور هنا في معهد الدفاع للغات في مونتري ،
في ولاية كاليفورنيا،
وقد امتعنا مع الاستاذ الموصلي في حفلة رائعة.
شكرا استاذ الفاتح يس على هذا البوست.
المشاء
| |
|
|
|
|
|
|
|
|
|
Re: ساطور يا روعه يافنان (Re: Manar Mahsoub)
|
يا الله عليك يا ود يسن يا ابداع
الزول دا ختيييييييييير ابو صلعة دا
كان آخر عهدنا به قبل 11 شهرا
عندما عزف اعذب الحان وردي في حفل جمعية التراث والثقافة النوبية في الرياض..
اليوم نرفع راية استقلالنا
ويسطر التاريخ مولد شعبنا
موسيقى على انفراد بقوة متمكنة
جعلنا هذا العبقري ان ننصت للموسيقى
بحس متدفق وحنين للماضي لا ينضب
جميل هذا الساطوري النوبي الاصيل
بالله يا الفاتح بلغ تحياتي لهذا الهرم الموسيقي
وقوليهووووووووو احنا مشتاقين ليك
| |
|
|
|
|
|
|
| |
الفاتح يسن
شهاب الفاتح عثمان
غادة عبدالعزيز خالد
الطيب بشير
ابو جهينة
A.Razek Althalib
Azhari Nurelhuda
هجو الأقرع
سلمى الشيخ سلامة
نهال الطيب
yasiko
sumah
حاتم هاشم
Elmosley
ترهاقا
abdalla elshaikh
بدرالدين شنا
sari_alail
صلاح محمد صالح عثمان
عزيز
Tumadir
Gamal Abayazid
إسماعيل وراق
osama elkhawad
محمد زمراوي عبدالعزيز
فيس بوك
تويتر
انستقرام
يوتيوب
بنتيريست